السلام عليكم
اهلا مدونتى حبيبتى
مش عارف ايه اللى حصل .. المدونه ضاعت منى وكلمة السر اتغيرت ومين اللى غيرها وازاى وانا مش عارف حاجه خالص .. بذلت مجهود جبار وشغلت مخى وعرفت اوصل للمدونه من غير كلمة السر .. تقولوا ازاى اقول بالفكاكه والفهلوه .. مش احنا مشهورين بالفهلوه مره تصح ومره تخيب والمره دى صحت مع انى ولا بفهم حاجه فى الكمبيوتر بس الحاجه ام الاختراع ولا الحوجه لكلمة السر ولا الحوجه حتى للايميل .. بس مش عارف اعرف اعملها تانى ولا لأ .. الايام بيننااهلا مدونتى حبيبتى
من اكتر من اسبوع وانا كان عندى كلام كتير عايز اقوله .. بس .. لما ضاعت المدونه طار كل الكلام .. يا دوب انا كنت راجع من الفيس بوك للمدونه وضاااااعت .. وانا بقى لى اسبوع معكنن وكل الكلام راح منى .. لكن ح اجيب اللى انا عايزه وافتكر اللى انا عايزه
عايز اقول ان العيشه بقت ترللى والموضوع بقى سمك لبن تمر هندى واللى بيفهم بيتكلم واللى ما بيفهمش بيتكلم .. كان زمان قبل المخلوع بيقولوا على اللى بيقول كلام معقول ( قله مندسه ) انا بقى اليومين دول مندس .. بيقولوا اليومين دول على كل اللى يقول كلمه تخالفهم (فلول النظام ) انا بقى فلووول .. الموضوع بقى ارهاب .. بقى يااما معايا يا أما على واللى على مش معايا واللى معايا مش على اللى افهمه لما نتفق على موضوع يبقى ننفذه مش ننقض اتفاقنا ونقول اصل كذا واصل كذا .. فيه ناس بيقولوا عايزين نجهز نفسنا ونأجل الانتخابات .. والله يا اخويا لو اجلت الانتخابات سنتين برضه ما حتعرف تجهز نفسك ..
يا اخوانا .. فوقوا .. انفدوا بجلدكم .. اللى حصل سنة 1952 ممكن يحصل دالوقت .. مصدق بتاع ايران واللى اسس للثوره الايرانيه راح فين .. صحيح ثورته قمعت لكن الغضب كان مكتوم فى الصدور والستاره خلاص ما بقتش مداريه حد وكل واحد كان بان على حقيقته .. الشعب الايرانى انتفض وعمل ثوره عظيمه .. وبعدين جه الخومينى على الجاهز وخدها لنفسه .. هتلر نفسه جه بعد ثوره المانيه رائعه .. وخد الثوره لنفسه وانتوا عارفين عمل ايه فى العالم وعمل ايه فى المانيا .. حتى الثوره الفرنسيه .. كانت للحريه وقعدت سبع سنوات تأكل فى قادتها وتأكل فى نفسها وروبسبير المحامى اللطيف والدمس والخجول كان مولعها نار ومشانق ومدابح
فوقوا .. فوقوا .. انفدوا بجلدكم .. واللى عايز يقول على مندس .. مافيش مانع
واللى عايز يقول على فلول .. مافيش مانع
طب اقول لكم .. قولوا رجعى .. او حتى قولوا ضد الثوره
أنا رئيس القله المندسه زمان وفلول النظام حاليا .. انا فشكووول
طب اقول لكم .. قولوا رجعى .. او حتى قولوا ضد الثوره
أنا رئيس القله المندسه زمان وفلول النظام حاليا .. انا فشكووول
43 التعليقات:
والله المندسة في الهجايص خالص مالص أنا نفسي المدونة بتعتي مش راضية تفتح كم يوم بس ربنا سترها معايا والحمد لله جات سليمة خالص مودتي
اعتقد ان فى الوقت الحالى كل اللى بيتكلم كلام ميعجبش البعض يبقى مندس وفلول
محدش عايز يسمع لصوت العقل وكلام الناس اللى فاهمة كله بيتصرف من دماغه
الحمدلله على رجوع المدونة :))
ربنا يستر
السلام عليكم
حمدلله على سلامتك انت والمدونة:)
نسأل الله السلامة لمصر وشعبها
الامر اصبح لا يطاق وفعلا سمك لبن تمر هندى وفيه ناس بدأت تلعب لصالحها مش لصالح البلد وطبعا مفيش اجمل ولا انسب من وقت الفوضى يعملوا لهم فيها قيمة ورصيد
وربنا يسترها بقى
تحياتى لك
حمدالله على سلامه مدونتك اسناذى
انا كمان طلبت مساعده اصدقائى بس محدش عبرنى
وكنت قلقانه عليك جد
ياريت تغير الباسورد وكلمه السر
ويارب تكون دايما بخير
سعيده بعودة مدونتك العزيزه
تحياتى
وانا نوووووووورا
انت هتخوفني يعني
انا كمان قلة مندسة عشان بقولهم مفيش تأجيل انتخابات هى اه الدنيا هتبقى حر اوي و اه الاجازة هتضيع زي ما اجازة نص السنة ضاعت و انا في امس الحاجة اني اصيع بقى بصراحة في الشوارع عشان مكبوتة من المزاكرة و مش عارفة ازاكر دلوقتي اصلا لاني اتاكلت عليا الاجازة اللي فاتت بعد ما كنت اشتريت مايوه جديد و حجزت خلاص في شرم و حوشت فلوس عشان اولع الدنيا هناك و في الاخر كل ده اضرب و جبت بالفلوس ساعة و قاموس جداد بس مش مشكلة يلا ثورة تفوت ولا حد يموت
بس مش كل اجازة هتضيع بقى بروح اهلهم طيب السنة دي اضربت و سكتلهم لكن يأجلوها و السنة اللي جاية كمان تنضرب لا بقى كتهم ضربة
عارف انا اكتر حاجة مخوفاني لدرجة اني خايفة اروح انتخب اني ادي صوتي لحد يطلع واطي في الاخر الموضوع ده راعبني جامد مع اني قلة مندسة و فلول زي اي حد بيتقال عليه كدا لو قال هينتخب البرادعي بس يله مش مشكلة
كلو بيتخانق مع كلو لدرجة كان في من يومين كدا اتنين ماسكين في شواشي بعض بسبب ان واحد عاوز عمرو موسى و التاني عايز البرادعي و زعلانين اوي من بعض روحت قولتلهم مالو عبود الزمر
D:
سلامي لك يافلولي يا زعيم الفلول و رغيت في ودانك كالعادة
الشعب انقسم الي قلة مندسة
وسلفيين واخوان
وناس مالهمش في البطيخ
وناس عجلة الانتاج
وناس اسفين ياريس
وناس ربنا يحرقك ياريس
وناس رجعيين
وناس كخه
وناس ......الخ
وفي النهاية مش هيحصل غير اللي عايزة ربنا
ربنا رحيم بمصر
ربنا شال عنا الغمة واطاح بمبارك بس اعوانة لسه موجودين ربنا برضوا هيريحنا منهم
المهم انك رجعت المدونة
استاذي العزيز فشكول
واحشني كتير من هنا لحد الهند
بالنسبة للثورات فهي مبتحصلش الا بعد حالات وسنوات طويلة من ظلم وفساد وبتكون في محاولات لتصحيح الفساد والظلم
اما نتائجها وخط سيرها
فده يتوقف على عوامل كتير اوي وكل بلد وطبيعته
انا حتى الآن متفائل جداً لأن ربنا كان معانا من الاول وجنبنا سيناريوهات مرعبه ولا زلت اثق بالله
مرحباً في المدونه :)
حمدلله على سلامة رجوع المدونة يا استاذ فشكول
اقولك حاجة كويسة انت سجل الميل بتاع المدونة والباسورد ع الموبايل ولو حتى برموز انت بس اللى تفهمها علشان مش تضيع تانى
تعليقى على البوست مش عارفة بصراحة اكون رأى
كل اللى اقدر اقوله ربنا يستر
المشكلة مش فى البرلمان حتى لو اتعمل بكره...المشكلة فى الفيديو ده
http://www.youtube.com/watch?v=hM8ZaG9gFac&feature=youtu.be
و ده لن ينتهى لان مافيش ارادة سياسية من السلطة الحاكمة و عشان كده فكرة وضع دستور عن طريق برلمان الوصول له يكون بالتدليس باسم الدين على اربعين مليون امى و لا يشترط اساسا فى مرشحيه سوى محو الامية هو الكارثة بعينها فمصر فى طريقها للنموذج الباكستانى...اقرا مقال عمرو الشوبكى اليوم لتتاكد
استاذى
ربنا يطمنك يارب
بس ما قلتليش ابشر بايه
على فكره كل كلمه على مدونتى من نزف قلمى مش عارفه ليه دايما تسالنى بقلمك او لا
المهم انك نورتنى وانى بحاول
وشكرا على الشحنه دى على الصبح
تحياتى
حمد الله على السلامه استاذ فشكول
كلنا فلول مافيش مشاكل
المهم مصر توصل لبر والمركب ترسى على خير
حمدالله ع السلامة
هو ده سبب عدم زيارتكم لمدونتي طب معلش أستاذنا إدينا منوقتك برهة
الفيس بوك زيطة هبة الله عملت صفحة وبتنقل بوستاتي هناك وانا حيسه ولايصة وحالتي بالبلهوهي مصرة وتقولي حاولي.
أما كونك مندس ولا فلول ولامع ولاضد
انمت أولا وأخيرا أستاذ فشكول رئيس جمهورية فلوشيسشكان الحرة وانا حاجزة وزارة التموين ومش حتنازل عنها أبدا
ربنا يديك الصحة وسلامي للحاجة ولجميع أفراد العائلة الكريمة
اتفق مع كريمة سندي
ان اي كلام وخلاص بيتقال على اي حد يخالف اي حد في الرأي
واعتقد برضه ان الصواب مش حكر على شخص ولا على طائفة
__________
مدونتك جميلة يا فشكول
والحمد الله على رجوعها مرة أخرى
هذه أول مرة أزور فيها المدونة
وإن شاء الله لن تكون الاخيرة
خالص تقديري لفكرك وقلمك
Casper
ابو الفشاكيل ذو المدونه التائهه والباص وورد الخفيه ...أصابنى مأصابك وتاهت مدونة لى كان فيها 4 ورقات بس ولما دوخت عملت واحده تانيه كاتب اسمها بالجاف على قاعدة الجهاز لأن الزهايمر مالوش كبير ...قرأت فلولك ومندسلتك والمرء فى حيرة البلد دى بتاعة مين بالضبط الثورجيه والا الشعب اللى قام والا الجيش اللى حمى وبعدين بطأاجراءات المحاسبة ...والا بتاعة الدقون والجلاليب القصيرة ...والاهى بتاعة بره واحنا موش عارفين ؟؟؟
لغه ساخره جدآآ
وجميله جدآآ
اولا بتهيألي انه مدونتك زعلت منك علشان هجرتها ورحت ع عدوها اللدود الفيس بوك ..
ثانيا والله الوضع بقى مظلم جدا مش بس في مصر ، في تونس كمان ، يعني كأنك يا ابو زيد ماغزيت ولا رحت ولاجيت ..الوضع مقلق .. ومخيف ..
ربنا يعدي هالايام على خير .. يا رئيس الفلول والقلة المندسة !
فكر رائع سعيدة بوجودي هنا
تحياتي
إزيك يا أستاذ فشكول
ربنا يرجعلك مدونتك سليمة
بص يا سيدى مشكلتنا الواضحة فى مصر أننا لا نسعى إلى الخير بل نتكلم فقط بلا سعى و كل شخص يحب لنفسه الزعامة على أى شئ حتى و لو كان خرابا مع أنه الأفضل أن ترضى بكونك جندى صغير فى جيش التطوير.
و لكن تقول لمين كله عايز يكون زعيم الخرابة، كله عايز يتكلم من غير ما يسمع ... و لك الله يا مصر
حمد الله على سلامه المدونه يا عمو فشكول ونورتنا من تانى
والله يا عمو انا معنتش فاهمه اى حاجه فى اى حاجه فيدأت اخد دماغى واروح فى الترااااااااااااوة هههههههههه
وحشتنا جداااااااااااااا
الحمد لله انك عرفت تتصرف
كتاباتك رغم انها بتبقى على مدي بعيد نسبيا لكن بستمتع بيها
انا برضه شايفه ان السمك واللبن والتمر هندي خربو الدنيا خالص
واهو كله عمال يغني
واول ماحد هيمسك ..هتلاقى اللى بيلوك لوك دلوقتى يقول ااااااااامين يا باشا
الا من رحم ربي
ربنا يستر ياعمنا
ننسى كل شىء ونبدأ ان شاء الله نستمتع كما كنا نستمتع قديما قبل ضياع المدونه
تقبل تحياتى الاحـــــلام
حمدالله علي السلامه والف مبروك علي رجوع المدونة
انا جيت اسلم علي حضرتك والحاجة والأولاد
تقبل تحياتي
يمكن رأي يزعل ناس كتير منى
بس انا هنا فى امبراطورية الفشكلة
.
.
الشعب المصري نجح انه يشيل حاكم وحكومة فى ثورة 25 يناير
بس نجح اكتر فى انه يجيب دكتاتور اقوى اسمه ميدان التحرير
وللأسف الدكتاتور دا مش عارف مصلحته فين ولا هو عاوز ايه
زى منجح فى ان يبرز مدى فساد الحكومة والحاكم
نجح كمان فى ابراز مدى فساد الاخلاق عند الناس
ربنا يهدى
ونعدي من الفشكلة دى على خير
وحشتني البوستات الجامده المتمرده دي
اولآ اخبارك ايه
ثانيآ عندك حق جدآ وده رأيك ويحترم
لكن انا شايفه أن اللعب اللي حصل في الاستفتاء والي محدش يقدر ينكره
هيحصل الاسوء منه في الانتخابات بماانهاالاول
وبكره تشووووووووووف
تحياتي يافشكول وبلاش المدونة تضيع تاني
حمدلله على سلامة مدونتك
وان شاء الله اللى حصل فى 52 ميتكررش تانى
بس المهم نعرف احنا الاول نحكم نفسنا صح قبل ما نطالب الحكومة بحاجة
السلام عليكم
عم فشكول انت فاكرني
انا مها = أسيرة اللوحة
و الله خايفه تكون ناسي
عموما حبيت اقلك كل عام و انت بالف خير و الله يجلك من عتقاءه السنه هذه في رمضان
و مبروك لمصر انجاز عظيم الكل كان ينتظره اكملو
دمت بخير
مها^^
راق لي ما كتبت ...
يسعدني أن تكوني من متابعي مدونتي :
http://thusmylife.blogspot.com/
استاذى فشكول
كل سنة وحضرتك طيب وبخير ومنور تدويناتى
رمضان كريم :)
ثقافة الهزيمة .. مغامرات البقرة الضاحكة
ما قصة لوسي أرتين؟
ـ لوسي أرتين كانت علي علاقة بالرئيس مبارك والعلاقة بدأت عن طريق زكريا عزمي وجمال عبدالعزيز، و كان فيه رجل أعمال مشهور بيحب يعرف مبارك علي فتيات من دول شرق أوروبا وحسين سالم كان متولي دول غرب أوروبا.
هل قصر الرئاسة كان يدار بهذه الطريقة؟
- القصر كان يدار بالسفالة والأسافين والنقار والقمار والنسوان وقلة الأدب ودا كل اللي كان شغلهم ومصلحة البلد بعدين .
هي سوزان كانت بتحس بالغلط اللي كان بيعمله الرئيس؟
- هي كانت مقهورة من اللي بتشوفه والنسوان داخلة طالعة قدامها واللي جايين من أوروبا الشرقية وأوروبا الغربية ومش قادرة تتكلم وبتبكي علي طول بسبب اللي بتشوفه وأحيانا كنت بأصبرها وأقولها مصر مافيهاش غير سيدة أولي واحدة، بس بعدها قرر الرئيس أن ينقل جلساته الخاصة في شرم الشيخ وبرج العرب
ھل تزوج علیھا؟
-لا ھو مش محتاج یتجوز .. البركة في زكریا عزمي وجمال عبدالعزیز. …باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى
www.ouregypt.us
كل سنة و انت و الاسرة بكل خير
عيد سعيد :)
صبحك الله بالخير والنور
عيد سعيد عمووو فشكوووول
كل عام وانت طيب
من العايدين الفائزين بإذن الله
أسأل الله أن يبارك لك في عمرك وأهلك
اللهم آمين
لك مني باقة عبيرها تقدير واحترام
http://fashkoooool.blogspot.com/
http://fashkoooool.blogspot.com/
زورونا تجدوا ما يسركم
تحياتى اخى فشكول
اسعدنى عثورك على مفاتيح المدونة
واتفق معك ان كل شىء ممكن يحصل ان لم يحذر الجميع ضياع منجز هذه الثورة العظيمة
نحن ايضا كانت لدينا ثورة عظيمة على نميرى الطاغية فى عام 1986
وقتها لم تكن هناك قناة الجزيرة ولا العربية, ولذلك هى ليست بشهرة الربيع العربى الآن , ولكنها ثورة ضاعت ولم تحقق تطلعات الشعب السودانى بسبب غباء السياسة
كل التمنيات باستكمال مسيرة الثورة فى مصر وكل الود والتقدير
فشكوووووول
بجد قلت فأعجزت - نحن الفلول والقلة المندسة - ومعلش آسفة للفظ والبلطجية كمان . لاادري هناك من يقف على باب بقك ومنتظر لك بالمرصاد لو طلعت كلمة غير مديح وتبجيل الثورة أصبحت فلول - وقلة وكل اللي عايزه. لاادري متى سنتعرف على ألف باء الديموقراطية - ومتى نعرف أن الحرية أساسها نظام وحدود وليس مجرد فوضى وتطاول. ليتهم يعلمون!!!! مبروك جدا عودة مدونتك
هموس
ثقافة الهزيمة .. عصابة البقرة الضاحكة
و دخلت مبنى رئاسة الجمهورية " قصر الأتحادية " فوجدت أسلاك شائكة و كلاب بوليسية و مدافع رشاشة و كأننا فى دولة من دول أمريكا اللاتينية أيام أنقلاب، و عند بوابة القصر وكنا نقوم بتسليم التليفونات ألتقيت بضابط من الحرس الجمهورى برتبة مقدم و أشاد ببعض مواقفى السابقة فى الكتابة عن النظام ، و من باب التبسط معه قلت له على فكرة أنا قلت لهم برنامج لو كانوا سمعوه لم يكن ليحدث ما حدث.
و تلقيت أغرب أجابة ممكنة من مقدم الحرس الجمهورى والذى يبعد 18 متر فقط من مبارك و مهمته حماية مبارك و الدفاع عنه ، قال لى أحسن أنهم لم يسمعوا .. و من الدهشة أعتقد أننى غبى فأضاف قائلا طبعا فهمتنى ، و دخلنا الأستراحة و قدم لنا شاى و فى هذه اللحظة أدركت أن مبارك قد أنتهى تماما و أنه لن تقوم له قائمة و أن أخر واحد كان يعلم ذلك هو مبارك نفسه. . ... باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى
www.ouregypt.us
السلام عليكم
فينك يافشكول
من 5شهور ولاتدوينة
امال مين اللي يدون
انازعلانه بجد
كل سنة وانت طيب عايزة المره الجايه الآقي بوست جديد لانج
ثقافة الهزيمة .. عصابة البقرة الضاحكة 3
وأنا تقديري الشخصي لهذه العملية الخاصة بسعاد حسني أنه لم يكن ثمة ما يدعو لأقتحام الغرفة عليها أثناء وجودها مع ممدوح والأكتفاء بمواجهتها بالصور التي حصلنا عليها من عملية الكنترول خاصة وأن الأقتحام تم أثناء ممارسة أوضاع جنسية وكانت سعاد عريانة،
وأذكر أنه في مرحلة من مراحل العملية كانت سعاد وممدوح متغطيين بملاية وكان ذلك من ضمن الأسباب التي دفعت إلى التفكير في الأقتحام أنما هذا لا يمنع من أننا ألتقطنا لهم صور قبل ما يتغطوا بالملاية، وقد كانت هذه العملية الخاصة بسعاد حسني هي أول عملية نلجأ فيها إلى هذا الأسلوب في التجنيد وهو ضبطها متلبسة.
باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى
www.ouregypt.us
عمو فشكووول
أولا كل سنة وحرتك طيب وبخير والعائلة الكريمة بأفضل حال
ثانيا : إن كان عشان دا رأي حضرتك تبقى من الفلول.. فأنا رأيي ننتخبك رئيس الفلول على أن نكون نحن رعاياك.. لإننا يظهر فلول بردو :)
والله أنا أعرف واحدة ايرانية بتتريق على قصة الثورة عندهم فبتقول إن كان الشاه له جيب مثل جيب البنطلون بيخبي فيه فلوس ايران.. فالخميني له جيب معدي ركبته :)
يعني الفساد زاد ولم يقل.. ربنا يستر على مصر..
بحس إن الناس بتتكلم أكتر ما بتحاول تعمل اي شيء
عارف يا عمو بيفكروني بالقوم اللي "لا يكادون يفقهون قولا" اللي كانوا منتظرين حد يبنيلهم سد ولما جالهم ذو القرنين قالوله ابنيلنا سد.. الله طيب قاعدين وحطين ايديكم على خدهم وعاوزين السد ينزلكم من السما مثلا؟؟.. مانتم لازم تشتغلوا..
ياللا .. ربنا يستر ويعدي الفترة دي على خير..
الف ألف مبروك لعودة المدونة يا عمو
ثقافة الهزيمة .. عصابة البقرة الضاحكة 4
قال المهندس عبدالحكيم عبدالناصر عقب جولته بقرى الأصلاح الزراعى فى إيتاى البارود : «للأسف الذين قاموا بالثورة لم يحكموا، والثورة لازم تكمل حتى لا يورث الأغنياء الغنى، والفقراء الفقر».
وأوضح أن عائدات قناة السويس منذ تأميمها بلغت نحو 73 مليار دولار، منها مليار واحد فى عهد عبدالناصر أقام به مشروع السد العالى، وكان يجب بناء 10 مشروعات مثله على الأقل، وقال: «لكن كلنا عارفين الفلوس راحت فين، وعارفين أننا بلد غنى يراد له الفقر». ...باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى
www.ouregypt.us
السلام عليكم
ازيك يا عمنا أخبارك ايه والله وحشني التدوين ووحشني حضرتك جدا
..
وطلعت فلول ماشي برضه لسه فيه محبة
:D
إرسال تعليق