بناء على تعليقات الزملاء المدونين وتشجيعهم لى ( تشجيعه امال .. تسقيفه امال ) وخاصه الاساتذه رئيس التحرير - الكحيان - مواطن مصرى نايم - مفكر - احمد بدر - احوال الهوى ( كنت قال بقول قبل كدا سبعه ولا الهوى ) احمد نبيل ( مش كدا والا ايه احسن تطلع زى احوال الهوى) - بس خلاص - شمس النهار - اللى خلونى اطلع الكتبات واذاكر ولا اللى فى الثانويه العامه ورجعونى تانى للقراء واجيب كتاب القراءه الرشيده ونبدأ الان الكتابه عن مصر التاريخيه والشخصيات المؤثره فى التاريخ المصرى من العصر القديم وحتى اليوم ونبدأ
بسم الله الرحمن الرحيم
مصر التاريخيه
والشخصيات المؤثره فى التاريخ المصرى القديم وحتى عصرنا الحديث
الحلقه الاولى
يجدر بنا ان نبدأ هذه السلسله بالرجوع الى العصر القديم للدوله المصريه القديمه ونشأت الحضاره فى مصر من العصور السحيقه ’ والحضاره هى نظام اجتماعى يساعد البشريه على زيادة الانتاج الثقافى والخبراتى - وهى تتكون من الانتاج الاقتصادى والنظام السياسى والتقاليد .. وتبدأ الحضارة باستقرار المجتمع بعيدا عن الاضطراب والقلق
وللحضاره والمدنيه عوامل جيلوجيه لانها رحلة تتوسط عصور من الجليد وذوبان الثلوج وزلازل واستقرار حتى تستقر الارض فينشأ العامل الجغرافى وهطول المطر ووجود الحراره والنبات والمعادن فينشأ تبعا لذلك العوامل الاقتصاديه بتوافر موارد القوت فيهدأ الافراد ويستقروا فتزدهر الفنون وتنشأ الزراعة التى هى اساس الحضارة وبدايتها وتولد الثقافه ويبدأ الابتكار والاختراع وتبدأ المدنيه ويتم التزاوج البيئى بين شتى هذه العناصر - ذلك التزاوج الذى ينتهى تدريجيا الى تكوين شعب متجانس وينشأ نظام سياسى مهما بلغ حد الضعف وتنشأ اللغة ولذلك يطرد سلوك الافراد بعض الشيئ وينتظم ويتخذ له حافزا وهدفا
فلقد بدأت البشريه بنظام غذائى ( اما وليمه واما مجاعه) فلم تكن البشريه تعرف شيئا عن التوفير أو الاختزان ولا يعرفون الا ما يأتى لهم لحظتها بمقابل - وانما بدأ الانسان يقلد بعض الحيوانات والحشرات والطيور كالنمل والنحل والسنجاب والكلاب - كل هذا كان بداية منشأ الحضاره والمدنيه ’ فابتكروا واخترعوا الوسائل والألات والحيل التى يستخدمونها فى الصيد وفى شتى مناحى الحياة والمدنيه ليست شيئا مجبولا فى فطرة الانسان ولا هى غير قابله للفناء وانما لابد ان يكتسبها كل جيل من سابقيه وتورث للاحقيه - فمثلا اذا حدث اضطراب خطير فى تلك العوامل السابقه أو فى عامل منها أو فى احدى طرائق انتقال هذه العوامل من جيل الى لاحقه فقد يكون ذلك عاملا على فنائها
وتلعب التقاليد والاخلاق دورا مؤثرا وحارسا للحضارات وفى مدنيه الشعوب لانها تكون عاملا على استقراره ومن ثم تطوره
(والتقاليد هى الانتخاب الطبيعى لألوان السلوك التى تثبت صلاحيتها فى خبرة المجتمع (وول ديورانت
(والاخلاق هى مجموعة اهواء المجتمع (اناتولى فرانس
اصل الجنس المصرى
اتفق معظم المؤرخين على اصل المصريين القدماء وقد بدا الاتفاق واضحا بين (سليم حسن - صاحب مصر القديمه - ص 140 وما بعدها - وبين المؤرخ وول ديورانت - صاحب تاريخ الحضاره ) تلخيص من قراءاتى القديمه لا أذكر رقم الصفحه اتفقوا على الرأى القائل بانهم من اصل نوبى وحبشى ولوبيين من جهة ومهاجرين ساميين وأرمن من جهة اخرى وقد امتزجت هذه السلالات امتزاج بطيئ نسبيا حتى نشأ من امتزاجها سلاله هجينيه تكون منها شعب مصر الفرعونى فيما بين 3000 و4000 سنه قبل الميلاد
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الى هنا ذكرنا البدايات القديمه للحضاره المصريه القديمه وان شاء الله نكمل فى الحلقه القادمه وحتى نلتقى اسمحوا لى بالرجوع الى الفشكول
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اضف الى معلوماتك
اسم امرأة العزيز
راعيل بنت رماييل ابن اسحق
زليخا والظاهى انها لقبها ابن كثير
اسم العزيز
اطفير بن روحيب ابن كثير
مالك بن زعير بن نويب بن مديان ..... بن ابراهيم
محمد بن اسحق عن محمد بن السائبه عن ابى صالح عن ابن عباس
هناك ٣٣ تعليقًا:
مرحى مرحى لك ياعم فشكول ، أخيرا بدأت
أنت قلت إنهم اتفقوا على أن المصريين الفراعنة من أصل نوبى وحبشى ولوبيين ، وهل هذا له صلة بنظرية خلق الإنسان التي وردت في بعض كتب التاريخ العربية القديمة التي تقول إن الله عندما خلق الإنسان قبض قبضة من تراب الأرض وتراب الأرض كان له ألوان شتى ومن هنا ظهر في البشر الأبيض والأسود والأحمر والأصفر. فلو صح الكلام ده يبقى أكيد حكامنا من سلالة اللوبيين - حلوة اللوبيين ديه لعلها نسبة إلى اللوبيا-
بس ياعم فشكول حكاية تقليد الإنسان للحشرات والصراصير والكلاب والقرود ألم يشكك فيها أحد من الرواة والمؤرخين؟ لأن هذا الكلام خطير يؤدي إلى القول بأن الإنسان تعلم الحضارة من الكلاب والحشرات،ولو كان الأمر كذلك فلم خالف الإنسان الطبيعة المتحضرة لهذه الحيوانات الكريمة ، فاتصف بالغدر بدلا من الوفاء والعجلة بدلا من التريث والصبر، ....؟ مع تحياتي
السلام عليكم:::
شكراً لك على مجهودك وجزاكم الله خيراً..
ممكن اعمل تلخيص صغير للموضوع:::
عوامل الحضارة:::
1-إستقرار مجموعة من الناس في الزمان والمكان بينهم تعاون مشترك
2-من الضرورات والمشاكل الحياتية تأتي النظم والمخترعات
3-التقاليد والأخلاق على اختلاف تعاريفهم يهدفون إلى تنظيم العلاقات والمعاملات بين الافراد
شكرا مرة أخرى لحضرتك..واتمنى تتابع المشروع...
استاذى العزيز فشكووول
*********************
كنت قد قرات ان اصل المصرين
يرجع الى سلاله شمال شرق افريقيا وهؤلاء يمثلهم تمثال رمسيس ثم بعد ذلك جاءت السلاله الجيزاويه وهى سلاله البحر المتوسط وتتميز بالقصر واكتنازاللحم والوجه القصير وهم معظم الشعب المصرى ويمثلهم الكاتب الجالس على القرفصاء
معلومات ممتازه تحياتى
ياعم فشكول والله أنا معجب بكلامك جدا، وأستفيد منك معلومات لم أكن أعرفها من قبل، وأنا فقط أنكشك، فإنما أنت المتن ونحن الحاشية والهامش ...دمت بعافية.
عمنا وشايل همنا الفشكول العظيم :
عندي معلومه تقول ان احد ابناء سيدنا نوح انجب (مصر بن سام بن نوح وقد انجب مصر هذا قبط
وهكذا الي يومنا هذا
ويشار الي الاقباط علي انهم المصريين اولاد قبط بن مصر بن ....بن سيدنا نوح
والله تعالي اعلي و أعلم ..
اله يعطيك العافيه في انتظار المزيد
بس بسرعه..
والله فكرة في منتهي الجمال
علشان نعرف أجداداً تعريف محايد مش زي ما بيتقال عليهم دلوقتي
*****************
بعد الكلام الي انت قولته ده يبقي احنا كنا بندرس في المدرسة غلط ، لأني إلي أعرفه أن الفراعنه كانوا قبائل في شمال افريقيا وفي اراء انية بتقول انهم من الحبشه
تقبل مروري استاذي العزيز
مجنووون
ايه دى هو انا دخلت كتاب تاريخ ولا ايه هههه
ازى حضرتك
مرسى على زيارة مدونتى بجد اسعدتنى زيارة حضرتك جدا:)
هيا النقطة بس اللى خلتنى اتنح شوية هو الانسان استمد حضارته(حتى لو بشكل مبدىء من الحيوانات زى الكلاب والحاجات دى)؟؟
ولا انا فهمت غلط
وكمان اصل المصريين دى فيها كلام كتير وحاجات مختلفة اوى
بجد البوست مفيد اوى
ربنا يكرم حضرتك
تحياتى:)
وعليكم السلاااااااااام
شكر ا على معلوماتك
تسلم ايدك يا خالو على الافاده دى
ماما بتقولك هات طنط وحوده وتعالوا قضوا معانا يومين لحسن انا عندى مشروع مطلع عينى تعالى ساعدنى فيه وادينى افكارك
منتظرينك ولازم تيجى لازم لازم حتى لو الجماعه مش فاضيين تعالى لوحدك حتى
اشكرك يا عمو فشكول علي المعلومات الثرية وانك عرفتنا اصلنا .. ومن فيت قديمة تاه واتمرمط في الحياة وعلي الاصل دور
بقي طلعنا نوبيين ولوبيين وحبشيين وارمن وشوية ساميين وصلحه .. دده ايه طبق الكشري العجيب ده
بس انا كل اللي مستغرباله ص 140 وما بعده ههههههههه
فكرتني بايام المدرسة كنت لما بحل الواجب اكتب كل الاجابات انظر الكتاب صــ :D
طبعا مجهود تشكر عليه جدا
وعشان ماحدش يختلف معاك وكأنك جايب الكلام ده من عندك
اكتب المراجع اللي جبت منها الكلام ده
معلش
عشان هيجي واحد يقولك مش عرف ايه وكأنك مؤلف لقصه خياليه
مش حقائق علميه
يعني عايزين نقرا من غير وجع دماغ
شكرا انك بتريحنا وبتختصر لنا وقت طويل كنا هنقضيه ندور علي الكلام الجميل ده
بس ارجع واكرر المراجع
عشان اللي عنده سؤال يرجع للمراجع
ولوسمحتلي عايزه اشكر اخونا
(مفكر*
علي تعليقه الجميل
والله حضرتك انا مش معترضه علي حاجه خالص
انا بس مش عايزه ندخل في مناقشات جانبيه
ومين قال ايه ومين ماقلش
ومش معقول اصلا حضرتك هتخترع كلام
بس هتشوف اختلافات
واصلا حضرتك مشكور وجهدك واضح
شكرا
تم ارسال كود البنر بالميل
اضف الى معلوماتك
اسم امرأة العزيز
راعيل بنت رماييل ابن اسحق
زليخا والظاهى انها لقبها ابن كثير
اسم العزيز
اطفير بن روحيب ابن كثير
مالك بن زعير بن نويب بن مديان ..... بن ابراهيم
طيب ممكن بقى تقولنا فعلا رمسيس الثانى هو إلى كان موجود فى ايام سيدنا موسى ولا لا؟
حقيقى مدونة رائعة
سأتابعها بإذن الله
أنا جيت أهو
السلام عليكم
ده انت موسوعة ما شاء الله
ومازال عندك المقدرة انك تذاكر و تلخص المراجع دي
يا عم انا مش قدك ده انا ما صدقت خلصت دراستي
المدونة جميلة و غنية بالمعلومات
تقبل تحياتي
ههييهههيييهههي..هئ..هيئ هئ.
ششششوففففت ففففررررككككششششااااوووييي بيييققققوووللل اااايييههه
معلههههش وووالنننبييي اصصصليييي مممرعععوببب فيييه ححححد بيييراقققبنا بلاش السيره دي والننننبييي
سسسلللام انا ممممالللييش دعوووه يييا عم
ادي الناس الي عايزه تعيش وبتعيش رغم انف اي حد يعجبك.
عمنا و مفشكلنا
ارجو البحث في مسألة علاقة الحضارة بتطوير الالات لان الحاجة هي ام الاختراع
و لا ننكر محاكاة الانسان للطبيعة و المخلوقات المختلفة وهذه عبقرية في حد ذاتها
عند زيارة المتحف المصر انظر لملامح التماثيل انها نفس ملامح نساء الصعايدة في اسوان و النوبه لان هؤلاء اصل المصريين و ليس شمال القطر المهجن و الخليط
و يقيني ان مراجعك من الثقات و لو تمن علينا باسماءها حتي تكون عونا لنا جميعا
تحياتي
شكرا علي مجهودك
تحياتي
و جهة نظر الرد في البيت لا بد ان تحترم
وتدل علي الكرم وعزة النفس
و اعتقدان الاوقع ان يكون الرد في نفس مكان التعليق حتي تعم الفائدة فمن جهتي استفيد باراء الاخرين و رد صاحب المقام
و شكرا علي المراجع
تحياتي
الذي حدث في امريكا وفي غيرها من الدول الديمقراطية لم يات من فراغ وانما هو نتاج نضال الشعوب قرونا من الزمن لكننا في مصر نستطيع ان نفسد اعرق الديمقراطيات بسلبيتنا...لقد كان لدي ملكة بريطانيا اليزبث الاولي وصيفه وكانت الملكة الحاليه اليزبث الثانية تكرهها ولما اصبحت هي الملكه طلبت من الوصيفه ان تختار لها غرفة غير الغرفه غير الغرفة التي بجوار غرفة الملكه ولكن الوصيفه رفضت وتمسكت بحقها ولجأت الي محكمة البلاط الملكي التي اصدرت حكما ببقاء الوصيفه في غرفتها ..هل تعتقد ان هذه الديمقراطيه جاءت من فراخ انه نضال بدأ منذ اسوأ عصور الملكية في بريطانيا حتي هذا المشهد.
ياعمي انا ارسلت لك كود البنر علي ميلك ومش شايفه علي المدونه
بقول ايه يا ريت حضرتك تور المدونة دى
صاحبها انسان يكتب فى التحليل الجغرافى والاقتصادى
من الممكن تبادل الخيرات
http://alostaz1.blogspot.com/
ان شاء الله واعتبارا من البوست القادم سوف ارد على تعليقات الزماء المدونين عندى عشان تعم الفائده طبقا لنصيحة المهندس الحسينى لزومى ولكن هذا لن يمنع انى اروح ازور كل الزملاء اللى نورونى وارد عليهم فى بيتهم . بس مش عارف استعمل كود البنر اللى ارسله لى المهندس الحسينى ازاى .. وعلى العموم سأحاول فيه.
السلام عليكم
ازيك يا عم فشكول .. دمت بخير و بصحة وسعادة يارب
بخصوص قصة اوباما وماكين انا واثقة يا عم فشكول ان الحداية مش هتحدف كتاكيت
وان الامريكان مش هينتخبوا واحد يحابي العرب المسلمين لا سمح الله ولا يعادي حبيبة قلبهم اسرائيل
انا عارفة انه زيهم عقيدة وفكر وتكوين وكل حاجة
بس العجيب ان الامريكان دول عنصريين وبقالهم قرون بيحاربوا الزنوج وماكنوش مدينهم حق التصويت اصلا شوف الدنيا اتغيرت وبقوا يصوتوا لا وكمان بقوا يرشحوا نفسهم لا وكمان بقوا يفوزوا في انتخابات والراجل ابوه مسلم اصلا وهم عنصريين وكارهيين المسلمين الارهابيين الوحشين
رغم كل ده انتخبوه يبقي بصراحة دول بني ادمين ولهم رأي وحرية وفكرهم تخلي عن عنصريته
و 130 مليون واحد شارك في الانتخابات
تعاال شوف الهنا بتاعنا
كم عدد اللي بيشاركوا في الانتخابات ؟
هل صوتنا ده بيوصل فعلا ولا هي عملية الانتخابات ديه تمثيلية مش اكتر والنتائج معروفة مسبقا 99.9 لصالح البركة بتاعتنا ؟
هل في امل انت تغيير البركة ؟! ولا احنا اتدبسنا في العائلة المباركة ديه ؟!
بجد التغيير حلو اوي واللي احنا فيه ده وحش اوي
وبعدين انا اصحابي اللي في امريكا فرحانين اوي باوباما ربنا يسعدهم بيه ويشغله عننا ويبطلوا تدخل في سياستنا الداخلية واهو اول تصريحاته انه هينسحب من العراق علي عكس الجمهوريين اللي كانوا ناويين يستمروا
والله انا شايفة الوضع كويس الا ان يثبت عكس ذلك بس المهم الراجل يستمر مش يغتالوه زي اسحاق رابين
تحياتي وتقديري
شكرا يا سوسه يا بنتى وربنا يهدى المبروكين بتوعنا كلهم .. مش شايفه ان كلهم مش قادرين يمشوا على رجيهم ولولا الملامه كانوا مسكوا عكاز عشان يسندهم .. كلهم عايزين عكاز كلهم تجاوز ال75 سنه انا لسه يا دوب اقل من ستين بحوالى 4 سنين وزعلان ان انا مش صغير اقل من كدا عشان اتبتدى المشوار وابقى اوباما الشرق .. بس يا خساره .. الموضوع دا عايز كفاح سنين ولا 100 سنه على العموم ايمن نور ابتدأ وربنا يسهل بعد 17جيل كدا يحقق الامل
ايمن نور اللي اتسجن وطلعوه نصاب ومزور؟!
ومراته وقفوها عن العمل ؟
وادي اخرة اللي مابيسمعش كلام بابا فاندام ؟ ومابيشربش اللبن قبل ما ينام ؟!
شكرا بابا فاندام استوعبنا الدرس تمام .
قال تغيير قال !!
ههههههههه
عم فشكول حلوة اللعبة ديه :D
شكرا بجد علي اطرائك .. انا مش دمي خفيف اوي ولا حاجة بالعكس انا فى الواقع جادة جدا بس الضغط ع الدماغ بيعمل تهييس وبيفكك الصواميل
ومذكرات الطفولة والدراسة ديه انا كنت عاملالها مدونة مخصوصة بس قفلتها لانها رغم انها كانت فكاهية وظريفة الا انها كانت صادقة وحصلت بالفعل علشان كدا قفلتها :)
ومدونة الكحيان هي واقع اعيشه فقدام كل موقف بيحكيه انا بيبقي عندي موقف زيه او مشابه له
ماذا حدث ياعم فشكوول أنتو فتحتوها شات ،والله القعدة هتحلو، يبدو أن سوسة استقالت من عملها أو أخذت إجازة عارضة، ومدونتك القديمة ياسوسة كان اسمها إيه ياترى ؟
المدونة ماشاء الله جامدة اوى
تحياتى
استاذ فشكووول انا شفت تعليق حضرتك فى مدونه رابطه مدونى المنوفيه انا ايضا من المنوفيه ومسئول عن الرابطه
للتواصل ممكن حضرتك تسيب رقم تلفسونك فى تعليق على مدونتى او مدونه الرابطة
تمام
اه على فكره لو حضرتك مش عايز تظهر التليفون انا رقم موبايلى موجود على اليمين فى مدونتى وانا حكتبه دلوقتى لحضرتك
0125585949
عشان عايزين ناخذ راي حضرتك فى شويه حاجات كده
بخصوص وضع البنر اتبع الاتي
1- ادخل علي المدونه كما كنت ستحرر رساله
2- اختار التخطيط
3-اختار اضافة اداءة
4- اختار html/java script
5-ضع الكود في هذه الاداء عن طريق كوبي وبست
6- اضغط علي حفظ
سوف يظهر البنر في العمود الايمن اللي انت حاطط فيه بنر متحرك
انا مستعد لاي استفسار
السلام عليكم
الله ينور ياعم فشكول .. وكمان كتابتك للتاريخ ده فتحت باب جميل جدا للمناقشات التاريخية ودى هتزود معلوماتنا اكتر واكتر لانى من عشاق التاريخ واول مشجعة لهذا الموضوع
مستنيين ابداعاتك ياعم الكل
ويعنى انا جدتى كان اسمها راعيل بنت رماييل وكانوا بيدلعوها بزليخا تصور اول مرة اعرف الحكايه دى كانوا مخبيين عليا لاحسن ازعل ولا ايه
إرسال تعليق