احمد
ملك
جائت الى الدنيا فى 23/9/2006جاء معها الحب والجمال والحنان .. طفله بريئه جميله تاخذ القلب - ملك حفيدتى من بنتى الدكتوره الهام- ذكرتنى بايام طفولة امها - الشقاوه ومرح الاطفال وذكرياتى - ذكريات شبابى الجميله
احمد
- حفيدى من ابنى الدكتور اسامه جاء الى الدنيا فى 15/8/2008 كان يوم جمعه وجاء الى الدنيا وخطيب الجمعه على المنبر - بارك الله فيه فقد كان يوم النصف من شعبان - اتمنى ان يصبح شيخا للاسلام
ملك تركتنى وذهبت الى السعوديه وحضرت العام الماضى لمدة شهر ونصف - اخذت قلبى معها ثم لم تبقيه لى ثانيه ولو فى ظرف جواب العلاقه بينى وبينها على النت أراها فينخلع قلبى تبرطم بكلمات غير مفهومه فابش واتهلل - اعد لها الايام حتى تاتى ثانيه .. ان شاء الله فى 20/11/2008 - تركتنى وهى تحبو - الان ما شاء الله اراها فى النت
تجرى فى شقتها بشعرها المنكوش وجسمها العارى الا من البامبرز
ملك حفيدتى من بنتى واحمد حفيدى من ابنى جاؤونى لتبتسم الدنيا لى ولجدتهما - عدنا ثانيه ننعى هم اطفال من جديد - ايام التطعيم - تعقيم البزازه - شراء اللبن اللى موش موجود فى الاجزخانات - البامبرز - التخطيط لهما ولمستقبلهما - اصبحنا ننعى اشياء كثيره كنا انتهينا منها - مرايل المدرسه - المدرسه نفسها - الحضانات
احمد حفيدى رغم رخامته - دائم البكاء - يجبرنى على الوقوف احمله على كتفى- كانه يقول ( اذا اردتم لى ان اسكت عن العياط فقفوا بى هكذا والا فلا - الغريب انى اقف بالساعات حامله على كتفى ولا اتبرم او اشكو اضعه على صدرى اكاد افعصه - انظر اليه - التهمه بعينى ولا اتعب من طبع قبلاتى على خده وجبينه وكله.. تماما كما كنت افعل مع ملك - ملك برضه رخمه وغلسه تحب الشارع - عايزانى انزل بيها الشارع على طول ( بنت صايعه ) وانا ركبى بتوجعنى لكن بالرغم من رخامتها انزل معاها الشارع حاملا لها - احبهم اكثر من امهم وابيهم - انهم احفادى - ايام حلوه فى انتظار مجيئهم لزيارتى .. انتظر رخامتهم - احمد اليوم تقلان على مش راضى ييجى بحجة ان امه الدكتوره أيات بتوضب فى البيت - هو كلمنى فى التليفون .. اول ماما ما تخلص يا جدى ح أخد تاكسى وأجى لك على طول .. انا قلت له هات معاك البزازه والبامبرز وتعالى من غير ماما مع انى عندى له لبن وعندى بزازه احتياط حاططها فى البيت لو نسى مره بزازته انا فى انتظاره - امه وابوه صايمين النهارده بيكملوا الايام البيض .. انا فاطر النهارده لكن ما كلتش حاجه ومستنى احمد وابوه يفطروا معايا النهارده .
محمود ابنى الصغير عم احمد وخال ملك هو ولد روش وصايع ومالى على الدنيا وطول ما احمد وملك بعيدين عنى - وهو مالى على البيت - وهو طالب فى السنه الثانيه بكليه الحقوق .. بس دا ما يمنعش من انه روش وصايع
عقبال عند الجميع
هناك ٦ تعليقات:
بسم الله ماشاء الله
ربنا يبارك فيهم
ويكونوا فخر ليك إن شاء الله
حافظ عليهم يا والدي
حطهم في عنيك
خليهم يمسكوا من صغرهم ورقة وقلم
وقولهم قولوا جواكم إيه
خليهم يقروا ويعرفوا
ويشوفوا ويتعلموا
وكفاية إن يبقى ليهم جد زيك كده
ده لوحده فخر ليهم
ربنا يبارك فيهم
عاوز منك حاجة
تدعيلي ربنا يشفيني
وأتجوز
وأجيب ولد ذكي
وأسميه أحمد
عشان أشيله في حضني
وأديله اللي أنا ملقيتهوش في صغري
وسلام يا والدي
بارك الله في أحفادك،وجعلهم من النافعين الصالحين لا من النفعيين الطالحين .صدق القائلون:(ما أعز من الولد إلا ولد الولد)
وإني لأتوسم في حفيدك أحمد أن يكون فشكولا عظيما يقتدي به أهل المشرق والمغرب، يجعل من الفشكلة مذهبا عظيما يدين به عقلاء الأرض قاطبة، يقاومون به الفساد ويستأصلون شأفته بلا مداهنة أو مراوغة ، فهو شبهك تماما فهذا الشبل من ذاك الأسد.وإني لأتوسم ذلك أيضا في الملك الجميل ملك، وإن كنت أشعر أنها عكروته وفعالة. شكرًا على ما أمتعتنا به من ذكرياتك الطازجة التي أخرجتنا بها من أجواء النكد و النقد وفش الغل . وشكرا لك على تلقيبك إياي بملك الكحيانين -وإن الملك رداء لا يليق بعبد كحيان مثلي- وأما عن تقاعسي بعض الشيء في التدوين فسببه انشغالي وسفري فقد عدت منذ ساعة من الإسكندرية- معشوقتي الجديدة- أسأل الله أن يعيننا وإياكم على ما فيه الخير
ما شاء الله لا قوة إلا بالله ، بارك الله لك في ملك و أحمد ، و جعلهما من الصالحين ، و جعلهما قرة عين لكم ، و نفع بهم الإسلام و المسلمين .
ربنا كمان يبارك لك في محمود و يفرحك بيه هو كمان :)
عمي الحبيب فشكول إيه الجمال ده ياعمنا ربنا يزيد ويبارك ويديك طولة العمر وتشوفهم أحسن الناس يارب عارف ياعم فشكول الأولاد دول حسنة الدنيا والأحفاد هم الزيادة وإنت سكر زيادة ربنا يزيدك حب للحياة يا بطل ويخليك لينا يا عم المدونين كلهم
منتظر منك تكتب في الموضوع اللي وعدتني تكتب فيه
كل التحيةوالحب.
ماهر الشيال
بسم الله ماشاء الله ...ربنا يبارك ويحرص الجميع ربنا تقبل.
حيرتني اقول عمي ..ولا اخويا ..ولا ايه بس..احلي حاجه البساطه ..واغلي حاجه الأخوه ...اخي الحبيب ...عند الحديث عن الأباء و الأبناء والأحفاد ذكريات و احلام وامال واماني ...ماضي وحاضر ومستقبل .
لكن هل تصلح الفشكله مع هؤلاء؟
طبعا حضرتك تتسائل ايضا ما لهذا الدخيل ؟
تقريبا قرأت كل ما كتبت وكلما دخلت مكان ووجدت تعليق لفشكول اقرأه اكثر من مره لاني بالفعل اجد فيه صحه كلام الكحيان ..بان كلامك عميق وثمين .وبمناسبه الكحيان ياريت تعرفني وتشرفني به رغم انه اسبغ علي من كرمه الكثير..لن اثقل عليك اكثر من ذلك..اتركك في عنايه الله ورعايته.
رئي....لابقي تلميذ في مدرستك.
إرسال تعليق