السبت، ٢٧ مارس ٢٠١٠

هيصوا يا ولاد ... تررم تررم ... سقفوا يا ولاد ... تررم تررم

يجتمع القاده العرب - قصدى الحكام العرب لان ما فيهمش ولا واحد قائد الا يمكن قائد طابيا ولا حاجه على رأى شويكار - بيجتمعوا فى مدينة سرت الليبيه عند اخوكم الزعيم والقائد التاريخى والجماهيرى والمختار من الله للشعب الليبى وكل الالقاب العربيه الهبله اللى بنقولها على اى حد يجوز امنا - تانى بيجتمعوا لبحث المواضيع على الساحه العربيه ... طب هما يفكوا بس والمواضيع ان شاء الله حتنحل ... انا مش سامع سقف ليه .. ورايا سقفوا يا ولاد ..... تررم ... تررم
قوم ايه بقــــــــــى ... فيه 13 قائد عربى - طبعا انا حاكلم بلغتهم _ قائد- تخلفوا عن حضور هذه القمه ... هيصوا ياولاد ... تررم ... تررم
انا عايز طاقيه ونضاره

ابوكم الحاج عمرو موسى بقى قام يعرض اخفاقات ونجاحات الجامعه العربيه اثناء توليه ( ايه رأيكم فى توليه دى ) اصل اللى عايز حاجه يروح يجرى ويتولاها ... واللى يصحى الصبح بدرى عن الناس يلحق يتولى ... اصلهم من اولياء الله الصالحين... القصد ان عمرو موسى قال بالحرف الواحد (هناك اخفاقات ونجاحات للجامعه العربيه فى الفتره التى توليتها والتى اعتقد انا كافيه ... خدوا بالكم من كافيه دى ... فكروا يا ولاد ... تررم ... تررم
نفسى بدل ما حد يقول خلال فتره ولايتى ... يقول خلال فترة انتخابى وكدا تبقى الامور موزونه ومظبوطه
يا ترى بيعتقد انها كافيه لييييييه ؟ ... طب وناوى على اييييييه ؟


ياريت اللى فى دماغى عشان خبطتين فى الراس توجعهم
قلت لكم سقفوا يا ولاد ... تررم ... تررم
قلت لكم هيصوا يا ولاد ... تررم ...تررم
قلت لكم ارقصوا يا ولاد ... تررم ... تررم

هناك ٩٠ تعليقًا:

أحــوال الهـوي يقول...

رجع الحمام للغيه

ايوه كده رجعت تفشكل زي زمان

و ابقي قابلني اذا كانت ىكفايه معناها انه يسيب مكانه

تحياتي

Prince-Palestine يقول...
أزال المؤلف هذا التعليق.
خواطر شابة يقول...

تعرف اليوم شفت كاريكاتير في جريدة فيه مجموعة من الناس في مقهى يتفرجون ويقهقهون فشخص مار سألهم هل تتفرجون على مسرحية مدرسة المشاغبين ام الزعيم أجابوه بصوت واحد لا نتفرج على القمة العربية
دمت بكل الود سيدي

المدوناتى يقول...

بعد السلام عليكم
اسمح لى استاذ فشكووووول أستعير جملة مماكتبت واسمح لى ايضا أن اعيد كتابتها على هوايا مع احتفاظك بالحق فى القبول او الرفض
عيطوا ياولاد ...تررم تررم...الطموا يابنات تررم ...تررم
على وفات القمة العربية
... كلام فى سرك أحنا اخر الشهر والتاس دولم غلابة
تلاقيهم عملنها علشان يصرفوا بدل جلاسات
... وتررم.. تررم.. تررم ...ترلم لم

Osama Ali Abdelhalim يقول...

مساء الخير استاذ فشكول
انا سمعت ان السيد عمرو موسى ناوى يترشح للرئاسة، ياترى دا صحيح؟
عموما ، انا بعتقد ان عمرو موسى كان صوتا قويا فى الخارجية المصرية ضد اسرائيل
الجامعة العربية مشروع فاشل ، لان الامة العربية امة بلا قرار، ومن لايملك قراره لايمكن ان يملك مصيره
على فكرة انا بحب اسلوبك الساخر الجميل
تحياتى، لك وللاطفال الحلوين فى السايد بار، ربنا يحفظهم

حنين يقول...

ازيك يا عمو فشكول
يامسهل الحال امتى هيصحو من النوم بقى
طيب نهيص ونسقف ونعلى صوتنا يمكن نصحيهم من الغيبيوبه تررم تررم

تامر علي يقول...

للأسف عمرو موسى كان شخصية محبوبة على المستوى المحلى وعلشان يفقد شعبيته و"يتحول" مسكوه منصب "فشنك" علشان يبان انه مجرد فقاعة كباقي فقاعات الهواء الملوث التي يمتلىء بها الفضاء العربي الرحب
لكن يا عم فشكول .... الاخفاقات وعرفناها وحفظينها وما اكثرها ...متعرفش الانجازات دي المقصود بيها ايه ؟؟؟؟ لو عرفت ابقى قولى :)))

تحياتي :)

البنفسج الحزين يقول...

هما الجماعه دول مش هيبطلوا تمثيل علي بعض وعلينا ...مزهقوش من اجتماعاتهم اللي هما أول ناس عارفين ومتأكدين انها لا هتحل ولا هتربط...لأنهم ببساطه مجموعه من العجزة المتخلفين...ربنا يخلصنا منهم

just waiting يقول...

انا بكره اسرائيل واقولها لو اتسأل وعمرو موسى كمان .... بحبه :d:d

Haytham Alsayes يقول...

السلام عليكم

ازيك ياعمو فشكول بجد القمة دى مسخرة ملاهاش لازمة ربنا يريحنا منهم كلهم
قول امين
والله ماحصلوا زعماء احياء شعبية دول اعمالنا السيئة فعلا من اعمالكم سلط عليكم

يااااااااااااااااه احنا وحشين اوى كدة اكيد والله احنا وحشين ونستاهل ناس زى دي شوف الاوربين في اجتماعتهم والله حاجة تفرح بالرغم ان هما غير مسلمين بس ربنا كرمهم بقادة بحق وزعماء بجد اكيد والله يستهلوها عشلن بيطبقوا الاسلام ومبادئه زي الحرية والعدل وغيرهه كتير


ربنا يخلصنا منهم قول اميييييييييين

تحياتي لك ياعمو

micheal يقول...

عمو فشكول
والنبي اديني 2 كيلو شجب على إدانة وإتوصى !

Ms Venus يقول...

حاضر يا عمو فشكول

هسقف اهووووو تررم تررم

هبة النيـــــل يقول...

أنا مع الاستاذ تامر علي


فعلا عمرو موسى كان محبوب جدا

ونفوه في جامعة الدول العربية كأنهم خايفين منه.

أما بالنسبة لرؤساء مراجيح مولد النبي

اهي كلها أسامي، ماتدوقش يعني يا عمو فشكول

مجرد بنت يقول...

متخافش ياعمو فشكول
كله تمام والامن مستتب
اخرتها نشجب وندين
اسمحلى اكون واحدة من اعضاء جمهورية فشكولستان

لاسع افندى يقول...

قال على رأى المثل

اتلم تنتون على تنتن واحد نتن والتانى انتن



تحياتى

adel يقول...

اكيد هيشرح نفسه في الانوتخابات هو كمان
شكله عينه علي المليون

الميكروباص يقول...

الحقيقه انا انتظرت هذه القمه بفارغ الصبر لكي أرى ماذا سيفعل القذافي لأني معتاد عليه انه يصدر تصرفات خارقه للطبيعه
والحقيقه اجمل ما في القمه إلى الآن هو استقبال القذافي للرؤساء في الخيام بالمطار واللبس بتاعه المعجزه
اما بالنسبة للأخ عمرو موسى فهو موظف
والاخوه في البلاد العربية يريدون تدوير منصب الامين العام لكي لا يكون حكرا على مصر متوهمين ان منصب الامين العام يمكن ان يفعل شيئا وهو في الاساس كل بلد عندها مشكله مع البلد التانيه

Unknown يقول...

اناعاوز اعرف كافية ايه ايه النقط دى بقا

Tears يقول...

جامعه الدول العربية منذ انشأها و هى زى قلتها بل يمكن قلتها اوفر بدل المصاريف

زائد ان 90% من مشاكل الامة العربية ستحل بمجرد تخلى هؤلاء "الزعماء" عن كراسيهم اللى لازقين فيها بأمير
!

Asmaa mahaba يقول...

اللى بيقعد على كرسى يا خالو بيلزق فيه على راى محمد صبحى ابقى فكرينا يا حوريه نجيب كراسى تيفال:))

كلمات من نور يقول...

الله

هو عمرو موسى انضم لحركة كفاية وحب يحور الكلمة؟؟؟؟؟؟؟

ههههههههههههه احلى ما في النوضوع أنها عند اخونا الزعيم الليمبي

والله مابتفرق معانا الأسماء

تحياتي سيدي

قلم رصاص يقول...

"طب هما يفكوا بس والمواضيع ان شاء الله حتنحل "

اه والله فعلا ههههههههههههههههههه

وادي سقفه كبييييييييييييرا اهه ياعمي العزيز فشكول

الجامعه العربيه انا اقترح تحويلها لمزرعة فراخ احسن وافيد

وكله لصالح التعاون العربي المشترك بردو
واطر وسبل وآليات البتنجان المتوازي مع طرح بدائل قويه لمد جسور الجرجير الاخضر

ههههههههههههههه

والله عالم فاضيه اللي لسه بيقعدوا مع بعض دول

منور الدنيا ياعمنا

في امان الله

ستيتة يقول...

عمنا صلاح بيه
والله وحشتنا الصفحة دي وبقى لك زمان
ربنا يمتعك بالصحة ويخليك لينا
علشان تثقفني
اصلي انا كمان عاوزة اسئلك سؤالين تلاتة كده

تفتكر عمرو موسى محتاج مليون جنيه؟
تفتكر البرادعي فتح نفس اي حد كان خايف في حساباته
تفتكر احنا هبل ومش فاهمين حاجة وابونا قاعد لحد ما يعد المية :))

بما انك مش عارف
وانا مش عارفة
يبقى ها اهيص معاك واصقف واحتمال ازغرد لولولولولولولولي

أحمد عاطف يقول...

اللي يضحكك اكتر ان الشعب المصري يعيش حالة بهجه لوصول القائد الزعيم المفدى

حلم بيعافر يقول...

ههههههههههههههههههه
والله بيسلوا جامد

sony2000 يقول...

هههههههههههههههه
بجد بوست جامد يافشكول
وخلي بالك من مسأله النيه دي
فاهمني انت:)
ربنا يسترها علينا

غير معرف يقول...

استاذنا الفاضل صلاح
انا جاية اسلم عليك والحمد لله انك بخير
وايوه كده ارجع واكتب لنا من تانى
وبالنسبة لعمرو موسى ادينا بنتفرج لما نشوف اخرتها حيكمل ولا حيسيب
اشك انه يسيب بكره نشوف
تحياتى

رحلتنا في الحياة يقول...

هههههههه
ناوى على كل خير باذن الله :)

اى انسان عربى ربنا يكرمه بمنصب مش بسيبه الا لو لقى احسن منه او لما ربنا بياخده

رحلتنا في الحياة يقول...

ودى مش جامعة عربية دى محصلتش معهد حتى

أمل حمدي يقول...

ههههههههههههههههههههه


تررم تررم يا فشكول باشا


ربنا يصبحك بالخير

masry يقول...

السلام عليكم
ازيك يا فشكول
انا لم اقرا الموضوع اللى حضرتك كتبته
انا حبيت ادخل اسلم عليك و على الناس الجميله اللى هنا

rovy يقول...

السلام عليكم
أزيك يا أستاذنا ..
قصرت كثير الفتره السابقه فأرجو المعذره ..
كانت وحشانى فشكلات حضراتكم يا فندم .. :)
القمة كلمه كبيره فقدت معناها مع كلمة العربيه .. أتمنى أن يأتى اليوم الذى يشعر الشعب فيه بمعنى الكلمه و ينتمى لها و هذا لن يأتى أبدا الا اذا أحس بقيمتها الساده (القاده ) و عملوا بها ..
تحياتى الدائمه ..

حـــــروف متــبعترة " عــمرو الشــايب يقول...

السلام عليكم اولا
القادة العرب بجد من غير الريس بتاعنا ممبارك تس انهم زي العيال الصغيرة ف السفرة من غير ما يجي الاب او الجد الاكبر صحب الوليمة

فارس عبدالفتاح يقول...

الاخ والاستاذ الفاضل / فشكول


لم استطع ان ارسل لك الكتاب عن طريق الاميل لان حجمة كبير وهذا هو الرابط فيرجى تحميله من عليه والطريقة سهله جداً اضغط على كلمة تنزيل الان ثم انتظر ان ينتهي العد التنازلي حتى يفتح الرابط قم بالضغط عليه سوف تظهر لكن صفحة الحفظ الخاصة بك على الكمبيوتر حدد المكان الذي تريد التنزيل فيه على الكمبيوتر ثم اضغظ على كلمة سيف بالانجليزي

بعدها يكون التحميل جاري

وهذا هو الرابط

http://www.4shared.com/file/33384226/fca22ea/___.html?s=1

حلمى البعيد يقول...

عمو فشكول إزيك

أدينى بسقف وبهيص أهه..هيه هيه

لا بجد يافرحتى بالقياده العربيه إذا كان في قياده أساسا

بس في عربيات كتير الحمد لله رضي أوى علي كده

طول ما الحكام دول كده عمرنا ما هنتقدم أبدا

أنا همشي بقي قبل ما أتمسك

سلام

sal يقول...

في قـِــمَّة ٍ للعـُـهْر يأتي القــوم ُ ثانـية ً
كـَنافِـخ ِ الكِـيْر ِ غير َ الحـَـرْق ِ ما غـَنِمـا
فـَـتافِه ٌ ســـوف يُـزْجـِـينا نصـائــِحـَه
وجـاهِل ٌ – بامـتياز ٍ – ينــشر ُ الحِـكـَــما
وتاجــر ٌ ســـيُغـطـّي قــُــبح َ سـَــوأتِـه ِ
بخـُـطبة ٍ تــُــشـعل ُ النـيران َ والحـِــمَمَـا
أمـَّـا العميــل ُ فحـَدِّث ْ عــنه ُ لا حـَــرَج ٌ
فـسوف َ يـُصبح ُ نِـسرا ً يـَـذرَع ُ القـِـمـَمَا
لـــو الرجــولة ُ للأقـــوال ِ مـَرْجــِـعُـها
كان الأتـان ُ لأ ُسـْــد ِ الغاب ِ قــد حـَكـَما
سـَـتـَضـْرُطون َ بـــيانا ً فــــيه ذِلـَّـتــُـكـُم
ينـْعـى المروءة َ والأخــلاق َ والــشَّـمَـمَا
هــذا البيان ُ بـِبوْلـي ســـوف أنـقــَعـُـه ُ
لأنـــــه لا يســـاوي الحـِبـْر َ والـقـَـــلما

ماجد العياطي يقول...

معاك حق يافشكول

اصل اللي حصل ده مهزله بمعنى الكلمه

ايه ده

الناس دي عاملين زي اللي بيقلدوا الغرب

ويوهموا الناس انهم قاده

بس هقول ايه

حسبي الله ونعم الوكيل

ربنا يبارك فيك يافشكول

وياريت نفضل على تواصل

sal يقول...

انقرضوا

احمد مطر
************************


غاصَ فينا السيفُ

حتّى غصَّ فينـا المِقبَضُ

غصّ فينا المِقبَضُ

غصَّ فينا .

يُولَـدُ النّاسُ

فيبكونَ لدى الميـلادِ حينا

ثُمّ يَحْبـونَ على الأطـرافِ حينا

ثُمَّ يَمشـونَ

وَيمشـونَ ..

إلى أنْ يَنقَضـوا .

غيرَ أنّـا مُنـذُ أن نُولَـدَ

نأتـي نَركُضُ

وإلى المَدْفَـنِ نبقى نَركُضُ

وخُطـى الشُّرطَـةِ

مِـنْ خَلْفِ خُطانا تَركُضُ !

يُعْـدَمُ المُنتَفِضُ

يُعـدمُ المُعتَرِضُ

يُعـدمُ المُمتَعِضُ

يُعـدَمُ الكاتِبُ والقارئُ

والنّاطِـقُ والسّامِـعُ

والواعظُ والمُتَّعِظُ !

**

حسَناً يا أيُّها الحُكّامُ

لا تَمتعِضـوا .

حَسَناً .. أنتُـم ضحايانا

وَنحـنُ المُجْـرِمُ المُفتَرَضُ !

حسَناً ..

ها قـدْ جَلَستُمْ فوقَنا

عِشريـنَ عامـاً

وَبَلعتُم نِفطَنا حتّى انفَتقتُمْ

وَشَرِبتُـمْ دَمَنـا حتى سكِرتُمْ

وأَخذتُم ثأرَكُـمْ حتى شَبِعتُمْ

أَفَما آنَ لكُمْ أنْ تنهَضـوا ؟!

قد دَعَوْنـا ربَّنـا أنْ تَمرُضـوا

فَتشا فيتُمْ

ومِـنْ رؤيا كُـم اعتـلَّ وماتَ المَرضُ !

ودعَونـا أن تموتوا

فإذا بالموتِ من رؤيتِكم مَيْـتٌ

وحتّى قابِضُ الأرواحِ

مِنْ أرواحِكُـمْ مُنقَبِضُ !

وهَرَبْنا نحـوَ بيتِ اللهِ منكُمْ

فإذا في البيتِ .. بيتٌ أبيضُ !

وإذا آخِـرُ دعوانـا ..سِلاحٌ أبيضُ !

**

هَـدّنا اليأسُ،

وفاتَ الغَرَضُ

لمْ يَعُـدْ مِن أمَـلٍ يُرجى سِواكُـمْ !

أيُّهـا الحُكـامُ باللهِ عليكُـمْ

أقرِضـوا اللهَ لوجـهِ اللهِ

قرضـاً حسَناً

.. وانقَرِضـوا !

السينيور يقول...

انا مش عارف القعدة العربية مزعلاكوا في ايه
ما تخلونا نضحك شويةعلى اللي بيحصل
اصلهم مش بيتجمعوا الا في الافراح
تفتكروا في فرص نضحك عليهم ونتسلى اكتر من كده
تحيتى لك وكل الود يا استاذ فشكول

dr.lecter يقول...

ياعم فشكوول انا عندي ضغط ومراره ومبحبش اعرف حاجه عن القفه العربيه اقصد القمه

غير معرف يقول...

بخ بخ انا جيييييييت

استنى اسقف شوية مع اني لسه مقراتش :]

وحشتني والله وعارفة اني مقصرة معك بس نعمل ايه مشاغل كتيرة اصلي بقيت مهمة بالبلد وورايا مليون حاجة :] كح كح

انت كيفك يارب تكون بالف خير وتفضل منور التدوين :)

بالنسبة للمنتدى عيني بعينك كدا لو بقى مفتوح هتسجل فيه :]

والله ياعموا انا لا لاقية بنات ولا رجالة يشاركوا يعني مش فارقة معي اوي

وغالي والطلب رخيص فتحته عالبحري التسجيل للكل معندناش خيار وفقوس هههههههههههههههه

متحرمش منك يارب

دمت بالف خير

الغاردينيا يقول...

هههههههههههههه

شر البلية ما يضحك !

تحية عطرة استاذي ,

♥نبع الغرام♥♪≈ يقول...

احنا محتاجين معجزه يا راجل يا طيب

ونأمل فى التغير والاصلاح
وحشتنى

♥نبع الغرام♥♪≈ يقول...

احنا كل يوم بنهيص

وحاجات كتير بس يا ترى على حق
ربنا يستر واللى جاى يكون احسن
دعواتك


المهم ليك واحشه كبيره

ابقا طمنى عليك

فارس عبدالفتاح يقول...

إلى شعب مصر الكريم ...
دعوة إلى الحرية ...
دعوة للانضمام إلى الجمعية الوطنية للتغيير مع الدكتور محمد البرادعي ...
يا شعب مصر الكريم ...

يا شباب مصر ...
أدعوكم إلى التوقيع على بيان الجمعية الوطنية للتغيير من خلال هذا الرابط : https://www.taghyeer.net/

وأدعوكم إلى دعوة أصدقائكم وأهلكم على هذا البيان عبر الإنترنت (من خلال نفس الرابط السابق)

أو عبر التوقيع الورقي بعد قراءة هذه الإرشادات :

https://www.taghyeer.net/Ershadat.aspx

إن هذا البيان يضمن لشعب مصر أن يختار حاكمه ، وأن يراقبه ، وأن يحاسبه ، وأن يعاقبه ...
عاشت مصر حرة للمصريين وبالمصريين ...


عبدالرحمن يوسف

المنسق العام لحملة البرادعي رئيسا (2011)

فارس عبدالفتاح يقول...

على فكرة انا هوقع بس جاني الاميل وانا في الشغل ومش حافظ رقم البسبور ان شاء الله بكره اجيب رقم البسبور وكل البينات وهوقع


رسمي .. فهمي .. نظمي

يمكن يكون فيه فايده .. لعلا وعسى

فراشة يقول...

ده احنا حنسقف تسقيف يا استاذ فشكووووول

saragebaly يقول...

حنسقف على ايه ولا ايه بس؟؟

ايدينا ورمت من كتر التسقيف


ترررم ترررم

ahmed_k يقول...

رغمان القمم العربيه لم تقدم الكثير لقضايانا العربيه وآثارها غير ناجحه بالمره
إلا أن إلتقائهم أفضل من عدم اللقاء

تقبل تحياتي

ghorBty يقول...

نهيص ما نهيص ليه

ولا حول ولا قوة الا بالله

كيف حالك استاذي ان شاء الله تكون بخير

RENATA CORDEIRO يقول...

Hi, my friend!
There is a feast at our Eu e daí? May I invite you?

*With freedom, books, flowers, and the moon, who could not be happy?*
Oscar Wilde.

Kisses*
See you****

ن يقول...

السلام عليكم
أستاذى الغالى
عندك حق انا اصبحت كسولة جدا عن الكتابة ولكنى لا اكف البحث والتنقيب
اما البوست الهام بتاعك ده فيه سؤال مهم غياب كثير من قادة العرب هقولك على من كلمات نزار قبانى هما غيبين ليه .

كيفَ إسرائيلُ لا تذبحنا؟
كيفَ لا تلغي هشاماً، وزياداً، والرشيدا؟
وبنو تغلبَ مشغولون في نسوانهم...
وبنو مازنَ مشغولونَ في غلمانهم..
وبنو هاشمَ يرمونَ السّراويلَ على أقدامها..
ويبيحونَ شِفاهاً ونهودا؟؟!
ما الذي تخشاهُ إسرائيلُ من بعضِ العربْ...
بعدما صاروا يهودا؟
................
اما عن القذافى .. متخدش فى بالك كل الفلاسفة الناس بتقول عليهم مجانين النظارة والقلنسوة كيس الدنانير قصدى والطاقية .كله شغل فلاسفة
أما السيد عمرو موسى بيفكرنى بمثل حى هو شعوب ايديها فى النار بل فى جهنم ووجهاء ايادهم فى المية الباردة.
اما عن التصفيق .. فإحنا والحمد لله طول السنة مهيصين بنسقف على خيبتنا من كتر ما اتعقدت معانا من كل ناحية
اعمل نفسك مش شايف
مع خالص تحياتى

Majoli يقول...

Asma Salah, vim deixar beijos e o desejo de uma Feliz Páscoa. Obrigada por teu carinho lá no Rabiscos e me perdoe por demorar a vir aqui.

عصـــــــــــام الــــديــن يقول...

عمنا فشكول الجميل
القمه العربيه ...... هل تستحق ان نسميها قمه بل هى القاع
احسن حل انا مقتنع بيه
الغاء الجامعه وجعل كل دوله مستقله عن الاخرى وممكن نقفل الحدود ونمنع التنقل وياسلام لو نقدر ننقل كام دوله بعيد عننا يعنى نبعت دوله امريكا واخرى جنب الصين الصين البلد مش المحطه
يعنى شيل دى عن دى يرتاح دى من دى

سؤال برئ
ماهو الشئ الوحيد الرابط بين الدول العربيه؟
ماهى نقاط الاتفاق ؟
تحياتى ياريس

رهـــــف يقول...

ايدي وجعتني من كتر التصقيف والتفيكر
............

ولكن هذا هو الطبيعي في هذه المؤتمرات تبوء بالفشل دائما

تقبل مروري

محمد الجرايحى يقول...

عمنا وحبيبنا فشكووول باشا
أقدم اعتذارى لغيابى ولكن انشغالى بتأسيس المنتدى هو السبب وأشكرلك زيارتك الكريمة وأتمنى أن تتكرر

تقبل تقديرى واحترامى
أخوك
محمد

زهرة(جنى)الاسلام يقول...

السلام عليكم
هذة اول زيارة لى على هذة المدونة الرائعة
اما عن القمة العربية
المفروض يتغير اسمها وتبقى القمة اليهودية
ولسة فاكرين يعملوها الله معاهم

م/ الحسيني لزومي يقول...
أزال المؤلف هذا التعليق.
م/ الحسيني لزومي يقول...

متي يعلنون وفاة العرب
http://www.youtube.com/watch?v=_sTU2VIfXWI

SAM يقول...

A holy and happy Easter, full of renewed faith and brotherhood!

حسن ارابيسك يقول...

الراجل الطيب
عمنا فشكول
اذيا ياراجل ياطيب وعامل ايه
وحشنا واللهي
وصدفني البوست ده دمه خفيف صحيح
عشان كده يقع تحت تصنيف الكوميديا السوداء
أتكلم في نقطة واحدة فقط واراها ضرورية وهامة وجديدة وما سبقها لم نرى فيه الجديد للرؤساء
والنقطة بالطبع التي انت اشرت إليها هي نقطة عمر موسى
والمائة خط التي وضعتها تحت كلمة كافية

بالطبع هناك غرض في نفس يعقوب
ولعله ويارب يكون اللي في دماغي
مش عارف انت تخمينك من تخميني برضة
دمت بخير ياعمنا فشكول
تحياتي
حسن ارابيسك

قيس بن الملووووح يقول...

نحن في حاجه الي رايكم في رسائل القراء بعد ان دخلت المنطقه الملغومه

أمل فتحى عزت يقول...

يا ملونين البيض في شم النسيـــــم

لون الحنين و الشوق و خمر النديم

ما تعرفوش سايق عليكو النبــــــي

تلونوا الأيام بلون النعيــــــــــــــم ؟

عجبي!!
صلاح جاهين
............
استاذى الغالى
كل شم نسيم وانت طيب ياترى اكلت ايه فى شم النسيم
مع خالص تحياتى

صدى الصمت - عاشقة الورد - يقول...

أزيك يا استاذنا
وحشتنا كتاباتك الرائعة
والله الواحد مش عارف يضحك وله يبكى
هم يبكى وهم يضحك
الحال مايعجبش أى حد
والعرب لسة بيعقدوا قمة لنشجب ونندد فقط لاغير
تحياتى

Haytham Alsayes يقول...

ازيك ياعمو فشكووول ارجوك ان تنشر الرابط دة

بتاع الجمعية الوطنية للتغيير

https://www.taghyeer.net/

صوت للتغيير

أبو مصعب يقول...

انا شايف ان سعر اللحمه كتير كده

هو ايه القمة العربية دى ؟
دول معاهم يجى خمسة الاف سنة على ما يتفقوا بالشكل ده

اقصوصه يقول...

بابا فشكول

محنا طول عمرنا بنسقف

ونستمر ي التصقيف!

ييشاطه لاننا

لا نتقن غيره :)

RENATA CORDEIRO يقول...

Yes!!!! Wonderful re.begine!!!
When they begin the begineeeeeee!!!
! Thanks my friend********************
Kisses

Gypsy Butterfly يقول...

Hello,
Thank you so much for visiting my blog!
wishing you a very beautiful day!
Lydia

Gypsy Butterfly يقول...

Hello Again Fashkul!
I figured out how to use the translation button for google just now! I can read your blog. I love it!
I will put your link on my favorite blogs list too!
I hope you and your family had a wonderful Easter.
Wishing you a beautiful day!
Lydia

محمد عبدالرحمن شحاته يقول...

كالعادة

..................

عودة فشكول مرة أخرى
انت كنت فين ياراجل

أنا - الريس يقول...

هيييييييييييييييييييييييييييييه ترم ترم تكرم يا سيد فشكول

Osama Ali Abdelhalim يقول...

مرحبا فشكول
كيف حالك
مرور للتحية
والسلام

فاروق سحير ( فاروق بن النيل ) يقول...

فشكوووول دوت كوم
يعنى ياأستاذ فشكوووول لازم تحبكها وتخليها أربع واوات وتبقى (فشكوول)
تعبتنا ياآخى مش كفاية القادة العرب
تاعبينا..
سقفوا ياولاد تررم تررم
هيصوا ياولاد تررم تررم
زغرطوا ياولاد تررم تررم
عيطوا ياولاد تررم تررم
حالنا بقى يبكى وقريبا جدا حاكتبلك قصيدة عنهم بس شوف اللى أنا كاتبه النهارده وأحكم وشكرا لك
farouksam.blogspot.com(عصفورالجنة)

Sam Sh يقول...

هو لابس نضارة شمس ليه ؟؟
عاوز يعرفنا يعني إنه بيشتري نضارات من أم 15 جنيه مش من أم 3ونص زينا يعني ؟؟
:)

Dr Ibrahim يقول...

وياترى إيه اللى فى دماغك يا عمنا؟

david santos يقول...

Really great posting and very nice space. have a nice day.

well يقول...

فشكول يا صديقى القديم ...

انا هجيب قنبلة وهرميها على الـ 13 قائدعربى -اطال الله عمرهم-

بس سامحنى بقه يا فشكول علشان هبلغ عنك

تحياتى

وحي القلم يقول...

السلام عليكم
مش بس الإخفاقات في الجامعة العربية
الاخفاقات في العقول العربية

david santos يقول...

Thanks for your friendship, salah. I love your space, is very good. Have the nice day.

سجود يقول...

السلام عليكم
سقفففففففففففففففففففففه كبيرررررررررررررررررررررررررره
للحكام العساسيل الجمال الطعمين الحلوين الامورين النايمين التايهين الساكتين عن الظلم والخاينين اللي كل حاجه وحشه فيهم
وسلامو عليكم بقي قبل ما يتقبض عليا عشان الديمقراطيه اتغيرت وبقت بتنص ع كده

فاروق سحير ( فاروق بن النيل ) يقول...

فشكووووووووووووووووووووووووووووووول
زورتنى برضه عالسريع هوه الشاى ماعجبكش ختها من قصيرها وقلت الغدا والعشا حيكونوا أى كلام يآخى عايز والله رأيك فيما أكتبه بصراحة وعايزك تعلق بجد على عدة موضوعات وشكرا

مجرد بنت يقول...

ازيك ياعمو
اخبارك ايه
انت فين

العلم نور يقول...

أحلى تسقيفة تقع عليهم بإذن الله .. تقبل مروري

فارس عبدالفتاح يقول...

سلام عليكم .. حضرتك مش باين ليه

وصف الاحساس يقول...

الصراحة الصراحة مافهمتش حاجة

اصلي من زمااااااااااااان من ييجي

ست خمس سنين كده وانا سبت وبعدت عن السياسه

عشان ايه بقي ركز كدة معايا

عرفت انها كلها مسلسل متفق عليه

عادي كله تمام وكله زي الفل

اوم ايه بقي

كل ما اسمع عن حد اقول

ياااااااااااه هو لسه عايش

فاما جبت سيرة سي عمر و موسي

( مش عارف يختار اسم منهم يا عمر يا موسي يادي الحيرة )

قلت في عقل بالي هو لسه عايش

والنبي فيه الخير

لسه بيعمل قمم ودحادير دول موضتهم

بطلت من زمان

فطبعا بما اني ما فهمتش حاجة قلت لازم

اطلع بحاجة من عندك يعني هطلع وايدي فاضية

قلت امسي ونتعرف

من زمان اسمع فشكول فشكول قلت لا لازم

اعرف ايه الحكايه

علي طول جبت خليل ابني علي كتفي

وجيت اعرف مين فشكول ده

يلا ادينا بتعلم

ونتعرف

تشرفنا يا سي فشكول افندي

سعيده
واقعدو بالعافيه

انترنتاوي يقول...

اول مرة ازور مدونتك يا فشكول بيه
بالتوفيق

فاروق سحير ( فاروق بن النيل ) يقول...

فشكووووووووووووووووووووووووووووووول
ياعمياخويا يافشكول* مافيش جديد تقول
ولا عندك شوية فول*ويكونوالواحدمسطول
نفسه ينسىحكومةالخمول*ومعهابلاوى المحمول
موش معايا يافشكول *ولا أمشى على طول

كلمات من نور يقول...

فشكوول

القصة يا سيدي المبجل حتلاقيها هنا :

http://qssassy.blogspot.com/2010/04/blog-post.html

أما بالنسبة للصحة فربي يمد في عمرك يارب بألف صحة وخير وسعادة وراحة بال ...قول آمين

شريهان يقول...

اجمل حاجة اننا فى اشد لحظات المنا بردو بنضحك ونصقف ونرقص
جميل حضرتك يا استاذ فشكول بتمزج الحقيقة المرة بسكر بودرة الخيبة