الأربعاء، ٦ يناير ٢٠١٠

حلمت .. اللهم اجعله خير




قالوا لى ان فيه جمهوريه كبيره شوية عن فشكولستان واسمها خرابه ستان وان فشكولستان بقت صغيره على مقاسى ولازم وهلبت وربما وحتما تروح ترشح نفسك للانتخابات رئاسة الجمهوريه فى خرابه ستان .. يا اخوانا دا حلم .. والله العظيم حلم .. مش مصدقين .. طب والرغيف السخن بتاع الفرن اللى ما حدش لاقيه حلم .. هه يا الله هه.


وانا بقى نايم بالليل ويمكن تلاقوا عملتى معلمه على السرير ومعلمه فى الملايه دى الوقت.. العمله اللى عملتها عليه .. حتعرفوا ليه من اللى جاى

فى الحلم بقى قلت اروح ارشح نفسى وانا طبعا عندى ارضيه كويسه .. انا رئيس جمهورية فشكولستان النوويه والذريه ... قوم ايـــــه ؟؟ انا برضه باجمع بين خبرة رئيس الجمهوريه الذريه وبين خبرة سكرتير عام لكل الدول البريه والصحراويه وصيتى كبير وشهرتى كبيره حتى اسألوا جورج بوش لما قال لى روح شوف العيال اللى على يمين وعلى شمال الخليج الفارسى شوفهم بيعملوا بمب اطفال ولا بيعملوا بمب كبار وانت عارفين ايه اللى جرى للى على الشمال من سنة 2003 بالرغم من انه ما قدرش يخلينى اغير ضميرى ولسه مش عارف حيعملوا ايه فى اللى على اليمين


كمان ساعات ساعات بحب قلبى وبعشق الحاجات وكتير بعمل مصالحات بين الناس اللى بيزعلوا مع بعض .. يعنى عملت مصالحه بين الراجل بتاع الجاز والى بلده ربنا مبارك فيها عشان كان فيها الخاتم الامين .. وبين الراجل اللى قاعد يهبل ويشتم فى الناس كلها واكتر واحد بيتكلم عن الديمقراطيه وهو حاططها تحت جزمته. . كل دا فى المنام بس لسه ما كنتش عملت العمله.. قوم ايه!!

رحت باوراقى قالوا لى الدستور بيقول .. قلت وماله .. دستور يا اسيادى .. بصوا لى شزرا وعنيهم بتطق شرار وقالوا لى قدامك 3 سكك وابتدت اعراض العمله بتاعة السرير.

الاولى : شوف لك جماعه يتبنوك ويعملوا امك وابوك وتترشح عن طريقهم.

التانى : عايزينك تلف البلد كعب داير وتجيب لنا 250 سلامات زى التعلب اللى فات فات وفى ديله سبع لفات.

التالت يا حبيبى : مره كان فيه اسد وديب وتعلب فى الغابه اصطادوا 3 صيدات .. بطه .. ونعجه .. وبقره .. وقال لهم الاسد ... ازاى نفرق الصيدات دى بينا وبين بعضنا .. قال الديب ..

طبعا انت الكبير .. والتعلب الصغير وانا الوسطانى.

التعلب ياخد البطه على قده .. والنعجه لى انا الديب وانت بقى الكبير تاخد البقره .. وعينك ما تشوف الا النور .. الاسد جه ماسك الديب من رقبته لحد ما خنقه وقام رماه فى دوامة المياه وسأل التعلب .. بقينا اتنين يا تعلب حنعمل ايه؟؟؟ ... التعلب فكر .. ثم فكر .. ثم فكر وقال:

البطه الملك يفطر بيها الصبح .. والنعجه الملك يتغدى بيها .. والبقره بقى عشان الملك يكون جاع بالليل يقوم يتعشى بيها.

جه الاسد وقال للتعلب : يا تعلب ايه اللى علمك العليمه

رد التعلب : اللى بيدوم فى الدويمه ..

صاحبنا بقى يمين النور لسه بيدوم لحد دا الوقت فى الدويمه

فشكول بقى كمل العمله على نفسه وخد نفسه ورجع جمهورية فشكولستان ...

حد فهم حاجه ...والله سنينكم مطينه بطين وانا وراكم والزمن طويل .. وصحيت من النوم والحاجه بتقول انت صغير تعمل العمله دى على السرير

هناك ٨٨ تعليقًا:

غير معرف يقول...

هههههههههههههههه

شكله حلم مطين بطين

اووووول تعليييييييييق

هقرا وراجعة

^ـ*

غير معرف يقول...

ههههههههههههههههههه
هههههههههههههههههههه

وربي عثثثثثثثثل يا عمووو

بس مفهمتش حاجة غير انه عملها عالسرير

مكنش العششششششششم ههههههههههههههههه

وافضيحتاه ههههههههههههههه

يخرب عقلك دا اخر الي بيجري ورا السياسة :]

هههههههههههه

الحمد لله انك صحيت من النوم :)

adel يقول...

ههههههههههههههههههههههههه

السياسة اخرها وحش فعلا :):):)

يارب استرها في 2010 :):)

اقصوصه يقول...

looooool

بابا فشكول

اعتقد تبطل احلاك احسن :)

أمل حمدي يقول...

ههههههههههههههههههههه

ههههههههههه

فعلا حلم مطين بطييييييين

وابقى هوي المرتبة

ههههههههههه

Unknown يقول...

احمد ربنا انها انتهت على قد كده يابردعى
اقصد يافشكوووول

خواطر شابة يقول...

ههه اضحك الله سنك
طب كان مالك ومال السياسة ابعد عنها حتى في الاحلام مبيجيش منها غير وجع الدماغ وانت صاحي ووأنت نائم
تحياتي لك

*الطالبة عفو الله *زوزو يقول...

بصراحة مفهمتش حاجة
بس كان نفسي افهم
بس في جميع الحالات
تحياتي
بس..
وبس خلاص

ستيتة يقول...

هههههههههههههههههههههههههه
ياعم فشكول خليك في فشكولستان
واهو اللي تعرفه احسن من اللي متعرفوش
وبعدين دي نووية ذرية
وتجيب زيها تاني في البلاد ازاي؟

لو حد اتبناك في خرابة ستان ها يبيعك عند اول موقف اتوبيس :)
علشان يا ها ينضرب يا هيرشوووووووووه


ولو جابوا لك 250 سلامات
هأأووووووووووووو
ها يجيبوا جنبك سلامات لواحد تاني وتالت ورابع علشان السلامات تتفرق بين القبائل :)

وسيبك من ده كله سلامتك من الأحلام
دي مكلفة اليومين دول :)
سلامنا للحاجة

Unknown يقول...

سلامات ...
سلامات كتير قوي يا برادعي
و ها يجيبوا لك رشدي وراك وراك .
الحلم وعشته لوحدك ...بحلوه ومره
والسوحه المسيحه في السرير...
ياد الفضبحه يا أولاد .
الحاجه ومقدور عليها تقدر المشله علشان العشره الطويله ...
والعيال بقي بعد كده ما تعملهاش في السر...تعملها في الصالون .
أحلم أنت براحتك يا جمييييل

mimi يقول...

ده مش حلم يا رئيس

ده كابوستان


ههههههههههههه

ولا حد فهم حاجة

إحنا معاك ياريس

غرقنا يا سنبل غرقنا

mimi يقول...

يا ريس

المعلم محمد صاحب المطعم بيقولك ،، إن دروس أدسنس نزلت ، الأول والتاني

تابع يا ريس للأهمية

أومال رئيس إزاي؟

هههههههههه

ريمان يقول...

ههههههههههههههههه



هههههههههههههههههههههههههه


ههههههههههههههههههههههههههههههههه



سلامتك يا عمو صلاح من الكوابيس


ايه الفشكله دى

ههههههههههههههههههه


بجد ميه ميه

خلى بالك من احلامك بعد كده

الحيطان ليها ودان

خصوصا ان فى علاقه ما بين جمهوريه فشكولستان وبين جمهوريه مصر العربيه

هههههههههههههههههههههههه



ربنا يكرمك يا رب ضحكتنا ورسمت بسمه على وشوشنا كلنا

ربنا يخليك لينا يا رب

على فكره ايناس تعبانه اوى بقالها كتير ادعيلها ربنا يقومها بالسلامه

مع السلامه يا احلى عمو صلاح

ريمان يقول...

ههههههههههههههههه



هههههههههههههههههههههههههه


ههههههههههههههههههههههههههههههههه



سلامتك يا عمو صلاح من الكوابيس


ايه الفشكله دى

ههههههههههههههههههه


بجد ميه ميه

خلى بالك من احلامك بعد كده

الحيطان ليها ودان

خصوصا ان فى علاقه ما بين جمهوريه فشكولستان وبين جمهوريه مصر العربيه

هههههههههههههههههههههههه



ربنا يكرمك يا رب ضحكتنا ورسمت بسمه على وشوشنا كلنا

ربنا يخليك لينا يا رب

على فكره ايناس تعبانه اوى بقالها كتير ادعيلها ربنا يقومها بالسلامه

مع السلامه يا احلى عمو صلاح

كلمات من نور يقول...

كده مين يطلع المرتبة عالسطوح ؟؟؟حرام عليك ظهورنا ....الحمدلله إنه حلم ألا لو كان علم كان زمان المدونة وصاحبها في جوانتناموووو ومش كويس على ظهره.اللهم لا اعتراض.

ن يقول...

السلام عليكم
استاذنا الفاضل .. فشكول
اتحمست وقولت لازم ان شاء الله اعود الى التدوين وبالفعل حضرت البوست الجديد رغم صعوبته فى التجميع لدرجة الاجهاد فى البحث والتدقيق
الا ان الانفلونزا الشديدة أصابت بيتى واولادى فى حالة صعبةابعد الله عنهم شراستها خاصةفى اجواء انفلونزا الخنازير .
الحذر ثم الحذر من الاختلاط بالمصابين بالبرد كما أوصيكم جميعا بالتركيز على الغذاء الصحى المقوى للمناعة عن طريق الخضار والفواكه.
لنا صيدلية مصرية شهيرةتقى من نزلات البرد وترفع المناعة وهى .
الكراث المصرى بجميع انواعه والليمون والبصل والثوم . يمكن تناولهم بالطهى اوبدونه صدوقنى النتيجة ممتازة .
كما أوصيكم فى حالة تطور دور البرد بتناول زيت الزعتر ملعقةولومرةواحدة فانه قاتل للفيروسات والطواعين فى خلال نصف ساعة .بإذن الله
عودوا الى الطبيعة حماكم الله جميعا .
ورغم كدة كنت اكتب متهيألى هنعود للعراك تانى حضر أدوات المعركة على فكرة موضوع مدونتك المرة دى كده شكله يجنن هعود واٌقرأه تانى
مع خالص تحياتى

حنين يقول...

ازيك يا عمو فشكول العزيز
جميل جدا الحلم ده
بس خالى بالك من نفسك
ومن الاحلام المره الجايه
ههههههه
نسيت اقولك حاجه
انا نزلت بوست جديد
وحضرتك لسه ما نورتنيش
انا مستنيه راى
عمو فشكول

جارة القمر يقول...

طيب

الحلم دة واضح انه مغزى لشئ معين بدماغك

ماتفكرش كتير

وسيبها على ربنا ياوالدي

بجد الواحد لو فكر حيتعب وبالنهاية حيقول حسب الله ونعم الوكيل

RENATA CORDEIRO يقول...

My dear friend* Fantastic post*
I can´t translate this poem*.
I love this great Poet*

"Para ser grande, sê inteiro: nada
Teu exagera ou exclui.
Sê todo em cada coisa.

Põe quanto és
No mínimo que fazes.
Assim em cada lago a lua toda
Brilha, porque alta vive."

Thank´s
Kiss,
Renata

*Fernando Pessoa*

MISS\GH يقول...

هههههههههههههههههههه
تحفه تحفه
اولا اسم المدونه عجبنى جدا واضحكنى جدا ودمه خفيف جدا

ثانيا
انا مش عارفه اقول ايه حلم تحفه بس مينفعش اللى حصل فى الاخر ده



ههههههههههههههه


هبقى ارجع تانى

المدونه تحفه ودمها زى العسل دومت بكل الود

جارة القمر يقول...

يظهر يا فقرى ان الحكومه بتاعتنا بتفهم اكتر مننا.

شوف انا البوست اللى فات كنت زعلان عشان احنا بنبنى جدار من الصلب على الحدود.

اليومين دول ابتدت تتكشف حاجات كتيره ما كناش واخدين بالنا منها .

بس الواحد متريث شويه عشان عارف ان الحكومه بتاعتنا لما تحب تلبس الباطل بالحق بتعمل كده.

بس قناص فلسطينى عشان يقنص المصريين .. حاجه تلخبط المخ

انا لله وانا اليه راجعون .. البقاء لله ولا حول ولا قوة الا بالله
/
/
تعليقك دة وجعني بجد

انا مش مصدقة

على العموم شكرا

ياترى ايه هي الحاجات الجديدة اللي اتكشفت

شكرا أستاذ

جارة القمر يقول...

طيب ليه

Majoli يقول...

Vim deixar abraços. Tenha uma linda noite. Beijos

SAM يقول...

I confess that I could not understand well the post. But I am happy with their visit. You're a good man. God protect and bless

SAM يقول...

Sorry about the delay of the postings, friend. This holiday season travel frequently

قلم رصاص يقول...

هههههههههههههههههههه

يبدو انه حلم فعلا كان امطين ابطين
هههههههههههههههههههه

المهم حمدلله على سلامتك ياعمو صلاح

والله نورت الدنيا والمدونة من جديد

طلتك غاليه علينا والنبي

في حفظ الله

قلم رصاص يقول...

عمو فشكول ..لاحظ لاحظ معايا كده

انت عاد بيجيك زوار اجانب

اتشهرت من ورانا يا راجل ياطيب

هقول للحاجة وهعمل لك وضع سياسي صعب في البيت هههههههههههههههههههه

سلاموا عليكم

احلام جوليا يقول...

العزيز بابا فشكول الاول حمد لله على سلامتك بس شكلك واخد برد زي ومش مركز ما هو يا ما انت مش مركز يا بابا يا ما انا البرد وصلني لحالة الهلوسة لاني مفهمتش حاجة خالص يمكن اكون من العيا يمكن اكون داخلة على دور سخنية المهم اني تهت منك في السكة سامحنى

محمد عبدالرحمن شحاته يقول...

فعلاً يافشكول

السياسه مالهاش كبير

والأحلام برضه مالهاش كبير

تقبل مروري

غير معرف يقول...

عم فشكوول
السلام عليكم
فينك من زمان مشفتكش في مدونتي
طبعا هتقولي ما إنته اللي مكنتش موجود
عندك حق
بس أنا عملت بوست جديد
وحبيت أعرفك إني لسه موجود
وأتمني تكون بخير وبصحه جيده

عايزين نعرف رأيك في الجدار العازل ... ؟

تخياتي

Dr. Ibrahim يقول...

ههههههههههههه
عملة ايه يا استاذ فشكول ما كلنا هنعملها على نفسنا من اللى احنا هنشوفه..
على فكرة انا من رأييى المتواضع يعنى انا مش موافق على محمد البرادعى.....

فارس عبدالفتاح يقول...

جميلة أوي حكاية الاسد والديب والتعلب

بصراحة جميلة جداً

م/ الحسيني لزومي يقول...

من علمك الحكمة يا ثعلب
رأس الذئب الطائر يا مولاي
ما قلته حق وما لم تقله حق
دخل الفيل الشق... فليدخل
حرج الفيل من الشق... فليخرج
مادامت رأسي بعيده عن سيفك يامولاي

فارس عبدالفتاح يقول...

بعت لحضرتك الجزء الاول بعد ما بعت الجزء الثاني علي وبنوه

الجزء الاول هتلقيه على الاميل وحاول تفتح الاميل هتلقيه انا مأكد اني بعته

وعلى العموم هبعتهولك تاني

وبعدين حضرتك بتقصد ايه بالكتب اياها والله مش عارف هي ايه الكتب اياها

عمتاً كل الكتب اللى عندي اما فلسفية او تاريخية او تحليلية فكرية واما ادبية من الادب العربي القديم

م/ الحسيني لزومي يقول...

بص يا فشكول يا اخويا
التغيير الوحيد اللي انا مقتنع بيه هو ان نغير الشعب المصري كله نهجره بره ونستورد شعب قادر علي التغيير وعلشان منضرش البلد اللي هيروحوها نشتتهم . انا عارف ان الكلام ده صعب عليك لأنك عند امل في الشعب يغير وده صحيح بس للأوحش.
بخصوص الواد محمد تعبني لان مدرسته مقفوله علشان انفلونزا الخنازير وطول النهار نايم وباليل عايز يقعد علي الكمبيوتر رحت عامل باس وورد للجهاز لكن هوه دايما يسأل عليك وعل فكره هو اصغر واحد في الاولاد.

ستيتة يقول...

كله انكشفن وبااااااااااااااااان

بتعمل حملتك الإنتخابية في قمر استان
هنياله يا عم
ماشية معاك يا سيدي
دي حلوة جاااااااااوي يا بوي
ثلاثة
مرة واحدة
طيب يا عم صلاح
ان غدا لأم اسامة قريب
ومؤكد مؤكد الواد احمد الرقم ها يدخل ويشوف ويفتن
وهي مش محتاجة مساعدات اجنبية مني بقى :)
ها يحصل كل اللي انت عارفه يا "وديع" سلام يا واصل يا بتاع عسل ستان :)

محمد الحسيني يقول...

معلش ياعموو فشكول انا مش بنشر مواضيع جديدة ولا بزورك علشان بزاكر وباباب عامل باسورددد للكمبيوتر واشاء اللة هنتشر مواضيع جديدة عايزين نشوفك لما تيجى اسيوط سلامممممم

ن يقول...

السلام عليكم
أستاذى الفاضل .. فشكول
انا جيييت .. بس ربنا يستر ومتتعدوش برد العطس عندى شغال وشايفة الحياة الوان أصلها بقت لون واحد بعد ما اتعودنا ان اللعبة هية هية بين مركب رايحة ومركب جاية وكل واحد فينا بيحلم يكون بحار ومحترف ابحار تمام زى حلمك.
بس تعرف احسن حاجة فى حلمك الكرسى ده شيك اوى ممكن كل واحد يفصله كرسى زى كرسى المملكةدى أهو يطلع بحاجة من دنيته .
بجد بوست دمه خفيف
مع خالص تحياتى

ليس فقيرا من يحب يقول...

هههههههههههههههههههههه

خير اللهم اجعله خير

طالما حلم يبقى خلاص براءه

بس مش هتبطل المشكله دى احنا فى فصل

الشتا والشمس عزيزة هننشف المرتبه

فين بس يا عمى

هههههههههههههههههههه

ربنا يديك الصحه يارب

mohamed ghalia يقول...

هههههههههههههههههههههه
كل حلم وانت طيب ياعمى فشكول
هههههههههههههه

صدى الصمت - عاشقة الورد - يقول...

ماتحلمش كتير بعد كدة يا أستاذنا
أحسن الحلم ممكن يتقلب لكابوس بعد كدة
هههههههه
تحياتى

محمد أبووردة يقول...

هههههههههههههه
يادي الخيبة
هو انا كل يوم أطلع المرتبة تتهوي يا فشكول
يابني ابقي ادخل الحمام قبل ما تنام
ومعتش تلعب بالكبريت تاني
فاهم يا جميل
هههههههههههههه

محمد أبووردة يقول...

يسعدني يا استاذ فشكول
أن تكون مدونتي ضمن مفضلتك
مدونة قلم حر
www.freeqalaam.blogspot.com

غير معرف يقول...

Boa Noite, enviada de Portugal
Fiquei encantada com a sua visita.
Ñ sei falar a sua língua,mas sei reconhecer e apreciar a sensibilidade e a beleza!
Beijo.
isa.

غير معرف يقول...

Boa Noite de Portugal!!
Obrigada pela sua visita! Não sei falar a sua língua,mas sei apreciar a beleza e sensibilidade.
Beijo.
isa.

dr.lecter يقول...

وحياه امهم ماهنسيب حقنا هنصوت ونغير النظام خلاص بقت معركه حياه او موت مافيهاش فصال

غير معرف يقول...

فشكووول
رد للأستاذ فشكول

أولاً : أنا أرفض سياسة القتل للعربى أو المسلم بوجع عام
ولكن ...
يا أخ فشكول فى الغرب والبلاد المتحضرة بقولون لك لا تقاوم اللص
فلعلة سرق بسبب الجوع.
وحتى يكون الحكم عليه مخفف إذا سرق من أجل أن يأكل و يعيش ..
فكيف بشعب محاصر يموت كله بسبب الجوع ؟
إذا كانت إسرائيل تحاصر الشعب الفلسطينى لسبب نعرفه جميعاً فلماذا تحاصره مصر ؟؟
أنا متأكد و أنت متأكد أن مصر تفعل ذلك من أجل إسرائيل ..وبتوصية من الأميركان ..حتى لا تسوء العلاقات بين الطرفين المصرى و الأسرائيلى اللذان تربطهما معاهدة سلام أقوى من تلك اللتى بين مصر و فلسطين..
هل تقدر مصر أن تسمح بدخول سيارة نصف نقل مواد غذائية الى غزة بدون أسئذان إسرائيل ؟
إذن هو الذل و الخنوع و العار
يا أستاذ فشكول
الشعب الفلسطينى يعتب على الشقيقة مصر أول من نادت بالتحرير و الكفاح المسلح ..
لماذا لم تكتب و تستغرب عندما اطلق الاسرائيليين النار على الجنود المصريبن على حدود رفح وقتلوهم واحد بعد الاخر ؟
الشعب الفلسطينى جوعان و فى أزمه
ولا يجد نقطة حليب لطفل و الإستثمارات الاسرائيلية فى مصر بالمليارات

رجاء أسمع هذا المقطع ...
http://www.youtube.com/watch?v=dolH0eQekbo&feature=related

تامر علي يقول...

ده على كده كلنا عملناها على نفسنا 0والتقيله كمان مش الخفيفة)

بس متعرفش الثعلب المكار أبو الحيل والأفكار ماسك أنهي 0أمانه0 للحزب الأسدي الديموغرافي ؟

فشكووول يقول...

رد على الاخ الغير معروف
السلام عليكم

يا اخى او يا اختى والله ما انا عارف انت بترد على ايه

انا لم اهاجم الفلسطينيين .. واعفينى لانى لااستطيع ان اذكر حماس .. لان حماس جزء من الفلسطينيين ولا اريد ان تتفرع المشكله الفلسطينيه فى عقولنا واذهاننا او تتمزق الى فتح او حماس او الجبهه الشعبيه او .. او .. او .

انا لا افرق بين الفلسطينين فالقضيه الاصليه عندى هى قضية فلسطين وما غزه الا جزء فى فلسطين يجرى عليه من الظلم ما يجرى سواء من الاسرائيليين او الفلسطينيين حمساويين او فتحاويين او من الجيران .. ايضا ما يجرى فى الضفه من استيطان او .. او استيلاء على بيوت الفلسطينيين من المستوطنين .. او .. او .. او .. الخ .. المهم ان كل الفلسطينيين يظلمون

اذا كنت قرأت الرد عند بنتى علياء صاحبة مدونة جارة القمر .. او الرد عند الشاب الفقرى .. فانه يا اخى شعورى .. انه يا اخى نقد للنفس .. عتاب للنفس ..اما ما يحدث من العدو فموقفى منه لم يتغير .. انا انتقد نفسى واحيانا اكون عنيفا فى انتقادى لنفسى .. انا يا اخى اسمح لعقلى النقدى بالعمل .. ولم اعد اعتمد على عقلى النقلى ..نصلح ما بانفسنا .. بالتوازى مع مقاومة العدو .. هل فى هذا مانع .. هل اترك نفسى تخطأ كثيرا ولا اصلحها .. هل اترك الامور تتأزم حتى تصل الى حد العداوه ولا انتقدها ..هذا يا اخى ما افعله .. اما كرهى وحقدى على الاسرائيليين فهو هو لم يتغير ..

انا يا اخى اقول ما لى وما على وقنص جندى مصرى من قبل قناص فلسطينى امر غير منطقى وغير طبيعى وخصوصا وانا اعرف معنى القنص

القنص يا سيدى تربص بالفريسة وتخطيط لقنصه واوامر تعطى واوامر تنفذ .. باختصار هى عمليه ليست عفويه ولكنها مدبره.. مدبره من من ضد من .. اذا كانت من مصر فانى ارفضها واذا كانت من فلسطين فانى ايضا ارفضها .. كما ارفض الجدار وكما ارفض عدم فتح المعابر وكما ارفض اشياء كثيره .. ايضا ارفض ايواء العناصر المجرمه والتى عاست فى ارضنا فسادا فى غزه .. ارفض ايواء عناصر تنظيم القاعده فى غزه .. ومن لا يرفض ذلك يكون على غير الحق

آمل ان تقدر وايضا لا يستأهل الموضوع ان تكون غير معروف فانا ارحب بك معروفا واتناقش معك بكل حريه واذا ثبت انى مخطأ فى شيئ فانى عندى من الشجاعه ان اعترف بخطئى
ارجوا مراجعة البوست السابق لى وسوف تتضح لك الحقيقه

ن يقول...

السلام عليكم
استاذنا الفاضل .. قشكول
آشكرك لسرعة التواصل والرد مع ان حلقة الدكتور مصطفى محمود أخذت منى مشاهدة ووقتا فى حدود العشرة أيام للمشاهدة وفهم كل كلمة بها والرجوع الى كثير من المراجع .
لكن هناك شىء حيرنى فى رد حضرتك وهو

ولن اجادلك فى هذا الموضوع ولا يغير نزول سيدنا آدم الى الارض باللغه العربيه او بأى لغه اخرى اى ثقافه موجوده حتى الان .. كل ذلك مجرد تحليلات
عن اى ثقافة حضرتك تتحدث .
فالموضوع هنا محصور ما بين القرآن والتاريخ .
القرآن .. شريعة موثقة من الله عز وجل أمرنا الله بالبحث والاجتهاد من خلاله .
اما التاريخ الذى فرضوه علينا فلا ثقة لى به لأنهم عرضوه علينا مفبركا مزورا درسناه عن جهل درسناه لمجرد انه مفروض دون تفكير دون توثيق .. وها أنت ترى النتيجة ثقافتنا صفر .. لأننا بلا حقيقة فاقدين المصداقية حتى فى تاريخنا الخاص بنا كشعب مصرى .
لقد سخر منا ومن عقولنا المزورين بغباء فرض ان تذاكر تنجح .. ولكن ماذا نذاكر وماذا ندرس للوصول الى اهدافهم .. بكل اسف اى شىء يفرض علينا فى مناهج التعليم تاريخ مزور ماشى ثقافة دخيلة علينا ماشى تناقض فى المعلومات ماشى .. اما كلام الله فخارج المنهج دائما تحت المجموع والحمد لله انهم تركوا دراسة حرة واحدة هى كلمات الله .
وناهيك فى الحديث عن كم المعناة اما الذى يعانيه حتى طالب اللازهر للخروج بمنهج مبرمج لا خروج عنه يطمس روح الثقافة أصلا وكل من يحاول ان يصل الى حقيقة او يتحرر عقله ويعمل بشكل صحيح يكون المصير خروجه من جنة الازهر .. ارجع الى سيرة عميد الادب العربى طه حسين وسيرة الذين كفروهم وهم يحملون اسم القرآن وسموهم باسم القرآنيون ومنهم متخرجون من الازهر بالمناسبة هم الان موجه اليهم تهمة الاخذ بكلمات الله .
حقا يالنا من شعب يحمل ثقافة .
مع خالص تحياتى

TWEETY يقول...

ازيك ياعمو
ايه الكلام الكتير دا
انا جيت ازروك يارب تكون كويس
وابقى تعالى زورنى
ماشى
انا ماشية عايز حاجة
مع السلامة

Mony يقول...
أزال المؤلف هذا التعليق.
تامر علي يقول...

ملحوظة يا أستااااااذذذذذ استااااذذ

اشمعنى انت يعني الحريم الاجنبي بيدخل عندك وبالتلاته وانا لاء .... ماشي يا عم فشكول ... بس دول باين عليهم هطل يا ريس بيرودوا على حاجه مش فاهمينها ؟؟:)))

بس انت فيك شيء لله يا استااااذذذ :)

(حلـم) يقول...

ازيك يا عمنا

يا اعز فشكول


في المحروسة

اتمنى ان تكون بالف خير واسرتك الكريم


مع خالص المودة

انا

حلم

دموع كابر يقول...

هههههههههههههههههههههههههههه
عم فشكول
اقولك ان على حاجه حلوه انا هاجى جمهوريه فشكولستان
وابقى معاك ياريس
وراك وراك واحنا اختارناك
موش بيقولوا كدا برده
بس تعرف ياعم فشكول لو لقيت جمهوريتك زى جمهوريتى موش عارفه ممكن اعمل ايه ساعتها
ههههههههههههههههههههههه

واحد من البلد دى يقول...

السلام عليكم

هى السياسة كده..

فى الحلم...تغرق السرير

وفى الحقيقة..تغرق البلد كلها

هى شركة-بامبرز-عملت حجم كبيييير من شوية

أكيد كل مجلس وزارة جمهورية فشكولستان بيستعملوه

حمد الله على سلامة حضرتك

وكذلك المرتبة

SAM يقول...

Thank you friend! Greetings! Today I heard the music and liked! Peace and good!

micheal يقول...

هههههههههههههه..طب ألف حمد الله ع السلامة وصحي النوم
أنت كلت إيه قبل ما تنام يا عمو فشكول؟
:)

قيس بن الملووووح يقول...

حبيب قلبي قيس يظهر اني باحلم زيك تمام من 12 ديسمبر كل اللي يزورني لا يقدم لي سوي الثناء علي الفكره وانا عايز مساعدات واراء فنيه...عموما مش مهم اخبارك انت ايه لسه قاعد تعمل شقاوه وللا حرمت من يوم العيد
تحياتي

Asmaa Fathi يقول...

ههههههههههههههههه

أنا فهمت غريبة انا كده مش طبيعية صح كده الواحده تخاف علي عقلها ليكون باظ من اللي شايفه وابتداء لا قدر الله يفهم

سياسة سياسة سياسة أنت ايه أخرتها معاك ناوي تسكن فين الفترة اللي جاية

تحياتي أستاذي العزيز

Hanan Said يقول...

استاذ فشكول
اولا ازي حضرتك عامل ايه
انا بقالي كتيير للاسف مش دخلت زرت المدونات
بس بجد كنت مفتقده اني اقرأ لكلام حضرتك اوووووي
بجد تحفه البوست ده
ومش وبجد اضحكني كتير
بس التعلب فهمها عشان يعيش
ضحى بكل حاجه عشان بس يعيش ومش يموت
تسلم ايد حضرتك
تحياتي

ظل السماء يقول...

السلامُ عليكُم
أولاً شُكراً لوجودك في المدونه عنا إن كان عشان حازم أو عشاني:)
تانياً أنا كُنت بدخُل مُدونتك كيتيير والله من قبل ما أظهر في عالم التدوين يعني و كُنت بفرح كتيير لما بشوف كلامكُم كُلكم و بضحك عالكلام اللي بيضحك و بحزن و بكتئب عالكلام المُحزن و حسيت قد إيه الموضوع, موضوع التدوين يعني مش سهل
عشان بجد في ناس بتدُخل مُدونات كتييييرة و بتتأثر فيها و بتعيش في لحظاتها و بتتمنى تكون جزء منها و المُدون نفسه مش واخد باله!!!
تالتاً و هادا الأهم أنا بدخُل مُدونتك عشان أشوف أولادك و الله :) بسم الله ما شاء الله عسل كُلهم يا رب يحميهُم و يبارك لك فيهُم يا رب :)
و في واحد منهم بيشبه إبني لما بيضحك :))
عموماً انا فرحانة كتير بتعليقك هناك و فرحانة أكتر إني بعلق في مُدونتك الجميلة دي..

سلامي...

فارس عبدالفتاح يقول...

يرجى المتابعة

الجزء الاول العدسة العربية - السينما المصرية

http://www.youtube.com/watch?v=8jHElSKGxWo

الجزء الثاني

http://www.youtube.com/watch?v=2gk4YV__2Yo

فارس عبدالفتاح يقول...

عفواً

يرجى متابعة الجزئين كاملين

وخاصة التركيز على العشرة دقائق الاخيرة من الجزء الثاني - والاخير

متمنيين لك مشاهدة واستفاهدة طيبة

نبراس العتمة يقول...

ههههه
أكثر ما أعجبني هي تلك الثقة التي تتحدث بها عن الحلم الذي لا يمكن إلا أن يأتيك إلا من الحلم
سعدت بقراءة هذه التدوينة يا عم فشكول وأدخلت الفرح إلى قلبي وإلى قلوب أصدقائك.
كل عام وأنت فشكول
مودتي الفشكولية

well يقول...

فشكوووووول ..

شوف انا لما هنام واغرق فى الاحلام هرشحك واديك صوتى ....

تحياتى

ن يقول...

السلام عليكم
أستاذنا الفاضل .. فشكول
هذا التعليق كتبته بعد الكثير من المناقشات التى دارت خلال الفترة الماضية ووجدت انه قد يبدأ الحل من هنا
...............
قد تحتاج يوما ان تتعلم اللغة المصرية القديمة أنا شخصيا أسعدنى ان أدخل فصول محو الامية للغلة المصرية القديمة لأنى بصراحة أخجل ان أكون مثقفة فى كثير من المجالات واتقن بعض اللغات وجاهلة بأقدم لغة تاريخية هى لغة بلدى .. بصراحة اتمنى ان اكتب لأصدقائى الاجانب رسالة

ذات قيمة بخط يدى باللغة المصرية

القديمة واترجمها لهم بلغتهم كى

أمحو من ذاكرتهم اننا شعب أُمى نتحدث دون معرفة حتى فيما يخصنا .
هذا الرابط لبعض الحروف من موقع الدكتور أسامة السعداوى
http://egyptology.tutatuta.com/docs/Arabic-Alphabet.htm
احتفظ به قد تحتاجه فى يوم من الايام.
مع خالص تحياتى

Wanderley Elian Lima يقول...

Olá meu amigo, desculpe pela ausência, estava viajando em férias
gosto de visitar o seu blog e traduzir seus textos.
Forte abraço

mahmoud farag portofolio يقول...

http://faragportofolio.blogspot.com/

my gallery under construction

الشاعر الفنان أحمد فتحى فؤاد يقول...

عزيزى فشكووووول

هى دى أخرة الساسة و اللى بيفهم فى السياسة
ربنا يديك الصحة و يخللى حياتك أحلام جميلة .. مش كوابيس و مش سياسة

Sam Sh يقول...

صح النووووووم يا ريس
:))

ن يقول...

السلام عليكم
أستاذنا الحبيب .. فشكول
الف سلامة ولايهمك بالمناسبة حالات الاكتئاب وعدم استقرار الجسم بسبب كسوف الشمس ولقد قرأت ذلك منذسنوات على شكل تحليل علمى للدكتور الراحل / مصطفى محمود
وهذا المقال يعطيك استفادة فى هذا الامر
http://kenanaonline.com/users/ashrafhakal/posts/96089
اتمنى ان تكون فى أحسن حال
مع خالص تحياتى

Majoli يقول...

Saudades de você meu querido amigo. Beijos no teu ♥

جايدا العزيزي يقول...

اكيد ده كله من الكبت اللى جواك


بعد كدة ابقى هوهو لو حته فى الحمام

وقبل ما تنام


استغطى كويس وشد اللجام


وبلاش اللى جوة العقل الباطن يخرج


خليه محبوس

لانك انت اللى خسرت وبعد كده هتلوس


وقبل ماتنام قول 100 مرة ما فيش احلام


سعيدة جدا هنا


قشكوووووول اتمنى ان نتبادل


فقد فرأت ما بين السطور


واعتقد الرساله واضحه


سعيدة بتواجدى هنا

RENATA CORDEIRO يقول...

Hi, my dear friend! An immortal song for you*
I can see clearly now

I can see clearly now, the rain is gone,
I can see all obstacles in my way
Gone are the dark clouds that had me blind
It’s gonna be a bright (bright), bright (bright)
Sun-Shiny day.
It’s gonna be a bright (bright), bright (bright)
Sun-Shiny day.
I think I can make it now, the pain is gone
All of the bad feelings have disappeared
Here is the rainbow I’ve been prayin' for
It’s gonna be a bright (bright)
Sun-Shiny day.
Look all around, there’s nothin' but blue skies
Look straight ahead, nothin' but blue skies
I can see clearly now, the rain is gone,
It’s gonna be a bright (bright), bright (bright)
Sun-Shiny day
It’s gonna be a bright
Sun-Shiny day
It’s gonna be Sun-Shiny day...
Kisses
Renata

-_- يقول...

شكلك اتعشيت حاجة مسبكة

Wanderley Elian Lima يقول...

Olá meu amigo
obrigado pela visita ao meu blog.
Fico muito feliz quando vem me visitar
Um forte abraço

hana يقول...

هههههههههههههههه
حلم جواه كثير



بس ينفع كدة تعملها
دة كلام هههههههههه


واحشتني تدويناتك الحلوة بجد

هنـــاا

جلال كمال الجربانى يقول...

أبقى أتغطى كويس ياعمنا
وبس خلاص

عصـــــــــــام الــــديــن يقول...

عم فشكوووول
خير اللهم اجعله خير
بلاش احلام تودى فى داهيه ياعم
احنا شعب محترم وبيسمع الكلام والله
وان كان على المرتبه ليك عندى هديه ياعم
هبعتلك مرتبه بحمام منه فيه -صرف سراير - وشوية بخور عجب علشان الريحه
وعقبال يارب ماتحلم لنا باتحاد عربستان
ويجعله عامر

saheda.com يقول...

اخوانى فى الله

اخوانى الكتاب والعظماء والمفكرين
اخوانى المدونين والصحفين
اخى اختى فى العمل
اخى واختى فى الشارع
اخى واختى فى المسجد
اخى واختى فى كل مكان وزمان
ان الاوان ان نصنع المجد بايدينا
ان الاوان نجاهد مع اخواننا
ان الاوان ان نفيق من الثبات الكبير
ان الاوان ان نتغير ونغير
ان الاوان ان نتحدث مع الناس بحديث مختلف
ان الاوان ان نقف ونصحح الاوضاع بدل استنكار والرفض
فكلا منا له قلمه فليكتب
ويراسل كل الصحف
كلا منا يرسل رسائل للقنوات الفضائية
كلا منايراسل الكتاب والمفكرين
كلا منا يكلم خطباء المساجد
كلا منا يكلم اهله واهل شارعه
كلا منا يكلم زملاء العمل والدراسة
كلا منا يكلم تلميذه فى المدرسة والمعاهد
كلا منا يكلم الناس فى الباص والقطاروغيره
كلا منا يبذل جهدا
كلا منا يستيقظ
كلا منا يبنى له جدار عز وكرامة
كلا منا يبنى جدار يكون له شفيعا من النار
كلا منا يدون ويدون الى ان يفهم الناس
هذه حرب لاتضع فيها الاسلحة ابدا
كلا منا سلاحه الايمان
كلا منا يطلب الجنة
كلا منا لايترك سلاحه الا عندما تنتهى الحرب
اما نصر او استشهاد
اخوتى كلكم مسئولون امام الله
فلنجعلها حربا عالمية فلنراسل الصحف العالمية
والقنوات العالمية
والمدونات الغربية
من منكم معى
من منكم يبنى جدار العز والكراة
من منكم يفك الحصار عن غزة
من منكم لاخوانكم فى غزة
من منكم لنصرة الاقصى
من منكم
يكن مع اسماعيل هنية وابوعبيدة
فى ساحة الجهاد
من منكم يحب الجنة والشهادة
فلينضمن الينا
صانعوا جدار العز والكرامة

غير معرف يقول...

السلام عليكم

كيفك ياعموو فشكوول

وحشتني والله

يارب تكون بالف خير

كنت هنا :)

rovy يقول...

ههههههههههه
وحشتنى وجيت اسلم عليك مادام لما بغيب ما بتسألش قلت اسأل أنا ..
ألاقيك عامل عمايل بأحلامك المعتاده و الله خايفه أحلامك تتحول كوابيس .. لكن برضه مش حأقولك بطل تحلم مهما حصل ده أحنا مش باقى لنا غير الأحلام ..


تحياتى دوما

ghorBty يقول...

السلامـ عليكمـ

ازيك يا استاذ فشكول يارب تكون بخير

كنت خليت الحلمـ في سرك

الاحلامـ من نوع دا مترقبه

وربنا يستر :)

Unknown يقول...

ههههههههههههه
جامدة يا عمو الكل
واحشنى اوى على فكرة
انا رجعت ادون تانى
وقلت لازم تكون انت اول واحد اعلق عندة

حسن يقول...

فكرتنى بثورة 1919


كنا ايد واحدة وقلب واحد


واحنا بنهتف يحيا الهلال مع الصليب


اشكرك

ruma يقول...

شكرا للتعليق.
وأتمنى لكم كل التوفيق.

من الشرق الأقصى.
مع أطيب التحيات.
ruma

وفاء بركات يقول...

هههههههههههه.. شديده
مش قلت لك إتغطي قبل متنام

وبعدين محضرتك محقق سيوله عاليه أهوه زعلان ليه من أبو غالي إديله حقه ع إلأقل يتنشر شويه جنب المرتبه يمكن يتبخر ونخلص منه
تحياتي