الأربعاء، ٢٥ مارس ٢٠٠٩

فشكول يا فشكول .. بالاكتوارى حتقول

بوست صغنون ومجنون وبالرز معجون
بوست ما لوش معنى ولا هدف
بوست ما بيقولش حاجه .. حد يبقى يقابلنى لو فهم حاجه .. هو انا اصلا فاهم حاجه
تهجيص وتهييس وتطنيش ولو مش عاجبكم
فين المحشى والمهلبيه.... فى العزبه الزكيه
والاقتصاد الاكتوارى ... وانت انت ولا انتش دارى .. يا دارى يا دارى
سمك لبن تمر هندى .. دول الهنادوه بقوا احسن ناس فى البرمجيات حد يعرف يعد الفلنكات
وتوثيق المطبخ المصرى ... قال يعنى الاكل مرطرط .. مش الاكل ييجى وبعدين يوثقوا ولا يربطوا
والمحشى بالرز والخلطه .. ربنا يستر وما تجيش ليكو جلطه
بعد القريه الزكيه ... جابوا لنا صكوك ومهلبيه ... وجابوا لنا دراسات اكتواريه.. على ايه يا حسره .. هو فيه قرشانات عشان نعمل لهم اكتواريه
مش قلنا زمان حيصكوكوا على قفاكم
شوفوا بقى الهنا .. جايبين لنا سمك الباصا من فيتنام .... يا باصا يا باصا ... مش الالقاب كلها اتلغت وبقينا كلنا افنديه
بحر ابيض ... بحر احمر ... بحيرات ... انهار ... حزب وطنى ومسطحات مائيه اسمعونا يا اللى من اسكندريه
كل دا لزوم المهلبيه ... والبلد ما لهاش صاحب
وزير يروح وزير ييجى .. ولا حد دارى ولا حد عارف وكمان ولا حد فاهم
ونظام الثانويه العامه الجديد .. كل يوم فيه امتحان ... حتمتحن حتمتحن .. ومش تبطل تمتحن ... بس ازاى تذاكر لازم تاخد معاك حزمة فجل وجرجير لزوم الكليات الدنيا .. ولو تاخد معاك حتة لحمه حتدخل كليه احسن ... ولو عايز احسن تاخد معاك قرشين ... يا سلام تدخل احسن كليه .. ولو ما أخدتش حاجه خالص .... حتدخل السجن
شوفوا بقى عمكم مش عمى انا
عمكم انتم ابو الطيب المتنبى قال :
وكم ذا بمصر من المضحكات
ولكنه ضحك كالبكاء
من قتل كندى ... من قتل السادات ... من قتل عنتره بن شداد ... من قتل ابو فصاده
طب لو جدعان تجاوبوا على السؤال الاتى ده
قبل فصاده ما يخلف فصاده ... كان اسمه ايييييييييييه؟
طب ام قويق قبل ما تخلف قويق ... كان اسمها ايييييه؟
سيبكم بقى .. ما حدش عنده فنجان قهوه .. بلاش ... طب ما حدش معاه سيجارة بانجو؟
يا نهار مهبب حد فاهم حاجه؟

هناك ١٠١ من التعليقات:

aidy يقول...

اول تعليق

للأسف انا فهمت كل حاجة

أسلوب حضرتك الساخر حلو جدا

هى فعلا بقت كده احوال بلدنا

تحياتى ,,

طـائر الليــل الحـزين يقول...

عم فشكول
ولا عمرنا هنفهم اى حاجة
ولا حتى هنفهم كل الفساد اللى بيحصل من حوالينا ده سببه ايه
وليه الناس دى مش بيجرى فى عروقها دم
طب اقولك بلاش الدم
ايه مالهم مبيخفوش من ربنا
ومن يوم هيسألهم فيه المولى ليه كل الخراب ده
بجد انا زيك حسة انى كل حاجة دخلت فى كل حاجة والموازيين كلها اختلت
وكأنها هيست وباظت
والا يكون السمك هو اللى اثر على مخى
ما انا من ساعة ما عرفت وباطنى وجعتنى
لينا رب لا بيغفل ولا عينه بتنام

Hanan Said يقول...

استاذ فشكول
بجد والله كنت مفتقده دخول مدونتك جدااا
بس المشاغل بقى اعمل ايه
....
كلام حضرتك ديما وراه كلام مفهوم بس الي عايز يفهم
هو انا فهمت عايز تقول ايه
بس مش فاهمه الي بيحصل ده بيحصل ليه
انا كنت لسه فكر في حالنا
في حجات كتير اوووووي ملخبطاني
ونفسي اكتب فيها
بس اول ما الاقي وقت حقول كتير اوووي
يمكن حد يفهمني
لاحسن خلاص بقيت هتجنن
تحياتي لقلم حضرتك الراقي جداااا

Soul.o0o.Whisper يقول...

أحجز


احجز


احجززززززززززززززز الاول بس

mohamed ghalia يقول...

ولا فاهم أى حاجة هههههههههههه

Soul.o0o.Whisper يقول...

هو فى ايه؟؟؟

هو أنا مين ؟؟؟

هو أنا امتى ؟؟


هو أنا أزاى ؟؟



هو مين اللى طفى النووووووووووووووور


يا ماماااااااااااا...







كان فى واحد عربى مش فاكرة سعودى و لا كويتى مش فاكرة

المهم من ييجى سنة كدا كان عامل حاجة فى الاكتوارية دى
مش فاكرة كتاب جديد
او نظام جديد

او تقريبا عربه ..و كان فى موقع باسمه



المهم بئا إنى فضلت ادور يعنى اكتوارية دى
لحد ما اكتورت و بردوا مافهمتش حاجة فيه



ممكن حد يفهمنى يعنى ايه اكتوارية؟؟

نفرتارى يقول...

بابايه الجميل ،،

بجد ايه الجمال ده .. موضوع فى نكتة فى سؤال .... بجد اسلوب رائع لا يخرج الا من مبدعين ليس مبدعين فقط بل محترفين ايها المبدع المحترف الرائع .

دمت بكل خير وتقدير واعتزاز ،،


ابنتك نفرتارى

مجداوية يقول...

السلام عليكم

أيوه يا أستاذنا إحنا فاهمين كل حاجة بس عاملين نفسنا مش فاهمين ,إحنا وصلنا لأسفل السافلين

كفاية تقرأ التدوينة الللى عند أختنا مها زين وانت تعرف إن استيراد سمك مسرطن ده أخف حاجة ,, ونحن نستحق لأننا صااااااااااامتون ,,خانعووووووون كالنعاج

عاشقه وغلبانه يقول...

الترجمه امتي ياعمو....؟؟؟

د. ياسر عمر عبد الفتاح يقول...

وطيب وايه الجديد
كل حاجة حوالينا مش مفهومة
كله هجص وكدب .. ومهلبية

ده حتى البانجو اللى نت بتسأل عليه بقى مغشوش
مفيش أمان

رحلتنا في الحياة يقول...

وكم ذا بمصر من المضحكات
ولكنه ضحك كالبكاء
:((

gogo!sf يقول...

الموصيبة انى فهمت
بس مع الاسف كان نفسى اكون من ضمن اللى مش بيفهمو تصدق بالله اول مرة احس الاحساس الغريب ده
بجد والله يا استاذ فشكول الواحد نفسة يولع....؟
فى نفسه مقدرش اقول غير كده بدال اما اروح فى الرجلين

معلش بقى انا مودى مش حلو لسة جاية من عند مها زين وموضوعها المنى وقتلنى
روح عشان تعرف ان كلامى كان فى محله عن سرقة الاعضاء
وبعدين انا بسمع من اصحابى وجيرانى عن اللى بيحصل حتى لو كان قريب منى اما مها فده حصل لحد من جيرنها

اسفة للاطاله
اسلوبك رائع كتير وسهل التعبير
تحياتى
جوجو الحزينة

(صندوق الدنيا) يقول...

الحمد لله إننا مش فاهمين
ولكن برده ما شاء الله ولا قوة إلا بالله
نحن المصريون صامدون صامدون

ahmed_k يقول...

حافظ إبراهيم قال
وكم ذا بمصر من المضحكات
كما قال فيها أبو الطيب
تضيع الحقيقة فيها بيننا
ويصلي البريئ مع المذنب
ويهضم فينا الإمام الكريم
ويكرم فينا الجهول الغبي

فكلامك يا أستاذنا واضح جدا والظاهر أن حالنا مش مظبوط من زماااااان

خالص تحياتي

Empress appy يقول...

وزير مين اللى بيروح ويجى بطلوا اشعات احنا عندنا اختراع وزارات بس مش اكتر

م/ الحسيني لزومي يقول...

عمي فشكول
انا عايز اقولك نكته سمعتها من سياسي مخضرم توصف حال الشعب المصري بيقول" الشعب عامل زي واحد قالو ا له مراتك بتخونك مع محمود الكهربائي...فأقسم ايمانات مغلظه أن محمود هذا لا كهربائي ولا بيفهم في الكهربه"
ثانيا انا زعلان منك لانك لا تزورني في مدونتي الا ردا للزيارة وهذه ليست بشيم الكرماء وانت منهم...احب اسمع رايك في الصور الادبية التي احضرتها معي من المعتقل.

أمل حمدي يقول...

زمنكوا ياخلق فيه حاجة
ولازموا كام وميت حاجة
ده لو يعنى إذا كان فيه حاجة
انا عن نفسى مش حاسسة ولا بحاجة
ولا متضايقة ولا حاجة

سعادتك برضه مش زيـى مافيش حاجة ؟
أهـه بيقول مافيش حاجة

جنابك برضه مش زَيـىِ وعلشان زيي مافيش حاجة
أهـه بيضحك بيقول مافيش حاجة

ما أنا قولتلكو من الأول مافيش حاجة

عليا النعمه يا اخوانا مافيه حاجة
ورحمة ابويا ويا أبوك على إللّى جابوك ما فيه حاجه

وعهد الله . وعهد الله. وعهد الله
ما خللولنا ولا حاجه

بقلك ايه خلاص خلص و فركش
يلا يا اخونا مفيش حاجه


من قصيدة ايمان بكري ولا حاجة

Unknown يقول...

عمو صلااااااااااااااااح شكلك شفت حلقة بلال فضل مع منى الشاذلى
اصلى حصلى زيك كدة تقريبا
صباح مصرى خالص خالى من الشوائب

أمل حمدي يقول...

بقولك ايه يا فشكول

المشكلة اننا فاهمين كل حاجة

ومش عارفين نستعبط ولا عارفين نطنش ونعمل مش فاهمين

سلام يا استاذي الغالي

assafo anaroze يقول...

صلاح حبيب قلبي
لا الموضوع باين و واضح و اللي ميشوفش من الغربال يبقى اعمى
*********
ولو تاخد معاك حتة لحمه حتدخل كليه احسن ... ولو عايز احسن تاخد معاك قرشين ... يا سلام تدخل احسن كليه .. ولو ما أخدتش حاجه خالص .... حتدخل السجن
********
ده نظام عام يبين ان الفساد عملة متروجة في بلداننا كثير و بتنخر فيه من الساس و اكيد حتهد اركان المجتمع
بس لازم انت و انا و غيرنا كثير نوقف النزيف و نحاول قدر الامكان نكون حجر عثرة للمفسدين
مودتي

سفروتة يقول...

وكم ذا بمصر من المضحكات
ولكنه ضحك كالبكاء

عنده حق عمو المتنبي والله

فعلا جاب من الاخر

دمت بكل ود عمو فشكول
تحياتي
:)

Dr.Ahmed يقول...

قال المسئول الكبير صاحب الصفقات والخبطات المضروبة والعمولات المنهوبة ..هو الشعب ده ماله ..بيموت بالبطيء لييييه ..احنا دخلّنا ليهم قمح في الاصل المفروض علف حيواني ..مش بس كده وكمان اسماك الباسا الفيتنامية اللي عايشة في الصرف الصحي ..ولقاحات مضروبة لانفلونزا الطيور وفيروس سي ..ياتري المشكلة بقي فين !!
للاسف يا استاذ فشكول احنا اخرنا نصدر بطاطس ..وهاهي اسرائيل تُصدر لروسيا طائرات بدون طيار وللهند اكبر دولة في مجال البرمجيات قمر صناعي..(((

عمرو جويلى يقول...

خيانة ........ خيانة
عمنا فشكول خاننى لأن بوسته الجديد بيظهر يوم الخميس فقام بعرضه يوم الأربعاء متعمد لكى لا أركب المكيف وأنا عايز حقى يا عمنا وإلا هرفع عليك قضية خيانة عظمى لتشكل لك محكمة عسكرية والباقى إنت عارفه كويس

عمرو جويلى يقول...

عمنا
السلام عليكم
شوفت اللى حصل
مش طلعوا قانون جديد بزيادة أسعار الكوسةوالقرع ليه متعرفش
بس أنا سألت أحد العارفين ببواطن الأمور وقالى إن النظام الجديد للثانوية العامة سيفتح المجال لغلو أسعار الكوسة والقرع قلت له حرام عليهم دا حتى الكوسة هيغلوها دى أكلة الناس الغلابة قال لى لأ إنت مش فاهم حاجة قلت له أمال إيه
مفهمنيش .حد يفهمنى يا جماعة وله الأجر والثواب من الله وسلم لى على الصكوك

Eslam Eldosoky يقول...

الغلابه كل مرة بيسألوك

همه إمتى قالوا لأ أو زعلوك

الهرم بيعه وبيع وادى الملوك

بس قوللى قَبلها وحياة أبوك

القفا اللى اتصك له عندك سؤال

مش كفاية ولا لسه فيه صكوك

* * *

الماهية كلها ما تجيبش عيش

لو لقيته إن أكلته ياموت ياعيش

ويقولولى إنت ليه ما بتختشيش

هو مسلم وإحنا من كفار قُريش؟!

إمتى يعرف إنى فاهم قصده إيه

كله باعه... واللى فاضل ما يساويش

* * *

البلد دى ملكنا وغالية علينا

واللى بيفكر يبيعها بيعادينا

واللى حتبيعها له بكره حيشترينا

مين عطاك الحق تتجنى علينا

لو تفرّط يوم فى ذرة من ترابها

لا انت محمود مننا.. ولا محيى لينا

* * *

إنت عايش زينا على أرض مصر

إنت أهلك فى الدويقة اتاخدوا غدر

حد فى العبّارة مات أو حرقه قطر

واللى ضايع واللى مش عارفين له قبر

قوللى مين الجوع فى أهلك عصره عصر

لينا رب.. وإنتى ليكى الله يا مصر

السيد أبوالعيلة

صوت من مصر يقول...

عمو يا عمو
من الاخر انت قولت حاميها حراميها صح
طب يسرق ازاى يبقولك بالعقل والعقل يجى منين من انك تخلى الى حواليك مصدق او معنهمش وعى وللاسف احنا خلاص اتسرقنا هنخاف من ايه؟
تحياتى

عمرو يقول...

ما هو يا أستاذنا الحاجات اللى بتتكلم فيهادى فعلا ما ينفعش فيها غير التهييس لأنها أصلا فقدت مهقوليتها
بس اٍلا حكاية السمك الفيتنامى اللى بيتربى عندهم فى المجارى !!
يعنى مين اللى سمح بدخوله أصلا ؟؟ و مين المسئول عن اٍستيراده أصلا ؟؟ و مين اللى حيعوض الملايين اللى طفحوا منه و معرضين دلوقتى للسرطان على حسب ما الجرايد كتبت ؟؟
يعنى نعمل أيه أصلا ؟؟
هو فيه أيه ؟؟!!

مهرة سالم يقول...

السلام عليكم يا عمي....
أنا يعني فهمت طشاش ..
...
سيبك إنته ...
حاخذ معاك قهوه وسط لو سمحت..
...
دمت بخير..

أبو العريف يقول...

اه
دي البطيخه

طبعا يا استاذي
فاهمين
الكلام يبان انه مش مفهووووم
بس المعني في بطن الشاعر
وفي بطن كام واحد كده واقفين جمبه
تحياتي

mahasen saber يقول...

ده كله عشان بس جه على بالك الرز بلبن والمهلبيه

استاذنا الغالى امال لو جه ملوخيه كان حصل ايه

mahasen saber يقول...

بس الفزوره كان اسمه ابو بس صح ولاا انا فهمى غلط

غير معرف يقول...

فى ناس كثيرة مش فاهمه حاجة .. وفيه ناس مش عايزة تفهم ..وفيه ناس فهمت وندمت إنها فهمت...
هذا هو ماوصل له الحال.

ريمان يقول...

يا نهار منيل مش فاهمه حاجه


المهم

احلى مساء على احلى فشكول فيكى يا مصر

وميه مسا ع الناس المفرفشه

هههههههههههههههههه


شكلى هلبخ واقلبها نعكشه

هههههههههههههههههه


والله مكنتش اعرف ان حضرتك دمك خفيف كده


ما شاء الله


مش بعاكس والله

صفــــاء يقول...

هو تقول من قتل كيندى ... ماشى
تقول من قتل السادات برضه ماشى
لكن تيجى لحد ابو فصاد هو دة اللى مش ماشى
كله الأ أبو فصاد يا عم فشكول
أبو فصادة وأبو قردان
دول أخر الرموز المحترمه فى الدوله
أرجوك متهينهمش
ويالا حالا بالا بالا هنو أبو الفصاد
هييه هييه
.

شبه إنسانه .....( سهوره ) يقول...

طبعا هتقولى نورتى يا سهوره البلوج كالعاده
وأنا هقولك ميرسى جدا يا عمو فشكول
على فكرة بقى أنا أحسن واحده فى مصر تعمل قهوة وطبعا بوش بس إيه قهوة مفعولها أقوى من البانجو والحشيش والكلام الفاضى ده
المهم بشكر على الجامد الجامد ده باستثناء إنى مش فاهمه ولا حاجه
اهم حاجه ان كل حاجه
هنا تهيس ولا حاجه

سلام بقى ولا حاجه حاجه
عايزه أقول ان مصر كلها مش فاهمه حاجه
لالالالالالالالا بلاش ليجوا بتوع الحاجه
يخدونا على الحاجه
ونضيع فى الكازوزة ونبقى ولا حاجه
حد فاهم حاجه
ولا حاجه
سلام

مسدس صغير يقول...

انا اى نعم مش فاهم حاجة فى الطعمية
بس اشهد بان انا بحب المهلبية.
وسلملى ع الدقهلية والمنوفية.
وكل سنة واحنا اونطجية..
احيييك
سلاماتى

كريم مصطفي سيد يقول...

رسالة إلي المدونين الشرفاء تضامنواااااااااااااااااااااااااااا
سأبدأ ألان في حمله الاف مدون لحرية المدون الدكتور توكل ادعوا كل المدونين الشرفاء للانضمام حتى نكون كلمه واحده في وجهه الظلم والاستبداد

dr.lecter يقول...

سهله مووت ياستاذنا

ابو فصاده كان اسمه ابو فصاده برده

لانه مورث عن جده ابو فصاده الثاني عشر

وام قويق نفس الكلاام علشان خدت اللقب ده ورث عن المرحومه امها


وبعدين بانجو ايه بس البانجو مضر بالصحه

معايا جوينت حشيش تضرب ؟

maha zein يقول...

مين قتل ابو فصادة

هههههههههههههههه
ده ايه ده ان شاء الله
هو فعلا سك لبن تمر هندي
كل حاجة بقت سمك لبن تمر هندي

الحق
بيقولك ان سمك الباصا ده والكليماري المستورد
جت علي قناة الرحمة علي ما اعتقد او قناة فضائية تانية ان اسرائيل مسرطناه وهو اصلا ميد ان اسرائيل بس ضاربين بلد منشأ

انا بيني وبين حضرتك قلقت
مش بعيد يكون فعلا صح

خاصة انه كتر اوي في السوق والسوبر ماركتس
واسعاره تضرب اي سمك علي افاه
انا قلقت صراحة
تفتكر ايه

ستيتة يقول...

من فيليه باسا لكيماويات تراست واجريوم ياقلب لا تحزن
من مبيدات مسرطنة لتقاوي اسرائيلية سلم لي ع التروماي
ايوه التروماي انا فقدت الذاكرة بعده وكاره زمن مترو الأنفاق وكاره النفاق
ربنا يصلح واعملي معاك فنجان قهوة
لألألألألأ بانجو لأ انا من عيلة محافظة ممكن حشيش

Hanan Elshafey يقول...

استاذي العزيز

اسعدني جدا سؤالك عني
اسألك دعواتك لبنوتك حنان

وانا بقي
فهمت كل حاجه
وفاهمه من زماااااااااااااااان
من وانا لسه في اولي ابتدائي
اصلي كده
من يومي
عارفه اللي فيها من حاميها اللي هو
................................

تحياتي

رئيس التحرير يقول...

يعني كله فاهم ومطنش..ولا كله مش فاهم وعامل فاهم وابو الفهيم ..استني عليا شويه عزرائيل راكب عربيه ومركب بيصيد سمك ...وبيعمل منه مهلبيه و لابس خوزه تحت الجلبيه ...ورابط العقال علشان يتقال الي يتقال ما الي اتقال اتقال وجابوا غيره وقال ان الي غار حمار وهو الجحش الجديد ...بكام الحديد تحت التهديد والله رخيص ومن غير تمن ببلاش بناخده في العضل والكل اتهبل هبل في هبل في هبل اه لو شويه عبل نولع النار وننط فيها مش دا عين العقل.

صبرني يارب يقول...

شوف يا استاذنا

انا فهمت

اه والله

ومش عارفه هي دي نعمه ولا نقمه

بس يعنى نقول الحمد لله

بوست حضرتك خلاني انا ورضا نتكلم حول ما يدور حولنا لمدة ساعتين متواصلتين وصلوني لحاله من الاكتئاب وانسداد النفس عن الحياه وهو اساسا موجود

طيب مش لو كنت باضرب بانجو فعلا كان يبقى فله ؟؟؟

كان زماني ضربت واحده بنجو دلوقتي ولا استنضف واضرب حشيش واعلي الجي واكبر الدي ولا مش عارفه بيقولوها ازاي

حسبنا الله ونعم الوكيل

موووووووووولد وصاحبه غايب

اااااااااه يا بلد عايزه ولد

تامر علي يقول...

يا عم فشكول بلاش كلام في السياسة :)

أبو فصادة لو سمعك هتبقى ليلتنا مش معديه ... وأم قويق كمان لو سمعتك مش هايحصل كويس ... ولو قويق وفصادة اتلموا علينا يبقى ضعنا خلاص :)

لما يوزعوا الكوبون خدلك الأسهم والكوبونات وخلاص :) يمكن يغلوا بعد كده و(المتنبي) بيقول إن خربت دار ابوك خدلك كنها طوبة:)

هيا ناقصة بانجو كمان طيب خللي اللاوعي شغال علشان الوعي مش شغال :)

تحياتي :)

حسن ارابيسك يقول...

العزيز فشكول
بعد كتابتك لهذا البوست فأنت فشكول الساخر الباكي المزعج المراوغ المحاور المهاجم المشاكس
العزيز فشكول
الحقيقة هذا البوست رائع بحق كنت أقرأه وأنا لااتمنى الا ينتهي
فعلاً ابن بلد بصحيح

البوست السابق والخاص ب
الامازيغية
ورغم معلوماتي القديمة عن البربر وتاريخهم الا ان إضافتك كانت لها كبير الأثر في اكتمال المعلومة لدي
اشكرك من كل قلبي على بحثك الدؤوب في الكشف عن كل ما نجهله
تحياتي
حسن أرابيسك

kafrawy يقول...

اهو كله بيلطش ف كله
وعلى الدنيا السلنكتيه

غير معرف يقول...

السلام عليكم و رحمة الله و بركاته


ف البدايه عنترة مات موته ربنا ما حد قتله دا للعلم بالشئ ^^

و ابو فصاده اعتقد كنيه :-)) زى ام قويق كده برضه ^


سؤال بئه لحضرتك

يعنى ايه :الاكتوارى ؟! بسمعها كتير بجد فعمل فيا معروف و قولى يعنى ايه !!!


اشكرك من اعماق اعماق قلبى لاسلوبك الساخر :-)

وردشان smilyrose يقول...

عم فشكول


اه يانى من كل اللى بيجرالى


ايه كل دا يااااااااااااااااه


على كل احوالنا ياااااااه


على اللى بيجرى لزمنا


لاحد عارف مين ولفين ولا ليه


ومحدش عارف ليه كل الفساد

وليه كل الظلم وليه


كل النصب اللى بيتنصب علينا


ياريت تخليهم 2 قهوة بس سادة


ولا خليها مظبوط كفاية حرقة دم


اسلوبك جميل قوى


وبيجى على اوجعانا


smilyrose


وردشان

روح الحب الصادق

من غير عنـــوان يقول...

فشكلت ففشكلت وأحسنت الفشكلة بإسلوب مفشكل فشكلة غير مفشكلة

فتقبل كل فشكلانات المفشكلين

وأكيد إن شاء الله يوما ما ستتفشكل الفشكلة بصورة أفشكل من هذا الفشكلة

من غير عنـــوان يقول...

فشكول

بالنسبة لموضوع القهوه... عندي في إسكندرية لو شرفتنا

إنت راجل جميل ومحتاج زي حالاتي واحد قهوة

أما البانجو.... غالبا مش حفيدك

ممكن نبقى ندور سوا على واحد بانجو في محطة مصر

صمت المشاعر يقول...

صدقت فعلا اخي عندما قلت احنا فاهمين بس عاملين نفسنا مش فاهمين

كلامك كله صح وعرضته باسلوب ذكي اووووي


دمت بكل خير

masry يقول...

مش فاااااااااااااااااااااهم
حاجات كتير لكن فهمت ان احوال البلاد تحتاج الى شقلبه علشان تتعدل و ده الواقع
و فهمت برضه ان حاله حضرتك النفسيه و انت بتكتب كانه فى غير الظروف الطبيعيه
و اتمنى انك تكتب حاجه المره اللى جايه بنظره افضل من كده و ياريت تكون فى حاله افضل

♥نبع الغرام♥♪≈ يقول...

السلام عليكم ....
بصراحه دى تانى زياره ليا لمدونتك الأكثر من روووووعه
أسلووبك جميل قوووى ربنا يوفقك
عاوزين المزيد
ومنتظرينك بكل شوق
تقبل تحياتى

حاجــ عيال ــات يقول...

ايه ده ايه ده
كل دول جم هنا امته
ومن قبلي ومن غير ما اعرف

كده ياعمو ما تنبهنيش بقالي كتيييييييير باجي متأخر اوي
طيب أنا برده مش هزعل منك ..وهبقى العبك معايا

ياشماته غروب فيا

life يقول...

فعلا بوست مفشكل خالص

فيه كمية استياء على ضيق على حاجات ملخبطة كده كتير

بس كل اللى اعرفه يا استاذ فشكول أن احوال البلد مش هتتعدل غير لما نقرر احنا نبطل كلام ونبقى ايجابيين اكتر
ولا يغير الله ما بقوم ما أن يغيرو ما بأنفسهم

والله حتى لما بتكتب سمك لبن تمر هندى بيكون كلامك ليه معنى عميق

Unknown يقول...

ازيك يا والدى

انا اسف على التأخير ولله ، لولا الواد طارق اللى مزهقنى فى عشتى بس هعمل ايه بقى هو هيفضل طول عمره مزهقنى فى عشتى


اولأ : اخبارك ايه؟؟
ثانياً : عامل ايه؟

ثالثاً لو اتكلمنا على البوست دا هنقول ام قويق طبعاً كانت بتعيش فى العصر الجاهلى فانا متهيأ لى انها كانت تلقب فقط يعنى مكنش لها اسم ، اكيد خلفت قويق وعلشان ميكونش عبد اتسمت بأم قويق
فهمت منى حاجة ؟؟

تحياتى

life يقول...

الا حيح انا لسه معرفتش ايه معنى الاكتوارى ؟؟

اعشق فى الليل ضوء القمر يقول...

السلام عليكم
سؤال ما معنى دراسات اكتواريه.

يعنى مش لازم نعيش حياه غلط وكمان مفهمش ديه تبقى رز بالكستر ملوش طعم

رؤية يقول...

ولا يهمك من حاجة
يمكن احنا فاهمين كل حاجة
او مش فاهمين اى حاجة
فى الاخر هاتفرق حاجة؟
ولا حاجة...

تحياتى

ريمان يقول...

السلااام عليكم

ازيك يا باشا

ازيك يا احلى فشكول فى مصر

ازيك يا جمييييييييييييييل


انا بس قولت اجى اعاكسك قصدى اطمن عليك
يعنى واسال عليك

عمرو جويلى يقول...

العم فشكووول
السلام عليكم
الترتيب الزمنى للمماليك
1- اللمماليك البرجية وسموا بذلك نسبة إلى أنهم
كانوا يسكنون بأبراج القلعة
2- والمماليك البحرية وهم سموا بذلك نسبة إلى أن مقرهم كان على جزيرة الروضة على نهر النيل وكان يسمى بحراً
3-
مماليك الجراكسة وهم فى الأصل من دولة جورجيا
وعذرا على التأخير نظرا لمشاغل الحياة

*** حور- نور*** يقول...

يااااااااااااااااااااة
طيب قلنا نكشف عن المعانى دى فى اى معجم
وبعدين هو حد قالك ان ابو فصاده او ام قويق دول قرايبنا علشان نعرفهم قبلما يخلفو ا
يا نهار ابيض دا انا مخى باظ امشى فى الشارع كده انا ازاى
ماليش دعوة انت عليك تصليح مخ كل واحد ممكن يقرأ البوست ده
وشوف بقى هتدفع قد ايييييييييييييييه يا فالح
تقبل مرورى
صحافيه حرة
حور نور

كراكيب يقول...

لاااااا إله اللا اللـــــه
ايه يا عموووووو
ايه اللي جرالك
تؤ تؤ تؤ
ايييييه انت كنت كويس وتمام وزي الفل
ايه اللي حصل
لااا كدة تقلقني عليك

فشكووووووووول يا فشكوووول انت فعلا بجد من غير هزار انت حد عسووووول
:)

miro el niro kwaniro

mostafa rayan يقول...

ربنا يصلح الحال
تحياتي لك

احساس نفس هادئه يقول...

عم فشكول والله الحال من بعضه
صبرا جميل والله المستعان
تحياتي لك

هــو..مش ..نـو يقول...

عم فشكوول ...العسول.
شكرا علي زيارتك ...ودائما منورنا.
ربنا يخليك ...وما يحرمناش منك.
وفشكل يا عم... فشكل
===هوهو==

M.a.r.y.o.o.o.m يقول...

ههههههههههههههههههههههه

من قتل كندى ... من قتل السادات ... من قتل عنتره بن شداد ... من قتل ابو فصاده

بيوحشني بوستاتك جدا
بمناسبة الاكتواريين
فهمني بقي يعني ايه اكتواريين وشرحه دبستك في موضوع يعني الشعبة دي نظامها ايه وحوارتها وكل ما يتعلق بها

فارس عبدالفتاح يقول...

الاستاذ الفاضل / فشكول المحترم


تحية فائقة وبعد ،

طبعاً المعنى العام مفهوم وواضاح جداً لكن من الناحية التفصيلية لكل فقرة ليس واضح بما يكفي ولكن توجد مفردات دالة وقاطعة في دلالتها

بس فعلاً في استفسار عن هذه المفردة وهي

الاكتوارية ماذا تعني هذه الفرده

وبعدين عمنا عمنا يا عم مزعلش نفسك وبعدين انت مش بتقول الاقاب اتشالت وزعلان من انها اتشالت طيب مش عايز تقول عمك ليه يعني احب اعرف لو امكن

وبعدين كندي في بعض الرويات الغير موثقة تقول ان بعض الجهات الاستخبارية في CIE مع بعض الشركات الامريكية كانت لهم مصلحه في اغتيال كندي وقامت بستأجار شخص روسي حتى يبعدون الشبه عنهم

اما السادات فالقتله معروفين لكن المحرضين والممولين باسمائهم وسفاتهم ليسو معروفين لكن هم امريكا واسرائيل دون ادنا شك

لكن انا مش عارف مين ابو فصاده عشان اعرف مين اللى قام بقتله فارجوا الافصاح عن المقصود بابو فصاده


مع خالص التحية

فارس عبدالفتاح يقول...

عفواً

يرجى قراءة رسالة ( التربيع والتدوير ) للجاحظ

مع بالغ التقدير والاحترام

Asmaa Fathi يقول...

اشمعنى دى اللى هنفهمها خلينا مش فاهمين احسن احساس انك مش فاهم (كده وكده يعنى)
احسن من احساسك بانك فاهم ومش عارف تعمل حاجه
يبقى نضحك على نفسنا ونقول مش فهمين دى سياسة دوله

عموما اشتقت لفترة اللى فاتت لسلوبك ودمك الخفيف

تحياتى

د. إيمان مكاوي يقول...

هههههههههههههه.....ما فهمتش حاجه
أصل إللي بيفهم اليومين دول يبقى إرهابي
تحياتي لك أستاذ فشكول

وفاء بركات يقول...

وبعدين ياعمنا فشكوووووووووووول
الكلام ده كبير الظاهر إن معدة الشعب المصرى أخدت مناعه من المبيدات المسرطنه
والهرمونات الموجوده في علف الدواجن والماشيه والدم الملوث والميه الملوثه والحاجات والمحتجات
فقالو نجرب فيه فليه الباصابالنفايات
مهمه مجدريين في الأرض من يجي أكثر من سبعة تلاف سنه ومفيش حاجه بتحوق فيهم
وبعدين سيجارة بانجو آيه دى اللي تخلي الواحد يجاوب علي أسئلة حضرتك اللي ولا أسئلة
الثانويه العامه دى من خارج المقرر
ومين قال ان اسئلة حضرتك ليها إجابه
زى اللي بيحصل فينا احنا المصريين مالو إجابه ..
البوست لذيذ عمران بالمحشي والمهلبيه
والفجل والجرجير واللحمه بجد حاجه تفتح النفس والله علي خلطة السمك واللبن تمر هندى مش دى الخلطه اللي بتجنن .
طب أفوت حضرتك بصحه وعافيه وفوت مره تانيه

وحي القلم يقول...

الشعب المصري فاهم كل حاجة بس غاوي الطناش
ومش عايز يتحرك
-------
أنا حذفت مدون الرابطة لأني طلع عندك حق

Unknown يقول...

بترووح فين ياعم صلاح ابقى طمنا عليك

حرفوش من الحفير يقول...

انت عارف يا فشكول زمن الحرافيش والفشاكيل والحركه الاكتواريه والبنت المستخبيه والطربيزه الى فى الزاويه
وراهاالكرسى وفوقها الكلوب دهه
ويا معين_________طخخخخخخخخخخخخخخ
هو فين الباب____________________

rovy يقول...

السلام عليكم
اكيد فاهمين و عارفين و .. .. بس

يا بلدنا يا عجيبه فيكى حاجه محيرانى
نزرع القمح فى سنين يطلع القرع فى ثوانى
.. و عجبى

خالص تقديرى و ارق تحياتى

محمد عبدالرحمن شحاته يقول...

هههههههههه ازيك ... انت واحشنش جداً يا فشكول على فكره انت دمك زي العسل وموضوعك ده بيثبت لي كده عارف انت لو حتى بيقبلوا في الإمتحانات فجل وجرجير كنت أقول لسه في أمل في النجاح لأولادنا لأن امرهم سهل هو بعد الثانويه العامه حد له نفس للمذاكره أنا أنهيت الثانويه العامه من زمان بس لسه مأثره عليا .. أما أبو فصاده وأم قويق ممكن لو بحثنا عنهم في جنيس ممكن نلاقيهم

إشراقة أون لاين يقول...

الكلام ده ياعم صلاح يبقى راجع للعملية السيكولوجية المنبطحة فى اللاشعور وبتبقى محتاجة تكتيك انبعاجى بحت لأن كل واحد فينا شافها من منظور بعيد عن الآخر وعشان كده مظنش انه فى يوم حيجى وياكل لبن او حتى يشرب سمك ده كلام أكيد لكن من الناحية التانية نحتاج إلى اصلاح داخلى لمواسير المجارى اللى مش قادرين نوصل لحل فى السكس بلف بتاعها
أدعوك ياريس لحفل نجاحى فى إشراقة
محمد

daktara يقول...

استاذ فشكول
كون يوسف بيه غالي بيعمل دراسات اكتواريه علشان مصلحتنا
وكون انك مش عارف يعني ايه اكتوارية
وكوني برضه معرفش
وكون الشعب المصري كله ميعرفش
فدي مش مشكلة الحكومة او يوسف بك
الحكومة مش هتشيل هم جهلك وجهلنا
عندك النت واسع اهو اقرأ واتعلم
واللي معلمتوش المدارس المصرية يعلمه يوسف بطرس غالي
ولا هو كمان هيشيل هم فشل ورارة التعليم وورارة التعليم الواطي


شكلها باظت
انظر حولك
د. خالد عزب

DoNyA يقول...

عمنا فشكول

فشكلت الدنيا كلها اكتر ما هي متفشكله
بس للاسف كلها ححقيقه
يعني هي اصلا متفشكله من غير فشكله

وبالاكتواري ولا حتي بالاسباني
كلنا فاهمين
فاهمين طبعا
ان الكوسه بقت كتير اوي علي الدمعه
ولو كترت عن كده مش هيبقالها اي طعم

حبيت اجي اعدي وامسي
علي عمنا

soly88 يقول...

فشكول باشا
الظاهر البحث الامازيجى عكر مزاجك
من اجمل ما قرأت وأبلغه عباره مكتوبه خلف عربه نقل تقول :
(محدش فاهم حاجه)
شفت عمنا القذافى فى قمة الدوحه
وشفت كمان اخونا البشير راح قطر ولا همه اى حد (رغم وجود قاعده امريكيه بقطر)
صاحبنا بقى قام من النوم متأخر ملحقش الرحله

إيمان قنديل يقول...

انا فهمت

هو ده حالنا في مصر المحروسه أعانها الله على ما ابتليت به

zainab يقول...

استاذى العزيز فشكول

شكرا على سؤالك عليا و جزاك الله خيرا

أنا أسفه قلقتكم عليا بس و الله غصب عنى

معلش يا أستاذى بجد دماغى هتنفجر من التفكير و مش مركزه انت عارف بأه ورايا مليون حاجه بفكر فيها

ادعيلى ربنا ييسر لى الأمور و يصلح لى الحال

تحياتى

وحي القلم يقول...

أنا حذفت مدونة الرابطة
يعني رابطة مدوني المنوفية اتفكت ومبقاش في حاجة اسمها رابطة مدوني المنوفية

Beram ElMasry يقول...

الاخ العزيز fashkool
السلام عليكم ورحمة الله وبركاته
مش انت قلت سمك لبن تمرهندى ، الكل فاهم بس بيطنش
لك تحياتى والسلام عليكم ، ولا سلام مع اليهود

سمكه واحده يقول...

عم فسكوووووووووووووووول
اذيييييييييك اخبراتك ايه
طب انا مش بسأل وانا الصغيره
طب اسأل انت ماشي ماشي ماشي
عامل ايه واخبارك ايه
ومالك بقي ومال السمك هه قولي
ومالك ومال الوزره متخلينا سكتين ومالك ومال الامتحانات وام قويق وابو فصاده ايه ده ايه ده
اقلكش تاخد سوجاره وتسيبك من ده كله

المشكله بقي ان كله فاهم وعامل مش فاهم واو لابد في الدره
سيبك انت هي دي الدنيا وهتعدي بطول بالعرض وادينا عايشين وخلاص !
بس بردو انا وعلانه وعلانه خالص مالص
انت مخصمني ولا ايه
يارب ديما بخير

رئيس التحرير يقول...

بسم الله الرحمن الرحيم
.....
.......
.........
حضرتك قلت أنك مستنيني...
آجي ماألاقيش حد خالص ..
ايه اللي بيحصل هنا؟؟؟

بس خلاص ... يقول...

ايه بس اللى وداك عند الامازيغين هو انت ناقص فشكله ..طيب اهدى بس كده كل عقده وليها حلال ...قولى بس التعريفة المخروم وقع منك فين .. حد قالك تعلم مكانه بالسحاب ... وعايز كمان بانجو هى العيشه ناقصه هباب
زير يروح زير يجى وووولايهمك لسه فى برضه بلاليص فى الدار سمك لبن تمر هندى خادهم ابو الفصاد وطار راح يغنى عند ام قويق قالت له بس خلاص يا باصا انت هتسقط فى الثانويه
انت فاكر ايه ماهو كله سمك لبن تمر هندى ..
فشكول ... طيب ليه بقالك زمان ماجيت عندى ازعل انا بقا ولا اسيبها تعدى

نبراس العتمة يقول...

أستاذ فشكول
لحظات ساحرة قضيتها معك في هذا المطبخ العربي
مودتي

mohamed ghalia يقول...

أنا قولت أجى أطمن ياعمى فشكول

Unknown يقول...

شكرا على البوست الفشكولي ده
الله ينور
جديد ورائع
ويبقى التواصل

على عبدالله يقول...

السلام عليكم

انا جيت عشان ما تقولش زعلان
واستغليت فرصة وجود النت عند اصدقائى فقلت لازم ازور استاذنا فشكول واطمأن عليه

سلام بقى

mahasen saber يقول...

الريدر بيبينلى ان فيه بوست جديد

هو فين بئه البوست الجديد

مستخبى تحت اى صفحه فى المدونه

م/ الحسيني لزومي يقول...

استاذنا الفاضل
كان عندي امل اشوفك في مؤتمر المدونين بحزب التجمع يوم 25/3 لكن للأسف يبدو ان الدعوه ماوصلتش عدد كبير من المدونين

♥نبع الغرام♥♪≈ يقول...

السلام عليكم
عمى فشكول ليه الغيبه الطويله دى بجد قلقتنى عليك قووى
ياريت تطمنى عليك
إيناس

شمس النهار يقول...

هوانا دخلت في مدونه غلط والا ايه هو انا تهت والا ايه مش دي مدونة العم فشكول الشهير بعم صلاح
ونبي حد يدلني

♥نبع الغرام♥♪≈ يقول...

عمى فشكول
انا عندى ليك تاج منتظراك عشان تاخده
متتأخرش علينا عشان أنت وحشتنى قوووووووى

رئيس التحرير يقول...

للمره الثانيه ...
بمبه برضه ...
آجي ماالاقيش ...
صريخ أبن يومين.
ايه الحكايه بقي؟

Soul.o0o.Whisper يقول...

ايه يا عمو فشكول ؟؟


أنا جيت هنا كتير
و أول ما البوست الجديد نزل

و بعدين مش لقيت حاجة؟؟؟



خير ؟؟
اتأخرت علينا


يارب تكون بخير

Soul.o0o.Whisper يقول...

ايييييييييييييييييييه داااااااااااااااااااا


دا أنا كملت التعليق ال100

ياللا المفروض تدينى هدية و تحتفل بيا كمان
ههههههههههههههههههههههههه


بس أنا مش باتكلم كتير والله
أنا باكتب كتير بس
:)




سلام يا عمو العزيز

life يقول...

هو راح فين؟؟
أنا شوفت بوست جديد مكتوب راح فين
دانا جايه جرى عشان ألحق اول تعليق مره من نفسى