الخميس، ٢٤ سبتمبر ٢٠٠٩

العجز الكبير... اعرج مكسح ...مشلول ياولدى



كله عامل بهلول




نعجز عن مواجهة انفلونزا الطيور ونغرق فى شبر ميه عشان امكانيات الدوله مش قد كده




نعجز عن مواجهة انفلونزا الخنازير ونغرق فى شبر ميه عشان امكانيات الدوله مش قد كده




عاجزين عن اننا نعمل مدارس كويسه عشان امكانيات الدوله مش قد كده بيقولوا يحطوا صابونه فى كل فصل ... طب ليه والمدرسه اصلا ما فيهاش ميه ولا فيها مياه خالص واسألوا قناة الـ O N TV وعايزين يقفلوا المدارس خالص السنه دى عشان برضه امكانيات الدوله مش تستحمل تصرف على حد لو الوباء انتشر ... يا نهار اسود على امكانيات الدوله واللى خلفوا امكانيات الدوله اللى مش عارفين حيبقى لها امكانيات امتى وفى اى حاجه حنلاقى لها امكانيات؟



حجم الخط

كل واحد بيشوف نفسه مانيكان



عاجزين اننا نعمل علاج وصحه كويس والمستشفيات تسد النفس برضه عشان امكانيات الدوله مش قد كده




عاجزين اننا نعمل انضباط وامن فى الشوارع بالرغم من ان امكانيات الدوله فى الحكايه دى قد كدا لكن امكانيات البشر مش قد كدا




مش عارفين نعمل مواصلات كويسه عشان امكانيات الدوله مش قد كدا




الطرق بتاعتنا احسن طرق فى العالم تعمل حوادث والتسفيل للاسفلت زى الزفت ما هو برضه من الزفت عشان امكانيات الدوله مش قد كدا



الانشاءات بتاعتنا يا دوب سنه او اتنين وبعدين تقع تانى عشان امكانيات الدوله مش قد كدا



عاجزين ان يكون عندنا تعليم عالى وان يكون عندنا جامعه من احسن 500 جامعه فى العالم ... برضه عشان امكانيات الدوله مش قد كدا


عاجزين اننا نطهر البلد من اكوام الزباله.... عشان امكانيات الدوله مش قد كدا



الحاجه الوحيده اللى احنا فالحين فيها اننا ناخد ضرائب من الناس لدرجة ان الضرائب وصلت الى 180 او الى ذلك مليار جنيه .... بتروح فين يا اللى امكانيات الدوله مش قد كدا



بصراحه فشلنا فشل زريع فى كل حاجه ودايما نقول امكانيات الدوله مش قد كدا ... هو احنا حنفضل نقول لحد امتى ان امكانيات الدوله مش قد كدا ... طب يا مسئولين يا اللى بتطلعوا فى التليفزيون وتقولوا ان امكانيات الدوله مش قد كدا بقى لكم 50 سنه تقولوها ... عملتم بقى ايه عشان تبقى امكانيات الدوله قد كدا .... والا هى مش قد كدا فى حاجات .... وقد كدا فى حاجات تانيه.



امال بقى لكم 57 سنه بتعملوا ايه ... بتغرفوها وتجرفوها


يا هؤلاء .... من انتم ..... عجز فى كل شيئ ... فشل فى كل شيئ ... اين الشرعيه ؟؟؟



دائما يوم الخميس او خميس بعد خميس .. انتظرونا




هناك ١١٦ تعليقًا:

الكحيان يقول...

الكده وكده في بلاد ( مش قد كده ).
فعلا عندك حق البلد شاطرة قوي في لم الفلوس والضرايب الحكومة عاملة زي الرقاصة أي حاجة يلموا منها فلوس ويفرضوا عليها ضريبة يعنى أنا رحت أوصل بعض أقاربي المطار منعوني من دخول الصالة وقالوا لا زم تقطع تذكرة وفي محطة القطر توصل قريبك لازم تذكرة.. الغريب إن الدولة بتتدفع ملايين ومليارات في حاجة فاشلة وتافهة استقبال أوباما دفعوا كتير قوي قوي حتى إن قبة الجامعة لوحدها لمعوها بـ 55 ألف جنيه بس . صفر المونديال بعزقوا فيه فلوس بالهبل والصفر الجديد بتاع فاروق حسنى دفعوا فيه ملايين ويقولوا إمكانات البلد مش قد كده بصراحة مصر أكبر من كدة بكتير لكن الزبالة اللي بتحكم مصر هي اللي مش قد كده خالص وكان الله في العون .

الكحيان يقول...

التعليقات موجودة ياعم فشكول إنت علقت في تدوينة التهئنة السابقة . وأنا شاكر لك تعليقك لكن واضح أن المعلقين ماخدوش بالهم من قصدي أنا رافض للقصة أصلا وللقيم التي تبثها فتلك القصة توضح لنا أن الأحكام بالأهواء فالعمدة يخترع أحكاما ويخير اللص فيها وقد خيره بين أحكام ليس منها حد السرقة المعروف الذي تنفر منه النفوس الآن لأنها تجهل طبيعته وحكمته وملابسات تطبيقه وأثره ومن هنا ينشأ الطفل على فكرة أن الأحكام هوائية ومن الممكن أن يغيرها بحسب هواه كما يريدون الآن إلغاء حكم الإعدام من أجل عيون هشام طلعت . هذا بعض ما أردت وأنوي المتابعة فيه .

ليس فقيرا من يحب يقول...

يا عمى العزيز متخدش فى بالك

اصل اللى هيدقق فى احوال البلد دى

هيتهبل بعيد عنك وعن القراء

عيزاك تروق خالص وتعملك مج كاكاو

تشربه كده

احنا منستغناش عنك يا

عمى

عمرو جويلى يقول...

أستاذى فشكوووول
السلام عليكم
الدولة يديرها مجموعة من المافيا المتخصصة فى نهب كل ثروات البلد وفقط وغير ذلك فلا تسألهم عن إمكانيات
حاجة تجنن
بلد لم تتدخل فى حرب منذ 36 عاماً وبالتالى من المفروض أن يعم الرخاء ولكننا نجد دائماً العكس فما زالوا يرددوا إمكانيات الدولة تعبانة طب إلى متى ؟
تقبل مرورى

حـــــروف متــبعترة " عــمرو الشــايب يقول...

احنا بصرااحة لا فالحين حتىف اى حاجة ف العالم فالح فيها استيراد بنستورد كل حاجة حتى شنط المدراسة و سجاجيد اللاة بنستوردها نعمل اية بس احنا حكومة الاستيراد و كل حاجة حلوة ف مصر مستوردة احنا مش عارفين نعمل اى حاجة ف اى حاجة يا عم اذا كان بيقوللك المستشفيات المفروض الى يكون ف الطوارىء يكون جايب امتياز و هو حمار اصلا احنا بلد الشعارات و نحن انجزنا و انجزنا و يا قلبي لا تحزن

طب بالله عليك قاعة القهاوى و الصلاة ف المساجد و الكنائس هيمنوعها

بقى شوف الحوار بتاع ان مذيعة شافت عربية فراخ ف وسط البلد و اتصلت بوزارة الصحة قالها طالما برة المحل تبع الحي جوة المحل تبعا تيتتيتيتيت

و هكذا ملخص حكومتنا

SHAPE YOUR LIFE (ABOALI) يقول...

اه

شكلك كده معترض
وعاوز تعمل ثورة
وتخلى الناس منظمة
ويعتبروا البلد دى بلدهم
ويحافظوا على البلد
ويعلموا ولادهم الحفاظ على اساسات المدرسة ويذكروا وهما مبسوطين

اه

شكلك كده بتدعى للاخلاص والجد والجهد
ونلم بعض ويكون لينا صوت عالى
نطالب نكون فيه من نسل بنى ادم
مش حبة حيوانات تتصارع وكله بيعمل مصلحة من كلة ونظام اضربنى على قفايا وطبطب عليا بكرة نانسى عجرم تغنى ليه

شكلك بتقول اه
علشان شعب بيصرف فى رمضان اضعاف اضعاف اللى بيصرفوا كل شهر

يعنى حوالى 200 مليار

شكلك بتقول اه

علشان بنصرف على الصواريخ حوالى نص مليار

شكلك هاتفضل تقول اه


وبس


شكرى وخالص تقديرى

Me7'o يقول...

عمى العزيز فشكول

كل سنة وحضرتك طيب
إسمح لى معلقش على البوست ده
لإنى إمكانياتى مش قد كده

تحياتى

*البت المشمشية *حلوة بس شقية * يقول...

لالالالاء مش عايزين حد يسمعنا
ما الحياة كلها زى الفل اهى

ليه الاعتراض ده

همس الارواح !! يقول...

استاذى ... فشكول

عندك حق والله متعرفش بجد الناس ده عاوزه ايه ولا لمصلحة مين اللى بيحصل ده

فلوس بلدنا بتروح فين ؟؟؟؟ الله اعلم
والضرائب اللى بتتحمع ده بتروح فين ؟

والمصيبه ان كل حاجه وكل اللى بيتقال ان الميزانيه لا تسمح
هنقول ايه ؟؟؟؟؟؟؟؟؟ لنا الله

تحياتى ليك

همس الارواح !! يقول...

استاذى ... فشكول

عندك حق والله متعرفش بجد الناس ده عاوزه ايه ولا لمصلحة مين اللى بيحصل ده

فلوس بلدنا بتروح فين ؟؟؟؟ الله اعلم
والضرائب اللى بتتحمع ده بتروح فين ؟

والمصيبه ان كل حاجه وكل اللى بيتقال ان الميزانيه لا تسمح
هنقول ايه ؟؟؟؟؟؟؟؟؟ لنا الله

تحياتى ليك

بيطرية ومش بايدى يقول...

عمو فشكووول
والله كلامك كله صح بس نعمل ايه
فى اللى ماسكين دول
ربنا هو المنتقم الجبار بس مادام احنا فيها والله العظيم عندى امل كبير جدا انا واصحابى واخواتى ان احنا نغير بس نكبر شوية ف السن ونتحسب نفر على الحكومة
اصل محسوبتك لسه معملتش بطاقة
ما املكش دلوقتى غير الدعاء

بيطرية ومش بايدى يقول...

والله البت المشميشية عندها حق

الحياة ميت فل وعشرة اهى مش الدولة الكريمة بتوفر لنا عيش جميل
يبقى ليه نعترض
هههههههههههههههههه

عمرو يقول...

أستاذنا الفاضل تحياتى ..
صبر جميل و الله المستعان لعل فى أمره فرج قريب اٍن شاء الله ..
الحقيقه و بصدق مش لاقى حاجه أحاول أجمل بيها الصوره شويه لأن حضرتك جبت المفيد بصراحه فأى كلام لتتفتيح الصوره شويه علشان خاطر الجيل الصاعد مش حيجيب فايده ..
الله كريم ..
تقبل تحياتى و تقديرى ..

اسماء واحلام فى وجدانى يقول...

خايف اقول كلام لحضرتك يطلع مش اد كده

بس الدنيا يا والدى فيها ده وده

كل اللى هاقدر اقوله ربنا يستر على الناس من انتشار الفيرس ده بجد ربنا يستر

همس الاحباب يقول...

كل سنة وحضرتك بخير
وربنا يستر علينا من كده وكده
مع ان اليلد مليانة خيرات وفلوس بالهبل
بس على الفشخرة الكدابة والسرقة والنهب ولا عزاء للغلابة والشعب المطحون
تحياتى

The illusionist يقول...

استاذى فشكول
الف كل سنه وانت طيب يا غالى
حبيبى والله سف معيدتش عليك فى مدونتك
بس عيدت عليك عندى
كل سنه وانت طيب
واوعدك من مكانى
ان مجمع شبين ده لو واحد اتعدى فيه
شبين كل هتوباد باذن الله ان لم تكن المنوفيه
والضرايب
بيشتروا بيها عربيات للريس عشان يروح بيها المؤتمرات

Unknown يقول...

بعين الله يا استاذ
مو بس عندكم هالشي
للأسف الشديد كمان عنا
ربنا يجيب اللي فيه الخير

شوكولاتة يقول...

مالك ياعمو فشكول بس ومال 180 مليار دول لمصلحتك أولا يعني هايعملولنا بيها مستشفيات تجيب أجلنا ومدارس تجيب التخلف لولادنا وطرق نموت عليها وكل مايهمك
أنا لسه شايفة حفل افتتاح بطولة كأس العالم للشباب روح اتفرج عليه وأنت تعرف إن ميزانية الدولة سامحة بالقوي قوي شوف واحد زي هاني أبو ريدة علشان طلع قال البقين اللي معرفش يقولهم أصلا أخد فيهم كام مليون وزيه حرامية كتير
الدرس اللي اتعلمته إن ميزانية الدولة مش لأي حد

تحياتي على البوست الهايل

yoyo يقول...

آه يا قلب على اللى احنا فيه آه و اللله يا عمنا كلام حضرتك صح
احنا مش فى حاجة فالحين فيها غير على راى الحاج بابا
احنا اجدع ناس فى الخيبة و بس
نتفوق بجدارة
و الله بقوله ياحاج انت كدا هتحسدنا وحتى دى هنعجز فيها

yoyo يقول...

هى كده دى اد ايه يا ترى
وله مش بيتظهر بس الا لما اتكون حاجة تمس الشعب الغلبان اللى طالع عينه و عين ابه ومش عارف حتى ياكل العيش حاف
لحد عندنا و الكده دى تظهر

yoyo يقول...

يعنى احنا اتعودنا نقف لحد الاخر و بعدين لما تخرب نبدا نتحرك دلوقتى بيقلوا نلغى المدرسة طيب هتقدر تمنع الناس من الاختلاط
هتحبس الناس فى البيوت
ولا هتعمل ايه
حتى لو لقدر الله انتشر الوباء عندنا امكانيات بجد ولا برده كدا وكدا
ووقتها يالا اللى يروح يجى غيره و الشعب اهوا كام مليون مش هتفرق بقى شوية

آآه منك وآآه عليكى يا بلد

ربنا يرحمنا و يتولانا برحمته الواسعة يارب

adel يقول...

العجز وصلا في كل حاجة
الا الواسطة و المحسوبية و الكوسة و الرشوة و الفساد و التهليب و الافترا

ربنا يخلي خميس

اســ الغربه ـــير يقول...

الدوله ياعم فشكول

اه من الدوله

الى انا فيه ده بسبب امكنيات الدوله

هما صحيح بجد ناوين يلغوا المدارس السنادى مش كانو ماجلنها لاول 10 وخلاص

يلا منهم لله الحرميه الى وكلنها فى بطنهم

الازهرى يقول...

عارف يا عم فشكول الليله كبيره قوى قوى قوى يا عم الحج

صعب أقول على حاجه من كلامك غلط ببساطه إنه صح جدا جدا جدا
بس تفتكر العيب فييييييين
ما هو الحكومه ايدها فرططه وبتصرف فى امور غامضه وعلى امور هلاميه وباشوف بعينى فلوس بتيجى وتنتهى على الورق
بس مين السبب ؟
أرجع وأقول المثل القديم
يا فرعون إيه فرعنك
وانت عارف الباقى
يعنى المشكله فى الثقافه العامة واسلوب حياة الشعب عندنا
هات اى واحد قل له عاجبك اللى بتعمله الحكومه يقول لك اطلاقا ويبدأ يسب ويلعن للصبح على الحكومه وانها بتصرف على الفاضى وانها بتهدر المال العام وصفر المونديال وفاروق حسنى حفلات الاستقبال ومصايف الوزراء وتجديد مبانى الحكومه الخ الخ الخ
واسأله عن مصاريف بيته هتلاقى انه بيصرف اضعاف مصاريف الحكومه على الفاضى برضه وعلى أمور سخيفه ولا لها اى لازمه والمسأله نسبه وتناسب
يعنى لازم الشعب الأول يكون عارف مصلحته وبيسعى لها بصدق عندها هتلاقى الشاعر صادق تماما

اذا الشعب يوما أراد الحياه
فلا بد ان يستجيب القدر

وطبعا قول الله تعالى قبل كل حاجه

إن الله لا يغير ما بقوم حتى يغيروا ما بأنفسهم


تحياتى دوما

الازهرى يقول...

نسيتنى يا عمنا
أتمنى تكون الحاجه رجعت بالسلامه

وكمان تعالى هنا
ذكريات زعلانه منك
من زمان وانت بعيد عنها

ينفع كده ؟

كلمات من نور يقول...

لا تعليق

أنا روحي بقت في مناخيري وكل كام شهر تحبك معانا نهاجر ونرجع نقول أمهاتنا و أهلنا يا ناس...بس العيال دي حتتربى وحش وحيطلعوا كحيانيين وتحياتي للمصريين

اوراق قديمة يقول...

استاذنا الكبير فشكول
كل سنه وانت بالف خير
وحشتنى كلماتك اللى بتضحكنا دايما على خيبتنا اللى بقت عادية
بس انا زعلانة من حضرتك جدااااااا
وواخدة على خاطرى جداااااااااا
لم تسال عنى طول فترة غيابى ولا تعليق ولا تقول ام محمد راحت فين
عموما كل سنه وانت طيب
ام محمد

مي يقول...

مع ان حكومتنا( نظيييييييييفة) جدا
و(شعبها مبارك )دايما فى كل حاجة
هههههههههه اصل ده( الجمال) كله فيها
ربنا يستر علينا
كل سنة وانت طيب

Eslam Eldosoky يقول...

طب ما يستقيلوا
طب ما يعملوا قعدة عر ب مع الناس
ويقولوا اللي حملها ييجي يشيل مكانا
ولا هو الغرا اللي لازق في هدومهم علي الكرسي مش مخلي عندهم جرأة لكده
مش عارف أقول بصراحه
زيي زي كل الناس
مخنوق من الوضع الراهن
لكن مفيش في أيدي حيلة
تحياتي لك أستاذي العزيز

ريمان يقول...

هذا هو الحال يا عزيزى



وهذه هى مصر يا فشكولى


تفتكر ممكن حال البلد المايل ده ممكن يوم يتعدل؟

اقصوصه يقول...

اممم

الله يعيننا على هالزمن

وع اللي يحصل فيه

الله يعدي هالايام ع خير يا رب

ويحفظنا ويحفظ المسلمين

امين يا رب

عيدك مبارك بابا فشكول

اوراق قديمة يقول...

استاذى العزيز
برضو زعلانة تصور
قوللى ليه
عشان انت كتبت لى من غير ما تقرا
ولو كنت قريت كنت عرفت انى كنت بامر بمحنة مرضيه قاسية
وده كان السبب اللى ابعدنى عن كل اصدقائى
بس طبعا انا مقتنعه تماما بكل كلمه قلتها
ولكن تقدر تسميه مجرد حنين للماضى
الف شكر لمتابعتك
وربنا ما يحرمنيش من تعليقاتك
ام محمد

أحــوال الهـوي يقول...

دائما يوم الخميس او خميس بعد خميس .. انتظرونا

ايه يا عمنا هي امكانيات البلد مش سامحه احنا مش متعودين منك علي كده

بالنسبه للموضوع فمتتعبش نفسك لان مافيش حد امكانياته بتسمح الا في الهجص و الكلام الفارغ
يعني لو مسئول كبير يرصفوا له الشارع لو مدن الصفوة و طرق الاغنياء تتخلق الفلوس و غير كده الميزانيه لا تسمح

تحياتي

Unknown يقول...

بسم الله الرحمن الرحيم
السلام عليكم ورحمه الله وبركاته .
كل يوم خميس أو من الخميس للخميس ...
ونجري زي المتاعيس ...لا ياعم ..
احنا مش كد كدا !!!

mahasen saber يقول...

كلامك جميل يا عمنا الغالى

للاسف احنا بقينا ناجحيين جدا وبتفوق فى اننا نفشل فشل بتفوق برضه قدام اى مشكله تواجهنا

شكل البلد عجبها قوى فيلم الهروب الكبير بقينا بنواجه اى مشكله بالهروب منها بسرعة البرق

maha zein يقول...

كل سنة وحضرتك طيب
يا رب يديم سعادته عليك
انا في اعتقادي عمر ما الاحوال هتتظبط
غير لما كلنا نصلح من نفسنا
و نستن بسنة نبينا صلي الله عليه وسلم
و نتخلق بأخلاقه
و نراعي ربنا ويبقه رقيبنا ربنا


المشكلة ان جور الحكام من معاصينا و ذنوبنا
يلا دمت بخير

Pink Dreams يقول...

يعنى هى جت بقى على الحاجات دى

عادى

انا هقولك ليه

بس اوعى حضرتك تقول لحد











اصل امكانيات الدوله مش قد كدا

وهى من امتى قد كدا

تحياتى لك استاذى

أبــــو ضـــيــاء يقول...

تعرف يا استاذ فشكول , مافيش حل غير انك تدعيلهم بالهداية

يمكن ربنا يهديهم للصح في يوم

”*°•.˜”*°•..سونه..•°*”˜.•°*”˜ يقول...

السلام عليكم
عندك حق فى كل حاجه كتبتها
بجد لو الواحد فكر فى الى بيحصل فى البلد هيجيلو جميع الامراض النفسيه والعضويه كمان
حسبنا الله ونعم الوكيل
ربنا يستر على الى جاى
تحياتى سونه .

ستيتة يقول...

انت عارف يا استاذنا فشكول
انت قلت كل اللي قلته المرة دي من يوم ما انشئت هذه المدونة
اختصار المتاهه اللي مصر فيها دلوقت

حاجات كتيييييييييييييييييييييير متفشكلة
ومن كتر الحاجات دي واصلة معايا لحالة يأس من اننا نعرف نلم كل المتكسر ده

تحياتي

mimi يقول...

بتغيب تغيب

وترجع لنا ببوست مشكلة ،،

عندك حق ... والله


ربنا معانا ان شاء الله

Soul.o0o.Whisper يقول...

السلام عليكم و رحمة الله و بركاته

ازيك يا عمو فشكووول؟؟؟
أخبارك ايه؟؟

أولا بس عاوزة أقول لحضرتك دايما بتلقطها و هى طايرة
اجابات حضرتك تمام جدا :)

ثانيا بئا محدش اشتكى من المدونة يا عمو
، يمكن النت عند حضرتك كان بطئ حبتين


ثالثا بئا عاوزة أقولك يا عمو ان الحكومة بايظة و الشعب ابوظ منها

معلش يعنى مع احترامى لكافة فئات الشعب المصرى

اللى بتطوله ايد الشعب ان مابوظتهوش عوامل التعرية فكفى بايدى المصريين تسد بردوا مايغركش المنظر

اما بالنسبة بئا لانفلونزا الخنازير
و ما ادراك ما انفلونزا الخنازير
فموضوعه طويييييييييل
و ذيله قصييييييييير

و لما بيعطس ... يالهوى يالهوى (( اقتباسا من عادل ...هههههههههه


يااااااااا عمو ... حكومتنا و لا هنشتريها


ياللا اهم شئ حافظ على نفسك

دمت بكل خير

مهرة سالم يقول...

السلام عليكم......
الحمدلله على كل حال .....
......
الإستغراب الحقيقي لما الإمكانيات قد كده ونص وفيه تقصيييير ...
وناس بتتبرع بسوائل التعقيم لطلاب ...
.......
ياعم فشكوووول
ربنا يحفظك...

تامر علي يقول...

هم هايعملوا ايه ولا ايه بس يا عمنا ... هايسرقوا ولا هاينهبوا ولا يفصلوا قوانين تخدم مصالحهم ولا يهربوا فلوس بره البلد ولا هايخربوا فيها ولا ايه بس ؟؟؟؟

لازم نراعي مشغولياتهم برضه ... فيها ايه لما الناس تراعي المسألة دي وتقاون انفلوانزا الخنازير بقتلهم (مش الخنازير طبعاً :) وبكده نستريح كلنا :))

تحياتي لعمي فشكول والعائلة :)

غير معرف يقول...

كلنا في الهوى سوى ,,
لكن نقول حسبنا الله و نعم الوكيل ,,
و ربي ينتقم من كل مقصر ,,

حالنا يبكي :(

Sweet Violet يقول...

ياعمو فشكول
الامكانيات مش هى اللى مش قد كده
للأسف اخلاق الحكومة /الشعب هى اللى بقت مش قد كده
لما تسمع واحد يقولك الحكومة ماشية بالوسطة و البلد بايظه و يشتكى ده مش لانه رافض الغلط لا ده لانه مش ليه وسطه واول لما يلاقى هينسى الكلام وهيستخدمها .. الناس بتعترض فقط علشان مش قادرة توصل للى بتعترض عليه .. و الحكومة ايه غير فئه من الشعب قدرت توصل للمنصب اللى هى فيه ؟؟
تفتكر ياعمو بلد اكبر فئه فى شعبها كده هيتصلح حالها ؟؟
v_v

hend mossallam يقول...

السلام عليكم

ازي حاضرتك يا انكل ...انا هند اللي كنت ف لقاء المداونين



تحياتي

مواطن شووجااع يقول...

كلام كدا
محدش يقدر يقول عليه حاجة مش قد كدا

محمد المصرى يقول...

وحشتنا استاذى الفاضل

بصراحة انت عبرت بلفظ اقل من المطلوب لانك المفروض تقول مشلولين

الله يسامحك يا عبد الناصر ياترى لسه فاضل ايه

البلد غرقت فى شبر ميه على ايدك انت والورثة بتوعك

الحقيقة استاذى الفاضل

اصبحنا الان فى دوامة عاتية تحت تاثير الحكم المباركى وفرض النظرية الامنية

واضح جدا من القرارات اللى بتنزل زى ذبح الخنازير وتاجيل المدارس انها قرارات مش مدروسة والادهى انها بتفضح الدولة والنظام المصرى

ماهو هما ياخدوا من البلد لكن يدوها ازاى

وعلى راى محمود حميدة فى دكان شحاته

هات صورة عبد الناصر يمين شوية عشان تغطى الشرخ اللى عملته السنين فى الحيطة

ارجو انى ماكونشى طولت عليك استاذى

منى سلام مصرى دائما

dr.lecter يقول...

العجز وحش بعيد عنك بس ده عجز خيبه لاننا قادرين اننا نقهره بس احنا كده مافيش فاليده فينا

صبرني يارب يقول...

اه

قولي انت يا استاذنا

بيعملوا ايه

اسمع كده اي حيوان فيهم يطلع يقول الخطه الخمسيه الجايه

او خطه الاصلاح

ارد انا عليه واقوله اصلاح ايه ؟؟

اصلاح ما فسد ؟؟

ومين افسد هل هناك غيركم ؟؟

يعنى لما يطلع رئيس دوله محترمه متولي الحكم جديد ويقول خطة اصلاح

اقول اه بيعد على الى قبله

طب والى ما بقاش في قبله بيصلح ويعدل على مين ؟؟

كان فين بقاله 28 سنه مدة حكمه

و57 سنه عمر النظام الى انيه وهو بيحكم وبيتحكم فى اقواتنا بناءا عليه

والنبى انا مليانه على الاخر خلاااااااااص وجايبه اخري مش عارفه اروح فين ولا اعمل ايه

جلال كمال الجربانى يقول...

ياعمنا
مصر عيانه
فلندعوا لها بالشفاء


وكل عام وأنت بخير حال

micheal يقول...

يعني هي جت علي دي يا عم فشكول
شوف كام قطار اتحرق وكام عبارة غرقت وكام واحد مات في حوادث الطرق
كالعادة رد الفعل بيبقي بعد المصيبة
تحياتي

mohamed ghalia يقول...

ياحينى هى بلدنا ونقول يارب

كلمة صدق يقول...

بجد موضوع جميل ومدونه رائعه

محمد الجرايحى يقول...

ليست امكانيات الدولة اللى مش أد كده
إنما امكانيات إدارة الحكم هى اللى مش أد كده....

وحسبنا الله ونعم الوكيل

طـائر الليــل الحـزين يقول...

عم فشكول
واحشتنى بجد جدااااااااا
وبصراحة مش عندى تعليق على بوستك الا لو لطمت على حال الدولة وامكانياتها
خلاص الواحد مش عارف يعمل ايه عشان يتصلح حال البلد دى
سامحنى يا غالى على البعد وعدم المتابعة واللهى كنت بعيد حتى عن مدونتى

فارس عبدالفتاح يقول...

كل سنة وحضرتك طيب

عمرو جويلى يقول...

أستاذى الكريم
السلام عليكم
فصبر جميل والله المستعان
أما عن الشرعية فابحث عن أمريكا
وإسرائيل وسلم لى على المترو
تقبل مرورى

أمل حمدي يقول...

أيام ورا أيام هانعيش على حلمنا

مش هانيأس وهاييجي اليوم اللي يمكن فيه تتحقق احلامنا

بس ادعي يا فشكول باشا

وعلى فكرة انا كنت مش في المود فعلا

والحمد لله

ادعيلي انا كمان

شلام ياباشا

Hanan Said يقول...

طيب حال الدوله دي مش قد ولا قد كده حتى
سؤالي بقى يا استاذ فشكول
كده دي بقى عامله ازاي
يعني ازاي نعرف اننا بقينا قد كده
طيب يقولولنا يعني كده دي ايه عشان نبقى نعرف يعني

ماعلينا ماعلش ماتخدش على كلامي
ماهو اصلا بقى حال يجنن

شمس النهار يقول...

كل سنه وحضرتك طيب
مالك بس

ماهو ده الحال ومافيش حاجه هتتغير

لازم نغير مابنفسنا الاول

عارف كان اكوام القمامه ماليه الشارع بتاعنا علي الاخر
يوم الرؤيه الصبح معديه عربية القمامه السكان وقفوهم وادوهم فلوس وعلب كحك
في ساعه كان الشارع نظيف وزي الفل

هون علي نفسك

طهر فؤادك يقول...

السلام عليكم ورحمة الله وبركاتة ,,
اذيك ياعم فشكول ..
وربنا يكرمك يارب والمسلمين ودايما فى خير وسلام ان شاء الله .
- وهنقول فة نفس واحد كدة كلمة واحدة (حسبى الله ونعم الوكيل ). وربنا هو المنتقم بقى ان شاء الله ..

- واحب اقوللك كمان ان الحمل بتاعة (مدونتك هتنقذ طفللك ) هتبدأ ان شاء الله النشر الجماعى للموضوع يوم 29 /9 /2009 ... فياريت ان شاء الله تكون معانا فى النشر بأذن الله علشان يعم الخير ان شاء الله .

غير معرف يقول...

عجزوا هم

ونحن لم ولن نعجز

استغنوا عنا

فتركناهم يعجزون
ويفشلون
ويتضاءلون

حلم بيعافر يقول...

كل سنة وانت طيب
والسنة الجاية تبقى امكانيات البلد قد كده وكده وكده
انا قلتلك فى الاول اخلص وانت اللى مرضيتش تمول العملية
مترجعش تقول امكانيات بقى

rovy يقول...

السلام عليكم استاذى الفاضل
اولا اود الاعتذار بشده لأنى اتأخرت انى اعيد عليك و الله بجد ما كان عندى نت فى العيد فياريت تسامحنى و كل سنه و حضرتك بالف خير يارب و كل اسرتك الكريمه ..
البوست رائع يا استاذى و يعبر عن احساس الجميع و فعلا كلنا تعبنا من الجمله دى .. امكاننيات الدوله .. و بنسأل زيك فين خير بلادنا .. اكيد احنا ممكن نكون احسن من كده .. و لا ايه ؟
ربنا يكرمك و يعزك يا استاذ فشكول

خالص تحياتى و تقديرى دوما

محمد عبدالرحمن شحاته يقول...
أزال المؤلف هذا التعليق.
محمد عبدالرحمن شحاته يقول...

ازيك يافشكول
عامل اه
احنا مابنعجزش بإرادتنا يافشكول في اسباب اللي هي الامكانيات اللي انتي بتقولها بس احنا بنسمع كلمةامكانيات بس ككلمه لكن مش فهمين اه هي الامكانيات الناقصه
....
الحاجه التانيه
ان كل واحد بيشوف نفسه مليكان بس دي تخينه شويتين فالخيال ماقدرش يجيب الحجم كله فعمل منها اتنين
...
اما الضرائب بقى دي مهنتنا
مافيش مصلحه بدخلها الا وفيها الضرائب مصلحتك أولاً
وبالروح بالدم نفديكي يابلبله
...

التوقيع
محاسب تحت التمرين ( مشروع محاسب

Unknown يقول...

شوشو عامل حفله ...
ممكن تلحق مكان ...
وممكن ...لأ

اسماء واحلام فى وجدانى يقول...
أزال المؤلف هذا التعليق.
حسن ارابيسك يقول...

عمنا فشكول
وحشني واللهي
وحشني كتاباتك اللاذعة
وأشكرك على سؤالك الجميل عني

وبمناسبة موضوعك اللي يوجع ويحزن بجد أقولك لا ياعم فشكول هي نجحت في حاجه وهي انها بتعرف كويس تبقى عاجزة إزاي
تحياتي
حسن أرابيسك

aidy يقول...

بلدنا مكتسحة البلاد كلها فى حكاية مش أد كده دى

ربنا ينفخ فى صورتها جايز تبقى فى يوم من الايام أد كده

"النجم القادم" يقول...

تم القبض على 12 من قيادات الإخوان المسلمين في محافظة البحيرة على رأسهم أ.محمد سويدان مسئول المكتب الإداري للإخوان بالبحيرة والدكتور جمال حشمت القيادي البارز وعضو مجلس شورى الجماعة وعضو مجلس الشعب سابقاً

أحمد عاطف يقول...

عمنا فشكول

اكدب عليك لو قولتلك اني حسيت براحه نفسية بعد موضوعك

انا ازددت كئابة ومرارة

وحسيت اني لازم اطفش

كنا بنلعب لعبة ظريفة في العيد انا و2 اصدقاء نقول اسم وكل واحد يغني للاسم دا اغنية

واحد بيقولي مصر تغني لها ايه

قولتله اكدب عليك لو قولت بحبك لسه اكدب عليك

تحياتي

شموسة يقول...

وهنفضل كده ....ما افتكرش في تغير ،
ده مش يائس ، لا ده مواجهه واقع

حسبي الله ونعم الوكيل

غير معرف يقول...

السلام عليكم
كل عام وحضرتك بخير
وأعتذ لحضرتك عن التأخير
والبقاء لله فى الإمكانيات والشرعية
خالص تقديرى

محمد الحسيني يقول...

مدونه جميله يا عموا
وكلامك كله صح

Asmaa mahaba يقول...

مين دا انا معرفوش هههههههههه نداله المنوفيين حتظهر اهو يا خال
وحتخلى عنك خد بالك طنط مش معاك يعنى لو اتقفشت يا عينى حتروح فيها لواحدك

طهر فؤادك يقول...

السلام عليكم ورحمة الله وبركاتة
جزاكم الله خيرا على مشاركتى فى حملة (مدونتك هتنقذ طفلك)وان شاء هنبدأ من غدا 29 / 9 / 2009 النشر الجماعى .. لموضوع الحملة الموجود
بمدونتى عن طريق كوبى وبست (نقل ) للموضوع بأكملة بمدونتك الجميلة مع اى تعديل تجدوة مناسب مع الاحتفاظ بصلب موضوع الحملة المتمثل فى الاسم و طرق
التبرع الجديدة حتى يتسنى لنا مشاركة عدد اكبر فى الحملة . .
وربنا يكرمك يارب على التعاون ويجعلة ان شاء الله فى ميزان حسناتكم والمسلمين اللهم امين .
ملحوظة :- النشر مستمر ان شاء الله بس البداية من غدا ومن دواعى سرورنا ان تشتركوا من غدا (ساعدونا ليعم الخير بأذن الله )1

المعتصم يقول...

السلام عليكم ورحمة الله وبركاته
عمنا الكبير فشكوووول
يارب تكون بخير وفى احسن حال
كل سنه وانت طيب
متأخرة صحيح بس النت كان قاطع معلش سماح بقى
.........
والله معاك حق ربنا يتوب علينا مش من العجز لأ من الناس اللى هى السبب فى العجز ده واللى هى السبب فى الامكانيات فى كل حاجه فى البلد مش قد كده
كل واحد ييجى يقولك انا بحاول اصلح ده انا مستلمها خربانه ويقعد شويه وربنا يكرمنا ويغور بعد دهر طويل ييجى اللى بعده يقول نفس الكلام وانها لسه خربانه وانه هو اللى هيحاول يصلحها وعلى كده وعيشوا يامصريين
ولينا رب اسمه الكريم قادر انه مابين يوم وليلة يتوب علينا من هؤلاء النصابين الحراميه ويرزقنا بحد يكون كويس ونفسه يصلح بجد وهنكون كلنا معاه ونتحمله يمكن الامكانيات بعد كده تبقى قد كده
سلامى ياعمنا وتقبل مرورى وتحياتى

صدى الصمت - عاشقة الورد - يقول...

والله ربنا يستر فعلاً لأن أنا متوقعة كارثة قومية مقبلة ووباء متفشى وتصرفات عشوائية

ضحكات الحياة يقول...

السلم عليكم

فشكوووول

فكرتني بالأستاذ أحمد المسلماني

نورتلي الحياة

على الرغم من ان ده واقع و لازم نحاول نغيره

و طبعا ان مش هاقدر اقول على بلاوي لأن البلاوى كتير لحد لما ضغطى ارتفع

و تحياتي لك على البوست الجميل

طهر فؤادك يقول...

السلام عليكم ورحمة الله وبركاتة ,,,

ربنا يكرمك يارب ياعمى عم فشكول .. انا مستنى ان شاء الله موضوعك الجاى وانا عارف انة بأذن الله تعالى هيبقى نشر موضوع الحملة بكامل تفاصيلة لانك اول من ساعدتنا فى الحملة وان شاء الله هتساعدنا للاخر .. ربنا يكرمك يارب والمسلمين ويجعلة فى ميزان حسناتك ان شاء الله وصدقة جارية بأذن الله تعالى .

جارة القمر يقول...

عمو فشكووووووووول

انت وحشتني اوي

يارب تكون بخير يااطيب قلب

شكرا لسؤالك عني

وحشني مكاني هنا

شاب مفقوع يقول...

البلد كلها بقت مكسحين يا كبيرنا

الناس كلها بقت عاجزة

عاجزة عن الكلام

عاجزة عن الوصول للمستوى المرضي

عاجزة عن الفرح

العجز تسلل حتى لادق تفاصيل الحياة

ودا لازم يخلينا نقول كلمة واحده

لو جيت المدونة عندي هاتعرفها :D

تحياتي

الجواز و سنينه يقول...

بص هو احنا الحمد لله صدرنا بطاطس
و الحمد لله رجعتلنا
انا مش فشلنا الحكومه هيه اللى فشلت
المشكله بقى تكمن فى ايه؟؟؟؟؟
المفروض مين اللى بيحاسب الحكومه لو فشلت و مش حققت غير الفشل ؟
و لو اللى بيحاسب الحكومه ده فشل انه يحاسب الحكومه
يبقى السؤال الخطير
عملنا ايه علشان نخلع الحكومه الفاشله و الجهاز اللى بيحاسب الحكومه الفاشله
كده هاندخل فى انقلاب
اللهم احفظنا
و يجعل كلامنا خفيف عليهم
و يجعله عامر

Unknown يقول...

عادت عمود نور
بشكلها الجديد أرجو تشريفى
وإبداء الرأى
ارجو استخدام فاير فوكس
شكرا

موناليزا يقول...

انا كمان نفسى اوى اشوف ميزانية الدولة وهى قد كده:)

آه وكفى يقول...

انا مكتئبة من الجامعة :((

Beram ElMasry يقول...

أخي الأستاذ فشكول
بارك الله فيك وفي قلمك وأدام عليك يقظة قلبك وأنار بصيرتك وبصرك وما العمل يا صديقي العزيز ووجب علينا أن لا نكف عن أيقاظ الغافلين والزاهلين عن ما نحن فيه وأجارك الله وأيانا من نقمته وغضبه وأدام الله عليك وعلى أهلك وأحفادك نعمة الأمن والأمان مع خالص تحياتي والسلام ولا سلام مع قتلة الأنبياء والأطفال بني إسرائيل .

الرخمة يقول...

أنوكل فشكول

حضرتك زي السكر
اه و الله و اقتراحات عسل عسل عسل

منورنا في القهوه

TWEETY يقول...

ازيك ياعمو

صباح الخير

حلوة اوى الصور

ضحكتنى صورة الست التخينة دى ههههه

انا مبسوطة انى بزور المدونة

انا عملت حاجة جديدة ابقى شوفها

كلمة صدق يقول...

كل حاجة عندنا مش قد كدةدخل قناة السويس مش قدكدة جبال الدهب الممتدة من مصر لحدود السعودية مش قد كدة والغاز الطبيعى وغيرة وغيرة مش قد كدة الحاجة الوحيدة الى قد كدة صبر الشعب على شيء مش قد كدة

اسماء واحلام فى وجدانى يقول...

اكيد الاب بيحس بولاده مهما كانت المسافات

♥نبع الغرام♥♪≈ يقول...

ممممممممممممممممممم


ممممممممممممممممممممممممم

وحشتنى يا راجل يا كبير القاعده

♥نبع الغرام♥♪≈ يقول...

وحشتنى قوووووووووووووووووووووى
ربنا يطمنا عليك ياغالى

بجد ليك وحشه كبيرة ربنا يريح قلبك يارب

♥نبع الغرام♥♪≈ يقول...

ان شاء الله الحاجه ترجع لنا بالسلامه يارب ويطمنا عليها

ربنا يديك الصحه وطولت العمر
بحبك قووووووووووى خالص مالص
وزعلانه منك عشان طلبتك على التليفون و رديت ترد عليا

عاااااااااااااااااااااااااااااااا

غير معرف يقول...

طب انا بقي مش هرد عشان امكانياتي مش قد كده

هههههههههههههههههههههههههههههههه

الازهرى يقول...

أقول لك ايه بس
انت الايام غيرتك حقيقي
ومن يوم ما بعدت عن ذكريات وانت الحاله اتدهورت
يعنى ايه مش عاف مين ما دايما لما باقول بدون ذكر اسماء بيكون ينك المدنه تحت الكلمه عاده يقالها الف سنه
والا انت نسيت ؟ اكيد الغربه نسيتك

اما بخصوص الاكل فعندك وانا داخل الوقتى ريقى جرى وخصوصا انى راجع من الشغل ومستنى استريح وبعدين اتعشى
سلام بقى الحق قبل ما ريقى ينشف

عالم حبيب يقول...

بجد أنا اتعقدت .. كل ما أكلم حد أو اقرأ اي حاجة أو اسمع اي حاجة الاقي سواد في سواد .. يارب اصلح الحال

بافكر انزل مصر وكل اللي اعرفهم يقولي يابني ايه اللي هايجيبك ويدهنلي الدنيا باللون الكحلي الغامق .. بجد ربنا يصلح الحال

تقبل تحياتي يافشكوول

أبو العريف يقول...

عموووو فشكول

من زمان ماجيتش هنا

بس جيت لقيتك متألق كعادتك

متألق رغم ان امكانيات الدوله مش اد كده

عندنا قناة السويس بتجيب دهب

ومع ذلك امكانيات الدوله مش اد كده

وعندنا تلت اثار العالم

وامكانيات الدوله مش اد كده

والغاز اللي بنصدره لاسرائيل

وبتراب الفلوس كمان

وامكانياتنا مش اد كده

عندنا اعلي معدل انتاج للعامل

( دا لو لقي شغل ) وامكانياتنا مش اد كده

سلام يا عمو

Soul.o0o.Whisper يقول...

عمو فشكول ....

أخبارك ايه؟؟؟
يارب تكون بخير

معلش انى مش رديت على حضرتك على المدونة التانية ... مش متابعاها

معلش سماح بئا

و ربنا يجعلنا جميعا من سكان الجنة و يمتعنا بمتاع الجنة :)

و منتظرين الجديد

دمت بكل الخير

رئيس التحرير يقول...

يا عم النهارده الخميس...
أنت نسيت وعدك ولا إيه ؟
منتظرين الجريده تطلع ...
في مشاكل في المطابع ...ولا حاجه ؟

قوس قزح يقول...

و الله عندك حق فى كل كلامك
و اللى يفرس بجد ان فى ناس بتصرف ملايين على القصور و اليخوت و الرحلات

طيب ماهى الناس دى كسبت الفلوس دى من شغلها فى البلد ..يعنى البلد اهى بتطلع مكاسب بالهبل و عندها امكانيات
اومال الحكومة مش عارفة تستغلها ليه

حسبى الله و نعم الوكيل

آه وكفى يقول...

ياعمووووو فشكول قلبك الكبير الابيض ده متستحقهوش هى مهما كانت هى اه رجليها حلوين حبتين بس برضو ياعم وفداها قلبك ايه بس وعشرة زيه ياريت كل القلوب تكون زي قلبك

فين البوست الجديد انت شطبت ولا ايه

تحياااااااااااتي

Unknown يقول...

ليه كدا حضرتك سودتها في وشنا

ان شاء الله يكون التغيير علي ايدينا و الوضع اللي " مش اد كدة " يتصلح بينا

دمت بخير

آه وكفى يقول...

ههههههههههههههه
والله انت راجل زي العسل
ماشي هستنى المسخرة بأذن الله وانا عارفة اننا اكيد هنضحك من قلوبنا ,, ياشييييييييخ خدنا ايه من الكآبه لا هممممم

طهر فؤادك يقول...

السلام عليكم ورحمة الله وبركاتة
ربنا يكرمك يارب والمسلمين ..ودة شكر واجب لازم اقدمة من حملة "مدونتك هتنقذ طفلك".. وجزاكم الله خيرا والمسلمين ودة موضوع الشكر فى اللينك دة ادخل

وخد هديتك من هنا :-
http://rasoulallah1.blogspot.com/

هــو..مش ..نـو يقول...

أهوهو هنا علي راحتي
هوهوه مالهاش مثيل ...
هو رايق مع الحكومه
اللي مش كد كدا
وانا يلزمني عضمه وحته لحمه
عضمه في العضل ...يا بطل.

م/ الحسيني لزومي يقول...

عمي فشكول
احسن حاجه انك تعمل ميعاد ثابت للبوست وربنا يقدرك ونفسي اعمل كده
تحياتي

محمد الحسيني يقول...

اذاى لحد دلوقتى معرفتنيش انا ابن حبيبك المهندس الحسينى

ن يقول...

السلام عليكم
استاذى الغالى فشكول
كنت فى رحلة سفر .. المعذرة لم استطع المتابعة خلال الفترةالماضية .
سأعود مرة أخرى
مع خالص تحياتى

عمرو جويلى يقول...

أستاذى
السلام عليكم
أود أن تكون بصحة جيدة وفى أحسن حال
دمت بخير

جارة القمر يقول...

العجز اصبح رفيقا لحكومة مشلولة الارادة

والدي الطيب
سياسات وساسة كعرائس المسرح

يحركونها كما يحبون

اشتقت لك

كن بخير

طهر فؤادك يقول...

السلام عليكم ورحمة الله وبركاتة
اذيك ياعم فشكول
وحشنى والله
طمنى عنك
ربنا يكرمك يارب والمسلمين اجمعين

ابو صهيب ( الجمعاوي الاصيل)سابقاً يقول...

فشكول حبيبي

وحشني والله

عموماً ربنا يستر علينا