الأربعاء، ٩ ديسمبر ٢٠٠٩

اضحك مع فشكول

الا ليت الشباب يعود يوما ... فاخبره بما فعل المشيب



تعالوا نضحك شويه على فشكووول




بس قبل ما نبتدى الحكايه عايز واحد شاطر يقول لفشكول احترم نفسك شويه .. وحتعرفوا ليه .. اصله راجل مبعزق وعايز حد يشكمه

الموضوع ان يوم العيد بعد ما الاضحيات اندبحت واللحمه اتوزعت كان يادوب الكوانين اللى شغاله على الغداء (طبعا الكلام دا كله فى البلد) وكان الاكل طاب وحنبتدى نتغدى لحم ورز معمر وكفته رز وحاجات العيد بقى ... كل سنه وانتم طيبين... قوم ايه !!!

فشكول بقى عمل غداء محترم وقعد على الطبليه ولاحد مالى عنيه واللحمه والكفته وعينك ما تشوف الا النور .. يوم بقى فى السنه ولا حد يهمه من ضغط الدم ولا القلب ولا اى حاجه واى مرض عايز ييجى ناحية الواحد يقوم الواحد يمسك الشومه ويجرى وراه ... روح يا مرض يا ابن الكلب ... انت ورانا ورانا حتى فى العيد ... والله يا ضغط الدم يا بن الفرطوسى ما انا معبرك خالص ولازمن وحتما وربما آكل لحم زى ما انا عايز ومن مرقد الكلوه كمان واللى مش عاجبه يخبط دماغه فى الحيط ... ها ... ها... ها... قوم ايـــــه !!!

العصر كدا ابتدا الواحد يحس بشوية وخم وكسل ... يا واد يا محمد يا عبد المنعم روح هات لنا لبشتين قصب من الغيط عشان الواحد يبلع الغداء ... قوم الواد محمد عبد المنعم ما كدبش خبر وجاب لبشتين قصب ...وهاتك آنا واخواتى كلهم يا مص قصب ... اصل بينى وبينكم الواحد كان عايز يلهى نفسه باى حاجه عشان الحاجه كانت فى اول ايام التشريق وكانت بترمى الجمرات فى اول يوم لوحدها هناك فى منى وآنى بقى مش طايق حد خالص بس باستعبط وعامل انى مبسوط ... قال ... قال ... يعنى .

ما فيش فايده ... لا قصب عامل فايده ... ولا خص عامل فايده ... ولا حتى جعضيد ولا جرجير ولا اى حاجه ... يقوم فشكول اللى كان حاسس بشوية عطس والمناخير ابتدت تتسد والمفاصل ابتدت توجع الواحد يقوم يعمل ايه !!! ... فاكر نفسه فى العشرينات وخد نفسه وراح طالع على ملعب كرة القدم ولم حبة العواجيز اللى من سنه وكانوا زملاء الملاعب وعامل تقسيمه وراح يلعب كوره ... والله لو اتفرجتم على فشكول زمان ولا ابو تريكه ولا متعب ولا حد من الجماعه دول خالص ... وبعدين عمكم احمد اطشه ... دا كان اسم الشهره فى الملاعب زمان وكان شغلته يكسر اجدع واحد قدامه ... قام واخد فشكول شلوت محترم وجابه لمس اكتاف على الارض ... نسيت اقول لكم بقى ان فشكول اصلا عنده مرض فى ضهره اسمه ... اوعوا حد يضحك ... صحيح انا عايزكم تضحكم بس على الحكايه دى لأ ... ما فيش ضحك ... وكل واحد يراعى شعور فشكول ... اسمه عرق النسا ... خدوا بالكم ( النسا ) مش (النساء ) طبعا فيه فرق ... النسا من الالم لما ينس ... مش دكهه ودا اسمه الصحيح ( النسا). قوم ايــــــه !!!

الموضوع كان شوية زكام ورشح من الانف وشوية ركب ومفاصل بتوجع ومن غير سخونيه ... يعنى ما فيش لا خنازير ولا حتى طيور .. والعمليه كانت مطمئنه يوم ولا اتنين والموضوع يضيع وكل واحد يروح لحاله ...جه عمكم احمد اطشه واخدنى كتف قانونى وشلوت ووقعت على الارض وبقى الموضوع اتنين فى واحد ... يعنى برد او انفلونزا وعليه عرق النسا مجانا ... وطبعا لما بييجينى البتاع ده بنام وما اقدرش اقوم الا لما اى حد يشيلنى ويقومنى يعنى لو نايم على ضهرى من غير ما حد يساعدنى افضل نايم وما اعرفش اقوم لحد المواضيع ما تاخد راحتها واسبوعين او تلاته والواحد يقدر يقوم تانى بعد الالتهاب فى عرق النسا ما يروح.

زمايلى بقى فى الشغل ما عجبهمش انى ارقد الاسبوعين دول ... جم جايبين العربيه وحاطينى معاهم فى مأموريه فى دمياط وجم لحد البيت وهيلا بيلا اركب خصب عنك والحمد لله كانت مأموريه خرجتنى من المرض والحمد لله.

باشكر كل اللى سأل على ودعائكم جميعا بالشفاء ويارب ما حد يشوف المرض تانى ولا حتى اولانى وباشكر ولادى حبايبى اللى اتصلوا بالتليفون.

بنتى حبيبتى ايناس النوسه كونوسه


بنتى حبيبتى ريمان (ملائكيه)


بنتى حبيبتى حنان الشافعى


بنتى حبيبتى ورد شان(Smile rouse)


بنتى حبيبتى هبه نهر الحب


ابنى حبيبى احمد (اسماء واحلام فى وجدانى)

وكل اللى سأل وكان قلقان على وما كنتش عارف انى غالى كدا عندكم ... طب ما الواحد له فايده آهــه ... الواحد كان فاهم انه مالوش اى فايده .. اشكركم جميعا احبائى وابنائى واخوانى وربنا ما يوريكم المرض ويشفى كل مريض

نفسى بقى حد يقول لفشكول ... يا راجل احترم نفسك شويه انت ما بقتش تصلح لاى حاجه الا انك تقعد وتحترم نفسك كدا وتحترم سنك ... كوره قال ... فاكر نفسك عندك 20 سنه .. ناس ما بتنكسفش ... ناس ما عندهاش دم.


هناك ١٠٨ تعليقات:

م/ الحسيني لزومي يقول...

فشكول يا خويا
باين عليك طول عمرك شقي وخلبوص انا كنت مجهز لك حتة عروسه حلوه ترجعلك شبابك وتخليك تلعب كوره فشر ابو تريكه...قوم انت رايح تفضح نفسك وتقولي عرق النسا مش النساء.
كسفتني وفضحتني قدام نون النسوه روح منك لله وان اللي عمال اقول ده واد حليوه مسمسم غزال يفلح يجوز بعد الحمسين.

♥نبع الغرام♥♪≈ يقول...

بخخخخخخخخخخخخخخخخخخخ


انا جيت

نوسة النوسة كونوسة وصلت

♥نبع الغرام♥♪≈ يقول...

لولولولولولولولولوى

حمدالله على سلامتك يا باباتى يا غالى عليا وحشتنى اوووووووووووووووووووووووووى


لولولولولولوى

قيس بن الملووووح يقول...

ليت الشباب يعود يوما!!

رحلتنا في الحياة يقول...

وبعدين بقى انا تانى تعليق ايه الظلم ده

♥نبع الغرام♥♪≈ يقول...

الف مليون سلامة رجوعك لينا يا قلبى يا حبيبى يا احن اب

بجد مبسوطة اووووووووووووى

والمفروض دا واجب انا مش محتاجه شكر يا بابا يا حبيبى
انت احن واطيب قلب بالدنيا كلها
ربنا مش يحرمنى منك يارب

رحلتنا في الحياة يقول...

ياحلاوة ياولاد دانا بقيت التعليق الخامس :(

قلم رصاص يقول...


ههههههههههههههههههه

واحشني جدا ياعمو العزيز فشكولي حبيب هارتي والله ياعم واحشنا جدااااااا

كل سنة وحضرتك طيب وبخيرو صحة وسعادة وكل حاجة حلوة

هاعمل ايه بس مش معايا تليفونك عشان اطمن عليك هاتفيا .. ما انا مش واصل
هههههههههههههه

حمدلله على السلامة

نورت بيتك ومطرحك

وان شاء الله دايما في وسطنا

وادي 7 طلقات في الهوا لرجوعك ..استقبال الملوك اهه

في امان الله

♥نبع الغرام♥♪≈ يقول...

الف مليون سلامة على الحاجه ام اسامة ربنا يطمنك عليها وعقبالك يارب تكون على جبل عرفات

وتفضل منور الدنيا كلها يا غالى

بحبك اووووووووووووووووووووووووووووووى

رحلتنا في الحياة يقول...

ايه ده بس اللى حصل هتخلينى اقول عليك بقيت عجوز ولا ايه :)
لالالا اكيد اللى حصل ده زعل بس على غياب الحجة
الف سلامة على حضرتك ويارب ما تبعد عننا تانى وبقى خلى بالك من صحتك كويس اوى دانا مقدرش اعمل اللى حضرتك عملته ده الصحة بقيت على الاد خااااااالص :)

♥نبع الغرام♥♪≈ يقول...

ههههههههههههههههه

بجد انت عثل ولسه شباب
ربنا يروق بالك يارب
وسلامتك من اى مرض واى تعب يا غالى

ربنا يزيح عنك يارب ويشفيك ويعقيك بحق لا اله الا الله
احبك فى الله
بنتك
ايناس

رحلتنا في الحياة يقول...

ايه هو ده ياانوسة انتى بايتة فى المدونة ولا ايه :(

اسماء واحلام فى وجدانى يقول...

والله ده حرام
برة 6 تعليقات وجوة 12

اسماء واحلام فى وجدانى يقول...

الحق طيب اقول كلمتين

ايه اللى بيحصل ده
ايه اللى انا شايفه ده

اسماء واحلام فى وجدانى يقول...

الف حمدلله على سلامتك يا عم فشكول يا راجل يا طيب والله ليك واحشة كبيرة اوى اوى اوى

ستيتة يقول...

مكنتش تعرف انك غالي كده؟
لأ يا سيدي اعرف والله قلقتني عليك جدا

وبعدين تعالى للتحليل المنطقي
انا اخدت دور البرد اللي كان عندك رقدت على أثره راس في رجلين 3 اسابيع ولا قلت كبرتي يا ستيتة ولا عجزتي يا ستيتة
لا مش ها اقول لك غير إلعب براحتك بس ومش عندك بوادر برد من بتاع السنة دي لأنه والعياذ بالله وحش قوي

كل سنة وانت طيب يا عم فشكول وبألف هنا وشفا بيت الكلاوي ع القصب على الرز المعمر
حد يوصلني يا ردالة للمنوفية أخد شحن بعد حالة الجوع القاهرية دي

ألف حمد الله على سلامة الحاجة وتقبل الله منها وخلاص قول لها ستيتة بتقول لك مفيش سفر من غير فشكول تاني لأنه كان محتاس من غيرك يا عيني ولا وصى المهندس حسيني يدور له على عروسة ولا حاجة .. المهندس حسيني ها يوديك ورا الشمس بالتعليق اللي قبلي ده 

ستيتة يقول...

دخلت اعلق وانا بعد المهندس الحسيني
طلع لي التعليق برقم 16
وتقول مش عارف انك غالي
ربنا يكتر حبايبك يارب

اسماء واحلام فى وجدانى يقول...

وبعدين يا عم فشكول انت شباب

adel يقول...

ههههههههههههه
سلامتك ياكبيرنا :)
وبعتلك ان السلام مع احد البنات دي و قالت هتوصله
شكلها ضحكت عليا

وبالنوسبةللكورة ...مش كنت تقول ...المرة الجاية في اللقاء هاجيب معايا كورة و نقسم بقي

كلمات من نور يقول...

داه أنا كنت حاجيب الشعب و اقولك لا تتنحى خصوصا إن ابنك ( ولي العهد)كاتب اعتذار بحرف الزين ( اعتزار)بس الظاهر عليك لازم تتنحى وتقعد تحكم المدونة كفاية عليك.واحنا ندعيلك...ساعات الواحد بيحسب نفسه صغير ويعيش الدور ...أنا الصيف اللي فات اولادي بيتمشوا معايا في النادي بيلعبوا كورة برضه ولقيت الكورة عند رجلي قلت اشوطهالهم ..حسب زمان كنت جول كبير وتشد عليا شوارع المنيل...قوم إيه ؟ العيال حسبوني بشاركهم اللعب راح الصغير اداني مقص علشان ياخد الكورة ..قوم إيه وقعت على ركبتي المصونة والعيال يحاولوا يقوموني و أنا أقولهم : محدش يقومني انا حاقوم لوحدي..مش حاحكي على شماتة زوجي واولادي الكبار ناهيك عن أمي و اخواتي ...بس فعلا إحنا كفاية علينا نلعب في المدونات ..و ألف حمدا لله على سلامتكم ..شفاك الله وعافاك من كل سوء

ليس فقيرا من يحب يقول...

الف الف حمد الله على السلامه يا عمى

رجعتلنا نورت الدنيا من تانى

ربنا ميحرمناش منك ابدا

وبعدين يا راجل يا عجوز انت خلى بالك

من صحتك شويه مينفعش كده

الف سلامه عليك

ربنا يديك الصحه والستر يارب

Somaya Kamal El Din يقول...

حمد لله على السلامة انك رجعت تانى

والحمد لله ان حضرتك خفيت وبقيت بخير

وكل عيد وانت طيب

فاتيما يقول...

انا زعلااااانة جدا
أزاى حضرتك تقول ليك فايدة
و بتوجس كدا؟؟؟؟!!!
أزاى متبقاش عارف غلاوتك عندنا؟
دى معرفة خير و مودة
و يعنى المسافات بتبعدنا
لكن التوافق و تبادل الأفكار
بكل سهولة بيقربنا
و يخلينا زى الجيران
و بنصبح على بعض
كل منشوف بعض
قوم لما حضرتك تتعب و تغيب شوية مستكتر علينا نتوغوش
و نيجى نسأل عليك ؟!!
دا واجب و لو قصرنا فيه
يبقى احنا بقى اللى ملناش فايدة
و مش مقدرين قيمة حضرتك
بس الحمدلله ..
حضرتك غالى علينا و كفاية سوما
سمسومة اللى جزء من عيلتكم الجميلة اللى الواحد سعيد
بمعرفة سخصين منها نوبة واحدة
تقولى حضرتك بعد دا كله
فايدة و كدا..لأ زعلاااانة أنا !!!
المهم
بجد .. حمدلله على سلامة حضرتك
ألف سلامة
خلى بالك و النبى بقى لحسن الشتا جاى شادد حيله علينا كلنا
الف سلامة يا عم صلاح

وردشان smilyrose يقول...

حمدلله على السلامة

يا والدى العزيز

نحمدالله على عودتك لنا سالما

وربنا يطولنا فى عمرك يارب

ودايما معانا

كلمات من نور يقول...

فشكوول

نصيحة واحده عمودها الفقري مايل بالوراثه..أوصيك بالمشي اليومي بس طبعا لما حالتك تبقى أحسن وحاول تعمل ريجيم بقى و ابعد عن الكلاوي والفشة وبيت اللوح ووووو.حقيقي العمود الفقري داه عمود الإنسان الرئيسي و أي خلل أو ضغط على عصب بيكون ظريف جداو الإحساس بتاع مش عارف اتقلب وعايز اربعه يعدلوني داه جربته كتير والله..بس مع المشي والوزن المضبوط الحال بيكون أحسن ولو عيادة العمود الفقري رجعوا فتحوها في القاهرة حابقى أقولك .. أل صاحب العيادة بعيد عنك عنده شعره ...قفل العيادة وطز في المرضى..بس خلي بالك لو رحت العيادة ووزنك فوق الوزن المثالي باتنين كيلو الدكتورة زينب ( مسؤولة المركز ) حتعملك عقاب زي ما بتعمل فيا بالرغم من إني أساسا وزني مثالي...تحياتي

ريمان يقول...

لا يا قمر الف سلامه عليك يا جميل

ان شالله اللى يكرهوك يا رب

الف بعد الشر عليك والف سلامه

حمد الله على سلامتك يا جميل والله بجد كنا بندعيلك وكنا قلقانين جدا على حضرتك

ربنا يطمنا عليك يا رب

وما تشوف اى تعب تانى ابدا ابدا

ربنا يخليك لينا والله مش تتصور احنا بنحبك ازاى

بس بلاش بعد كده تتقل فى الاكل احنا قولنا اهو

وحمد الله على سلامه الحاجه

والف حمد الله على سلامتك يا قمر المدونين

ريمان يقول...

طب نزغرط بقى

لولولوولولولىىىىىىىىىىى



لولووللىىىىىىىىىىىىىىى

بجد بجد فرحانه ان حضرتك قومت بالسلامه

Cute Kitty **sookra يقول...

عم فشكول
مساك شيكولاته
الف مليون سلامع عليك
وبعدين انت كنت بتدلع كدا عشان الحاجه موش معاك
وعاوز تقولنا تعبان وكلام من دا
لاياعم اجمد كدا وبعدين موش تلعب كوره ليه
انت ماشوفتش الناس الكبيره شويه زى حضرتك واللى اكبر منك كتير فى الصين بيعملوا ايه
دا لسه بيلعبوا الالعاب بتاعتهم دى ولهم حدائق ومتنزهات خاصه بيهم
تحياتى وحمدالله على سلامتك

عمرو جويلى يقول...

السلام عليكم
حمدلله على السلامة وكل سنة وإنت طيب والله أنا قلقت عليك جداً وإتصل بى أحمد صاحب مدونة أسماء وأحلام فى وجدانى وكان قلقاً جداً عليك فاتصلت بالدليل لأستفسر عن رقم تليفونك ولكن أعطونى رقم صلاح مرعى أبو زيد لأنى لا أعرف الإسم ثلاثى لحضرتك وبالفعل إتصلت بصلاح مرعى أبو زيد وإتضح أن الإسم خاطىء فأرجو من حضرتك بصفتك كبير المنايفة أرسل لى رقم تليفونك ولو المحمول
متعك الله بالصحة والعافية
خالص تقديرى

dr.lecter يقول...

ياراجل اختشي

شكلك كده عايز تتزوج اه والله اطلع من دول ياعم فشكوول ماشي ياعمنا الجهن في العتاقي

الف حمد للله علي السلامه

لاسع افندى يقول...

الف حمدالله على سلامتك ياعمنا وكل سنه وانت طيب


تحيه لاسعه

Unknown يقول...

بوست جميل اوووى يا عم فشكوووول
حمد الله على السلامة يا عمنا
ابقى درب المنتخب بقى
طالما انت طلعت حريف كورة كويس كدة

mimi يقول...

حمد الله علي السلامة نورت الدنيا تاني

mohamed ghalia يقول...

نورت ياعمو فشكول بجد من جديد
وحمدا لله على سلامة حضرتك
ربنا يسعدك دايما

مي يقول...

الف سلامة عليك ياعمنا
وربنا يديك الصحة انت لسة شباب الله اكبر

well يقول...

فشكول .."عم الشباب "

تحياتى

غير معرف يقول...

السلام عليكم
ياعم فشكووول

حمد لله علي السلامه
وبما إنك ملحقتش تشوف المعايده اللي كنت عملتها لحبايبي
وحضرتك منهم طبعا
خليني أعيد عليك تاني وأقول :

كل سنه وأنت طيب

وألعب كوره براحتك
بس متلعبش مع أحمد قطشه تاني
وقل له إن مجتمع محبي فشكووول من المدونيين
بيخططوا ينتقموا منك فخليه ياخد باله
نيااااهااااه

حمدا لله علي سلامتك
تحياتي

احلام جوليا يقول...

الف الف سلامة عليك يا بابا فشكوول ربنا يارب يديك الصحة وطول العمر والعب كرة براحتك ولا يهمك وكلنا بنعيا الصغير والكبير مش بالسن المرض على الكل وسلامتك الف سلامة وبجد كنا مفتقدينك بينا وحمد الله على سلامتك وربنا يرجع لك الحجة بالف سلامة يارب شفت من غيرها قاعد محتاس وزعلان ازاي قول لها بقى الكلمتين الحلوين دول لما ترجع وفرح قلبها وحمد الله على سلامتك

اقصوصه يقول...

بابا فشكول

الحمد لله على سلامتك

اجر وعافيه يا رب

شغلتنا عليك :)

نورت المدونه برجوعك

خذ بالك من صحتك

وبالشتا الصغير يمرض قبل الكبير

الله يعدي هالشتويع ع خير :)

micheal يقول...

سلامتك من عرق النسا والبرد
أهلا بيك عمو فشكول

Pink Dreams يقول...

اهلا بيك من تانى فى وسطنا يا عمو فشكول

والف الف حمدلله على السلامه

بلاش بقى تتقل فى الاكل تانى

ههههههههههههههه

خد بالك من صحتك

دمت بكل خير

الزنارى يقول...

السلام عليكم و رحمة الله و بركاتة
تحية طيبة و بعد
أولا ألف سلامة عليك
و هكذا تبخل علينا بعودين قصب
بعد اذن حضرتك ارسل لى عود قصب واحد حتى على الايميل .
أوكية
مع خالص الاحترام و التقدير
أحمد الزنارى

Hanan Elshafey يقول...

الف سلامه علي حضرتك يا عمو وبعيد الشر وكلنا قلقنا عليك والله بس الحمدلله عدت علي خير

وابقي عدي العيد خفيف خفيف انت غلي علينا برده

سنابل يقول...

الف حمد لله على سلامتك يا عمو فشكول الجميل اوى جدا خالص
نورت النت يا سيد الكل
ربنا مايحرمنا منك يا غالى

الغلط مش ف لعب الكورة اكيد انت نسيت تسخن قبل ما تنزل الملعب
ابقي خد بالك المرة الجاية وابعد عن حبحا قصدى احمد اطشه

فشكووول يقول...

لا اله الا انت سبحانك انى كنت من الظالمين

هــو..مش ..نـو يقول...

يا راااااااجل .
وبقي ليك اسنان تمص قصب ..
اهو دا النصب و التعب .
الف سلامه لك من عرق النسا
والف ميت مسا ...
---هوهو---

ن يقول...

السلام عليكم
أستاذنا الغالى .. فشكول
آسفة على التأخير وحمدا لله على سلامتك لم اكن اعلم بأنك مريض شفاك الله وعفاك
نورت المدونة يا أستاذنا .
مع خالص تحياتى

غير معرف يقول...

يؤيؤؤ الف سلامه عليك ياعم فشكوول ,,
و الله ما كنت اعرف و الا كنت دعيت لك :(

الحمد لله على رجعتك معافى ,,
و ان شاء الله ما يتكرر التعب ,,

( طب ما الواحد له فايده آهــه ... الواحد كان فاهم انه مالوش اى فايده .. )

لا طبعا لك فايده و انا اعتبرك بمثابه والدي في التدوين ,,
لو سمحت لي طبعا :$


و العب اللي يحبه قلبك ,,
من الكوره لحد قفز الحواجز << كف
الله يطول في عمرك و لا يحرمنا منك ,,


ملاحظه : انتظر اجابتك على التاج *^

tarek momen يقول...

اذا الشباب عاد يوما
فلا تخبره بما فعل المشيب
انما امسك فيه و اوعي تسيبه
فعلا الكورة لها سحرها و بتخلي الواحد يتهور و ينسي عمره و حالته
اخر مرة لعبت كورة رقدت في السرير 3 ايام كل عضلة في جسمي بتنقح عليا
كل ماتش و انت طيب و الف سلامة عليك
تحياتي

amirelhob يقول...

استاذ فشكول حمدا الله على سلامتك وما يقع الا الشاطر وبعدين دى حبت حاجات كدا بتيجى لكل الناس بس الشباب لسه موجود دا مش بعيد تكون انت بصحه عنى اسالنى انا عن الناس بتاعت زمان دى اللى اتربت على السمنه البلدى زى ما بابا دايما يقولى (:
بجد فرحان انك رجعت تانى وكتبت تانى وكونت مستنى التوبيك بتاعك جدا رغم انى اتاخرت فى التعليق بس والله غصب عنى ويا رب دايما كدا بصحه و تعيش وتاخد غيرها يا ماردونا الكره المصريه
ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

rovy يقول...

السلام عليكم استاذى العزيز فشكول
اولا الف الف سلامة على حضرتك بس والله العظيم انا كنت منقطعه فتره طويله و من ضمنها العيد لاسباب خاصة ابعدتنى الفتره السابقة فارجو ان تسامحنى لعدم سؤالى و هذا لعدم معرفتى و ايضا كل عام و حضرتك بالف خير و كل اسرتك الكريمه و يارب تكون الحاجه رجعت بالف سلامه ربنا يخليكوا لبعض و يكرمك و يبارك لكم دائما ..
دمت فى حفظ الله دزما
تحياتى

Unknown يقول...

هههههههههههههههههه
يا راجل يا عجوز
ازيك يا استاذ صلاح
اخبار حضرتك ايه
ينفع كده تخضنا عليك ؟
اقولك علي سر ؟؟؟ في مدونة جديدة بجهزها في الربح من الانترنت و بوست المقدمة كاتب فيه دعاء لحضرتك احم احم
بس المدونة انا شايلها من البروفيل لحد ما اظبطها كويس و ان شاء الله اظهرها يوم 20 و ضفت ايميلات حضرتك ياهو و هوت ولا حس ولا خبر .... من ساعة ما سبت التعليق (; فاكر ؟ :D

يلا بقي تعالي و انضم معانا عشان انا حالف يمين طلاق مانا بادئ الا من غيرك

و ابقي خدني معاك العب كورة ... بس متحطنيش قدام ابو كتف قانوني ده ! لأني مكملتش 60 كيلو و اسم شهرتي سفاية .......

كفاية احراج بقي

مهرة سالم يقول...

السلام عليكم...
ألف الحمدللع على سلامتك يا عم فشكوول قلقتنا عليك..
....
بص يا عم فشكوول
أولا ربنا يتقبل من الحجه وحج مبرور وذنب مغفور وأنا عارفه حركاتك بالأكل واللعب ده بس عشان ماتبينش الشوق ..
.....
سلامي للحجه ولأسرتك الكريمه ..
..
في امان الله

Unknown يقول...

حمدلله على سلامتك
استاذنا الحمد لله
عرق النسا ما ساب
اثر على خفة دمـــك
ولا حلاوة كلامـــــك
ويارب الحاجة ترجع بالسلامة
هى وكل الحجاج يــــــــارب

رئيس التحرير يقول...

السلام عليكم ورحمه الله وبركاته
ياااه ونسيتني ...
ما أنا مكلمك وانت في اسمكندريه
هو مشوار اسكندريه السبب .
الف سلامه لك ..
وحمداًلله علي سلامتك .

Unknown يقول...

استاذ صلاح
ايميلات حضرتك عندي من يوم ما علقت علي موضوع الربح اول ما فتحته و ضفتهم علي ايميلي الشخصي لما عرفت ان حضرتك تعبان بس مفيش نصيب بقي

و الله يا معلم محمد انا هدعي لك للصبح بس انت شوف الطريقة اللي تخلي الواحد يكسب فلوووووس عشان بقي نعرف ندخل بقي المطعم بتاعك و ناكل و نهيص و علي العموم دا الايميل بتاعي و يفضل الهوت ... فاكر التعليق ده يا استاذ صلاح ؟ ايه التراجع اللي حصل في تعليق النهاردة ده لالالالا استني خلي التراجع ده لما تعرف التفاصيل ههههه

محمد الحسيني يقول...

حمد الله علي السلامه ياعمو فشكول
اوعه تصدق بابا ده لا ليه في الجواز ولا حتي بيكلم الستات اصلا..هو بيحب يهزر معاك عشان بيحبك رغم انه لم يراك

صدى الصمت - عاشقة الورد - يقول...

ألف حمدالله على سلامتك يا أستاذنا
أنا والله سألت عليك هنا وعند سومة
الحمد لله إنك بخير وخد بالك بعد كدة فى العيد الجاى
تحياتى

lostlove يقول...

كل مره اجي في الاخر:(
الف الف الف حمد لله علي سلامتك ونورت المدونه تاني
وبعدين ينفع كده يعني قصب من غير متعزم علينا:D
تويب بقي مش مشكله المهم انك رجعت
والمتش الجاي هنعمل فريق احنا وكل الناس الي كتبه تعليقتهم ديه ومفيش ضرب اكاتف ولا حاجه هنعلب بلستيشن:D
عشان اصلا مش بعرف العب كوره
اقولك سلام بقي واسفه علي التاخير
ومتنساش القصب معاك بقي في الموضواع الجاي:D

جارة القمر يقول...

طيب اما انت راجل عجوز وكبرت بتتشاقى ليه تعبان وتروح تلعب كورة دة ينفع بذمتك وكمان ياخدوك كتف يجبوك الأرض ههههههههههه
لابجد ألف سلامة ليك نورتنا من تاني

انت غالي عندنا وعلى طو كنا بندعيلك ياراجل ياطيب وحشتنا أوي

اوعى تتاقى تاني انت شفت حلصلك ايه الموضوع بياخد رقدة طويلة والواحد مش ناقص خنازير وفراخ ويوووووووه خد عندك الموضوع طويل

نورتنا من جديد

بيروح الشر عنك

فشكووول يقول...

لا اله الا انت سبحانك انى كنت من الظالمين

z!zOoOo يقول...

السلام عليكم

ازيك يا عم فشكول

يارب تكون بقيت بخير

الف الف سلامه عليك

معلش انا عارف اني بقالي كتير قوي ماجتش زورتك

سماح النوبه

انا مش عارف ليه الناس كلها بتفري قوي كده في العيد

يعني هي اللحمه هتطير

وبعدين النبي عليه الصلاه والسلام قال

"ماملأ ابن آدم وعاء شرا من بطن بحسب ابن آدم لقيمات يقمن صلبه فإن كان لا محالة فثلث لطعامه وثلث لشرابه وثلث لنفسه"

وماشاء الله حضرتك لا سبت جزء لا للشراب ولا للنفس

:)

علي فكره كتر اكل اللحمه بتعمل تراكم في الجسم وبتزود حمض اليوريك اسيد وده بعيد عنك يعني بيسبب نقرس

وحكايه الكوره

طب والله كويس انك بتلعب

بس انت عملت شيء غريب

بدل ما تعمل حاجه في كل يوم عملت كله في يوم

يعني لحمه وقصب وكوره وكتف قانوني

كتير ده كله

:)

وعرق النسا ده مالوش اي دعوه بالستات

لحسن ناس كتير بتفهم غلط ههههههههههههه

ودلوقتي خليني اقولك

اختشي علي صحتك

واحتر

ف يا عم فشكول ههههههههههههه

عايزينك تكسر الملاعب

ونقولك فشاكيلو يا فنان العب كمان وكمان هههههههههههههه

ربنا دايما يطمنا عليك

وياريت بقي حضرتك ماتنساناش

وتنورني علطول

دمت مفشكلا (كلمتي ديه احذر السرقه )

تحياتي

:)

Unknown يقول...

حمد الله على السلامة

نهر الحب يقول...

حمد الله على السلامة يابابا يا زعيم المدونين
أيوه كده نورنا تانى
ربنا يخليك لينا يارب
وما يحرمناش منك


خالص تقديرى واحترامى

نهر الحب

ضحكات الحياة يقول...

الف سلامة عليك

و الف حمد لله علي السلامه يا فشكووووول

و ربنا يخليك لينا كده

ضحكات الحياة يقول...

و بعدين الحمد لله العيد انتهي اهو كان يوم في السنة و الحمد لله بقينا كويسين ولا ايه

بس كورة دي حلوة صراحة انا اشجع الرياضة في اي سن بس اهم حاجة يا عمو فشكوا انك اتبسطت الحمد لله و كل ما تفتكر انك كنت بتلعب كورة تحس كده بروح الحياة جواك

و حمد لله علي السلامة مرة تانية

lostlove يقول...

هي مشتركه ومش مشتركه
انا المفروض يعني ارجع اكتب تاني مع امير فيها
بس شكرا لمرورك والف حمد لله علي سلامتك
وبردو مسبتش القصب بتاعي
كده هعيط بقي
المره الجايه لبشتين قصب بس يكون وصايه

lostlove يقول...

نسيت اقول سلام واتمني التوفيق

lostlove يقول...

نسيت اقول سلام واتمني التوفيق

شفـقــة و إحســــان يقول...

سلامتك الف الف مليون سلامة
بس كده برضه يا عم فشكول كورة مرة واحدة
عموما انت برضه لسه شباب العب كورة ولا يهمك هما اللى بيلعبوا احسن منك ولا ايه
بس ابقى خلى بالك من نفسك
سلامتك
شفقة واحسان

Asmaa Fathi يقول...

هههههههههههههههههه

معلش عيد يفوت ولا حد يموت
وكل سنه وكل عيد وانت طيب ولو انها متأخره

وان شاء الله ربنا يشفيك شفاء عاجل لا يغادر سقما

دمت بخير وصحة وسعادة
تحياتي

الشاعر الفنان أحمد فتحى فؤاد يقول...

أستاذنا الفاضل الجميل
أولا ألف سلامة عليك و ما تشوف شر أبدا تانى يا رب
ثانيا أنا كنت أحب أكلمك أطمن عليك لما سمعت بمرضك لكن و لا عندى تليفون و لا أنا موجود بمصر أصلا .. سامحنى
ثالثاأنا سعيد جدا و باتشرف بزيارتى لمدونتك الجميلة و باتشرف بمعرفتك
تقبل زيارتى و صداقتى و شرفنى بالزيارة
احمد

جارة القمر يقول...

انا جاية اطمن على حضرتك واسلم عليك يارب تكون احسن

فشكووول يقول...

لا اله الا انت سبحانك انى كنت من الظالمين

غير معرف يقول...

اسمعوا أيها الملحدون
تقول الإحصائيات أن أعلى نسبة للانتحار على الإطلاق كانت بين الملحدين لطالما تغنى الملحدون بإلحادهم وأفكارهم وحريتهم التي يتميزون بها عن غيرهم من المؤمنين! وطالما أتحفونا بسيل من كذبهم غير المنطقية يدَّعون فيها أنهم عقلانيون ويتعاملون مع الأمور بواقعية، وأنهم أكثر سعادة من غيرهم من المؤمنين الذين حكموا على أنفسهم بالانقياد للدين، وحرموا أنفسهم من ملذات الحياة!!
ولكن يأتي الواقع والعلم ليكذب هؤلاء ويفضح كذبهم وأنهم مجرد أدوات للشيطان يستخدمها في حربه مع المؤمنين التي سيخسرها بلا شك، وأن هؤلاء الملحدين اتخذوا الشيطان ولياً لهم من دون الله، ليكونوا شركاء له في نار جهنم يوم القيامة.
ومن عظمة القرآن أنه لم يهمل الحديث عن هؤلاء بل وصفهم وصفاً يليق بهم، يقول تعالى:
(اللَّهُ وَلِيُّ الَّذِينَ آَمَنُوا يُخْرِجُهُمْ مِنَ الظُّلُمَاتِ إِلَى النُّورِ وَالَّذِينَ كَفَرُوا أَوْلِيَاؤُهُمُ الطَّاغُوتُ يُخْرِجُونَهُمْ مِنَ النُّورِ إِلَى الظُّلُمَاتِ أُولَئِكَ أَصْحَابُ النَّارِ هُمْ فِيهَا خَالِدُونَ)
فماذا نرجو من إنسان أخرجه الشيطان من النور إلى الظلمات؟ إنه مثل إنسان ميت يائس لا حياة فيه ولا استجابة لديه، وهذا ما أثبتته الدراسات العلمية الجديدة!
الأبحاث العلمية تثبت أن الملحدين أكثر الناس يأساً!
ففي دراسة حديثة تبين أن الملحدين هم أكثر الناس يأساً وإحباطاً وتفككاً وتعاسة!!! ولذلك فقد وجدوا أن أعلى نسبة للانتحار على الإطلاق كانت بين الملحدين واللادينيين، أي الذين لا ينتسبون لأي دين، بل يعيشون بلا هدف وبلا إيمان.
فقد أكدت الدراسات العلمية المتعلقة بالانتحار أن أكبر نسبة للانتحار كانت في الدول الأكثر إلحاداً وعلى رأسها السويد التي تتمتع بأعلى نسبة للإلحاد. أما الدانمرك فكانت ثالث دولة في العالم من حيث نسبة الإلحاد حيث تصل نسبة الملحدين (واللادينيين) إلى 80 %، وليس غريباً أن تصدر منها الرسوم التي تستهزئ بنبي الرحمة صلى الله عليه وسلم.
تؤكد الدراسات العلمية على أن للتعاليم الدينية دور كبير في خفض نسبة الانتحار، وأن هذه التعاليم أقوى ما يمكن في الإسلام! ربما ندرك يا إخوتي لماذا حذر نبي الرحمة صلى الله عليه وسلم من الانتحار في قوله: (من قتل نفسه بحديدة فحديدته في يده يتوجأ بها في بطنه في نار جهنم خالدًا مخلدًا فيها أبدًا، ومن شرب سمًا فقتل نفسه، فهو يتحساه في نار جهنم خالدًا مخلدًا فيها أبدًا، ومن تردى من جبل فقتل نفسه، فهو يتردى في نار جهنم خالدًا مخلدًا فيها أبداً) [رواه البخاري ومسلم]. إنه أخطر تحذير على الإطلاق عرفته البشرية!! فهل هذا النبي يدعو للقتل والإرهاب؟ أم أنه حافظ على حياة أمته وأتباعه بهذا الحديث الشريف؟ ومن إعجاز هذا الحديث أنه شمل الحالات الأساسية التي تشكل أكثر من 90 % من حالات الانتحار.
فلو تأملنا إحصائيات الأمم المتحدة نلاحظ أن معظم نسب الانتحار يكون بمسدس أو سكين، وهو ما أشار إليه الحديث بكلمة (من قتل نفسه بحديدة)، السبب الثاني هو تجرع سم أو استنشاق غاز أو أخذ حبوب مخدرة، أي طريقة كيميائية وهو ما أشار إليه الحديث بقوله: (ومن شرب سمًا)، والسبب الثالث هو القفز من على جسر أو من أعلى بناء أي أن يرمي نفسه من مكان مرتفع وهو ما أشار إليه الحديث بقوله (ومن تردى من جبل)، انظروا كيف أن النبي صلى الله عليه وسلم لم يغفل عن مثل هذه الظاهرة فوضع العلاج المناسب والقوي لها مسبقاً!!
تؤكد هذه الدراسة العلمية أن أعلى نسبة للانتحار كانت بين الملحدين، ثم البوذيين ثم المسيحيين ثم الهندوس وأخيراً المسلمين الذين كانت نسبة الانتحار بينهم تقترب من الصفر. انظروا معي إلى العمود الذي يمثل نسبة الانتحار لدى الملحدين وهو أعلى نسبة لديهم، وتأملوا معي العمود الذي يمثل نسبة الانتحار بين المسلمين وهو أقل نسبة على الإطلاق، هل توحي لك هذه الحقيقة العلمية بشيء!!
خطوات علاج الانتحار كما يراها العلماء اليوم
تؤكد الدراسة على أن نسبة الانتحار زادت كثيراً في الخمسين سنة الماضية، وأكدت دراسات أخرى على أن الدول التي تضع قوانين صارمة تعاقب فيها من يحاول أن يقتل نفسه أو من يساعده على ذلك، هذه الدول كانت نسبة الانتحار فيها أقل، أما الدول التي لا تضع قوانين صارمة تعاقب من يحاول الانتحار مثل السويد والدانمرك بحجة 'حرية التعبير' فكانت تتمتع بأعلى نسبة انتحار.
من هنا تؤكد الدراسات على أنه من الضروري لعلاج ظاهرة الانتحار لابد من التحذير منها ووضع عقوبة رادعة لها. إذاً هناك ثلاث خطوات تنصح بها الدراسة لعلاج هذه الظاهرة التي تقول فيها الأمم المتحدة أن عام 2020 سيكون عدد المنتحرين مليون ونصف، وأن 15-30 مليون شخص سيحاولون الانتحار في عام واحد فقط، أي بمعدل جريمة انتحار واحدة كل 20 ثانية، وبمعدل محاولة انتحار كل ثانية أو ثانيتين!! وهذا عدد ضخم جداً وغير مسبوق

طهر فؤادك يقول...

السلام عليكم ورحمة الله وبركاتة

الف سلامة عليك ياعم فشكول واعتذر بشدة لانى مكنتش بدخل على مدونتك من زمان نظرا لضغط الشغل ... وربنا يكرمك يارب والمسلمين ويبعد عنك كل سوء اللهم امين ...

وربنا يشفيك اللهم امين والمسلمين ووحشتناااااااااااااا جدا جدا جدا...
وانت شباب ياعم فشكول بس اطلع من دول وربنا يعطيك الصحة والعافية دايما اللهم امين

جارة القمر يقول...

فشكولتي حبيبتي

وحشتني ياراجل ياعجوز انت فين ماتستخباش اظهر وبان عليك الأمان
مافيش خنازير بالحتة

:)
هع

عفكرة انا دماغي لاسعة من الصبح
قلت اجي أصبح على اجمل فشكوووووووووول بالدنيا كلها
الا صحيح هو يعني ايه فشكوووووووووووووول

والدي الطيب

طمنا عليك

:)

م/ الحسيني لزومي يقول...

نحن مقبلون علي لحظات حرجه في تاريخ مصرنا
انتخابات مجلس الشعب 2010
انتخابات الرئاسه 2011
هل اعددت نفسك لتقول كلمتك
هل سجلت نفسك في الجداول الانتخابيه
اذا كنت قد سجلت نفسك ادعو غيرك
الحمله الشعبيه للقيد بالجداول الانتخابيه
باقي من الزمن 45 يوم

خواطر شابة يقول...

انت قلتها الا ليث الشباب يعود يوما فأخبره بما فعل المشيب بس اللي يطمنك دلوقت اننا كلنا في الهوى سوا الجيل اللي طالع مخستع من بطن أمه فمش بيستنى المشيب عشان يبكي على شبابه لا بيبكي عليه وهو عايشه ههه
سلامتك والحمد لله على عودتك بالسلامة نورت البلوجر
تحياتي لك

ذو الوجه المبتسم يقول...

السلام عليكم

اولا كل سنة وانت طيب

والف سلامة عليك

بيعجبنى فى بوستاتك الارتجالية والتلقائية فى الكلام

تحياتى لك

IBN BAHYA - إبــن بهيـــــــــــــة يقول...

تحياتي ..
دمتم بخير ..

Unknown يقول...

شفاك الله وعافاك ومتعك بوافر الصحة

جارة القمر يقول...

والدي الطيب

ازي حضرتك

تصور انا طلعت فشكولة زي حضرتك

الدنيا بجد بتقسى علينا كتير
والناس هما السبب

مش مهم اهم حاجة نرضى عاللي بنعمله ونكون مبسوطين

كن بخير

واحد من البلد دى يقول...

السلام عليكم
الف سلامة عليك يا اخى

وبعدين لو تعرف حد فى الكهرباء
خليه يجيبلك(زيت كهرباء)الزيت ده بيبقى محروق فى المولدات اللى فى الشارع دى..وبتحط عليه برشام ريفو مطحون..وشوية كحول..(سبرتو)..بس ده بيبقى بنسب معينة..ان شاء الله ابقى اجيبهالك..

ولو ما عرفتش تجيب الزيت..اجيبهولك انا..

اسال الله لك العافية فى الدين والبدن

امين امين

دمت بصحة وعافية

سكرة يقول...

انا مبسوطة اووووووى انى عرفت مدونتك ياعمو
وكمان الشباب شباب القلب مش بالسن والظاهر ان حضرتك حد كويس اوى وشباب اوووى ممكن 21 سنة كدة ربنا يطول فى عمرك

micheal يقول...

بقولك يا عمو فشكول..نسيت اسأل يعني إيه جعضيض؟
:)

الفقيرة إلى الله أم البنات يقول...

كل سنه وحضرتك طيب والف سلامه على حضرتك ويارب متتعبش تانى
ويا استاذ فشكول الناس اللى عدت التلاتين لازم تخلى بالها شويه
:)
الف سلامه على حضرتك وكل سنه وانت والاسرة بخير
واخبار القصب ايه كان مسكر ولا زعزيع؟؟؟

معلهش لى فترة طويله بعيده عن التدوين
بلعب جيم مع بنتى على الفيس بوك

♥نبع الغرام♥♪≈ يقول...

وحشتينى اوووووووووووووووووى

اخبار صحتك اية يارب تكون بخير يا غالى

♥نبع الغرام♥♪≈ يقول...

ربنا يديك طولت العمر والصحه والعافيه ويطمنى عليك

وكوووووووووووووووول سنة وحضرتك طيب عام هجرى سعيد عليك وعلى الاة الاسلامية جمعاء

وسلامى لطنط ليها منى مليون سلام

وغايب عنى ومطنشنى ماشى ماشى زعلانه منك
ايوا ايوا
من لقا احبابه نسا عياله
هههههههههههههههه

ابقا طمنى على صحتك يا قلبى

مووووووووووووووواة

ايناس

♥نبع الغرام♥♪≈ يقول...

نوسة النوسة كونوسة

ريمان يقول...

انت فعلا اول تعليق يا جميل فى البوست بتاعى

SAM يقول...

مرحبا! شكرا لزيارتك! مبروك للأطفال. بارك الله فيكم. عيد ميلاد مجيد! سلام! (مجموعات hehehehehehe مترجم)

SAM يقول...

Hello! Thanks for visiting! Congratulations for the children. May God bless you. Merry Christmas! Peace! (Google translator hehehehehehe)

د. إيمان مكاوي يقول...

عام هجري سعيد عليكم وعلى الأمة الإسلامية جميعها
عام يحدوه أمل جديد
ونسال الله عز وجل أن يكون عام نصرة للإسلام
تحياتي

RENATA CORDEIRO يقول...

What a wonderful blog!
Be Happy!
I Follow You!
Thank´s
Renata

محمد عبدالرحمن شحاته يقول...

ازيك يافشكول
والله وحشني جداً
الف سلامه عليك
معلش التعليق جاي متأخر شويه بسبب المذاكره بقى

انت عارف كليات التجاره

دوشه وقلبة دماغ

محمد عبدالرحمن شحاته يقول...

ازيك يافشكول
والله وحشني جداً
الف سلامه عليك
معلش التعليق جاي متأخر شويه بسبب المذاكره بقى

انت عارف كليات التجاره

دوشه وقلبة دماغ

Beram ElMasry يقول...

حبيبي وأخي الكبير مقاما فشكول
هذا ردي عن تعليقكم في بوست قالتلي قلو وإني أعتزر عن التأخير أنت اللي عمنا يا سيد الناس وعلى فكرة من واجبك تصحيح والتعليق على التفاهات دون حساب لأي كان على أمل أن يصلح بك الأحوال وأنت أهل لذلك وكل عام وأنت والأسرة بخير والسلام ولا سلام مع بني إسرائيل قتلة الأطفال والأنبياء .

Unknown يقول...

عم فشكول
ممكن تقولى اسم البوست اللى علقت عليه عند بلال فضل
عشان انا المسئول عن المدونة

RENATA CORDEIRO يقول...

The poet's night
it's winter and summer
The poet's pen
The role and pure excitement
The poet even invents
But do not mind
He is living heart and soul
It turns sorrow into joy
It's a cold rain eternal poetry
In the eyes of the poet
There are no flags
No borders!

Have a nice Day!
Kiss, Kiss
Renata

Majoli يقول...

كنت سعيدا مع زيارتك لرطانة ، شكرا لكم. قبلات

Majoli يقول...

أنا استخدم مترجم جوجل ، ونأمل أن تعطى بعض التمرير...... القبلات

Majoli يقول...

ما أجمل الأطفال ، والكثير من الحب. قبلاتي لهم.

Asmaa Fathi يقول...

كل سنة وحضرتك طيب يا أستاذي العزيز
بمناسبة العام الهجري والميلادي ويارب سنة جديدة وسعيدة عليك وعلي كل أهلك

تحياتي

Majoli يقول...

وقد اسبوع جميلة. قبلات

RENATA CORDEIRO يقول...

Pardon, mon cher ami, mais je vais vous parler en français. Je suis très heureuse d´avoir fait votre connaissance et de votre famille. J´adore voyager et connaître tous les peuples, parce que nous sommes tous Un. Merci Bien! Je vous embrasse, Renata
Bonjour!

وفاء بركات يقول...

الف مليون سلامه علي حضرتك
هي متأخره بس والله كنت تعبانه ومبخش
علي النت وللأن دخولي قليل بس أنا كنت عملت محاوله للدخول عندك للأطمأنان علي
الحاجه ام أسامه التغليقات كانت مقفوله
وفوجئت دلوقت بموضوع تعب حضرتك أجر وعافيه إن شاء الله ..
وبعدين نانسي بنت عجرم كانت بتسأل
علي حضرتك وهي وإليسيا مسكوا في خناق بعض علشانك انت عايز تشمت العزال فيك
ولا أيه..
أخبار أمتحانات إبن حضرتك أيه وسلامي
للحاجه وعقبال العوده وألف مليون حمد الله علي سلامه
أ. فشكوووووووووووووووووووووول

جايدا العزيزي يقول...

ههههههه


لبشتين قصب هههههه


على فكرة انا من مواليد كفر الشيخ


يعنى الغيط ولبشتين ومفردات اللغه دى



من اختصاصى هههههه


المهم الحاجه رجعت بالسلامه


وعلشان كده صحتك بقت بمبم


ومزاجك عال العال


وايه حكايه الكورة


الشباب شباب القلب


العب اجرى اضحك انس همومك


الحياة مش مستهله


ساعه لقلبك وساعه لربك


وحمدالله على السلامه


ووصى الحاجه بلاش تسافر كتير


انا لو كنت موجودة كنت اطمنت عليك


بس لسه راجعه من مدة بسيطه


الف حمدالله على سلامتك


اتمنى انى اكون من الاصدقاء


شفت انا اميرة ازاى اهه


جيت وسألت واطمنت عليك


دمت بحفظ الرحمن


تحياتى