الخميس، ٥ مارس ٢٠٠٩

ملكيون اكثر من الملك

السلام عليكم ورحمة الله وبركاته
اخوانى واحبائى ... تحياتى


ها قد عدت من رحلة عمل بدأت يوم الاحد الماضى وانتهت اليوم وكنت خارج بيتى
واعتذر للتأخير فى الرد على جميع احبائى والذين جاؤونى وعلقوا على موضوع الحرب اللذيذه بينى وبين زميلى وحبيبى فركشاوى .. وبعد انت وضعت الحرب اوزارها بيننا وانتهت بالصلح .اعود اليوم وابدأ فى التعليق والرد على جميع احبائى.

ومن ضمن ما جائنى من تعليقات تعليق الأخ / فارس عبد الفتاح الذى اعتز به كثيرا وبزياراته لى واعتز ايضا بزياراتى له ولكنه بعث لى بتعليق بناء على تعليق لى كنت كتبته عند بنتنا العزيزه مرمر فى سجال بينها وبين المدون الشاعر وقلت رأيى عند بنتنا مرمر بصراحه وجاء العزيز فارس وكتب تعليقه التالى :


فارس عبدالفتاح يقول...
استأذنا الفاضل المحترم / فشكول تحية فائقة وبعد ، بالإشارة إلى الحوار الذي كان بينك life is still smiling on u وبمشاركة مواطن مصري نايم ، بخصوص الكلام عن عبد الناصر وعن انجازاته وعن ما قد فعله بتأميم القناة وغيرها .فانا لن ادخل في جدال أو حوار طويل لكي اثبت أن عبد الناصر كان على صواب أو كان على خطأ ولديه الدلائل على صوابه ودلائل قاطعة لا شك فيها وبالوثائق المفرج عنه من الأرشيف الانجليزي والأمريكي والفرنسي وهذا ليس موضوعنا ، فانا دخلت في مثل هذا الجدال تكرارا ومرارا ولا أريد أن ادخل فيه مره ثانية .ما قد استفزني فعلا هو اتهامك لعبد الناصر وهناك أيضا الكثير يعتقد بأنه كان يخاطب عاطفة الشعب المصري والشعوب العربية جمعاء وهذا من واقع القراءات السطحية التحليلية لخطابات وبيانات واستعراضات الرئيس عبد الناصر أمام الجماهير المصرية والعربية .وقارنت بينه وبين القذافي وكنت أتوقع أن تقارن بينه وبين صدام حسين أيضا وهذا أمر غير مقبول إنصافاً لهذا الرجل وتاريخية .المهم فلا أطيل إذا أردت أن تراجع نفسك في مقولة أن عبد الناصر كان يخاطب عاطفة الجماهير المصرية والعربية وهذا من واقع إحقاق الحق لأهلة واحترام النفس والعقل والنظر في التاريخ بجدية وحيادية بدون أحكام مسبقة أو قراءات لا تخلو من السطحية والسذاجة وأحيانا المأجورة وأحيانا الضالة وبعض الذين ينادونا بالليبرالية .فأرجو وبكل أدب أن تقرأ بتعقل وبتفحيص وتمحيص وإحاطة بخطابات الزعيم الراحل .وبالأخص الخطابات التي كانت بعد النكسة وبيان مارس وخطاب إعادة بناء الجبهة الداخلية .واستعراض نتائج النكسة .وخطاب طلبة جامعة القاهرة والمثقفون لشرح لهم بيان مارس .وتوجد هذه الخطابات بالصوت والصورة على موقع الزعيم بموقع مكتبة الإسكندرية .فانك سوف ترى بعقلك وكونك وكينونتك انه يعبر أن آمال كل العرب وكل المصريين وكل إنسان في العالم يريد آن يكون لدية دولة محترمة ومجتمع مستنير ولدية ثقافة ووعي بما يدور حول لأنه كما كان زعيم مصري وعربي كان زعيم عالمي أيضا ومن رواد التحرر الوطني في إفريقيا وفي جنوب أميركا وجنوب شرق آسيا أيضا والتاريخ يخبرنا بذلك أخي الفاضل .وارجوا أن تمحص بعقلك الأسلوب والديباجة والمفردات والمعاني والدلالات التي كانت في خطابات السيد الرئيس جمال عبد الناصر في جميع خطاباته وخصوصا بعد النكسة التي تظهر بشكل منقطع النظير عظمة وعبقرية وشموخ ومجد هذا الرجل .وأيضا تمثل صمود وإيباء هذا الشعب المصري والأمة العربية ككل .ولكم مني كل الاحترام والتقدير فارس عبد الفتاح ... قومي عربي.



تعليق فشكول:


يا سيدى العزيز ... انا لن اناقشك فى مضمون التعليق كثيرا فهناك الكثير ممن يتفقون مع عبد الناصر ومنهم حضرتك وهناك الكثير ممن يختلفون معه وانا منهم .. ولست هنا فى موقف الهجوم على عبد الناصر أو الدفاع عنه فاللبيت رب يحميه.

ما يهمنى هو دفاعى عن نفسى فقط .. فالاخ فارس يطلب منى احترام النفس والعقل وحكم على بالسطحيه والسذاجه والعماله .. ولا ادرى ما هى هذه العماله فكل من يطلب ان نتقدم ديمقراطيا يقولون عليه عميل .. ويتهمنى ايضا بقلة الادب وانا اعرف عن الاخ فارس الادب وانتقاء كلماته بعنايه ودقه ولا ادرى لماذا افلتت منه هذه التعبيرات.
اما تعليقى البسيط على هذه الرساله

- طلب منى الاخ فارس قراءة خطابات الراحل بعد النكسه وبيان مارس وخطابات اعادة بناء الجبهة الداخليه .. والرد
- اقرأ ماذا .. وهل بعد العيد ينفت الكحك .. حدثت النكسه وكان عبد الناصر هو القائد الاعلى للقوات المسلحه .. اى انه كان المسئول الأول. وهل هذه النكسه كانت شيئ هين وهو المسئول الاول عنها.

- ولماذا اعادة بناء الجبهة الداخليه .. لماذا لم يوضع اساس لكل شيئ من الاول .. لماذا لم تعد البلد للحرب بالطريقة الصحيحة .. لماذا لم يعد الجيش للحرب بالطريقه الصحيحة .. لماذا لم يتسلح الجيش بالاسلحه الحديثه والصحيحة ... لماذا ... لماذا ...لماذا؟ ... لماذا اعاده .. لماذا لم نذاكر للامتحان جيدا فندخل فننجح .. من جد وجد ومن زرع حصد.

- اما كونه كان زعيم عربى .. يا ساده لا نريد زعماء .. يا ساده لا نريد مهيبا .. يا ساده لا نريد مفدى .. نريد فقط رؤساء ينفذون ويعبرون عن شعوبهم .. شبعنا من حكاية الزعماء والرؤساء والمفدى والخالد والمهيب والقائد وابونا وامنا وانور وجدى وفيروز .. وهذا السفه الكلامى الذى نحن فيه.

كان عبد الناص يعبر بالنيات .. اما الافعال ..كفايه علينا النيات .

وارجو من الاخ فارس الا يتهم من يخالفونه فى وجهة نظره بالاتهامات التى اتهمنى بها .. فهو كما قلت ينتقى كلماته بعنايه وعلينا جميعا ان نعى جيدا ان من ليس معنا فهو علينا .. من ليس معى ليس بالضروره على .

والسلام عليكم ورحمة الله وبركاته

هناك ٨٢ تعليقًا:

mohamed ghalia يقول...

هدى نفسك بس ياعمى فشكول
تعلمنا أن الإختلاف لا يفسد للود قضية
والراجل مات وخلاص
خلونا فى البلاوى الى بتحصل دلوقتى
البلد اتباعت ياجدعان
واكيد مش عبدالناصر الى بعها !
فكروا فى دلوقتى والى جاى ياجماعة

mohamed ghalia يقول...

نورت مدونتك من جديد
بجد إفتقدناك يا عمى فشكول وافتقدنا الفشكلة هههههههههههههه

صفــــاء يقول...

.
عمنا الكبير
أتفاقنا او اختلافنا على شخص لا يجب ان يصل لدرجه من المواجهه الشخصيه فكلنا نتحفظ على بعض او نعترض وليس منا من يوافق موافقه مطلقه ولا حتى على نفسه والرضاء التام والكمال الأسمى هو لله وحدة
هل انا احب عبد الناصر ؟
نعم وبشدة
هل أعجبتنى طريقه أدارته لدوله بحجم جمهوريه مصر العربيه ؟
هنا لى العديد العديد من التحفظات

معلش يا كبير بس اعتقد ان الاخ فارس مكنش بيتهمك انت بالسطحيه او العماله وانما كان بيتكلم عن كتابات عامه وكتيرة ومعروفه هاجمت عبد الناصر واعتقد يعنى انه بيطلب منك تقرأما قال بعيد عن التأثر بتلك الكتابات
وبرضه اعتقد انه حين قال لك أرجو وبكل أدب ان تقرأ فهو كان يصف حالته هو حين طالبك بأسلوب مؤدب من قبله ان تعيد القرأه
وليس أن تقرأ انت بأدب فانت أهل لكل أدب وذوق ومجامله وتعاطف مع كل المدونين
سيدى العزيز انا لا أطلب منك او منه أعادة تقييم مواقفكم ولا البحث عن المسؤل عما حدث منذ 40 عام ولكنى فقط ومن واقع ما ذكرت انت وبالحرف هذا هو تفسيرى لمعنى التعليق الوارد من الاخ فارس
ولا احب ان تشعر ان هناك من أهانك فليس منا من يجروء وان كان قد وجب التذكير بأنه لا يجب ان يفسد أختلافنا لعلاقاتنا المحترمه ببعضنا قضيه وان لا نسرف فى استخدم عبارات تجرح وتهين من نحب ونحترم
أسفه للأطاله ولك جزيل تقديرى
.

صفــــاء يقول...

.
أسفه للتعقيب ولكن وجب تنويهى ان كلمه ضاويه كما ذكرنى الاستاذ بيرم هى جائعه
وفعلا اعرف ان معنى ضاويه = ضامرة جوعا
لكنها فى حاله البوست السابق فعلا كانت غلطه كتابيه ولا تقصد المعنى الذى أعنيه لذا قمت بتصحيحها
.

عروسة يقول...

عودا حميدا وحمدلله علي السلامة اتفق معك كثيرا ولو علي مقارنة بين عبد الناصر وقذافي فلماذا لا نقارن برئيس جمهورية تحمل كثير من الانتقادات والسباب واتي لنا بنصر فنحن نريد افعال وليس خطب واقوال
دمت بالف خير يا استاذنا

صبرني يارب يقول...

ياااااااااااخبر

زعلت منه خااااااااالص



امسحها فيا انا يا ا ستاذنا حقك على راسنا كلنا


احنا هانفضل طول عمرنا ما نعرفش نختلف باحترام

هانفضل طول عمرنا ما نعرفش يعنى حرية راي

عشان كده هانفضل طول عمرنا ربنا مولي علينا المتغطرسين والفشله دول

بالنسبه لعبد الناصر

يا سيدى ماااااااااشي كان زعيم وكان فله وباشا

بس له سقطات لاتغتفر دفعنا احنا تمنها كشعب ووطن ودوله بتعاني طول عمرها

على راي حضرتك هى النكسه دي قليله ؟؟؟؟؟؟؟؟؟؟؟

كفايه انهم استهبلونا سنين طويله يقولك الاسلحه كانت فاسده

وخيااااااااااااااااااااانه

والاخر اتضح ان الاسلحه كانت سليمه بس الجيش مش متدرب عليها

وده كلام من بؤ الناس الى كانت بتحارب يا جدعان مش تأليفه

وكلام منطقي جدااااا

وحتى لو كانت الاسلحه فاسده هو مين الى شاريها ؟؟؟؟؟؟؟؟
امي ؟؟؟؟
لا سألتها قالت مش انا

مافيش حد من حقه يحاسب عبد الناصر الا احنا شعبه

ومش عبد الناصر بس
كل الحكام الى وردوا علينا

والى كلللللللهم لهم سقطاتهم مهماااا عملوا من انجازات

والله العظيم لو كانت مصر حكمها فعلا حاكم مخلص لمدة عشر سنين كان بقى حالنا غير الحال

والنبى سبوني ساااااااااااااااااااااااااااااااااااكته هاتودينى فى داهيه


لتاني مره ما تزعلش يا استاذنا حقك على راسنا

يا وحش يافارس زعلانه منك عشان زعلت استاذ فشكول

وحمد الله على سلامتك

marmar يقول...

عمي فيشو
نقاشك الحاد بينك وبين الاخ فارس
جعلني اشك في نفسي انني سبب كل هذا
ولكن يا عمنا
الاختلاف في الرأي لا يفسد للود قضيه
يعني هو تبعي وبيحب ناصر عشان شايفينه بعين الحق وعين الصح
وشوفنا كل حاجة عظيمه عملهالنا
وعملها لبلده ولولاه مكنش يبقى في خير لسه في البلد دي
وحضرتك شايفه شيطان رجيم عشان اسباب بعيده تماما عن عظمه عبد الناصر
الناس احرار فيما يشعرون به ويحسونه
وعندما استعنت بخبره حضرتك الزمنيه في مناقشتي مع الشاعر في هذا الموضوع
ظننت بأنك سوف تقف بجوار عبد الناصر
ولكن هيهات واخطأت الظن
ولكني لم اخطأ الاحترام والود التدويني في حضرتك ابدا
دمت طيبا

مواطن مصرى نايم يقول...

عم فشكول يا كبيرنا مش تزعل من فارس
هو مش يقصد حضرتك بالكلمات دى اكيد هو بيتكلم مش عن حضرتك
و بيحاول يوضح لحضرتك انه مع عبد الناصر كليا يعنى
مش تزعل بقى يا كبير
و مش معنى اننا نختلف على حب شخص
نختلف على ود و احترامنا لبعض

تحياتى

dodda يقول...

العزيز جدا ابو شعر ابيض وقلب اكثر بياضا فشكول
ازيك يا ريس بلاش يازعيم؟؟
تغيب كل ده وترجع برضه بحرب
هو مفيش سلام خالص؟؟؟

المهم اللحمه جامده جدا " كمونيه"
بس ومافيش نفس للاكل!!!

كان نفسى تيجى حفل توقيع انا انثى ونشوفك..
المره الجايه لازم تيجى ماشى
ابقى تعال
انت مبتجيش ليه؟؟؟
سلام

غير معرف يقول...

أستاذنا الكريم: أحمد( فشكووول)
السلام عليكم ورحمة الله وبركاته
حمداً لله على عودتك الطيبة
قد يرى البعض أن الرجل مات ..وعلينا النظر للمستقبل...
وأقول لهؤلاء النظر فى الماضى ودراسته واتخاذ العبرة منه هو مايجعلنا نعيش الحاضر ونصنع المستقبل..ومن لايقرأ التاريخ يكتب عليه إعادته..وهانحن ندور فى حلقة مفرغة وكلما تقدمنا خطوة رجعنا خطوات ..والسبب لأننا لانقرأ الماضى قراءة موضوعية بعيدة عن العواطف والميول الشخصية..
وفترة عبد الناصر فترة لايمكن أهمالها لأنها صنعت كل مانعيشه الآن.. نعم كل مانعيش فيه الآن هو صنيعة فترة عبد الناصر ولمن يريد أن يتأكد يقرأ التاريخ جيداً.

وتقبل أخى تقديرى واحترامى
أخوك
محمد

هانى زينهم يقول...

اولا حمد الله ع السلامة
ثانيا عبد الناصر حاكم زيه زى غيره اصاب واخطأ وان كنا احنا كشعب اديناه اكتر من حقه بكتييير . وبخسنا السادات حقه بكتيييييييييير . بس احنا كدة بيعجبنا اوى الكلامنجية واللى بيثبتونا من غير افعال .يا استاذنا لو ابنك غلط مين المسئول ؟؟ ولو تلميذ غلط مين المسئول ؟؟ ولو الزعيم والقائد والثورة ساب البلد لعصابة كانت يا عينى بتعمل كل حاجة من وراه يبقى مين مسئول ؟؟ ولو البلد راحت فى 6 دقايق بضربة طيران مين المسئول ؟؟ تحياتى يا عمنا .

الفقيرة إلى الله أم البنات يقول...

حمدالله على السلامه يا استاذ فشكول
ولا تغضب واختلاف الرأى لا يفسد للود قضيه
انا احب الرئيس أنور السادت ...خلى بالك رغم إنه منوفى!!!!!!
والرجل كما له انجازات عظيمه كانت تحصد نتائجها فى العهد التالى إلى ان توقف الحصاد وبدأت تظهر مشاكل أخرى ..لن اتحدث ف السياسه
بس انا بحب السادت رغم أخطاؤه
يكفى انه هو الذى بث النخوة فى عروق جيشنا..ورد لنا اعتبرنا
واما عبد الناصر لم اسمع عنه خير ابدا" رغم انه توفى وانا عندى 6 أعوام..ولكن لم اسمع عنه خير
ولا اذكر من عهده سوى عندما كان يخطب كنت آخد من ابى بضع مليمات لأشترى قصة اقرأها.وأجد فى كل المحلات الاذاعه تذيع

استاذ فشكول
دعك من كل الاختلافات
اشتريت حلاوة المولد للأحفاد؟؟
والاسعار إيه؟

د. ياسر عمر عبد الفتاح يقول...

بغض النظر عن جميع الأفكار
بس ميصحش كلام الأخ فارس
رغم إنه أكيد ميقدش يا عمنا أكيد الكلام ده ليك

وبعدين إحنا إخوة كلنا .. ومش عاوزين حد يزعل


على فكرة أنا بأيد وجه نظرك يا عمنا فشكول فى عبد الناصر
ويمكن بزيد عليك حاجات تانية كثير جداً
لكن هوه الراجل أفضى لما قدم وله أو عليه من الله ما يستحق

الازهرى يقول...

لا تعليق
فالكلام بخصوص حرية ابداء الاراء منتهى ول يحتاج الى تعقيب

اما بخصوص فترة عبدالناصر ففيها الكثير من الحديث بعض منه هنا
http://yasser-best.blogspot.com/2008/11/10.html

ويمكنكم تتبع الكثير فى هذه المدونة من التاريخ الحقيقى لتلك الفترة

أمل حمدي يقول...

اخي الكريم فشكول

حمد الله على السلامة

سلام

أمل حمدي يقول...
أزال المؤلف هذا التعليق.
نفرتارى يقول...

بابا العزيز ،،

على فكرة انا من انصار عبد الناصر وبجد انا بحبه اوى .. انا فعلاً ما عشتش عصره لكن بحترمه وبقدره ..
بس كل الكلمة ده لا هيودى ولا هيجيب وخلينا فى حاضر وبلاوووووووووووويه .

تحياتى ،،

نفرتارى

غير معرف يقول...

السلام عليكم و رحمة الله و بركاته :


كانت قناعاتى ولاتزال بان الحديث عن الماضى لتحليله و أخذ العظه منه شئ جيد لكن علىَ الا أظل هناااااااك .. و ان كان من مات فقد افضى الى ربه له و لا نملك له الان الا الدعاء .. فان قناعاتى دوما ان من صنع يوماً التاريخ لابد للتاريخ يوماً أن يحاسبه ..
و لابد لنا ان ندرس جيداً الواقع الذى تمت به الاحداث لاتفهم واقع ما كان يدور بعقول صانعيه لتأتى نظرتى بعدها انا لتلك الاحداث حتى يكون الامر أكثر انصافاً ..


و جمال عبد الناصر -رحمة الله- كان بلا شك يوماً ملء السمع و البصر فهو حكم كما لم يحكم أحد .. سلطه مطلقه .. تأيد شبه مطلق من شعبه .. كاريزما كانت ولا تزال حديث الجميع .. و ان كان عبد الناصر قد شارك ف الانقلاب العسكرى الابيض او ما يُسمى مجازاً الثورة .. و ان كانه هو من أمم القنال .. و انهى الاقطاع .. و اخيراً كانت حرب الاستنذاف ..

فان لا شك فيه انه ايضا انه هو هو من انقلب ع حلفائه "الاخوان" فقتل و شرد و سجن الكثيرين منهم .. شاهده عصره ما لم يشهد عصره قبل و لا بعده من فساد و استغلال للنفوذ و السلطه للمصالح شخصيه بحته متمثلاً ف مجلس قيادة "الثروة" و ليس الثورة .. كما انه هو صاحب فضيحه 67 التى وضعت انف مصر ف وحول الصهاينه ..

و ان كنت اود ف الحقيقه ان يتابع الجميع الحلقات التى قام بتسجلها المحاور "احمد منصور" مع اللواء"جمال حماد" و كيف يتكلم بكل اسى و حزن عن عصر شاهده و شارك فيه ..


أعتذر للاطاله و للجميع التحيه

عمرو جويلى يقول...

السلام عليكم
فشكولى العزيز:
حمدا لله على سلامتك
أما عن عبد الناصر فهو سبب ما نحن فيه الآن إحتلت أرضنا وذلت كرامتنا بسبب عبد الناصر بدليل وكان يحيط به أهل الثقة وليس أهل الخبره بدليل رقبتى يا ريس .وما كان حادث المنشية وخطاب التنحى إلا تمثليه من تمثلياته على هذا الشعب المسكين فكان عبد الناصر يجيد فن التمثيل .ثم نفسى أسأل سؤال لقد قامت ثورة يوليو على ستة أهداف ماذا تحقق من أهداف ثورة يوليو فى عهد عبد الناصر .
أنا أقول ذلك الكلام وأقسم بالله بأنى لا أنتمى لأى حزب أو أى جماعة ولكن هذه قناعتى الشخصية .
تحياتى

عمرو جويلى يقول...

السلام عليكم
فشكولى العزيز :
بالمناسبة لقد قمت بعمل إيميل على الهوتميل حتى أتحدث معك فأجد إيميلك دائما مغلق .
أرجو أن تفتحه
تحياتى

عمرو جويلى يقول...

السلام عليكم
أستاذنا
لو كان فيه عدل بعد هزيمة1967 احوكم عبدالناصر وأعوانه بالإعدام رميا بالرصاص بتهمة الخيانة العظمى
فيه يا عالم رئيس دولة يسلم البلد لةاحد عشان صاحبه
تحياتى

M.a.r.y.o.o.o.m يقول...

يعني انا اسيبك اسبوع عشان نفسيتي زي الزفت عشان النتيجة اجي الاقيك كاتب بوستين طبعا ربنا يزيد ويبارك بس براحه شوية وكمان ادعيلي تاني عشان بجد لسه مش طلعت وحسه اني هموت انا لسه مش قريت حاجه هقري وبعدين اعلق

M.a.r.y.o.o.o.m يقول...

انا من رأيي إن كل واحد ليه مفاهيمه الخاصةى سواء كنت حضرتك بتحبه او مش بتحبه وكل واحد فينا بيبقي عنده رأي مؤسد ورأي معارض والمفروض نحترم قرارات بعضنا وبعدين الموضوع انتهي المفروض نفكر في اللي البلوة اللي احنا فيها
تحياتي

ريمان يقول...

السلام عليكم


انا كييييييييييت

على فكره

انا كنت هاجى وانا زعلانه بس اما عرفت ان كان عندك شغل قلت خلاص سماح بقى لانك كنت مشغول ومش جيت تشوف البوست بتاعى الجديد

المهم يا قمر حمد الله ع السلاااااامه

نورت مدونتك والله بجد

ومش تغيب علينا كده كتييييييييير


وبعدين مين ده اللى يقدر يزعلك ؟


لا لا

مش تزعل ابدا ابدا

بالرغم انى مش اعرفه
بس والله زعلت منه جدا

لان المفروض الاختلاف فى الراى لا يفسد للود القضيه

والمفروض ان كل واحد يتناقش مع التانى بحب واحترام حتى لو هيختلف معاه

معلش ولا تزعل ابدا ابدا

وبعدين يعنى عبد الناصر زعيم زى اى زعيم تولى الحكم على مصر

ليه عيوبه برضه

مفيش حد كامل

وبعدين ما كفايه موضوع النكسه ده

المهم يا قمر مش تغيب عننا خاللص ولا تزعل نفسك ابدا ابدا

يلا بقى منتظرين موضوعك الجديد ومنتظرين الفركشه الجديده

سلام ياطيب فشكول

عاشقه وغلبانه يقول...

احنا كشعب مصري نفتقد لكثري من الثقافات
بس اهم ثقافه مش موجوده عندنا ومسببلنا بلاوي
هي افتقاد ثقافه الاختلاف وتقبل الرأي الاخر

قليل اوي لما تلاقي حد مختلف معاك وبيتكلم بهدوء
تؤ
لازم نتعصب ونعلي صوتنا
مع ان صوتك العالي دليل علي ضعف موقفك علي فكره
اه والله يافشكول
سيبك انت وحمد لله علي سلامتك من رحله العمل


تعالوا زورونا

جنّي يقول...

السلام عليكم

كيف حالك استاذنا فشكول باشا بيه افندي ..

طيب انا كنت في اجازة استمرت اسبوعين علشان كدا اتأخرت في زيارتك .. طيب لماذا لا تزورني ؟

والله اخي الكريم زاد لك احترامي ليس لانك تبغض عبد الناصر مثلي تماما ولكن لاسلوبك الراقي في الرد على من اساء لك بالسب العلني .. ودا حال الناس المحترمين ..

وشهد شاهد من أهلها : أليس في شهادة جمال حماد أكبر دليل على سطحية وتفاهة وفشل وهزيمة وخيبة الامل القوية اللي كان عليها النظام القومي العربي الناصري ..

تحيتي لشخصكم الكريم

اقصوصه يقول...

انا مالي فالسياسه!!

وفاء بركات يقول...

السلام عليكم
حمدالله علي السلامه ياأ.ستاذنا
وبعدين هو كل شويه نفض نزاع صلي علي حضرة النبي إحنا ناس كوبره وعارفين الخلاف في الرأى لايفسد للود قضيه ...
حاول تقرأتعليق الأخ فارس مره تانيه حتلاقي أنه لايقصد أن يهينك لاسمح الله
فكلنا نكن لك كل تقدير وإحترام وأنا مع رأى الأخت صفاء ....
إحنا منقدرش علي زعل حضرتك ...
وواضح من كلام حضرتك إنك والأستاذ فارس علي علاقه طيبه ببعض أتمني أن تعود المياه لمجاريها قريبا..
أمشي ياشيطان ياوحش خلي الناس تحب بعض ومتزعلش من بعض ..
تحياتي

Eslam Eldosoky يقول...

أبي الثالث
ممن الممكن ان تعجب من هذا المسمي
لكن بالفعل لي ثلاث أباء مستنيري الفكر
حكماء في الكثير من الامور
أنت واحد منهم
أبي الاول هو والدي
وهو مثلك في وجهه نظرة
يري أن عصر عبد الناصر عصر يوازي في سوئه عصرنا الحالي
اما أبي الثاني وهو أستاذي أيضاً الاستاذ احمد توفيق
فهو يري أن الشعب المصري لن يمضي قدماً قي
الطريق الي الديموقراطية والاصلاح
الا لو أدرك جيداً كم الفوضي والسوء الذي كان عليه عصر عبد الناصر
لا ان نتغني به في الازمات
وها انت
ذا تكمل مثلث القدوة عندي
بتماثل في وجهة النظر معهم
تقبل تحياتي
واحترامي
لعقلك المستنير

Unknown يقول...

بسم الله الرحمن الرحيم
حبيبي الغالي ...
السلام عليكم ورحمه الله وبركاته...
انت في عز الحرب وضرب النار كنت هادي وزي الفل ...بتنشن صح...من علي سن نمله الدبانه ودب ..في..الهدف ..
هي المأموريه كانت صعبه للدرجه دي ولا ايه؟
بس وانت متنرفز وزعان شكلك حلو خالص..بس برضه...انا خايف نزعل تاني....عبد الناصر ماجبتوش ولاده ...ولد ولا كل الولاد.. غيظ بقي ..
نااااااصر يا حريه
ناااصر ...يا حبيب الكل يا ناصر
ناصر ..
ناصر..ناصر..
=========رؤق بقي...صلي ع النبي وهات الأخوه المدونين وتعالوا ...رئيس التحرير عامل لنا عزومه في العزبه.
نتقابل هناك.

نفرتارى يقول...

حبت اعدى اقول كل سنة وبابا فشكول واسرته الجميلة واحفاده الغالين بصحة وسعادة .

تحياتى ،،

نفرتارى

غير معرف يقول...

ايه ده يا عم فشكول معرفتش عنك انك سريع الغضب
ما علينا
ما حدش مننا يقدر يقول انك عميل او سطحي بالعكس انت استاذنا كلنا و تاج راسنا
عم صلاح بامكانك تحب ناصر و لا متحبوش بس ممكن وده حسب رايي اصنف من احسن القادة العرب شيء احسن من لا شيء
في عهد ناصر على الاقل هناك قيمة ولو انها بسيطة للعرب اما دلوقتي فالى الحضيض
الراجل ده عمل اخطاء كبيرة و جل من لا يخطئ لكن عمل اشياء جميلة و حتتسجل عنه
مودتي يا عمي

هــو..مش ..نـو يقول...

نحن لم ننتهي بعد من معركه ...
فركش
ندخل في معركه ...دردش
انت عايز تشغل مصانع السلاح
والمداد يمد ...للركب
ما عنه حد ...كتب
ولا زعل ...ولا تعب
===هوهو==

طـائر الليــل الحـزين يقول...

عم فشكول
بجد انا معاك فى رأيك
مش موضوع انتقاد الرئيس عبد الناصر
لاء موضوع انى المفروض لما اختلف مع اى شخص فى وجهة نظر لازم يكون ده فى اطار محترم واعى وعاقل يضم اختلاف أرانا احنا الاتنين
وبعدين اى شخصية مش شخصية جمال عبد الناصر بس ليها ايجابيتها وسلبيتها
يعنى دى مش حاجة غريبة . وكل واحد فينا بيشوف من وجهة نظره فى اسلوب الشخصية هى ايجابية او سلبية
والطبيعى اننا عمرنا ما هنتفق على شكل واحد نوصف بيه الشخصية اللى هى محور الاختلاف او النقاش
بحييك يا عم فشكول على البوست ده عشان واضحت فيه وجهات نظر مختلفة معاك لكن وضحتها بشكل فى منتهى الاحترام
تحيااااااااااااتى

الحرامي يقول...

ايه دا كله يا عم فشكول
لا انا مش بتكلم علي عبد الناصر
انا بتكلم علي الفشكله والفركشه اللي انت عاملها هنا دي
اما بخصوص ناصر
فانا مش بتاع سياسه انا بتاع سرقه
بس اللي متأكد منه ان اكبر ممثل عرفه التاريخ
ودمتم

mahasen saber يقول...

ماله ناصر بئه ازعل كده خالص لو حد قال فيه بم

ده ناصر رحمة الله عليه لا يكرر

mahasen saber يقول...

بس يا استاذنا افهم حاجه هو حضرتك خلصت على فركشاوى كده

يعنى الهدنه دى كانت بمثابة انتصار لحضرتك

صمت المشاعر يقول...

الاختلاف في الراي لا يفسد للود قضيه

واعقل الناس هو من جمع الي عقله عقول الناس

تقبل مروري

مذكرات مشاغب يقول...

بعد ان قرات تعليق الاستاذ فارس عبد الفتاح
وبعد ان وجدت كلامه الجارح في غلاف من الادب
استعديت اني ارد عليه
لكن ليس باسلوبه
لكن اجد ان حضرتك رديت عليه بما اريد ان اقوله تماما
اتفاق 100% مع كل حرف حضرتك قولته

تحياتي

غير معرف يقول...

السلام عليكم ورحمته وبركاته

أولا حمداً لله على سلامتك قلقنا عليك

وبعدين أنت كاتب التدوينه وأنت متنرفز ولا أيه
والأخ فارس لم يقصد الأسائه لك
دا أنا حسيت أنك راجع من المأموريه ولسان حالك بيقول

ياأهلاً بالمعارك

أنت خدت على المعارك ولا أيه
أحنا كلنا حبايب وبنستفيد من بعض
مش كده ولا أيه
وحمدالله على السلامه

ودمت ياعمنا بخير

على عبدالله يقول...

السلام عليكم

استاذنا حمدا لله على سلامتك
،انا والله تعبت من الموضوع دا !!
يا ريت كل واحد يحترم رأى الاخر ،ومش معنى انى اختلف معك فى الرأى انك على حق وانا على باطل ،وانك انت العاقل وانا المجنون !!،والا لما سمى رأى

اسمحلى استاذ فشكول ان ابعث رسالة تقدير واحترام ،من خلال مدونتك لكل من اخى الفاضل محمد الجرايحى ، وسعيد "جنى" لانى تقريبا اتفق معهم تماما ،، بل واضيف
ان ما حل بمصر من انتاكسات ،منذ الانقلاب العسكرى "ما يسموه بالثورة"او ما نسميه نحن "الاصوليون" انه خروج على الحاكم !!
وحتى الان هو ناتج طبيعى لاهداف بعيدة كل البعد عن المنهج الربانى " عنجهيات واهداف شخصية " ولكن للاسف انه كان بمباركة الشعوب "المغيبة " !!
وهذا راييى واحترم المخالف !!

دمت بكل خير

تامر علي يقول...

أنا متفق معاك في ردك يا استاذ فشكول بالإضافة لما قلته فلنا عدة تساؤلات ... متى نجح نظام عسكري في العالم ؟؟؟؟ متى نجحت نظم العسكريين في اقامة دولة متقدمة .... البلد تحولت لمرتع للواءات .... هزائم حدث ولا حرج ...تراجع الدور التاريخي ...حدث ولا حرج ... تخلف بين الشعوب حدث ولا حرج ...قتل وسلب ونهب وتعذيب في السجون حدث ولا حرج ... حتى النصر الوحيد العسكري تحول لهزيمة سياسية منكرة نعاني منها حتى اليوم ... مش عارف ايه نوع التقدم اللي نالنا من فترة حكم أي عسكري ... اللي عارف يقول حاجه ... شكراً

daktara يقول...

الاستاذ العزيز فشكول
انا لا اميل الي عبد الناصر كثيرا
واحب وافضل السادات
كلاهما ليس بملاك او انبياء
هم بشر لهم مالهم وعليهم ما عليهم
اما عن عبد الناصر
فذي ما بيقول عمنا الكبير قوي احمد فؤاد نجم
عمل حاجات كتير صح
وحاجات كتير خابت

اما عن كلام فارس فلا اعتقد انه يقصدك انت بهذه الاوصاف من السطحية او العمالة او خلافة
اعتقد يقصد الرأي العام او الفكره اللي اي حد بيبني عليها ارائه
والله اعلم واعلي


شكلها باظت
انظر حولك
د. خالد عزب

EMMY BABY يقول...

حمد الله على سلامتك يا استا فشكوووول

واكيد مهما اختلفنا فى الراى كلنا اخوات واسرة واحدة ومحدش بيكون قصده يهين حد بس ممكن بعض الالفاظ تتفهم بغير المعنى المقصود او ميكنشه قصده بيها حضرتك

مجتششششششى اللقاء ليه يا عمووووو كنت عايزة اشوفك

تحياتى

ايمى

Soul.o0o.Whisper يقول...

أولا : حمدلله ع السلامة

و أخبار الغديوة اييييييييييييه؟؟؟
هههههههههههههههههههههههههه


يا عمو فشكول روق و مش تزعل من ا.فارس

والله هو مش يقصد ،
هو بس ساعات بيتعصب .. بس مش يقصد
يسئ لشخصك


وأنا مش هأعلق على عبد الناصر كشخص
إنما هأقول ياريت نشوف الحسنات و نطبقها على واقعنا عشان نستفيد
:)




خالص ودى يا عمو فشكول
و مش تزعل بئا



ياللا تعالى شوف شذى
أنت مش شفتها

فشكووول يقول...

الحمد لله رديت على كل اللى علقوا لحد الان وحارجع البوست اللى فات وارد على التعليقات هناك

على عبدالله يقول...

السلام عليكم

انا كتبت تعليق "صفحة كاملة " لكن للاسف الجهاز فصل فجأة وضاع التعليق" !!

المهم
انا ارهابى ؟!!... الله يسامحك يا استاذ فشكول
انت عاوز تودينى فى داهية ؟
:)
انا شيخ ؟!!..... الله يسامحك انا عندى 29 سنة ، ولسه ما اتجوزتش
:))

اما عن الخمر ؟
فأتنى بنص يحرم الخمر عند اللى ما يتسموش ،،، لكن خلى بالك انا مش حاصدق ،لان الانجيل محرف !!
انا اسف يا استاذنا انى ضيعت وقتك فى البحث عن "عقائد باطلة "لا تسمن ولا تغنى من جوع !!
ربما لو طلبت منى معلومة فى كتب الشريعة كنت "غطست "فيها لحد ما اجيبلك المعلومة دى
اما غير ذلك فلا !!

اللهم لا تجعلنا والاستاذ فشكول ممن تأخذهم العزة بالاثم


تحياتى

سمكه واحده يقول...

انا جايه اسللم والله
ديما باجي كده في اوقات رخمه ومتاخره معلش بقي بس بقالي كتير مطنمتش علي حضرتك اخبارك ايه معلش انا مقصره بس اعذورني بقي انا حبيت اسلم واعرف اخبراتك وكده عشان انت عم فشكول مش اي حد يعني ولا اييييه
ليه تعليق تاني بس لما النهار يطلع
تحياتي يا عم فشكول يا جميل

فارس عبدالفتاح يقول...

الأستاذ الفاضل / فشكول الموقر

ملكيون اكثر من الملك


تحية فائقة وبعد ،


أنا لم اقل أنك ....... ولا استطيع أن أقولها لسببين الأول أني أريد أن احترم نفسي تحت أي ظرف وتحت أي ضغوط والثانية أني اعلم ان حضرتكم لست الشخص الذي يعامل بهذه المعاملة وان كلمة بكل أدب التي قلت كنت اقصد بها نفسي احتراماً لكم وتقديراً لكم وتوقيراً لكم وحتى لا يسئ الفهم لكلامي ولكن للأسف فقد أيسيء الفهم .


وهنا يتضح لي بدون مجال للشك انه فعلا شبابنا كما كنت دائما اعتقد لديها السطحية والسذاجة والعاطفية التي كنت تتهم بها عبد الناصر .

ولكن أيضا هناك من لديهم الوعي الكامل بما يقرؤون ولديهم عقليه تستحق أن يتوقف عندها الإنسان

أولاً : اشكر الأخت - صفاء - قامت بشرح كلامي ولو كنت أردت أن أشرح كلامي لما استطعت أن اشرحه بهذه الطريقة

ثانياً : كذلك الأخ مواطن مصري نايم قام بتوضيح الأمر بحيادية

ثالثاً : اشكر وبكل عرفان الأخت وفاء بركات على إنصافي من ما نسب إلي بسبب عدم الرؤية الصحيحة لمعنى الكلام وأرجو أن لا اتهم باني اشتم في كلامي بكلمة بعدم الرؤية الصحيحة .

رابعاً : كما احيي الأخ واحد من العمال على رؤيته ورأيه

خامساً : أشيد بالأخ daktara على راية المستنير كما ابدي إعجابي بخفة دمه هاههههههاهاههههههها.


سادساً : اشكر جزيل الشكر الأخت EMMY BABY إنها فعلا أصابت كبد الحقيقة

سابعاً :


عندما قلت لحضرتكم أن ترجع إلى خطابات عبد الناصر وقد كنت قد اتهمت عبد الناصر بمخاطبة مشاعر الناس وعاطفتهم أرتك أن تعود لتقرأ وتسمع الخطابات بالصوت والصورة حتى تعلم انه لم يكن يخاطب العاطفة بل كان يخاطب العقل فقط لا غير ونصوص الكلام في خطاباته قاطعة في هذا ولن أطيل فانا اعلم مسبقا وقد أكدت لي بردك أن حضرتك لست على استعداد تقبل أي حوار أو نقاش أو حتى أن تراجع النظر مرة أخرى أو تعيد حسابات أو مفاهيم

ومن الواضح أن كل من يؤمنون بالفكر الليبرالي أو غيره ليست لديهم الرؤية بأنه كل شيء قابل للمراجعة والنظر فيه .... ودراسة ما يدور حوله وما اسر فيه... ويفقدون الوعي بان يكون على قدر المسئولية تجاه فكرهم وعقيدتهم التي يؤمنون بها وهذا ليس استفزاز أو سب أو استهزاء ولكن هذه حقيقة ومن واقع رفضك عدم تقبل حتى أن تسمع أو تناقش وهذا أمر مؤسف ومزعج .

وأنا أيضا لست مطالب بان أجعلك أن تعيد مفاهيمك وحتى الإخوة الموافقين معك في هذا الأمر لأني وببساطة لست عليهم بجبار ولكن من حرية الفرد وهذا جوهر الليبرالية أن يدافع الفرد عن فكره الذي ينتمي إليها أليس هذه هي الليبرالية أخي الكريم

وأقول أيضا حتى اجلي الصورة بطريقة صحيحة أنا لا أدافع عن شخص عبد الناصر حتى لا اتهم بالسطحية وبالسذاجة أو باني من عباد الشخصية الناصرية فهذا أمر يرفضه الفكر القومي نفسه وهناك طالبتك بالرجوع إلى ما قاله وما قاله كان عبارة عن فكر وعن إرادة فكر وعن رؤية فكر وليست شخصية ... فانك أردت الشخصنة كما حدث واتهمتني بما لم اقل فهذا ليس مستغرب ولا مستعجب من واقع ما حدث ورفضك النظر مرة أخرى أو حتى النقاش الحر بل قلت هل بعد العيد يفت الكحك أهذا هو النظر إلى التاريخ هكذا ينظر إلى التفكير العاقل والجاد .

أما عن الإخوة الذين انساقوا بدون رؤية لليبرالية فلا اهتم كثيرا بذلك مع أني أسف على طريقة التناول لكلامي وهذا أيضا كان متوقع في أي وقت وتحت أي ظروف فانا لم اصدم من هذا الموقف ولكن للأسف تأكدت أفكاري وآرائي تجاه هؤلاء ومن على شاكلتهم

وفعلا أنا أسف وحزين وفي غاية الأسى على الطريقة التي قرأت وتقرأ بها كلاماتي

م/ الحسيني لزومي يقول...

ثورة يوليو كانت عظيمة في انجازاتها عظيمة في اخطاءها ومشكلة الشعب انه يتعامل مع الاشخاص او القضايا بعاطفة ونقاش الماضي يكون للعبرة والاستفادة من الاخطاء وانا اكثر ما ادهشني من الشعب المصري هو انه عندما خرج عبد الناصر بعد هزيمة 67 يعترف بانه يتحمل المسؤلية ويتنحي وجدنا الشعب يطالبة بالبقاء في حين ان السادات الذي هزم اليهود وحقق النصر اغتيل في يوم احتفاله بالنصر...هذه هو الشعب المصري يعشق جلاديه ويعبد من يستخفون به....لس هذا اني ضد عبد الناصر ومع السادات ولكن الذي انا متأكد منه انني ضد الشعب المصري الذي يخرج عن المألوف في كل الامور حتي في هذا النقاش فالذي له الحق في تقييم عبد الناصر ليس فارس لانه مع عبد الناصر او فشكول لانه ضد عبد الناصر الذي يقيم انسان حيادي يقيس الامور بمقاييس علمية .

عالم ماريونت يقول...

عزيزي بابا صلاح
كنت غيرت لينك المدونة بتاعتي بس بعد كدة اكتشفت انها حاجة مش منظقية لأن اللينك ده اتعرف خلاص فرجعتها تاني
عموما مستنية تنورني عشان اعرف رأيك في اللوك الجديد


وبالنسبة للبوست انا مش هعلق دلوقتي لظروف صحية بس هرجع تاني واقرا بمزااااااج

بنتك رنا

Asmaa mahaba يقول...

معلش يا خال
الناس متعرفش يعنى ايه خلاف فى الراى ومناقشه لو مش معايا تبقى عدوى
وبعدين حضرتك لحقت تشبط فى حد يا خالو:))
انا بقى حجرى واستندل استندال منوفى تمام

بس خلاص ... يقول...

اولا حمد الله على سلامتك ...حلو قوى الحروب اللى دايره اليومين دول فى المدونات على فكرة دى ظاهرة صحية جدا بتخلى الناس تتكلم وتقول اللى عندها وكل راى صح يحتمل التكذيب وكل راى كاذب يحتمل الصواب يعنى مفيش حقيقة مطلقة بمعنى ..اننا ممكن نتفق او نختلف حول شخصيه معينه ولكل وجههة نظره ولكننا لانستطيع ان نحكم حكما مطلقا على عبد الناصر .. ولكن على حد علمى انه كان راجل بيحب مصر لكن اسلوبه او سياسته لابد ان تستند على مقاييس علميه كما قال مهندس الحسينى لزومى .... فنحن لانشكك فى وطنيه عبد الناصر او السادات او حتى الملك فاروق لان كل عصر وله ظروفه وحيثياته
واتفق ايضا مع الاخت صفاء فى قولها (اعتقد ان الاخ فارس مكنش بيتهمك انت بالسطحيه او العماله وانما كان بيتكلم عن كتابات عامه وكتيرة ومعروفه هاجمت عبد الناصر )
والخلاف لايفسد للود قضيه

ن يقول...

السلام عليكم
أستاذنا الفاضل فشكول
المعذرة يا سيدى فما أخرنى على المتابعة غير ظروفى الطارئة وكثرة الاحداث حولى والمسؤليات وكأنك تشعر بى أستاذى الفاضل فقد كنت أنوى العودة اليوم الى عالم التدوين .
أستاذنا الفاضل ومع إحترامى لكل آراء المدونين فانت لم تخطىء فى رأيك والرأى ليس حكراً بالايجاب أو السلب ما دام لم يتعدى حدود المستوى الرفيع فى النقاش وانت على هذا المستوى الرفيع .
ورغم تراكم الهموم والمشاكل التى تواجه الشعب المصرى كل يوم الا أننى اتعجب من كثرة الاختلاف على حقبة الرئيس جمال عبد الناصر أو غيره وننسى أحيانا أننا فى عام 2009م ولست أرى سوى أننا لم نكن أكثر من حقل تجارب فى حقبة عبد الناصر بالذات وأن ثورة يوليو ثورة قامت من هم ولم يكن معروف لها خال من عم ثورة لم تحدد أهدافها بدقة من البداية ومن يقرأ تاريخ الشيوعية التى نهضت على مخاطبة الفقراء والمستضعفين كمبدأ للوصول الى أهدافها المنشودة ولكن الفشل كان فى انتظارها لأنها لم تصحح أهدافها أمام العقول المستنيرة .لا يجدها تختلف كثيراً على بداية حقبة جمال عبد الناصر ومخاطبته للشعب من خلال ثغرة الفقر والضعف والتحكم
ورغم ما حققته الثورة من إنجازات فعلينا أن نعترف بأنه لولا عزيمة الشعب المصرى وعقوله المستنيرة لما تحقق إنجازاً واحداً فالشعوب هى التى تسطر التاريخ والاحداث وليست الحكومات وحدها ويظل الشعب المصرى رغم كثرة أزماته يطمح الى النهوض السليم بمادئه وأفكاره ولا أظن انه يحتاج خطابات وأمنيات للفقراء والمستضعفين ورغم تفاوت الطبقات وأننا نعود الى الوراء الى زمن العبيد والامراء الا أننا أهل معرفةوعلم وسنظل ننشد الوثيقة التى تحفظ لنا مصريتنا وأننا لسنا حقل تجارب ولا نحب من يضحك علينا بلين الحديث أو غيره من الاساليب .
مع خالص تحياتى

Beram ElMasry يقول...

الاخ العزيز fashkool
السلام عليكم ورحمة الله وبركاته
فى يوم ميلاد المصطفى صلى الله عليه وسلم ادعو الله لى ولك بالخير ولجميع اهلك ومن تحب
وكل عام وانتم فى سعادة وسرور
لك تحياتى والسلام عليكم ، ولا سلام مع اليهود

على عبدالله يقول...

السلام عليكم

انت عارف المشكلة فى ايه يا استاذ فشكول ؟!
المشكلى فى انك مش بتشوفنى وانا باكتب التعليق ، لان هناك لغة اخرى وهى لغة الوجه !!
اللى انا عاوز اقوله انى لما كتبت التعليق دا ماكنتش زعلان ولا حاجة بالعكس انا كنت باضحك "هزار يعنى " وبعدين ما انا رسملك ابتسامات زى دى :)
انت ما شفتهاش ؟ دى يا استاذ فشكول فى لغة " النت" تعرف بالابتسامة !!
ومع ذلك
:)))))))
ههههههههه

ادام الله المعروف يا استاذنا

الازهرى يقول...

فشكولنا الغالى
انا دلوقت باحارب العالم كله تقريبا
ربنا يخليك يارب
ولى سؤال تقدر تحضر القاهرة يوم الخميس بدل الاحد ؟

موجة يقول...

الاستاذ الفاضل فاشكوووووول
دى اول مرة ازرو حضرتك فيها وانشاء الله اوعدك انى مش هقطع الزيارة
واشكرك انك نورتنى فى مدونتى ويارب تفضل منورنى دايما

marmar يقول...

عمي فيشو الطيب
كل سنه وحضرتك بالف صحه وهنا وخير دايما ياااااارب
ويااارب اشوفك يا عمي اسعد راجل في الدنيا عشان قلبك الطيب وشعرك الابيض دول هما بيمزوك بجد يا عمي
كل سنه وحضرتك طيب ياااارب

نفرتارى يقول...

قلت اجى لبابايه واقوله كل سنة وهو بألف خير وصحة جيدة وسعادة . وكل افراد الاسرة الكريمة واحفادك الحلوين كل سنة وهم طيبين .

تحياتى ،،


نفرتارى

Unknown يقول...

****************************
بسم الله الرحمن الرحيم
فشكول ....
حمدا لله علي سلامتك ...موفق في مهمتك ان شاء الله...
أنتظر..فشكول... ليعودويقول..
انه الساعه مشغول..!!!
أعانك الله وقواك....ولن أمل في طلب الأتفاق...
لكن لي طلب عندك ...أن تعود للكتاب الذي نعود اليه جميعا......
السوره رقم(109)عدد آياتها(6)وأولهاأمر...
وآخرها تقرير.
تأملها قليلا ...
وفي أنتظار تقريرك.
دمت حبيبي...

♥ سحر ♥ يقول...

فشكول:ـ

..سَلاَمً كََمَنْ يَرَثُوَنَ الَجَنْاَنَ ,وَيَتْبَاَشَرُوَن بِرَوُحَ وَرَيَحْاَنً َوَربً غَِيَر غَضَبَاَنْ
*
سيدي الفشكول دمت سالم وحمد لله على سلامتك وفقت في مهمتك نأمل...

تجبل انت والفركشاوي قضيتكما
أقول لك وكما طرحت مسبقا للفركشاوي الذي اتمني ان تعود وتقرء تعليقي
الاختلاف لة لذة فأستمتعا بلذتة
ولا تجعلوا للشيطان الكيد لكما علية سسبيل
فيخاب ضن الصالحين ويرجم فيظ الطاهرين
ويحل كيد الكائدين ويرفعون راية لا للاخوة بمزيد
كلمة عبق نقد ادب وقول مسبغ بقول معتقل ناتج حوار هو خير سند

سلام وافر عاطر
وقلب ذاكر شاكر

gogo!sf يقول...

كل سنة وحضرتك طيب

!!! عارفة ... مش عارف ليه يقول...

معلش انا كان فاتني البوست اللي فات
بس قريت الاتنين مرة واحدة
علشان افهم الليلة ماشية ازاي
---------
الموضوع كده شكله داخل في جدل عقيم

مش هيوصل لنتيجة لان كل واحد عنده قناعاته ومشكلتنا اننا لما نختلف مع بعض صوتنا يعلى ونقول كلام مش مسئول

ومن جه تانية مفيش مجال لمزايدة حد على التاني في إنتمائاته لأن بصراحة انا مقيم خارج مصر ومشوفتش أي جنسية بتتقطع علشان بلدها زي المصريين وده مش علشان أنا مصري .. لأ ده بشهادة جنسيات تانية كتيررر

ونيجي لحكاية الزعيم الملهم .. طبعا النموذج ده أنقرض من زمااااااان وخلاص مبقاش ينفع في الزمن ده لان خلاص زمن الفرسان إنتهى

ودلوقت في حاجة أسمها دولة المؤسسات اي سلطة تحيد عن طريقها السلطة التانية تقومها .. وإحترام لإرادة الشعوب في المقام الأول

وأفتكر إن الإضراب اللي كان في فرنسا من كام شهر علشان قوانين العمل وتراجع الحكومة رضوخاً للشعب كان منتهى التحضر والديمقراطية لما تتطغى سلطة وتروح لسكة غلط وطبعاً أحنا بعيد عن الكلام ده بملايين السنين الضوئية

ولسه عايشين على هامش الديمقراطية
والهامش ده بقى حلو كده في المدرسة
والمشكلة أن الهامش ده مش عايز يكبر أبدا ويخش الجامعة

المهم مطولش عليك لاني فعلا حاسس اني دوست اوووي وزودتها حبتين

في قول مأثور عن فولتير بيقول فيه:
قد أختلف معك في الرأي ولكنني على استعداد أن أجود بحياتي دفاعاً عن رأيك

يوم ما نوصل للقناعة بالجملة دي أفتكر أنها هتكون بداية الطريق الصح

تحياتي
وليد

M.a.r.y.o.o.o.m يقول...

بص انا عاوزة اقولك ان نفسيتي منهارة ومش عارفه اقولك ايه وكمان غيرت اسم المدونة بتاعتي عشان بس تبقي عارف لانه بجد ده اللي انا عيشاه دلوقتي وكمان انا كنت فرحانه من النتيجة بس اللي حققته حسه انه ضاع وحسه اني تايهه وعاوزة اموت وحسه انه مش بقالي نفس لاي حاجه في الحياة خالص بجد بجد ياعمو صلاح انا مش عارفه اعمل ايه حسه ان كل حاجه اتغيرت مرة واحده طموحاتي واحلامي كلها راحت حسه انه انا مبقاش ليا لزمة في الحياة انا تعبانه وتعبانه اووووووووووووووووي كمان ومش عارفه انا بقولك انت ليه اصلا بس انت اول واحد فكرت اني اقوله :((

M.a.r.y.o.o.o.m يقول...

نسيت اقولك ادعيلي ربنا يخرجني من اللي انا فيه

M.a.r.y.o.o.o.m يقول...

بص انا عارفه انك هنا بس انا مش قادره اوقف اللي جوايا حسه انه كل راح من دماغي حسه انه بجد مليش لازمه ومن كتر العياط ضغطي علي جدا انا محتاجه اخرج بس ماما مش راضيه تخرجني غير لما تعرف مالي

Unknown يقول...

بسم الله الرحمن الرحيم
فشكول ..فشكل فشاكيلوا فشكلها...
السلام عليكم ورحمه الله وبركاته
اقولك ايه بس؟
والله ...بحبك ...وقدر ما احبك اكره الظلم..
وبناكف واقول وكلامي بيزعل كثيرين مني.....الي يزعل يخبط دماغه في الحيط.
لا اخفي عليك انني توقفت كثيرا عندما اردت ان اقول لك علي قراءه سوره الكافرون ...وخشيت ان تظن بي اني اسقط...ولكني اعرف انك ذو عقل وفكر فوق كل هذا الكلام ...ولهذا فأنا عندما اعلق او اتكلم موجها كلامي لفشكل...أرفع كل الحواجز والتكليفات لاني اتكلم مع نفسي او هو تفكير بصوت مكتوب لمحبوب القلب...الموجوع.
عزيزي ...ربما لاحظت في التعليقات اني والاستاذ فارس عبد الفتاح في حوار او محاوله للأتفاق ...وأرجو ان اعرف رأيك
(من الاولي ...ديني ...أم قوميتي ؟)
ياريت ترد عليا وبسرعه..
لك كل الحب ...فشكولنا العزيز.
أخيك ...فركشاوي ...قاهر فشكول

حاجــ عيال ــات يقول...

السلام عليكم

العم فشكوول العزيز
وحشتني جدا
وحشتني الفشكلة
ويارب تكون بخير
ولي عودة

فارس عبدالفتاح يقول...

اخ المحترم / فشكول الموقر

تحية فائقة وبعد ،

رداً على استنكارك الذي قمت به في تعقيبك على ما قلت في مدونة الاخ فركشاوي ناوي بخصوص تخوين بعض الليبراليين والمخالفين للفكر القومي العربي وتسطيح فكر وكلام بعض المفكرين الذين يرفعون شعار الليبرالية والتعددية في كلامهم على عبدالناصر وتاريخه

وهنا اخى الفاضل اقصد بكل الكتابات من مقالات ومن دراسات وهمية وتحليلات لا تخلو من السطحية والتخبط وعدم توثيقها بدلائل حقيقية حتى تكون حكم بيننا في ما نختلف

فانا لا اهاجم الليبراليين بحد ذاتهم او جميع من يخالف الفكر الذي انتمي اليه ولكن سوف اضرب لك مثال او اكثر على هؤلاء

بعض من كان يقول بان عبدالناصر كان عميل للامريكان وان الثورة او الانقلاب او غيرها من المسميات مثل حركة الضبابط الاحرار كان صناعة اميركية وان عبدالناصر كان عميل اميركاني

اهههاهاهاهاهاهههها


وهذا امر لا يعقل ولا يصح وليس هناك ما يثبت هذا التخريف المنافي للوقائع التاريخية والاحداث السياسية التى مرت بها هذه الفترة

تخيل هذا اخي الكريم فهل هذا يعقل

وبعض يقول ان عبدالناصر كان عميل للسوفيت وهذا ايضا مخالف للحقيقة واللاحداث التى جرت ولن اشرح هذا لكي لا اطيل لاني لست في مناظرة

وبعضهم يتهم عبدالناصر بانه غير وطني

هذا امر بعيده كل البعد عن الموضوعية والمنهجية وهؤلاء الذي كنت اقصدهم واعنيهم

والامثلة كثيرة وغريبة ومستهجنة واحيانا ساذجة الى درجة السخرية من هؤلاء

اما انك تختلف على سياسة معينة قام بها عبدالناصر فهذا حقك وحق كل انسان

عبدالناصر اخطأ واكررها اخطأ في امور كثير

وهو ايضا اعترف بخطأ واتخذ سياسات واجراءات لتصحيح هذه الاخطأ


وايضا هناك اناس كانو من اشد المعترضين على سياسات عبدالناصر وحكوماته ونظامة وبعد موته ترحمت على عبدالناصر وهذه مفارقة كبيرة


ولكن اذا امعنى النظر في تراجع هؤلاء بعقل ومنطق ومن واقع ما قالوه حين سألوا لما غيرتم وجهات نظركم اقرو بالحقيقة وعترفو بانه يترحمون عليه لانه كان شريف وكان يريد اصلاح هذا الوطن وكان لدية مشروع وفكر

وانا من الناس الذين يحكمون عقلهم قبل اي شيء في السياسة فقد استعجبت وستغربت على موقف شاعر الصعاليك او السوقة احمد فؤاد نجم على قصيدته التى رسى فيها عبدالناصر بعد موته مع انه كان من اشد المعارضين على سياساته في عهده


وايضا فوجئت عندما اخذ يشرح ويدافع عن فكر عبدالناصر وعن نزاهة عبدالناصر وانه كان وما ذال في ذاكرة المواطنين الشرفاء والفقراء وهذا مثال

وغيره كثير

اما عن من قصدت ممن يدعون بالمثقفين المأجورين لنظام معين او سياسة معينة او انتماء معين ولا ينصفون الحق بل ويقومون على تزييف الوعي لدى العامة وبعض غير المتعلمين والمثقفين هؤلاء ان لم يكون يقصدون ان يكون خائنين للوطنية المصرية فقد فعلوها بالاوعي وبالا ادراك وهذه مصيبة من يدعي انه مثقف ومفكر

واخير ادخل على موقع اليوتيوب سوف تري بام عينك وتسمع باذنك وتعي بعقلك كلام هذا الرجل

http://www.youtube.com/watch?v=0_7E1QjcD2I&NR=1

او


http://www.youtube.com/watch?v=-2p4D5PH3rU

elsha3er يقول...

اهلا بيك ياعم فشكول بينا

تحياتى ليك


احمد الشاعر

مجداوية يقول...

السلام عليكم

من يستمع لأجزاء من خطب عبد الناصر على قناة الساعة عن أمريكا والصهاينة يقول كأنه مكشوف عنه الحجاب فهو كأنه معنا الآن
المعنى
أنا أيضا اختلف مع سياسة عبد الناصر وكونه جاء الى الحكم بانقلاب وكونه أزاح محمد نجيب وكونه أن أهداف الثورة قلبت الناموس وكل الفساد الذي حدث بواسطة رجاله ووووووووووو اشياء كثيرة جدا

لكن لا أحد
لا أحد
في الدنيا على خطأ تام أو على صواب تام فالبتأكيد لجمال عبد الناصر حسنات قد يكون منها هذا الاحساس بالوطنية والقوة وعدم مهادنة الأعداء
أما الاعداد السىء لهذه القوة فقد تداركوه بعد النكسة والا ما انتصرنا في اكتوبر

وأعتقد يا استاذنا أنت في العمل ترى بعينك فساد الأتباع واظهارهم الأمور على غير حقيقتها أنا عذرت جمال عبد الناصر بل عذرت مبارك نفسه في غفلتهم وفساد حكمهم على الأمور عندما رأيت بنفس فساد الأتباع في العمل فلهم سلطة وسطوة تفوق أصحاب الشأن نفسه

وفي النهاية
هو الآن في دار الحق
ونحن في دار الباطل
واذكروا محاسن موتاكم

حسن ارابيسك يقول...

عمنا فشكول
صباحك زي الفل
اولا اتركني ابدي اعجابي بتدوينتك خبر مايستاهلش نكلة والحقيقة هي خيبة قوية فعلا اجتاحت البلد الجميل ده

تابعت الحرب الضروس بينك وبين فركشاوي
والحمدلله على سلامتك
وتعليق الأخ فارس عبدالفتاح
المهم عمنا فشكول بناء على ماسبق المشكلة أنا احبك في الله وربنا عالم بده وانت من الناس احترم مدوناتهم ويسعدني تواجدي هنا
لكن المشكلة الثانية التي أراها جليه واضحة بمناسبة الحرب التي قامت وبمناسبة ردك على تعليق عبدالفتاح
وهي انك تتبع دائما سياسة نهجم نرجع على طول
لماذا وأنت أكيد تردك معنى وشكل كل كلمة تكتبها ثم سريعا ترتد لتلعن غير هذا فهل نكب اعيننا وأذاننا
اكرر تتبع سياسة نهجم نرجع على طول انظر جزء من تعليقك ياعمنا

ولست هنا فى موقف الهجوم على عبد الناصر أو الدفاع عنه فاللبيت رب يحميه.

يعني طول تدوينتك تضرب الرجل من تحت لتحت وكمان تحت الحزام وبعدين ترجع تقول الكلام ده

عمنا فشكول
في البداية وفي النهاية نحن نسعد للتحاور المثمر معك فكلها وجهات نظر وكلها لها منا كل احترام وهذا هو الجميل هنا وفينا
دمت بكل حب
تحياتي
حسن ارابيسك

عمرو جويلى يقول...

السلام عليكم
فشكوووولى العزيز:
أسعدنى كثيرا زيارتك لمدونتى وتعليقك المتميز .
نعم هذا هو حالنا يا فشكوووولى وحال أمتنا العربية وأنا أتفق معك فى هذا
وهذه المدونه نورت بحضرتك يا أستاذى
أنا فرحان جدا بتعليقاتك الجميلة
تحياتى .... تحياتى لك ولكل من زار مدونتى
بالتوفيق دائما يا صديقى
وشكرا على الثلاث تعليقات

kalamfady يقول...

وحدو الله يا جماعه...عبدالناصر مات وخلاص خلونا فى اللى احنا فيه

zainab يقول...

السلام عليكم عمى العزيز فشكول

أنا مش عارفه انتم بتتخانقوا ليه الراجل مات خلاص و شبع موت
و اختلاف ارأى لا يفسد للود قضيه ياجماعه

تحياتى

وفاء بركات يقول...

كل سنه وحضرتك والأسره بخير
تحياتي

rovy يقول...

السلام عليكم

استاذى العزيز

الف حمد لله على سلامة حضرتك

تحياتى

*البت المشمشية *حلوة بس شقية * يقول...

ههههههههههه
الله يرحمو بقه
بس بجد
كان رجل بمعنى الكلمة
لو كان هو اللى فى مصر دلوقتى
تفتكر كان الوضع اتغير
نورت البلوج كلو
والكهربا غليت
هههههههههههههههه
وكل سنة وانتا طيب
عشان لمولد
جبتو حلاوة ولا لاء
احنا جبنا حلاوة بس مش هديك

صبرني يارب يقول...

طولت الغيبه يا استاذنا قلنا نسأل عليك

ولا فى رحله تانيه ولا ايه

ولا تكون زعلان من البلوج لسه

قولي بسسسسسسسس وانا اعورلك الى مضايقك هنا

انا بلطجي قديم
هههههههههههههههههه

يارب يكون خير

Unknown يقول...

هدى نفسك بس يا استاذى الفاضل
انا عايز اعرف حاجة بقى
فييييييين عبد الحكيم ابو عامر؟ اللى كان خارب البلد؟

Unknown يقول...

بسم الله الرحمن الرحيم
السلام عليكم ورحمه الله وبركاته...
الهجره حلوه ...لكن العوده أحلــــــي...
راجع بمشروع أتمنى تشاركوني فيه...