الاثنين، 25 يناير، 2010

محاوله لرأب الصدع

صح كدا برضه كلمة رأب الصدع دى




اخوانى




اعرف انى اضع قدمى فى الاشواك .. اعرف انى ادخل فى حقل الالغام .. اعرف انى ايضا قد اتعرض لهجوم ضار من هنا وهناك




تعرفون جميعا انى تأخرت فى نشر التدوينه الجديده .. كنت لايام اراقب الاحداث .. احداث نجع حمادى .. عنصرى الامه فى حالة احتقان حاد .. هل وصلنا الى حد الصدام ..هل زلت قدمنا الى حد الاقتتال .. هل التجربة اللبنانيه قابله للتجديد




من فضلكم افسحوا صدركم وافتحوا عقولكم ..ماذا يجرى .. ماذا يحصل .. ماذا يدبر لنا .. او بمعنى اصح .. ماذا ندبر نحن لنحن .. ايه اللى احنا بنهببه ده




هناك احتقان .. لا شك .. هناك عداء .. لا شك .. هناك كثير فى الصدور .. لاشك .. لابد ان نعترف بالمرض حتى يمكن تشخيص الداء ووصف الدواء




المصريين .. مسلمين ومسيحيين فى حالة احتقان شديد ماذا يؤدى اليه هذا .. هل يمكن ان نكون لبنان اخرى .. من فضلكم .. من فضلكم .. كلكم .. لا تأخذكم العزه بالاثم .. حاكم انا عارف المصرى لما دماغه توون وينفخ رقبته ويعنجص وتطلع فى دماغه يعمل عمايل مهببه من غير ما يحسبها فى دماغه .. لا تأخذكم العزه بالاثم .. نروح الاول نشوف ايه هى الاسباب ومنها:




القص زكريا بطرس وآخرين يهاجمون الاسلام من كل حدب وصوب وعلى صفحات الانترنت .. وسواء كان على باطل او على حق ..ماذا يريد القس زكريا بطرس ومن هم على نهجه؟ .. يا قس زكريا .. الاسلام فى القلوب وفى العروق وفى الدم وفى العقل ايضا.




خطباء المساجد .. لا تتوقف حناجرهم بالدعاء ضد المشركين ومن ضمنهم جميع من يقولون باسم الاب والابن والروح القدس اله واحد .. أمين . ومن وجهة نظرهم هذا شرك بالله .. وسواء كانوا على صواب ام كانوا على خطأ .. يا ساده كل له عقيدته وهو يعتقد بالصواب ولن يتحرك قيد انمله عن عقيدته سواء كان مسلما او كان مسيحيا.




صبى مصرى اعتدى على صبيه مصريه وتصادف ان الصبى مسيحى وتصادف ان الصبيه مسلمه.. فى الحقيقه جريمة نكراء يندى لها الجبين ويرفضها اى دين او عرف .. يهرب الصبى الى الكنيسه .. الخطأ كل الخطأ ان تحميه الكنيسه للهروب من القانون .. والمجالس العرفيه .. وبوس الروس .. لن تحل هذه المشاكل .. والحل معروف ... القانووووووووون .. القانوووووون يا عالم يا هوووووه القانوووون .. من يخطأ عليه بتحمل خطأه امام القانون.




تعالوا بقى نشوف العقل المصرى المبدع حيعمل ايه ..؟ حييجى بلطجى عشان ياخد بالثأر وسواء كان هذا البلطجيا مكتريا (اى مستأجرا) وسواء تطوع حضرته من تلقاء نفسه وفى الحالتين مصيبه كبيره وخيبه مدويه ويقتل سبع مصريين جريمه منيله بنيله ونكراء بنت نكراء ويندى لها 733.5 جبين مش جبين واحد دا كلام يا جماعه .. بيقولوا ان فيه بعض النواب متورطين فى الموضوع .. ولو انى مش مصدق عشان ما فيش بيان رسمى صدر بيقول كدا ولو فيه 100 نائب متورط مش حيطلع بيان رسمى .. لأ صدق يا جدع بيقولوا ان حصل .. يا نواب الشعب .. انتم فضيتم خلاص عشان يعنى ما وراكوش حاجه تعملوها وبتروحوا البرلمان تناموا عشان ما عندكوش فى البيت سراير ولا مراتب فـ بتصدقوا تلاقوا كرسى مجلس الشعب تروحوا تناموا هناك بلا تشريع بلا وجع قلب.. كمان هو دا نوع من شراء الاصوات بدم الابرياء .. يعنى لا منكم فايده ولا لكم عايده ..نصيبنا كدا فيكم.. لا حول ولا قوة الا بالله




سبع مصريين قتلوا بجريمة لم يرتكبوها .. بلطجيا يقبض ثمن دم الابرياء ولا يبالى بفعلته .. البلطجيه يروحوا فى ستين الف داهيه .. والمغتصب برضه يروح فى ستين الف داهيه .. بالقانوووووون.. كل واحد يدفع تمن غلطته .. مش ملاحظين ان سوق البلطجيه اليومين دول بقى رايج اوى .. يا اخوانا .. يا عالم .. يا هوه القانون .. القانون .. القانون وما فيش غير القانون.


عارفين الموضوع ممكن يروح لحد فين؟




الجريمه فى الصعيد الجوانى .. فى بلاد بتؤمن وتعتمد الثأر شرفا لها وللعائله وللمجتمع ماذا يحدث اذا كان لبعض المثلمين ثأر عند بعض المسيحيين والعكس .. ثأر هنا وثأر هناك .. وقتيل هنا وقتيل هناك وضحايا هنا وهنا ويتطور الامر من الشكل الفردى الى الشكل الجمعى وتحمل الامه السلاح ضد نفسها .




على المستوى الفردى هناك علاقات قويه بين كثير من عنصرى الامه .. لى اصدقاء لا يمكننى الاستغناء عنهم ولا يمكنهم الاستغناء عنى .. فى عام 73 كان الى جانبى اعز اصدقائى فى تلك الفتره واخذت كل منا الايام ولكنى دائما اتذكرهم ولا ولن انساهم وعلى يقين انهم كذلك .. هل يمكن ان انسى صديقى ورفيق السلاح - نادى القمص اسحق- هل يمكن ان انسى -رامى برسوم- هل يمكن ان اوجه سلاحى الى رامى برسوم او نادى القمص او هل يمكن ان يوجهوا سلاحهم الى صدرى .




زملائنا فى التدوين - الواد عادل صليب السكره او مايكل بتاع الانترفيوهات - هل يمكن ان اوجه سلاحى الى صدرهم او هل يمكنهم توجيه سلاحهم الى صدرى.




يا مصريين .. فوقوووووا ... فوقوووووا .. لن نستغنى عن البعض .. لن نستطيع ان نكره اخواننا المصريين المسيحيين .. الاسلام بدأ بـ اللى يغلط غلطه .. تحرير رقبه .. حتى تحررت كل الرقاب وزى الرقاب كلها ما تحررت حكاية الجزيه خلاص خلصت من زمان كلنا بقينا اصحاب الارض .. كلنا بقينا نخاف على الارض وامتزجت الحضارات ولكل دين خصوصيته .. يا اخوانا كبروا عقولكم .. كبروا دماغكم .. كل واحد يعمل ما يعتقد انه حلال ولا يفعل ما يعتقد انه حرام ..




يا جماعه .. فوقوا بلاش سب الاديان على الانترنت بلاش زكريا بطرس يشيع الفتيه بين عنصرى الامه يا جماعه مصر اصبحت منذ اكثر من الف سنه على ما هى عليه ولن يغير الزى الرسمى الكهنوتى الاسود من التركيبه المصريه الحاليه ولن يغير دعوات خطباء المساجد بان يهلك الله الشرك والمشكين شيئا .




يا حكومتنا .. المسحيين عايزين كنائس جديده .. ايه المانع ؟ المسلمين برضوا بيصلوا الجمعه فى الشوارع عشان الجوامع ضيقه ومش مكفيه .. ايه المانع .. بس بلاش تحطوا الكنيسه جنب الجامع .. يعنى الدنيا ما ضاقتش .. هى حكمت يعنى ولا حكمت .. الدنيا واسعه للاثنين .




لو حطيتى على راسى مليون مبشر مسيحى عشان يقنعونى بالمسيحيح ... معلهش يعنى مش حاقتنع ولا حتحرك شعره من راسى




لو حطينا على راس واحد مسيحى مليون شيخ اسلامى يوعظوا فيه .. معلهش يعنى مش حيقتنع ولا حتحرك شعره فى راسه .




انا مستنى الهجوم .. بشرط ما حدش يتجاوز حدوده وما حدش يتكلم بطائفيه .. اما اذا كان الهجوم على شخصى .. ما فيش مانع عشان انا بحاول اتعلم ازاى اسمع الآخر .. يا ريت كلنا نتعلم الحكايه دى.


هناك 69 تعليقًا:

حنين يقول...

اول تعليييييييييييق

حنين يقول...

اخيرا احتليت
عند عمو فشكول

حنين يقول...

اروح اقرى
واجى اكمل الاحتلال
حالا

حنين يقول...

واللهى كل كلامك صح وما حدش يجرؤ
على هجوم الحق اولا
حاجه تحزن بجد اللى بنشوفه عيب اوى
وانا شايفه ان الاعلام بيضخم الحكايه
اوى ويخليها تشعلل زياده
ربنا يسترها علينا الايام الجايه
واللى يغلط يتحمل نتيجه غلطه
من سكوت وغير كلام
ربنا يكرمك يا استاذنا العزيز
ويبارك لنا فيك يا رب
تحياتى لك

حنين يقول...

كنت عايزاك تنورنى
وتشوف اخر موضوعين
نشرتهم وما شوفتهمش
لسه فى انتظار عموفشكول

فركشاوي ..ناوي يقول...

ولا هجوم ولا دفاع .
اين المحكمه ؟

ABOALI يقول...

هناك حكمة تقول

اذا غاب العدل ظهرت الفتن

هناك موروثات احتفظت بها الكنيسة ولكن ات الابناء وضاقت قلوبهم من حالة قالوا عنها انها ضعف
فبدء الاعلان عن انهم اقباط اصحاب البلد مش انسان مثل اى انسان فى البلد

وعلى الجانب الاخر
احتل المقدمة شباب الفراغ الدين
كل شاب صلى خمس صلوات نصب نفسه والى من اولياء الله وحامى حمى الوطن
فاءصبح يصدر الحكم وامسك سيف العدل فى يده

فى غياب العدل يا سيدى ظهرت الغوغاء واحتلوا منابر الدعاه

ثم اطل علينا من بعيد من نفخ فى الدخان
واستغل قضية نجح حمادى وجعل منها قضية عالمية ليصطاد فى الماء العكر ويكسب مكاسب وتخرج الحكومة وتصنع المبرارت وتعطى مساحة تنازلات اخرى وتقوم بتعين حراسة على الكنائس
ونسيت اصل الحدوتة
اننا نغرق فى الجهل وبعدين عن تطبيق الدين سواء الاسلامى او حتى المسيحى
وان الشعب يعيش حالة هرتلة منظمة
يستفاد منها اصحاب العزبة


قلمك اكيد صرخة ولكن البعض لا يعرف طريق القلم ف يستخدم السلاح


تحياتى الراقيه

صبرني يارب يقول...

هجوم

ليه هجوم ؟؟؟

ده كلامك عين العقل

اه صحيح ما هو العقل الى بيتهاجم اليومين دول نسيت

وبعدين اصل احنا يا استاذنا اتهبلنا فى عقلنا

اه والله كده

وبعدين الشعب زي ما قلتلك ناقص ربايه

فهما لو يلاقوا حد يربيهم كانوا اتربوا

قانون؟؟

اه ده جميل اوي لو لقي حد يطبقه يا استاذنا

لو كان لنا كبير ما كانش ده حصل

ما لناش كبير

صدقنى ما لناش كبير

حسبى الله ونعم الوكيل


الادمغه عايزه يتشال منها زباله بالكوم

كلام حضرتك والله عين العقل

رئيس التحرير يقول...

السلام عليكم ورحمه الله وبركاته
يا سيدي الفاضل...أعزك الله وأكرمك
أي صدع تقصد ؟
الصدوع كثيره وما عاد لدينا مصدر لتمويل الترميمات ...و لم يعد للترميم قيمه ...فلا بد من بناء جديد وسكن جديد وفكر جديد ..وليس معني ذلك هدم القديم .
تحياتي ...وسلامي

عصـــــــــــام الــــديــن يقول...

عمنا فشكول الرجل الجميل المصرى بجد
بصراحه انا صعبان عليا اتكلم فى شئ المفروض اننا خلاص تعايشنا معاه
ياعم فشكول 1400 عام المصرى عايش فى تبات ونبات وبيخلف صبيان وبنات والجامع جنب الكنيسه والمسيحى جنب المصرى وأخر اليوم المصرى بيبعت للمسيحى طبق المفتقه والعاشوره والمسيحى بيبعت للمسلم من خيرات الله
المسلم والمسيحى دول مصر
مصر من غيرهم ماتبقاش مصر
المسيحى صاحب الارض والمسلم صاحب الارض
المسيحى بيحترمنا وبيخاف على مشاعرنا والمسلم بيحترم المسيحى ويراعى مشاعره
المسيحى قبل المسلم بيكون فى مناسبات المسلمين والمسلم قبل المسيحى بيكون فى كتف المسيحى
حتى فى الحروب صعب اتفرق دم المسلم من دم المسيحى
انا عايز اعرف من امتى حصل الفرق دى ؟
طيب مين اللى ولع النار من الاول ؟ مين اللى طبل وزمر ؟
مين اللى فتح الباب للشيطان يعشش بينا ؟
المسيحى مش واخد حقه فى مصر ؟ اه مش واخد حقه ولازم ياخد حقه طيب هو المسلم واخد حقه ؟؟ مين فى مصر راضى بحاله ؟ مااحنا مسلمين ومسيحين حالنا هباب وذى الزفت
بس الحل اننا نقعد مع بعض ونحاول نحل مشاكلنا بعقل بلاش نطبل ونزمر والحقونا ياامريكا وحقوق الانسان هما امريكا ومجلس الامن حلوا مشكله قبل كدا؟
ماهى المشاكل ماليه العالم والسبب امريكا مشاكل بين المسلمين وبين المسحين والبوذين والافارقه واللاتين وجورجا وتاهيتى والدنيا والعه والمهم امريكا تبيع سلاح وادويه للحرب
ارحمونا يرحمكم الله
تعالوا نقعد على المصطبه ذى زماااااااااااااااان ونحل مشاكلنا
بلاش نولع فيها بجاز وسخ علشان النار هتاكل الكل
وللحديث بقيه ياعمنا فشكوول

مجداوية يقول...

السلام عليكم

لو كان الكلام خاص بشخص حضرتك يا أستاذنا ما علقت وما هاجمت لأنك إنسان حر خلقك الله حراً ولك أن تقتنع بما شئت لكن لما يتعلق بالعقيدة ونقول كلام خطأ فلا بد أن نصححه لمن يقرأ أو قد تكون المعلومة لم تصلك بصوابها فاسمح لي أن اصححها

حضرتك كتبت أن وصف خطباء المساجد للنصاري الذين يعبدون المسيح وهو على صورته الثلاثية الآب والإبن والروح القدس أن هذا شرك من وجهة نظرهم !!!
فهذا خطأ فالعقيدة ليس فيها وجهة نظر العقيدة الاسلامية تقول لا إله إلا الله وقرآنك يقول: قل هو الله أحد الله الصمد لم يلد ولم يولد ولم يكن له كفواً أحد
هذه السورة الكريمة هي مخلص العقيدة
وغير ذلك كفر بالله وشرك به
ومن قرآنك أيضا:

لقد كفر الذين قالوا أن الله هو المسيح ابن مريم وقال المسيح يا بني إسرائيل اعبدوا الله ربي وربكم إنه من يشرك بالله فقد حرم الله عليه الجنه ومأواه النار وما للظالمين من أنصار

وقال تعالى:
لقد كفر الذين قالوا أن الله ثالث ثلاثه وما من إله إلا إله واحد وإن لم ينتهوا عما يقولون ليمسن الذين كفروا منهم عذاب اليم

صدق الله العظيم

إذاً فهذه ليست وجهة نظرهم أستاذنا
هذا كلام الله
ونحن أيضا كافرون في إنجليهم فعدم الايمان بالمعتقد إسمه كفر والكفر في اللغة اخفاء الشىء أو إنكاره فالفلاح يسمى كافر لأنه يخفي البذرة في الأرض وهو توصيف وليس الغرض منه السب
وإن كان الكفر في حد ذاته فعلاً شائناً
ولكن الناس تعيش به والله هو الذي سيحاسبنا ولو شاء الله لجعلنا كلنا مؤمنين على دين واحد ولكن سيظل هذا الاختلاف وسيحكم الله بيننا وبينهم يوم القيامة ولكن الفرق أن الله اتخذ أمة محمد صلى الله عليه وسلم شهداء عليهم ورسولنا الكريم شهيد علينا وعليهم
فلا بد أن نكون أهلاً لهذه الشهادة ونعلن الحق وأن الدين عند الله الاسلام ومن شاء فليؤمن ومن شاء فلكفر
أما ان نخفي أو نحذف ما جاء في قرآننا أو لا نعلن كلمة الحق طلباً للعيش في سلام معهم فهذا إما نفاق و إما تفريط في الدين وفي حق الله علينا وكلاهما معيب وسيحاسبنا الله عليه لو فعلنا لذا فأنا أرى شعار الهلال والصليب متعارض مع العقيدة ومن الخطأ أن نتداوله
لكن أيضا حضرتك حر في أن تؤمن على ما أذكره أو تعارضه

التمسك بالدين هو السبيل للسلام معهم ولا تعارض لأن ديننا يكفل لهم كل أسباب العدل والحياة الكريمة ويضمن لهم أن نبرهم ونقسط إليهم بشرط عدم محاربتهم دين الله
واحترامهم أن الدولة دولة اسلامية دينها الإسلام يسكنها 70 مليون مسلم

فما يحاوله البعض أو الكثير منهم ( الله أعلم بهم ) من تشويه صورة الاسلام أو تنصير المسلمين المفروض ان يمنع تماما وبالقانون أيضا لأن هذا إعلان حرب على دين الله الحق وهذا اعتداء منهم علينا ونحن دولة مسلمة فحرية المعتقد مكفولة لهم بشرط ألا يتعدوا الخطوط الحمراء بمحاربة ديننا

ونعلم أن البعض أو الكثير منهم غير مشتركين في هذه الحملات المسعورة وهذا الكره البغيض والبعض او الكثير منهم محبين للسلام والعيش بسلام معنا ويتعاملون معنا بكل احترام وود ونتعامل معهم بكل الود والاحترام ولكن لايصح إلا الصحيح ولا بد أن تعود الأمور لنصابها الصحيح

أنا معك تماما ان غياب العدل وعدم تطبيق القانون هو أساس المشكلة فالعيب في القائمين على تطبيق العدل وليس في الدين لأن الله هو العدل ودينه ينادي بالعدل
وإذا ساد العدل ساد السلام والرضا بين الناس ,, ولكن أين العدل ؟

adel يقول...

لا هجوم ايه بس
كلامك علي الدماغ من فوق :)
نفس كلامي

وانا بقولها اهون
انا ولا عمري هاسيبك البلد
ولا حتي ممكن اتخانق مع اصحابي المسلمين لاي سبب

اي حمار بيهبل و يعمل انه كده بيدعي للاديان مش هسمع له

يعني اي شيخ يقعد يقول المسيحين كافرة و عملوهم وحش
اذا كان الاسلام بيحس علبي حسن المعاملة يعني عامل الكافر حلو ساعتها يمكن يقدر الاسلام ؟؟!!!!

والمسحية كذلك ...الله محبة ...لما زكريا بطرس بيطلع يبعبع و يغلط بشكل مباشر
هل هي دي الدعوة و التبشير ؟؟
التبشير انك تدعي للمسيحية مش تتصيد اخطاء للاخرين

في الحالتين ..... طظ كبيرة قوي

وردا بس علي بعض التعليقات
المسيحية بتدعو للتسامح و الحب يعني حتي لو انا مش معترف بالاسلام
هل ده يعطيني الحق في اتهام الاخرين بالكفر او الالحادية ؟؟؟؟
اولا ماحدش يعلم الغيب الا الله
وهو ادري بكل واحد فينا

والعلاقات الانسانية اساسا ملهاش علاقة بدين

يعني انا مش بصنف اللي قدامي مسلم و لا مسيحي ,,, هاعمله حلو ولا وحش

وسوري اللي مضيع وقته في انه يشوف فروق الاديان و انت كافر و انت زنديق ده بيضيع وقته علي الفاضي

لان رسالة ربنا لينا انه مش جايبنا الارض عشان نعمل كده
كل واحد ليه دور في الحياة ... دور علي دورك بدل ما انت مهتم بالدين
اللي يهتموا بالدين بس نوعين
1-رجال الدين (كهنة و قسس)
2-مباشرين و دعاة (مش مهاجمين للاخرين .... و في امثلة محترمة كتير علي الجانبين)

غير كده دور علي هدفك في الحياة افضل

--------------
ابونا فشكول انت اللي سكرة يابا الحج :) (صعيدي صعيدي اهون)

خواطر شابة يقول...

انا لأني انظر من خارج الصورة يمكن تكون رؤيتي اوضح وغير خاضعة لاية عوامل تأثير
بداية كلامك الذي قلته لاأرى فيه ما يستدعي الهجوم عليك من اي من الاطراف طرحك كان موضوعي والحل فعلا هو سيادة القانون القانون يجب ان يكون فوق الجميع
انا احس ان هناك ايدي خارجية هي التي تحرك هذه النزعة وهي التي تذكي نيران هذه الفتنة كلما هدأت وايضا الدولة سياسة الطبطبة والحسابات التي تنتهجها ليست حلا الدولة فوق الجميع وقانونها فوق الجميع ويطبق على الجميع من اخطأ ينال عقابه ايا كانت طائفته وقتها تأكد سيدي ان الفتنة ستموت في مهدها فهي ليست أصيلة الاصل هو التعايش بين العنصرين
تحياتي لك

Majoli يقول...

Vim te fazer uma visita meu amigo e deixar beijos no teu ♥

mony يقول...

انا ممكن انتخبك رئيس جمهوريه
رشح نفسك واحنا وراك
بس
تنفذ كلامك
الدين لله والوطن للجميع
عندى ملحوظه صغيره جدا
المصرى اللى اعتدى على المصريه
فى السجن ومنتظر المحاكمه
وعلى فكره
فى اعتقدى يعنى
مش ده سبب الهجوم ليله العيد

جارة القمر يقول...

انا جاية اسلم على حضرتك

عشان انا معرفش ازعل منك

كنت باجي دايما عشان اطمن عليك

يارب تكون بخير

م/ الحسيني لزومي يقول...

شوف يا فشكول يا اخويا انت فتحت موضوع ذو شجون واحب اقولك ان النظام مبسوط من اللي بيحصل ولا يتمني ان يكون المسلمين والنصاري سمن علي عسل.
هو يخوف العالم من اي صعود اسلامي للسلطه ويستخدم المسلمين فزاعه للنصاري فمثلا في النتخابات الماضيه خرج الاقباط في اسيوط عن بكرة ابيهم بتعليمات من الكنيسه عقي لقاءات موسعه بين الانباء ميخائيل وامين الحزب باسيوط ليسقطوا مرشح الاخوان وكان من الممكن ان يتكتلوا خلف احد النصاري لادخاله البرلمان وياريت كان تكتلهم لاسقاط مرشح الاخوان بدافع ذاتي ساعتها سوف يكون الامر طبيعي ....شوفت كيف يلعب النظام بالنار اسيوط كلها عرفت بهذا طبعا انا هنا لا اعيب علي اخوتنا النصاري فهم احرار فيما يرونه صالح لهم ولكن .
قانون دور العباده الموحد اول من نادي به المرحوم الشيخ محمد الغزالي وكانت ندوه في التسعينيات بنقابه المهندسين وحضرها البابا شنوده وقال الغزالي ليتم حصر مساحات دور العباده وتنسيبهل لعدد السكان ويعوض من ينتقص حقه وكل عام تمنح موافقات تتناسب مع الزياده في السكان ولا يترك الحبل علي الغارب...من الذي يعطل هذا القانون ويستعجل قانون الضرائب العقاريه؟ ..عندما نتشر في ديروط الفديو الفاضح للفتاه المسلمه لماذا لم يتحرك جهاز الشرطه وترك الفديو ينتشر انتشار النار في الهشيم حتي وصل الي اهل الفتاه؟
انا لغايت كده تعبت مش عارف اقول ايه وللا ايه...انا لا انكر ان الكثير من المسلمين والمسيحين المتعصبين لهم دور في ذلك التوار لكن اين دور النظام في ضبط الامن.
هناك نذر خطر الامر خرج من عبائة الجماعات المتطرفه الي محترفي الاجرام

كلمات من نور يقول...

فشكوول

مجداوية أجابت عني جزء كنت باحضر رده ولكنني رأيت كلماتها وعلمت أنها وفت ...أما بالنسبة لجزئية:
لو حطينا على راس واحد مسيحى مليون شيخ اسلامى يوعظوا فيه .. معلهش يعنى مش حيقتنع ولا حتحرك شعره فى راسه ..أقولك لو حطيت على رأس مسيحي مؤمن واحد ممكن يؤثر فيه كثيرا وأمامك قصص إسلام المسيحيين مصريين في الخفاء خوفا من الكنيسة و أجانب...أنا مش طائفية وتربيت في مدرسة راهبات ولم أرى منهن أي شيء يبعدني عن ديني أبدا وأيضا قرأت كيقان رسول الله يتعامل مع يهود ونصارى المدينة ..يتعامل معهم بالحسنى ولم يكن يدعو عليهم ولكن حينما غدر بعض اليهود .أغار عليهم وطردهم شر طردة ...هو داه ديننا التعامل بالحسنى والحذر اتقاءا لفتن .وربي قادر كريم يوئد هذه الفتنة قبل أن نتحول للبنان أخرى خاصة مع ازدياد أعداد الشيعة في المصريين السنيين وهذه فتنة أخرى...تحياتي لحبك لمصر ونسيج أبناؤها

rony يقول...
أزال المؤلف هذا التعليق.
rony يقول...

ولو انى مش بحب الموضوعات الطويله بس قريت الموضوع للاخر
اسلوبك جميل وطرحك للموضوع بعيد عن اى تعصب او طائفيه
بس عايزه اقولك فى نظرى اعتقد ان الموضوع بعيد عن حكاية الولد والبنت
لانه لو هو كده فعلا هو اتقبض عليه ومنتظر محاكمه ده غير ان البلد فرشوط يعنى اتبهدلت
يعنى مالهمش حاجه فى نجع حمادى ومهما وصلت درجة الثأر
صعب جدا ان الانتقام يكون فى ليلة عيد وبالشكل الفظيع ده
غير البيوت اللى اتحرقت فى ارمنت وهى بلد بعيده عن نجع حمادى وفرشوط
ربنا يرحمهم ويصبر اهلهم
فى الاخر عايزه اقولك فى حد ورا كل ده
اكيد هيستفيد من ده كله
انا طولت عليك بس بجد الموضوع مضايقنى
واكيد يضايق اى حد عنده ولو ذرة احساس
وفى الاخراقولك ان مسلم او مسيحى الاتنين ما يستغنوش عن بعض
وبس خلاص
تحياتى

hana يقول...

حقيقي كلامك كله صحيح إذاي يكون
في هجوم إطلاقــاً
والمسيحي والمسلم في مصر شخص واحد بروح وقلب واحدةاخوة وأصدقاء وجيران
متحابييين
وبالنسبة للقانون القانون فوق الجميع
ينفذ على الجميع مسيحي مسلم بلا جدال

كلام جميل عمو فشكووووووول

sookra يقول...

طيب ازاى بس حد يهاجم
دا كلام العقل ازاى نعترض على كلام العقل الا اذا كنا مجانين
انا الاخرى اضم صوتى لصوت من ينادى بترشيحك رئيس جمهوريه
اما اللى بيحصل دا فمصيبه سودا والله
ربنا يخرجنا منها على خير
وموضوع مسيحى ومسلم هاقول فيه كلمه واحده
لكم دينكم ولى دين
ولاايه

ن يقول...

السلام عليكم
أستاذنا الغالى .. فشكول
يا أستاذى انا هبدأ الكلام من معنى آية كريمة بالنسبة لى تحسم أمر التعاملات مع الاخر .
قال تعالى .
( يا أهل الكتاب تعالوا إلى كلمة سواء بيننا وبينكم أن لا نعبد إلا الله ولا نشرك به شيئا ، ولا يتخذ بعضنا بعضا أربابا من دون الله ، فإن تولوا فقولوا اشهدوا بأنا مسلمون ) .
وكلمة ربنا هى العليا فلم يأمرنا بعد هذه الدعوة الكريمة أن نكفرهم على المنابر أو نحل دمائهم حتى وإن قالوا ان المسيح ابن الله .

ولكنه سبحانه وتعالى حذرنا من مغبة هذا الاعتقاد لكى لا يراودنا الشك فى ان لله ولد بعدما شهدنا أن لا اله الا الله وحده لا شريك له .
والا تحلو فى أعيننا فلسفة الجهلاء والمشككين فيقتنص الشك قلوبنا ونحيد عن الحق وهذا هوهدف حملات زكريا بطرس
الموجهة للشباب خاصة الذين يعانون انفتاح التيارات المختلفة وثورة المعلومات بلا قيود .
ولكنى فى الحقيقة أراه ابتلاء لنا لأختبار الايمان والبحث الحقيقى عن جوهر الاسلام خاصةولا يخفى على أحد ان الجميع أصبح يأكل بعضه بعضا بتصرفات الاسلام منها براء ولا يمكننا ان ندفن رؤسنا فى الرمال وندعى الفضيلة والايمان ونحن مفتقدون الى تصحيح سلوكياتنا كمسلمين فأنا أردد دائما * من السهل ان تكون فى عصمة الاسلام بالشهادتين ولكن الايمان طريق آخر *
وانا اعتدت على شىء هو قبل ان التفت الى عيوب الاخرين الاولى لى ان أصحح عيوبى وبالتالى أسرتى والمجتمع المحيط بى وأن أصون عقيدتى بالمعاملة والشعائر بدلا من التخبط مع الاخر وانا فى ظلمة وجهل بالذى يخصنى ولو كنا كمجتمع إسلامى إنصرفنا عن حق فى تصحيح أمورنا والبحث الدائم فى جوهر عقيدتنا لما حدث هذا التصادم بيننا وبين الاخر .

أما ما يحدث على الساحة من أحداث يسمونها فتن طائفية فهى تشبه لعبة خيال الظل .
عارف لعبة خيال الظل هكتبهالك من صندوق الدنيا .
مع خالص تحياتى

محمد الجرايحى يقول...

قال رسول الله صلى الله عليه وسلم : من آذى ذمياً فقد آذانى ، ومن آذانى فقد آذى الله .

( الذمى) : هم أهل الكتاب من اليهود والنصارى.

ن يقول...

لعبة صندوق الدنيا الصغير حاجة كدة اقل من كف الايد لكن تشوف فيه الدنيا حاجة تانية الصغير يكبر والحقير ممكن يكون أمير وممكن تشوف الديابة حمام سلام وممكن تشوف العصافير الوديعة عقارب وتعابين.. وتشوف زبد البحر دهب والشوك ريش نعام .. والمصيبة انىى ممكن اكون مستسلم ومبسوط رغم انو خيال فى خيال وحاجة تخبل العقل وتخدر الاحساس ..فى صندوق الدنيا حاجات لها العجب تتفرج من غير متسأل عن السبب .. لكنى فقت فجأة على صوت الاراجوز بينادى .. سيبكم من صندوق الدنيا وتعالوا يا اولادى أحكلكم حكاية عن خيال الظل .
...........................
فتاه صغيره

او على الاقل كما تصف هى نفسها

تدور فى الملاهى بمفردها .تبحث عن ماذا؟؟؟؟؟؟؟؟؟

تبحث عن الاضواء. تبحث عن الالعاب .تبحث عن البهجه التى

فقدت فى هذا الزمان. خطواتها محسوبه وكل خطوه تخطوها تكون

بكل ثقه وكانها اميره لا فتاه صغيره.

وطال الوقت وتعبت ارجل الفتاه من كثره المشى فارادت ان تريح

اقدامها......... اين تذهب لتريح اقدامها؟؟؟؟؟؟؟؟؟

ذهبت اللى مكان به ظل بعيدا عن الاضواءلتريح اعينها الجميله من

كثره البريق الذى احدثته الاضواء الملفته فى الملاهى

فراته.......................

خيال على الحائط للعبه

لم تكن جميله جدا كما غيرها من الالعاب كانت قديمه معفره

لم تكن تغنى او ترقص كغيرها من الالعاب لكنه كانت مسليه

وبدات الفتاه تنظر للحائط وتستمع باللعبه

كانت تغنى احيانا تطلق احيانا النكات تقول احيانا فى الحكم

والمواعظ لكن الفتاه لم تمل منها او تبحث عن غيرها

واحبت اللعبه الفتاه

ولماذا لالالالالالالالالالالالالالالالا؟؟؟؟؟؟؟؟

لقد عاشت سنينا طويله فى الظل.....

لم يكن هناك من يلتفت اليها.........

لم يكن هناك من يهتم بها............

لم يكن هناك من يكلمها............

احب خيال الظل الفتاه

وتمنى ان يتوقف الوقت. ان تزوووووول مواقيت الايام المعتاده

حسب عمره من جديد. الغى تاريخه كله وبدا تاريخ عمره من جديد

واخذ يناجى الوقت الا يمر سريعا.......

واخذ يناجى الاله الا تمل منه فتاته سريعا.........



الفتاه لا تزال مستمتعه بخيال الظل

لم تسال نفسها

ماهو شكله؟؟؟؟؟؟؟

ما هو لونه؟؟؟؟؟؟؟

ما عمره؟؟؟؟؟؟؟؟؟؟

المهم ان الوقت معه وقتا جميلا هى تقول انها مرتاحه لخيال الظل

ولكن ان سالتها لماذا؟؟؟؟؟؟؟؟؟؟؟؟؟؟؟؟؟

تقول لا اعلم .


ومر الوقت . وخيال الظل سعيدا بهذا الاهتمام الذى حصل عليه لاول

مره فى حياته .وسالت الفتاه...............

سالته الفتاه عن ما كان يخشاه؟؟؟

خيال الظل من تكون؟؟؟؟؟

ما شكلك؟؟؟؟؟

ما لونك؟؟؟؟؟

واحتار كيف يجيب؟؟؟. لم يضع فى زهنه مثل هذه الاسئله من قبل

وبدات الفتاه تبحث عن مصدر هذا الخيال.تبحث من اين يخرج هذا

الظل .وخيال الظل ينادى عليها . وهى لا تجيب كل ما يهمها ما هو

خيال الظل؟؟؟؟؟؟؟؟؟؟؟

وعندما احتارت الفتاه .اشتغل عقلها سريعا .كيف ارى خيال الظل

وجاء الجواب سريعا؟؟؟؟؟؟؟؟؟؟؟

اشعلوا الانواااااااااااااااااااااااااااااااااااااااااااااااااار

وهنا صرخ خيال الظل

لا دعينى فى الظلام

دعينى وارحلى

انا مخلوق للظلام
.... .................
القصة دى منقولة من منتدى الفردوس ..
مع خالص تحياتى

قلم رصاص يقول...

محدش يقدر يهاجم كلام جميل زي كلامك ياعمنا العزيز فشكول

انا باتفق مع عادل دولا جداااااا في رأيه وتعليقه كله

ازيك بقى ؟

عامل ايه ياراجل ياطيب؟

في امان الله

ستيته حسب الله الحمش يقول...

محدش ممكن خالص يختلف مع كلامك اللي هو عين الحق
ده مش بس حق ولكن حق صريح وواضح
بلا اي حساسيات
كلام عادل
والمهندس الحسيني هو رأيي
وكلام مجداوية حقيقي جدا

ويظل لي مجرد كلمة واحدة
طول ما المسلمين والمسيحين بيضربوا في بعض صح
يفضل حجة الحكومة بتفعيل قانون الطواريء المعيب
اكثر من 30 سنة
ونحن نعمل بقانون استثنائي يعطل الدستور وينتهك الحريات
ولو كلنا كشعب فهمنا صح زي ما احنا كمدونين
ساعتها الحكومة ممكن تقول
غطيني وصوتي ياأمه

اقصوصه يقول...

الله يسترنا من الفتنه

ومن مخلفاتها المقيته

نار الفتنه تستعر في كل مكان

الناس صارت تاكل بعض

حسبنا الله ونعم الوكيل

ENG./ELSAYED,PMP يقول...

انت أنسان جميل
واحنا معندناش مشاكل
احنا عندنا مرتزقة فساد و مرتزقة إنحلال ومرتزقة فتن
رزقة ... سبوبة
احنا معندناش إلا ديانتين او تشريعين سماويين من رب واحد ومع ذلك يحدث كل ما نراه
بينما بلاد اخرى ف العالم بها ألاف الملل والنحل والديانات والفلسفات بل وفى العائلة الواحدة
ولا يحدث معشار ما يحدث بينى وبين أخى الذى يشجع نادى اخر

لم نتعود على ثقافة الأختلاف

بينما اوروبا تتوحد تحت العديد من اللغات والأعلام والإيدولوجيات وما بينهم مما صنع الحداد

نتفكك نحن إلى شمال وجنوب ( اقصد العرب) وخليج ودول الساحل ودول الصحراءوجبهة البلوساريو ونوبة وحوثيون وعائلات وقبائل

طولت عليك

أرى زيادة الجرعة الثقافية التى تنادى بإحترام الأختلاف فى كل شىء ... ثم يكون التقدير لمن يقدم للأنسانية قيمة مضافة لا إعتناقاً لفكر ما

فقد اكون مسلماً فاسقاً

ولن ينفعنى إسلامى حين إذاً
" ومن الناس من أضله الله على علم "

سورى لتانى مرة

ثقافة الأختلاف

ثقافة الأختلاف

ثقافة الأختلاف


رحم الله الأمام الشافعى

" رأى صواب يحتمل الخطأ ... ورأى غيرى خطأ يحتما الصواب "


سيد

well يقول...

يا مصريين .. فوقوووووا ... فوقوووووا ..
تمام
""تحررت حكاية الجزيه خلاص خلصت من زمان""مين قلك كدة يا باشا سيادة الوزير بطرس غالى عاوزنا ندفعهالوه
تحياتى

Ms Venus يقول...

كلامك جميل وصح جدا


انا حزينة على بلدى فعلا

لاسع افندى يقول...

القانون والعدل والمحبه والتسامح



تحياتى

عمرو جويلى يقول...

أستاذ فشكوووول
السلام عليكم
والله كل كلامك عين العقل وقمة الحكمة
ولكن هناك من ينفخون فى الكير هداهم
الله وحفظ مصر من كل سوء
خالص تقديرى

فارس عبدالفتاح يقول...

والله كلام جميل قوى بس قانون ايه اللى حضرتك بتؤمن بيه

بزمتك ودينك وربك وما تعبد احنا عندنا قانون لو قلتلي فيه قانون وبيتنفذ انا عندي استعداد اضرب نفسي بالجزمة قدامك واقسم على ذلك لو اثبتلي انه في قانون في مصر وبتنفذ يعني كل الشعب المصري من جميع فئاته وجميع طبقاته بيمشي عليهم القانون

فخلي حكاية القانون دي على جنب

ثانيا :

طبعاً بما ان حضرتك في الشمال فبعض الاعراف والتقاليد تخف حدتها شويه ويحصل لها عملية ميوعه او تليين يعني كبر دمغك الموضوع ميستهلش .. وكده يعني

لكن اللى حضرتك متعرفوش او يمكن تعرفه لكن لم تمارسة عملي او تشاهده عن قرب ان الصعيد غير الدلتا خالص

والحمد الله انه غير الدلتا وده من قديم الازل من ايام الدولة المصرية القديمة الجنوب والشمال وقبل ما مينا يضم الشمال تحت حكم الجنوب يعني احنا اللى ضمناكم مش انتم والحمد والمجد لله

المهم

اذا اردت ان تعرف واكيد حضرتك عشرت الاحداث كلها بتاعت السبعينات البابا شنودة مع السادات واحداث الزاوية الحمراء وغيره

احب اذكرك من الذي انشأ الفتنة الطائفية في مصر ومن مؤسسهامع الاحترام انا بختلف لانه زي ما حضرتك عارف اني مرجعيتي مختلفة

اولا :

من احدث هذه الامور في مصر وفي اي عصر ..؟

( السادات )

في اواخر السبعينات وبالتحديد ( 1977م)واطلاق يد الاسلاميين او الجماعات الاسلامية بتنظيماتهاالمختلفة التي افرزتها الاخوان المسلمين في المعتقالات الناصرية .. بحجة الديمقراطية ولقب الرئيس المؤمن والحاجات اللى حضرتك عرفها طبعاً بحكم السن


تنبيه :

الشيوعيون ايضاً كانوا من ضمن المعتقلين .. هذا للعلم والاحاطة .



يعني اليمين المتطرف واليسار المتطرف


ومن ثم احداث الزاوية الحمراء ومن ثم أصدر في سبتمبر عام 1981 قراره اعتقال 1531 من المفكرين واساتذة الجامعة والصحافيين ورجال الدين المسيحيين والتيار القومي العربي وكل التيارات الوطنية المستقلة المعارضة لسياسات السادات ومعاهدة كمب ديفيد .

دفعة واحدة في خطابه الشهير قبل اغتياله بايام


على فكرة انا مش عاوز اطول عشان انا عارف انك بتتخنق مني بس بصراحة انت بتطرق لمواضيع مهمة

المهم

يرجى مراجعة ماهية اسباب خلاف السادات مع البابا شنودة وهي معروفه جداً لاني اعتبره وطني واشرف من شيخ الازهر ومفتي الجمهورية

هذه من حيث الوطنية فقط

اما من حيث الدين فهذا امر اخر ... قد نحتلف وقد نتفق فيه وهذه ليست المشكلة

اما موضوع الشرف فحضرتك عارف انه الاعراف القبلية هي الحاكمة في الصعيد مش حاجة تاني


يعني مفيش كبر دماغك والموضوع ميستهلش

وسواء كان مع مسلمين او نصاره هو هو رد الفعل

بس هو بيكون فيه حساسية شوية لو كان من غير الملة بيخش موضوع الدين ككرت حشر فالموضوع

فارس عبدالفتاح يقول...

عفواً

يرجى المشاهدة

http://www.youtube.com/watch?v=uvuZczC5d_o

الشاعر الفنان أحمد فتحى فؤاد يقول...

الأستاذ فشكوول
كلامك واضح و متسلسل و و مش ضد أى حد عشان حد يهاجمك
تعرف مين اللى ممكن يهاجم الكلام ده ؟
أعداء الوحدة و أعداء بلدنا مصرنا الحبيبة
تعرف أنا من القاهرة و مقيم حاليا بالإمارات بس ليا أقارب فى نمجع حمادى إتصلت بيهم و تعرف إن منهم ناس فى مناصب فى المدينة سمعت إنهم مش بيروحوا الشغل من القلق اللى حاصل
تفتكر ده يرضى ربنا ؟
الله يجازى اللى كان السبب
تحياتى

نهــــــــــار يقول...

السلام عليكم..
الموضوع شائك ..
كان الله في عونك ...
مانته إلي جبته لنفسك يا عم فشكوول ...
أنا بس حبيت اسلم ..
..
في امان الله

أحــوال الهـوي يقول...

و احشني يا عم صلاح
الحقيقة تدوينه رائعه و انا عندي اسامي لاصدقاء مسيحيين كل اجازة باكون حريص علي مقابلتهم
اللي انا شايفه ان اقباط المهجر ينفخوا في النار و بيزودوا الفرقة و لازم يقفوا عند حدهم لان معظمهم جنسيات اخري غير مصريه و لا يعنيهم ان البلد تولع او تنتهي

تحياتي

ريمان يقول...

سخنت الناس يا عمو صلاح بموضوعك ده

بس بجد انا معاك فى كل كلمه قولتها

المشكله بجد ان اللى حصل ده زى ما قتول فتنه حصلت الوقتى المسيحيين بقى جواها اكيد كره شديد للمسلمين بعد الاحداث اللى حصلت دى وفى مشاحنات بينهم رهيبه فى الصعيد


تصور واحد مسيحى من نجع حمادى بيقولى وهو فى الجنازه وشايلين السبعه اللى ماتوا دول وكلهم بيبكوا والستات المسلمات واقفين فى البلاكونات يزغرطوا؟

طب دى عمايل دى؟

والمسيحين الوقتى اللى طاعين يسبوا المسلمين ويتهمونا بالارهاب والتطرف


اخرتها ايه بس

بجد اللى حصل ده فتنه وهتفضل نار مشتعله كده

ومادام مفيش عدل يبقى الفتن دى هتفضل موجوده وهتزيد

والله ده شىء محزن يا عمو صلاح

RENATA MARIA PARREIRA CORDEIRO يقول...

Hello, my dear friend! Magnificent! It´s so amazing to see you! I´ve translated this poem from chinese. I can´t translate it to english. I hope you understand me. It´s a very beautiful poem.
All the best!
Kisses
Renata

*Sobre a pintura de um ramo florido
"Primavera Precoce", de Wang

Quem disse que a pintura deve parecer-se com a realidade?
Quem o disse vê com olhos de não entendimento
Quem disse que o poema deve ter um tema?
Quem o disse perde a poesia do poema
Pintura e poesia têm o mesmo fim:
Frescura límpida, arte para além da arte
Os pardais de Bain Lun piam no papel
As flores de Zhao Chang palpitam
Porém o que são ao lado destes rolos
Pensamentos-linhas, manchas-espíritos?
Quem teria pensado que um pontinho vermelho
Provocaria o desabrochar da primavera?*

Su Dong Po

+ Kisses Renata************
See you soon!

كلمات من نور يقول...
أزال المؤلف هذا التعليق.
احلام جوليا يقول...

يسلم لسانك يا بابا فشكول بجد عندك حق طبعا في كل كلمة قلتها بس للاسف المشكلة حصلت في الصعيد وانا لي معارف صعايدة واسوا صفات الصعايدة تنشيف الدماغ على الي جواها ومتنساش ا ن القضية قضية عرض وهم يناصروا دائما الثأر فتخيل العرض والثأر اضافة الى تنشيف الدماغ الصعيدي يعني مصيبة وحطت على بلدنا ربنا يستر اصحابي المسيحين كتير وانا بحبهم قوي وجيراني المسيحين كمان كتير ولعبت معهم سنين طويلة وبرضه بحبهم قوي ومش عارفة ايه الي ممكن يحصل لو اتحط شقي الامه قصاد بعض كده انا مش ممكن احاربهم ومظنش ابدا انهم يفكروا يحاربوني ربنا يستر بجد

فراشة يقول...

استاااااذ فشكوول ازى حضرتك
اسفه على غيابى الشديد

اكيد يا استاذ فشكوول طبعا اللى حضرتك بتقول عليه
الواحد بقى حاسس ان مصر بجد مقصودة واللى بيحصل بقى زيادة قوى
ربنا يستر ومش عارفين حنوصل لحد فين

تحياتى لاستاذ فشكوول

ليس فقيرا من يحب يقول...

السلام عليكم

ازيك يا عمو

يارب تكون بخير يارب وتكون صحتك بومب

ليه الناس هتهاجمك دا حضرتك كلامك

عين العقل وبعدين مش عارفه احنا شعب دايما تابع وصوتنا من دماغ غيرنا مش عارفين الدنيا بتسهى ولا بتدهى وبنقول امين وخلاص وده حال الناس ضعاف النفوس اللى بيشعلوا نار الفتنه وطول ما
احنا شعب تابع نطبل مع اللى بيطبل ونصوت مع اللى بيصوت حالنا هينحدر اكتر من كده ومش عارف مين الايدين الخفيه اللى يهمها ان ده يحصل

المهم صحتك عامله ايه ياراجل يا طيب

يارب يديك الصحه دايما ويسعدك يا عم فشكول يابن حوا وادم

نور الدين يقول...

السلام عليكم
طبعا مع كل تقديرى لشخصك وجهدك النبيل
لكن انت يا استاذنا خلطت بين أمرين ولن اطيل فى الشرح لأن الاخت مجداوية تحدثت بما هو شافى وكافى
الخلط الذى أقصده هو بين الجهر والدعوة للدين وبه وبين حسن المعاملة
فإنه كما هو معلوم يقيناً من ديننا أنه لا يصح إلاسلام وان غيره من الأديان كفر
وكلمة كفر ليست شتما ولا سبا إنما تعنى أن غيرى لا يؤمن بما أعتقد
مع كامل حريته وإحترام إرادته
وللمسلم الحق يا أخى أن يدعو لدين الله
وكم أعجب ممن يسخرون ممن يقارن بين العقائد بكلمات نابية لا تليق ويزعمون أن هذا يدعو للفرقة وأن المسيحية تدعو للتسامح اليس المسيح أمر تلامذته بتبشير الأمم وتكريزهم ومن هنا خرجت جيوش المنصرين يدعون المسلمين للمسيحية جهراً وسراً
وفى مقابل هذا كان ردنا القائم على الأدلة والبراهين لصد الهجمة البشعة القائمة سواء فى مصر أو كل العالم الإسلامى وعندما يدعو الخطباء لدينهم أو يدعو ذوو الأقلام لعقيدتهم عن طريق مقارنة النور وبالظلام والحق بالباطل ليؤمن من شاء ويرفض من شاء بكل إحترام ومعاملة بالحسنى
هذا ليس سبب الفتنة إنما سبب الفتنة هو ان يتم تربية الأجيال على الأحقاد وأن يتم تربية الصغاؤ على أن المسلمين أبناء العرب الغزاة أو أن المسيحيين لا حق لهم فى شيء
هذا هو سبب الفتنة وليس إظهار حقيقة العقائد
ولمن تطاول فقد عبر عن نفسه وقبح سريرته
........
لك جزيل شكرى وإحترامى وتقديرى أخى الكريم
.............
نورالدين محمود

adonees يقول...

تحية لك
موضوع رائع جدا

Sam Sh يقول...

رغم إن أنا مسيحى و معندناش طلاق بس عليا الطلاق كلامك كله صح طبعا .. بس الشعب المصري شعب مالوش دعوة بالكلام اللى بيتقال هنا فى المدونات .. و المثقفين عند عامة الشعب مساويين للإمبريالية الأمريكية (( حلوة الإمبريالية دى )) و أغلب الناس عقولهم مغيبه تماما إما عن طريق الشيوخ المتعصبين الوهابيين اللى مش بيحلالهم الكلام إلا عن النصارى الكفار و إستحلال دمهم - و دي حاجة أنا سمعتها بودانى شخصيا - أو عن طريق القسس المتعصبين اللى كلامهم زى الدبش زى زكريا بطرس - و بالمناسبة الراجل ده بيستفزنى جدااااااااااااااا - و باقي الشعب يا إما مقضيها مخدرات أو فياجرا أو ماتشات كورة !!
للأسف هو ده حاليا الشعب المصري مع وجود قلة مثقفة صوتها بيضيع وسط الزحمة و الزعيق

تحياتى القلبية

صدى الصمت - عاشقة الورد - يقول...

موضوع أكثر من رائع
دمت مبدع كعادتك

جايدا العزيزي يقول...

فشكوووول


احنا لو شعب ذكى هنفهم


اننا اخوة


ولازم نسأل الفتنه دى وراها مين


واكيد كلنا عارفين


واللى ما يتعلمش من دروس سابقه يبقى غبى


الجهل وصلنا لفين


بدل ما نتماسك لمحاربه عدو يترقبنا


ليفتك بنا


نتفرق ونحاول ان نحارب بعضنا


بالزمه ده اسمه كلام

احنا وصلنا لطريق مسدود


والفتنه بقى ليها انياب


بتنهش فى لحمنا


وبعدين يكملوا هما علينا


شكرا على اثارة الموضوع


لعلنا نفهم من يفرقنا ولماذا



شفت انا اميرة ازاى


هههههه


تحياتى

محمد عبدالرحمن شحاته يقول...

مبروك الفوز لمصر يافشكول
وعقبال الماتش الجاي

حنان سعيد يقول...

استاذ فشكول
طبعا كلامك كله مافهوش اي وجهه لاعتراض بالعكس ياريت كل الشعب المصري يقدر يفهمه ويستوعبه ويعمل بيه كويس
اكيد هنرتاح
بجد احنا بنضيع نفسنا بنفسنا
كل الي نقدر عليه نتجمع على ماتش كوره
اه اكيد شيء يفرح كل القلوب المصريه
بس ياريت كل يتنا تكون زي ماتش الكوره بالاهتمام ده
ياريت نهتم بجنسيتنا ونحافظ عليها
ونقف قدام اي شئ يخل بيها

وكل الي نفتكره اننا ولاد ارض واحده
ياااااااااارب ده يتحقق
تحياتي لحضرتك

إبتسامة ملاك يقول...

السلام عليكم

ازيك يا حبيبى

وحشتنى اووووووووووووووووى
ربنا يطمنى عليك يارب
واسفه بجد على تأخيرى لظروف خارجه عن اراداتى
ربنا يكرمك يارب
ومليون مبروك لمصر ان شاء الله
دمت بكل خير

زهرة الكاميليا يقول...

سلام الله عليك ..

كيف حالك يا صديقي؟

أراك تنادي .. يا عالم يا هوووو فوقوا

الاحتقان الديني والكروي سياسة .. نعم سياسة هذه المرحلة ..
جزء من الخطة يعني ..
حتى لو المصريين ركنوا للعقل وفاقوا .. سيضربونهم ضربة أخرى حتي يعودون للإنغماس فى المعارك الدونكيشوتية التى يمارسونها الآن.

العيب ليس فى مسلم أو مسيحى .. كلاهما مضطهد ويعانى نفس القهر.

I'm The CraZy One يقول...
أزال المؤلف هذا التعليق.
I'm The CraZy One يقول...

ايه يا انكل حاضرتك مجتش اللقاء ليه ؟؟؟

كنا عايزين نشوف حضرتك تاني

نفرتارى يقول...

بابايه العزيز .. وحشتنى كتابتك جداً بجد الموضوع موضوع هايل لقد اصبحنا فى عالم ممتلئ بالفتن .. بس لصالح من كل هذا ... ؟؟؟ ولماذا ... ؟؟؟؟

تحياتى ،،
نفرتارى

م/ الحسيني لزومي يقول...

اخيرا ياعمي فشكول
خلصت الحمله وانا في انتظار تشريفك
تحياتي

م/ الحسيني لزومي يقول...

اخي العزبز فشكول
نورت بيتك ومطرحك
دعني اختلف معك الاخوان لا يفعلون المبيقات ولو سلك اي فرد فيهم طريق الحزب الوطني لنال من المغانم الكثير...اما السجون والمعتقلات والتضيق عليهم في اعمالهم وعلي اولادهم ليس مغنما...نعم هناك اخطأ وهناك مواقف غير متجانسهاو متناغمه لكن هذا ربما بسبب ظروف الضغوط الامنيه ولك ان تعلم ان84 منهم تم محاكمتهم امام القضاء العسكري عام 95 لان الاخوان عقدوا اجتماع لانتخابات مجلس شوري الجماعه...واكثر ما يضير الاخوان ان الكثير من افراد المجتمع لا يعلمون كيف تدار الامور...نعم انها تدار بموسسيه علي قدر المتاح من الحريه فهم لا يستطيعون مثلا عقد مؤتمر للجماعه وحتي الانتخابات الاخيره كانت بالتمرير مع ان هيئة الناخبين عددهم 105 عضو لكن هناك اخطأء وقد ظهرت في الازمه .
اما مصادر التمويل لو حضرتك قريت اي كتب عن الاخوان لباحثين سوف تعرف ان كل فرد يدفع اشتراك شهري علي قد دخله يعني فشكول لما يكون عضو مش هيدفع مثل خيرت الشاطر المليونير بالاضافهالي ان هناك من يدفع اكثر من قيمة الاشتراك ..وعندما كانت الجماعه مشهره كانت هناك راقبه علي كل شئ والجماعه تتمني ان تشهر وتراقب حساباتها ولعلك تابعت القضيه العسكريه الاخيره ورغم ان المحكمه عسكريه اسقطت تهمة غسيل الاموال النظام يعرف جيدا ان تمويل الجماعه من جيوب اعضائها وحتي قضية التظيم الدولي طلعت فشنك والنظام لا يجرؤ ان يحاكمهم امام القضاء المدني.
كما ان هناك نظره خاطئه من المجتمع لجماعة الاخوان الناس لا يتحملون منهم الخطأ مع نهم في الاصل بشر ومنهم المخطئ والمصيب وقد يكون بينهم المغرض فالجماعه لا تشق عن قلوب اعضائها .
اما عن الكوره فقد ذكرتني بمقوله للكاتب الراحل توفيق الحكيم حين قال "نحن في بلد هز البطون فيها يدر ربح اكثر من هز العقول"
رحم الله توفيق الحكيم

SAM يقول...

We must love our neighbors. Because God loves all his children equally. Love unites, religion and prejudice disunity. Let there be peace between the brothers.

Thank you for your kind visit and good words, friend.

rovy يقول...

السلام عليكم ..
استاذى العزيز احييك على تدوينتك الرائعه ..
أتمنى أن نترك ما أختلفنا فيه مع أخواننا المسيحيين ليفصل الرحمن به يوم القيامه كما قال لنا سبحانه و أمرنا بذلك و أن نتعايش جميعا فى دنيانا على المحبه و الأخوه و السلام ..
أتمنى لو تقرأ تدوينتى معا من أجل النصر و العزه http://rovy-mylife.blogspot.com/2010/01/blog-post_09.html

خالص تقديرى و تحياتى لك

فارس عبدالفتاح يقول...

طيب انا اعمل ايه

لا انا طايل بلح الشام ولا عنب اليمن

لا انا قادر امسك على ايدي وابقى حريص وعمل فلوس

ولا انا لاقي وحده بنت ناس طيبين تكون من اسرة طيبة ومحافظين شكلاً وموضوعاً .. اعمل ايه

خليني كده يمكن الصبر يكون مفتاح الفرج

Majoli يقول...

Saudades de você meu amigo. Deixo beijos no ♥

تامر علي يقول...

يا عم فشكول في شيء ناقص في المعادلة وغايب عننا كلنا

في ناس من مصلحتها يفضل جو الشحن موجود والتصعيد موجود
- الدول الاجنبية من مصلحتها وجود التصعيد حتى تجد ذريعة للتدخل في الشأن الداخلي على حساب الاقليات وبتستخدم اقباط المهجر والمنظمات الحقوقية للترويج واحنا بنمارس السذاجة السياسية على أعلى مستوى في هذا الشأن
- هناك من لهم افكار منحرفة يتم اصطيادهم وتوجيههم كدمى الماريونيت لعمل أحداث توجه الرأي العام ومشاعر العوام في اتجاه معين
- هناك جهل مطبق من الطرفين يسيطر على الموقف يمنع أي حلول
- هناك تعتيم اعلامي يمنع الحصول على معلومة حقيقة يمكن بناء رأي عليها


هناك عوامل تمنع وجود حل حقيقي لهذه القضية

-----
اشمعنى انت عندك ناس حلوه خواجاتي بتعلق وانا لاء
ما تستوردلنا شوية معاك :)

RENATA MARIA PARREIRA CORDEIRO يقول...

It´s touching! Very well expressed! I bring you a great poem!
*Had I the heavens' embroidered cloths,
Enwrought with golden and silver light,
The blue and the dim and the dark cloths
Of night and light and the half-light,
I would spread the cloths under your feet:
But I, being poor, have only my dreams;
I have spread my dreams under your feet;
Tread softly because you tread on my dreams.
William Butler Yeats*
Kisses****Renata
Thanks!

tarek momen يقول...

الصديق فشكول
منذ يومين كان هناك وقفة احتجاجية لأهالي ضحايا نجع حمادي و معهم بعض الأقباط و المسلمين امام مجلس الدولة كان عد المتضامنين يكاد يقل عن الخمسين فردا
اعتقد ان معظم المدونين يتضامنون مع اهالي الضحايا و اخواننا الأقباط فلما لا تتبني شكلا من اشكال التضامن علي المدونات
فعلي الأقل اذا لم نستطيع ان نشاركهم وقفتهم فلنتضامن بسطور قليلة علي مدوناتنا
اتوجه اليك لكثرة المشاركين و المعلقين بمدونتك
تحياتي

TWEETY يقول...

ايه الكلام الكتير دا
انا مش فاهمة حاجة ياعمو
بس اكبد لما اكبر هفهم
بس انا جيت ازور المدونة

Pink Dreams يقول...

ازيك يا عمو فشكول

معلش انا عارفه انى مقصره مع حضرتك

بس انا كنت فى امتحانات ولسه مخلصه من حوالى يومين

ادعيلى بقى


بالنسبه للبوست

مسلمين او مسيحيين فكلنا فى الاخر مصريين..

Wanderley Elian Lima يقول...

Olá meu amigo
Gosto muito de receber sua visita. Volte sempre.
Grande abraço

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
غلا روحي
شات غلا الروح
شات صوتي
شات مغربي
قوانين الشات الصوتي
برامج كام وصوت
اشتراكات غلا الروح
قوانين غلا الروح
فعاليات غلا الروح