الاثنين، 2 نوفمبر، 2009

فشكول فى مولد سيدى المحظوظ

النهارده انتهى المولد وكل واحد لم الخيمه بتاعته وروح على بلده
بس عايزاسأل سؤال : هو اللى اخترع الكبايه اخترعها كامله ليه .. مش كان احسن يخترع نص كبايه وخلاص عشان يبقى كل النص مليان .. مش نص مليان ونص فاضى وواحد حبيبنا ما يقولش اصل الناس بتبص للنص الفاضى من الكبايه. والله خايف لو اخترع نص كبايه برضه يبقى نص النص فاضى ونص النص مليان
طب ليه يا جماعه الكبايه بقى لها آلاف السنين مش راضيه تكون مليانه .. اشمعنا كبايتنا احنا
كنت كتبت السنه اللى فاتت بوست فى نفس الميعاد عن سيدى المحظوظ .. والسنه دى فى نفس الميعاد ما لقيتش جديد .. انزله لكم زى ماهو بدون اى زياده او نقصان
سيدى المحظوظ الله يحظه .. شيخ كبير بيسكن فى بر مصر من شرقها لغربها من شمالها لجنوبها - كان عامل مولد اليومين دول - المولد كبير والمدعوين كتير -
سيدى المحظوظ الله يحظه كان داعى للمولد بتاعه اكثر من 2000 قول اكتر شويه - سيدى المحظوظ الله يحظه كريم .. معطاء .. جواد بيحب المدعوين بتوعه . سيدى المحظوظ الله يحظه كان حداه قصر - قصر كبير - قصر عظيم من ضمن قصور كلها كبيره وعظيمه - لأ وايه عنده قصور فى كل بر مصر اللى يبنى له قصر ويديه له هديه وعلى ارض مش ملكه - يعنى مش ملك اللى بانى ولا ملك سيدى المحظوظ الله يحظه - الارض ملك الناس الغلابه .. حتى اللى بانى ما دفعش حاجه من جيبه

- بر مصر كبير وناسه متنورين وكمان متريشين وفيهم ناس متبهدلين .. وكمان ناس جعانين .. كل ده بالاضافه للناس الفقرانين .. ما علينا خلينا فى سيدى المحظوظ الله يحظه .. قوم ايه .. سيدى المحظوظ الله يحظه راجل كريم ما يرضيهش ان المدعويين عنده ياكلوا ويشربوا ويسكنوا على حسابهم .. قوم.... ايه سيدى المحظوظ الله يحظه هو اللى داعيهم ولازم يأكلهم من عنده .. اصول الضيافه بقى .. سيدى المحظوظ الله يحظه عمل خيمه كبيره - خيمه عريضه وحط فيها كراسى - وعمل فيها بست عشان المداحين يمدحوا عليه عليه وكان عايز البست فى الوست - بس المدعوين قالوا لا يا سيدى المحظوظ .. خلى البست فى الوسط -
سيدى المحظوظ الله يحظه كان داعى مداحين كتير من كل الدوواوير (جمع دوار) سيدى المحظوظ الله يحظه سمح للمداحين يقولوا للسامعين
وقال المداحين
يا سامعين يا متنورين يا متريشين قولوا للخايبين الكحيانين احنا الاصلانيين - عندنا ملايين - واننتم ما عندكم ملاليم - هو انتم زينا مدعوين - دا احنا منورين وانتم مضلمين - تعرفوا تقولوا زينا .. دا احنا مداحين احنا بنقول كلام الحلوين - شغلتنا الكلام - وهمنا الكلام وبرضه هدفنا الكلام احنا المداحين وحنقعد مطرح السامعين وحنخلى السامعين يبقوا مداحين واللى مش عاجبه ياكل طين - اللى مش عاجبه !! ما عندنا ش عجين .. هو طييييين شكلكم طين وعيشتكم طين .. شفتم بقى .. حد يقدر علينا ؟ - دا احنا المداحين وحنمدح وحنقول وحنخلى الكلام محاور ودواوين وحنقول المحور الاول ومن المحور الاول نطلع منه محاور ونطلع من المحور ثلاث محاور تتمحول حول المحور وحنقول عن المحور الثانى والمحور الثالث ونفضل نمحور فى المحور وحنجيب سيرة الدائرى وحنجيب الأوتوستراد .. اصل الهدف من المولد هو هو المحور - هو الهدف وهو الغاية - اللى طلع من المداحين وقال هدف المولد ده - المحور - واللى قال الاكل واللى قال الوكل واللى قال السم الهارى اللى يهرى جتتكم يا غنم يا كتير ..
وواحد طلع وقال بكره حنعمل - بكره حنسوى - بكره يا سيدى المحظوظ يا محظوظ الله يحظك ان شاء الله .. بكره .. بكره .. كله بيقول بكره .. ما حدش بيقول النهارده .. اصل بكره دا على رأى جحا .. يا يموت الحمار .. يا يموت الملك .. يا أكون انا مت ..
آه يا خوفى من بكره يا بدران يا كسلان يا عدمان .. نفسى يا بدران نرجع زى زمان .. زمان زمان من زمان والله يا عين يا يا عينى ..قالوا زمان الزمان ما جاش تررلم .. مع الاعتذار لسمير الاسكندرانى .. نفسى يا بدران حد يقول النهارده - نفسى حد يقول دالوقت يا بدران .. ما فيييييييش كل اللىبيقول بيقول بكره يا بدران بلغت من الكبر عتيا وكله بيقول بكره هو ما فيش فى اللغة النهارده اشمعنا ما فيش فى اللغة النهارده اشمعنى فى اللغة بكره .. وبكره ده مش راضى ييجى يا بدران ..
يا سيدى المحظوظ يا محظوظ الله يحظك يا صاحب المولد .. نفسى فى بكره ييجى - من كتر ما حكوا لنا عن بكره بقيت احبه - بقيت اموت فيه اكله باسنانى وابلعه فى معدتى وبيسرى فى دمى وفى خياشيمى .. يا سيدى المحظوظ يا محظوظ قول لهم يسيبوا بكره ييجى .. هما اللى بيقولوا بكره ... طب احنا مستنيين تصدقوا فى كلامكوا عشان ييجى بكره .. هما المداحين عمرهم بيكدبوا .. المداحين صادقين فى كل حاجه .. يا سيدى المحظوظ يا محظوظ الله يحظك خليهم يسيبوا المحاور والمحور والدائرى والأوتوستراد خليهم بقى فى بكره وخلاص .. مش عايزين منهم غير بكره يمكن بكره ييجى بكره .. يا اخوانا من قديم الازل وانا مستنى بكره خايف اموت وبكره ما يجيش بكره .. اشمعنى الدنيا كلها عندها بكره وانا بكره بيتبغدد على مش راضى .. يا سيدى المحظوظ يا محظوظ الله يحظك يا تنفذ كلام المداحين وتخلى بكره ييجى بكره يا تسكت وتريحنا منك ..
يا شيخ يا سيدى المحظوظ يا محظوظ الله لا يحظك يا شيخ

يا شيخ الله لا يحظك يا شيخ

مافيش حاجه تانيه اقولها

هناك 92 تعليقًا:

محمد الجرايحى يقول...

السلام عليكم ورحمة الله وبركاته
هو فعلاً مولد ، ولكن صاحبه غايب
وصحبه هو الشعب اللى دايماً غايب أو مغيب
غايب عن فكرهم الجديد ، وعن مخططاتهم
فهم كاد أو نسوا أن هناك شعباً فى هذه البلد يئن من التجاهل والظلم والقهر
تقبل تقديرى واحترامى
أخوك
محمد

Saso يقول...

مولد يادنيا
ومحدش سامع ولاحد شايف
كلنا بنقول بكره وبكره مالوش معالم
اتعلمنا نفكر فى بكره وموش نفكر فى النهارده
والمصيبه اننا لابنعمل للنهارده ولالبكره كمان
تحياتى

اسماء واحلام فى وجدانى يقول...

شالله يا مرسى يا ابو العباس
بس ايه الجديد
الناس اتعودت خلاص
ومحدش بقى فاهم ولا عارف حاجة خالص

لاسع افندى يقول...

الدنيا حظوظ
يابن المحظوظ
ولاتدى الدنيا
للى يعوز
اضحك للدنيا
المولد ليك
وانا هضرب بوز


وتحيه لاسعه من واحد محظوظ

فركشاوي ..ناوي يقول...

بسم الله الرحمن الرحيم
السلام عليكم ورحمه الله وبركاته
انا علقت علي الموضوع السنه إلّي فاتت.
السنه الجايه أعلق تاني ...
في بكره الأمنيات و الأماني ...
في النهار ده الألم ..و الألم ...و الألم
تقدر تكتب به وتغير مسار حياه أنسان
تايه حيران ...
تهديه للصواب
او ترميه في بركان .

كلمات من نور يقول...

بوست زود عليا أعراض أنفلونزا البرمائيات يا سيدي الفشكوول الله لا يفشكلك...خليه مولد اهو كله بيهيص

فكرتني بعبد المنعم مدبولي في فيلم قديم قوي كان إسمه مولد يا دنيا

كان بيغني أغنية أخر نكد عن الولد ويقول إيه؟

طيـب يا صبــــر طيــــب

وقتها المسكين كان بيقارن عربيته الحنطور بحتة مرسيدس بتسبقه وتعفر على دقنه

يا ولداه دلوقتي نقارن حتة المرسيدس بإيه يا فشكولنا الطيـب؟؟

تحياتي

اسماء واحلام فى وجدانى يقول...
أزال المؤلف هذا التعليق.
ضحكات الحياة يقول...

السلام عليكم

أستااااااااااااااااااااذي الكبير فشكوووول

منورنا و الله

و علي رأي عدوية زحمه يا دنيا زحمه زحمه و معدش رحمه مولد سيدي المحظوظ الله يحظه و سيدي المحظوظ الله يحظه غااااااااااااايب
هههههههههههههههههه

ضحكات الحياة يقول...

المولد ده عايشين فيه كل يوم مبقاش في يوم معين
انا بحس ان كل اليوم الخيم منصوبه و الناس المدعوين هم نفس الناس و الحالة هي الحالة و احنا مستنيين بكره بتاعهم بس بتهيألي بكره بتاعهم ده زي طائرر الرخ اسطورة و هتفضل اسطورة كلام و خلاص

خلينا ندور علي بكره بتاعنا احنا مش بتاعهم هم

و تحياتي لك

سومه...مجنونه فى بلد عاقل يقول...

هى الكبايه لسه موجوده يا خالو الكبايه انكسرت من زمان الميه فى الكف بتسرسب من بين صوابع الناس

dr.lecter يقول...

ربنا ياخده يارب هو والمولد بتاعه

فاكرينها تكيه

أحــوال الهـوي يقول...

يا شيخيا شيخ الله لا يحظك يا شيخ

الملخص المفيد
و الكبايه يا سيدي اصلا مخرومه و ما فيهاش الا الفاضي و النص المليان بيتسرب منها

شعارات و ناس مأجورة او مستفيده
جابين عيال شباب بيتكلموا بمنتهي الثقة و وحافظين الكلام ما شفتش حد اتلخبط او اتهز بمعني بيتصرف تاني طبيعي

روح يا شيخ .......
و تعالي بسرعه

تحياتي

محمد عبدالرحمن شحاته يقول...

ازيك يافشكول
المولد ده الواحد بيشوف فيه العجب بجد
وتسمع عن اشي سيد البغدادي والهلهول واسماء غريبه كده والاسم الجديد اللي سمعته هو المحظوظ ده
وطبيعي ان الناس اللي عندها الملايين تزل الناس اللي لا يملكون الملاليم اللي هم المداحين دول
ولا القصور ... لازم نبني ونعمر
بس بكره ده بقى اللي فعلا مش مضمون
يمكن يكون فيه بكره بيعدي واحنا عنينا مفمضه عنه ومش شايفينه
يمكن ده جهل
يمكن سذاجه
يمكن قلة بخت
؟؟؟؟
الله اعلم

فارس عبدالفتاح يقول...

استاذنا الفاضل

انا اعرف ان حضرتك ليبرالي محض امآل بتكره الديمقراطية ليه

بطالب بأحزاب الاحزاب موجودة ومن ضمنها الحزب بتاع حضرتك بطالب بحياة ديمقراطية سليمة موجودة

فيه انتخابات وفيه صناديق انتخابات وفيه مرشحين من جميع الاحزاب وحتى مستقلين

وده هو هو اللي كان في حضرة صاحب السمو والجلالة الملك بتاعكم فاروق والانجليز وهي دي الديمقراطية اللى بتنادي بيها اشمعنا دلوقتي حضرتك زعلان من سيدى المحظوظ هي الديمقراطية والاحزاب مش عجبين حضرتك


طيب حضرتك زعلان من اختيار الطبقة العاملة والفلاحين بكامل ارادتها لرئيس وزعيم والتى خاضت اشرف وامجد ايام هذا البلد وشيدت اعظم السدود وانشأت اكبر المصانع من الحديد والصلب الى الالمونيوم الى التكرير الى الغزل والنسيج الى الى الى

ومحاولة تطبيق العدالة الاجتماعية وتكافؤ الفرص والتأمين الاجتماعي والصحي والتعليم المجاني ... الخ


بصراحة حضرتك تتجنا على هذا التاريخ ومع الاسف تتجنا وانت لا تملك القاعدة المعرفية السلمية لتقييم هذا العصر او مقارنته بعصور سبقته او لحقته وهذه كارث تاثر بها الشعب المصري كله بحملة السادات بعد معارضة سوريا والعراق وفلسطين والجزائر لمعاهدة كمب ديفيد

ثم بعدها اطلق السادات اشاعاته ومدافعه الاعلامية عن عدم مساعدت العرب لمصر او الاتحاد السوفيتي وان مصر اولا وانه لا توجد قومية تجمعنا وان مصر ليس عربية بل فرعونيه وان من يعادي الانتفاح فهو انغلاقي .... واواوا



طيب الديمقراطية اذا طبقت سوف تكون ديمقراطية غربية واللى ديمقراطية الشورى والديمقراطية الماركسية والديمقراطية النيابية ... انهي ديمقراطية بالظبط


ربنا يحسن ختامنا

Hager Za3bal يقول...

عموووو فشكوووووووول

ازيك :)

انا اول مره اسمع عن مولد سيدي المحظوظ ده :)))))
بس انا بقيت حاسه ان كل يوم في حياتنا بقت مولد .. كل لحظه في حياتنا فيها الوصف اللي انت وصفته ده ..

بالنسبه للكوبايه
هي لا فاضيه ولا مليانه ولا حتي نص نص
هي عمليه نسبيه ، عشان كل واحد شايفها بنضارته هو ومينفعش نكون كلنا عندنا نفس النضاره ..:)

---

بالنسبه للتاج بقي
انا كتبت عمو فشكووول اخر واحد عشان احلي بيه :)))))
وماليييييييييييش دعوووووووووه
مستنيه الاجاباااااااااااااات
:)

تحياتي

فارس عبدالفتاح يقول...

فيديو لقاء هيكل وآراءه وبالاخص في حزب الوفد والاخوان المسلمين

http://www.vimeo.com/7169099

اللقاء الصحافي بالتفصيل

http://www.almasry-alyoum.com/article2.aspx?ArticleID=230356&IssueID=1566

مع خالص الشكر

فارس عبدالفتاح يقول...

رأيه في الفهلوي المغفل

http://www.youtube.com/watch?v=lUPzKmNYZLc&feature=related

رأيه في سيدي المحظوظ

http://www.youtube.com/watch?v=Um_v2NKSHpE&feature=related

فارس عبدالفتاح يقول...

رأيه ايضاً في التدوين والمدونات

http://www.youtube.com/watch?v=D3ADwQcVq-8&feature=related

احلام جوليا يقول...

سيدك المحظوظ الله لا يحظه طول ما المولد منقام والمداحين قاعدين والغلبانين واكلين طين وبيرددوا وراهم سيدي المحظوظ قصدي سيدهم وطول ما هو سيد وغيره عبيد حيفضل المولد كل سنة ولا تجديد ولا كلام تقدر تقوله يا بابا فشكوول وعجبي

ستيته حسب الله الحمش يقول...

اما انت يا اخي يا عم فشكول عاوز تزود الضغط عليا
مش كفاية اتنيلت واتفرجت على المولد لايف أي بث مبااااااااااااااشر
بتفكرني تاني ليه؟
اجمل ما في المولد
ان واحد كفتة ومش باين عليه كفتة
لما تبص له كده تلاقي اللي عنده اربعين عجوز عنه
والراجل ربنا ينتقم منه ويورينا فيه آيات انتقامه
واقف في المولد
ماسك العصاية
وحاطط غطيان الكازوزة على بدلته المخططة
وواقف يقول لك وسوف
وسوف
وسوف
ده بيتكلم بحاجات تحتاج مخلوق مخلد علشان يخلصها
بس اصلا هو عارف انه مجرد مولد
لا حد ها يقول له اسكت يا كذاب
ولا حد ها يقول له اخرس يا أفاق
ولا حد ها يعارضه
ولا حتى حد من المولد ها يحس

مشيها سوف

حسبي الله
انا تعبت زيك بالضبط
وخايفة اموت من غير ما أشوفك يا بكرة
انت لهي بعيد كده؟

mohamed ghalia يقول...

ياعمى فشكول سيب الكباية انت هتخلص على الحكمة الى بنقولها بقى ولا ايه يعنى نقفل المدونة ونقعد نتسول فى الشارع هههههههههههههههه

*البت المشمشية *حلوة بس شقية * يقول...

عم الشباب
وحمايا العزيز

وحشتنا والله
بس انا الى غايبة من فترة

بس انتا بتكلم عن بكرة اللى اساسا مالوش ملامح
ولا عارفين
اللى جاى احسن
واللى الى دلوقتى نعمة
عاملين زى الخرفان
مستنين العيد عشان ندبح وخلاص

خواطر شابة يقول...

بداية الف تحية لك و شكرا على تشجيعك وزياراتك لمدونتي الف شكر والف تحية.
بالنسبة لما كتبته اليوم انا سأهديك قصيدة لاحمد مطر اسمها احتمالات فيها كل ما يمكن ان يقال ;

ربما الماء يروب ،

ربما الزيت يذوب،

ربما يحمل ماء في ثقوب ،

ربما الزاني يتوب ،

ربما تطلع شمس الضحى من صوب الغروب ،

ربما يبرأ شيطان ، فيعفو عنه غفار الذنوب،

.إنما لايبرأ الحكام في كل بلاد العرب من ذنب الشعوب

م/ الحسيني لزومي يقول...

ظبطك يا فشكول ياخويا بتتكلم في السياسه...اعمل فبك ايه وللا ايه...طب استني شويه لما الناس تنسي كرامات سيدي المحظوظ لكن ده مع سبق الاصرار والترصد...شوف يا خويا المقال ده عندنا فك الشفره بتعته واستلقي وعدك وحسابك من اجلك انت يمكن نخفف
تحياتي وشوماتي

norahaty يقول...

شكلك كدا
والله أعلى وأعلم
بتنبط بالكلام على
حد ماأعرفوش
خاااااالص:)

ريمان يقول...

السلام عليكم



هو مولد وصاحبه غايب



هههههههههههه


شر البليه ما يضحك


بس ايه العنوان الجبار ده


لا بجد العنوان توحفه وفيه ابداع يا اجمل فشكول


والله مش عارفه اقول ايه بس الشعب خلاص اخد على كده


والشعب ساكت ونايم ولو صحى بيدور على لقمه عيشه وبس

فعلا الناس اتعودت على كده



تحياتى ليك



يا رب تكون بخير وبالف صحه يا رب


ابقى طمنا عليك يا فشكول المدونين


وخلى بالك من نفسك


تحياتى ليك

ريمان يقول...

اوعى تزعل منى اما بغيب عنك


بس والله ظروف النت مش كويسه دايما معايا بس والله بسال عليك وبطمن عليك

المهاجر يقول...

البوست جميل رغم إنك تقصد إللى بالى بالك بس دول المولد بتاعهم كبير ومبيخلصش ولازم نقول مدد يا سيدى العريان على رأى عادل امام

ن يقول...

السلام عليكم
استاذنا الفاضل فشكول
نعود مرة أخرى للحديث وأواصل معك الرد على باقى تعليقك الهام الذى نسخت منه الجزء الذى سأتحدث عنه الان
قلت حضرتك
ابراهيم عليه السلام كان حنيفا مسلما
وحنيفا تعنى الاعوجاج وجاء اعوجاج سيدنا ابراهيم عن دين اهله وعشيرته الى الدين الصحيح فسمى حنيفا .. ومسلما لان الدين عند الله الاسلام
هل قرأنا او فهمنا او رأينا شيئا من القرأن الكريم يشير الى ملك ابراهيم فى مصر. القرأن الكر يم يقول لنا انه جاء الى مصر ضيفا واهدى هاجر وخاف على زوجتيه واخذها وقفل عائدا الى ارض الكنعانيين واسكن اسماعيل فى جبال فاران وبقى هو فى بلاد كنعان حتى رزقه الله اسحاق ببشرى الملائكة التى كانت ذاهبه الى قوم لوط.
..............
أجل القرآن لم يشير الى رحلة ابراهيم فى القرآن كما تعودنا من خلال سيرة موسى ويوسف وهو ذكر اسم مصر مباشرتا وكل الحفريات سابقا لم تشير الى رحلة ابراهيم فى القرآن وكل ما لدينا هو رويات أهل الكتاب والقرآن لم يذكر لنا مباشرتا رحلات ابراهيم كانت من اين الى اين الوارد لدينا بالتفصيل هو بناء بيت الله وهو الكعبة المشرفة ..
رغم تأكد كثير من العلماء والفلاسفة من رحلة ابراهيم عليه السلام واقامته فى مصر .. راجع ابراهيم ابو الانبياء للعقاد من فضلك .وسوف اذكر لحضرنك ما ورد فى بعض النصوص .
إبراهيم عليه السلام حسب رواية العهد القديم

العهد القديم هو المصدر الوحيد الذي يحتوي على الكثير من تفاصيل حياة النبي إبراهيم(عليه السلام)، إلا أن الكثير منها غير موثقة، ولد إبراهيم(عليه السلام) حسب رواية التوراة عام 1900 قبل الميلاد في مدينة أور، إحدى أهم مدن ذلك الزمان، والتي كانت تقع إلى الجنوب الشرقي من سهول "وادي الرافدين "، عندما ولد لم يكن اسمه إبراهيم، بل كان اسمه أبرام ثم غيره الإله يهوه فيما بعد.

وفي أحد الأيام طلب الإله من أبرام أن يترك مدينته وقومه ويذهب إلى مكان آخر غير محدد، وأن يقيم مجتمعاً جديداً، سمع أبرام هذا النداء وهو في الخامسة والسبعين من عمره، فخرج وزوجته العاقر ساراي - والتي ستحمل اسم سارَّة فيما بعد ومعناه الأميرة - وابن أخيه لوط، وأثناء توجههم إلى الأرض المختارة، توقفوا في حَرَّان ثم تابعوا طريقهم، وعندما وصلوا إلى أرض كنعان التي وعدهم الله بها، أُخبروا أن هذه الأرض قد اختيرت ووهبت لهم خصيصاً، وعندما بلغ أبرام التاسعة والتسعين أبرم موثقاً مع الله وتغير اسمه إلى إبراهيم. توفي وهو في السابعة والخمسين بعد المئة من عمره ودفن في كهف في ماتشبيله قريباً من مدينة حَبْرُون (الخليل) في الضفة الغربية التي تحتلها إسرائيل، هذه الأرض التي اشتراها إبراهيم مقابل مبلغ من المال، كانت أول ما امتلكه هو وعائلته في الأرض الموعودة

طبعا هذه الروايات اغلبها غير موثقة كما ذكر لنا المؤرخون ولكن ما نعلمه من خلال القرآن ان ابراهيم ترك اهله ورحل عنهم بإسلامه مهاجرا فى سبيل الله ولدينا رمز أثرى واحد فى القرآن هو اسم ابيه آزر وهو من وجهة نظرى الدليل الوحيد على فك شفرة تداول هذا الاسم فى بلد ما هى كانت بلد ابراهيم عليه السلام من الميلاد وحتى هجرته صلواة الله عليه .

ن يقول...

تكملة
قال الله تعالى:( وَإذْ قَالَ إِبْرَاهِيْمُ لأَبِيْهِ آزَرَ أَتَتَّخِذُ أَصْنَاماً آلِهَةً إِنِّي أَرَاكَ وَقَومَكَ فِي ضَلاَلٍ مُّبِيْنٍ * وَكَذلِكَ نُري إبْرَاهِيْمَ مَلَكُوتَ السَّمَاواتِ وَالأَرْضِ وَلِيَكُونَ مِنَ المُوقِنِيْنَ * فَلَمَّا جَنَّ عَلَيْهِ اللَيْلُ رَأَى كَوْكَباً قَالَ هَذَا رَبِّي فَلَمَّا أَفَلَ قَالَ لا أُحِبُّ الآفِلِيْنَ * فَلَمَّا رَأَى القَمَرَ بَازِغاً قَالَ هَذَا رَبِّي فَلَمَّا أَفَلَ قَالَ لَئِنْ لَّمْ يَهْدِنِي رَبِّي لأَكُونَنَّ مِنَ القَوْمِ الضَّالِّينَ * فَلمَّا رَأى الشَّمْسَ بَازغةً قَالَ هَذَا رَبِّي هَذا أَكْبَرُ فَلما أفَلَتْ قَالَ يَا قَوْمِ إِنّي بَريءٌ مِّمَّا تُشْرِكُونَ * إِنِّي وَجَّهْتُ وَجْهِيَ لِلَّذِي فَطَرَ السَّمَاواتِ وَالأَرْضَ حَنِيْفاً ومَآ أَناْ مِنَ المُشْرِكِيْنَ ) (الأنعام: 74-79).
وقال تعالى
ونجيناه ولوطا إلى الأرض التي باركنا فيها للعالمين ( 71 )
وهنا لنا وقفة .
اختلف العلماء فى هذه البلد التى هاجر اليها الخليل قالوا انها الشام ومنهم من قال انها الى مكة مباشرتا ومنهم من قال انها الى حران وتضاربت الانباء .
ما اود ان أقوله لولا ان هناك رحلة الى مصر فمن اين جاءت قصة هاجر المصرية ام اسماعيل عليه السلام هى ام من تعلم منها اسماعيل عليه السلام الكلام او التحدث بالعربية كما أشار الدكتور أسامة السعداوى .
يا سيدى لقد قايض العلماء والمؤرخين منذ زمن انه لن يكشف حقبة ابراهيم عليه السلام غير علم الاثريات والحفريات .. وفى حلقات خاصة مع الدكتورة نعمات احمد فؤاد وعالمنا الجليل الراحل الدكتور مصطفى محمود وغيرهم طالبوا من الباحثين فى هذا المجال الدأب على اكتشاف تلك الحقبات الغامضة لأنهم من خلال فهمهم للقرآن والتاريخ كانوا على علم بأن التاريخ تعرض للتزيف ورسالات الانبياء السابقين لمحمد صلى الله عليه وسلم جزء من هذا التاريخ الغائب والله عز وجل فى القرآن ذكر لنا بعض القصص والبعض الاخر لم يذكره لحكمة يعلمها وحده ربما ترك الاجتهاد لكل من اجتهد فى علوم الحفريات والاثريات والتى اظهرت لنا بعد ذلك مدينة آور التى كانت موطن الخليل وافادت الحفريات ان هذه المدينة كان أهلها من عبدة النجوم والكواكب .
نعود لمشكلة نظرية الدكتور أسامة التى أدنت بك انه يشكك فى المعتقد سواء هو او غيره من الباحثين .
أحب ان اوضح لحضرتك نقطة هامة ذكرتها مرارا وتكرارا الباحثون والمتخصصون لايهمهم غير اكتشافاتهم العلمية العقيدة لا تدخل صلب هذه الابحاث ولكن هناك لديهم ما يسمى بالامانة فى اعلان حقيقة الاكتشاف الا وهو الحقيقة العلمية المكتشفة خاصة اذا كانت تحمل دلائل واضحة وكون الرجل اكتشف ان ما على الجدران رسالات سماوية فهذا ليس ذنبه والسؤال اين يذهب به ؟
ولكن اريد أن أسأل حضرتك سؤالا هاما .
ترى لو كان الدكتور أسامة من الذين يمسون العقيدة ويشككون بها اليس من الاولى ان يهلل له اعداء الاسلام على الاقل .ولكن الغرب لن يعترف لنا بالحقائق ابدا لأنه يؤلمه بشدة ان نعلم وان يعلم العالم كله ان نور الاسلام دخل مصر المباركة منذ فجر التاريخ لذلك هذه النظرية اراها تهاجم بشدة فى وقت يتم فيه التشكيك فى القرآن وآياته وانهم ينكرون بشدة ان محمدا بعث لإحياء ما توارى عن البشرية من كلمات الله التى حرفت فهم بالتأكيد لا يريدون اثباتات لذلك .
يا سيدى نحن مؤمنين بالله وكتبه ورسله
مسلمين وفى عصمة الاسلام بشهادة ان لا اله الا الله وان محمدا رسول الله . وعلينا ان نكون بالشهادة كالجبال والا كنا الحدنا جميعا من دراسة الفلسفة التى تدرس فى المدارس والجامعات وبها الكثير من التناقضات والشك أشد مما تراه فلماذا هذه النظرية بالذات التى ستقودنا الى الشك واليعوذ بالله .
بقى وجهة نظرى فى رحلة ابراهيم عليه السلام فى مصر وهى رموز جاءت فى القرآن عبارة عن إشارات سأعرضها على حضرتك فى الحوار القادم لآنى لست من أهل تخصص فى علم الاثريات او الحفريات ولكنى أحب كلام الله ومحاولة استيعاب كل كلمة اقرأها لذلك اقول لك وجهة نظر ليس الا.
مع خالص تحياتى

بقايا انسانه يقول...

يارب بس منخرجش من المولد تايهين

موش عارفين احنا مين ولافين ولابنعمل في المولد ايه

هيجي يوم ويتفض المولد بس ياريت وقتها

نكون فايقين وواخدين قرار وصاحيين

بقايا انسانه يقول...

يارب بس منخرجش من المولد تايهين

موش عارفين احنا مين ولافين ولابنعمل في المولد ايه

هيجي يوم ويتفض المولد بس ياريت وقتها

نكون فايقين وواخدين قرار وصاحيين

فارس عبدالفتاح يقول...

يا استاذنا انا لست عنيف واذا كنت عنيف فانا اسف واسف جداً

بس والله انا اقصد ان يكون فيه رؤية صحيحة من خلالها يتم النقاش الموضوعي والجاد

وبعدين انا لست اقصد ان الحزب الذي تنتمي اليه حضرتك هو الحزب الوطني انا اقصد حزب .. الوفد ..

وبعدين هيكل مش ليبرالي هيكل قومي عربي الى هذه اللحظة ولم يغير فكره ولم يغير القومين العرب فكرهم وهذه الاراء والتحليلات هي ايضا تحليلات القومين العرب اجمع .. كما تسمونهم الحنجورييين ايضاً .. وهذه من ضمن الدعاية المضادة .. وهي جزء من الحرب النفسية ايضاً


وبسبب ضبابية الرؤية عن هؤلاء الناس المنتمين الى للفكر القومي العربي والحملات الاعلامية والدعائية التي تشن عليهم لانهم اصحاب مشروع قومي فيه العدل والمساواة او يحاولون ان يكونوا كذلك

تم ترسيخ اراء وافكار ضد كل شيء جميل في هذه الامة من الاخوان الى القومين العرب حتى الوطنيين الحقيقين

فاذا طالب واحد باصلاح شيء او نادا بامر معين قامت الحملات الدعائية عليه من كل حدب وصوب والمشكلة ان اصحاب الطبلايات من امثالي

لا يعرفون الا شيء واحد وهو الطبلية وحشو البطون والخرافات الدعائية وتعبئة العقولة

وهذه انواع من الحروب النفسية ايضاً

مع كل التقدير والاحترام

طهر فؤادك يقول...

السلام عليكم ورحمة الله وبركاتة ,,

ربنا يكرمك يارب ياعم فشكول والمسلمين ان شاء الله

- الموضوع فعلا محير بس ربنا يكرمنا ويبدل الامور للخير باذن الله وتفائلوا بالخير تجدوةةةةة ... وان شاء الله الخير قادم بأذن الله امتى بقى وفين الله اعلم بس برضوا بقوللك كل امر المؤمن خير زى ماقال رسولنا الحبيب صلى الله علية وسلم فيما معناةةة ان كل امر المؤمن خير اذا مسة ضراء صبر واذا مسة سراء شكر

همســات عــلى ضــوء الــقمر يقول...

هههههههه

صباح الثكر يافشكول

بجد العنوان ضحكنى اصلا

نروح نقرأ ونيجى

همســات عــلى ضــوء الــقمر يقول...

شيخ المحظوظ الله يحظه هههههه


احنا عندنا

مولد الحجة امنة
مولد ابو زينة
مولد الرفاعى

ويجيبوا طبل ومراجيح واراجوز

وهو داء اسود فى الناس
شالله يابركة
وحياتك بنتى عايزة اجوزها
بنتى فى الثانوية العامية
ابنى عايزها يسافر ههههههه
وتدعى

احنا حياتها كلها مولد اصلا

ليس فقيرا من يحب يقول...

السلام عليكم

ازيك يا عمى

اخبارك ايه وعامل ايه فى البرد ده

يارب تكون بخير

هيا الدنيا اصلا كلها كده

مولد ووممكن اصلا صاحبه يكون حمار

ابقى ابعتلنا المحظوظ ده احسن من

النحس اللى الواحد فيه ههههههههههه

ربنا يكرمك يارب

فى حفظ الله

سومه...مجنونه فى بلد عاقل يقول...

قفشتك يا خالوا وانت بتعلق عند دكتوره ستيته الحمش وبتقول على طنط احسن من قلتها :(
وبما انى لازم انضم لصف الستات وادافع واستقتل وبشده ....
وبما ان كوووووووووووووووووووووله الا ام اسامه معلشى بقى....
فحكتب الكلام دا واجرى حستلمه منها لما نرجع انا وهى مصر....:)) حله محشى...
طنط دى مفيش منها اتنين .... طنط احسن واحده بتعمل محشى كرنب....
طنط عشره عمر يا خالللل .... احسن واحده بتعمل بيض مقلى ومسقعه وكسكسى ومخلل وملوخيه ولوبيه.....
طنط ياما جابتلنا انا ومحمود زمان دره وفشار وبطاطا وكاراتيه ....
دى لو جالها ضيوف بتبقى عاوزه تشيل حيطان البيت وتحطها قصادهم من كرمها ....بتبقى حتقطع من لحمها وتديهم....
دا انا محبيتشى حد اد طنط ...دى بركه المنوفيه يا خال....لا والنعمه دى بركه مصر كلها .....
ايه يعنى تتخانق شويه ما كل الستات بتتخانق....ايه يعنى بتتقمص ما انت يا خال اللى بتزعلها ساعات ....
ايه يعنى تغير عليك ما انت اصلك حليوه وصغنتت يا خال برضك يعنى ويتخاف عليك دا كفايه طولك ماشاء الله:).....
طنط ام العيال الارض الطيبه ....الحاجه ست الكل عنقود الفل ....
طنط هو فى واحده زى طنط دى المنوفيه كلها عقمت عن ان تنجب مثلها .....
ربنا يرجعهالك بالسلامه يا خال يا رب ....
وتكبس تانى على نفسك وتنورك ....دى منغيرها والله البيت ما يبقى ليه لازم ..
ربنا يصبرك لحد ما ترجع تانى بالسلامه:))
......................
عملنا اللى علينا والباقى عليها اما ترجع ان شاء الله:)))
انا حجرى عشان شايفه فى ايدك طوبه كبييييييييره حتحدفنى بيها:)

قلم رصاص يقول...

ايه الكلام الكبير ده ياعم فشكول

سيبها ماشيه الدنيا لاتبوظ اكتر

هههههههههههههههه

في حفظ الله

حلم بيعافر يقول...

الشاطر فى المولد اللى يخطف ويجرى
صدقنى ده اللى ماشى
والشاطر اكتر اللى يخطف ويجرى بعيييييييييييييد ومحدش يحصله حتى بعد 29 سنة

حلم بيعافر يقول...

اه اسف ع الدخلة دى
المفروض نسلم الاول معلهش

معتز شاهين - باحث تربوي يقول...

تحياتي لك ياحبيبي

والله وحشتني ووحشتني طلعاتك الفشكولية

تحياتي على المحاظيظ اللي انت كاتبها

ويبقى التواصل

مـجـنـووون يقول...

سيدي المحظوظ مش هيفضل محظوظ علي طول

هيجي يوم وتنقلب عليه

ولو كانت دامة لغيره كانت دامت له

تقبل مروري استاذي الكريم
مجنووون

رامز عباس يقول...

يا حبيبي يا أستاذ فشكووول
بحبك دايما عالطول
مخلص لصداقتك وفي التعليقات كسول
عارفك هتقولي أنا مش مسئول
والبيت بيتي مفتوح عالطول
يا حبيبي يا ريس فشكووول
أنا في صداقتك محتار أقول
أنت بجد حاجة تشرف حاجة عظيمة
فكرك فكر يخش عقول
يا حبيبي يا صديقي فشكووول
خليك منور أيامي عالطول

rovy يقول...

السلام عليكم استاذى العزيز ..
و الله عندك حق ..
نفسى يا بدران نرجع زى زمان .. زمان زمان من زمان والله يا عين يا يا عينى ..قالوا زمان الزمان ما جاش تررلم .. بيتهيألى صعب يا بدران نرجع الزمان .. لكن حتى بكره كمان بقى صعب يجينا او نروحله ؟!
بجد ربنا يلطف بينا و يرحمنا ..
بوست رائع .. تحياتى لك دوما

العيسوى الصغير يقول...

مولد
واحد هايص و التانى لايص
و الدنيا حظوظ و سلم لى على المحظوظ

اسماء واحلام فى وجدانى يقول...

عايز اعرف رايك يا فشكولى

فى يوم عيد الحب

م/ الحسيني لزومي يقول...

فشكول يا خويا ياريت تقرأ مقال ابراهيم عيسي في الدستور "خطورة ان يختار الرئيس"
ينفعك في المولد اللي شغال يبتاع حزب الوفد

أحمد عاطف يقول...

أحلى حاجه في المولد دا انه من أجلك انت يا كبيرنا

انت دي بقى ممكن تقولي عايدة على مين

ومتقوليش عايدة الايوبي

احلى حاجه في المولد اننا اكتشفنا ان مصر قام فيها ثورة جديده

خلوني قريت اخبار مصر من 10 سنين فاتوا مالقتش اي ثورة


الا الثورة بتاعة العيال الفراير لما تامر حسني اتحبس

يمكن هي دي ثورة التحديث والتطوير ؟

ماما أمولة يقول...

ازيك يا فشكول باشا

أنا جيت أهو ومتهتش في المولد

تقديري لك ولكلامك اللي ورا الكلام

”*°•.˜”*°•..سونه..•°*”˜.•°*”˜ يقول...

السلام عليكم

ازيك يا استاذى العزيز
مجهود كبير وجميل تحياتى ليك
انا جايه اسلم عشان مقدرش اتاخر على حضرتك ابدااا
بس انا قلت مولد بقى اكيد فى حمص وملبس وحاجات حلوه كتير
ههههههههههه
بس اكيد كلامك اجمل بكتييييير
يارب تكون بخير دايما سونه .

المشخبطاتى يقول...

بركاتك سيدي المحظوظ..


مش كل واحد في حاله..طيب ماهو لازم يبقي مولد..

ربنا يسترها:)

تحياتي.

كلمة صدق يقول...

اعلم جيدا انة مافيش بكرة طول مافية النهاردةوأنهاردةقاعد ومش عايز يتحرك والناس الغلابة عايشين مطحونين كدة من سنين واصحياب المولد عايشين منعمين ومش داريين وربك هوة المعين ودمتم الة انا مقولتش سلا مو عليكم لاتأخذنى اصل انا من المطحونيين

ن يقول...

السلام عليكم
أستاذى الغالى .. فشكول
يا استاذنا العظيم .. خذ وقتك والله انا مثلك مازلت أراجع وأقرأ وأعود من جديد الى نظرية الدكتور أسامة السعداوى ومازلت أراجع نفسى فى المعلومة الف مرة وهذا ما يجب ان يكون شاغلنا دائما خاصة بعد غياب حقائق كثيرة وجميعا اكيد يلزمنا البحث الدائم .
والمعذرة يا سيدى انى نسيت ان أوثق لحضرتك بعض المعلومات التى ذكرتها خاصة فى هجرة ابراهيم ولكنى سوف اذكر لحضرتك المراجع بأرقام الصفحات حتى اوفر عليك الوقت .
سلامة عينك والله انا تعبتك معنا فى البحث لكن ثقتى ان حضرتك سوف تكون سعيدا عندما تكتشق كل يوم شىء جديد .
اما بالنسبة للمواقع التى تهاجم الاسلام فهذه سموم أصبحت ليست على الانترنت فقط وكون النظرية ببعض الحقائق تخدم هذه المواقع كما قلت حضرتك وربما تكون هذه المواقع ايضا وظفت دورها بحيث تصل بنا الى هذا الشك وللأهمية لمثل هذه المواقع متخصصون ومحترفون على إثارة مواطن الشك والاستفزاز لدى القارىء لذلك قد تشغلنا عن ما هو اهم ولكنى احيانا احمد الله على اننا فى هذا السن تواصلنا مع العالم ونمتص ما قد كان سينفذ الى عقول أجيالنا ويعبث بعقولهم دون ان ندرى انظر الى أحفادك واستمر فى البحث فهذه الاجيال مازالت تحتاج منا الكثير من التربية والمعرفة .
مع خالص تحياتى

اسماء واحلام فى وجدانى يقول...

ازيك يا راجل يا طيب
حضرتك بتقول عيد للحمة طب ماهو ده موجود بالفعل اما بقى عن باقى الاعياد فانسا يا عمرو مش حتصل ولو حصل فى الدنيا ايه

ن يقول...

السلام عليكم ..
استاذنا الغالى .. فشكول
والى كل من يرغب فى البحث ..ولتواصل المناقشة التى تدور حول نظرية الدكتور أسامة السعداوى
اعرض لسيادنكم هذه الايات الكريمة للتدبرها جيدا وهى تعرض بصراحة ووضوح عن لسان مصرى مسلم من المصريين القدماء كيف عرضت الرسالات على مصر وها هو إقرار مباشر من تلك الايات من سورة غافر ابتداء من الاية 28والى الاية 46.. وللمراجعة تفسير هذه الايات سورة غافر لأبن كثير والطبرى وكل من لديه تفسيرات أخرى
استمعوا الان الى حديث مصرى من أجدادكم مؤمنا بالله .
قال تعالى ..
بسم الله الرحمن الرحيم

*وَقَالَ رَجُلٌ مُّؤْمِنٌ مِّنْ آلِ فِرْعَوْنَ يَكْتُمُ إِيمَانَهُ أَتَقْتُلُونَ رَجُلًا أَن يَقُولَ رَبِّيَ اللَّهُ وَقَدْ جَاءكُم بِالْبَيِّنَاتِ مِن رَّبِّكُمْ وَإِن يَكُ كَاذِبًا فَعَلَيْهِ كَذِبُهُ وَإِن يَكُ صَادِقًا يُصِبْكُم بَعْضُ الَّذِي يَعِدُكُمْ إِنَّ اللَّهَ لَا يَهْدِي مَنْ هُوَ مُسْرِفٌ كَذَّابٌ*
*يَا قَوْمِ لَكُمُ الْمُلْكُ الْيَوْمَ ظَاهِرِينَ فِي الْأَرْضِ فَمَن يَنصُرُنَا مِن بَأْسِ اللَّهِ إِنْ جَاءنَا قَالَ فِرْعَوْنُ مَا أُرِيكُمْ إِلَّا مَا أَرَى وَمَا أَهْدِيكُمْ إِلَّا سَبِيلَ الرَّشَادِ *

*وَقَالَ الَّذِي آمَنَ يَا قَوْمِ إِنِّي أَخَافُ عَلَيْكُم مِّثْلَ يَوْمِ الْأَحْزَابِ *

*مِثْلَ دَأْبِ قَوْمِ نُوحٍ وَعَادٍ وَثَمُودَ وَالَّذِينَ مِن بَعْدِهِمْ وَمَا اللَّهُ يُرِيدُ ظُلْمًا لِّلْعِبَادِ *

*وَيَا قَوْمِ إِنِّي أَخَافُ عَلَيْكُمْ يَوْمَ التَّنَادِ*

*يَوْمَ تُوَلُّونَ مُدْبِرِينَ مَا لَكُم مِّنَ اللَّهِ مِنْ عَاصِمٍ وَمَن يُضْلِلِ اللَّهُ فَمَا لَهُ مِنْ هَادٍ *

*وَلَقَدْ جَاءكُمْ يُوسُفُ مِن قَبْلُ بِالْبَيِّنَاتِ فَمَا زِلْتُمْ فِي شَكٍّ مِّمَّا جَاءكُم بِهِ حَتَّى إِذَا هَلَكَ قُلْتُمْ لَن يَبْعَثَ اللَّهُ مِن بَعْدِهِ رَسُولًا كَذَلِكَ يُضِلُّ اللَّهُ مَنْ هُوَ مُسْرِفٌ مُّرْتَابٌ *

*الَّذِينَ يُجَادِلُونَ فِي آيَاتِ اللَّهِ بِغَيْرِ سُلْطَانٍ أَتَاهُمْ كَبُرَ مَقْتًا عِندَ اللَّهِ وَعِندَ الَّذِينَ آمَنُوا كَذَلِكَ يَطْبَعُ اللَّهُ عَلَى كُلِّ قَلْبِ مُتَكَبِّرٍ جَبَّارٍ *

*وَقَالَ فِرْعَوْنُ يَا هَامَانُ ابْنِ لِي صَرْحًا لَّعَلِّي أَبْلُغُ الْأَسْبَابَ *

*أَسْبَابَ السَّمَاوَاتِ فَأَطَّلِعَ إِلَى إِلَهِ مُوسَى وَإِنِّي لَأَظُنُّهُ كَاذِبًا وَكَذَلِكَ زُيِّنَ لِفِرْعَوْنَ سُوءُ عَمَلِهِ وَصُدَّ عَنِ السَّبِيلِ وَمَا كَيْدُ فِرْعَوْنَ إِلَّا فِي تَبَابٍ *

*وَقَالَ الَّذِي آمَنَ يَا قَوْمِ اتَّبِعُونِ أَهْدِكُمْ سَبِيلَ الرَّشَادِ *

*يَا قَوْمِ إِنَّمَا هَذِهِ الْحَيَاةُ الدُّنْيَا مَتَاعٌ وَإِنَّ الْآخِرَةَ هِيَ دَارُ الْقَرَارِ*


*مَنْ عَمِلَ سَيِّئَةً فَلَا يُجْزَى إِلَّا مِثْلَهَا وَمَنْ عَمِلَ صَالِحًا مِّن ذَكَرٍ أَوْ أُنثَى وَهُوَ مُؤْمِنٌ فَأُوْلَئِكَ يَدْخُلُونَ الْجَنَّةَ يُرْزَقُونَ فِيهَا بِغَيْرِ حِسَابٍ *

*وَيَا قَوْمِ مَا لِي أَدْعُوكُمْ إِلَى النَّجَاةِ وَتَدْعُونَنِي إِلَى النَّارِ *

*تَدْعُونَنِي لِأَكْفُرَ بِاللَّهِ وَأُشْرِكَ بِهِ مَا لَيْسَ لِي بِهِ عِلْمٌ وَأَنَا أَدْعُوكُمْ إِلَى الْعَزِيزِ الْغَفَّارِ *

*لَا جَرَمَ أَنَّمَا تَدْعُونَنِي إِلَيْهِ لَيْسَ لَهُ دَعْوَةٌ فِي الدُّنْيَا وَلَا فِي الْآخِرَةِ وَأَنَّ مَرَدَّنَا إِلَى اللَّهِ وَأَنَّ الْمُسْرِفِينَ هُمْ أَصْحَابُ النَّارِ *

فَسَتَذْكُرُونَ مَا أَقُولُ لَكُمْ وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ *

*فَوَقَاهُ اللَّهُ سَيِّئَاتِ مَا مَكَرُوا وَحَاقَ بِآلِ فِرْعَوْنَ سُوءُ الْعَذَابِ *

*النَّارُ يُعْرَضُونَ عَلَيْهَا غُدُوًّا وَعَشِيًّا وَيَوْمَ تَقُومُ السَّاعَةُ أَدْخِلُوا آلَ فِرْعَوْنَ أَشَدَّ الْعَذَابِ *

لو عرفوه هيحبوه يقول...

السلام عليكم ورحمه الله وبركاته

جزاكم الله كل خير

تابعونا فى الحمله ومع بدايه الشيقه فى الدعوه للاسلام

يسعدنا تواجدكم

محمد عبدالرحمن شحاته يقول...

فشكول
كنت بتمنى اشوفك في لقاء المدونين
وزعلت جدا لما مالقيتكش هناك
انت كنت فين ياراجل

محمد عبدالرحمن شحاته يقول...

ان شاء الله اللقاء القادم لازم تيجي

ريتاج يقول...

مساء الخير
ازيك يا استاذنا
بجد سعيده بمرورى عبر مدونتك الجميله
وان شاء الله يبقا التواصل
واتمنا منك زيارة مدونتى
انا ريتاج
تحياتى

رابطة هويتي اسلامية يقول...

السلام عليكم ورحمة الله وبركاته


شاركونا الإحتفال بمرور عام على تأسيس رابطة هويتى إسلامية

كما يسعدنا أن نقدم لكم كشف حساب سنوى عن جميع أعمال الرابطة

بأنتظار زيارتكم الكريمة

أسرة الرابطة

محمد عبدالرحمن شحاته يقول...

لا يافشكول
ما تقولش كده
انا كنت رايح هناك وعارف انك جاي
خصوصاً انك علطول في المنصوره
وكنت هناك يوم الخميس اليوم اللي قبل اللقاء
وقلت لو تعملوه يوم الخميس ممكن اجي
وبعدين حتى لو انت كبير فأنت كبيرنا كلنا يا استاذ صلاح
وبنعتز بمعرفتك جدا جدا
وبعدين عضمة اه اللي كبرت
امال احنا نعمل ايه بقى
وانا اقول ايه.. انا 20 سنه اهه

ن يقول...

السلام عليكم
أستاذنا الغالى فشكول
قرأت تعليق حضرتك ومازال لباقى الموضوعات بقية فى الرد أجمعها لحضرتك مازلنا لم نكمل الحديث ايضا عن صحف ابراهيم ماهى وبعض الرويات المتضاربة فى هجرة ابراهيم الى مصر والدعوة التى يؤكدون انها خلفت رسالة ومعتقد هام لدى المصرى القديم .
اما بالنسبة للآيات فأنا أرى انها فى غاية الاهمية نظرا لأن الغالبية العظمى تظن ان المصريين القدماء على طول الزمن كانوا وثنيون .

وكل ما ذكرته حضرتك عن صلة الرجل المؤمن المتحدث فى الايات أغلبها إسرائليات .. والذى يهمنى هنا هو انه كان يكتم ايمانه قبل ان يتحدث الى فرعون وأعوانه وهذا الحديث جهر بالدعوة .. والاهم من ذلك انه يذكر فرعون وأعوانه بالرسالات التى سبقت يوسف دليل على ان فرعون واعوانه ومنهم خارج حاشية فرعون من الشعب المصرى كانوا يعلمون بهذه الرسالات من قبل والدليل هذه الايات .
قال تعالى .
*وَلَقَدْ جَاءكُمْ يُوسُفُ مِن قَبْلُ بِالْبَيِّنَاتِ فَمَا زِلْتُمْ فِي شَكٍّ مِّمَّا جَاءكُم بِهِ حَتَّى إِذَا هَلَكَ قُلْتُمْ لَن يَبْعَثَ اللَّهُ مِن بَعْدِهِ رَسُولًا كَذَلِكَ يُضِلُّ اللَّهُ مَنْ هُوَ مُسْرِفٌ مُّرْتَابٌ *
.. ......
وما دمنا وصلنا بأن المصريين عاهدوا الانبياء فلقد اخبرنا الله تعالى بأن للآنبياء كتب وصحف وليس معقولا بعد براعة المصرين القدماء فى شتى العلوم وتدوينها الا يدونوا المعتقد الدينى او ما عرفوه من الكتب السابقة .
والاسلام على وجه الارض منذ بدايتها هو الاسلام بنفس تعاليمه لكن كانت لكل أمة منهجا لأن كل حقبة من حقب الانبياء تختلف عن بعضها البعض فعهد النبى يوسف يختلف عن عهد النبى موسى عن عهد داود عن عهد محمد صلى الله عليه وسلم وعلى الانبياء جميعا السلام .
قال تعالى .
(لِكُلٍّ جَعَلْنَا مِنْكُمْ شِرْعَةً وَمِنْهَاجاً)
وهذا الرابط يفسر لحضرتك الاية بوضوح من كتب التفاسير حتى لا اجهد حضرتك
http://www.alhawali.com/index.cfm?method=home.SubContent&ContentID=3706
ثم جاء فى آية أخرى توضيحا صريحا بأنه لا تبديل لكلمات الله وان ما اختلف تيسير السبل لكل أمة لتطبيق شريعة الله مع اصلاح ما يعترى كل أمة من اعوجاج وحياد عن الحق .
قال تعا{ شَرَعَ لَكُمْ مِنَ الدِّينِ مَا وَصَّى بِهِ نُوحًا وَالَّذِي أَوْحَيْنَا إِلَيْكَ وَمَا وَصَّيْنَا بِهِ إِبْرَاهِيمَ وَمُوسَى وَعِيسَى أَنْ أَقِيمُوا الدِّينَ وَلا تَتَفَرَّقُوا فِيهِ كَبُرَ عَلَى الْمُشْرِكِينَ مَا تَدْعُوهُمْ إِلَيْهِ اللَّهُ يَجْتَبِي إِلَيْهِ مَنْ يَشَاءُ وَيَهْدِي إِلَيْهِ مَنْ يُنِيبُ } 13 الشورى
واليك يا سيدى هذا الرابط جامع للتفاسير لتوفير الوقت والجهد وللتأكد بإمكانك مراجعة المصادر نفسها من الكتب
http://vb.alaqsasalafi.com/showthread.php?t=1172
ولك منى كل التقدبر والاحترام
مع خالص تحياتى

micheal يقول...

ههههههههههه
ما تديني طيب عنوان سيدي المحظوظ ده
محتاجله
مدد يا محظوظ مدد
:)
أقول ايه بس..مولد وصاحبه غايب كما قال الأديب أحمد عدوية

طب يا ترى حيفضل الحظ معاه لإمتى
يعني أنا بقول أركب ع المرجيحة وخلي أخوك يركب شوية برضه
:)
تحياتي

كرسي أعتراف يقول...

سيدي فشكول
أنرت مدونتي بإمضاءك فشكرا لك

اتمني من يكون لهم حظ أوفر من " سيدي المحظوظ"

تقبل مودتي

ن يقول...

السلام عليكم
استاذنا الفاضل .. فشكول
الامر عند حضرتك عدم اقتناع بالنظرية لذلك كل المعلومات التى اجمعها لا تفيد الغرض ولكنى اكتب ما راجعته واقتنعت به من بداية الامر لأنى فقط انا اقدم لكل من يقرأ كل ما رجعت اليه من معلومات والذى اعرفه بأن المصرى القديم كان يستخدم أكثر من لغة فكانت الهيروغليفية مثلا هى خاصة بالنصوص الدينية فقط ولا يعرفها الا أهل العلم حتى يحافظون على عدم العبث بها وهناك لغة أخرى وهى اللغة الشعبية مثل الديموطيقية والهيراطيقية ولقد ذكرت بعض المراجع انها كانت تستخدم فى الكتابة ايضا للتعليم ولمحو الامية من الشعب المصرى نهائيا خاصة فى امور العقيدة كانت تستخدم الصور والرموز ولم يكن آن ذاك محرما .. ولقد ورد ذكر التماثيل وغيرها فى التعبير عن رموز الحضارة فى قصة سليمان ..
قال تعالى.
*يَعْمَلُونَ لَهُ مَا يَشَآءُ مِن مَّحَارِيبَ وَتَمَاثِيلَ وَجِفَانٍ كَٱلْجَوَابِ وَقُدُورٍ رَّاسِيَاتٍ ٱعْمَلُوۤاْ آلَ دَاوُودَ شُكْراً وَقَلِيلٌ مِّنْ عِبَادِيَ ٱلشَّكُورُ *
واضح بأنّ التماثيل لم تكن محرّمة في الشريعة التي جاء بهاوبالتالى فالصور ايضا
والتماثيل لم تحرّم في الإسلام لعينهاإنّما حرمت لأنّها كانت ذريعة للإشراك الذي كان مستفحلا أمره بين العرب في زمن الرسالة
أما في زمن سليمان فلم يعرف ذلك عن وسطه الذي كان فيه فلم تحرّم عليهم التماثيل حينئذ
وقال الفقهاء .
(ولم تكن التماثيل المجسمة محرمة الاستعمال في الشرائع السابقة وقد حرمها الإِسلام لأن الإِسلام أمعن في قطع دابر الإِشراك لشدة تمكن الإِشراك من نفوس العرب وغيرهم. وكان معظم الأصنام تماثيل فحرم الإِسلام اتخاذها لذلك ولم يكن تحريمها لأجل اشتمالها على مفسدة في ذاتها ولكن لكونها كانت ذريعة للإِشراك. واتفق الفقهاء على تحريم اتخاذ ما له ظلّ من تماثيل ذوات الروح إذا كانت مستكملة الأعضاء التي لا يعيش ذو الروح بدونها وعلى كراهة ما عدا ذلك مثل التماثيل المنصفة ومثل الصور التي على الجدران وعلى الأوراق والرقم في الثوب ولا ما يجلس عليه ويداس. وحكم صنعها يتبع اتخاذها. ووقعت الرخصة في اتخاذ صور تلعب بها البنات لفائدة اعتيادهن العمل بأمور البيت.
وغيرها من الامور التى بت فيها العلماء والفقهاء

ومازال الحوار مستمرا الامر فقط يحتاج الى هدوء أعصاب وجهد فى البحث واحسبنى ممن لديهم صبر على البحث دون ملل ولا أضجر سريعا من عدم الحصول على معلومة ابحث عنها رغم ان هذا احيانا يكبدنى مشقة فوق مسؤلياتى ولكنى جمعت لحضرتك المزيد من الاحاديث والاخبار من الكتب الفقهيةوالاسفار وعلى رأسهم القرآن الكريم .
ولكن يبقى سؤال ماذا يهمنى من الاهتمام بهذه النظرية؟
بإجماع العالم حضارتنا علمت العالم كله وليس هناك علم ينبع من جهل وعمى بصيرة
يهمنى الا تباع الجدران التى تحمل الرسالات بثمن بخس والا نفرط فى علومنا التى ورثناها والا نترك الايدى العابثة تعبث بالتاريخ وتسرق ما يحلو لها وتقذف الينا فتات التخلف والجهل ومفروض علينا ان نقف عند هذا الحد دون بحث او اختيار .
هذا الرابط يحتوى مناقشات بعض الشباب
أرجوك اقرأها من باب المعرفة وأسأل حقا ماذا نفعل هل نطحن الاثار التى تندرج تحت اسم الوثنية وهى كما يقولون تطعم الشعب المصرى ( تناقض وغيوم ) فى بلد المفروض انه مسلم .
http://www.muslm.net/vb/showthread.php?t=160039

مع خالص تحياتى

بيطرية ومش بايدى يقول...
أزال أحد مشرفي المدونة هذا التعليق.
بيطرية ومش بايدى يقول...
أزال أحد مشرفي المدونة هذا التعليق.
بيطرية ومش بايدى يقول...
أزال أحد مشرفي المدونة هذا التعليق.
سجود يقول...

مولد سيدي المحظوظ ده غريب عن اسماعي
وفعلا لو كان عمل نص كوبايه كان بقي نص النص
وبالنسبه لبكره ده مش هيجي ويلا ربنا يوفق يمكن بكره يغلط ويعدي علينا بدل ما يبعتلنا واحد بكره من جنوده اصل بكره بتاعنا مش حقيقي لا مش اصلي يعني
مش عارفه والله انا بقول ايه فمش لازم الساعه بقيت 1.5 وكليتي 8 الصبح فسامحوني لو كنت بخرف
ههههههههههههه

واحد من العمال يقول...

مدااااااااااااااادددددددددد
ياسيدى المحظوظ

وكل مولد وأنت طيب وبخير

فارس عبدالفتاح يقول...

يا استاذي الفشكول

انا متابع كل الحوارات مع الاستاذة امل حتى من قبل ما ادلى مصر حلوه ادلى دي حته صعيدي


المهم ان الاخت نون لديها اقتناع بأشياء فيها مغالطات كثيرة ومع الاسف انا لا استطيع ان اثبت هذه المغالطات موضوعياً عشان لست اجيد اللغة الهيروغليفية مع الاسف أو حتى اعرف كيف تقرأ كي استطيع ان احاجج الدكتور السعداوي هذا

او حتى اجد عالم من العلماء الذين يعارضون هذه النظرية واكون اعرفه واعرف نزاهته وقوة علمه حتى اعتنق فكرة واسير على طريق معارضته للدكتور السعداوي

اما بالنسبة للمواضيع التاريخية فهنا سؤال مهم ان الاخت نون تدخل ما هو تاريخي في ما هو ديني بمعنى انها تدخل الايات والاحاديث واقوال علماء الدين بالتاريخ المجرد مما يضفي عليه نوع من العقلانية والدليل الموضوعي لنا كمسلمين


وانا ارآ وهذا رأيي وقد اكون مخطأ بان نثبت ما هو تاريخي بموضوعيه اولاُ


ثم بعد ذلك نبحث عن ما يدعم اكثر بالحجج الدينية حتى لا يكن هناك لبث او خلل في التوثيق التاريخي المجرد


ولا نفقد الثقة في النص الديني سواء اكان قرآن او احاديث او اقوال علماء اجلاء

وهذا خوفاً على ان لا تهتز العقيده بسبب قسور في التوقيق العلمي الوضوعي وقد قلت رأيي في هذا الموضوع واظن ان الاخت سول قالت رأيها ايضا في هذا الموضوع

بعبعه يقول...

فشكولنا العزيز

يا اخواتي كام مره اجاوبه بس لو ما كانش غالي عليا بس
هههههههههههههه
حضرتك شرفتنى ومحتار فى امر المدونه بتاعتنا


المدونه اسمعها بعبعه وانا اسمي بعبعه برضه
وانا المؤسسه

وعمرو بدر اتفضل وشرفني المشاركه فيها

عنيه لك يا باشا بس على الله ترجع تقرا الرد

TWEETY يقول...

ازيك ياعمو

الموضوع كبير اوى

بس العنوان ضحكنى خالص

يارب تكون بخير

ঔღঔ نـــوارة ঔღঔ يقول...

انا جيييييييييت

كيفك ياعمو فشكول يارب تكون بالف خير

ليك وحشة ولهي بس اعذرني بقالي فترة مش مركزة في المدونات

نشيد اسماء الله الحسنى يجنن

بالنسبة للبوست

ههههههههههههههههه

كلامك مهضووم عالاخر انا معرفش بالمولد ولا في سيدي محظوظ الله يحظه

بس عجبني كلامك وتلميحاتك الخطيرة

فعلا كلنا بنقوول بكرررررررره وبكره مش بيجي خالص ودايما بنبص على نص الكباية الفاضي

حتى لو مليانة هنفضيها عشان نبص عالفاضي احنا كدا نموت في النكد والكسل ومش عاوزين نتقدم خالص

نقوول ايه بقى دنيييييييييا

ربنا يخليك وميحرمنيش من زيارتك وسؤالك عني

دمت بالف خير

المعلم محمد صاحب المطعم - طعمية سخنة يقول...

السلام عليكم
طبعا المولد ده بيفكرني بحاجة كده
لكن ما علينا

لو كانت كبايتنا نص كوباية كان هيبقي نصها ربع

من الاخر عمرها ما هتتملي

من الاخر سيدي المحظوظ هيظبط المولد عشان المحظوظ الي بعده خليفته و ابنه ضناه

و المنشدين هينشدوا نفس النشيد بس بدل الطين هيبقي بلاك عشان ميتغسلش !

اسماء واحلام فى وجدانى يقول...

فشكول حببيبى

اوى

مستغرب من صبرى ليه وبعدين مين صبرى ده
طبعا انا مش هاكلمك عن الحب لانك المفروض اللى تكلمنى عنه
بس انا عايز اقولك على حاجة انا ممكن اصبر كتير اوى لو لاقيت الحلم اللى اى حد بيتمناه مش حب وبس لآ اقصد الحب اللى هتقوم عليه حياة كاملة متكاملة
من كل حاجة ممكن تنجحك وتعملك اسرة كويسة

م/ الحسيني لزومي يقول...

ياعمي الموالد كلها فضت وان مولدك لسه ناصب.
من البوست اللي فات وانا عايزك تكتب كل يوم بوست عشان استمتع بدل البوستات الجامده بتاعت زمان ..وكفايه عليك الاشباكات انت والاخت الفضاله امل عزت

نهر الحب يقول...

السلام عليكم ورحمة الله وبركاتة
كيف حالك استاذى الفاضل طالت غيبتى واعتذر لك عنها
للاسف عندنا فى بلدنا محظيظ كتير من نوع هذا المحظوظ

ن يقول...

السلام عليكم
استاذنا الغالى .. فشكول
والله يا استاذنا انا طلعت عينى من البحث والبوست الجديد ادعيلى اكمله اليوم وكمان جمعت كتب جديدة فقهية وتاريخية وابحاث للمراجعة والزيادة فى المعرفة ..كلنا اكيد يلزمنا وقت بس انا مبسوطة انك متابع معنا .وربنا يعينك ويعنا .
طبعا انا قرآت بوست سيدى المحظوظ طيب ده محظوظ امال ليه ابو حصيرة مش محظوظ مرة يقولوا عليه حاخام ابو حصيرة وتيجى جماعات اليهود تحج عنده ومرة تانية يقولوا شيخ ابو حصيرة وتيجى الجماعات الصوفية لزيارته احنا اعتاد العرف عندنا بمولد واحد يعنى من اسبوعين كان فيه مولد سيدى ابراهيم الدسوقى هو مولد واحد وكذلك فى طنطا وغيره اشمعنا ده اللى عنده اتنين . ياريت تقولنا فى بوست ايه حكاية ابو حصيرة يالضبط مع انى شايفة ان كلمة حصيرة كلمة مصرية خالصة واغلب الدول الاخرى تقول عليها بساط مما يعنى ان ابو حصيرة تبعنا كمصريين مش تبعهم وبعدين هما بيختلفوا فى الشيخ ولا فى الحصيرة .. متهيألى الموضوع محتاج اهتمام مننا كمصريين ولا ننسى ان هناك اختلاف على قطعة ارض غالية من مصر حتى ولو كانت شبرا واحدا نحن كمصريين نكره ان ينازعنا فيها احد ولا حق لأحد فى مصر غير المصريين .
مع خالص تحياتى

صدى الصمت - عاشقة الورد - يقول...

السلام عليكم
بجد عجبتنى قوى حكاية مولد سيدى المحظوظ وعجبنى أكتر المغزى مابين السطور
أحييك على كتاباتك الممتعة

ميمى واحمد يقول...

عايزينكم معانا فى احتفال نوارة بعيد زواجها

م/ الحسيني لزومي يقول...

شوف يا عمي فشكول
ربنا يكون في عونك وكان نفسي اشارك معاك لكن طبيعتي كمهندس تغلب علي فان احب الاشياء العمليه لا التنظيريه احب 1+1=2 اتنين وهبابه لا.
تحياتي لك وللاسره

حنين يقول...

السلام عليكم
انا سعيده جدا بزياره حضرتك لمدونتى واتمنى ان الزياره تتكرر من استاذ فاضل اكيد هيضيف لى كتير واحييك على سيدى المحظوظ
تحياتى

شاب مصري يقول...

إنا لله وانا إليه راجعون
يا أيتها النفس المطمئنة,ارجعي إلى ربك راضيه مرضيه وادخلي في عبادي وادخلي جنتي

التاريخ : 14 نوفمبر 2009
انتقل الى رحمة الله تعالى(( أخو الأستاذة أمل فتحي ))عن عمر يناهز((سبعة عشر عاماً )) في ((حادثة سيارة )) ونيابة عن أسرة المدونة نتقدم بالمواساة لأسرة المغفور له بإذن الله ونسئل الله له الرحمة والمغفرة وان يسكنه فسيح جناته
ولندعي سوياُ
اللهم تجاوز عن سيئاته اللهم اجعله شفيع لمن قبلة وبعده اللهم الهم أهله الصبر والسلوان على ما أصابهم اللهم اغفر وارحم موتانا وموتي المسلمين اللهم أمين
اللهم اغفر له وارحمه ، وعافه واعف عنه ، لقِّه الأمن والبشرى والكرامة والزلفى ، اللهم إن كان محسناً فزد في حسناته ، وإن كان مسيئاً فتجاوز عن إساءته ، اللهم اغسله بالماء والثلج والبرد ، نقه من الخطايا كما ينقى الثوب الأبيض من الدنس ، أبدله أهلاً خيراً من أهله ، وداراً خيراً من داره ، وجيراناً خيراً من جيرانه ، اللهم لا تحرمنا أجره ، ولا تفتنا بعده ، واغفر لنا وله

طهر فؤادك يقول...

السلام عليكم ورحمة الله وبركاتة

اذيك ياعم فشكول وحشنى جدااا

ربنا يخليك لينا اللهم امين والمسلمين

همســات عــلى ضــوء الــقمر يقول...

مبروووووووووووك

مبرووووووووووووك

لمصر

TWEETY يقول...

بابا هيطلع ياعمو

وهيحضر معانا العيد

amirelhob يقول...

فشكول انا جيت زورتك بجد عشان عاجبنى اوى اسلوبك وعجبنى اوى البوستات دى يمكن معلقتش عليها كلها بس اوعدك هجييلك مره تانيه عشان بجد كلامك حلو اوى وعجبنى ويا رب اكون صديق ليكم ومن قلبى بجد بتمنلك كل خير وسعاده وصحه وتوفيق وفرح وابتسامه تدوم يارب طول العمر

م/ الحسيني لزومي يقول...

المولد ده مش راح يفض
تحياتي

lostlove يقول...

مولد يا دنيا وصحابو غايب
صح ايه حكايت الكبايه ديه هههههههههههه لزم نبوص للنص الفاضي ولا النص المليان ولا بردوه لو اخدنا النص هيفصل نص النص ونصص بقي
بجد موضواع جامد وطريقه ملهاش حل
انا بصرحه قلت هلف بوست بوست واكتب تعليق عشان المدونه هنا جزباني ليها بجد
وعاوزها الف شارع شارع وميدان ميدان
هو اول يوم شفت حجات جمده يلا سلام مش تعتلوطني اكلمل لف بقي عشان الموصلات مش تبقي زحمه
نفس الملحوظه الي فاتت !!! ههههههههه العربي بتاعي عاوز تصليح

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
غلا روحي
شات غلا الروح
شات صوتي
شات مغربي
قوانين الشات الصوتي
برامج كام وصوت
اشتراكات غلا الروح
قوانين غلا الروح
فعاليات غلا الروح