عبر التاريخ كان المصريون يشكلون ملاحم متتاليه ثم لا يجنون منها شيئ ويستأثر بالثمار من ليس لهم حق فيه
عبر التاريخ ومنذ قام المصريون القدماء بالتضامن مع مينا نارمر وانخرطوا معه فى الحروب لتوحيد البلاد جنوبا وشمالا فجنى المصريون العلقم وجنى مينا الملك
فى تحرير مصر من قبضة الهكسوس وانخرط المصريون مع اول من قام بالدعوه لتحرير البلاد من حكم الهكسوس (كاموس) وانخرط معه المصريون فى القتال واكملوا مع احمس حتى تم طرد الهكسوس جنى احمس الملك وجنى المصريون العلقم
قام المصريون ببناء الاهرامات ودفن فيها خوفوا وخفرع ومنكورع ومات المصريون البناؤون ودفنوا فى رمال الصحراء بلا طقوس جنائزيه أو اقنعه ذهبيه او خبايا .. او .. او
منذ ان قام المصريون بالحرب مع (محمود بن ممدود) (سيف الدين قطز) وانتصر على التتار ثم جنى بيبرس الثمار وأسس لدولة المماليك فى مصر حتى وقتنا الحالى ولم يجنى المصريون شيئ
مثله ما فعل المصريون مع صلاح الدين ولم يجنى المصريون شئ
مات كثير من المصريين فى حفر قناة السويس وتمتعت بثمار القناة انجلترا وفرنسا حتى حسنى مبارك ولم يجنى المصريون اى ثمار من قناة السويس واكتشفنا ان ايراد القناة بالكامل يذهب لمؤسسة الرئاسه ستة او سبعة او خمسة مليار دولار سنويا ... يا خرابى ... والمصريون يمصمصون اسنانهم على لا شئ
احمد عرابى ورفاقه هتفوا باعلى صوتهم امام خديوى مصر (والله لن نورث او نورث بعد اليوم) وحسنى مبارك يمهد الطريق لتوريث ابنه جمال مبارك السلطه فى مصر وتوقفت مصر عن كل شيئ الا عن الاعداد للتوريث .. ولكن الله سلم
قام العسكر بانقلاب 1952 ضد الملك (رحمه الله) ووقف الشعب المصرى مع الانقلاب وقالوا ثوره (نمشيها ثوره) واسس انقلاب 1952 لدوله دكتاتوريه بعد ازاحة محمد نجيب .. ومازال نظام حكم عبد الناصر يحكمنا حتى هذه الساعه الى ان قامت ثورى 25 يناير 2011 فهل سوف نجنى ثمارها
بقية الملحمه فى المقاله القادمة تفاصيل 25 يناير2011
39 التعليقات:
يالها من مصدر كبير من مصادر الرزق هنا بمصر فان قناة السويس ان كانت للشعب فسوف يعيش الشعب فى رخاء بشرط عدم النهب والسرقه الدائمه منها
سعدت بوجودى هنا تمنياتى لك بالتالق الدائم تقبل تحياتى الاحـلام
نعم نشارك وقد نبدأ كمان ولكن كما وضحت بالتاريخ لا ننال ممن نساعدهم ونثق فى مقدرتهم سوى الذل
طول ما نمجد الشخص الواحد- البطل القومى- العربى لن ننال شئ
ربما هو تميز والتباس عدم وجود قائد وبطل وحيد فى ثوره 25 يناير الا انها فعلا دليل على اخيرا قدرتنا على عدم انتظار احد
لانه كما قال درويش لن يأتى احد
السلام عليكم
فهل سوف نجنى ثمارها
اكيد استاذى سنجنى ثمارها
سواء كنا نحن ام ابنائنا لكن الثمار لابد ان نجنيها بشكل او باخر لكن المهم ان نداوم على المحافظة على ما بدأناه وهذا هو الاهم والاهم
لكن من خلال ما ذكرتنا انت به هنا من احداث تاريخية وبما انى عاشقة للتاريخ بشكل عام اقول لك ان الشعب دائما يزرع لكن اخرين يستمتعون بالثمار لكنا مازلنا نرحو يوم ان نجنى فيه نحن ثمار ما بدأناه واعتقد هذا مرتبط بشى مهم وهو الا نتخيل ان الثورة انتهت وان نعى تماما انها مازالت وليدة تريد من يرعاها
متابعين لمقالك ان شاء الله اخى الكريم
تحياتى لك
لا يجني الثمر الا من حصد وان اكتفى الفلاح المصري بالزرع فقط فلن يجني شئ
آلان المصريون هم المسؤلون عن انفسهم وليست الحكومات
فلابد لنا ان نكافح في الحصاد كما كافحنا في الزرع
لابد لنا ان نراقب انفسنا ونقف على كل مافي هذه البلد ولا نطمئن لأي انسان فكلنا ذو خطأ
هذا هو الجهد والله وحده هو من سيعيننا على قطف الثمر وساعتها سنجني الثمر
وحشتنا بعد الثوره يااستاذنا
تحياتي
بصراحة يا استاذ فشكول
ومن اللى بشوفه وبيحصل
مش متفائلة
كتير بيقولوا ليا بلاش التشاؤم ده
لكن بردو مش متفائلة
وزى ما التاريخ قال
ناس زرعت
وناس تانية خالص هتحصد
استاذنا الفاضل نحن نصنع ما يمليه علينا الضمير وما تمليه علينا المبادىء
اما النتائج فهي في علم الله
ولكل شيء بداية اتمنى ان تكون هذه الايام بداية الحصاد لجهد بذلناه
تحياتي
استاذى
اولا كل انجاز او ثورة محتلج لدفاتر
ولكن شاهدت انك اختصرت جدا
انا معاك ان كل انجاز او انقلاب او ثورة
كات بعدها الشعب ولم يحصل على غنائمها سوى الكبار
وانا يا سيدى قد قمت بقرأة تاريخ عبد الناصر كاملا ومن خلال عده مراجع
واتفق معك انه كان ديكتاتور
وان عصرة كان عصر انعدمت فيه حريته الفكر تماما
وعلى ذكر المثال ما حدث لمصطفى امين واعتقاله وتعذيبه بابشع الطرق برغم انه اعز واقرب صديق
وايضا مات المصريين وعاش الظباط الاحرار فى نعيم
شرحت كل ما سبق لكى تفهم انه سيأتى يوما ويموت شباب الثورة
وانه ربما نتذكرهم من وقت لاخر
اما من سيتولى الحكم فلا اظن انه سيختلف عن الاخرين
اجل لست متفأله لما اراها من اختلاف فى وجهات النظر وانقسامات
اشكرك استاذى
تحياتى
انا بقا
حسه ان في حاجه غلط
ونفسي تتصلح
يارب
السلام عليكم
ازيك يااستاذ فشكول يارب تكون بخير دايما يارب
اما بالنسبة لموضوع الثمار فحضرتك عندك حق عمرنا ما جنينا ثمار اى حاجة احنا شعب غلبان وطيب بس نتمنى نجنى ثمارها المرة دى بجد
استاذي
الثورة مخاض عسير قد يطول
وزرع قد لانقطف ثمره الان وقد لا نأكل منه الان
فهو كالنخل المهم أن ننبت وأن نزرع
الممهم أننا نظمنا السكة لسير القطار
لا أحد يستهون بالخطوة الاولى فالقبام بها صعب في حد ذاته
تحيات لطرحك الطيب
امممممممبص يا استاذ فشكول انا شخصيا كاواحد من عامة الشعب المصرى
احب انى اقولك ان الثائر زى الاب .. بيروح الشغل ويطلع عينه ويستحمل عشان خاطر اولاده ... مش عشان خاطره هو .. وممكن ينسى اى شئ مقابل انه يحثث حلم هو شايفه لاولاده .. عايز دايما بشوفهم فى افضل واحسن حال
والفرحة الحقيقة لما الاولاد يحسوا بجد بتضحية الاب .. وساعتها مش هيطلب منهم غير انهم يفتكروا بالخير ولو حتى فى جملة شفاهية مش هتكتب فى كتاب التاريخ
اخى الكريم
من استعراضك الموجز المنير لتاريخ الاحداث أرى اننى لست متفائلا بما ستجرى عليه الاحداث فى وقتنا الحالىالجديد الذى نريده اليوم للاسف سيكون بعيدا عن واقع ايامنا
ومن الممكن ان يجنيه احفادنا .. فاولادنا قد أتوا بما لم نستطع او ندرك القيام به، واحفادنا سوف يأتون بما يراه اولادنا مسحيلا
فلا نحزن ياأخى فقدكسبنا المناعة وخسرنا الحماية
أستاذي العزيز
أحييك من قلبي علي اختصاراتك الجميلة
انا شخصيا متفائل جدا لغد اكثر إشراقا
تحياتي لك
اولا كانت هناك مقوله مشهوره
بتقول ايه خير البلد دي لغيرها
اما عن نتائج الثورات منذ ايام مينا
فهذا قدرنا حانعمل ايه
دومت بخير
الخوف احسن يكون المخطط الان ترك الاسلاميين ليظهروا حتى يمنح هذا الفرصة لتقلاب عسكرى يرحب به على انه ثورة جديدة تلحقنا من مصير قندهار
سبحان الله يا عم فشكوول لسه امبارح واحد بيقولي انتوا شعب مش بيرضى بأي رئيس ومش عاجبكم حتى عبد الناصر ...قلتله منهم لله اللي بدل ما يتحالفوا مع فاروق ضد الإنجليز تحالفوا سوى وكانت النتيجة طغيان من 52.....تسلم ومتابعين معاكم السنين العجاف من بعد 52 (:
52 ده كان انقلاب وتخريب في البلد
كان المقصود بيها السلطه والتنعم بمزايا السلطه
واعتقد ان في ثمار كتير من ثورة 2011
هتضيع بسبب الناس الي مش عايزه تجبها البر
وقاعدين يعملوا فُرقه بين المصريين
عشان طمعهم وتكالبهم على السلطه وعدم تسامهم ...كنت كاتبه مقاله قريب اسمها
لف وارجع تانى محتواها برضو شامل ان ميت ثوره اتعملت بس كلهم قضى عليهم حاجه اسمها سياسه التورته وتكالبهم على الحكم وتركهم للقضيه الاساسيه
وحنفضل طول عمرنا ناس تعمل وناس تقف الثمار عشان اللى بيعمل مبيعملشى لوجه الله واللى بيقطف الثمار مبيعدلشى ويدى كل ذى حق حقه
عم صلاح / فشكوووووووووووووووووووووول
المشكلة :
هل هى فى الشعب المصرى أم الحاكم؟
هذا السؤال لكى تجيب عليهيجب أن تجلس على كرسى الحكم حتى تعلم الإجابة
الظاهر ياعم صلاح إن كرسى الرئاسة له سحر ومن ثم فإن المنافقين (وهم كثر) يزينون للحاكم الفساد والظلم والسرقة على أنها حقه كحاكم
كمان التورتة لووزعت على عشرة موش زى ماتتوزع على 85 مليون وأقصد التوزيع بالعدل .
وهذه هى المشكلة من يقبل أن يكون عادلا مثل عمر بن الخطاب وعمر بن عبد العزيز وغيرهم من الصحابه .
إنسى إنسى إنسى إنسى إنسى إنسى إنسى
سيبقى الحال على ماهو عليه مع إختلافات
بسيطة فى نظام الحكم وفى المجالس النوابية
وفى الأحزاب لكن التهليب لن يتوقف
ملحوظه
في تجمع للمدونين بعد صلاه الجمعه القادم عند قهوه البورصه والحااااضر يعلم الغايب
أستاذنا الفاضل
السلام عليكم ورحمة الله وبركاته
وأشكرك على طرحك الملحمى هذا والكاشف أيضاً...
وندعو الله تعالى أن يمكنا من أن نجنى ثمار ثورتنا حباً وتماسك وحرية ورخاء
إن شاء الله
وتقبل سيدى تقديرى واحترامى
بارك الله فيك وأعزك
استاذ فشكول
بوست التجمع
http://sony2000-sony2000em.blogspot.com/2011/03/blog-post_31.html?showComment=1301526206701#c280027068705387348
الحقيقة دايما بتوجع يا بابا فشكوول وللاسف كل كلمة قلتها حقيقة مسكينة مصر اتعودت تدي مصر الشعب مصر المصريين والحكام على مر العصور تاخد وتاخد يا ساتر يارب حتى الستر استكتروه علينا
مصر معروفة دايما بابطالها ،،
وباذن الله ثورة 25 يناير هتفضل محققة اعلى نجاح وهتصلح البلد فعلا
وحشتنا يا عمنا انت مشغول منذ قيام الثوره عموما خلي بالك من العيال كل بلد بقي فيها ميدان تحرير مشي امورك معاهم مش ناقصين ثوره تاني انا اليومين دول ماشي جنب الحيط كل عيل يحتاج حاجه يقول اه ميدان التحرير قريب علشان كده بانفذ دون اعتراض
تحياتي لك وللاسره الكريمه
اولا احيى حضرتك على البوست
انا شخصيا جوايا كوكتيل احاسيس مابين خوف وتفاؤل وتشاؤم وفرح لدرجة انى عندى حاله ادق وصف ليها ( ارتجاج فى الافكار) ودا اعتقد انه حال الشعب المصرى حاليا ..
الشعب المصرى على مر العصور شعب مُحتل مهمش ..مغلوب على امره بكل معنى الكلمه .. وكل من حكم مصر استغل حتة ( العبط ) اللى عند الشعب المصرى ..
ودى اكتر حاجه مخوفانى
بس اعتقد اعتقد ان الثورة دى اللى اتعلملت بالاعداد دى وباستخدام التكنولوجيا دى وفى الوقت دا اللى الدنيا فيه مفتوحه على بعضها .. اعتقد انه صعب يتضحك علينا تانى او على الاقل منقطفش من ثمارها آجلا ام عاجلا
تحياتى لحضرتك
ايوة كده
حضرتك هتبتدي تكتب اهو تاني
مستنين الباقي
:))
عرابي لو كان عايش زمن اللامبارك كا انتحر
استفادتنا تعتمد لى وعينا وتحركنا لجنى الثمار قبل ان يحصل عليها من لا يستحق
الموضوع رهن بالمصريين
تحياتى ودعائى
فينك .. سلامة حسك
أول مرة أزور مدونتك القيمة .. تهنئتي لك على المجهود المبذول والرائع..
اخبار مصر
ثورة 25 يناير
شوف ياعمي فشكول
شوف لنا صرفه في الاخ فارس الدنيا كلها بتتغير وهو محلك سر وانا عاهدت نفسي لو قال ان الشمس بتطلع من الغرب لن اناقشه انا بافكر ارسل له فيزه لليبيا عند اخر تلاميذ عبد الناصر النجباء
تحياتي
السلام عليكم ..
أزيك يا أستاذ فشكول .. بوست رائع جداا كما أنت دائما ..
أتمنى أن نجنى الثمار لأننا تعبنا كثيرا و نحن نقوم بدور الزراع فقط و دائما يأتى من يجنى ما نزرع ..
تقديرى و أطيب تحياتى ..
أول مرة أزور مدونتك القيمة .. تهنئتي لك على المجهود المبذول والرائع..
ميدان التحرير الان
اخبار مصر لحظة بلحظة
ثورة 25 يناير
السلام عليكم ورحمه الله وبركاته
كلفنى الاستاذ بيرم المصرى بارسال هذه التحيه لجميع الاصدقاء وذلك لتعذر قيامه بها بشخصه
(اجمل التهانى واطيب الامانى للجميع بمناسبه عيد القيامه المجيد وشم النسيم)
ورد الغصون...
نيابه عن بيرم المصرى
السلام عليكم ورحمه الله وبركاته
كلفنى الاستاذ بيرم المصرى بارسال هذه التحيه لجميع الاصدقاء وذلك لتعذر قيامه بها بشخصه
(اجمل التهانى واطيب الامانى للجميع بمناسبه عيد القيامه المجيد وشم النسيم)
ورد الغصون...
نيابه عن بيرم المصرى
صاحب مدونه كرباج سودانى
والدي الطيب
وحشتني
يارب تكون بخير
انااسفة لانقطاعي الطويل بس حصلت ظروف
تحياتي لقلبك ونبض قلمك
أزيك فشكولنا الرائع
هل من جديد ؟
هل سنظل منهوبين الثروات ؟
هل سنظل نثور وننزل علي مفيش؟
هل سنظل طول عمرنا نسأل ونرد
علي نفسنا؟
هل نحن شعب طيب حتي العبط؟
هل نحن شعب يعبد حكامة؟
هناك هلات آخرى تدور بفكرى تقلقني
وتنغس علي حياتي .
سلامي لك وللحاجة والعائلة الكريمة
الله المستعان
إرسال تعليق