الثلاثاء، 17 نوفمبر، 2009

جاتكم خيبه راكبه خيبه على خيبه .. ومالهاش خيبه رابعه


ايه اللى بيحصل ده .. ايه اللى انا شايفه ده


البوست ده مكتوب يوم التلات قبل مباراة الحسم فى السودان بيوم


طبعا لو مصر كسبت الماتش واتمنى انها تكسب حتروح جنوب افريقيا وتجيب لنا كاس العالم


وكمان لو الجزائر كسبت الماتش برضه حتروح جنوب افريقيا وتجيب لنا كاس العالم


يعنى لو مصر جابت كاس العالم ورجعت بيه ولا الجزاير جابته ورجعت بيه حيكون كاس عالم عربى وخلاص


وحيغلبوا الوحوش بتوع البرازيل والارجنتين وايطاليا وانجلترا والمانيا وفرنسا وهلم جرا .. هما دول ييجوا جنبنا ايه .. دا احنا العرب بتوع داحس والغبراء .. بتوع عبس وذبيان .. بتوع حرب البسوس .. مش هو ده احنا برضه ولا ايه لو ما لقناش حاجه نقعد نحارب فى نفسنا


جاتكم ستين خيبه راكبه خيبه على خيبه يا عرب.


هما 3 خيبات .. طب اشمعنى 3 خيبات .. مش حاقول لكم المره دى مش عارف .. لا أنا عارف


الخيبه الاولى .. هى الخيبه .. والتانيه فيه خيبه مركوبه وفيه خيبه راكبه .. خلاص .. طب لو حطينا خيبه رابعه مش حنلاقى ومش حيكون لها محل من الاعراب .. لان الخيبات فى الدنيا 3 يبقى الرابعه ما لهاش لازمه زى التكلفه الحديه اما تيجى عند حد معين تنقلب لضدها .. آهو لو جبت خيبه رابعه ذى التكلفه الحديه حتنقلب لضدها .. اقصد خيبه بالويبه وخيبه وويبه حديه


شاطرين احنا قوى نتخانق ونتحارب مع بعض .. اصلنا فاضيين .. مش لاقيين حاجه نعملها .. اصلنا بلغنا الكمال فى كل حاجه وناقص الكوره .. لازم بقى نبلغ الكمال فيها هى كمان .. جاتكم ستين وسبعين وكسه .. نفسر برضه ليه ستين وسبعين وكسه .. مش عارف المره دى بقى


اصل احنا ما عندناش اى حاجه نفتخر بيها غير اننا نفتخر بفوزنا على بعض فى الكوره وياريتنا بنعرف نلعب كوره .. احنا بنعرف نحارب بعض فى الكوره .. ما هو لو كنا بنفهم فى حاجه ونجحنا فى حاجه ما كناش عملنا كده .. لكن الكوره بنسقط عليها كل فشلنا فى كل مناحى الحياه .. احنا شعوب بيدلعونا ويقولوا علينا عالم تالت وفى الحقيقه ان احنا عالم متخلف ومتأخر ..


شوية مانشيتات صحافه فى الجزائر .. يقوم ايه .. جماعتنا يعلقوا عليها ويعبأوا المصريين ضد الجزائريين .. وشوية جزائرين يكذبوا ويختلقوا حاجات ما حصلتش يقوم الشعب الجزائرى يعبأ ضد اليهود المصريين (كعنوان فى صحيفه جزائريه ) يقوم جماعتنا يحطوا المانشيت ده فى التليفزيونات ويولعوها نار..


المصريين فى الجزائر مسجونين فى مساكنهم وحياتهم مهدده .. الشعب الجزائرى يدعوا للجهاد ضد اليهود المصريين .. المشجعون المصريين مشحونين وحاسين بالظلم .. السودان الله يكون فى عونها.


اللى حصل فى فرنسا .. واللى حيحصل فى السودان مبسوطين بيه


يا جماعتنا .. يا مصريين .. خليكوا انتم العاقلين .. وافهموا واعرفوا ان 80 مباراه فى الدورى الجزائرى لعبت بدون جمهور


الموضوع ان بعد ان فازت الجزائر فى زامبيا فعلا كانت ذهبت الى جنوب افريقيا وكان فاضل لنا ماتشين بره ارضنا فى رواندا وفى زامبيا وكان لازم حنخسر حتى لو نقطه فيهم والجزائر كل ماتشاتها على ارضها .. يبقى بالحساب العملى الجزائر كانت فى جنوب افريقا .. قمنا احنا فزنا بكل ماتشاتنا ودى حاجه فعلا كانت مستحيله ورجعنا الموضوع للتعادل وبعد ما الجزائر احتفلت بالذهاب لجنوب افريقيا .. ضيعنا احنا الامل ده او حطيناهم زيهم زينا وما حدش احسن من حد. وجمهور الجزائر لم يتخيل هذه النتيجه ولم يضع لها اى سيناريو.


يا جماعتنا يا عرب .. انتم بتتغلبوا من طوب الارض وما بتعملوش كدا .. هو يعنى الجاريه ما تعملش شريفه الا على سيدها.


تروح مصر جنوب افريقيا .. تقولش حتطلع القمر.. تروج الجزائر جنوب افريقيا .. تقولش حتطلع القمر .. احنا خيبتنا بالويبه فى كل حاجه .. حتكونوا حصالة اهداف فى جنوب افريقيا والعالم كله حيضحك عليكم .


جاتكم خيبه راكبه خيبه على خيبه ومالهاش خيبه رابعه
جاتكم ستين وكسه


هناك 102 من التعليقات:

غير معرف يقول...

ازيك يا راجل يا طيب

معقول اول مرة اخد اول تعليق اكون متخفى كده يلا الحمد لله

خواطر شابة يقول...

هههههههههههه ضحكتني بجد ولو انه شر البلية ما يضحك
مايحصل الان لايقبله عقل ولامنطق ولايوجد فيه رابح
انااحمد الله كثيرا ان يوم 14 نونبر مر على خير من الناحية الامنية وعقبال يوم18ان شاء الله
فيما حدث انا احمل المسؤولية للاعلام في كلا البلدين لانه هو من قام بهدا الشحن .
اسمع اغنية احمد مكي عن المباراة فيها نفس روح هده التدوينة حيت يقول مخاطبا الشعبين المصري والجزائري "لو كنتوا عملتوا نص اللي اتعمل مابينكم ساعة ما امريكا دخلت العراق مكنتش دخلت"
لابد من تدخل لتهدئة الامور قبل يوم 18 كي لايحدث ما لاتحمد عقباه طبيعة التدخل لااعرفها لكن لابد من وجود حل نداء من قيادات او من رموز يحبها ويحترمها الشعبان او من نجوم الفريقين.
اسفة على الاطالة في التعليق لكن الموضوع مقلق بجد

م/ الحسيني لزومي يقول...

انا بحب اقرأ موضوعاتك علشان كده لما بخش والاقي الموضوع طول احب انبهك علشان نستمتع بموضوع جديد.
-------------
اتذكر المذيع احمد السعيد الأن وهو يتكلم بلسان مذيع مصري مره ومذيع جزائري مره.
هنا القاهره
امجاد يا عرب امجاد في بلادنا كرام اسياد...........
ايها المصريون ياابناء النيل يا حماة العرب فليكن غدا موعدا مع انتصارتنا يوم كيوم البطولة في السويس وبور سعيد اذا كنتم قد قهرتم فرنسا وانجلترا واسرائيل في 56 فهل نعجز علي ان نهزم الجزائر في 2009 لقد صنعتم الثورة في الجزائر وعلمتم ابنائها فنون القتال فانقلبوا عليكم ولا اجد ما اختم به الا قول الشاعر
اعلمه الرماية كل يوم فلما اشتد ساعده رماني.
اعلمه نحت القوافي من مقاطعها فلما قال قافية هجاني.
--------------
ينتقل احمد سعيد الي وهران بالجزائر.........
امجاد يا عرب امجاد في بلادنا كرام اسياد
يا ابناء التورة الجزائرية يامن قهرتم احد اقطاب الاستعمار العالمي علي مدار قرن وثلث القرن...يا ابناء جميله بوحريد يابلد المليون شهيد غدا ثورثكم الثانيه علي بلد المليون راقصه فلتسحقوهم في الملاعب في المدرجات في الشوارع في الشركات فليختفي المصريون من ارجاء السودان .
امجاد يا عرب امجاد

ماما أمولة يقول...

ازيك يا فشكول باشا

مالك زعلان كدا ليه

مش مهم ناخد كاس العالم

المهم الأمل يا فشكول

ربنا يصلح الأحوال

سلام

بدراوى يقول...

حضرتك عندك حق فى كل كلمة
الكرة واخذة اكبر من حجمها

اقصوصه يقول...

قغلا

خيبه ووكسه

ونيله بعد!

sookra يقول...

عم فشكول
ماتزعلش نفسك كدا
ادعى ربنا يهدينا
ويهديهم

د. ياسر عمر عبد الفتاح يقول...

والله العظيم عندك حق يا عمنا
كتنا ألف خيبة كمان
إيه الهبل اللي بيحصل ده

من شوية كدهكنت بلف في موقع إخباري جزائري
عمال أقول معقولة اللي بيتكلموا عليهم دول إحنا
بجد عذرت الشعب البسيط
مهو لما يتقال في جريدة قومية إننا انتهكنا نسائهم وموتنا عشرات وكسرناهم وضربنا حتى الوزراء بتوعهم ,, يبقى الشعب المسكين لازم يكسر وخرب

حسبنا الله ونعم الوكيل في الإعلام المتخلف

حلم بيعافر يقول...

صح الجارية مبتعملش شريفة غير على سيدها

بس ده توارد خواطر ولا ايه؟

همســات عــلى ضــوء الــقمر يقول...

مساااااء الفل عليك

اول مرة اجى واكون فى الاول كدا 9 ههه دا انجاز والله

اروح اقرأ واجى هوا

بس العنوان يضحك اصلا
وشكلك بتتكلم عن مصر والجرائر ولا اييييه
ههههههه

نروح نشوف

همســات عــلى ضــوء الــقمر يقول...

يالاهوى
مش تزعل نفسك كدا يافشكول

ياعم ناخدوا ولا مش ناخدوا

المهم راحة البال

وربنا يجيب العواقب سليمة

كنت امبارح بسمع اغنية راب
لاحمد مكى تحفة
بس ميييييين اللى يسمع بقى
دا انا كرهت الكورة بسسب التعصب دا
فين الروح الرياضية

فعلا جاتكم ستين خيبه راكبه خيبه على خيبه يا عرب.

فرسان على مر الزمان يقول...

بيقولوا فى الأمثال
خيبة الأمل راكبة جمل
وعندنا راكبة قطيع من الجمال
وأتمنى أن يتوقف النافخون فى النار
والعبث بالعلاقات بين الشعبين الشقيقين
أرجو زيارة مدونتى فرسان على مر الزمان
على الرابط التالى
http://fairsan.blogspot.com
/
تحياتى
ويبقى التواصل

واحد من العمال يقول...

حاجه تقهر والله
وقال عبد الناصر كان بيحلم بدوله عربيه كبرى من المحيط للخليج
وقال شعب واحد ووطن واحد قال !!!
أنا مش عارف الغل والكره والتعصب ده كله كان مستخبى فين
ومطلعتش مصر عيانه لوحدها دول طلعوا العيانين كتيييييييييييييييييييييييير
الكوره ملهاش ذنب
العيب فينا وفى هيافتنا
هيافه شعب للزحف المقدس قام وثار
ميكونش اللى بيحصل ده من الكبت وانعدام الحريه
ووجدوا الحريه فى الكوره فقط
هنا وهناك الحال من بعضه
ولا ايه ياعمنا
وربنا يشفى الجمييييييييييييييييييع

محمد عبدالرحمن شحاته يقول...

فشكول .... ازيك
شفت اللي حصل يا فشكول
والله انا عندي احساس انها حرب مش مباراه
شكل وشغب وحاجات مالهاش لازمه
لا مصر هتاخد كاس العالم ولا الجزائر هتاخد كاس العالم
مش عارف اه تعب الاعصاب ده
واللي هيدخل الكاس منهم هيطلع من اول ماتش رغم انه ما ينفعش
ولما نشوف بكره هيعملوا ايه
دا في مشاكل جامده
إسألني أنا
تقبل مروري
محاسب تحت التمرين
او فوق التمرين ... مشيها اي حاجه

ريمان يقول...

لا لا


استنى بس استنى

ايه الصوره دى


هههههههههههههههههههههههه


ههههههههههههههههههههههه



حريم بتلعب كوره؟


ولا ومش اى حريم

دول منقبات كمان


احم احممممممممممممم


نحن هنا

ههههههههههههههههههههههههه



بص يا فشكولنا


انا والله مش حاسه انه كان ماتش

دى كانت حرررررررررررررررب


بجد اللى حصل الايام اللى فاتت دى كانت مهزله


والجزائريين كانوا مزودينها اوى مش عارفه فى ايه

أحــوال الهـوي يقول...

3 خيبات

تسيس الكورة و احنا قلنا لاسياسه في الكورة

و لا كورة في السياسه

و هنزلها في الدستور
تحياتي

قلم رصاص يقول...

هتتعدل ياعم فشكول والله

لاسع افندى يقول...

جاتكم فرحه راكبه فرحه على فرحه
بس تكون فرحه قويه
وتكون نصره حقيقيه
مش بس فى الكوره
ياعقول مهلبيه



تحيه لاسعه

فركشاوي ..ناوي يقول...

حضرتك نفسك تقول...
حاجه تانيه غير جاتكو خيبه
حضرتك نفسك تقول...
نفسك تقول...
تقققققول
إتتتتففففوووووووو
رزاز كثير يتطاير
علي وجوه عكره
أعتذر لقله أدبي...

فركشاوي ..ناوي يقول...

معلهش ...
نسيت أقول
أحم...أحم .
هات العشره
كيلو فاكهه و تعالي ورايا.
....أوعي تتأخر.

micheal يقول...

الله ينور عليك يا عمو فشكول
عاوز مصر توصل كاس العام اه..بس أهم عندي اننا نوصل في حاجات تانية غيرنا سبقنا فيهال بمئات السنين
عموما الأحداث دي كشفت أن قد إيه أنظمة إستبدادية ممكن تخلق إعلام فاسد وجاهل يحرك ملايين من الرعاع
تحياتي

ليس فقيرا من يحب يقول...

يا خراشى يا عمى

تلت خيبات على بعض

دا كتييييييييير

والله انا مش فاهمه ايه اللى بيحصل ده

سومه...مجنونه فى بلد عاقل يقول...

عيييييييييييب يا خال متقولشى العالم العربى يا خال لحسن يقولوا عليك انك تبع عبناصر وبتتوهم بالقوميه العربيه
متقولشى على المصريين عرب ولا مؤاخذه اصلها بقيت شتيمه :(
لحسن حد يطلع يقولك اقرا كويس واتثقف ومتبقاش شبه عبحليم قنديل
دا مش كلامى ها دى موضه ماشيه فى الجو خد بالك لتنصاب بيها ..
.......................
اسرائيل كاتبه فى جرايدها عقبال فتح وحماس
..........................
طبعا هيصوا يا صهاينه ماهم الكبار اما يقعوا فى بعض لازم الفران تضحك وتخرج من جحورها
.........................
وحياتك مصر و الجزائر اى واحد حيكسب حيخرج من اول ماتش واول دوره

كلمات من نور يقول...

والخيبة الأكبر سيدي رئيس جمهوريات فشكولسات المانشيتات العريضة رودة فعل اليهود فينا...بجد بجد شمتوهم فينا زيادة أصلها كانت ناقصة الكورة...

dr.lecter يقول...

كرهوني في الكوره اللي انا اصلا كارهها

والله العظيم لو حصلت مسخره بكره مش هتفرج تاني علي كوره الا للاوروبيين وبس

محمد الجرايحى يقول...

الشعوب غلبانه
أنا حاسس كإنها مباراة لمصارعة الديوك
وأصحاب الديوك حكومة مصر وحكومة الجزائر
وضعوا الديوك فى الحلبة وجلسوا يشاهدون ويستمتعون والدماء تنزف من هنا وريش ينتف من هناك وهم يضحكون ويقهقهون
وتستمر المصارعة حتى يقضى أحدهما نحبه
شئ محزن ومخزى

Dr. Kafy يقول...

عندك حق يا فشكول
ده إحنا خيبة بزيادة و مكنتش أتصور إن إحنا وصلنا للدرجة دى من الخيبة.

تفتكر فيه أمل بعيد إن إحنا نتحسن؟

نهــــــــــار يقول...

السلام عليكم..
يا عم فشكوول أهم عيال وبيلعبو داحس والغبراء ....
ما تاخودش فبالك..
خذلك كوباية كركديه وروق ...
.......
ونسأل الله أن يهدينا ويهدي بنا ...
كان الله في العون..
...
في أمان الله

نور الدرب يقول...

علي الرغم اني شفت الماتش وفرحت برضه بفوز مصر
الااني بعدها زعلت جدا والله
وقلت في نفسي هارد لك يا مصر
ومبروك الخسارة
عارفين خسارة ايه
مش خسارة ماتش هيودينا كاس العالم
لا خسارة شباب المستقبل
خسارة العرب كلهم
خسارة المسلمين
اصبح كل همهم الكورة
اصلنا خلاص احنا بقينا كويسين في كل حاجة وناقص الكورة عشان كده بنطور نفسنا فيها !!..
عمالين نحارب في بعض
وناسيين ان فيه مسجد أقصي بيقع
ناسيين المسلمين المهانين في كل مكان
للأسف
ضحك علينا كل الغرب
ولا حول ولا قوة الا بالله

الزنارى يقول...

المصريين يعتقدون الجزائر مخطئة و كذلك هو الحال بالنسبة للجزائريين
فليسامح كل مننا الاخر و كفانا شجار
أحييك على الموضوع الرائع
مع خالص التحيات و التقدير
أحمد الزنارى

blackshwak يقول...

يشرفني زيارة حضرتك لمدونتي
،،، وأتمني أن تنال إعجابك شكلا وموضوعا

بالتوفيق دائما

جارة القمر يقول...

والدي الطيب

ازيك عامل ايه يارب تكون بخير

هي الكورة ليه بقت صراع للأقوى ونسينا اانها مجرد لعبة فين الروح الرياضية اللي مابقتش موجودة
الجزائر لما اتهزمت حرقوا بيوت المصريين ببلدهم ومارعوش الحرانية والمصرييين بيشتموا بالجزائر

أووووووووووووووف

تصدق انا طول عمري بكره الكورة وبقرف من المتعصبين ليها


الله يهديهم انا عرفت الجزائر غلبت وايه يعني لما تغلب الجزائر ولا مصر كلنا بالنهاية عرب وحنغلب او نتغلب

على العموم انا هنا خبصت كتير

بس يسلمووووووووووو

قلمك جرئ جدا

ودي واحترامي

كلمات من نور يقول...

فشـــكوول

لله الأمر من قبل ومن بعد ..بس صدقني إحنا المرة دي سبب الهزيمة لما الاقي مجموعة تقول يلا يا جماعة نصوم يوم الكذا بنية فوز منتخبنا وجماعة تانية تقول نقوم كلنا نصلي الفجر جماعة يوم الأربعاء علشان النصر وواحد تالت يكتب والنبي والنبي، حد لسه بيحلف بالنبي يا عالم ، طلعوا صدقة جنية واحد قبل الماتش علشان النصر........مالكم لا ترجون لله وقارا؟؟؟؟؟؟؟؟؟؟؟؟؟؟؟

د/عرفه يقول...

متفق معاك جدا فى كلامك

وربنا يهدى الجميع

amirelhob يقول...

متشكر كتير يا استاذ فشكول على مرورك على مدونتى ويمكن النهاردا بكتب كونتى بعد المتش بعد الهزيمه اللى يمكن منقدرش نقول عليها غير عملنا اللى علينا لكن بجد ان بعد المتش لقيت حوالينا الف مليون خيبه مليار خيبه وخيبه مش عارفين نحترم بعضنا و بنفكر ازاى نخلى العالم يحترمنا بجد اصعب حاجه لما تفتكر انك اذكى من كل دول وانهم مجرد اغبياء مش هينفع فى يوم نبقى ايد واحده لو لسه فينا الروح العدوانيه ضد بعض دى ومن قلبى بشكرك على البوست دا وبتمنلك كل خير وسعاده وصحه وتوفيق وفرح وابتسامه تدوم يا رب طول العمر

فركشاوي ..ناوي يقول...

عمي فشكول ..إنترناشيونال.
الجماعه دول
دفعوا 3أمثال صاحبنا اياه وزياده
بقت ملكهم يعملوا إليّ عايزينه
إلا قولي ...
فاكر حاااطه يا باااطه
لعبنا اللعبه كشفنا الغلطه .
عارف ايه الغلطه ؟
هات ودنك أما اقولك ...
فين البرتقال
و الموز والعنب والكاكا..
ولا انت عملت زيهم و بتضحك علينا ؟

آيوشة يقول...

عارف يااستاذ فشكول قصيدة سقط القناع بتاعت الشاعر محمود درويش اهو ده اللى حصل سقط القناع بس احنا مش هنحارب العرب مش علشان هما اخواتنا لاااااااا هما مش اخواتنا بس علشان احنا شعب عندنا اخلاق واحترام لغيرنا
ومش هنكون همج زيهم ونعمل اللى عملوه وهنفكر بالعقل والحكمة كده ازاى نرجع بلدنا عزيزة تانى ومفيش كلب يقدر يمسها بكلمة

mohamed ghalia يقول...

والله عندك حق يا استاذى مليون خيبة على نخيبتنا الى مش عارفين نوديها فين

lostlove يقول...

انا دخلت بعد الماتش بكتير
بس بجد ايه الي احنا بنعملوه ده احنا عرب ليه نشمت الغرب فينا ليه يقولو علينا معندناش وحده عربيه ليه يتاقل بنحارب بعض عشان كاس عالم الي اصلا مش هنكسبو لا احنا ولا هما الف ليه وليه والله حرام الي احنا فيه هما هاجمو المصرين كل المصرين ليه عشان احناقالو علينا همج احنا هجمنا الجزئر كل الجزئر ليه عشان عشان قلنا عليهم همج والصراحه بقي احنا الاتنين شعب همجي معندوش عقل يفكر هما بهدلونا وطلعو عنا اه بس دي مش كل الجزئر دول زي ما الجزئر قالت دول الناس الشبيحه بتوعهم رد السجوان الناس المسجله خطر الي مش باقيه علي حاجه
ومعاك حق استاز فشكول الف خبيه علي خبيه محتوته في طبق خيبه ومتعاصه صلصله خبيه في قلب خيبه عشان بجد خلاص الموضواع ده بقي خبيه علي خبيه اوي اوي يعني
انا عارفه اني رغايه بس دي اول مره اجي واكيد مش اخر مره عشان شكلي هتعلم كتير من المدونه ديه وهلف بوست بوست دلوقتي اشوفهم سلام بقي متعتلونيش
ملحوظه اخيره!!! ههههههههههههه لو في حروف غلط او كلام مش مفهمو عشان انا العربي بتاعي زعلان مني خالص سلام بقي ايه الرغي ده

ريمان يقول...

كل سنه وانت طيب يا جميل


وكل سنه وانت معانا ومنورنا دايما كده



انا جيت اشوف تانى صوره البوست بجد توحفه ايه ده مضحكانى اوى

عاشق الجنة من الإخوان صلى على النبى يقول...

بصراحة انا تعبت ومش عارف أعمل ايه
ولا أقول ايه
بس لا حول ولا قوة إلا بالله
صلي علي النبي

طوبه فضه وطوبه دهب يقول...

هى فعلا مجموعه خبات وكل يوم بتزيد خيبه ربنا يهدى العرب ويرجع لهم عقولهم

mahasen saber يقول...

انا اؤؤيد كلام حضرتك مليون الميه وكمان مع حضرتك يا عمنا الغالى
فى ان المفروض تجينا كل خيبات الدنيا ونزداد هم على هم لما يكون ماتش سبب فى تشتتنا وفرقتنا

اصل احنا بصراحه كنا مش ناقصيين تشتت عشان يجى ماتش كوره يكمل علينا

mahasen saber يقول...

والله يا عمنا فشكول الواحد حزين لاقصى درجات الحزن وراكبه الهم من المشاكل دى يعنى قد كدا بقينا كارهيين بعض ووحشين فى بعض

ربنا يلطف بينا

شبــ اون لاين ـــاب يقول...

الرجاء الدخول علينا


...


و اتمنى تحديد موقفك من القضيه

محمد الحسينى يقول...

يا عمو فشكول ما احنا بنضرب ونتهزأ في كل مكان ومش اول مره نضرب من الجزائريين.
تعرف يا عموا لو عملنا نص اللي اتعمل هذه الايام ساعة ضرب غزه كان يبقي احنا شعب كويس وعملنا اللي علينا.
عموما هيه دي مصر يا عمو

معتز شاهين - باحث تربوي يقول...

والله مسخرو وقلة أد

واللي حصل في الجزائر بالضبط زي أحداث 11 سبتمبر بس للعرب

فضيحة وياشماتة اليهود فينا

ويبقى التواصل

أحمد عاطف يقول...

انت قلت الكلمة المفيدة اللي بجد عجبتني وحسيت انها هس الخلاصة

الجارية مبتعملش شريفة إلا على سيدها

لكن أي حد تاني عارف البير وغطاه

ايطاليا اللي هي ايطاليا اتغلبت مننا ومعلمتش كده

غير معرف يقول...

مهزلة مصرية جزائرية بقلم عبد البارى عطوان

تحتل اربع دول عربية المراتب الاولى على قائمة الدول الأكثر فسادا في العالم، اضافة الى افغانستان، حسب منظمة الشفافية الدولية، ولكن لم يخطر في بالنا مطلقا، ان تستخدم انظمتنا الرياضة من اجل تحويل الانظار عن فسادها ودكتاتوريتها القمعية، وبذر بذور الكراهية بين ابناء الأمة الواحدة، مثلما شاهدنا في الايام العشرة السوداء الاخيرة، التي بدأت وانتهت بمباراتي فريقي مصر والجزائر، في تصفيات نهائي كأس العالم الصيف المقبل في جنوب افريقيا.

نحن امام حرب حقيقية، وعمليات تجييش اعلامي ودبلوماسي لم يسبق لها مثيل، وكل هذا من اجل الفوز في مباراة كرة قدم بين فريقي دولتين وشعبين شقيقين، من المفترض ان الفائز من بينهما سيمثل العرب جميعا في هذه المسابقة الكروية الدولية.

عندما قرأت انباء عقد الرئيس حسني مبارك اجتماعا طارئا لاركان دولته، ابتداء من مجلس الوزراء ومرورا بقائد جهاز المخابرات، وانتهاء برئيس هيئة اركان الجيش المصري، تبادر الى ذهني ان مصر على ابواب مواجهة مصيرية مع اعداء الأمة والعقيدة......

باقى المقال فى صفحة الحوادث بالرابط التالى

www.ouregypt.us

طارق سليم يقول...

السلام عليكم ورحمة الله وبركاته:
والله حضرتك معاك الف حق احنا فعلا خيبتنا ماوردتش على حد. ومتهيألى لو عملو جايزة نوبل للخيبة اللى بالويبة هتتصدر الدول العربية قائمة الدول الحاصلة على الجايزة دى باستحقاق وهتكون المنافسه شرسة بين الدول العربية لنيل الجايزة دى.
بقا السفهاء بيدخلو الصلاة والدعاء فى الحكاية دى وعايزين الناس تتجمع على قلب رجل واحد للصلاة فى وقت واحد عشان ربنا ينصرنا فى ماتش ، دا معملوهاش لما كانت المذبحة شغالة فى غزة ، وعايزنا نتقدم .

طارق سليم يقول...

السلام عليكم ورحمة الله وبركاته:
والله حضرتك معاك الف حق احنا فعلا خيبتنا ماوردتش على حد. ومتهيألى لو عملو جايزة نوبل للخيبة اللى بالويبة هتتصدر الدول العربية قائمة الدول الحاصلة على الجايزة دى باستحقاق وهتكون المنافسه شرسة بين الدول العربية لنيل الجايزة دى.
بقا السفهاء بيدخلو الصلاة والدعاء فى الحكاية دى وعايزين الناس تتجمع على قلب رجل واحد للصلاة فى وقت واحد عشان ربنا ينصرنا فى ماتش ، دا معملوهاش لما كانت المذبحة شغالة فى غزة ، وعايزنا نتقدم .

م/ الحسيني لزومي يقول...

فشكول يا خويا انا حاسس انك نفسك مسدوده من اللي حصل ومش سامع صوتك في مدونه هيه دي مصر يا عمي فشكول وهما دول العرب جرب .

غير معرف يقول...

والله كلامك صح لكن أحب أن أزيدك أنه لا يوجد مصري واحد محجوز في الجزائر لكن أنت تفهم السياسة لم يتكلموا عندما حدث العدوان لغزة لكنهم قالوا بأنهم سيرسلون الجيوش للسودان لحماية المصريين مع العلم أنه لم يحدث شيئ وكما تعلمون نحن مسلمون قبل أن نكون عرب و البادئ أظلم و يقال ظربني وبكى سبقني للقاضي واشتكى .
أنا لا احب أن أطيل الكلام لكن أرجوكم أن تعرفوا يامصريين أن وسائل الاعلام مشترات من عند حسني مبارك وولديه المدللين
البطل الشعبي ابن مبارك استولى على الجبانةوقام بتشييد فوقهابنايات عمرانية

غير معرف يقول...

الفتنة أشد من القتل

غير معرف يقول...

قابلناهم بالورود فقابلونا بالحجر والدم والسكاكين وزادونا بأنهم سبقونا بالبكاء والشكاية

غير معرف يقول...

افتحوا الحدود نخلص مصر من اليهود ثم نزيد فلسطين والعراق و الأفغان حلوا الحدود ومتحبوش تفهموا

blackshwak يقول...

أنا رديت في صندوق المحادثه
okay

سلام بقي

فارس عبدالفتاح يقول...

عفواً

هو مين الجارية ومين سيدها ... يا سيدي الفاضل

إذا كنت تقصد بالجارية الجزائر فحضرتك مع احترامي لشخصكم الكريم

غلطان وإذا صممت انه هناك جارية فإنها مصر وليس الجزائر

و كما تعودنا عدم قراءة التاريخ وأظن أن حضرتك عاصرت بعض منها

فبعد حرب أكتوبر وبعد استقالة وزير الخارجية المصري وكبير المفاوضين مع الجانب الأميركي والإسرائيلي إسماعيل فهمي والفريق سعد الدين الشاذلي قائد الأركان المصرية من 1971/ حتى 1973م،

قاما هذان الشريفان المصريان الأحرار بتقديم استقالتهم إعلانا منهم برفضهم على خيانة سوريا ورفضهم لزيارة السادات إلى إسرائيل .. الوزير إسماعيل فهمي قدم استقالة مسببة إلى المقبور رئيس الجمهورية قال فيها إن كيسنجر وموشيه ديان يطلبان بتنازلات - فيها إهانة للكرامة المصرية - وهذا أمر مرفوض وعليه قدم استقالته .. والتي قبل بها المقبور السادات في حينها .

وذكر هذه الأمور التي قال إنها إهانة للكرامة المصري في مذكراته

والكل يعرفه بالتفصيل وهي خروج مصر من دورها الإقليمي ونقص سيادتها على سيناء والاعتراف بإسرائيل وزيارتها – لتخطي ما يسمى بالحاجز النفسي - وإقامة معاهدة مع مصر

أما الفريق الشاذلي أطال الله بقاءه وهو من المصريين الوطنيين الأحرار عندما طلب منه المشير محمد صادق وزير للحربية بأمر من السادات بإعداد خطة يضلل السوريين بها وخطة أخرى تدخل بها القوات المصرية الحرب فرفض الفريق الشاذلي ، وعندما طلب منه المقبور والمشير محمد صادق تنفيذ هذه الأوامر التي تضر بالخطة العسكرية والقوات المصرية في سيناء رفض الفريق الشاذلي ذلك ولكن السادات أعطى أوامره للقوات أن تتقدم خارج الغطاء الصاروخي ( حائط الصواريخ ) فتم تدمير لواء مدرع وحدثت - الثغرة - وتم حصار الجيش الثالث

فقدم الفريق الشاذلي استقالته وسافر إلى مؤتمر الرفض في الجزائر والتي كانت تستضيف هذا المؤتمر وشاركت العراق وسوريا وليبيا في هذا المؤتمر

فارس عبدالفتاح يقول...

وتمت المقاطعة من السادات لجميع الدول العربية وشتم وسب وقذف جميع الدول العربية ومن هنا كانت بداية النهاية للدور المصري في المنطقة وانهيار - القوة الناعمة - لمصر وهي الهيبة والاحترام لمصر والشعب المصري

عندها اتهم السادات الفريق الشاذلي بالخيانة العظمى كما اتهم من قبلة الفريق محمد فوزي عند تنحية من منصب وزير الحربية وتعين محمد صادق الذي كان في التقاعد ، وأقام الفريق الشاذلي في الجزائر عدة سنوات حتى تم اغتيال المقبور السادات عليه من الله ما يستحقه

وبعد ذلك تمت المقاطعة العربية لمصر في 1978م، بعد توقيع المعاهدة وتم نقل مقر الجامعة العربية من مصر إلى الجزائر .. وهذا هو ملخص بسيط لما حدث في الجزائر ناهيك عن باقي الشعوب العربية مثل السوريين والفلسطينيين والليبيين وغيرهم

المهم أن المقبور السادات هو أس هذه المهزلة التاريخية بين الشعب المصري والشعوب العربية

وبما أن الشعوب العربية لم تعرف أن الشعب المصري فيه من الشرفاء – والذي أظن نفسي واحداً منهم ولا اذكي نفسي – يرفضون تعامل السادات مع العدو الصهيوني والأميركي في المنطقة والعالم كله

تم اخذ موقف سلبي من المصريين في العالم العربي كله بأنهم عملاء وخونه بسبب نظام عميل تلاه نظام خائن جهاراً نهاراً

فارس عبدالفتاح يقول...

وهذا نص خطاب قدمه الفريق الشاذلي للنائب العام ضد المقبور السادات


السيد / النائب العام

تحية طيبة .. وبعد

أتشرف أنا الفريق سـعد الدين الشاذلي رئيس أركان حرب القوات المسلحة المصرية في الفترة ما بين 16 من مـايو 1971 وحتى 12 ديسمبر 1973، أقيم حاليـا بالجمهورية الجـزائرية الديمقراطية بمدينة الجزائر العاصمة وعنواني هو صندوق بريد رقم 778 الجزائر- المحطة b.p 778 alger. Gare

بأن اعرض على سيادتكم ما يلي :

أولا :
إني أتهم السيد محمد أنور السادات رئيس جمهورية مصر العربيـة بأنه خلال الفترة ما بين أكتوبر 1973 ومايو 1978، وحيث كان يشغل منصب رئيس الجمهورية والقائد الأعلى للقوات المسلحة المصرية بأنه ارتكب الجرائم التالية :
- الإهمال الجسيم :
وذلك انه وبصفته السابق ذكرها أهمل في مسئولياته إهمالا جسيما واصدر عدة قرارات خاطئة تتعـارض مع التوصيات التي أقرها القادة العسكريون، وقد ترتب على هذه القرارات الخاطئة ما يلي :
( أ) نجاح العدو في اختراق مواقعنا في منطقة الدفرسوار ليلة 15/16 أكتوبر 73 في حين انه كان من الممكن ألا يحدث هذا الاختراق إطلاقا .

( ب) فشل قواتنا في تدمير قوات العدو التي اخترقت مواقعنا في الدفرسوار، فى حين أن تدمير هذه القوات كان في قدرة قواتنا، وكان تحـقيق ذلك ممكنا لو لم يفرض السادات على القادة العسكريين قراراته الخاطئة .

( ج) نجاح العدو في حصار الجيش الثالث يوم 23 من أكـتوبر 73، في حين أنه كان من الممكن تلافي وقوع هذه الكارثة .

2- تزييف التاريخ :
وذلك انه بصفته السابق ذكرها حاول و لا يزال يحاول أن يزيف تاريخ مصر، ولكي يحقق ذلك فقد نشر مذكراته في كتاب اسماه (البحث عن الذات) وقد ملأ هذه المذكرات بالعديد من المعلومات الخاطئة التي تظهر فيها أركان التزييف المتعمد وليس مجرد الخطأ البريء .

3- الكذب :
وذلك انه كذب على مجلس الشعب وكذب على الشعب المصري في بياناته الرسمية وفي خطبه التي ألقاها على الشعب أذيعت في شتى وسائل الإعلام المصري. وقد ذكر العديد من هذه الأكاذيب في مذكراته (البـحث عن الذات) ويزيد عددها على خمسين كذبة، اذكـر منها على سبيل المثال لا الحصر مايلي :

( أ) ادعاءه بـان العدو الذي اخـترق في منطقـة الدفرسوار هو سبعة دبابات فقط واستمر يردد هذه الكذبة طوال فترة الحرب .

( ب) ادعاءه بأن الجـيش الثالث لم يحاصر قط في حين أن الجيش الثالث قد حـوصر بواسطة قوات العدو لمدة تزيد على ثلاثة أشهر .

فارس عبدالفتاح يقول...

4 - الادعاء الباطل :

وذلك انه ادعى باطلا بأن الفريق الشاذلي رئيس أركان حرب القوات المسلحة المصرية قد عاد من الجبهة منهارا يوم 19 من اكتوبر 73، وانه أوصى بسحب جميع القوات المصرية من شرق القناة، في حين انه لم يحدث شيء من ذلك مطلقا .

5- إساءة استخدام السلطة :

وذلك أنه بصفته السابق ذكرها سمح لنفسه بان يتهم خصومه السياسيين بادعاءات باطلة، واستغل وسائل إعلام الدولة في ترويـج هذه الادعاءات الباطلة. وفي الوقت نفسه فقد حرم خصومه من حق استخـدام وسائل الإعلام المصرية -التي تعتبر من الوجـهة القانونية ملكا للشعب- للدفاع عن أنفسهم ضد هذه الاتهامات الباطلة .

ثانيا :

إني أطالب بإقامة الدعوى العمومية ضد الرئيس أنور السادات نظير ارتكابه تلك الجرائم ونظرا لما سببته هذه الجرائم من أضرار بالنسبة لأمن الوطن ونزاهة الحكم .

ثالثا :

اذا لم يكن من الممكن محـاكمة رئيس الجمهورية في ظل الدستور الحـالي على تلك الجرائم، فإن اقل ما يمكن عمله للمحافظة على هيبة الحكم هو محاكمتي لأنني تجرأت واتهمت رئيس الجمهورية بهذه التهم التي قد تعتقدون من وجهة نظركم انها اتهامات باطلة. إن البينة على من ادعى وإني أستطيع- بإذن الله- أن أقدم البينة التي تؤدى إلى ثبوت جميع هذه الادعاءات وإذا كان السادات يتهرب من محاكمتي , على أساس أن المحاكـمة قد تترتب عليها إذاعة بعض الأسـرار، فقد سقطت قيمة هذه الحجة بعد أن قمت بنشر مذكراتي في مجلة "الوطن العربي" في الفـترة ما بين ديسمبر 78 ويوليو 1979 للرد على الأكاذيب والادعاءات الباطلة التي وردت في مذكرات السـادات . لقد اطلع على هذه المذكرات واستمع إلى محتوياتها عشرات الملايين من البشر في العالم العربي ومئات الألوف في مصر .

الفريق سعد الدين الشاذلي

محمد الحسينى يقول...

كل سنة وانت طيب يا عمو فشكول وان واشاء اللة تكون السنة الجاية تكون فى الحج انت وبابا
ماهو انا لازم اطلع لبابا

lostlove يقول...

الحمه موجده وجاهزه للعيد وفاضل بس نعمل الرز عشان الفته

عندي سؤال بس الاول هو ليه منزلش بوست جديد عشان انا مستنيه عاوزين بقي حاجه مفشكله كده للعيد بمنسبه الحمه والخرفان
وكل سنه وانتو طيبين وعيد سعيد ماءءءءء
ههههههههههه حلو ماء ديه بتحسسني بل عيد اوي ولو مش قلتها يبقي العيد مجاش عشان مينفعش عيد من غير لحمه ولا خروف وماما بتزعق اصبح اصحي يابت انتي بقي عشان تحضري معايه الاكل

احلي حاجه العيد اكتب بقي بوست جديد عن الجو ده
سلام سلام بقي وعيد سعد

TWEETY يقول...

هههههه

حلوة الصورة ياعمو

كل سنة وانت طيب

مش انا اخدت النهاردة شهادة تقدير من المدرسة

blackshwak يقول...

انا شكلي هحسدك
إيه ياعم الجمهور ده كله طيب باصي شويه كده في حركة one tow سريعه
هههه
أولا : إنته حاطط جزء للمحادثه
إسمه بص وطل
هو ده صندوق المحادثه

ثانيا : بالنسبه للمايوهات
شكلك عايز تودينا في داهيه ياعم فشكوول
دا أنا كتبت أسماء شويه ادويه في موضوع المزاج العالي
الناس زعلت
أمال لما أجيب صور مايوهات بقي
هيحكموا علي بالإعدام نفخا

م/ الحسيني لزومي يقول...

كل عام انتم بخير
تقبل الله منا ومنكم صالح الاعمال

micheal يقول...

كل سنة وأنت طيب يا عمو فشكول
على فكرة أول مرة أخد بالي من الكاريكتير
معترض عليه جدا مش حنكر..بس كلامك عجبني بعدما شفنا النهاية المؤسفة وتوابع المباراة المستمرة حتى الان
تحياتي

norahaty يقول...

اهى الخيبة
كملت بالهزيمة
والادهى الفلوس
اللى خدوها يااستاذ
فشكوووووووووووووووول
العيال مش عايزة تذاكر
يااستاذنا خلاص عايزين
يبقوا لاعيبن كورة
او بردون(فنانات)
المهم انا جاية اقولك
كل سنة وانت بالف خير .

تامر علي يقول...

مش عارف اقولك ايه ياعمنا والله
اقولك كل سنة وانت طيب
وخلينا في الخرفان بتوعنا اجدع من اي خرفان تانيين :))

Tamer Nabil يقول...

اللى حصل دة جنون بجد

المهم

ازيك انت واخبارك اية عم فشكول

كل سنة وانت طيب

عيد سعيد

مع خالص تحياتى

قيس بن الملووووح يقول...

كل عام وانتم الي الله اقرب
وعلي طاعته ادومِِ

كلمات من نور يقول...

إيه اللي بيحصل داه؟
رديت عليك وعيدت على رئيس جمهوريتنا اللي مشبعنا و مأكلنا ومهنينا و سألته هن موضوع:
حـسين حـامـد سـباق (من أعماق القلب).: ما أحلي الرجوع اليه . - حـسين حـامـد سـباق (من أعماق القلب).: ما أحلي الرجوع اليه . السلام عليكم انا حاكتب هنا ويحصل اللى يحصل بقى ما هو انا مش عارف ادخل منين كلى شكر وامتنان لكرمك ...


مش عارفه ألاقيه فين و مش لاقيه ردي..مدونتك عليها عفريت زي مدونتي يا فشكوول والا إيه؟؟

عيد سعيد يا فشكوول

اسماء واحلام فى وجدانى يقول...

ازيك يا راجل يا طيب
كل سنة وانت طيب وبخير
ابنك احمد

Pink Dreams يقول...

كل سنه وحضرتك طيب

عيد اضحى سعيد

حنين القلب يقول...

كل سنه وانت طيب
وعيد سعيد عليك وعلى اسرتك الكريمه

ازيك يا عم فشكول
عامل ايه وايه اخبارك
يا رب تكون بالف خير

blackshwak يقول...

بمناسبة العيد

مي يقول...

كل سنة وانت طيب يا ابونا الكبير احن اب
عيد سعيد على حضرتك والاسرة كلها

د/عرفه يقول...

حبيت اعيد عليك
بس

كل سنة وانت طيب

مسدس صغير يقول...

كل سنة وانت طيب يا عمونا
عيد سعيد عليك وعلى الاسرة الكريمة

مُهاجر يقول...

السلام عليكم و رحمه الله وبركاته .
شـاء العـلي القـدير ووفـقـني في إنشاء واحتي المتواضعه...
والتي ستصبح واحه شاسعه ...
بفضل الله أولاً ...
ثم توجيهاتكم .
و سنضع سـوياً خُطه التدوين في الـمدونه .
وسأكون سعيداً بمن يشاركني في تحريرها .

تامر علي يقول...

تقول ايه في الهبل لما يبقى قد الجبل :)

سيبك من العك ده
فين اللحمة والعيدية واللذي منه ؟:)

كل سنة وانت والأسرة الكريمة بخير :)

محمد عبدالرحمن شحاته يقول...

كل عام وانت طيب يا استاذ صلاح
انا جاي النهارده مخصوص بهنئك بالعيد وده سر بيني وبينك وما تعرفش حد ان النهارده العيد
اعد الله عليك الايام وعلينا بالخير واليمن والبركات
تقبل مروري

الكحيان يقول...

كل سنة وأنت طيب ياعم فشكول يجعل أيامك كلها فرح وسعادة . الحكاية ملعوب فيها والضحية الشعوب العربية المدعوكة المنفسنة المغلوبة على أمرها وكل ده لحاجة في نفس يعقوب قضاها . وربنا على الظالم المفتري وعلى العبيط الأهبل الذي يشعل النيران في سرواله وهو لا يشعر وعلى كل مطبلاتي يطبل في الفتنة لقاء ثمن بخس دراهم معدودة عيد سعيد .

واحد من العمال يقول...

السلام عليكم ورحمته وبركاته

كل عام وأنت بخير حال والى الله أقرب

ودمت ياعمنا فى أمان الله وحفظه

حسن ارابيسك يقول...

عمنا فشكووول
كل سنة وانت طيب
والعائلة الكريمة بخير
تحياتي

ليس فقيرا من يحب يقول...

كل سنه وحضرتك طيب يارب


عيد سعيد عليك وعلى كل حبايبك يارب

الأحــــــ إيناس ــــــزان يقول...

كل سنة وحضرتك طيب يا راجل يا طيب عيد سعيد عليك وعلى اسرتك الكريمة

ربنا يديك الصحة والعافية يارب ويكرمك خير

تحياتى

أسيرة اللوحة يقول...

(لو ما لقناش حاجه نقعد نحارب فى نفسنا)
ههههههههههه
هو بالضبط الوضع كذا ,,

لا اضيف على كلامك فقد كفيت و وفيت ,,
انا معاك في كل اللي قلته و اتمنى يدي من يقراء لك ,,

دمت بفكر راقي ^^

بقايا انسانه يقول...

واحشني واحشني

كل سنه وحضرتك طيب

ايه بس المواضيع الجامده دي

هقول ايه بس موضوع الساعه اليومين دول

بقى ماتش مصر والجزائر وتوابعه

ال يعني توابع زلزال

والله اصعب من زلزال دا حاجه لاتوصف

المشكله انه الطرفين بيشدو

مفيش حد بيشد والتاني يرخي

ومعلش الجانب الجزائري عنده صعوبه

في انه يفهم وردود افعاله ملهاش تبرير


غير انها بتعبر عن حقد من زمان بركان

غضب الناس ثارت

مبقولش احنا موش غلطانين بس لكل فعل

رد فعل وبصراحه اللي عملوه فوق اي وصف

والحمدلله اننا اتغلبنا

وفي النهايه ربنا يهدي النفوس

بس لما النفوس تصفى الاول

مع ان دا شيء بقا خامس المستحيلات

mohamed ghalia يقول...

كل سنة وانت طيب
وعيد سعيد عليك وعلى كل اسرتك

نهــــــــــار يقول...

عمي فشكوول كل عام وأنت والعائله بخير ...
وعساكم من عواده...

Hager Za3bal يقول...

لا يا بابا فشكوووول .. الموضوع بقي اكبر من ماتش كوره :(((

لاسع افندى يقول...

كيد سعيد
كل سنه وانت طيب يا عمنا



تحيه لاسعه

حنين يقول...

كل سنه وانت طيب استاذ فشكول
ويارب العيد القادم نكون بنبارك لك على الحج

محمد الجرايحى يقول...

استاذنا وعمنا الجميل : فشكوول باشا
كل عام وأنت بخير وفى صحة وسعادة وتمام العافية
آمين يارب العالمين
وتقبل أخى كل تقديرى واحترامى
أخوك
محمد

ঔღঔ نـــوارة ঔღঔ يقول...

كل سنة وانت طيب يارب

عيد سعيد عليك وعلى اسرتك الجميلة

ليك وحشة ولهي :)

دمت بحفظ الرحمن

مُهاجر يقول...

ماذا نهاجر؟
أبحث عن اجابه للسؤال
الدال علي الخير كفاعله.

lostlove يقول...

بعدي بعدي كل شويه كل شويه مفيش بوست جديد
حد يقولي الميعاد بتاع البوست الجديد عشان التوك توك خرب بيتي

فلست خلاص

سلام بقي لحسن التوك توك هيتسرق

ahmed_k يقول...

أستاذي الفاضل أنا دلوقتي عرفت ليه الجزائريين لما كانوا بيشجعوا كان هتافهم وان تو ثري فيفا لالجيري هما بالتأكيد كان قصدهم الخيبات التلاته ههههههه
يلا ربنا يصلح الحال
كل سنه وأنت طيب يا أستاذنا الفاضل وبعوده عليك العيدوعلى أسرتك وأنتم بكل الخير والصحه والسعاده

غير معرف يقول...

بتقول انك كنت مسلم وغيور على دينك
كيف لانسان ذاق حلاوه الاسلام ان يكفر بالله

كيف لك انت تهين رسولنا الكريم وتهين رب العرش العظيم

كيف تسير وراء الكفر والالحاد وتترك نور الاسلام

للاسف انت لم تكن مسلم متدين وغيور على دينك كما تقول

ولكنك كنت من اصحاب النفوس الضعيفه
التى اسلمت دون يقين
وللاسف هناك من امثالك من يسيرون وراءك

ولكنك لم تسطع محو الاسلام اؤكد لك ان فى بطاقتك الشخصيه ديانتك مسلم
ولكن للاسف انت وامثالك عارا على الاسلام

لو تدرى عن يقين كيف وصل لنا هذا الاسم الذى تجرح فيه

وكيف تعذب رسولنا ليحمينا ويضعنا داخل الاسلام الذى يدعو الى التسامح والامن

لبكت عينيك بدل الدموع دم على ما اصاب رسولنا الكريم من مهانه وتعذيب

لو تدرى عن يقين ماهو الاسلام وافضال ربك عليك
فهو الذى خلقك واعطاك كل النعم
ما اكفاك التعبد والتسبيح والشكر لله ليلا ونهار

ولكنك فى غفله وفى غمامه انت وامثالك
تختبئون وراء ستار الالحاد لتفعلون المعاصى والذنوب والعياذو بالله

واكبر دليل على ذلك انك تتحدث عن القران وتجرح فيه فقط
مع انك لاتؤمن باى ديانه اخرى
لا مسيحيه ولا يهوديه وكلهم ديانات سماويه من عند الله

وانت لا تؤمن باى رسول نزل من عند الله
ومع ذلك لا تهين الا رسولنا الكريم
محمد صلى الله عليه وسلم

لانك تعلم عن يقين ان الاسلام على حق
وانه دين الله فى الارض
وتعلم ان الله موجود وتعلم كل هذا
ولكنك مصاب بمرض النفور من التوحيد والعياذوا بالله

فكر قليلا وتأمل الكون واسال نفسك من خلقك ومن خلق هذا الكون
وانظر حولك ستجد كل شئ دليل على وجود الله سبحانه وتعالى
وستجد كل شئ يسبح بحمده

تذكر ايام اسلامك وانت تقف بين يدى الله فى الصلاه
وابكى على ما فعلته بنفسك

انا اعلم جيدا انك لم تنشر هذا التعليق ولكن هذا لايهم واعرف جيدا انك ستسخر من كلامى لان الشيطان للاسف غلبك لانك كنت ضعيف النفس والايمان
وهذا لايهمنى
ولكنى ارضى ضميرى امام الله واوضح لك الغمامه التى امام عينيك
وربى وربك الهادى الودود

الله لا اله الا انت سبحانك انى كنت من الظالمين

فشكووول يقول...

الى غير معروف

انا مش عارف انت بتتكلم عن ايه .. وانت تقصدنى ولا تقصد حد تانى .. وايه مناسبة الكلام ده .. لان انا لم افعل ما تتهمنى به .. واذا كنت فعلت فاشر الى اين فعلت ذلك .. ام انك تقصد آخر .. ومن هم امثالى ولماذا هم امثالى وماذا فعلت وماذا فعلوا كى يكونوا امثالى ... يا ريت تشير الى الموقع او الى المقاله او البوست الذى تتهمنى عليه او ما يشير الى اتهامك .. وانا نايم مريض هذه الايام وفتحت بالصدفه وكنت مؤجل الرد على البوستات لكنى لم استطيع ان اؤجل الرد على تعليقك واتهامك ويا ريت كنت معروف وانا كنت تناقشت معاك .. لكنك غير معروف وانا لن احذف التعليق بتاعك حتى يقرأه كل الناس وربما وصلوا هم الى ما تتهمنى به او عرفوا شيئا مما تتهمنى به او عما تتهمنى به.

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
غلا روحي
شات غلا الروح
شات صوتي
شات مغربي
قوانين الشات الصوتي
برامج كام وصوت
اشتراكات غلا الروح
قوانين غلا الروح
فعاليات غلا الروح