الجمعة، ٢٠ مارس ٢٠٠٩

فشكله فى الامازيغيه



لى واحد صاحبى مغربى اتعرفت بيه عن طريق النت اسمه اسافو انوروزو وهو ولد جميل ومتفتح وبيحب المصريين وبيتكلم مصرى احسن منى ومنكم كلكم وكل ما اكلمه واقول له يا مغربى يقول لى انا امازيغى مغربى قومى عربى مسلم ... اقول له يا اسافو ايه القوميات دى كلها كفايه انك عربى وخلاص يقول لى لأ انا فى الاصل امازيغى وبلدى المغرب وانا مسلم وعربى ... قلت فى نفسى يا واد يا فشكول ايه يعنى كلمة امازيغى دى وسألت اسافو عن حكاية الامازيغ دى والراجل ما كدبش خبر ودلنى على موقع على النت اعرف منه ايه حكاية الامازيغ دى ولقيته منزل بوست بيتكلم عن الامازيغ وبيشرح فيها يعنى ايه امازيغ ولما رحت النت عن موقع تاريخ الامازيغ والبربر لقيت الكلام اللى حاقول لكم عليه ده وجبت القواميس وابتديت اقرأ عن الموضوع وكان الآتى:


الاسم الشائع للامازيغ عندنا واللى احنا نعرفهم بيه هو البربر فقلت لاسافو يعنى البربر قال لى لأ قلت لازم اعتمد على نفسى ولقي ان فعلا اسم البربر دا مش حقيقى وبعدين بحثت من اين جائت كلمة البربر لقيت ان التسميه دى جات مع الفينيقين والاغريق لانهم كانوا يعتبرون ان من لا يتكلم اللغه الاغريقيه يبقى (بربرى) هذا فى اعتقادهم والاصل فى الاغريقيه (برباروس) ويعتبرونهم متوحشين او همجيين.


الرومان بقى استعاروا مصطلح (البربر) واطلقوه على كل الاجانب ومنهم الامازيغ والاوربيين الخارجين عن سيادة الرومان وشاع الاسم ده (البربر) على السنة الناس ولكن معظم الباحثين لا يوافقوا على هذه التسميه ويطلقون الاسم الصحيح على كل سلاله حسب تصنيفها جينيا.


وكلمة امازيغ كلمه مفرده والجمع (امازيجين) والمؤنث تمازغيت وجمع المؤنث تمازجيين . ومعنى هذا اللفظ فى اللغه الامازيغيه - الانسان الحر - او النبيل - او ابن البلد - او صاحب الارض.


اصل الامازيغ


فى قول انهم من نسل مازوغ بن كنعان بن حام بن نوح - وهم اخوة المصريين وهم عرق ينحدر من السلاله الحاميه ومن فروعها الشرقيه التى ينتسب اليها الامازيغ والمصريين - ويعنى احنا عندنا امازيغ.


طب الامازيغ دول بقى فين


بالبحث فى النت فى موسوعة ويكبيديا لقيت ان الامازيغ دول موجودين فى الصحراء الغربيه فى مصر واحة سيوه والفرافره وكمان فى جنوب ليبيا فى الكفره والجرف والقطرون ومدروسه والدهناء وفى تونس فى بيار زاز وتبارت وفى الجزائر فى والين وبيضون وتماراست والغالب بقى منهم فى المغرب وينتشرون فى كل اجزائها وفىموريتانيا وجزر الكنارى ومنهم فى شمال نيجيريا والنيجر ومالى ومنهم قبائل الطوارق المشهوره تاريخيا .


قديما كان منهم القديس اوجستين وترتليان وابولوس ومنهم كمان طارق بن زياد اللى فتح الاندلس والمخترع عباس بن فرناس.


للامازيغ لغه خاصه بهم ويتحدث بها نصف المغاربه وثلث الجزائريين وخمس الليبيين .


ومن الشخصيات التاريخيه فى التاريخ الرومانى والذين تعود اصولهم التاريخيه للامازيغ سبتيموس وسيفاريوس وكاركلا وماكرينوس.


وعن الامازيغ تاريخ كبير وحافل ولذلك ادعوكم ومن من يطلب المعرفه عن هذا الموضوع زيارى مدونة المغربى اسافوا انوروزا وهذا عنوان مدونته .




وكمان تلاقى مدونته موجوده فى الفافوريت عندى للى عايز يروح له



دمتم بكل الخير

هناك ٨٢ تعليقًا:

عمرو جويلى يقول...

حجزت فى المكيف

عمرو جويلى يقول...

مؤرخنا العظيم وأستاذنا الكريم
بارك الله فيك وعمر العين ما تعلا على الحاجب وبارك الله فيك
وأول مرة أعرف هذه المعلومات عن البربر وأصلهم وفصلهم
دمت لنا مؤرخاً

dodda يقول...

الله الله
دايما فى جديد

ومش اى حاجه دا جديد ودسم
معلومات لطيفه جدا ومفيده

تشكرات
افندم

صفــــاء يقول...

الرومان وبعد تأسيس الامبراطوريه وبناء العاصمه روما شافو ان كل ما يختلف عنهم وعن الحضارة الاغريقيه القديمه هو باربارين او همجى بربرى ودى كانت حجتهم فى مهاجمه الفينيقين وحروب الامبرواطوريه ضد حنبعل نفس الامر او لفظ البرابرة كانو بيطلقوة على قبائل الجرمان واهالى بلاد الغال (فرنسا)والهون والحروب التى خاضوها ضد ملكهم أتيلا واللى قدر يجمع القبائل دى تحت امرته...
بس يا عمنا ولـ اسافو برضه ليس كل تلك المنطقه التى وصفها هى مقر للأمازيج
فهناك قبائل الطوارق الرحل والتبو
وهم ليسو بأمازيج أو بربر وبينتشرو برضه فى نفس الاماكان اللى قالها ولهم برضه حضارات غامضه خاصه بيهم دة غير معرفتهم المذهله بالتضاريس وخصوصا بهضاب تاسيلى المنتشرة على الحدود الجزائريه والتونسيه وصحارى تشاد والنيجر
دائما تكتب موضوعات تجعلنا نفكر ونتدبر ونراجع معلوماتنا
شكرا يا أستاذنا
.

غير معرف يقول...

ايه ده يا حبيبي د انت فشكلت اكثر مني وعرفت تعبر عن الموضوع يا عم اكثر مني
ده انت استاذ و استاذ الكل كمان
ما فيش حاجة اقولها غير اني اشكرك
مودتي

منــار فايد يقول...

انا مش فاهمه حاجه؟؟

mahasen saber يقول...

حضرتك اليى دمت بكل الود والخير

وجزاك الله كل خير على المعلومات القيمه دى

بصراحه اول مره اعرفهم عن قرب كده بجد شئ رائع انك وضحتلنا ده يا عمنا الغالى

rovy يقول...

السلام عليكم

ازيك يا استاذ فشكول ؟

يارب دايما بخير ..

دايما معلومات حضرتك جديده و مفيده

اشكرك با استاذنا و دمت بكل الخير

تقديرى و تحياتى

صفــــاء يقول...

عمى الغالى
أمال ابقى بنتك المناكفه ازاى طيب ؟
فيه مناكفه ومشاكله قرديحى كدة ؟
وبعدين زيادة بقى فى المناكفه
أسافو صديق من شهور
ههههه ويمكن هو دخل عندك من عندى انا فى الاول
لكن تعليقى عليه كان مقتضب جدا نظرا لكراهيتى لله فى لله لـ مكتوب وكراهيته هو كمان ليا حتى تعليقاتى مش بعرف بيوديها فين لما بزور اسافو
مع انى والله طلبت منه اكتر من مرة انه ينقل مدونته على البلوج اسبوت او حتى ينشئ واحدة خاصه بيه
سلامى ومودتى

طـائر الليــل الحـزين يقول...

عم فشكول
هو حضرتك مخصمنى والا ايه
شايفاك مش بتزرونى خالص
عموما انا حبيت امسى عليك
وبالنسبة للبوست مليانة معلومات فى منتهى الاهمية
تحيااااااااااتى

د. ياسر عمر عبد الفتاح يقول...

أول مرة أسمع عن الناس دى
وكمان أول مرة أعرف أصل إسم البربر
معلومات مفيدة وقيمة
تسلم يا عمنا

dr_samarmar يقول...

أول مرة أسمع عنهم :)

مع ان فى منهم عندنا :D

بس حضرتك كان عندك حق.. المهم اننا عرب بقا و خلاص :D

رؤية يقول...

امممم
امازيغ
امممممم
تمازيغ
امممممممم

شكرا استاذ فشكول
عمرى ماسمعت عن الكلام دا

^_^

تحياتى لك

غير معرف يقول...

بجد يا أستاذ فشكول مش عارف اشكر حضرتك ازاي

معلومات قيمة جدا جدا جدا

ربنا يبارك فيك يا رب

البوست ماليان معلومات جميلة جدا وأول مرة اعرفها وأسلوبك شوقني اعرف المزيد

aidy يقول...

أول مرة اعرف المعلومات دى

مع انى قسم تاريخ

بس بجد موضوع جميل وعجبنى اوى

تحياتى ..,,

Tamer Nabil Moussa يقول...

السلام عليكم

بجد معلومات قيمة

تسلم عليها

تحياتى

بس خلاص ... يقول...

دائما تأتى الينا بالجديد والمثير
الله عليك ياجبرتى المدونين

ريمان يقول...

جميل اوى بجد التوضيح الجميل ده


وكمان حلو اوى المعلومات القيمه دى

الف شكرررررررررررر


دايما بجد بتفيدنا

شمس النهار يقول...

شكرا علي المعلومات اللطيفه دي

Unknown يقول...

عمي العزيز...
الطيور الطيبه ...تطير وترجع بالطيب..
كثيرين منا لا يعرف شيئا عن هذا الموضوع جئت لنا بالجديد ...ربما يسعدك
عصفور...

ستيتة يقول...

استاذنا فشكول
موضوع جميل جدا زادك الله علما
وأنا الحقيقة سمعت عنهم لكن لم اتعمق في معرفتهم
احب اعرف العادات المختلفة للشعوب والنحل
شكرا جزيلا

غير معرف يقول...

الأخ والأستاذ الفاضل:صلاح( فشكوووول)
السلام عليكم ورحمة الله وبركاته
أليس من المحزن ألا نعرف شيئاً عن هؤلاء الأخوة رغم تواجدهم وقربهم منا....
أحييك على هذه التدوينة وهكذا يكون للتدوين هدفاً ومعنى.
بارك الله فيك وأعزك
أخوك
محمد

صبرني يارب يقول...

ايه ده

كل شويه تحسسنى انى عندي جهل متقع فى التاريخ مع انى كنت فاكره نفسي شغاله يعنى

اول مره اسمع عنهم يا استاذنا

يعنى جزيتم خيرا عنا فعلا

وجبت ايه لام اسامه فى عيد الام ؟؟؟






بانكش عليك انا
هههههههههههههههههههههه

عـــفـــراء يقول...

السلام عليكم
استاذنا المبجل
اتمنى ان تكون بكل الخير واتم الحال
وكل سنة وانت بالف خير
وعذرا عن تأخرى عنك
وعن تلك المعلومات المتميزة التى تسعى جاهدا فى ان تاتى بها لنا
وطبيعى كالعاده اول مرة اسمع واقرا واشوف وعلى ايدك استاذنا بنتعلم كل جديد
تحياتى ......

اقصوصه يقول...

اممممممممم

معلومات جدا قيمه وجميله

حاليا اقرى قصه لكاتب مغربي

اسمه الطاهر بجلون

اسمها هذه العتمه الباهره

لو تلك العتمه الباهره!

التراث المغربيس وايد يثير فضولي

تدوينه جلوه بابا فشكول :)

عاشقه وغلبانه يقول...

مابحبهمش يا استاذي

اغلبهم دماغهم واعتقداتهم فيها نمل
هههههههههههههههههههههههه

أمل حمدي يقول...

افادك الله اول مرة اسمع عن الامازيغية

الواحد مهما اتعلم لسه متعلمش سبحان الله

اشكرك على معلوماتك القيمة

وربنا يخليك يا فشكول يارب

dr.lecter يقول...

انا معرفتش عنهم الا حاجات بسيطه لما شفت مسلسل المرابطون في الاندلس اللي جاب تاريخهم وتاريخ الدعوه بتاعتهم وتاريخ يوسف بن تاشفين لغايه مادخلوا الاندلس وهزموا الاقشتاليين وحكموا االبلاد هناك

من غير عنـــوان يقول...

ما شاء الله
طول عمرك يا فشكول بتكتب معلومات جديد وعظيمه

الله ينور

أمنياتي

نفرتارى يقول...

بابايه العزيز ،،

وحشتنى جداً .. وعلى فكرة ان دخلت مدونته اكثر من مرة وعجبنى ما ينشر به وخصوصاً انه اخاً عربياً .. دائما ان متجدد بكتاباتك الرائعة ذو معلومات وفيرة .

تحياتى ،،


نفرتارى

حسام غانم يقول...

معلومات قيمة جدا يا فشكول

شكرا ليك وليه

kochia يقول...

والله دايما دايما بستفيد
بس ايه الجمع والمفرد والمؤنث والمذكر اللي مالهمش دعوة ببعض دول

كلمة غريبة طبعا بس اهي معلومة

تحياتي

وحي القلم يقول...

أستاذنا العظيم
وحشتني كتباتك جدا أصل أنا كنت منقطع عن التدوين اليومين دول
------------
الحقيقة كعادتك دايما تدوينات روعة وتأريخ متميز

hasona يقول...

السلام عليكم

حضرتك بتبذل جهد غير عادي

متعك الله بالصحة والعافية

وبروحك الجميلة التي ترسم لنا طريق نحو الامل

وربنا يزيد من أصدقائك

لينفتح لنا عالم من المعرفة

تحياتي

رابطة مدونون من أجل فلسطين يقول...

جـــــــربت مــــــــره تــعمل حاجه للاقـصي

لو ما جربتش جرب تشـــــــارك معــــــــــنا

يمكن نقدم حاجه تكــــــــون مفـــــيده تنفعــنا

ويمكــــن بيها في الجنه ربنا يجــــمـعنـــــــا

خليــــــــــــــــــك جـــرئ وشــاركنـــــــــــا

بامكناك ان تشارك في نهضه امــــــــــــــتنا

لا تقل لا استطيع المشاركه في بناء عزتـــنا

ان عــــــزتنا تكمن في تــحرير غفلــــــــتنا

ندعوك ان تشترك معنا للنهوض بدولتــــنا

لا تتردد فانها فرصتك في مساعده اخواتنا

حمله :بايدينا ندفع الخطر عن الاقصي
رابطه مدونون من أجل فلسطين

doctor mohamad يقول...

كنت اهتميت ف فترة م الفترات باللغة الأمازيغية و هذا لحبى لطريقة نطق أهل المغرب خصوصا حين يتحدثون الفصحى فاطلعت ع اللغة الأمازيغية .. غير أنى و للأسف لم أتعلم غير جملة واحدة .. "فكيغ أغروم إئتمغارت" .. أسافو .. اتفضل ترجم .. ده اختبار .. >إبتسامة< ..

Dr.Ahmed يقول...

بجد بوست رائع يا استاذ فشكول
لكن لي طلب بسيط عند الاستطاعة
اذا امكن.. محتاجين نعرف ولو جزء من التاريخ عن سير ابطالنا المسلمين العظماء من امثال الناصر صلاح الدين وسيف دين قطز ومحمدالفاتح فكثير منهم استطاع ان يُغير مجري التاريخ بفتوحاتهم وانتصاراتهم علي اعداء الاسلام
ولك مني خالص الشكر

غير معرف يقول...

السلام عليكم و رحمة الله و بركاته

اهلا بك بك عم فشكوووول دوت كوم :


لى الشرف بصداقه اخ من الجزائر و هو الذى قال لى بكل فخر انا (من البربر) و هو يعتز بالاسلام فوق اعتزازه باى شئ اخر


لكن مقالتكم حملت لى اخبار جديده


بارك الله فيك و رزقنا و اياكم الجنه

”*°•.˜”*°•..سونه..•°*”˜.•°*”˜ يقول...

السلام عليكم .
بجد والله معلومات جديدخ جداااااااا عليه الف الف شكر على هذه المعلومات القيمه بارك الله فيك بجد
بس معلش هروح اكمل قراءه بقى
مش هعرف اسيب ولا كلمه سلام
تحياتى ليك ((**سونه**)).

نفرتارى يقول...

كل سنة وام اسامة بخير وصحة جيدة .

تحياتى .. وسلامى ،،


نفرتارى

سفروتة يقول...

اول مرة ازور مدونة حضرتك
واقرأ الموضوع القيم ده
بجد تسلم كتيييييييييييييييييير علي المعلومات الجميلة دي
بعد اذن حضرتك انا هبات علي باب المدونة عشان استقي كل ما هو جديد
:)

علي فكرة صوابعي بتاكلني عشان ابحث في الموضوع اكتر واكتر لاني بحب التاريخ جداااااااااااااااااااااا

دمت بكل ود

أبو العريف يقول...

باشا
شكرا علي المعلومات الجامده
ولله كل ما اجي هنا بجد لازم استفيد معلومات جديده وقيمه
موسوعة فشكوووووول شكرررررا

Eslam Eldosoky يقول...

أضافة الي معلوماتك القيمه
.........
إن الدولة العباسية كانت من أشد المحاربين لهم
وذلك لأحتضانهم الدولة الفاطمية علي يد قبيلة كتامة
و قد أتخذت ضد سكان الواحات المصرية من المغاربة
أشد أنواع البطش والحروب
علي يد كل من الدولة الطولونية
ومن بعدها الاخشيدية
نواب العباسيين في أدارة بعض أجزاء الخلافة
نظراً لضعفها امام قوة بعض قادة الجيش

وكانت هذه الحروب خشية من سكان الواحات من المغاربة والامازيغ في أن يكونوا يد الفاطميين العابثه في مصر

تحياتي

Unknown يقول...

طب والله العظيم انت احلى عمو صلاح شفته فى حياتى.....
مثقف
واعى جدا
مبتسمحش لحد يلعب فى دماغك
كان نفسى ادرس تاريخ على فكرة بس لقيته ممل كدراسة وربنا بعتك بقى عشان اتعلم منك
فخورة انى اعرف حضرتك

*البت المشمشية *حلوة بس شقية * يقول...

انا جيت
وجايبه سندوتشات والحاجة السقعه
واللب
وقعدالك فى المدونة للصبح
ايه فافوريت دى
ايه الكلام ده
انتا جاسوس
ايوة
انتا بتشتغل فى النيل تى فى ولا ايه


بس ايه كمية المعلومات
اللى دخلت نفوخى دى
مفهمتش ولا كلمة
ههههههههههههه
وبعدين اى حد تتعرف عليه تكتب عنى بوست
انتا لازم تكتب عنى بوست
وعن انجازاتى فى تاريخ التدوين
يا اما
انتا عارف ان اممكن ا عمل ايه
ده انذار اخير
والبوست الجاى يكون عنى

غير معرف يقول...

متعك الله بالصحه والعافيه
إنك لمتمكن بسم الله مشاء الله
دائما متجدد متألق .
تحياتي

رحلتنا في الحياة يقول...

ايه ده انا جيت متاخرة مليش دعوة اعتبرونى اول تعليق وخلاص :(
تسلم ايديك يااستاذ فشكول والله انا اول مرة اعرف موضوع البربر دهده على كده حتى فى المسلسلات التاريخية بيغلطوا بيقولوا على طارق بن زياد انه من البربر
طيب انا ناوية اتعلم المازيغية اشمعنا اسافو بيتكلم مصرى لبلبل:)

محمد عبدالرحمن شحاته يقول...

فعلاً الأمازيغ موجودين في الصحراء الغربيه في مصر يعيشون في الواحات

الاسم الشائع للامازيغ عندنا واللى احنا نعرفهم بيه هو البربر فقلت لاسافو يعنى البربر قال لى لأ قلت لازم اعتمد على نفسى ولقي ان فعلا اسم البربر دا مش حقيقى وبعدين بحثت من اين جائت كلمة البربر لقيت ان التسميه دى جات مع الفينيقين والاغريق لانهم كانوا يعتبرون ان من لا يتكلم اللغه الاغريقيه يبقى (بربرى) هذا فى اعتقادهم والاصل فى الاغريقيه (برباروس) ويعتبرونهم متوحشين او همجيين.

ولكن هم ليسوا بمتوحشين
وأنا مشكور على الموضوع الجميل ده

الفقيرة إلى الله أم البنات يقول...

جزاك الله خير
والله اسثفدت فعلا
الحمد لله انك عندما تعرف شئ تعلمنا اياه
والله موضوع اكتر من رائع
طول عمرى اعرف ان البربر هم الاهل الاصليين للمغرب العربى وخلاص يعنى متعتبتش نفسى ادور
جزيت الفردوس الاعلى
الاحفاد جابو الهدايا..ولا اكلوا حلاوة المولد وماما ستو نسيوها؟؟

غير معرف يقول...

dr mahmode
على عيني حبيبي اترجملك اللي انت حابوا
********
كف اغروم اتمغارت= اعط الخبز للمراة
مودتي
وشكرا لكم جميعا اعزائي
و للاستزادة في المعلومات
انا رهن اشارتكم
اسافو
http://triste7.maktoobblog.com

اعشق فى الليل ضوء القمر يقول...

وانا كنت فاكر إن الدنيا كلها مصر بس
ده انا تلميذ فاشل

غير معرف يقول...

و الله يا حبيبي اخجلتني كثير بمحبتك و تواضعك و تشجيعي
قرات كثيرمن تعليقاتك عند اصدقاءك المدونين و لقيتك بتشجعهم على ارتياد مدونتي
ميرسي حبيب على الكلمات اللي قلتها في حقي
انت حقيقي قلبك كبير
مودتي

تامر علي يقول...

فعلاً معلومات قيمة وجديدة انا فعلاً كنت فاكر ان الأمازيج غير البربر ... ولو إني مبحبش العصبيات والقوميات إلا ان دراسة الأنساب والأعراق بدون تعصب شيء رائع

شكراً لك هذا الطرح الجميل :)

رئيس التحرير يقول...
أزال المؤلف هذا التعليق.
رئيس التحرير يقول...

الرحمن الرحيم
السلام عليكم ورحمه الله وبركاته
عطيل ...رائعه من روائع شكسبير
بطلها الفارس النبيل عطيل
عطيل ...ده أمازيغي
الأمازيغ لهم تاريخ ...حاضر.
أمتعك الله ...كما امتعتنا

احساس نفس هادئه يقول...

الله يكرمك على هذا التوضيح الجيد وســـــــــــــــــــــــــــلام
كبــــــــــــــــــــــــير
من كل امازيغ المغرب العربي

Beram ElMasry يقول...

غدا الاثنين بعد منتصف الليل قصيدتى للدكتور توكل ولو كانت تليق فانشروها والسلام
مقاطعة مدونتى لا تليق بالكبار

Soul.o0o.Whisper يقول...

عمو العزيز فشكول

آسفة جدا جدا جدااااااااااااا
على التأخير


والله غصب عنى
و ياريت تسامحنى


البوست روعة بجد
انا اول مرة اصلا اسمع لفظ الامازيغ

بس خلاص بئا ...
بئيت خبرة
أيوا امال ايه؟؟؟

عمو فشكول
فشكل الفشكلة كلها
و جاب لنا قرارهم
ههههههههههههههههههه




و بالنسبة للبوست عندى مش قصة
و أنا بأكتب قصص من زماااااااان اوى
من اعدادى ،و كمان قصائد و خواطر
و كل اللى نفسك فيه


بس مش بانزل حاجة منهم
إلا لو لقيت إنى حاجة بتعبر عن احساسى
:)

البوست عبارة عن تصوير لحالة مريت بيها
لا أكثر و لا أقل



تحياتى يا عمى العزيز
و ياريت مش تكون زعلان منى

ادم المصرى يقول...

بجد معلومات قيمه جدا اخى العزيز

واستاذى الكريم بجد جزاك الله خيرا عنا

واستفاد من عباده مشاء

فارس عبدالفتاح يقول...

اضافة لا تذكر

ان هؤلاء القوم شداد البأس وقد ظل عقبة بن نافع ثلاثة عشر سنة يحاربهم في فتح شمال افريقيا وهم قوم لديهم عاداتهم الخاصة بهم وبخصوص قبائل الطوراق فهناك الرجل يكون ملثم والمرأة سافرة هذه هي عاداتهم ولقد شاهدت في الجزيرة الوثائقية فيلم تسجيلي في قمة الروعة عن هؤلاء القوم في موريتانيا ما اجمل واروع الطبيعة الصحراوية التى يعيشون فيها شيء لا يصدقه عقل وبما اني صعيدي فانا اقدر البيئات الصحراوية جدا واريد ان اعيش فيها ولكن للاسف ليس بالامكان فان السعي وراء الرزق امر مرهق ومضني وياخذ منا احلامنا ويضعنا في اسر العادة والتعود

لكم منا كل التحية والتقدير

gogo!sf يقول...

اية ده انا فى حياتى مسمعتش عن الناس دول خالص ولا حتى الاسم اتذكر ادامى
بس حقيقى انا عندى فضول بيقتلنى لازم لازم اعرف عنهم كل حاجة

Hanan Elshafey يقول...

جزاك الله خيرا عالمعلومه الجميله
وان شاء الله بكل خير وسعاده

عاشقة حبيبتى يقول...

مساءالخير

معلومات جميلة اشكرا

تحياتى لك

هــو..مش ..نـو يقول...

عم..فشكول العظيم:ـ
مغرقني أنت بكرمك...
عصي موسي لن تعود..
لكن الولد هـ يتولد.
إن لم يكن أتولد ..
وقل لكلاب فرعون..
إن ما جئتم به السحر..
إن الله سيبطله ...إنه لا يصلح عمل المفسدين .

شبه إنسانه .....( سهوره ) يقول...

عمو فشكول بعد التحيه
والسلام عليكم
وطبعا بعد ما تقولى نوريت يا سهوره البلوج بتاعى
أأقولك ربنا يكرمك ويعلى مراتبك
وحلو قوى بلوج وحلو جدا البوست
أتمنى مرورك لانه سيسعدنى كثيرا
وميرسى اخيرا

غير معرف يقول...

الصديق فشكول
أسعدتني زيارتك
وشكرا لاهتمامك بالأمازيغ والتعريف بهم وبتاريخهم
تحياتي لك وتقبلني صديقة أمازيغية من المغرب مثل الصديق أسافو

ن يقول...

السلام عليكم
أستاذنا الفاضل فشكول
أعتذر عن التأخير
ملف ممتع وهام أن تعرض تاريخ الامازيغ
وبالمناسبة أنا ممن تعاملوا مع الامازيغ فى ليبيا وهم تحت أسم الطوارق وهم قبائل متفرقة فى ليبيا لهم من العادات والتقاليد والمبادىء المتوارثة والتى لا تندثر مع الزمن هم شداد البنية عقولهم فطرية تعمل بطلاقة يقال أنهم أصل الشعب الليبى بل هم أول القبائل التى وطأت ليبيا وتأريخك صحيح أنهم منحدرون من سلالةمصرية ممتدة الى النبى نوح عليه السلام ولا ننسى بأن خريطة مصر كانت غير التى عليه الان بعد الاستعمار إذ كانت ليبيا فى عهد القدماء المصريين من ضمن المملكةالمصرية القديمة
وعلى اية حال جميل أن نتعرف على تاريخ إخواننا فى أى مكان
مع خالص تحياتى

غير معرف يقول...

المدونون والمدونات الاعزاء:

ان كنا لا نستطيع ان نشارك المقاومين باجسادنــا

فلا ننسي اننا نستطيع ان نشاركهم بايدينا والسنتنا

وذلـــك بنشـر القضيه الفلسطينيه فـــــي مدوناتنـا

ولذلـــــــك ندعــــو المــــدونين :-


لحضور اجتمـــــــاعاَ لمناقشة حملتنا بأيدينا ندفع الخطر

للدفاع عـــن المسجد الاقصـــــــي الشريف وقضية فلسطين


نشارك في عوده صلاح الدين فــــــي موقعه حطين

ونكون قد ساهمنا بنشر الوعي بيننا لمكر كــيد الغاصبين

وذلك في يوم الخميس الموافق 26 / 3 / 2009 م

علي ايميل الرابطة :-


bloggersforpalestine@yahoo.com


وسننتظركم .......

لسماع ارائكم .......

ودعم جهودكم ........

نستمع الي كل ما هو جديد.

ونختــــــار كل ما هو مفيد.

ونحاول ان نحــــدث تجديد.

ولكم منا جزيل الشكر والتقدير.

الأمين العام للرابطة

Unknown يقول...

ازيك يا استاذى الفاضل
تسلم على المعلومات القيمة والجميلة دى
وضميتها لمكتبتى المعلوماتيه
جزاك الله خير
وعلى فكرة انا فشكلت فشكلة كدة على الماشى وعايز اعرفك على شخصية بحبها
وهى طروووق ، يارب تعجبك

Beram ElMasry يقول...

اين التعلق يا فشكول بك

فشكووول يقول...

دكتور توكل ذهب الى اوبرج العذاب وجه ناس بالليل الساعه 1.5 وخدوه وحبسوه فى الاوبرج ... كلنا مع دكتور توكل ونرجو له النجاة من هذا الاوبرج .. وربنا يفك اسر كل المسلمين

حـــــ الــجــنــة ـــــور يقول...

السلام عليكم ورحمة الله تعالى وبركاته

بوست جميل من أغلى أستاذ دمت بكل الخير سيدي الفاضل

*****************************

عرف الأمازيغ قديما في اللغات الأوروبية بأسماء عديدة منها المور (Moors / Mauri) وتشبه في مخارجها كلمة (مغربي) واشتقت منها كلمة "موريطانيا". وأطلق اليونان عليهم المازيس Mazyes، أما المؤرخ اليوناني هيرودوتس فأشار إلى الأمازيغ بالكلمة ماكسيس Maxyes. وأطلق المصريون القدماء على جيرانهم الأمازيغ اسم "المشوش". أما الرومان فقد استعملوا ثلاث كلمات لتسمية الشعب ال�مازيغي وهي النوميديون Numidians ، الموريتانيون Mauretanians ، والريبو (, R'bw). وكان العرب غالبا يطلقون عليهم اسم المغاربة وأهل المغرب أو البربر. والبربر في العربية كلمة منقولة عن الجذر اللاتيني الإغريقي باربار (Barbar) وهي كلمة استعملها اللاتينون لوصف كل الشعوب التي لا تتكلم اللاتينية أو الإغريقية اعتقادا منهم بتفوق الحضارة اليونانية والرومانية على كل الحضارات، كما كان يسمي الهنود غيرهم "مليج" ويسمي العرب غير المتكلمين بالعربية بالعجم. ويجدر الذكر أن لقب البرابر أطلقه الرومان أيضا على القبائل الجرمانية والإنكليزية المتمردة عليهم أيضا وليس فقط على القبائل الأمازيغية. ووقع أيضا ساكنة سوقطرة الجزيرة تحت مسمى البربر.

*************************

يعيش الأمازيغ في المنطقة الجغرافية الممتدة من غرب مصر إلى جزر الكناري، ومن ساحل البحر الأبيض المتوسط شمالاً إلى أعماق الصحراء الكبرى في النيجر و مالي جنوباً.

مع غزو العرب لشمال إفريقيا ، استعرب جزء من الأمازيغ بتبنيهم اللغة العربية لغة الدين الجديد. وبقي جزء آخر محتفظ بلهجتة الأمازيغية. وبسبب ذلك أثرت اللهجات الأمازيغية في العربية الوافدة فنشأت لهجات المغرب العربي والتي تختلف بعض الشيء عن لهجات المشرق العربي.

والمتحدثون حاليا باللغة الأمازيغية ينتشرون في العديد من الحواضر ( أكادير، ، الناظور، الحسيمة، الخميسات، إفران، جادو، نالوت،

زواره كاباو،تاغما،زنزور،ورفله،سوكنة، اوجلة، تيزي وزو،البويرة،بومرداس بجاية، باتنة، خنشلة، غرداية، تمنراست، ايليزي, مطماطه،تطاوين،جزيرة جربة، تبسة, سوق اهراس,سطيف,برج بوعريريج.) وأيضا وينتشرون على شكل تكتلات لغوية أو قبلية كبيرة الحجم واسعة الانتشار ببوادي وقرى شمال أفريقيا.

********************

يتفرع عن الأمازيغية ما يقارب 11 لهجة أو تنوعا. غير أن هذه اللهجات تتحد في القاعدة اللغوية المشتركة بينها ويمكن للناطق بأحد اللهجات الأمازيغية أن يتعلم اللهجة الأخرى في أيام إذا كان يتقن لهجته الأم كما يرى الباحث المستمزغ الفرنسي أندري باسيه. ولقد بدأ العمل على معيرة اللغة الأمازيغية حتى يصطلح الناطقون على لغة موحدة تمهيدا لالاعتراف الرسمي باللغة الأمازيغية الذي يطالب به الأمازيغ في المغرب والجزائرو تونس وليبياومالي والنيجر.

*****************
أستاذي الفاضل فشكول معلوماتك القيمة تصاحب بروعتها خطاك دائما وتتجلى ببوح خاطرنا فتقبل إظافتي البسيطة علها تجد العامة بها الفائدة لك كل ثناء وتقدير نظير إبداعك

دمت بكل خير وصحة

بنتك حور الجنة...

♥نبع الغرام♥♪≈ يقول...

السلام عليكم ورحمة الله وبركاته
استاذى العظيم بجد حضرتك هايل قووى وبجد اول مره نعرف المعلومات الشيقه دى
بارك الله فيك ومزيد من التوفيق والرقى
وتقيل تحياتى ومرورى

نبض الحياة يقول...

اعتذر لأنى دايما متأخرة
معلومات جميلة بارك الله فيك
وجميل جدا ان الانسان يبقى دائم البحث عشان يتعلم ويعرف اكتر .
دمت بخير

masry يقول...

جزاك الله خيرا على المعلومات دى
انا اول مره اساسا اعرف ان فى حاجه اسمها امازيغ كلمه غريبه جدا

حاجــ عيال ــات يقول...

السلام عليكم
هو انا دايما كده متأخرة
لا أنا زحلانة
بس بجد الموضوع جديد ومفيد وأول مرة أعرف عن أمازيغ
ربا يكرمك ياعمو يارب

عاشقه الرومانسيه يقول...

بابا فشكول العزيز
من مده مقصره فى حقك ومش باجى ازورك
سامحنى
وحشتنى جداااااااااا
باشكرك على اهتمامك وردك على سؤالى على مدونة سول

تحياتى يافشكولى العزيز

صوت من مصر يقول...

هو مين تبع مين
انا كنت بقول ان كلمه بربرى دى اصلا غلط طلعت صح يا واد يا كيمو بجدكنت بحس انها فيها عنصريه
المهم تسلم ايدك طبعا

شفـقــة و إحســــان يقول...

بجد مدونة حضرتك رائعة الواحد بيحس كل ما يدخلها انه لازم يطلع بشىء مفيد
ربنا يخليك لينا وعلطول معلومات اوكيه

مهرة سالم يقول...

السلام عليكم...
معلومات مفيده...
..
وجميل أن نتعرف على ناس من مختلف البلدان والأعراق..
دمت بخير ..

أفروديت يقول...

معلومات جديدة بالنسبة لي

عندي سؤال:

من أي اللغات تنحدر لغتهم؟
وهل هي مكتوبة ومقروءة أم كلامية فقط؟

maxbeta3zaman يقول...

كشكول تأصيل الأصول كما أقول عنك دائما معلومات جميله عن قوم ليسوا قليلين ولهم لغة وثقافة خاصة ..اليس منهم المغنيين الجزائريين المشهورين ؟؟ فهم يغنون كلاما لا هو عربى ولا فرنسى وأعتقد انه أمازيغى من لغة هؤلاء القوم ...شكرا لك على المعلومات