الأحد، 3 مايو، 2009

هل هلك قوم لوط بأول تفجير نووى فى التاريخ / الحلقه الاخيره

الاخيره




خدوا بالكم احنا انتهيا عند سادسا وبعدين ناخد:

سابعًا: قال تعالى: (فَلَمَّا جَاءَ أَمْرُنَا جَعَلْنَا عَالِيَهَا سَافِلَهَا وَأَمْطَرْنَا عَلَيْهَا حِجَارَةً مِنْ سِجِّيلٍ مَنْضُودٍ(82) مُسَوَّمَةً عِنْدَ رَبِّكَ وَمَا هِيَ مِنْ الظَّالِمِينَ بِبَعِيدٍ (83) هود، وقوله تعالى: (فَجَعَلْنَا عَالِيَهَا سَافِلَهَا وَأَمْطَرْنَا عَلَيْهِمْ حِجَارَةً مِنْ سِجِّيلٍ(74) الحجر.ففي هاتين الآيتن يبين تعالى أن عاليها أصبح سافلها وفي مكانه زرع بصل قبل أن يمطروا بالحجارة وأصبحت هذه الحجارة من طين؛ (لِنُرْسِلَ عَلَيْهِمْ حِجَارَةً مِنْ طِينٍ(33) الذاريات، هي عاليها بعد أن كانت سافلها... وهكذا انتهى أمر قوم لوط عليه السلام. وما حدث لهم لا يدل على أنه بركان ، ولو كان بركانًا لنسف القرية وذراها بعيدًا عن مكانها يعنى الحمم المنصهره من البركان تسيل وتجرى فى انهار بعيدا عن مكان البركان ولا تقع تحتها والبركان لا يحدث فراغًا في الأرض لتنهار فيه القريه ، وإذا وقع بجانبها غطاها بالطفح الصخري المنصهر، أو بالرماد البركاني وليس بالحجارة ... واللى حصل لهم في وصف القرآن ما يدلش على أنه بركان ، وفي كلام الله تعالى خير وصف لما حدث، وهو الشاهد على اللى حصل وكان بأمره سبحانه وتعالى ؛ (فَلَمَّا ذَهَبَ عَنْ إِبْرَاهِيمَ الرَّوْعُ وَجَاءَتْهُ الْبُشْرَى يُجَادِلُنَا فِي قَوْمِ لُوطٍ (74) يطلب لهم الرحمه والهدايه جم قالوا له دول الملائكه يعنى ( يَا إِبْرَاهِيمُ أَعْرِضْ عَنْ هَذَا إِنَّهُ قَدْ جَاءَ أَمْرُ رَبِّكَ وَإِنَّهُمْ آَتِيهِمْ عَذَابٌ غَيْرُ مَرْدُودٍ (76) هود , خلاص يا ابراهيم قضى الامر وحكم ربك ولا راد لحكمه ، (إِنَّا مُنْزِلُونَ عَلَى أَهْلِ هَذِهِ الْقَرْيَةِ رِجْزًا مِنَ السَّمَاءِ بِمَا كَانُوا يَفْسُقُونَ (34) العنكبوت. فالرجز من السماء هو نفسه العذاب بالحجارة من طين اللى بفعل الحراره حتبقى حجاره صلبه وصلده ، دا بفعل بشدة الحرارة .. فإذا لم يكن ما حدث لهم هو بركان بأمر من الله ... طب ايه اللى أحدث هذا الأمر؟ !! نرجع تانى للإرشادات التي أعطيت للوط عليه السلام وأهله ليسلك وأهله طريق السلامة: قال تعالى: (قَالُوا يَا لُوطُ إِنَّا رُسُلُ رَبِّكَ لَنْ يَصِلُوا إِلَيْكَ فَأَسْرِ بِأَهْلِكَ بِقِطْعٍ مِنَ اللَّيْلِ وَلَا يَلْتَفِتْ مِنْكُمْ أَحَدٌ إِلَّا امْرَأَتَكَ إِنَّهُ مُصِيبُهَا مَا أَصَابَهُمْ إِنَّ مَوْعِدَهُمُ الصُّبْحُ أَلَيْسَ الصُّبْحُ بِقَرِيبٍ (81) هود, وقال تعالى: (فَأَسْرِ بِأَهْلِكَ بِقِطْعٍ مِنَ اللَّيْلِ وَاتَّبِعْ أَدْبَارَهُمْ وَلَا يَلْتَفِتْ مِنْكُمْ أَحَدٌ وَامْضُوا حَيْثُ تُؤْمَرُونَ (65) وَقَضَيْنَا إِلَيْهِ ذَلِكَ الْأَمْرَ أَنَّ دَابِرَ هَؤُلَاءِ مَقْطُوعٌ مُصْبِحِينَ (66) الحجر.






من الآيتين نقدر نرتب خطة السلامة اللى ربنا دل لوط عليها وهى:

1-ربنا أمر لوط أنه يخرج من القرية آخر الليل: (فَأَسْرِ بِأَهْلِكَ بِقِطْعٍ مِنْ اللَّيْلِ..) حتى يكون عند الشروق في مأمن بعيدًا من العذاب فكان هذا الأمر الأول.

2 – وأما الأمر الثاني فكان: (...وَاتَّبِعْ أَدْبَارَهُمْ ...) ودبر القرية هو الجبال الواقعة خلفها وهي باتجاه جبال الكرك (حيث يغلب الظن بمكان وجودها) لأن مواقع القرى في وادي الأردن يكون أسفل السلاسل الجبلية ، فكان في هذا تحديد اتجاه السير.

3- وأما الأمر الثالث فكان: (...وَلَا يَلْتَفِتْ مِنْكُمْ أَحَدٌ...) لأن الالتفات مهلك لأي واحد يقوم به ، وفي هذا التحذير حماية لهم .. لذلك حذرهم من الالتفات لرؤية العذاب عندما يسمعون لمعرفة مصدرها، وماذا فعلت بمن وقعت عليه.

4- وأما الأمر الرابع فكان: (...وَامْضُوا حَيْثُ تُؤْمَرُونَ ..) ففي هذا الأمر منع التوقف؛ لأن التوقف فيه ضرر وهلاك لهم إن بقوا في نفس المكان الذي وصلوا إليه، ولم يتجاوزه إلى ما بعده يعنى اجروا على اخركوا عشان تبعدو عن اماكن الانفجار عشان زى ما انتم عارفين الاشعاع بيروح بعيد عن مكان الانفجار الذرى.

5- إخبار لوط عليه السلام بهلاك امرأته: (...إِلَّا امْرَأَتَكَ إِنَّهُ مُصِيبُهَا مَا أَصَابَهُمْ ..) هود، وأنه سيصيبها ما أصابهم حتى لا ينشغل بنجاتها، ويستمر ماضيًا في طريقه مع ابنتيه، وإلا سيصيبهم من العذاب ما يصيبها عندما تلتفت لتنظر إلى وقعة العذاب على قومها، لأنه لو عرفت امرأت لوط أن الضيوف هم ملائكة ، ورأت طمسهم لأعين قومها ، فستخرج مع لوط طلبًا للنجاة معهم .... فكان هذا التوقيت لخروجهم حتى يصلوا إلى مكان محدد عندما يقع العقاب ، فتهلك هي وحدها من دونهم.

6- إخبار لوط عليه السلام بوعد الهلاك: (إِنَّ مَوْعِدَهُمُ الصُّبْحُ أَلَيْسَ الصُّبْحُ بِقَرِيبٍ)، (وَقَضَيْنَا إِلَيْهِ ذَلِكَ الْأَمْرَ أَنَّ دَابِرَ هَؤُلَاءِ مَقْطُوعٌ مُصْبِحِينَ)، فمعرفته بالموعد سيجعله يجد في الخروج من غير تهاون أو انشغال عنه فيصيبه بعض ما أصابهم يعنى ما فيش هزار يعنى بكره الصبح يا لوط يقوم سيدنا لوط يتوكل على الله ويروح بعيدا عن المكان . هذه الأوامر والتوصيات تثير التساؤلات فيما وراءها ... فكيف تهلك امرأت لوط بحجرلمجرد النظر إلى الخلف؟! لماذا لا يكون شيئًا آخرغير الحجر ؟! .. وما العذاب الذي يهلك الإنسان بمجر النظر إليه؟! ممكن يكون الإشعاع النووي هو بس الذي يخشى من النظر إليه ، والتعرض له ... لقد أصبح معروفًا في عصرنا الحاضر؛ أن النظر إلى التفجيرات النووية مباشرة بالعين المجردة ، يعمي الإنسان، ويحرق له شبكية العين .... فالذي حدث لقوم لوط والله اعلم هل هو تفجير نووي تحت الأرض ومن شدته وحرارته حرق وبخر وصهر قسم من الارض ودور على شق او فتحه فوق الارض وطلع لعنان السماء وشال معاه اللى شاله من باطن الارض والحكايه دى سابت فراغ كبير هوت فيه القريه وبعدين اللى اتشال من باطن الارض وقع تانى على القريه من حصباء وحجاره والطين بعد ما بقى حجاره من الحراره بعد ما وقعت فى الحفره الكبيره دى وردمتها . فأصبح عاليها سافلها قلنا زرع بصل... ودل المطر بحجارة من طين على وجود الماء بكميات في مكان الانفجار طبعا هو الطين بييجى منين ، وتبخيرواحد سنتيمتر مكعب واحد يحوله إلى 800سم3 من البخار عند درجة الغليان،(دى من عندى سمعتها من بعض اساتذة الكهرباء) فكيف إذا كانت الحرارة تقدر بآلاف أو عشرات الآلاف من الدرجات، في مكان محصور تحت الأرض! .. دا حيولد ضغط هائل وتفجير مرعب.

والحاصل فى امرأة لوط عندما يكون لوط عليه السلام وأهله قد وصلوا منعطفًا لإحدى هذه الشعب وتكون هذه الشعب حاجزا عن النظر وايضا حاجزا من الاشعاع ، ويحدث الانفجار، فمن يلتفت إليه منهم سيعرض عينيه للإشعاع النووي، وستحترق شبكية عينية، ومش يقدر بعدها أن يتم السير لو أراد ذلك ، وحيفضل معرض للإشعاع حتى يهلك به، واللى مش حيبص ويمضي في سيره بلا توقف ، سيغيب عن مصدر الإشعاع ويبعد عنه ، وجسم الإنسان يتحمل الإشعاع لوقت قصير غير طويل وبرضه لكميه بسيطه ، وسيحميه الحاجز الجبلي منه بعد ذلك ، وبذلك ينجو ... وهذا الذي لم تفعله امرأت لوط ؛ (إِلَّا آَلَ لُوطٍ إِنَّا لَمُنَجُّوهُمْ أَجْمَعِينَ (59) إِلَّا امْرَأَتَهُ قَدَّرْنَا إِنَّهَا لَمِنَ الْغَابِرِينَ (60) الحجر، وقد يلحقها من غبار الانفجار ما ينزعها من مكانها أو يدفنها فيه.ولو عرف مكان مركز الانفجار الذي أحدث الصيحة ... لسهل تقدير احتمالات المكان الذي هلكت فيه امرأت لوط عليه السلام ... ولأمكن الوصول إلى مكان موتها إن قدر الله تعالى للبشر ذلك. إن كان الذي حدث هو انفجار نووي تحت القرية بفعل الملائكة، وبأمر من الله تعالى ؛ فهل هو تفجير نووي انشطاري لعنصر اليورانيوم أو البلوتونيوم؟؟!!، الله اعلم أو هو بسبب دمج نووي هيدروجيني ؟؟!! برضه الله اعلم وما تأثير هذا الانفجار على البحر الميت؟! نسيت اقول لكم ان البعض بيقول انه البحيره مش بحيرة طبريه دا البحر الميت , وهذا رأى له وجاهته وهذا ايضا رأى له وجاهته , هل جفف قسمًا من مياهه فزادت ملوحته ، وانخفض مستواه!!إن كان الانفجار انشطاري فسيبقى له آثار في المنطقة تدل عليه من المواد المشعة ...وقد يكون سببه من العناصر المشعة التي لا تخلو منها كل منطقة، وما يصب في البحر الميت يحمل معه آثار الصخور التي ذابت فيه،إما إذا كان الانفجار هيدروجينيًا فالكشف عنه يكون أصعب .... وقد يكون الانفجار أعظم من ذلك فيكون تفجيرًا كربونيًا ، برضه الله اعلم أو أعظم منه مما لم يستطع البشر القدرة على فعله ولن يستطيعوه ... لأن فعل الله تعالى فوق كل أفعال العباد . أما أكبر دليل عليه فهو عند الكشف عن حجارة طينية تعرضت لإشعاع ودرجة حرارة أضعاف ما تتعرض له من انفجار بركاني؛ لقوله تعالى عن الحجارة: (قَالُوا إِنَّا أُرْسِلْنَا إِلَى قَوْمٍ مُجْرِمِينَ(32) لِنُرْسِلَ عَلَيْهِمْ حِجَارَةً مِنْ طِينٍ(33) مُسَوَّمَةً عِنْدَ رَبِّكَ لِلْمُسْرِفِينَ(34) الذاريات، ومسومة أي معلمة على أنها للعذاب يعنى حجاره تنزل مولعه من السما، فهي متضمنة لما أشرنا إليه. ويساعدنا على ذلك الكشف عن الفاصل بين الأرض التي هوت وطبقات الصخور التي بقيت ثابتة في مكانها، لنصل بعد ذلك إلى مكان القرية، والآثار التي بقيت منها... وبعثات من الدول ذات التجارب النووية التي لديها من الخبرة، والمعلومات التي لا يعرفها غيرها ، عن التغييرات التي تحدثها تجاربهم، ولها القدرة على دراسة ذلك ، والحكم عليه بعيدًا عن الصخب الإعلامي ، أو التسويق السياحي إن وجد.

وفى النهايه هذه السلسله لا تؤكد انه تفجير ذرى ولكن نقدر نتخيل, يعنى هى عمليه تخيليه وممكن حد يطلع بموضوع اخر ويقول انه اى حاجه غير اللى بنقوله ... كله الله اعلم بيه ... لكن شوفوا عذاب ربنا شكله ايه ... القنبله الذريه ( اللى بيسموها الطفله بتاعة هيروشيما ) شوفوا عملت ايه فى الناس هناك ... اما فعل الله ... سبحان الله ... لم يبقى لنا احد من قوم لوط عشان يقول لنا ايه اللى حصل ... فى هيروشيما فيه ناس نفدوا بجلدهم من التفجير وقالوا لنا ايه اللى حصل ... لكن فعل ربنا سبحانه وتعالى اباد القوم بالكامل ولم يبقى منهم احد عشان ما يتكررش نسلهم ولا عمايلهم وسبحان الله ولا آله الا الله.

خلصت يا جماعه الموضوع وبعدين من هنا ورايح ولحد الامتحانات ما تخلص شوية كسل ... لا مش يعنى كسل كامل بس يعنى كل اسبوعين بوست عشان خاطر حبايبنا ولادنا والامتحانات وبرضه متضامنين معاهم ضد الامتحانات والمذاكره وعشان فيه عيال حريته طحن ما بيبطلوش مذاكره برضه نتضامن معاهم .

تمت بحمد الله

هناك 91 تعليقًا:

هانى زينهم يقول...

يبقى العلم عند الله ويبقى لك الدعاء بالاجر على الشرح الجميل ده وعلى الاجتهاد . فمن اجتهد واخطأ فله اجر ومن اجتهد واصاب فله اجران . انا كمان متضامن معاك فى حكاية الامتحانات دى يا عمنا بس ما تحرمناش من وجودك الجميل .

عاشقة الأحزان يقول...

السلام عليكم
حبيبى الغالى
ربنا يكرمك يارب
جميل قووى الجزء الأخير ده إتعلمنا كتير قووى منه
ربنا يجعله بميزان حسانتك اللهم أمين
وأنا معاك ياقمر أؤيدك ارأى فى مواضيع الأمتحانانك
دمت بألف خير
تحياتى لك
إيناس

ام البنات يقول...

أقرأهم بقى على بعض
وادعى لحضرتك على المعلومات القيمه دى
فاصل وهنواصل ان شاء الله

ايوشة يقول...

هحجز تعليق وارجع اقرا بالليل على رواقة كده

من أجل التمكين يقول...

ان شاء الله أقرأ الموضوع كامل

لأني على عجالة حاليا و لم اقرأ الجزء الأول


نبقى نعدي مرة تانية ان شاء الله


-

Mo7ammed يقول...

الحمدلله تمت
الف شكر استاذنا الكبير
شرح جميل وكلام يشد
وسبحان الله فعلا
شوف الفرق بين قنبلة هيروشيما وعذاب ربنا
الف شكر يا استاذ فشكول

عاشقة حبيبتى يقول...

مساء الخير

والله حساك تعبت جدا جدا لحد ما خلصت ربنا يوفقك ويجزيك خير يارب

انا معنديش امتحانات ماليش دعوة خلصت خلاص عايزة كل يوم بوست علشان متحرمناش منك

تحياتى

الشاعر محمد عبدالرحمن يقول...

فشكول
اهنئك من كل قلبي على انهاء هدفك
وللعلم انا استفدت من الدروس دي جامد
جزاك الله كل خير وأدام عزك
وعلى فكره يا فشكول ما تأخرش موضوعاتك عننا
ولا يهمك امتحانات ولا اي حاجه
وتقبل مروري

dodda يقول...

سبحان الله

مصعب صلاح يقول...

السلام عليكم
جميل جدا
اللهم تقبل
ومنتظرين سلسلة جديدة
تقبل مروري

واحد من العمال يقول...

السلام عليكم ورحمته وبركاته

شكراً ياعمنا على هذا العرض والسرد الرائعين
وننتظر الموضوع القادم
بفارغ الصبر يامؤرخنا
وجزاك الله كل خير

ودمت فى أمان الله وحفظه

عاشقة الأحزان يقول...

عمى
بالله عليك محتاجاك عندى ضرورى
محتاجه رئيك بالبوست الجديد
يلا خد تاكسى على حسابى
منتظراااااااااااااااك
بحبك قوووووووووووى ياغالى
بنتك إيناس

ن يقول...

السلام عليكم
أستاذنا ..الفاضل فشكول
شكراً لك على هذه الحلقات ولقد علقت من قبل فى هذا الموضوع ولا أريد أن أطيل على حضرتك .
لقد عرضت عرضاً جيداً متيسراً من جوانب عديدة وهى تذكرة وموعظة لكل من يعصى الله فيما نهى العباد عنه وليرحمنا الله ويقى المؤمنين شر الفتن .
انتهيت من موضوع الاستاذ فارس وأقوم حاليا بطباعته ولم يعاندنى غير ضيق الوقت بسبب امتحانات الاولاد نظراً لأن الازهر بدأوا الان ولكن قريبا سأدعوك لتكون حكماً مرة أخرى نتمنى لأولادنا جميعاً التوفيق والنجاح وكان الله فى عون أولياء الامور هذه الايام أعانكم الله جميعاً .
مع خالص تحياتى

mahasen saber يقول...

برضه الوصف دقيق يا عمنا الغالى

وبيفضل لنا الدعاء ربنا يقينا شر العذاب ويرحمنا برحمته الواسعه

جزاك الله كل خير على الشرح الرائع ده

اسماء واحلام فى وجدانى يقول...

اسماء واحلام فى وجدانى

اسماء واحلام فى وجدانى يقول...

اشمعنا ايوشة

هظبط دماغى وارجع قبل ايوشة

قول ان شاء الله

تامر علي يقول...

والله تفسير حضرتك من الناحية العلمية والإستدلال له وجاهته .... لكن أنا عند رأيي لما قلت لحضرتك إن العذاب الإلهي أشد وأكبر من أي أي نوع من أنواع الأسلحة البشرية (القاصرة) فعذاب الله هو عذاب يتناسب مع جلاله وعظمته وقدره ...أما التفجيرات النووية فتناسب علم البشر القاصر جداً في جنب علم الله .:) .... لكن أنا سعيد جداً بكم المعلومات والشرح والإستدلال الجميل اللي في موضوع حضرتك وربنا يجعله في ميزان الحسنات يوم القيامة :)

تحياتي :)

جنّي يقول...

السلام عليكم

ازيك يا عمو ..

ربنا يكرمك على هذه السلسلة ..
ومع قدر الجريمة يكون العقاب فكان عذاب ربك اشد واقوى مما نتخيل ..

{كَذَلِكَ الْعَذَابُ وَلَعَذَابُ الْآخِرَةِ أَكْبَرُ لَوْ كَانُوا يَعْلَمُونَ }القلم33

ولان لعذاب كان لهذه القرية فلا يمكن ان يبقى اشعاعات ضارة تضر اناس آخرين فقياسنا البشري يختلف عن قدرة الله تعالى التي لا تحدها نظريات (وَمَا يَعْلَمُ جُنُودَ رَبِّكَ إِلا هُوَ وَمَا هِيَ إِلا ذِكْرَى لِلْبَشَرِ }المدثر31.. وكل ما ذكرته قد يكون حدث بالفعل في حينه كبركان او تفجير ننوي او طي شديد للصخور جعلت عاليها سافلها ..

mohamed ghalia يقول...

أنا كمان متضامن معاك فى موضوع الإمتحانات لانى مشغول جداااااا
دعواتك بقى أصلى بقيلى زلطة واطلع بره وأخلص تعليم خالص
الموضوع بجد هايل
وبذلت مجهود جامد على مدار الحلقات
ربنا يكرمك ويسعدك

marmar يقول...

عمي فيشو الجميل
ازي حضرتك يا مبدع
الصور بتاعت التفجيرات دي رهيبه بجد
مش عارفه اذا كانت حقيقيه ولا لا
بس منظرها يخوف اوي
تحس فعلا بقدره ربنا عز وجل
تسلم ايدك يا عمي على الموضوع الجميل
وشرحك الاجمل
انا كمان متضامنه مع حضرتك في الكسل عشان الامتحاااااااااااااااااانات
شر بقى لا بد منه
ادعيلي ربنا يوفقني يارب
عشان خايفه
وحشتناااااااااااا يا فيشو يا جميل

ايوشة يقول...

سبحان الله جزاك الله خيرا يااستاذ فشكول بجد والله اسلوب حضرتك سهل جدا وممتع ربنا يجعله فى ميزان حسناتك يارب

هــو..مش ..نـو يقول...

أهلكهم الله ...
كما اراد ان يُهلكوا
قواك الله ...عم فشكول

Soul.o0o.Whisper يقول...

سيادة رئيس جمهورية فشكولستان الاتحادية الاشتراكية الرأسمالية الشنكوتية و أى حاجة فيها ايه ايه

و اللى طبعا أنا رئيسة وزراءها و وولية العهد فيها

و اللحمة ما بينا فيفتى فيفتى
ههههههههههه



ربنا يبارك لحضرتك يارب
حقيقى الموضوع رائع جدا جدا جدا


لكن أنا هأرجع أجيب الموضوع من أوله و أجمعه كدا عشان حاسة إن فى نقطة واقعة منى فى النص - يمكن تأثير اللحمة - الله أعلم


بس أنا ليا رأى فى حاجة
هو ورد تفسير مؤكد عن الرسول صل الله عليه و سلم ان القرية اتقلبت بيهم؟؟؟

و لا دا تفسير علماء؟؟

أصل زى ما حضرتك قلت فى المرة اللى فاتت إيه فايدة إن يتم عذابهم بالحجارة إذا كانوا أصلا خلاص القرية اتقلبت بيهم فمش هيكون عذاب ..بل يمكن دفن لهم تحت الارض بس

و هل فى صور للقرية مثلا بالاقمار الصناعية ؟؟و لا لسه لحد الوقتى مفيش معلومات عنها؟؟


فى تخيلى ان ممكن يكون فجعلنا عاليها سافلها

أى أعلى مكان فيها فوق الارض
بقى تحت مستوى الارض
و بكدا فعلا تبئا نقطة أن فى فجوة أحدثت تحت القرية و هى طارت و قامت نازلة طرااااااخ

بئت تحت مستوى الارض
و كمان لما تنزل عليها الحجارة بعدها
و دا طبعا بفعل الكتلة لأن كتلة قرية بأكملها أتقل كتير من كتلة أى حجر
و بكدا تكون القرية اتعذبت بالحجارة و كمان اتردمت بيها


ولو فى صور بالاقمار الصناعية لوضع القرية
أكيد لو هى معدولة ..يبئا زى ما قلت كدا
لو مقلوبة .. يبئا زى ما حضرتك ما قلت
و تبئا لسه نقطة عذابهم بالحجارة أمر محير ..ياترى ازاى؟؟

و كمان نقطة هلاك أمرأة لوط أعتقد لسه عاوزة بحث شوية
من جهة كيف يحدث الانفجار هلاك شخص دون البقية لمجرد النظر
ممكن فعلا يكون الامر زى ما حضرتك ما شرحت
و يمكن يكون له آثار أخرى


بس حقيقى حقيقى يعنى
استمتعت جدا بالسلسلة دى
أول مرة أشوف رئيس جمهورية مفكر كدا
ههههههههههههه


ربنا يخليك لنا يا رئيس جمهوريتنا
و يخلينى ليكو بردوا مانا ولية العهد
:)




دمت بكل ود

MaNoOoSh يقول...

فعلا فعلا جميلة جدا طريقة الكتابة.. وانتقام ربنا من الظلمة حقيقي يفوق كل وصف.. ربنا يحفظنا من كل شر ويقينا عذاب النار
تحياتى يا عمووو فشكووول وانا فعلا مبسوطة جدا جداااااااااااااااا بالحلقات دى وفى انتظار جديديك ان شاء الله.

فارس عبدالفتاح يقول...

بص يا استاذي / فشكول

انت مخليني مستني على احر من الجمر على هذا الموضوع والحلقات اللى انت حرقت اعصابي بيها ومش راضي اقول خلص وهتلنا الخلاصة

وفي الاخر تقولي الله اعلم طيب يا سيدي الله اعلم

بس انا عندي روايا اخرى قد قلتها قبل ذلك وهي ثابته في الاثر

تقول هذه الروايا

ان الله جلا وعلا ارسل سيدنا جبريل الامين عليه وعلى نبينا افضل الصلاة والسلام فقتلع هذه الارض بيده مثل الجاروف ثم رفعها الى السماء ثم لطم بها الارض مره ثانية ولكن بشكل عكسي

مثل ما انت تكون بتلعب في الرملة وتاخد حفنة رمل سوف تكون يدك وجهها الى الاعلى وعند نزولك بيها بسرعه سوف يكون وجه ايدك الى الاسف ناحية الارض وهذه كانت الطريق

ولقد وصف الله سبحانه وتعالى سيدنا جبريل عليه وعلى نبينا الصلاة والسلام شَدِيدُ الْقُوَىٰ (5)سورة النجم

من اشد قوى من هذا الملك المكرم بحيث نتخيل ونتصور ان لطمته اشد من القنابل الكربونية التى تتحدث عنها بكثير لان المعلوم مجهول والمعلوم هو سيدنا جبريل والمجهول هو كونه وكينونته وقد وصفها الله سبحانه بشديد القوى

عفواً

هناك تعليق في الموضوع السابق يرجى التطلاع عليه

ايضاح لبعض النقاط السابقة مع الاخت ( ن ) وحضرتك

مع خالص الاحترام والتقدير

اسماء واحلام فى وجدانى يقول...

عمى فشكول اللذيذ اوى اوى

بكل تاكيد انا خرجت من موضوعك ده

بانى عرفت حاجات كتير ما كنت اعرفها

او كنت اعرف حاجات بسيطة منها

وطبعا حضرتك اكدتها

كلمات الشكر لا تفيك حقك

فقلمك يخاطب دائما القلب والعقل

فلك منى اجمل الامنيات الطيبة


و زى ما حضرتك انى مقدرش اجاى هنا

وايدى فاضية و زى المثل ما بيقول

نوايا تسند الزير وكل املى انى افضل

كاتبك الامين

المهم انا لامة باجاى هنا بتحصلى

هستريا كتابة ولان الموضوع الموجود

بعيد كل البعد عن مجالى الكتابى

فانا هاغير واقول


بحبك يا مصر

وبيتى فيكى رغم حجمه

الا انه فى عينى قصر

وبنتك حبيبتك

عروستك انيستك

دى حتة منى ومنك يا مصر

فى صلاتى دايما باقولك يا رب

وصوتى اعلى من اى صب

يزلزل عدوك فى كل درب

ودرب ليه

د انا اروحله بيته

واعمله فيها

مجنون بضب



كاتبك الامين احمد

احساس نفس هادئه يقول...

الله يكرمك يا عم فشكوول اكثر من راااااااااائع والشرح مبسط لكن والله جميييل جداا
وصدقت يا عم اذا كانت القنبله النوويه عملت ما عملت في هيروشيما وغيرها فمابالك بعمل الجبار عظيم القوة شديد المحال
وما قدروا الله حق قدره سبحانه
في الاخير الحمد لله ان لم يبقى من قوم لوط احد هو يعني الامه ناقصه فتن وبلاوي
تسلم ايدك مع تحيه عطره

اسماء واحلام فى وجدانى يقول...

من علمنى حرفا

صرت له عبدا

فمتى كان للعبد الحق فى الانقلاب

على سيده وخصوصا اذا كان هذا السيد

بهذا القلب وهذه الحكمة

ساعمل جاهدا كى احافظ على لقبك

الجديد الذى وهبتنى اياه

مساعدك الامين

وابنك

احمد

م/ الحسيني لزومي يقول...

الحمد لله رب العالمين
احمدك يارب ان فشكول افندي فجر الموضوع وخلص .
شوف ياعمنا احنا في عصر تيكا واي فإذا كنا مابنزهقش منك ابدا ابدا ما تزهقناش من مواضيعك ...
خالص حبي وتقديري

ريمان يقول...

ياااااااااااااااااااه

سبحانك يا ربى


سبحانك

انا قرات حاجات مكنتش قراتها قبل كده ابدا

وبحد بجد ربنا يبارك فيك يا رب ولك الاجر


ربنا يجازيك خير يا رب عننا

يا رب تكون بخير وفى احسن حال يا احلى فشكول فى عالم التدوين

تحياتى ليك

سعيده اوى بمروروى هنا يا جميل

وربنا ما يحرمنى ابدا من زياره مدونتك الجميله دى

معتز شاهين - باحث تربوي يقول...

الله ينور يا استاذنا
اخيرا كملنا وعبرنا

أحمدك يارب

ويبقى التواصل

اللؤلؤة يقول...

العم فشكول
السلام عليكم
عذراً على التأخير لظروف خارجة عن إرادتى
فكان أعز الحبايب عندى ونمت فى حضنهم ونسيت الدنيا بوجودهمونسيت المدونات وكمان عم فشكول إنهما الحاج والحاجة فتقبل عذرى

اللؤلؤة يقول...

العم فشكول
السلام عليكم
سلسلة قيمة ومعلومات جديدة أعرفها لأول مرة ولك الأجر والثواب على جهدك فى البحث والتنقيب عن المعلومات الرائعة
دمت مؤرخاً

اسماء واحلام فى وجدانى يقول...

اسف لاننى ساتحدث هذه المرة بعيدا
عن الموضوع نهائيا ولكنى اريد ان اقول لك كلمات ربما تكون غامضة ولكنك ستشعر بها اننى اعلم جيدا ان من يموت لن يعود ثانية وانا قد رحل عنى انسان لن يعود بكل تاكيد هذا من منطق الواقع ومن الاخذ بالعقل لن اجد من يحتل مكانه لانه ليس له بديل فبالتاكيد لن اجد من اشعر معه بهذا الامان والخوف على شخصى وهذا الحب النابع منه لى ولاننى واقعى وانسان كباقى البشر تاقلمت على حال البشر وتعودت على هذا الاحساس المتوحش جدا ومع الوقت صار هذا الوحش مجرد لدعات بسيطة وكانها ناموسة عابرة تالمنى وبمجرد مرور ثوانى انسا الامها ما كنت اتخيل ان اشعر ان لهذا الشخص قرين ولكنه قرين واقعى ملموس بشر مثلى وهذا القرين هو انت مع الاعتذار فى التشبيه لكنى لم اجد تشبيه اصدق واقرب من هذا وهذا التشبيه صادر من قلبى ليس الا على اد ما فرحت اوى بالاحساس ده على اد ما خوفت اوى ربنا يديك طولة العمر بس انا خوفت من بكرة انا اسف انى باكلمك بالشكل ده لانى اتعودت على اللى كنت فيه وصعب عليا انى افكر انى ممكن اعيشه تانى
باتمنا تكون فهمتنى

Tamer Nabil يقول...

السلام عليكم


بوست مميز ياعم فشكول

وعجبنى طريقة عرضك للمواضيع

تحياتى

mosooz يقول...

تسلم على المعلومات القيمة والجميلة اللى انا بجد استفد بيها...
ربنا يعزك ..ونستفيد اكتر واكتر

وبالنسبة للدحية فالحمد الله انا مش منهم بس هما الشهر دة بيقى كسل عند الناس شوية..بس مع بعض برضة ان شاء الله

assafo anaroze يقول...

فشكول
الشيء المهم في كل ده ان عذاب ربنا قريب لكل معتد اثيم
و من خلال كل الامثلة نحس و نستشعر عظمة الله سبحانه و تعالى
مودتي

رئيس التحرير يقول...

بسم الله الرحمن الرحيم
استاذنا / الكبير
السلام عليكم ورحمه الله وبركاته
لن أقول بعد قولك شيئ ..
لي طلب بسيط ...
طبعاً وانت راجع من الرحله دي لازم تعدي علي البحر الأحمر و تُعبر خليج العقبه وبعد ذلك خليج السويس ...و تتذكر إغراق فرعون ...كلمنا بقي في الموضوع السهل والبسيط دا .
ولما ترجع هتلاقي اهرامات فرعون كلها لحمه ...ايش مشوي و ايش مسلوق وايش متبل بالفلفل الاسود والكمون ...والشطه .

yoyo يقول...

صباحك سكر
بجد تسلم ايدك يا عم والله
ربنا يبارك لنا فيك يارب و يجازيك كل الخير

بجد والله انا بتعلم من حضرتك الاسلوب البسيط اللى يدخل العقل و القلب بسرعة
السهل الممتنع و الله

انا كمان متضامنة معاك وبشدة فى موضوع الامتحانات لان الايام دى مذاكرة وانا عندى شغل و مراجعااااااااات كتير
بس دا مش يمنع ان حضرتك مش تحرمنا منك
دمت بالف خير
تحياتى
يويو

قلم رصاص يقول...

أستاذي الجميل فشكول بيه

عمل رائع وغير عادي

في ميزان حسناتك ان شاء الله

في حفظ الله

ن يقول...

السلام عليكم
أستاذنا الفاضل فشكول
رغم انى أعلم بأنك مشغول مثلى فى امتحانات الاولاد الا انى أدعوك مرة أخرى لمتابعة سجالات الاخ فارس عبد الفتاح فى مدونتى أنا عرفةتعبينك معانا والشاى والجاتوه عندنا مش هنعمل زى رئيس جمهوريتنا الجديد اللى مش عاوز يأكلنا ولا يشربنا .. لكننا فعلا بنعتبرك رئيس المدونين .
مع خالص تحياتى

قيس بن الملووووح يقول...

استاذنا الكريم
بعد البحث الجميل ده ياريت تبحث لنا موضوع " حماتي قنبله ذرية" ومدي صحته من عدمه.
تحياتي

احلام جوليا يقول...

استاذ فشكول لك مني كل الشكر والاحترام والتقدير على شرحك الوافي المفصل ده وياريت يبقى في حلقات تانية لشرح سور اخرى من القرأن الكريم وافيدنا بعلمك ولك منا كل الشكر

اسماء واحلام فى وجدانى يقول...
أزال المؤلف هذا التعليق.
اسماء واحلام فى وجدانى يقول...

اسف جدا عن بعض المعانى التى لم اجد لها بديل ولكنى تحدثت بها بكل قسوة
اشكرك جدا جدا جدا جدا فانا لا املك لك الا هذه الكلمات وهذا الاحساس والدعوات النابعة من قلبى التى ائلتمت بعض جراحه هنا

يا سيدى الفاضل

بل يا سيد الافاضل

هل لى بمكان فى قلبك

ان لم تجد لى مكان

فاعدك باننى لن اهدا

وساظل دوما لهدفى اناضل

فما اجمل الحياة ان اسكن قلبك

وروحى لك على يدى

كاشجع مناضل

من غير عنـــوان يقول...

ما شاء الله على شرحك
وطريقة سردك
يا خال

فتح الله عليك

فشكووول يقول...

كان من الضرورى توضيح وجهة نظرى للرد على المهندس الحسينى لزومى فى بعض الامور التى تطرق اليها بصوره مبهمه وانا اتفق معه فى جزء واختلف معه فى الجزء الاخر ولذلك رديت عليه كما هو موضح:
عزيزى حسينى بك لزومى
تحياتى
انا يا سيدى عارف ان مش عاجبك تطويع ايات القرأن لنظريات علميه ... واتفق معك بكل صدق فى هذا الموضوع فأنا من اشد المعارضين لهذا واعارض من يقولون بالاعجاز العلمى فى القرآن وكل المعارضين لهذا يقولون ماذا لو ثبت خطأ النظريه العلميه .
لكن من الممكن الاستدلال ببعض الآيات للوصول الى حقيقة ما وليس بتطويع الآيه للنظريه العلميه مع عدم الاسراف فى هذا.
انت عرجت الى ذلك فى تعليق مقتضب سابق واكدته فى تعليقك فى مدونة الاستاذه امل فتحى عزت صاحبة مدونة (ن)وقرأته هناك واجلت الرد عليك الى انتهاء السلسله.
انا لم اؤكد نظريه علميه ولا اقول انه تفجير نووى بال2بط كما يحدث فى التفجيرات النوويه حاليا . ولكن ان اشير الى ان القنبله الطفله (كما يسمونها) والتى فجرت فى هيروشيما ونجازاكى باليابان ابان الحرب العالميه الثانيه وما احدثته من فظائع وفواجع وكوارث فما بالك بعذاب الله عز وجل .. انه اكبر واوجع مما حدث فى هيروشيما .. يكفى انه بقى بع2 الناس او كثير من الناس ممن عايشوا هذه الفظائع بهيروشيما يحكون للعالم ما حدث لهم.
اما ما حدث لقوم لوط فانه لم يبقى احد ليحكى لنا ما حدث لهم وان الله سبحانه وتعالى لم يبقى منهم او لهم اثرا وابادهم عن بكرة ابيهم حتى امرأة لوط لمجرد النظر لما حدث ... فقد ابيدت معهم والله اعلم بما حدث لهم ولم نعرف الا ما ذكره الله لنا.
ما ذكرته هو مجرد تخيل او تحليل او توهم انسانى بعقل الانسان القاصر على استيعاب افعال الله تعالى الذى لا يحتاج الى قنبله زريه او نوويه او هيدروجينيه او حتى كربونيه 00 هو فقط (كن) فتفعل الكينونه افاعليها بدون اسباب ماديه او منطقيه كما يهيئها لنا عقلنا المادى القاصر.
ونعرف وتعرف ان هناك من الاصوات العاليه جدا مالا نسمعها وهناك من الخلائق لا نراها لان عقلنا مادى.
ولكن هناك بعض الآيات التى تشير الى المكان والزمان وهى حقائق ماديه يستطيع العقل المادى البشرى الاهتداء اليها .
الموضوع كله يا سيدى منى كان عظة لبعض المدونات التى تتحدث وتجاهر وتباهى وتفاخر بالمثليه ومحاولة امركة المجتمع المسلم وبيان ان ذلك له سابقه تاريخيه وان الله سبحانه وتعالى عذب هؤلاء القوم باشد العذاب بل وابادهم ولم يبقى لهم اثرا وانه خطأ وشذوذ وخروج عن الفطره والمألوف ولا يستحق التفاخر او التباهى وكل كلمة كنت اقولها ... هل ... وهل ... وهل مجرد تساؤل وتحليل احداث ماديه بعقل مادى.
اما مقولة علم لا ينفع وجهل لا يضر فقد قالها رسول الله صلى الله عليه وسلم عندما اخبروه عن عالم بانساب الخيل وقيلت من هارون الرشيد عندما جائه رجل يلضم سم الخياط لمائة ابره فى بعضهم فامر له بمائة درهم لان احد لم يفعلها قبله ومائة جلده لانه اضاع وقت امير المؤمنين فى امر لا ينفع وجهل لا يضر .. وانا بسبيلى الى البحث وسؤال المتخصصين فى الحديث عن صحة هذا القول وعما ما ورد فيه من احاديث وهل هى احاديث مؤكده ام ضعيف او مدسوس او مردود.
اردت التوضيع .. والله ولى التوفيق
وتحياتى

محمد الجرايحى يقول...

أستاذنا الكريم : فشكووووول
السلام عليكم ورحمة الله وبركاته
وجزيت خيراً على هذا الجهد الطيب والقيم
وأكيد نحن ننتظر منك المزيد

وفى انتظارك دائماً
بارك الله فيك وأعزك

اخوك
محمد

م/ الحسيني لزومي يقول...

عمي / فشكول
اختلاف الراي لا يفسد لنا في الود قضية وإذا كان الخالق وسعنا في الاختلاف افلا نسع نحن بعضنا البعض " ولو شاء ربك لجعل الناس امة واحدة ولا يزالون مختلفين ولذلك خلقهم" .
لكن لا يمكن ان نغفل ان الا ختلاف يثري النقاش حتي لو احتفظ كل واحد بقناعاته.
مع خالص حبي وتقديري

اسماء واحلام فى وجدانى يقول...

صار اسمى احمد الفشكولى

امبارح كنت عند الازهرى وعرفت انه

قابلك قلت فى بالى يا بختك يا ازهرى

عقبالنا يا رب وكان ردك عليه حكاية

لوحدها

والنهاردة اعرف انك كنت عازف جيتار

ايه الجمال ده انا اتمنيت انى اكون عازف
بس عود مش جيتار على فكرة انا مِسرح قططى فى كل المدونات للبحث عن كافة المعلومات الخاصة بيك ولحد دلوقتى المعلموتين دول مش بطلين

اسماء واحلام فى وجدانى يقول...

لانى مساعدك الامين

ساعترف لك بسرا دفين

مقدار حبك فى قلبى

لايقدر بمئات السنين

وقد جاء اللقاء متاخرا

فاعطانا القدر ما يكفى

من الحنين

الكدب للاسف مالهوش رجلين

من الاخر انا اخذت صورتك عندى

وحطيتها فووووووووووووووووق

عفوا سيدى فانا قدرك المتعب

عمرو يقول...

بارك الله فيك يا أستاذنا الفاضل على المجهود اللى بذل فى هذا البوست ..
و أصدقك القول أنه قد بات عندى نوع من الفضول للبحث و الاٍستزاده فى هذا الموضوع الشيق ..
تقبل شكرى على ما فتحت لنا من آفاق المعرفه و بارك الله فيك ..
و بالمناسبه أشكرك على اٍهتماك و تنويهك بموضوعى المنشور فى جريدة العربى الناصرى فى تعليقك عندى ..
آى نعم هم نشروه بدون اٍستئذان و لا يحزنون ة لكن يعنى كويس أنهم نشروه بدون حذف و لا تعديل ..
لك كل الشكر و تقبلى تحيتى و تقديرى ..

اسماء واحلام فى وجدانى يقول...

انا جاى اقولك صباح الخير

سريع سرسع

rovy يقول...

السلام عليكم
ازيك يا استاذ فشكول ..؟
ادعوا الله ان تكون فى خير حال ..
الحقيقه انا جيت اسلم على حضرتك و اعتذر عن غيابى الفتره السابقه و اللى فوت عليا اكثر من بوست ان شاء الله اقرأهم و بعدين ارجع اعلق ..

دمت بكل خير

تحياتى

وفاء بركات يقول...

السلام عليكم يا أستاذنا
أولا تشكر علي هذا البوست الرائع
والمجهود العظيم في البحث وطريقة العرض والتحليل حاجه كده الواحد يرفع لها القبعه .
ثانيا هو في حد قريبك دكتور عيون
الكلام نونا خالص وانت عارف بقي
الناس الكباره اللي زى حلاتي .
ثالثا آيع حكاية بوست كل أسبوعين
خلي الموضوع عادى ولما أولادنا يخلصو الإمتحانات يقرو اللي فاتهم وربنا ينجحهم اللهم أمين.
رابعا حمسك وزارة التموين مع وزارة الغلبانين ولو قريت الرد علي تعليق حضرتك عندى حتعرف راح أعمل آيه ده انا ههبر هبر ..
تحياتي

ادم المصرى يقول...

السلام عليكم
اخى استاذ فشكول

انا يا اخى من 7 اعوام كنت بدرس الاحوال الفلكيه وكان استاذى الاستاذ والعالم زغلول النجار وبجد اكتسبت خبره جيده الحمد لله من هذا الفقه المبين

لكن لكا كل الاجر عند الله لهذا السرد العظيم الذى اتيت بيه ألينا وبارك الله تعالى فيك واحييك بشده على الصور الجميله المبينه

تحياتى لكا دائما وأبدا ادم المصرى

عاشقة الأحزان يقول...

السلام عليكم
عمى وحبيبى الغالى قووى على قلبى
صلاح بك فشكووووووول
هههههههههه
ماعلينا طبعآ بجد أنا بحترمك قوووى وبعزك موووووووووووووت
بس ماتخدش عليها وتستغلها
هههههههههههه
ماعلينا
متشكره قوووى ليك على كلامك الجميل ليا ونصائحك الغاليه ويارب يبارك فيك ويسعدك
لأنك من القليله المحترمه قووى الموجوده اليومين دول
طبعآ لو مافيش مانع
تسيب لى الميل بتاعك عندى ومواعيدك لأن بجد محتاجه أتكلم معاك قووى
ده لو مافيش مانع طبعآ
تحياتى لك ولأبنك الجميل ربنا يوفقك
وأبن الوز عوام
ههههههه
تحياتى
بنتك أنوسه النوسه كونوسه

ن يقول...

السلام عليكم
استاذى الفاضل فشكول
شكراً جزيلاً استاذى على المتابعةولكن الاجابة على أسئلة الاخ فارس قد تطول الا ان هناك بعض المصطلحات الهامة فى أسألة الاخ فارس فضلت أن أبدأ بها ليكون الحوار واضح من بدايته ولقد انتهيت اليوم من أول توضيح وتفضل معى لقرأة البوست الجديد.
أما بالنسبة لمصطلح العلوم المادية فلقد أوضحت فى بداية تعليقاتى مع الاخ فارس بأن هذا المصطلح نادر الاستعمال وةمن الصعب الاعتراف به من قبل العلماءلأنه مبنى على فلسفة لا يعترفون بها تعتنى بجوهر العلوم ولكن العلم فى وقتنا قائم على العلم التجريبى وهى قصةطويلة فلسفوها بطول الزمن بأن الانسان تعرف على العلم بالصدفة ورحلوا بنا الى بداية الحياة على الارض بأن الانسان كان بدائياً فى أفكاره وتجاربه مع الحياة حتى لغته اكتشفها صدفةونشأت عن طريق الاعتياد وهذا يخالف سنة الله فى الخلق وقد ذكر لنا الله عز وجل من بداية خلق آدم عليه السلام
* وعلم آدم الاسماء كلها * والانبياء لم يورثوا درهماً ولا ديناراً بل ورثوا العلم ولا شك أن العلم وصل الى مراحل متطورة فى زمننا الا أن كثير من النظريات القديمةوالحديثة ظلت تحاول عزل العلم عن الايمان بأنه * فوق كل ذى علم عليم * وأصبحت المادة طيعة فى أيدى البشر يعتمدون عليها فى عصرنا وهى ما أثمرت ما نستخدم وما نستهلك ومع يتقدومون به كيمائيا وفزائياً.. الى آخره ونسوا بأن المادة المستخدمة غى أى علم من العلوم هى مسخرة للبشر بأمر الله ونحن نجتهد فى استخدامها وما من علم فى الكون الا وأراه يحكى قصة أزلية هى من صنع الصانع .هكذا عقلى وهكذا أفكر
والاختلاف الذى بينى وبين الاخ فارس بأننى أنادى باستقلالية العقل فى التفكير من وقت لأخر لأنها من دواعى الفطرة وهو يحب الاعتماد على المعلومات الموثقة فهى بلاشك سهلة المنال ولكننا نرى أنها تسقط بعضها البعض من حقبة لأخرى والتناقض فيها لا ينتهى .
وأنا لم ولن أحكر على وجهة نظره ولكنى قمت بالرد على ما وجهه لى على أنى صاحبة مزاعم ولا استند لوثائق وفلسفتى قد تصل بالقارىء الى اللاوعى وطابور من المصطلحات هى فى الاساس لا تهلعنى ولكن اتوقف عند الذى أراه منطقيا للنقاش ويتفهمه كل من يتابعون وجهات النظر التى أكتبها .
أتركك تتابع معنا البوست الجديد
مع خالص تحياتى

ابو صهيب ( الجمعاوي الاصيل)سابقاً يقول...

السلام عليكم ورحمة الله وبركاته

اخي العزيز

لم اتابع الحلقات الاولى من الموضوع

ولكن بعدما قرأت هذه الحلقة سوف

اقرأها جميعاً ولي تعليق

انم القدرة الالهية وجنود الله سبحانه وتعالى اقوى واشد من اي قوة عسكرية في الوجود
(وَمَا يَعْلَمُ جُنُودَ رَبِّكَ إِلا هُوَ وَمَا هِيَ إِلا ذِكْرَى لِلْبَشَرِ }المدثر31

وما الطير الابابيل عنا ببعيد
و تسخير البحر لابتلاع فرعون
واغراق قوم نوح
وغيرها وغيرها

فعلى قدر المعصية يكون البلاء

فلعلنا نتعظ مما حدث لسابقينا وان نراعي الله في حياتنا
وتقبل الله منكم
وتقبل تحياتي

اللؤلؤة يقول...

سيادة الرئيس
الوضع هادء والأمن مستتب وقد سيطرنا على الموقف وقبضتا على كل المتظاهرين والمعارضين لحكم سيادتك وأعدمناهم رميا بالرصاص دمت ودام عزك سيادة الرئيس

من أجل التمكين يقول...

أضفتك مدونة حضرتك عندي في القائمة

جزاكم الله خيرا


-

قيس بن الملووووح يقول...

يا حبيب قلبي فشكول
أنا بحبك موت بس كل واحد بيدور علي قنبلته

ن يقول...

السلام عليكم
أستاذى الفاضل .. فشكول
أشكرك على هذه المتابعة وبالفعل الشكر كل الشكر للأخ فارس عبد الفتاح فهو الذى قادهذه الفكرة من بدايتها .
ولا يمكن أن أنكر إعجابى بفطنته ودقته وتحليله الجيد للأمور فهو بلا شك شاب متميز .
ولنا عودةمرة أخرى فى الرأى والمشورة
ولك جزيل الشكر سيدى على مشاركتك الفعالة مع المدونين عامة
مع خالص تحياتى

اوراق قديمة يقول...

استاذى الكبير فشكول
لا يسعنى سوى ان اشكرك جزيل الشكر لهذا المجهود الرائع وكانت سلسلة بديعة وفيها من العبر ةالعظات ما يصلح لجميع الاجيال خاصة اليوم حيث انتشرت الموبقات بل ويحاول اصحابها تعميمها
ارجو ان تواصل بحثك ولا تبتعد كثيرا
خالص احترامى وتقبل مودتى
ام محمد

الازهرى يقول...

فشكول المفشكل

انا تستغل غيابى وتفضحنى الفضيحة دى كلها
اكمنك يعنى عارف انى هأتأخر وارجع فى اخر الاسبوع فتاخد راحتك بقى
روح يا شيخ الله يسامحك كده ويكتبلك الجنة بعد عمر طويل ان شاء الله
وكمان ايه البياض ده كله حسستنى انى وقعت فى جردل لبن قبل ما اقابلك
وكل ده كان ممكن اسامح فيه
لكن تقول على انى مثقف يا نهار ابيض
انا مثقف ؟
انما اقول ايه ؟ بحبك وصعب ازعل منك
لكن ممكن ازعل لما الاقيك بتقول
ح اخطب لك عروسه واجوزها لك خصب عنك وتلاقى نفسك مكلبش بكلابوش .
يعنى انا اخلص من خالى تطلع لى انت

يا عالم هو ما فيش حد معايا
كلكم على كده
طيييييييييب
اما اعلنت الطوارىء واستدعيت الاحتياطى وهزمتكم

سلام وخااااااااااااالص مودتى وحبى

***************
افوق بس وارد عندى وبعدها نرجع نشوف موضوع الذرة ده على رواقة

عاشقة الأحزان يقول...

حبيبى الغالى
مافيش ميل ليك على الياهووووووو
أصل المسنجر ده رخم
الميل وصل
متقلقش
بس طبعآ مش هنشرها
ههههههههههههه
تحياتى لو فى ميل ياهووو نتكلم الوقتى شويه
ممكن

اسماء واحلام فى وجدانى يقول...

مسائك محمل بالخيرات

فانا احلم ان اكون بجوارك

ولكن ليس هنا

بل هناك

ونحن نرمى الجمرات

احلم يا والدى الطيب

ولا املك الان

الا هذه الكلمات

فهل تتقبلها منى

فوجودك بجانبى

هو اجمل احساس للذات

ابنك

مساعدك الامين

احمد

الازهرى يقول...

فشكووول
بقى انا ابو الفصاد ؟
ماشى يا عمنا
كل سنة وانت طيب وكل احبابك بخير يا رب
عيد ميلادى دايما اجازة رسمية وراجعه كده لمدة 10 سنين لورا على الاقل وانت تلاقية كده

وعموما السنة دى كان يوم شم النسيم

الجواز و سنينه يقول...

تسلم اديك بجد يا استاذ فشكول
و الله حسستنى بالرعب الفزيع و كأنى بتفرج على المشهد مباشره
عذاب ربنا شديد ربنا يرحمنا و يسترها علينا دنيا و آخره يارب
بس بجد تحياتى على البوست الهايل

الازهرى يقول...

بص يا عمنا
فى اكم نقطة حاولت اعديهم رفضوا وصمموا يتفهموا الاول

فى موضوع البركان ممكن جدا مع القوة المصاحبة لانفجار البركان ان يتطاير جزء كبير من محتوياته وتصيب القرى والمدن والناس من حوله وللليس بركان فيزوف وبومباى ببعيد عنا

اما عن الانفجار النووى وموضوع زوجة لوط والامر اليهم انيجروا
فلا احد ينجوا من الاشعاع بمجرد الجرى لعدة اسباب
اولها ان قوة الانفجار العادية للقنابل الصغيرة من طراظ هيروشيما وخلافه هو 40 كيلو مترا ولا اظنهم قادرين على العدو هذه المسافة فى اقل من ساعات كما ان القرية نفسها تكون قد ابتعدت عنهم كثيرا وتخطو الكثير من الجبال
ثانيا ان الاشعاع حتى خارج هذا لمجال يصل لمسافات هائلة ولو تذكر فى الثمانينات عندما حدث ما حدث لتشرنوبل فان المناخ فى مصر قد تأثر بسببها كماانه تم رصد تأثيرات له فى الهند وغيرهاوالمسافات واضحة
اما ثالثا ورابعا وسابع عشر تأجلها لحد اصحى لانى باكتب وعينى شبه مقفولة
تصبح على خير
تحياتى على المجهود الجميل

من أجل التمكين يقول...

جزاكم الله خيرا يا أستاذ فشكول

و تمت الاضافة تمام

فترة امتحانات جاية بقى و ربنا يستر


-

aidy يقول...

السلام عليكم يا عم فشكول

بجد كانت سلسلة جميلة وكنت متباعاها كلها وتخيلت كمان صور الانفجار اكيد كان شئ فوق التصور كمان

ومنتظرين البوست الجديد
اما فترة التضامن معانا طلبة الامتحانات :D

فده من كرم حضرتك عشان نقدر نتابع كمان

تحياتى

من أجل التمكين يقول...

السلام عليكم

أنا قرأت السلسلة كاملة

طبعا منقدرش نقول انه تفجير نووي

أنا عارف ان حضرتك مقلتش كدة

لكن كان ودي تضع حلقة كمان تذكر فيها الحديث اللي وصف الحادثة

اللي فيه ان جبريل عليه السلام رفع القرية على جناحه حتى سمع أهل القرية تسبيح الملائكة و سمع الملائكة صرخات أهل القرية

ياريت حضرتك تضعها في حلقة و تكون هي الاخيرة


جزاكم الله خيرا


-

rovy يقول...

ربنا يبارك لحضرتك استاذى الفاضل
بجد مجهود رائع مشكور عليه جدا و لا اجد كلمات توفيك حقك لكل هذا المجهود الذى تبذله حقا و ادعوا الله ان يجازيك خيرا و ان يكون مجهودك الرائع هذا فى ميزان حسناتك ..
كذلك اسلوب سيادتك فى الشرح سلس جدا ربنا يكرمك و يبارك لنا فيك

اود ايضا ان ابارك لاتمام العام التدوينى الاول و اعتذر عن عدم مشاركتى الاحتفال اللى ما كنش فيه و لا جاتوه و لا اى حاجه لكن كفايه انه احتفال بالعام التدوينى الاول لحضرتك .. فكل سنة و حضرتك طيب و عقبال 100 سنه تدوين يااارب و تكون دايما منورنا فى عالم التدوين ..

خالص تقديرى و تحياتى

الازهرى يقول...

فشكولنا الغالى
انا صحيت لك اهه
لكن انت قلت ان دا تصور شخصى ومعنى ذلك انه ليس مبينيا على ادلة تأكيدية وبذلك يمكن مناقشته من الناحية العلمية
ولو نظرت الى كل العقوبات التى وقعت على الاقوام الصابقة لوجدت ان اكثرها لا بد وان تكون كيفيته مخيفة ومعجزة من قبل الله ولكن لا تتنافى مع العقل كى يتقبلها الناس ويتعظوا به

اخبار صعلوك ايه وليه بطل كتابه ؟

اسماء واحلام فى وجدانى يقول...

والدى الطيب

فشكولى الجميل كنت اود فى مراسلتك لامر هام ولكنى لا اعرف كيف اعرف انى ساثقل عليك ولكن هذا من عشم الابناء فى ابائهم ايمليى على بروفيلى واشكرك جدا وااسف لازعاجك

ابنك احمد

ضحكات الحياة يقول...

السلام عليكم

بعتذر عن عدم متابعتى و لكن مشغول جدااااااااا

و لكن الموضوع رائع و حلو و ربنا يكرمك على الشرح و التوضيح السلس الجميل

و ربنا يكرم الجميع

zainab يقول...

السلام عليكم

استاذى العزيز فشكول

أنا جايه أطمن عليك و أسأل عن أخبارك

كيف حالك ؟؟؟؟؟؟


عشان بس ما تقولش عليا بتاعه مصلحتى ههههههههههههههه

حـــــ الــجــنــة ـــــور يقول...

السلام عليكم

عمي واستاذي الفاضل انا جيت اهوو اسلم واترجاك انك تدعيلي انجح بجد محتاجه الدعاااء

ومتأسفة على التأخير والتقصير

دمت بخير

صبرني يارب يقول...

الله ينور


والله يعنى ما فيش حاجه بعيده على ربنا طبعا

ليه لا

تحليلك مقنع جدا وواقعي جدا

تسلم اديك يا استاذنا والله

Mo7ammed يقول...

استازى الغالى

ليك عندى تاج

الحق خده بقى

دبستك ياعم اى خدمة

اسماء واحلام فى وجدانى يقول...

فشكولى الجميل غايب ليه يا ترا

والله مدونتى من غيابك متاثرة

جالها انمية وحالتها بقت مدهورة

جالها انمية من غيابك ومحتاجة جلوكوز

محتاجة منك طلة

يا اطعم من البندق واللوز

ابنك ومساعدك الامين

احمد

Beram ElMasry يقول...

فشكووول
استاذي العزيز من بقك لباب السما ويصيب قلوبهم بالعمي ويحفظك واحفادك ممن كل مكروه شكرا لك استاذي وحبيبي
ولك تحباتي والسلام ولا سلام مع اليهود

yoyo يقول...

صباحك سكر يا حتة السكر
يا ترى ليه بقى الغياب دا عنا ؟؟
هو احنا نقدر نعيش من غير القمر ؟؟
يارب تكون بالف خير يارب

منتظرة طلتك الجميلة
تحياتى
يويو

فارس عبدالفتاح يقول...

سلام عليكم ايه الحكاية انت غايب ليه عنا يا اخي الفاضل

سما أحمد يقول...

هذه زيارتي الاولى ويبدو انني تأخرت كثيراً _ للاسف _ وفاتني الكثير
مما قرأت من تحليل نادر ومنطقي مقبول
ارى اننا امام انسان مميز بتفكيره وتفسيره للامور
اشكرك على الافادة كماان مناقشة الردود ايضاً القت الضوء على بعض ما لفت نظري واثار عندي بعض التساؤلات
تسلم

قيس بن الملووووح يقول...

حبيب قلبي فشكول
غرقان انت في الامتحانات
يا خوفي ليكون اخرتك ملحق
تحياتي

عاشقة الأحزان يقول...

السلام عليكم
انت فين
أتأخرت عليا كتير قووى
الله يحرق الامتحانات اللى أخدتك مننا ياراجل ياطيب
هههههههههههههههه
طمنى عليك لأنك بجد وحشتنى مووووووووت
دمت بألف خير وصحه وعافيه
إيناس
نوسه النوسه كونوسه

نهــــــــــار يقول...

السلام عليكم...
جزيتم خيرا على تعبكم...
وطرحكم ...
.........
إزيك يا عمي أن شاء الله بخير...
...
في أمان الله..

dodo يقول...

السلام عليكم
عمو فشكول ايه الاخبار الاول
ثانيا جزاك الله عنا كل خير عن المعلومات القيمه اللى بتضيفها لنا وان دل يدل على مدى ثقافتك ومجهوداتك فى عمل البوست
تحياتى ليك

مذكرات مشاغب يقول...

اخيرا انتهت السلسله
لكنها انتهت نهايه غامضه لم تؤكد شيئ
اكني استفدت منها كثيرا

تحياتي