الخميس، ٢٧ أغسطس ٢٠٠٩

عدنــــــــــــــــــا بعــد الـــــفاصــــل


فاصل طويل اخذته منذ انقطاع النت مساء يوم 8/8/2009 الى اول امس وفى الحقيقه كنت مبسوط بس كنت عامل فيها شهيد وان يا جماعه الحقونى النت مقطوع من عندى يا خلق هوووووى النت مقطوووووع وفى الحقيقه كنت مبسوط عشان كانت راحة اجباريه من النت والبلوجرز كلهم


قوم اييييه : !!!!!!


اول امبارح يعنى كان يوم الاثنين جه النت وفاجأنى وانا كنت قاعد مأنتخ ومبسوط وصايم وانا فى الصيام بقى وخصوصا الساعتين الآخيرتين قبل المغرب ما حدش فيكم يشوف ومش عشان السجاير زى ما كل الناس بتقول ... لا ....لأ ... لا . هى بتبقى حاله مزاجيه مش عارف لها سبب بدليل انى بعد الفطار بحوالى اكتر من ساعه على با ل ما اشرب سيجاره لكن اللى بيهبلنى بقى المشروبات وخصوصا العرق سوس مع انه بيزود الضغط عندى لكن بحبه يا هوووووه


انا بقى عمال الخبط معاكم واجيب كلمه من هنا وكلمه من هنا عشان انا ما عنديش حاجه اقولها وما عنديش اى موضوع اقوله .... ايييييييه ده يعنى انا فلست ولا ايييييه !!!!


شوفوا بقى كل سنه وانتم طيبين وكلكم بخير وصوما مقبولا وافطارا شهيا .... بس كلمتين كدا مسح زور وما اطولش عليكم بقى وقوموا علشان تفطروا بالهنا والشفا .... انا النهارده عندى منبار وكبده وقلب وحاجات حلوه خالص .... اتفضلوا معايا الفطار


صوما مقبولا وافطارا شهيا

هناك ٦٥ تعليقًا:

gogo!sf يقول...

اوووووووول تعليق

بعد الغياب الطويل ليا

الازهرى يقول...

والتانى للأزهرى

الازهرى يقول...

وكمان التالت

gogo!sf يقول...

كل سنه وانت اجمل اب وطيب قلب يا فشكول

gogo!sf يقول...

ازهرى ازيك يا جميل

gogo!sf يقول...

وكل سنه وانت طيب يا ازهرى

والسنه الجايه كده ان شاء الله تكون مع العروسه

قول امين يا عم

gogo!sf يقول...
أزال المؤلف هذا التعليق.
الازهرى يقول...

مسح زور ايه يا عمنا
انت هتعمل زى ناس تانيين

فاكر ايام اسكندريه والناس اتصلت بيهم وعمالين يوصفوا فى الأكل وبعدها يقولوا انه خلص

اهو انت كمان شكلك اتعديت منهم من كتر ما رحت اسكندريه
الا هى لسه مقرره عليك برده والا خلصت منها ؟

على العموم كل سنه وانت طيب
وسلم لى على محمود كمان

الازهرى يقول...

جوجو
كل سنه وانت وكل احبابك فى خير وسلام

عروسة ايه بس
انت هتنضمى لحزب عمك فشكول والا ايه ؟


لاااااااااااااااااااا
ما احبش كده

الازهرى يقول...

وبعدين يا عم فشكول

انت بتقويهم على والا ايه ؟

على العموم اروح اصلى وبعدها نتكلم

محمد المصرى يقول...

حمد الله على السلامة ياعمنا

والله وحشتنا جدا

كل سنة وانت طيب

ياريت ترجع تنورنا تانى

منى سلام مصرى دائما

kochia يقول...

كل سنة وانت طيب
ويارب يكون عام سعيد عليك ان شاء الله

تحياتي

adel يقول...

حمدالله علي السلامة ياكبير
البلوج كان مصدوم عاطفيا من غيرك
وبنشكر السيد المسؤل عن رجوع النت لحضرتك و اكيد ده بناء علي توجيهات السيد الرئيس

رئيس هيئة التليفونات طبعا

وافطار شهيا خلاص بقي :):)

غير معرف يقول...

كل سنة وانت طيب

وصحتين وعافيي على قلبك منبار وكبده والحاجات الحلوة ^ـ*

رمضان كريم

نـــــور يقول...

كل سنه وحضرتك طيب

ورمضانك كريم
بتقولى عندكوا منبار عشان ادايق؟
انا بحبه
يلا اديهولى اكله وحضرتك كل من الحاجات الباقيه لانى مش بحبها:)

رمضانك كريم وبلاش سجاير
;)

قلم رصاص يقول...

كل سنة وانت طيب ياعمي الغالي فشكووول

رمضان كريم وصوم مقبول ان شاء الله

تقبل الله منا ومنكم الصيام والقيام والصلاة والدعاء وصالح الاعمال

وحمدلله على سلامة النت

في حفظ الله

ستيتة يقول...

عمنا فشكول
كل سنة وانت طيب
ارتحت من بلوج سبوت؟ ده كلام برضه
بالهنا والشفا وربنا يديك الصحة

بالنسبة لقصة المعاش
لي زملاء رافضين ياخدوا درجة علشان المرتب ها يقل نتيجة لأنتقالهم لشريحة ضريبية جديدة

ضريبة لما تلهفهم مش شاطرين غير ع الموظفين

كل سنة وحضرتك طيب وانا عملت اضافة ميل ياريت تقبلها

تحياتي

غير معرف يقول...

طالما فية فاصل يبقا فية اعلانات
والاعلانات تنقسم الى فلوس وبنات حلوة

بالنص يا باشا

والا هبلغ الحكومة تبعك عالبنات

وبطرس عن الفلوس


وحشتنا يا باشا

شوكولاتة يقول...

لولولووللولوللليييييي
أخيرا ياعم فشكول رجعتلنا بعد الغيبة الطويلة دي عود أحمدوعلي ومحمدأبوتريكة
كده نهون عليك كل الوقت ده ماتكتبش ولاتزورنا ولما ترجع تغيظنا وتقولي منبار وكبده طب خليلي سندويتشين وشوكولاتاية سايق عليك النبي

بلاش السجاير دي علشان خاطرنا والنبي

شمس النهار يقول...

حمد الله علي سلامتك وسلامة النت
:)
وكل سنه وحضرتك طيب وبصحه وسلامه

Asmaa mahaba يقول...

كل سنه وحضرتك طيب يا خالو

غير معرف يقول...

هههههههههه

كل سنة و أنت بخير و مع غير تدخين ,,
و بالعافية عليك بس لحد ما نوصل متأكده انك خلصت الفطور :(

مبروك علينا عودتك بيننا ,,
دمت لنا ^^

مي يقول...

حمد الله على السلامة
الحمد لله اخيرا النت جه
كل سنة وانت طيب يا جميل وحشتنا ووحشتنا بوستاتك
رمضان كريم

اقصوصه يقول...

بابا فشكوول

كل عام وانته بخير

وحشتنا اوي

رمضان كريم

وانا بعد عازمتك ع سفرة رمضان عندنا

وبالهناء والشفاء :)

ريمان يقول...

فشكولنا حبيب المدونين



ازيك يا جميل


والله انا بسعد اما الاقيك بتنزل بوست فى مدونتك بحس انك معانا واما بتغيب ببقى مضايقه والله اوى


كل سنه وانت طيب


رومضان كريم


وبجد شكرا اوى على سؤالك


ربنا ما يحرمنا ابدا منك



ايه ده


الحكايه فيها منبار


لا لا انا عايزه بقى ماليش دعوه


هههههههههههههههه

عمرو جويلى يقول...
أزال المؤلف هذا التعليق.
عمرو جويلى يقول...

فشكوووولى الغالى
السلام عليكم
حمداً لله على سلامتك
والبلوجر نور بوجودك
ورمضان كريم
دمت بكل الخير

♥نبع الغرام♥♪≈ يقول...

الكبير وصل ياجدعااااااااااان

وحشتنا ياكبير

♥نبع الغرام♥♪≈ يقول...

منورانا كده على طول ياغالى ربنا ما يحرمناش منك ابدآ

♥نبع الغرام♥♪≈ يقول...

المهم انك جيت وحسك باقى معانا فى الدنيا وده اهم حاجه يا راجل ياطيب

ياحبيب الملاين


ربنا يبارك فيك ويسعدك يارب ويعطيك الصحه والعافيه

♥نبع الغرام♥♪≈ يقول...

يارب النت ما عاد يروح تانى عشان بيحرمنا من طلتك البهيه علينا يا عمو صلاح ياسكره

♥نبع الغرام♥♪≈ يقول...

عودآ حميدآ احمدآ

وان شاءالله معانا كده ومنورانا على طوووووووووووووووول

أحــوال الهـوي يقول...

يا عمنا حمد الله ع السلامه لنتك و عرقسوسك
انت واحشني جدا و لان اللقا نصيب ماكنش ليه نصيب اشوفك السنه دي مع اني كنت قاب قوسين او ادني في لقاء ستنا ستيته

و بعدين انت مجرد ما تنزل حاجه جديده حتي لو شريط فاضي بنستمتع بانفاسك الذكيه

عمنا فشكول كل سنه و انت طيب و يا ريت تنتهز فرصة رمضان و تبطل سجاير و تكون انسان جديد

كل سنه و انت بكل خير
منور

تحياتي

د. ياسر عمر عبد الفتاح يقول...

حمد الله علي السلامة يا عمنا
والله ليك وحشة
بقي ده يصح يعني
النت ياخدك مننا كده

كل سنة وحضرتك طيب
وربنا يتقبل مننا صالح الأعمال

جزاك الله خيراً

غير معرف يقول...

كل سنة وانت طيب
تقبل الله منا ومنك صالح الاعمال
عودا حميدا وكنا نفتقدك كثيرا
استاذنا الفاضل
سلامى للحاجة وقولها انى بقولها
كل سنة وهى طيبة
ودمتم فى حفظ الله

نبراس العتمة يقول...

كل سنة وانت بخير ياعم فشكول
رمضان مبارك
وبالمغربي

مباركعواشير

بعد العطلة التي كنت مسافر فيها عدت إلى المنزل بداية رمضان وجدت النت منقطع لأني لم أدفع ولأن الأمر صادف السبت والاحد عطلة عندنا انتظرت ليوم الاثنين سويت الحساب وفتحت النت وانفتح العالم كدفتر كراس إلا البلوغسبوت
قلت فيه عطب في البلوكسبوت أو الخط مش عمال..وبعدها لقيت أسافو عالامسن وقال لي أن البلوغسبوت شغال عنده. رحت قالب الجهاز وواخذ استشارات وأخيرا اليوم هذا الصباح انفتح
وقلت أزور عمي فشكول لا يكون زعلان منا
لقيتك تتكلم بطريقتك المعهودة الصريحة وتبسط الكلام ببساطة محسود عليها

مودتي الرمضانية

Darsh Basha يقول...

حمد لله على السلامة ياعم فشكول

وربنا يسعد ايامك كلها وتاكل ممبار لما تقول بس

وكل سنة وانت طيب

ليس فقيرا من يحب يقول...

السلام عليكم

الف الف حمد الله على السلامه يا عمى

وحمد الله على سلامه النت

كل سنه وحضرتك طيب يارب

رمضان كريم

ذو الوجه المبتسم يقول...

السلام عليكم ورحمة الله وبركاته

كل سنة وحضرتك طيب

رمضان كريم

ومبروك عليك عودة النت

اتمنى تشرفنى باستمرار

تحياتى .. ذو الوجه المبتسم

walaa tulip rose يقول...

كل سنة وحضرتك بكل خير
ليا سؤال مهم اذا سمحت
هي العزومة عزومة مراكبيه ولا بتعزم بجد
يعني تجري ريقي وتقولي اتفضلوا معانا وتقوم تاكل لوحدك .... بالزمة ده كلام ؟؟
رمضان كريم ويارب رمضان سعيد علي الجميع
تحياتي

ميمى واحمد يقول...

يا اونكل فشكولي تحياتي ليك

وكل سنة وأنت طيب

ورمضاان كريم

”*°•.˜”*°•..سونه..•°*”˜.•°*”˜ يقول...

السلام عليكم
كل سنه وانت طيب وبصحه وسعاده
اى الفطار الجامد ده
بالف هنا و ربنا يتقبل صالح اعمالك يارب
حمدله على سلامه النت
سلام سونه .

Pink Dreams يقول...

يا خبر مش لاقى حاجه تقولها ازاى بقى

دا كفايه كلمه كل سنه وانتوا طيبين اللى فى الاخر دى

المهم اننا اتطمنا على حضرتك

ان شالله حتى تعملنا بوست تمسى فيه علينا وبس

ومبروووووووووك على رجوع النت

كل سنه وحضرتك طيب

تقبل تحياتى

حروف يقول...

وانت طيب وبصحة وسلامة دنيا كانت من غيرك وحشةةة
محدش كان راضي ينزل بوستات وكانت حتقوم مظاهرة شعبية بتحرير النت ويرجع بسلامة
هههههههههه
بس احنا وقفنا وقفة رجاله وقلنا لا ممكن ابدا عمو فشكول حيزعل اننا نعمل كدة
فرجعنا في كلمنا ومقومناش الثورة وسبناها نايمة
دمت بالف خير عمنا العزيز

محمد عبدالرحمن شحاته يقول...

عموا فشكول
عوداً حميداً ان شاء الله
وعلى فكره زي ما النت بيقطع فجأه بييجي فجأه برضه
" فلا بد ان تكون على أتم الاستعداد لملاقاة هذا الضيف الغالي" حلوه الصيغه دي
ويارب ما تغيبش تاني عننا كتير
تقبل مروري
مشروع محاسب

محمد الجرايحى يقول...

أستاذنا الجميل: فشكووول
السلام عليكم ورحمة الله وبركاته
حمداً لله على عودتك الطيبة
وإن شاء الله آخر الغيبات
وكل عام وأنت بخير وفى تمام الصحة والعافية
وتقبل الله منا ومنكم الصيام والقيام وصالح الأعمال
اللهم آمين
أخوك
محمد

شبه إنسانه .....( سهوره ) يقول...

عمو فشكول

وحشتنا قوووووووووووووووووى

ارجع لنا بقى

وخليك فى وسطنا

تحياتى

محامي متدرب يقول...

مرحبا استاذ فشكول
بداية انا سعيد جداً بمرورك بمدونتي وهذا يشرفني كثيراً , واعتذر عن هذا الانقطاع وعدم نشر التعليقات لظروف خاصة ,, فاتمنى ان تتقبل اعتذاري

ثانياً يسعدني ان تتواصل معي على مدونتي التي اقوم بتحديثها دائماً وهي
www.hazemgaza.blogspot.com
وهذا شرف لي ::
وباذن الله نكون من الأصدقاء
تحيتي لك

Unknown يقول...

مرحبا استاذي العزيز فشكول
حمد لله على عودتك
ويشرفني ان نبقى اصدقاء , وات تنير حروفك المميزة مدونتي المتواضعه
فانا صاحب مدونة محامي متدرب , ولكن هذه المدونة هي ما اقوم بتحديثها بشكل دائم

قمت بوضع مدونتك ضمن قائمة الاصدقاء , بعد اذنك :)
مع ودي

وحي القلم يقول...

السلام عليكم
ازيك يا عم فشكول
ربنا يقويك ع الاكل يا استاذ
-------
تقصد ايه باني اتغيرت

خالد فوده يقول...

كل سنه وحضرتك طيب

أسفين علي التأخير


ربنا يكرمك يااااااااااااااااااااااارب

احلام جوليا يقول...

كل سنة وانت طيب يا استاذ فشكول واي حاجة تقولها نحب نسمعها اكيد وبالهنا والشفا المنبار وانا بحبه قوي يا استاذ فشكول تبعتليش شوية في طرد الله يخليك بالهنا والشفا

"أحلام حقيقية" يقول...

الف حمدلله على السلامة وعودة حميدة لنت
كل سنة وحضرتك طيب وكان نفسى اجى بدرى شوية علشان الحق المنبار والكبدة :)

عاشقه وغلبانه يقول...

الف حمد لله علي السلامه ياكبيرنا
بس سؤال
هو العرق سوس بيرفع الضغط ازاي اذا كان هو مدر للبول..........؟؟؟؟؟؟

عمرو جويلى يقول...

أستاذنا الكبير / فشكووول بك
السلام عليكم
كل عام وحضرتك والأسرة الكريمة بخير
وأودأن أذكرك بشىءأعتز به ألا وهو
أن أول مدونة دخلت عليها وعلقت فيها كانت مدونة فشكوووول دوت كوم وأول مدونة علقت عندى كانت مدونة فشكوووول
وهذا ما يجعلنى أعتز بشخصك الكريم ومدونة حضرتك
دمت فى سعادة

د. ياسر عمر عبد الفتاح يقول...

كل سنة وحضرتك طيب يا عمنا
انهاردة يوم عشرة رمضان
يعني حرب أكتوبر
فقلت لازم نهني أصحاب الفرح
وحضرتك طبعاً العريس الكبير
والبطل المغوار بتاعنا :)
كل سنة وكل المجاهدين اللي عبروا القناة بخير
وربنا يتقبل موتاهم في الشهداء

مهرة سالم يقول...

السلام عليكم .......
أهلا وسهلا ومرحبا بعودتك.....
ومبارك عليك الشهر .....
........
وألف هنا وعافيه ......
أما الممبار حكايه ....
.....
في أمان الله

طهر فؤادك يقول...

السلام عليكم ورحمة الله وبركاتة
ربنا يكرمك يارب والمسلمين ... ودى اول زيارة لحضرتك بالمدونة ويارب تكون زيارتى خفيفية على قلبك وان شاء الله لو قبلتها مش هتكون الاخيرة واليك رابط مدنتى للك ومن تحب :-http://rasoulallah1.blogspot.com/

الازهرى يقول...

أستاذنا الغالى

أتمنى أن لا يكون هناك مايثير الريبة أو الخوف
ولكن بعض الأمور حدثت أثناء غيابك
جزء منها مذكور فى ذكريات

أما الفضول فاحترس
فقد قتل القط

تحياتى دوما

عمرو يقول...

كل سنه و حضرتك طيب يا أستاذنا و مبارك عودة النت ..
أيوه أنا برضو من عشاق العرقسوس بس نفسى أعرف ليه لونه بيبقى مختلف عن لون العرقسوس بتاع الشوارع ؟؟!!
بجد حاولت كتير أعرف السر بس ماوصلتش لحل ..
كل سنه و أنت بصحه و خير و سرور ..

آه وكفى يقول...

هيييييييييييييييه
ياشيخ دانا كنت متغاظة ومصدقت قولت اجي اجرب ابص هنا لئيت حضرتك
حمدالله عالسلامة ياعم ومتغبش كده انته مرتاح مننا احنا موش مورتاحين نوهائي

كل سنة وحضرتك طيب يا عمو فشكول ومعلش الصيام صعب في الحر والعالم بتبئى غبية جدا مبيفهموش مع ان المخ بيشتغل احسن و هى المعدة فاضية مش عارفة في ايه الشعب الغريب ده

واهي فرصة بئى حاول تبطل السجاير وكون انسان جديد D:

تحياتي

صدى الصمت - عاشقة الورد - يقول...

حمدالله على سلامتك
نورت التدوين من تانى
كل سنة وحضرتك طيب
ورمضان كريم

Asmaa Fathi يقول...

كل سنه وحضرتك طيب

وحمد لله علي سلامة النت

وانا جايه علي الفطار بس تعيد عمل

الاصناف دي تاني ماسي

تحياتي

Unknown يقول...

هلاااااااا بالحلوين
هلاااااا بأحلى ناس
مستر فشكول نورت بعودتك يا عيني
وان شاءا لله النت ما بينقطع لحتى نشوفك على طول
ربي ما يحرمنا منك يااااااااااارب

ويعطيك الف عافية يااارب
وامنيتي اجي لعندكم وازور مصر :)

(حلـم) يقول...

عم فشكول

بصراحة


عارف ليه احنا بنحبك


بس لانك مصري


بحجم مصر

بس

خلص التعليق

كل سنة وضميرك طيب


ومصر طيبة
وانت بالف خير وسرتك الكريمة

حلم