يا دهوتىىىىىىى .. مبروك
الطوارئ - ظرف طارئ - ظرف قاهر
مش ظرف دائم ولا ظرف ساهر
مش ظرف دائم ولا ظرف ساهر
قلنا الف مره - مش عايزين طوارئ
قالوا ................
انتم ما تستاهلوش غير الطوارئ
مصر يا امه يا بهيهالطوارئ من اسمها - حاله
مش حاله جالسه
ولا قاعده ومشرفه الى ابد الآبدين
بلد الحضاره وبلد الحمير والجمالانا راجل مهبلاتى مطجناتى
اهبل والف ... زى الالف ...
وكل يوم حالة طوارئ وحته من بلدى
حته من كبدى بتضيع
حته من كبدى بتضيع
حته من بلدى بتموت
حته من بلدى بيتهد حيلها
حته من بلدى بيتهد حيلها
وحيل اللى خلفوها .
اصحى يا نايم ... يا نايم اصح اااااااااى
اصحى يا نايم ... يا نايم اصح اااااااااى
وحد الرزاااااق
ايييييصحـــــــ ا يا نااااايم
وحد الرزاااااااق
هناك ٦٩ تعليقًا:
مدام الشعب سلبي
مصر هتتسلب
من شوية شراذم
وخيرها هيتحلب
تحياتي لك
يا استاذنا
تحياتي لك
ومصر راجعة تاني
ومسيرها تفوق
مهما طال الليل
اكيد الشمس طالعة
معلش بما انك قلت مصر يامه يا بهيه لاحمد فؤاد نجم
شيد قصورك وقتها دلوقت :
شيد قصورك ع المزارع
من كدنا وعمل إيدينا
الخمارات جنب المصانع
والسجن مطرح الجنينة
واطلق كلابك
في الشوارع
واقفل زنازينك
علينا
وقلّ نومنا في المضاجع
أدي احنا
نمنا ما اشتهينا
واتقل علينا بالمواجع
احنا اتوجعنا
واكتفينا
وعرفنا
مين سبب جراحنا
وعرفنا روحنا
والتقينا
عمال وفلاحين
وطلبة
دقت ساعتنا
وابتدينا
نسلك طريق
مالهش راجع
والنصر قريب من عنينا
النصر أقرب
من إدينا
السلام عليكم
امال انتوا كنتوا فاكرين ايه انه يلغي الطزارىء هع
سيادة الديكتاطور عارف ان لو لغي الطوارىء مش عيستني يوم واحد علي كرسي العرش بس اللي فارسني الكدب ميقولها صراحة مش عالغي عالم كدابة انت عارف رياعمو فشكوووووول ان من ضمن ربنا مش عينظرلهم يوم القيامة بعين الرحمة امام اي حاكم كاذب وطبعا مفيش اكتر من الكداب اللي بيحكمنا ان شاء الله علي جهنم حدف بقالوا 30 سنة بيحكمنا ويوكلنا البلوظة المفروض بأة الشعب دة يفوق من المهلبية اللي بيكلها كل يوم دى
ربنا يورينا يوم اسود فيه
تحياتي ياعمو
السلام عليكم
عمنا يا تعبان يا .. مهموم بسبب قلة النوم.. ها هى شهرزاد سكتت عن الكلام المباح ..لأنها عارفة النهاية.. ان سيف شهريار على رقبتها لا محالة.. مهما قالت من حكاوى حتى لو عملت فيها حاوى .. ومهما قالت من غناوى ..فشهريار هو شهريار .. والى اين الفرار فى بلاد الغلابة اللى امامهم البحر ومن خلفهم النار .
وعجبى
قانون الطوارىء بقى مقنن الحمدلله فقط على تجار المخدرات والارهاب ويا خوفى ان البلد بعد كدة كلها تبقى متهمة بتاجرة الحشيش و المخططات الارهابية
ياترى المصريين رايحين على فييييين ؟
مع خالص تحياتى
كلام جامد يا استاذ
لكن هناك حاله عند صناع القرار تقدر تقول عليها بلاده أو تطنيش
وعن طريق التطنيش ربوا عصافير كثيره بحجر واحد
عملوا اللي هما عاوزينه
وبردو سابوا الناس تعارض عشان يبقوا ديمقراطيين
ده النظام بيثبت فشله بنفسه لان ده معناه انه نظام ضعيف و هش لا يستطيع ان يحكم سوى فى حالى استثنائية لان لو طبقت القوانين الطبيعية سيلفظه الشعب خاصة و موعد الانتخابات اللى كده و كده قرب
و بعدين ما تنساش ان الغاء الطوارىء كانت من ضمن وعودة الانتخابية و هو من يومه متعود ما ينفذ كلمة قالها ابدا
سلام عليكم
ازيك ياطيب ان شاء الله تكون بخير
طبعا مصر أم الدنيا وما دام فيها رجالة زيك خير وبركة حتقوم من تاني عايزين صبر وعزيمة وربنا كريم
دمت بخير
امبارح فى برنامج مصر النهاردة
جت حلقة مع مفيد شهاب
تصور التقديم ايه
انفجارات الحسين وطابا وشوية عمليات ارهابية
على اساس انها تبرير لمد قانون الطوارىء
اما هى الحكاية كدة يبقى احنا الاولى باننا نعمل قانون الطوارىء
غرق العبارة وعدم محاكمة المسئول
حريق قطار الصعيد
حوادث القطارات الدائمة
قوانين الضرايب اللى سلخت اجسادنا
دمار البنية التحتية
تفشى الامراض القاتلة
الاسمدة الفاسدة
تصدير الغاز لاسرائيل
التطبيع عموما مع العدو
لايخفى عليك اننا فعلا نعيش الان فى دولة الارهاب بعينه
دمت ودام قلمك مصرى مفروس
هى حاجه تقرف وبس
واستهبال فى استهبال لينا وخلاص
تحياتي يا فندم وانا سبتلك اوف لاين بالوصله الجديده للمدونه
لو لم اكن مصريا لوددت ان لا اكون مصريا
....مع الاعتذار للزعيم المخدوع مصطفي كامل
يا سيدي كله نايم ومكبر نافوخه ومصدر الطرشه ...ارحم قلبك وكبدك وطحالك ...طول ما هما نايميين حيكونوا بح صفر عالشمال لا يساوي ........تحياتي
يا باشا كبر الجي وروق الدي
طواريء ايه بلا نيله
هو بس الطوارئ
دي مصر كلها رايحة في ستين مع السلامة
ولا حد عايز يشوف ولا حد عايز يسمع
كله بيعترض في سره
خلينا نعترف احسن
كله رايح مفيش فايده من النصايح
امال اخبار ام محمود والجيل ايه
عملت ال قلتلك عليه
فشكووووووووووووووووووووووووووووووول
كان ياما كان ...ياسعد ياإكرام ...
مايحلى الكلام ... إلا بذكر النبى عليه الصلاة والسلام.. قول معاياسكت ليه ..
عليه الصلاة والسلام ...
كانوا وإحنا طلبة صغيرين بالإبتدائية
لما كنا نجرى على التختة ( السبورة)
كانوا يقولولنا :
حجة البليد مسح التختة ....
من يوميها وأنا بكره أمسح التختة..
وبرغم إنى كنت بجهز بشاورات من خشب وجوخ أو قطيفة ماكنتش أديها للألفة ولا للمدرس الرائد بل كنت أتسحب وآجى بدرى عن الطلبة واحطها على حامل السبورة البارز عشان ماحدش يتهمنى إنى بليد .
دلوقتى لو دية حكومة عندها ثقة بنفسها وموش خايفة وموش بليدة ليه حاطة قانون الطوارئ مافيش بالعالم دولة من اليمن وموزنبيق والكونغو وكينيا حتى أمريكا عندهم حاجة إسمها طوارئ على طول حتى الإسم فقد معناه ومابقاش طوارئ لأن معنى طوارئ يعنى حالة مفاجأة تتخذ إجراءات إستثنائية لأجلها ولما تنتهى الحالة المفاجأة والضرورية والملحة والمستعصية والحرجة يبقى ترجع الأمور لطبيعتها ومعنى إننا حتى الأن بحالة الطوارئ يعنى مصر ظروفها كلهاغير طبيعية منذحوالى عشر سنوات
تماما زى حالة الولادة للأم إذن نحن فى حالة وضع جنين غير طبيعى منذ عشر سنوات ولذا هذه حكومة موش طبيعية
حكومة طوارئ مستمرة.
السلام عليكم
بوست رائع للغاية لاكن ان شاء الله حالة الطوارئ دى هتتشال بعون الله كفاية كدة طوارئ
اصحى يا نايم ولا عمر النايم هيصحى
لا إله إلا الله سيدنا محمد رسول الله
خلاص أنا زهقت من البلد دى مش عارفه النايم بيصحى من شوية ميه بيقعوا عليه
احنا وقع علينا نار وهما لسه نايمين
بنتحرق ونتجرح ونموت وهما ساكتين
وقريب هنرفع شعارنا
صامتون بيدبحوا فينا واحنا راضين
بس حلوه الصوره الاولانيه
هههههههههههههههههه
يااستاذنـا الكبير ..
مالك بس زعلان ليه ؟؟
دة حتة قانون حطوه وبيوعدوا بالتنفيذ
مع سبق اصرار وترصد نية مخالفة كلامهم
يعني هي جت على قانون الطوارئ؟
البلد كلها بايظة يا استاذنا
وكل شوية يطلعوا قانون وقضية شكل
والشعب الغلبان بيفضل يهادي وينادي
لحد مانفسه يتقطع
اصلهم واخدين اسلوب سد ودانك ولا كأن حد بيتكلم
لكــِِ الله يـــ مصر ـــا
تحياتي استاذي فشكووول
سارة
من شب على شئ شاب عليه ..عشان كدة صابغ شعره على طول.. كل طوراق وانت حالق
مش عارفه صحيح البلد دى هتصحا امته وهتفوق
مش لاقيه كلام بعد كلامك
لان بصراحه احنا بقينا لعبه سهله الحركه بالريموت
ربنا يسترها علينا
وبجد هو احنا لسه شفنا حاجه
مودتى ليك يا راجل يا طيب
والله ربنا يستر
الواحد تعب من الطوارئ ومن البلد دي خلاص
في ا نتظار زيارتك عشان تنور مدونتي
لم نراك منذ زمن
في انتظارك
صلي علي النبي
يا عمنا لو رايح الكتاب خدني في ايدك
اهو يمكن نتأسس صح ونعلي البناء بعد ما ها يجيبوا اجله
والنبي ماحد يفكرني باللي حصل
بقالي 27 سنه عايش في طواريء
لا النايم عمره ما هيصحى ابداااااااااا
عمرنا ما هنصحى ابدا
اصلهم هم عايزينا كده نايمين على ودانا
علطووووووووووووووووووووووووووووووول
اعكس بقى المثل
نام يا صاحي و وحد الدايم
تحياتي و تقديري
بحب اسلوبك المرح
بجد بحبه وخصوصا انو مدموج بوجع
فمش عارفه افرح ولا ازعل
تحية استاذي الغالي
للاسف مش هنصحى الشعب مات والبلد راحت بلاش :((
طوارئ .. فعل ماضي محدوف للحاضر وهو أمر للمستقبل الذي أصبح في خبر كان منصوب آخر نصبه .. وهو جاء بصفة منعوت نعت ونعي متلازمان في القواعد التي تحكمها الأنظمة الفاسدة المتفسخة.
معرفتش أتفلسف أكتر من كدا .. لكن أكيد راح تعجبك ولو ما عجبتك راح أعملك طوارئ طرنشات.
استاذ فشكوووول
عمرى ما سمعت ولا قريت
انو فيه حد ماسك ومكلبش فى كرسى العرش
بدون وجه حق
تنازل او ترك او غير او اصلح
هذه الافعال منسوخة ببدائل اخرى فى قاموس الطغاة بكلمات مثل استتباب الامن واستقرار الاوضاع وكبح الجموح والتطرف
مما يستدعى ان تترافق مسيرتهم بقوانين مكبلة
طوارئ احيانا ومكافحة الارهاب احيانا اخرى ...المهم الراعى يستمر
والقطيع محاصر ومن تسول له نفسه الخروج عن المسار ...القانون موجود
الطوارق دول فى صحراء افريقيا وعايشين بكل حرية عشان ماحدش بينازعهم فى الحر...اياهم عايزين تكييف وما ينفعش يكونوا هناك
وعشان كده
طوارئ ..
.عندنا...
وطوارق عندهم
وبعدين يا عم فشكووووول
الطارئ معناه في اللغة فُجائِيٌّ
و استتنائي وهذا مايدفعني لطرح سؤال غبي ما الفجائي والاسثثنائي في مصر منذ 29 سنة وهل طول المدة لاينزع عن هذا الشي بفرض وجوده صفة الفجائية والاسثثنائية
دمت يكل ود
بلدهم وهما حرين فيها
ومين قال ان الطوارئ حاله
انتم بتجيبه الكلام ده منين
الكلام ده بيضر بالأمن العام للوطن
وبموجب قانون الطوارق الجديد
سوف يتم أعتقالك بتهمة الأرهاب
أيه.......عندك حضرتك مانع
أأأأأأأأأاه بفتكر
أتفضل معانا.............
مساء الخير صديقى صالح
مصر ظلت محكومة بقانون الطوارىء لفترة طويلة
القوانين الاستثانئية تطرح اخلاقياتها
كثير من الظواهر السالبة تنمو فى ظل هذه الظروف
على فكرة انا يحق لى الحصول على الجنسية لان ست الحبايب من ام الدنيا
تحيا مصر
تحياتى
كل طوارىء وانت طيب يا فشكوووووول
حلو المسحرتي ده يا عم فشكول :))
بس مش هاتلاقي حد فاكره دلوقتي في عصر ابوالليف :)
ما نحن بصدده هو تغيير اسم قانون الطوارىء ليصبح اسمه قانون الارهاب ليس إلا
بلد شعارات يا عم فشكول
فكرتني بالمسحراتي ايام السبعينات ... فين الايام دي ..لما كان جوز الحمام 3 فرد
بجد انت حدوتة ...أول زيارة لك أعجبني قلمك الساخر وردني سحر قلمك لزمن جاهين...تحياتي لك ...واصحى يانايم ومسحراتي بالطبل داير...يقول يا بلدي امتى تنزاح الغمة ونعيش من غير طواريء ونشوف البهية لسة في عزها صبية...تقبل مروري
فشكوووول باشا
الاخوة الاعزاء
فاين ايام الكلام الحلو بتاع القلعاوي
يابلدي..ياخلتي ...ياعمتي ...
اصل البد كلها حريم ما فيش رجالة
وبعدين لو انتم رجالة اعملوا زي فلم طباخ الريس وسيبوا البلد
عشان الريس مايلقيش حد ويسئل انتم وديتوا الناس فين
مهندس
علي يونس
صباح الخير ياعمنا فشكوووول
ياعم خلى النايم نايم هتصحيه ليه ؟ هو ماصدق انه نام
هيصحى يشوف ايه فى البلد
الحال عال العال وميه ميه
طوارئ ولا طوارق
اهى ماشيه وخلاص
تصبح على خير
ااااااااااااااااااااه
ياسلام على النوم
نفسى اقوم من النوم علشان انام تانى
تحياتى
السلام عليكم
ازيك يا عم فشكول .. فينك يا عم ما حدش بيشوفك ..
حلوة الطوارق ..
تعرف يا عم فشكول ان الطوارق عرب في الصحراء الكبرى بالمغرب العربي الرجال عندهم يغطون وجوههم من دون النساء ..
والحزب الفاسد الواطي عندنا يغطئ سوءته ووجهه القبيح بهذا القانون .. ولكنهم ضد الفطرة فسوف يزولون وتزول قوانينهم السيئة وتبقي مصر بهية حتى من كبدي وحتة من قلبي وحتة من موال ..
تحيتي
ماله بس قانون الطواريء يا جدعان
ده حتى عشرة ,,
أنا من يوم ما إتولدت وانا في طواريء
خايف لو أوقفوا حالة الطواريء يحصلي حاجة
عزيزي فشكول اشتقت لتدويناتك
أنا دائماً أُشبه الحكومة والشعب كالطبيب والمريض
فالحكومة باعتبارها طبيب يصف العلاج للشعب المريض فلم يجد حلاً لمرضه سوى هذا العلاج الأزلي كما ذكرت ألا وهو قانون الطوارئ
بحجة القضاء على الإرهاب
هناك سؤال أسأله كثيراً أين هو الإرهاب؟؟؟
الحمد لله نحن هنا ليس عندنا إرهاب
ولو كان عندنا فلو دقق صاحب النظر بصره لعرف الإرهاب الحقيقي
ولكن هذه المرة تمديد قانون الطوارئ بنظام جديد
وهو اقتصار استخدامه على من يقوم بالاتجار في المخدرات وفي حالات القتل إلى ماشابه ذلك . ونصوا على أنه يبعد تماماً عن حرية تقييد الرأي بما يتيح الإفراج عن أعداد من المعتقلين في الفترة القادمه
ولكن ماهو السبب من وراء تمديده؟؟؟
قانون الطوارئ ده علشان يظبطوا بيه الشعب اللى مش فاهم اصلا هو ليه ولا
مين
علشان لما تكون ماشى فى الشارع وتلاقى قلم نازل على قفاك متبصش حتى وراك وتقول مين اللى ضرب
بلدنا طالبة مننا كده نعيش وخلاص تايهين بقى ولا مسطولين ولا حتى ميتين محدش هيسأل عننا
ربنا يستر
هوا طاريء ولا صاحب بيت
دة حتى مش لايق عليه الاسم
وبعديين يعني هي جت على القققانون دة ووقفت
ما كلو زي كلو
والموضوع بايظ
الطوارئ دي انتم مش فاهمين معناها
اصل لو الواحد اتعرض للاغتيال و شاف السادات بيغتال قدامه كان عرف ليه القانون ده ممتد و بلا نهايه
اذا كانت الحكومه مش عارفه تحمي الشعب و لا توفر حتي خط الفقر فلازم تامن نفسها و تثبت و جودها خوفا من انفلات الشعب
ليه بس خليتني ادخل في المتاهه دي
تحياتي
تحياتي
رمضااااااااان كريم
لك عندي واجب على هيئة رجاء
فهل من مجيب؟
ولو كان الواجب ده ضد اهدافك الشخصية من فتح مدونة فأنا اعذرك واتفهمك ومفيش مشكلة ان شاء الله
سلامو عليكو..
كلامك يقطع القلب.وعلى فكرة احنا قرايب
والدي
انا اسفة على التأخير
بعتذر منك
يارب تكون بخير دايما
ستشرق الشمس يوماً ما
وستهب رياح الثورة علة من هم خامدين
ومطأطئين دوما
عندكم تاج مهم يا جماعة الخير
ادخلوا هنا :
http://mamanooor.blogspot.com/2010/05/blog-post_15.html
اظن انه حدث عن طريق البرلمان الذي يمثل الشعب والذي يمثل الليبرالية والديمقراطية
يعني كله حسب الدستور والقانون وكله حسب الليبرالية النيابية
عمووو فشكوول كيفك يارب تكون بالف خير
ليك وحشة والله
اول مارجعت للتدوين قلت اطمن لتكون قفلتها بالضبة والمفتاح ولا لأ
اتاريني انا الي كنت قافلاها مش انت :]
ربنا يخليك وتنور التدوين علطول
وربنا يفرجها عليكم ويصلح الحال
دمت بحفظ الرحمن
جميله يافشكول
فعلا احنا مش محتاجين غير انهم يبعدوا عننا
حتى مش محتاجين منهم اي اعانه
احييك ياباشا
الطوارق ولا الطوارىء كلها
محصله بعضها يعنى كلمنا هو اللى
هيعدلها
وخلينا فى الاطفال اللى زى العسل دول الموجودين فى المدونه
ربنا يحفظهم ويسهل لهم حياه أفضل بكتير من حياتنا..... يارب
دوام التواصل وأدعوك لزيارة مدونتى اذا سمح .
كل الاحترام والتقدير
اشتقت اليك
كن بخير
السلام عليكم أ. فشكوووووول
مين طارئ ده...
وزعلان منه ليه هو واد وحش ولا حاجه
هو بيرخم علي حد مثلا مثلا يكون الواحد ماشي في أمان الله ويروح قفشه من قفاه وجره علي البوكس بتهمة إحراز مواد مخدرة أو إحداث شغب...
النكته لما تروح تبلغ عن خطف حقيبة حريمي أوموبايل من واحدة ماشية ولا الشباب راكبي الفيسبات والحركات ومد الأيد علي البنات المتبرجات والمحجابات
أو التعدى علي الممتلكات أو إستغلال النفوذ , يقولك هو إحنا فاضيين للمشاكل دى لما البلد إتساب ديابها علي كلابها
دمت أستاذنا وحلو الطناش انا سكته
وححكم الحاجة علي عدم سؤالك
السلام عليكم ورحمة الله وبركاته..
يا عم فشكوول إزيك ..
والله مكسوفه منك ومن قلة تواصلي بس أنا عارفه قلبك ابيض وحتسامحني ...
بس حبيت اسلم
يارب تكون في خير حال ...
..
في أمان الله
تسلم أيديك أستاذ فشكول ..
و يا رب قريب يصحى كل نايم ..
تعبنا من نوم العقول و توهتها جداا
..
دمت بكل خير أستاذى العزيز فى حفظ الله
The good and just God bless all nations. God is the provider of all needs and emergencies
I understand the Egyptian friend. Not quoted the great goddess Isis and its importance in female representation. Her worship was spread over all parts of the Greco-Roman world. Model's mother and wife and protective nature. Representative also of motherhood and fertility. Greetings!
Olá amigo, passei para lhe deixar um grande abraço.
وحشتنا جدا يا عم فشكوووول ووحشنا كلامك الحلو عن مصر وحكاويك اللي ملهاش نهايه لكل حته فيكي يا ام الدنيا
hello fashkul,
I am just dropping in to wish you a hello.
many blessings form me to you,
Lydia
لا حول ولا قوة الا بالله
انت فييييييييييين؟
قلقتنا عليك
يارب تكون بخير
أين انت يارجل
Meu amigo, obrigada por seu carinho em me visitar.Beijos no ♥
السلام عليكم ورحمه الله وبركاته...
أردت فقط ان اسلم حتي نلتقي ...
ٍسلام الله عليكم ورحمته وبركاته ...
راجل انت
هو انت هتجننى ولا اييييييييه ؟
أولا الطوارق دول هم بدو من من ليبيا وانت ماشى ناحية الغرب أما الكلمة التانية مش فاهم معناها وأول مرة أسمع عنها (فوت دى وخلينا حلوين أنا عايز أتمتع بشبابى )
ثانيا بقى أنا قرأت فى مكان مش فاكره ان اعتزالك يوم 16/5 فهل ده معناه خروجك على المعاش ولا الكلام على ايه ؟
مطلوب حضورك للتحقيق فورا وحالا بدل ما اروح لأم أسامة واوريها صور ركبتها لك مع بنات زى القمر ويبقى انت رحت بلاش
النهاردة يكون عندى بيان بالعنى لأحسن قلبى خايف يكون صادق وتكون ناوى تعملها وتمشى
والله كنت أول فى التدوين كله
في رأيي المتواضع جدا مفيش حاجة إسمها قانون طوارئ .. الطوارئ هي حالة غياب القانون الطبيعي .. كما أن الظلام هو حالة غياب النور .. حالة الطوارئ التي نعيش فيها منذ إغتيال أنور السادات بأيدي أولاده - كما كان يسميهم - هي حالة خاصة جدا تسمح للأمن أن يكون هو اللاعب الرئيسي على الساحة - و أحيانا اللاعب الوحيد - و تعامل كل الشعب على أنهم خونة و مرتزقة و قطاعي طرق إلى أن يثبت العكس - و في الغالب محدش بيحاول يدور علشان يثبت العكس أصلا - .. حالة الطوارئ هي حالة مرهقة جدا من لعبة عسكر و حرامية و التي لا وجود فيها سوى للعسكر و الحرامية .....
تحياتي
عمنا فشكول
صحيح عندك حق
بس ليه مش عارف انا حاسس ان انت كروتنا وكلفتنا في البوست ده مش عادتك انك في المواضيع التقيلة دي تكتب كلمتين وبس كل موضوع كان بياخد منك جهد كبير قوي وكنت بتفضل وراه لما تطلع من جواه مصارينه انت زهقت من التدوين ولا زهقت من البلد ولا ايه
تحياتي
حسن أرابيسك
عم فشكوووووووووووووووووووووووووووول
لسة بتتكلم على الطوارئ ياعم موش لاغوهم وجابو بدالها طواجن سم وسموها طواجئ يعنى غيروا الراء بقت جيم ياعم فشكوووول ماتنساناش مادام إنت فاضى وماعندكش مواضيع جديدة زورنا ياعم نتكلم شوية وشكرا ليك عندى الجديد دايما وأنت ولا إنت هنا بتلات مدونات فاضى بقى معاش اللى يزعلك وتبقى معاش زيى يارب وعارف إنك فاضلك سنة ونص تقريبا .
حالة الطوارئ هي حالة مرهقة جدا من لعبة عسكر و حرامية و التي لا وجود فيها سوى للعسكر و الحرامية
استاذ سام تعليقك و وصفك عبقرى احييك عليه
إرسال تعليق