السبت، 16 أكتوبر، 2010


انا الاديب الادباتى .. لبست شوال وشيلت خرج بجيوب ... اتهبل الاديب يا ولاد ... صواميل عقله اتفككت ... ماشى فى كل ميدان يهبل ويطبل ويلت ويعجم ... ويطجن.
من ضمن ما بيطجن الاديب الادباتى ... قال ايه بيهبل ويقول ايه ... حمرا يا طماطم ... خضره يا ملوخيه ... يا مقمعه يا باميه

طب ايه العلاقه بين الطماطم والباميا واللى حصل ولا يتوصل ... ولا فيه اى علاقه ولا فيه اى مناسبه ... مش بقول لكم أديب واتفككت صواميل عقله. وعلى رأى البت العسل ريم ماجد أنا كمان ممكن اقول لكم كلمه فى سركم ... مش هى بس اللى بتعرف تقول ... انا كمان اعرف ... طب مش مصدقين ... خدوا بقى دى :

ضرب زيد عمرو ... طب وايه الجديد ... ما هو زيد من يوم ما صحينا على الدنيا وهو بلطجى وبيضرب عمرو على مسمع ومرآى من الدنيا كلها ولا حد عمل له ولا بيعمل له حاجه والكلام دى من اكتر من 50 سنه ... طب ايه الجديد يا ادباتى يا اهبل ... الجديد ان الواد عمر نبيه ... واديب... بس لسانه زالف وطويل حبتين...

يا صهبجيه .... واه يا لالالى

فى مولد السيد البدوى ... واخدين بالكم... السنه دى السيد البدوى طلع من المقام بتاعه وقعد يقرأ قرآن مع المصلين ... ويقف ورا الامام ويصلى ... وعامل فيها صاحب المطرح ويقعد يلف ويدور فى الجامع ويتفقد احوال خلق الله ... قوم اييييه... لقى جماعه قاعدين فى ركن من الجامع وبيتكلموا كلام فى العلم ... واليوتوبيا ...المدينه الفاضله .... دا جامع ... امسك ... كفره ... حيدخلوا النار ... وراسه والف سيف لازمن يطلعوا بره الجامع ويفكونا من غلاستهم ورزالتهم ... كانوا محمود وابراهيم وحسنين وعيسى ... مجموعه قليلة الادب كدا ... اصل ايه ... خليكوا معايا امال:

شيخ الجامع وامامه ... وعد سيدنا الشيخ السيد البدوى رضى الله عنه وارضاه انه حيسمح له بعمل حلقة ذكر فى الركن الشعبى اللى قدام الجامع ... ومالكش دعوه بالركن اللى بيقعدوا فيه الناس الكبره يتحاكوا ويتشاورا ... ما لكش فى الركن ده ... قوم ايه ... وعده كمان بـ 20 ويمكن 30 واحد يقعدوا يزكروا معاه ... بشرط .. لازمن وحتما وهلبت وربما تساعدنى فى طرد الجماعه بتوع اليوتوبيا دول بره ... وسيدنا الشيخ ما كدبش خبر .

والاديب الادباتى ماشى فى الشارع ويهبل ويقول
يا صهبجيه ... واه يا لالالى ... حاجه م اللى هيه ... واه يا لالالى
حبة آهات على عينى على لالى ... على ترللى
الحلو قال رايح ولا جاشى ... الحلو قاااال راااييييححح ووولا جاشششى

حمرا ياطماااطم ... خضررررا يا ملوخيييه ... يا مقمعه يا بااااميه


هناك 89 تعليقًا:

جايدا العزيزي يقول...

هههههههههههههههه

نسيت تقول مجنونه ياطماطم

الف حمدالله على سلامتك

اكيد نستنا ماهى بنتك واحفادك نسوك

اولادك المدونين

فرحت جدا لما لقيتك بتزورنى


ومن بين التاس الطيبه فاكرنى


موضوعك فى الصميم

فكرتنى بكتبات احمد رجب

ربنا يبارك فيك يارجل ياطيب

وبعد الشر عليك

كده اول ما ترجع وتزورنى تقلقنى عليك

ربنا يبارك فيك

ويخليك للحجه والاولاد

وطبعا احفادك اللى دمهم زى الشربات

نورت بلوجر كلها

اشكرك

تحياتى

محمد الجرايحى يقول...

عمنا وأستاذنا الجميل:فشكووول باشا
حمداً لله علة عودة قلمك النير

عمنا الجميل..
الحال بقى مولد وصحبه غايب

شمس النهار يقول...

الحقيقه في بلدنا حتي المولد مابقاش يتعرف له لاصاحب ولا مقام

والاسم طوبه والفعل لأمشير

حمد الله علي سلامة حضرتك
:)

Haytham Alsayes يقول...

البدوى دلوقتي اراجوز المرحلة
الحقيقة ياعمو فشكووول مقدرش قولك اكتر من كدة
وهديك لينك تعرف اكتر عن خبايا الرجل
والاعيبه الشقية
فعلا مولد وصاحبه غايب

http://www.gemyhood.com/2010/10/blog-post_15.html

اقرأ دة في كل حاجة

تحياتي وحمد الله علي السلامة

فاروق بن النيل يقول...

فشكووووووووووووووووووووووووووووول
هوه الطماطم وسعرها العالى خبل دماغك وعملك كلو فى مخك وإيه ذنب البامية والملوخية هى لسة مابقاتش" ملوكية" الحمد لله الفقيربيجيبها لسة
وحشتنى ياعم فشكول

صفــــاء يقول...

طماطم وملوخيه وباميه ... وفى الغلا دة ؟
وهى دى حاجات سيرتها تتجاب بالطريقه دى برضه دلوقت ؟
فين التبجيل والتفخيم والتعظيم اللائق بيها

دة بعد كدة الراجل هيشترط على العريس اللى جاى لبنته ما لا يقل عن 20 كيلو طماطم ويأكلها ملوخيه مرة فى الاسبوع
والباميه كل ما تيسر

الازهرى يقول...

رخل المصايب دلديلى
دلديلى
وفيران يا قطة احتلت لى
احتلت لى
وحكاوى جاية وقلت لى
وحكاوى جاية وقلت لى
وحياة مولد سيدنا الولى

يعنى ايه بقى الهبل التهبل اللى انا قلته
أى تخاريف من أيام ما كنت فى المسرح وبنعمل مولد أبو حصيرة اللى فى النهاية اتمنعنا من عرضها ومن يومها رجى عمرها ما عتبت مسرح ولا حتى كمتفرج

تفتكر نجحوا ؟

همسات وبحــ الحياه ــر يقول...

هههههههههههه

حمد لله على السلااامه
موضوع تماااااااااام فى الصميم
القوطة مجنونة بيقولوا انها هتخف من جنونها قريب :)

ليس فقيرا من يحب يقول...

عمو ازيك وازى اخبارك

الحمد لله انك بخير يا راجل يا طيب

كلامك محتاج عقول شغاله تفهم اللى بين السطور
وانا مجنونه من المجانين الكتير اللى ماليين الدنيا

ربنا يسعد ايامك ويصلح الاحوال

كلمات من نور يقول...

كده فاضل عالحلو تكه....خلي بالك عالتكه دي الله يكرمك .......قله : ميعملش زي اللي كان رايح يجيب الديب من ديله ويقلق نومه في عز الليل ....علشان رجع معرفش فقال مالقتلوش ديل .....يلا سمك لبن تمر هندي ...فينك يا صفية تغطي الملايين وتصوتي يختي

زهرة يقول...

عمو فشكول

حمد الله على اسلامة .. فرحت اوى لما لقيت بوست جديد .. نورت الدنيا بجد

أنا قريت البوست مرة .. وكحيت

قريته تانى .. كحيت

قلت أقراه تالت يمكن ربنا يسهل وآخد بالى من المغزى والمعنى اللى فى بطن الكاتب وانا وحضرتك على الله

هى البسلة بكام ؟ :)

ماما أمولة يقول...

اهلا اهلا يا مراحب بالباشا فشكول
حمد الله على سلامتك
وحشنا كلامك ونقدك المضحك المبكي
ففعلا شر البلية مايضحك

دمت ودام قلمك الجميل يا فشكول باشا

mrmr يقول...

حمد الله بالسلامه
ايه الغيبه دى لعل المانع خير
حمرا ياطماطم خضررررا يا ملوخيه يا مقمعه يا باميه
ومجنون يا بنت المجنونه يا قوطه
هههههه

صباحك ذى الورد باذن الله

gogo!sf يقول...

صباح الخير يا استاذى الفاضل
والف حمد الله على السلامه


الادباتى بس اللى بيهطل ويطبل ويقول كده ده باقى معظم الناس والله وبيعملو اكتر من كده بكتير

الجنان بقى مستمر بتهيئلى وبقى وضع طبيعى جدا من اللى بيحصل وعلى ما اعتقد كمان ان ده هيبقى الحال الطبيعى للبلد وربنا يستر بجد

الا هو السيد البدوى خرج امته مالقيش يعنى لالالالالا حمد الله على سلامته
يعنى هى جت عليه سيبه يفك عن نفسه يا شيخ بدال الكتمه اللى هو كان فيها دى

اللهم انى لا اسألك رد القضاء ولكن اسألك اللطف فيه

الصبر من عندك يارب

صباحو ابيض

gogo!sf يقول...

على فكرة الاغنيه دى جميله جدا
وانا بحبها اوى
اهو لقيت حاجه تروق الجمجمع على الصبح بدال سيرت الطماطم اللى بتجيب احباط ع الصبح

المجهول يقول...

مولد وصاحبه غايب .. راح نقول إيه شالله يا حكومة .. ربنا يخلي الشعب إللي مخليك قاعدة على قلبنا زي الهم على القلب.

موضوع جميل جدا وطريقة عرضه أجمل

sal يقول...

فشكووووول

هذا زمان المرجفين يا سيدى

والمولد له اصحاب كثيييييير

منها البدوى و غيره
المهم نفس الحركات والشقلباظ
وشراب مخطط وانف احمر


تحياتى وتقديرى

يوميات شحات يقول...

شكرا يا استاذ فشكول يا راجل يا بشوش يا جميل

Ms Venus يقول...

استاذ فشكوووووووووووول


بجد بجد حمدلله على السلامة

وحشتنا اوى


فرحت لما لقيتك زورتنى ونورتنى


حاولت كتير ادخل مدونتك اكتر من مرة قبل كده بس مكنتش عارفة وكان المتصفح بيهنج ويقفل لوحدو

المهم انك بخير

عودا حميدا


والله يخليك خلينا بعيد عن الطماطم

جابت لنا كلنا حساسية

Tarkieb يقول...

هو السيد البدوي بس لو كان عرف ان الطماطم بعشرة جنية كان دخل مقامه تاني وجاله ساكته قلبية...حلوة بجد

Tears يقول...

كده تفكرنى بالطماطم

ده انا بحبها و كنت باكلها زى الفاكهة مش سلطة

امرنا لله

بس احسن حاجة انك رجعت بالسلامة


دمت بخير

david santos يقول...

Hello, my friend!
Thanks for your work and have a nice week.

RENATA MARIA PARREIRA CORDEIRO يقول...

Hi, myfriend. For the first time, I could read everything and your text are amazing. Thanks for sharing, my dear.
For you:
"Em algum lugar acima do arco-íris

Lá no alto,

Há uma terra, de que certa vez ouvi falar

Numa canção de ninar.

Em algum lugar acima do arco-íris

Os céus são azuis,

E os sonhos que se ousam sonhar

Se realizam de verdade.

Um dia pedirei a uma estrela

Que me desperte longe das nuvens

Atrás de mim.

Onde os problemas se derretem

Como pastilhas de limão

Longe, acima do topo das chaminés

É lá que tu me vais encontrar.

Em algum lugar acima do arco-íris

Os pássaros azuis estão a voar.

Os pássaros voam acima do arco-íris.

Por que, ah, por que não posso eu voar?

Se os pássaros azuis voam felizes

Acima do arco-íris

Por que, ah, por que não posso eu voar?"

Tradução interventiva da Renata

Hugs and Kisses
Renata

محمد عبدالرحمن شحاته يقول...

فشكووووووول
عوداً حميداً ياصديقي
والله وحشتني جداً ووحشتني فشكولياتك الجميلة
الموضوع رائع كالعادة .
دمت بخير ياصديقي العزيز

ماجد العياطي يقول...

حمد لله على السلامه يااستاذنا

والله عندك حق تقول مجنونه ياطماطم

وشيخ الجامع هيفضل يطرد في الناس اللي مش عاجبينه طول عمره

ماهو الجامع بتاعه

وحمدلله على السلامه ويافشكول

SAM يقول...

Friend, thanks for the kind presence. It really is a great post about 80 years of the poet Ferreira Gullar dedicated to poetry, art and politics.

Friend, I also can not understand a reasonable translation for the post. But I think this is writers, art, music .. Greetings of friendship from Brazil.

نور الدرب يقول...

عم فشكول
حمد لله ع السلامة يا كبير
وحشتنا كلنا والله ووحشتنا تدويناتك
وفعلا زي مانت قلت
الحكاية كلها بقت مولد
بس صاحبه مش غايب
لا دا صاحب موجود وراكب ومدلدل رجليه
سعدت جدا برجوعك التدوين من جديد

هموس يقول...

فشكوول الجاهين و الدرويشي والحبشتكنات دي

حمدلله على سلامتك وان شاء الله العود أحمد ... أنا الأديب الأودباتي تعبت من
حاجات كتير ... بجد أنت رائع في كتاباتك ولك قلم ساخر أنحتي له
تقبل مروري

صدى الصمت - عاشقة الورد - يقول...

من الواضح ان غلاء الأسعار حرك جواك إنتفاضة وشوق للكتابة
ربنا يديم عليك الصحة وتمتعنا بكلامك الرائع
تحياتى

ن يقول...

سلام من الله وبركاته عليك .
استاذى الفاضل فشكول
اشتقنا الى حضورك يا أستاذنا الغالى انا كنت مثلك عازفة لفترة عن التدوين لأسباب كثيرة ولكنى احمد الله اننا نلتقى جميعا من وقت لأخر ولو حتى بتدوينة تجمعنا من جديد على مائدة للنقاش .
اجل يا استاذنا الفاضل كان قبل ذلك تدوينات شهدت نقاشا نافعا وجميلا وجريئا ما بين مدونة شاب مصرى وما بين الاستاذ الفاضل فارس عبد الفتاح وذلك إثر بعض الموضوعات التى طرحتها عن نظرية الدكتور / أسامة السعداوى هذا العالم الجليل الذى نفض الغبار عن كثير من الحقائق التى مازالت تثير الجدل
لقد رحل الدكتور أسامة السعداوى عن عالمنا فى بداية هذا الشهر انتقل الى الرفيق الاعلى تاركا لنا صرخاته بكثير من الحقائق التى تحتاج منا جميعا نظرة حقيقية بشأنها لقد رحل بعدما قضى سنوات طويلة ظل فيها ينوح على الجرم الذى ارتكبه المغالطين فى ترجمة التاريخ المصرى .والفلك الذى صنعه الدكتور اسامة السعداوى هى نظريته التى اعتكف عليها أعواما طويلة ليشق بها طوفان غوغاء الترجمات الظالمة ونهب حقائق التاريخ .ومن منا شاهد المسلسل الايرانى المترجم يوسف الصديق وهذه الحقبة الهامة من تاريخ مصر وكل هذه الاحداث ويعود الى صوت الحق بداخله ويسأل لماذا لم يذكر المترجمون الاجانب فقرة واحدة تدل على وجود انبياء الله فى مصر وان المصرى القديم ابدا لم يبذل كل هذا الجهد ليسطر على الجدران حروف لكلمات واسماء مضحكة مثل خوفو وخفرع وتوتو وعوعو وما خفى كان اعظم .. ربما بعد غزو الصين لنا ببضائعها ونسائها نجد من يخرج علينا بكلمات صينية من الترجمات المصرية القديمة .. ومن يدرى
الان وقد احتضنت ارض مصر الطاهره الدكتور اسامة السعداوى هذه الارض التى احبها بل عشق كل شبر فيها كم هى سعيدة به فى دار خير من دارنا .
ادعوا له بالرحمة والمغفرة ورضوان من الله .
مع خالص تحياتى

أم الأندلس الحبيب يقول...

أشكر لك أخي في الله فشكول من كل قلبي الترحيب الحار .. وقد سعدت بتشريفك لنا في جزيرة العرب ..

بارك الله فيك على هذه الإبداعية الأدباتية ذات الطابع المختلف والساخرة الجميلة .

أحــوال الهـوي يقول...

عمي و استاذي

البوست ده فعلا فشكلني ع الاخر

مش عارف راسي من الباميه
و قاعد اعيط و عنيه زي الطمطمايه قمت و اخدها عصرها و عملت صلصة و طبخت البامية

ايه ده انا اتعديت

صباحك فل

تحياتي

ن يقول...
أزال المؤلف هذا التعليق.
ن يقول...

استاذى الفاضل
هههههه
على فكرة خطبة الجمعة اليوم عندنا كانت نقد فى مسلسل يوسف الصديق شيخ الجامع بيقول حرام والمرة اللى قبلها كانت عن كتر الاكل فى الثلاجة وهذا حرام من وجهة نظره والمرة اللى قبلها عن اكل الفسيخ ايضا حرام
كمان المنطق والفلسفة حرام وقرأة الكتب الثقافية بكل انواعها حرام حرام وانك تجتهد فى دينك وتبدأ تفكر كدة بقى هتدخل النار ..
شيخ الجامع دلوقتى من حقه يحكم على الناس بالكفر او الايمان مستنى ايه تانى يااستاذنا الغالى .
بوست جميل ووحشنا اسلوبك الممتع .
مع خالص تحياتى

سهل وسهيلة يقول...

http://shlandsohila.blogspot.com/2010/10/blog-post.html

أتمنى تشريفكم وإثراء المدونة بفكركم

سهل وسهيلة يقول...

http://shlandsohila.blogspot.com/2010/10/blog-post.html

أتمنى تشريفكم وإثراء المدونة بفكركم

Medus يقول...

الاول كيف حالك ياعم فشكول ؟؟
ثانيا انت جبت سيرة الطماطم والبامية والملوخية وماقربتش نحية الكوسة ؟؟ ليه اكمنها يعني بقيت سهله اليومين دول وكل من هب ودب بيستعملها!!
تحياتي والى الامام

سهل وسهيلة يقول...

http://shlandsohila.blogspot.com
/2010/10/blog-post_23.html
النفس
الحوار الأول نتمنى مشاركتكم

richardCatheart يقول...

طولت الغيبه يا يا سيدنا

كل ينادى على ليلا

كاظم بينادى على حببته

وسيدنا البدو بينادى على على الركنه


والاديب بينادى على الطماطم والملوخيه

واحنا صوتنا رايح ومش طالع

جميل والله

فارس عبدالفتاح يقول...

هوه ده الانفتاح واللى انت ضد الانفتاح ٠٠٠ يا استاذ دي اسعار السوق العالمية يا استاذ ومدام انتم ضد الانغلاق الاقتصادي يبقى متعيطوش وقبل ما يضربوكم تقولو في عرض النبي

وفاء بركات يقول...

ههههههههههههههههههههههه
حاسب اليومين دول فيه مرض معدى اسمه مجنونة ياطماطم إتنقل للخضار وخايفين ليجنن البني آدمين
سلامتك يافشكولنا العزيز ربنا يسلم عقلك من التهبيل وتفكيك الصواميل
ويخليك للحاجه ولاللأولاد والأحفاد
وللمدونيين

افروديت يقول...

مساااااااااااااء الخيييييييييييير... أول مااجي كده ألاقي موضوع سخن أناسمعت أن اللي بيجيب سيرة الطماطم بحاجه بيحبسوه ..وبعدين يافشكووووووووول يعني هي جت ع البدوي خليه يسترزق ....

بعدالشرعليك يافشكووول دي الطماطم مجنونه والحكومه ملعونه وأوعي تذيع لايحبسونااا ههههههههههههه سلام

وفاء بركات يقول...

والنبي ماتزعل نفسك

وتعال مدونتي حل اللغز اللي حينسيك
اسمك
اوعي تتأخر

بوسي يقول...

ههههههههههههه
طريقة كتابتك الساخرة رائعة
واتمنا تشاركنا وتشرفنا بزيارتك يا اديب
http://www.nawasreh.com/vb

واحد من العمال يقول...

السلام عليكم

حمدالله على السلام يامن تضع على وجوهنا أجمل أبتسامه
هلت الأنوار
مدااااااااد
واضح أن السيد البدوى هو شيخ المرحله
أما الجماعه إللى بيتكلموا ويحلموا باليوتوبيا بيحلموا فعلاً بس الحلم لسه مش ممنوع ولا حد يعرف يمنعه

ونورت بلوجر من جديد

غريب يقول...

سلمت الانامل فشكووول
ادب شعوبي مبدع

اتهبل من مصيبته فينا!؟
ولا يسوق الهبل على الهبل ؟!
هو بيضحك على خيبة الأمه التقيله!؟



و لا احلااااااا ادباتي

لك مني تحية وسلام

ذو النون المصري يقول...

كل سنه و انت طيب
خلاص بقينا في موسم الحج

قلم رصاص يقول...

حمدلله على السلامه ياعمو صلاح
اتمنى تكون بكل خير ان شاء الله

فعلا البدووي عامل عمايله
بركاته تخيم على المكان والمنطقه

انه شعار المرحله زي عشماوي كدا في السجن

منور الدنيا يافشكوووووووول باشا

أمل فتحى عزت يقول...

أستاذنا الحبيب .. فشكول
كل حب وانت طيب لكل من تحب .
بحاول اضيف هذه المدونة لمدونة نون فى صفحة التعريف ولم استدل بعد على الخطوات مش عارفة استخدم الخاصية دى ازاى لو تعرف حضرتك اكتبهالى .
مع خالص تحياتى

همسات وبحــ الحياه ــر يقول...

انا جيت اسلم على حضرتك
كل سنة وانت طيب

بس خلاص ... يقول...

الادباتى ليل نهار بيهاتى ولا سمعت كلامه الطماطم وبطلت جنان واتقمعت عليه الباميه الحق عليه زرع الملوخيه فى ارض السيد البدوى قام اتزحلق فى المولد والعيال جريت وراه وقالت العبيط اهوه ... اصل الحلو قال جاى ولا جاشى خلانى اكلم روحى وانا ماشى
نسيت اقولك سمك لبن تمر هندى هو ده الحال اللى ماشى ووووووووووووولايهمك
وحشتنى وكل سنه وانت طيب

RENATA MARIA PARREIRA CORDEIRO يقول...

Amigo, estive e ainda estou um tanto adoentada, mas não poderia deixar de vir aqui e vê-lo.
Um beijinho enorme!


"Quanto mais envelhecia quanto mais insípidas me pareciam as pequenas satisfações que a vida me dava quanto mais claramente compreendia aonde deveria procurar a fonte das alegrias da vida aprendi que ser amado não é nada e amar é tudo

O dinheiro não era nada, o poder não era nada. Vi tanta gente que tinha dinheiro e poder e mesmo assim infeliz

A beleza não era nada. Vi homens e mulheres belos infelizes apesar da sua beleza

Tampouco a saúde contava tanto assim. Cada qual tem a saúde que sente

Havia doentes repletos de vontade de viver e havia sadios que definhavam angustiados pelo medo de sofrer

A felicidade é amor só isso

Feliz é quem sabe amar

Feliz é quem pode amar muito

Mas amar e desejar não é a mesma coisa

O amor é o desejo que atingiu a sabedoria

O amor não quer possuir

O amor quer somente amar

Hermann Hesse"

Tudo de bom!
Renata

فارس عبدالفتاح يقول...

الاخ الفاضل / فشكول دوت كوم كل عام وانت في صحة وعافية انت ومن تحب اخيك فارس عبدالفتاح ٠٠ قومي عربي

سواح في ملك الله- يقول...

اول مرة اخد باللي من لون الطماطم اصلي كنت فاكرها قوطه

ن يقول...

السلام عليكم ورحمة من الله وبركاته .
أستاذى الحبيب / فشكول
كل عام وحضرتك بالف خير .. عيد سعيد ان شاء الله وتحياتى للأسرة الكريمة .
وخلى بالك من اكل اللحمة وكمان الزحمة
الاسعار غالية ومع ذلك الدنيا زحمة .

فيه نكتة هى قديمة شوية بس بتعجبنى .
قال ايه جابو جميع الدول علشان يعرفوا ميزانية كل دولة ويعرفوا المخزون والفائض .. اوم ايه اليابان يدوب اخذت ربع ساعة والصين عشرين دقيقة وامريكا وكل دول اوربا خمسة وعشرين دقيقة ونتائج الميزانية تطلع هوى على طول .. اوم ايه جه الدور على مصر اوم ايه الكمبيوتر غاب ساعة اتنين ثلاثة والكل قلق وسأل ايه مصر دى اكيد غلبتنا اكيد المخزون والفائض لا يحصى ولا يعد علشان كدة نتائج الكمبيوتر اتأخرت اوم ايه الكمبيوتر صفر كأنه بيصرخ وقالهم اسكتوا يا اغبية مصر ملهاش ميزانية
قالوا .. ليه
قالهم .. اصلها ماشية بالبركة يا جدعااااااااااااان .
مع خالص تحياتى

افروديت يقول...

عمو فشكول حبيب الكل

" كل سنة وأنت طيب وبخيرأنت وجميع أسرتك والمسلمين أجمعين "

جايدا العزيزي يقول...

كل عام وانت بخير

كل عام وانت الى الله اقرب وعلى طاعته ادوم

عيد اضحى مبارك

اعاده الله عليك بالخير واليمن والبركات

ويارب العام القادم تكون عند الحبيب المصطفى

عيد سعيد

تحياتى

rovy يقول...

كل عام و انت بكل الخير يا رب استاذ فشكووول و أسرتك الكريمه و كل أحبابك .. أسعدالرحمن كل ايامك و جعلها كلها أعياد
عيد أضحى سعيد ..

فاروق بن النيل يقول...

فشكووووووووووووووووووووووووووووووول
كـــــــــــــــــــــــــــــــــل
عــــــــــــــــــــــــــــــــام
وأنـــــــــــــــــــــــــــــــت
والأســـــــــــــــــــــــــــــرة
الكريمـــــــــــــــــــــــــــــة بخيـــــــــــــــــــــــــــــــر

Ms Venus يقول...

كل سنة وانت طيب وبخير دايما يا استاذ فشكوووووول

sal يقول...

كل عيد اضحى وانت بخير وسعادة

محمد الجرايحى يقول...

عمنا الجميل : فشكوول باشا
كل سنة وأنت طيب وفى تمام الصحة والعافية
وعيد أضحى مبارك عليك وعلى الأسرة الكريمة

Beram ElMasry يقول...

اجمل التهاني واطيب الاماني بعيد الاضحي المبارك اعاده الله عليكم وجميع الاهل بالخير والبركة

richardCatheart يقول...

كل سنه وحضرتك طيب يا عمنايارب

يعود عليك وعلى الاهل والحبايب بخير وصحه يارب

TWEETY يقول...

ازيك ياعمو

انا جيت ازروك واقولك
كل سنة وحضرتك طيب
انا حطيت حاجة جديدة ابقى شوفيها ماشى
مع السلامة

romansy يقول...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين

الشاعر الفنان أحمد فتحى فؤاد يقول...

أستاذ فشكول

السلام عليكم و رحمة الله و بركاته

كل عام و انتم بخير و صحة و سعادة

بمناسبة عيد الاضحى المبارك

جمعنا الله دائما على الخير

و جعل ايامنا جميعا اعياد و فرح و خير و سعادة

تحياتى و تقديرى

Dr/ walaa salah يقول...

هههههههههههه

اكتر حاجه ضحكتني في موضوعك المسميات (اهبل وعبيط)

متشكره لحضرتك لزيارتك لمدونتي المتواضعه وكل عام وانت بخير وربنا يبارك في احفادك ويجعلهم ذريه صالحه ان شاء الله

تقبل تعليقي وزيارتي وارجو قبولي كضيفه خفيفه على مدونتك الجميله

z!zOoOo يقول...

ازيك يا عم فشكول

كل سنه وانت طيب يا عمنا

عيد سعيد عليك وعلي عيلتك وحبايبك

ربنا يرزقك وإيانا بالحج وزياره بيت الله

:)

ماما أمولة يقول...

كل سنة وأنت طيب وبخير يارب يا فشكول
عيد سعيد عليك وعلى كل حبايبك يارب



*★   *   ★*★  *   ★   ★  *★  *   ★ *★  *   ★ ★  *  ★   ★   *       ★        * ★  *   ★      ★ *★  *  ★  *   كل عام وانتم بألف خير.....عيد مبارك عليكم وعلينا★ ★ ★★* *★  *   ★ ★  *★  *   ★★ ★  *★  *   ★ ★  *★  *   ★ *   ★ ★ ★ ★  *★  *  *★  *  ... ★*    **★  *   ★ ★   *★  *   ★ ★  *★  *   *★  *        *★

Haytham Alsayes يقول...

كل سنة وحضرتك طيب

عيد سعيد عليك وعلي الاسرة الكريمة

gogo!sf يقول...

كل سنه وحضرتك طيب
وعيد سعيد عليك وعلى اسرتك الكريمه ان شاءالله

جوجو

خواطر شابة يقول...

اضحى سعيد أتمناه لك ولمن تحب اعاده الله عليكم باليمن والبركات
تمنياتي لك بموفور الصحة
تقبل أسمى تحياتي وتقديري

احاسيس آيوشه يقول...

كل سنة وحضرتك طيب يااستاذ فشكووووول
وبألف صحة وسلامة ياااااارب
عيد سعيد عليك وعلى كل أسرتك الكريمة

حنان الشافعي يقول...

انا جايه اسأل واقول لحضرتك كل سنه وحضرتك طيب وعيد سعيد يارب
يارب تكون بخير

ودي

♥ ملكة الأحساس ♥ يقول...

جعل الله لكم ..
فجر يوم عرفه نوراً
و ظهره سروراً
وعصره استبشاراً
ومغربه غفراناً
وجعل لك دعوة لاترد ..
ووهبك رزقاً لايعد ..
وفتح لك باباً غلى الجنة لايسد
و ..
وكل عام وأنتم بخير وبصحة وبسلامة

Tamer Nabil يقول...

كل سنة وانت طيب وبخير


عيد سعيد عليك وعلى اسرتك الكريمة


مع خالص تحياتى

واحد من العمال يقول...

السلام عليكم

كل عام وأنت بخير
كل عام وأنت شيخ المدونين

ودمت بخير حال

mrmr يقول...

كل سنه وانت طيب
عيد اضحى سعيد

معتز شاهين - باحث تربوي يقول...

والله وحشني ووحشتني تعليقاتك الفشكولية
هو نان عشان مبسألش متسألش كده
مكانش عيش وفشكول

تحياتي
وكل سنة وأنت طيب بمناسبة عيد الأضحى

ويبقى التواصل

Prince-Palestine يقول...

كل سنة وانت طيب أستاذنا الفاضل





دمت بخير

م/ الحسيني لزومي يقول...

اعتذر عن تأخر التهنئه بالعيد لعطل بشبكة النت بالمنطقه التي اسكن بها
خالص تحياتيِ
اوعي تكون نسيتنا

RENATA MARIA PARREIRA CORDEIRO يقول...

Olá, amigo. Gostei muito do que pude compreender. Este tradutor não é ruim. É horrível.
Beijos
Renata

م/ الحسيني لزومي يقول...

شوف يا عمي فشكول
اطمن لغاية الانتخابات ما تخلص محدش ها يهوب ناحيتك خوفا من التصويت العقابي

فاروق بن النيل يقول...

فشكوووووووووووووووووووووووووووووول
إنتى فين ياعم هوه الأديب الأدباتى دا آخر إنتاجك ياعم إكتب أى حاجة عندك أفكار كويسة وتحليلاتك أفضل ليه ساكت مشغول ولاإيه طمنى عليك ياصلاح عامل إيه
أخوك فاروق

أبو مصعب يقول...

سلام عليكم
دعوه لانتخاب الافضل
الاخوان المسلمون

قوس قزح يقول...

البؤجة يا جدعاااان
متنسوش يوم 10 ديسمبر تجيبوا البؤجة و تيجوا
و لو مش هتقدروا يا ريت تبلغوا اكبر قدر ممكن من الناس
و التفاصيل هنا
http://hams07.blogspot.com/2010/11/blog-post_21.html
او هنا
http://kouskoza7.blogspot.com/2010/11/blog-post.html

هبة النيـــــل يقول...

عم فشكول وحشتنا كتييييييييييير

شكلك نسيتني خالص عشان بقالي سنة وللا حاجة بعيد

والله يا عمي فعلا هو مولد سيدي اللي معرفش اسمه وصاحبه غايب

وهو الملك هايص والشعب لايص

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
غلا روحي
شات غلا الروح
شات صوتي
شات مغربي
قوانين الشات الصوتي
برامج كام وصوت
اشتراكات غلا الروح
قوانين غلا الروح
فعاليات غلا الروح