الجمعة، 26 ديسمبر، 2008

سومه وصلت

البت سومه جات وبتصلح المدونه متاخدوش فى بالكم
تحديث
يا سلاااااام البت سومه دى بتعرف حاجات كتير قوى وعملت حاجات كويسه وبرضه علمتنى اعمل ايه بقى لما اتزنق ..
بس هى يعنى ما عملتش اكتر من اللى فشكول كان حيعمله .. هى حكايه والا ايه .. اصل فشكول بيعرف يفشكل فى كل حاجه يعنى حيعجز عن شويه كمبيوتر .. ههههه
أظن شكلها بقى احسن شويه .. مش كدا يا صفاء

هناك 26 تعليقًا:

AhMeD RaDy يقول...

بسم الله

السلام عليكم

طب شوي توضيح . اى معلومات .. اى تلميحات

على فكرة بقى .. البوست دا عامل زى بيانات الحكومة .. محتاجة فك شفرة :D

صفـــــــاء يقول...

.
ايوة والنبى وابقى قولها يا ست سومه تصلح الخزعبلات واللوغاريتمات اللى انت مليت بيها المدونه دى يسترها

احمد بدر الدين يقول...

اخيرا
انا اكتر واحد حاسس يالمعاناة دى
اى والنبى يا سومة
غيرى المدونات الى فى الحنب دى
اللة يخليك يا عم فشكوووول
اتعلم بالمرة الميل وخلافة
عشان نعرف نتواصل
اه
الحمد للة
يلا سلام
ركز واتعلم

الازهرى يقول...

يا خوفى يابدران

اسمى ثم اسمى ثم اسمى

اياكم والاضرار به

maha zein يقول...

ليه هو في ايه في المدونة
عموما اتمني حضرتك تدعيلي لان السيمنار بتاعي يوم الاحد
عذرا عن التأخير
بس اكمني بحضر بقه والجو ده حضرتك عارف
الحمد الله ان سومة وصلت
الا هو في ايه

همس الاحباب يقول...

حمدلله على سلامتها
وربنا يستر
احسن سومه انا عارف عمايلها
كل سنة وانتم بخير
وسنة سعيدة عليكم

حد مش فاهم حاجه يقول...

حمدالله علي شلامة شومه
مين شفاء دي

سمكه واحده يقول...

سومه وصلت يا جدعان
حمدالله علي السلامه
انا جايه اقلك ان لقيت شكاوي كتير جدا جدا منك من البنت اللي في مدونتي وبتقولي عم فشكول رايح جي يعاكس فيا وبعدين ياعم فشكول مش كده امال البنت جايه زياره عندنا وضيفه ولا عايزيني اقول لطنط
ياطنط يا طنط تعالي الحقي عم فشكول ا... اقول هه اقول
طب هات ربع جنيه وانا مقلش
جايه اسلم عليك واقلك عامل ايه حضرتك
جيت اسأل يارب تكون بخير
تحياتي
سمكه

محمد الجرايحى يقول...

عمنا الجميل : فشكووول
السلام عليكم ورحمة الله وبركاته
أنا أول مادخلت المدونة ظننت أننى أخطأت فى العنوان....
على البركة وتطويرات رائعة إلى الأمام

أخوك
محمد

~*§¦§ Appy §¦§*~ يقول...

قولهااااااا وحشتنى ابى يا قرعه مووووووووت ابقى كلميها بجد مفتقده شقاوتها اوي اوي يا عمو فشكول قولها ترجع الفرده الشمال دي

طـــائر الليــــل الحـــــزين يقول...

ايوة كده يا سومة
بس بالمرة علملنا عم فشكول
عشان يعرف يفشكل اكتر من كده
تحيااااااتى لعم الشباب
كنت حبة ابقى متوجدة حتى لو بكلمتين

ghorBty يقول...

السلام عليكم

انا مش فاهمه حاجه الصراحه بس علي العموم الحمد لله علي سلامتها

شكلها كدا فيه تغيير في المدونه علي العموم الي الامام

ياريت تشرفني في بوستي الجديد

غربتي

رئيس التحرير يقول...

السلام عليكم ورحمه الله وبركاته.
--------- بس والنبي ما تنساش تقلها رئيس التحرير الي ما بقاش رئيس حاجه زعلان منه ومنك ...والزعلان يبات غضبان أو جعان ....شكرا ياعم الفشاكيل كلها..

mohamed ghalia يقول...

حمدا لله على السلامة
متجمعين على الحب دايما

رئيس التحرير يقول...

السلام عليكم
انا مش زعلان ولا حاجه ..بس بفش غلبي ..
حتي الفش ما نعرفش نفش الغلب .
لا فشكله نافعه فيه ولا فركشه و لا رئاسه ...بس ايه الي ينفع مع الغلب غي الغلب يغلب عليه ولو الغلب غلب الزمالك اسمنت اسيوط يشتغل ايه ولا بني عبيد النهارده ...حتي الغلب غالب الزمالك اوعي تكون زملكاوي ازملك ...ازعل منك بجد...

رئيس التحرير يقول...

حلوه صوره الواد محمود وهو علي الكومبيوتر ...بجد الي يشوفه يفتكره ود فشكول ...ولا الولا احمد الامور دا ربنا يحرصهم ويخليهملك يارب ...
انا يا عم علشان ما حدش يزعل مني زمهلاويسماعيلمحلاوي..فركشاوي ناوي ابطل لعب كوره خالص علشان فضايح الزمالك...ربنا ما يزملكلك كوره..

رئيس التحرير يقول...

يا عم انا قلت لك العيال طفشو ...وسهران لمبارح والله يعني معاك كده لحد بعد العشا انا ماعنديش شغل النهارده ولا بكره عني ان شاء الله معاد مهم جدا الأسبوع الي فات وخايف احس اتأخر عنه ..يا عم لو انا ما زعلتش نفسي مين يزعلني ...احنا كده نكد ما نعرفش نعيش من غير نكد ...بكره نكد بوكره...

واحد من العمال يقول...

عمنا العزيز / فشكول

مبروك التصميم الجديد جمبل بجد

وربنا يخليلك سومه

بس يارب مترجعش وتفشكلها

ووحشتنا طلتك ومحبتك

ودمت بخير

أحــوال الهـوي يقول...

ايه الوجاهه و الحلاوة دي ... صورتك هايلة

و النيو بوك بتاعك جميل جدا تحياتنا للست سومة
و نفسي حد يساعدني في تزويق و تحسين شكل مدونتي اللي عاملة زي جريدة الرسالة بتاعة زمان

بسم الله ماشاء الله حفيدك زي القمر فمن شابه جدو ما ظلم

تحياتي

صفـــــــاء يقول...

.
لا يا عم فشكول دى مش قلعه دراكيولا حرام عليك

دة بيت بابى اللى ورثه عن المرحوم جدو من ترانسفاليا ايام ما كان بيحكمها مع فلاد المخوزق

شوفت بقى انى بنت عيله وانت ظالمنى؟
.

وفاء بركات يقول...

هو حصل تغير وكل حاجه بس الشكل بتاع الست دى فشكوله ولامش مغسوله ولا آيه
ولا ده لزوم تخويف أحفاد حضرتك ... شكلها مش عاطفي خالص فيه ناس فشكوليين بس يتشافو
تحياتي فليسوفنا أ. فشكووووووول

ماما أمولة يقول...

على فكرة كان ليا رد راااااااااح فين

قلم رصاص يقول...

هههههههههههههههه

حمدلله على سلامتها

اهم حاجة المدونة لسه بخير

سلام ياعمو صلاح

soly88 يقول...

فشكول باشا مبروك النيو لوك وشكله هيعمل شغل كويس
كل سنه وانت بصحه وسعاده

assafo anaroze يقول...

bonne anneé camarde fachkoole
رفيقي فشكول
ما جدوى الدعاء مع الة عسكربة متوحشة و تواطئ عربي مخزي
علينا سيدي ان نبدا اولا بتوعية الشعب التوعية الحقة بحقوقه و ان نوصل له حقيقة مفادها انه مستهدف من طرف السلطة الحاكمة باستيلابه اعلاميا و في المنظومات التعليمة و تدجينه وفق اطروحات النظام الحاكم المسيطر خدمة لاهدافه في الخلود في الحكم و توريثه لكن هيهات و هيهات سياتي زمن سينقضي فيه الاستبداد لكن عندما تتوحد القوى الحرة و المتنورة و خصوصا اليسار الجذري من اجل الدفاع عن الشعوب و استنهاضها انذاك بامكاننا ان نتحدث عن امكانية التغيير
لي زيارة قريبة لمدونتك
مودتي

يوميات نائمة في الأرياف يقول...

فعلا يا بابا صلاح انت شفت الحلوة بتاعتنا؟
اصلا اللي كان بيشتغل عليها قبلي واحد كفيف بصراحة بيشتغل عليها حسن مني
******************************
كل سنة وانت طيب ويارب سنة جديدة سعيدة عليك وعلى كل الللي بتحبهم يارب
رنا