الاثنين، ٨ فبراير ٢٠١٠

أى كلام فاضى معقول

الاهلى اتغلب النهارده 2 صفر من غزل المحله .. بالشفاء .. انا اهلاوى


بمناسبة الكلام فى الكوره .. بعد الامور ما هديت وبعد ما اخدنا كاس افريقيا .. بدعاء الوالدين ولا بدعاء الملايين .. المهم اخدنا الكاس .. قوووووم ايه ... بيقولوا ان كان فيه لاعب اسمه جدو فى المنتخب .. ما تصدقوش .. دا ما كانش فيه لاعب اسمه جدوا .. عارفين اللى كان موجود ايه ... دا كان عفريب حسن شحاته حاطه فى القمقم .. كا ما يحتاجه يطلعه من القمقم .. وبعد الماتش يقول له خش فى القمقم يا خلنجان.


بيقولوا كل لاعب فى المنتخب اخد مكافأه مليون جنيه ... يا ريتهم ما اخدوا الكاس ووفروا لنا الكام مليون دول حتى عشان السيول ومعد السرطان والبلاوى الكتيره اللى عندنا ودايما يقولوا يحننها ربنا .. لكن لو عشان الكوره .. ربنا بيحننها على طول ويديهم كل اللى هما عايزينه.





المتروا بقى اليومين .. كل المحطات عماله تذيع اى مخالفه تعرضك للغرامه .. اى عبث تعرضه للماده كذا وكذا .. عى عبث .. مش عارف يطلعوا روح اللى خلفوكم .. الماده كذا وكذا بتقول الغرامه والسجن المشدد.. حرام عليكم بقى يا ناس .. سيبونا فى حالنا شويه الحكايه مش ناقصه تخوفونا .. احنا خايفين طبيعى وما بنقدرش ننطق ريحوا بس انتم نفسكم واحنا حنخاف لوحدنا.. بس الله يخليكى مش كل شويه تطلعوا لنا العفريت .. واحنا عفاريت الدنيا كلها راكبه فوق دماغنا.



موضوع صعب قوى يا جماعه .. اهلنا يا جماعه المرضى العيانين التعبانين بتوع معهد الاورام .. اصلهم قفوا معهد الاورام بالضبه والمفتاح عشان حيقع على دماغ العيانين اللى الدنيا كلها اصلا واقعه على دماغهم ومش ناقصين حد يقع على دماغهم .. ربنا يشفيهم ويريحهم من الالام الرهيبه ويزيح عنهم .. يا اخوانا المرض دا غول زى ما يكون كل عمال ينهش فى حتة لحمه ومريض الاورام يا عينى بيعانى من آلام رهيبه وما لهمش صدر حنين غير المعهد دا اللى راح فى الباى باى .. شفاهم الله وعفانا واياكم


ابوكم بقى الحاج يوسف بطرس غالى نازل علينا بالكرباج والشوم والخرزانات كمان .. اى واحد يكسب اى فلوس يقول .. اقف عندك .. انا شريكك فى الفلوس دى .. هات والا .. هه .. انت عارف ايه اللى ممكن يحصل لك .. الموظفين الغلابه اليومين دول يا عينى نازلين لطم على الخدود وشحاته من اللى يسوى واللى يسوى برضه عشان يسددوا الضرائب اللى عليهم من عام 2009 .. طب هما خصموا من بتوع الكوره الضرائب ولا ايه الحكايه .. هى ما تجيش الا على الغلابه .



هناك ٨٤ تعليقًا:

عصـــــــــــام الــــديــن يقول...
أزال المؤلف هذا التعليق.
عصـــــــــــام الــــديــن يقول...

انا بحجز وش القفص ياخاااال
بص بقى ياعمنا فشكول انا خلاص نفسى كدا اصحى مره من النوم افتح التلفزيون اسمع ولو لمره واحده خبر كويس
نفس اسمع فى يوم ناس متفائله
نفس احس ان فيه امل فى بكره
والله نفسنا نفرح والواد جدو بصراحه فرحنا هى صحيح فرح مؤقت بس يعنى الحمد لله
بس بينى ونينك انا كنت خايف على المصرين لغلابه اصل الفرح قجاه ممكن يقتلهم وهما مش واخدين على الفرح وخصوصا السنه الرخمه 2009 الله لايردها ياخااال
تحياتى

ريمان يقول...

السلااااااااااااام عليكم

ازيك يا عمو صلاح وحشتنا جدااااااااا

لا لا ايه وحشتنا دى

حضرتك وحشتنى انا بس

ربنا يخليك لينا يا رب يا عمو صلاح

وايه الاخبار الجامده دى

مش كلام فاضى ولا حاجه

كل لاعب اخد مليون جنيه؟

ما شاء الله وسبحان الله
طب والناس الغلابه؟ والفقراء والايتام والارامل ومرضى السرطان وغيرهم وغيرهم

يلا بقى ليهم ربنا اللى احسن من الكل

وبعدين انا على فكره ماليش فى الكوره ولا احبها ومعلش يعنى يا عمو صلاح وطنيه الشعب المصرى مش بتظهر الا فى الكوره وبس

الشعب بتوحد اما بيكون فى ماتش وبسسسسسس اهو ده اللى فالحين فيه

وطبعا مفيش على بتوع الكوره ضرايب اكيد يعنى


تحياتى ليك يا جميل

انا اول تعليق

عايزه بونبونى بقى

ريمان يقول...

يالهوى مطلعتش اول تعليق

ينفع كده؟


بس برضه مش هتنازل عن البونبونى

غير معرف يقول...

هي فعلا متجيش الا علي الغلابه ...

أمل حمدي يقول...

أ نا زعلانة منك جدا يا فشكول ليه مش بتسأل عن ماما أمولة
كنت محتاجة لناس كتير ترد عني الظلم وملقتش
معلش

ربنا يعوض على الأهلي ان شاء الله



والمنتخب بيتبرعوا لمنكوبي السيول بكل ايراد الحفلات غير التبرعات الشخصية
أحمد حسن اتبرع ب 100 ألف جنيه لأهل مدينته في الصعيد
ربنا هو الرزاق مش حكومة ولا غيره



أنت قصدك على معهد ايه اللي قفلوه
مش معقول الجديد ؟؟؟؟؟؟؟؟؟



بطرس غالي نهايته قرب إن شاء الله
في مثل قديم بيقول يالي رايح كتر من الفضايح

ربنا يكفينا الشر اللهم أمين

يارب تكون بخير يا فشكول وصحتك كويسة
سلام

Ms Venus يقول...

يا ريتهم ما اخدوا الكاس ووفروا لنا الكام مليون دول حتى عشان السيول ومعد السرطان والبلاوى الكتيره اللى عندنا ودايما يقولوا يحننها ربنا .. لكن لو عشان الكوره .. ربنا بيحننها على طول ويديهم كل اللى هما عايزينه.



اهوو ده كلام الناس العاقلين


بس نقول لمين ؟


وانت قولتها كلمة حكمة


هى مبتجيش الا على الغلاااااابة


بس هقول ايه لكِ الله يا بلدى

Cute Kitty **sookra يقول...

عم فشكول
والله انا سمعت اغنيه فى العربيه النهارده وبرغم انها شعبى وانا ماليش فيه الا انها بجد قالت كلمتين فى الجون
الدنيا خربانه
تعرف ياعم فشكول ان كل واحد فى البلد ساخط ومطحون وبيحاول يطلع سخطه على اى حد ييجى تحت ايديه
زى اللى عمله السواق معايا النهارده كان ايه عاوز يركب زياده قلتله ماشى اللى هيوافق يركب زياده يتحمل الجلسه الزفت قوم ايه هو قالى قوم كدا يامدام
شفت ياعمو قالى يامدام دا انا هاخرب بيت اللى جابوه فقلتله ليه قالى ثوانى قومت قام شادد الشلته بتاعه الكرسى لبره عشان الرابع اللى هيقعدوا على الطرف ولما اتكلمت وموش سكت قام هو قعد يستغفر ويقول لاحول ولاقوه الابالله كأنى من الكفار ولاحاجه وبعدين قام الناس قعدوا يقولولى عيب يابنتى انتى بنت وماينفعش صوتك يطلع
طيب هو انا صوتى طلع غير عشان بدافع عن حقى ولاانا كان صوتى طالع مرقعه ودلع وكدا وكدا
اقولك سر انا اللاعيبه هيشاركونى معاهم فى ملايينهم بس اوعى تقول لحد
منورنى دايما

Mahmoud Ahmed يقول...

اه فعلا
الآهلي خسر :(
حاجه تزعل
و الى يزعل ان كل الناس التانيه تكسب :(
هههههههههههههههه
اما بالنسبه ليوسف بطرس غالي
فلا تعليق عليه خالص
...
انا كنت سمعت مره
مش فاكر فين
حد بيقول حاجه حلوه خالص
(( عمرنا ما سمعنا قبل كده ان فيه وزير مات ))
ههههههههههههههههه
انا مقصدش حاجه خالص
بس هي جات في دماغي
^_^

اقصوصه يقول...

الله يعيننا على هالزمن

نسمهع ونشوف العجايب

ومش بيدنا شي غير ان احنا نقول

لا حول ولا قوة الا بالله العلي العظيم!

adel يقول...

معنديش رد الحقيقة

بس مجموع فلوس المنتخب من الدولة و من الريس
50 مليون جنية
اه والله 50 و محدش من الدولة عبر بتوع السيول !!!!

ربنا يسامحهم و يولع فيهم بجاز بس !!!

خواطر شابة يقول...

هل هذه رغبة في تعذيب الذات وجلدها ام رغبة في تعذيب الاخرين هههه حضرتك جمعت كل الاخبار اللي تفرس ورصيتها رصة تشيب.
اننا والله ما صعبان عليا الا مرضى معهد الاورام من يوم ماشفت الموضوع عنذ منىالشاذلي في العاشرة مساء ربنا يخفف عنهم ويتولاهم برحمته
تحياتي لحضرتك وتمنياتي بدوام الصحة والسلامة ان شاء الله

سمكه واحده يقول...

اولا
اذيك يا عم فشكول
طبعا واضح جدا حضرتك اذيك بظبط؟
زينا كلنا والله

حبيت اسلم علي حضرتك
ال هو احنا متخصمين ولا ايه؟؟؟؟؟
ثانيا والله نفس كلمه بابا قال بقي دلوقتي تطلع الملايين عشان الكوره طب وساعه الامراض والسيول والمشاكل اللي عندنا والناس الغلابه مفيش
كاس ايه الي مصر خدته بس
الحمد الله خدنا الكاس وانا مبسوطه
بس الشعب خد ايه ولا استفاد ايه
الواحد بيزعل والله
معرفش هو في ايه
وبعدين قولهم
متروا ايه اللي انت جي تقول عليه؟

تحياتي ياعم فشكول ياناسيني

Unknown يقول...

اصل هما مخنوقين ان لسه فى حاجة اسمها الطبقة الوسطى فبيحاولوا يخالوا الشعب كله حرامية
وينقسموانوعين
بلطجية معدمين والنوع التانى رجال اعمال شرفاء

عايش... ولكن !!!! يقول...

كلام فى الجون يا عم فشكول
بس تعرف انا بقر على العيال الاعيبه دول
قاعدين نايمبن لاعبين مهيصين وواخدين ملايين وموبيلات كمان
واعلام ايه وكل حاجه زى الفل
وحسن شحاته بيه بقا نجم كبير امه كانت دعياله

اما بقا عن بطرس غالى
فلانه غالى لام يعمل كده
وبعدين ياعم فشكول انت بتشتغل علشان تجيب فلوس تصرف على نفسك والمدوام والاولاد والعربيه وطبعا الحكومه :))))

كلمات من نور يقول...

متوجعش قلبك يا فشكوول كله ماشي بالمشقلب في مصر حتيجي على غيه والا إيه وتتكلم .....بس الحمدلله ان احنا أخدنا الكاس ادينا رفعنا راسنا يومين وروحنا المعدنية كمان ..أما بالنسبة للأهلي فعلى رأي ابني حارس مرمى المستقبل ...احنا يا ماما نص الفريق الكويس مش بيلعب راجع من افريقيا هلكان وتعبان ومكسور ...وبعدين بقى لازم مرة نخسر علشانم روحنا الرياضية ترجع تشتغل ومتعودش عالفوز ..دي مقولتي أنا ....انت مش بتيجي مدونتي ليه؟ زعلان مني؟؟؟؟ انا كتبت بوست جديد و بكرة حانزل بوست في مدونة لحظة نور إن شاء الله...تحياتي

د/عرفه يقول...

السلام عليكم

مبروك طبعا لزعيم الفلاحين

وبالنسبة لموضوع معهد الاورام والمنتخب وكده

مقال فهمى هويدى من يومين كده فى الموضوع ده كان رائع

واظنك اعدت طرح الموضوح
لانه فعلا مهم

الناس تهيص فى الاستاد وتهتف زى ما قال الريس
ولما تروح

هتهتف تقول ايه
؟؟؟؟؟؟؟؟

الجواز و سنينه يقول...

اى كلام مش فاضى و معقول جدا
انا ما اعرفش ان الاهلى اتهزم يا منز
جمع man يعنى
على رأى مرسى ابن المعلم زناتى

بس هايحصل ايه لما يتغلب احنا مش هاناخد حاجه من الملايين اللى ماشاء الله بياخدونا و نمسك الخشب كمان و نبخر و نرش ميه

لو ما كانوش اخدوا الكاس و لا كانوا هايخدوا الملايين و لا كمان هاتروح لبتوع السيول كنا هانشيلهلهم بفوايدهم للكاس اللى بعده

بتوع المترو و بتوع الضرايب
و بتوع الكهرباء و المياه و المرور
كل دول ناس مش محتاجه تخوفنا
احنا بنفع و احنا ساكتيين
من امتى كان لينا صوت

مرضى السرطان
لهم الله
يعنى عايزين ناكل اكل مرشوش بمياه الصرف الصحى و اكل مرشوش جميع انواع المبيدات و نشرب مياه ملوثه
و برضوا نسكت برضوا
و مش عايزين الناس تمرض ؟؟؟؟
و عجبى و ربنا يشفى الناس جميعا يارب
و يكفى الجميع شر المرض

جايدا العزيزي يقول...

بص ياعمنا

فيه مثل مصرى عندنا بيقول

رزق الهبل على المجانين

النهاردة شفت الاهلى بيدغلب من غزل المحله


اتنين ياراجل بصراحه صعقت


وقلت هما دول اللى كانوا اسود افريقيا


بس خلاص اخدوا المكافأة هيتعبوا ليه

صحيح فرحونى مش بالكاس

فرحونى لما غلبوا الجزاير

ورفعنا من تانى الراس


اما بخصوص جدو بقول سر نجاحه

انه واد خفيف طيب وبشوش


وانا عن نفسى فرحتله


لكن حسن شحاته عارف انه مخصص لاخر ربع ساعه الاخيرة


لو نزل اول الماتش مش هيدخل ولا جول


تصدق صعقت معهد الاورام كلف ملايين


كل مصرى اتبرع


ايه اللى حصل وليه وزنب الناس اللى بتموت دى ايه


كنت متاكدة ان التبرعات دخلت كرش ناس لا بترحم ولا بتسيب رحمه ربنا تنزل


ومترو الانفاق ناقص يعملوا على كل تزكرة ضريبه

والله العظيم اللى بيحصل دة حرام


اما بطرس غالى

فمزاجه لازم يكون عالى


هتقولى ازاى لازم نموت علشان يعيش


واللى يجى فى الريش بقشيش


هى دى بلدنا يابا

لا تملك غير القلم والربابه


وربنا يرحمنا


تحياتى

غير معرف يقول...
أزال أحد مشرفي المدونة هذا التعليق.
غير معرف يقول...
أزال أحد مشرفي المدونة هذا التعليق.
غير معرف يقول...
أزال أحد مشرفي المدونة هذا التعليق.
غير معرف يقول...
أزال أحد مشرفي المدونة هذا التعليق.
غير معرف يقول...
أزال أحد مشرفي المدونة هذا التعليق.
غير معرف يقول...
أزال أحد مشرفي المدونة هذا التعليق.
غير معرف يقول...
أزال أحد مشرفي المدونة هذا التعليق.
غير معرف يقول...
أزال أحد مشرفي المدونة هذا التعليق.
غير معرف يقول...
أزال أحد مشرفي المدونة هذا التعليق.
فارس عبدالفتاح يقول...

من شاهبه اباه فما ظلم


متنساش ان بطرس غالي من المدافعين وبضراوة وهو احد مهندسين كمب ديفيد بعد استقالة المواطن الاول الموقرة اسماعيل فهمي وزير الخارجية على اعتراضه على المعاهدة وزيارة السادات لكمب ديفيد

فلما يوسف بطرس زفت يجي يعمل كده امر طبيعي جداً بل الشيء الغير طبيعي ان لا يفعل ذلك

أحــوال الهـوي يقول...

ازيك يا جدو
اصل صورتك مع حفيدك تجنن
مش جدو بتاع الكورة ده بحق و حقيقي
اولا وزير الجبايه الله يخرب بيته بيدور علي الحل الاسهل و الاسرع لتحصيل الموارد و عمره ما دور علي حل افضل و اوقع مثلا ضرايب علي السيمون فيميه و الكافيار و السيجار و الشنواه و ما الي ذلك من مستلزمات الفشخرة و من الاغنياء الحرب

ثانيا التحذير مطلوب لاننا شعب يحب من يذكره و خصوصا في الاهمال و النظافه
انا كنت في اليمن الاسبوع الماضي البلد فقير و مستوي معيشه ضنك لكن الشوارع نظيفه
و احنا لو حذرنا و نفذنا الغرامات علي الناس المهملة كله هيبطل يرمي الزبالة او يكسر في الممتلكات العامه

الكورة الشئ الوحيد اللي فرح الناس و مليون جنيه مع انجاز تاريخي ختي ولو كورة احسن من اجر ممثل اراجوز بياخد 10 مليون في فيلم تافه بلا معني
او شركة بتدي وزير 250 مليون مرتب شهري

واحشني

\تحياتي

Pink Dreams يقول...

ازيك يا عمو فشكول

يا رب تكون بخير

زى ما حضرتك قلت بتيجى على الغلابه وتقف

يلا معلش لينا رب اسمه الكريم

دمت بكل ود

حروف يقول...

ادي حال الدنيااا

ودة مش كلام فاضي خالص يا عم فشكول دة كلام في الصميم

تفتكر المليون جنية ل 23 لاعب يعني 23 مليون جنية ولو عطوهم النص والنص التاني لشعب كان حصل اية ؟؟!!!

مثلا كانوا اكيد حياخدوا نصهم ضرايب مننا ونص تاني الباقي كانوا حيعيونا بيهم وندفعهم ادويااا


دمت بالف خير

اعذرني مقصرة في الزيارة بس بمتحن دعواتك يا عم فشكول

شمس النهار يقول...

صباح الخير

بقا ده كلام فاضي برضه


::))

سلامي

الازهرى يقول...

لأيوه بتيجى على الغلابة بس
كنت فى معهد الأورام مع عمتى من حوالى سنة والحاله بؤس حقيقي هناك
حزن على الوجوه وتعب فى الأساد
وبعد كل هذالا يوجد علاج لأن المعهد فى طريقه للإنهيار

اللهم اهدنا وإياهم

well يقول...

بقولك اى يا فشكوول ... بمناسبة ان الدعاء بقى ينفع مع البلد دى والحمد لله
انا بقالى كام يوم كدة بفكر الناس كلها تتجمع فى مكان واحد ووقت واحد وبصوت واحد نقول حسبنا الله ونعم الوكيل ...وادعى بقه وطلع اللى فى قلبك ..
تحياتى

حنين يقول...

السلام عليكم
ازيك يا عمو فشكول
واللهى كلامك معقول
واحنا اه فرحنا بالفوز طبعا لمصر
بس الملايين دى كان فعلا اولى بيها ناس
كتير محتاجه يلا ربنا يعوضهم خير
تحياتى

غير معرف يقول...

حلو والله الواحد بيفكر يلعب كورة
الموضوع شكله بيكسب حلو اووى

وموضوع العيانين مش السرطان بس الكل بيعانى وتعبان حتى اللى مش تعبانين

ربنا يكون فى عوننا بجد

حياه بلا عنوان يقول...

السلام عليكم ورحمه الله وبركاته
بصراحه اول زياره ليا فى المدونه بس لقيت فيها موضوع جميل قوى فعلا عنوان البوست يليق جدا على اللى بيحصل لما يكون لعب كره ياخد مليون ويمكن اكتر يبقا كلام فاضى اكيد ولما البلد تلم علشان اللعيبه تاخد فلوس يبقا كلام فاضى مش شيفين ان فيه حاجه اهم ولا هما مش وخدين بلهم ممكن يكونو مش وخدين بلهم ماهى فعلا حاجه مايخدوش بلهم فيها دى بتكون بعيده عن الاعلام لكن كره وكلام فاضى لازم يكون موجود عند الاعلام اومال ده لازم ربنا يسترها علينا يارب من اللى جاى
ياريت تقبل مرورى
تحياتى

Ramy Wasel يقول...

عمنا فشكوول

السلام عليكم
اخبارك ايه
يا رب تكون بخير
معلش على الانقطاع الفتره اللى فاتت
لولا الشديد القوى
وهو الشغل والدراسيه

هارد لك للاهلى

وبخصوص المترو
كنت فى مصر الاسبوع الماضى
ولاحظت التشديد على التذاكر
وعدم المرور بدون تذكره بشكل مبالغ فيه
بس ده طبعا لزياده موارد الدوله
واللى ياخدوه من المترو
يعملوا بيه معهد اورام جديد
ويبى زيتنا فى دقيقنا

Soul.o0o.Whisper يقول...

احم احم ...

ممكن أدخل ؟؟؟

طيب ... أنا جرى جرى هأقول الكلمتين و أجرى

أصلى بصراحة ماليش عين أتكلم << وش مكسوف
و بعدين أخد بوكس و لا حاجة، وماليش دية طبعا .... احم احم


والله يا عمو فشكول بعيدا عن الكورة
فكل حاجة الوقتى بئت الدفع و الحبس

يعنى كان قبل كدا يا الدفع يا الحبس
النهاردة عاملين أوكازيون و خلوا الاتنين مع بعض :) عشان ماحدش يزعل

اما بالنسبة لمرضى معهد الأورام ففعلا والله ربنا يكون فى عونهم
و يكون فى عون اللى عندنا بدروا
و يكون فى عون كل المرضى ... لأنهم بجد بيتعذبوا كتير

ربنا يخفف عنهم و يشفيهم يارب

أما بئا بخصوص أبونا الحاج
فليس على يوسف بطرس غالى حرج خاصة إذا كان أبونا
و المصيبة انه بئا حاج .. نياهاهاها



تحياتى ، و يارب بجد حضرتك مش تكون زعلان منى

م/ الحسيني لزومي يقول...

ياعمي فشكول
احنا بنأدن في مالطا

(حلـم) يقول...

مين قال ان حضرتك محاسب ؟؟

انت بس وشوية حسيبة


انا بقول عمنا فشكول حكيم


ومن اهم حكماء الشعب المصري


وهى كدة دايماااا بتيجي في راس الغلبان

لان اللى مش غلبان راسة امكلف وحسيب


تحياتي لك يا رائع


شكراا لزيارتك ايها الحكيم

وانتى ما صدقت ياراجل عايز تدخل معتقل بلاد الله الواسعة برجيلك طب قول يا ساتر بلاش احم احم يا حلم


هاهاهاها

انت راجل قشطة علشان روحك حلوة وابن بلد بنحبك

في رعاية المولى
انا حلم

صبرني يارب يقول...

الحقيقه انا نفسي اعرف بجد

هى الملايين والمليارات الى ماشيه فى الهوا دي يا استاذنا ليه ما بتعديش علينا

ليه بما تعديش على الشعب الغلبان

انا كاتبه بوست عن الموضوع ده بس لسه ما نزلتوش

نفسي اعرف الملايين والمليارات الى بنسمعها فى البرامج والى بتطلع هوبا كده فى ثانيه دي بتروح فين

امبارح حد بيقولك ميزانية وزارة الصحه بتقول 15 مليون جنيه لتنظيم الاسره ؟؟؟؟

هاو كام ؟؟

ده لمؤخده يعنى حضرتك لو عملوا لوب دهب لكل مواطنه مصريه ما كانش اتكلف 15 مليون ؟؟!!!!

نفسي اعرف فى ايه يا ناس فى ايه ؟؟؟

مش قادره اتكلم على مرضى السرطان عشان الحته دي بالذات بتوجعني اوي

بكيتنى على فكره بس يظهر ما صدقت

أمل حمدي يقول...

جزاك الله كل الخير أخي فشكول

MaNoOoSh يقول...

كلام يوجع قوي
ومش فاضي ابدا
دي طلقات فى المليان كمان

المشكلة الوحيدة
ان كل الطلقات بتيجي فى الشعب
نفسي طلقة واحدة تيجي فى حد يستاهلها
ربنا يسترها علينا جميعا

(ليك وحشة كبييييييرة يا عمووو فشكووول)

SHAPE YOUR LIFE (ABOALI) يقول...

حينما ستنساب رغبات التغير من هنا وهناك
ونبدء فى خلع ثوب الانحلال لاننا راينا عواقبه

ونعيد ترميم الخير فينا ليكون قويا

سيحدث تغير ايجابى فيما نعانيه اليوم

ما عرضته يوجد خزائن اخرى موجودة بها الكثير والكثير

ولكن السلبية الداخلية كل شخص وتجمع تلك السلبيات مع بعضها البعض
انتجت مجتمع مهلل
مش فالح الا فى الهجس والكلام

ولكن

مهما حدث ستظل نجوم السماء تنير

hana يقول...

كان نفسي ابئا لعيب كورة هههههههههه
مش كان زماني الوقت الجون بمليون ياربي حكاية ههههههههههه
بس هما بجد فروحنا أنا كنت عاوزة نعمل اي حاجة
بجد ومكانش معقول كمان يروح علينا الكاس دة الشعب كله فرح هو صحيح فرح مؤقت بس اهو اي حاجة يحسها جميلة
بدال ما كل حاجة لونها بلاك في عيونهم
الحاجات اللي تفرح بقت قليلة اوي مش عاوزة أقول معدومة عشان الحسد ههههههه

بس بوست جميل بجد اسلوب جذآآآآآآآآآآآآآآآآآآآآب لأبعد الحدود
حقيقي بحب أقرالك أوي يا أحلى فشكول
عميق تحيتي

♥نبع الغرام♥♪≈ يقول...

وحشتنى يا راجل يا طيب
اخبارك ايه يا حبيبى يارب تكون بخير
وربنا يطمنى عليك يارب

♥نبع الغرام♥♪≈ يقول...

هو دا يا عمونا حال الشعب المصرى
انت بتدن فى مالطه

بوست شامل يا غالى بحيك عليه
ياريت طمنى على حضرتك

بقايا انسانه يقول...

يااااااااااه ياعمنا

والله واحشني جدااااا

ادعي ع الامتحانات اللي بتحرمنا من حبايبنا ولا اقول ايه

يارب دايما كدا بخير

__________

ندخل بقا ع الموضوع الساخن دا

والله احنا محدش فينا يكره الرياضه

واحنا بنفرح اوي بالبطولات وبتسعد

قلوبنا جميعا

بس ليه تخرج عن حدود المعقول

ليه كل لاعب ياخد مليون جينيه

احنا عندنا حاجات كتير اهم

تستدعي ربع اللي بيتصرف ع الكوره

للاسف كل حاجه في البلد ماشيه غلط

احنا بجد محتاجيين نظام جديدوحكومه جديده

لازم كل حاجه تتقسم في حدود المعقول

ياريت زي مابندي حق الكوره

ندي حق العلماء اللي شغالين برا

والبلاد التانيه بتستفاد منهم

او حتى ندعم جيشنا ونجيب اسلحه جديده

احنامعرضين لاي حرب في اي وقت

اونصرفهم ع المستشفيات اللي بقت الشوارع انضف منها

بجد حاجه تحزن

ربنا يهدي الجميع

mony يقول...

كلامك مش فاضى
بس نفسى يصلحوا المعهد بسرعه
لان المرض ده صعب قوى وربنا يشفى كل مريض

gogo!sf يقول...

رغم ان البلد خربانه والناس مهمومه الا انها مش فى حاجه بتفرحها بجد غير الكورة

حتى المرضى اللى مش بيحسو طعم الفرحه غير من الكورة بجد ده كلام حقيقى لانهم عارفين ان الاهتمام بالكورة وبالاعيبه لهم الاولاويه اكتر من اى شىء

ربنا يحننها علينا جميعا ويشفى مرضانا امين يارب العالمين

مافيش احن من ربنا على عباده

والشافى هو الله

هتقول كتير ولمين
ربنا يهدى يارب

مافيش حد يسمع ويعبر عن رايو غيرنا بجد

دايما انت بتتكلم فى المضمون

تقديرى واحترامى

نور الدين (محمد الجيزاوى) يقول...

طب نقول ايه بس فى كل الهموم دى يا استاذ فشكول
فعلا وكم ذا بمصر من المضحكات ولكنه ضحك كالبكا

ناس تاخد ملايين فى لعبة وناس مش لاقية ملاليم عشان تتعالج من مرض متوحش

وفوق كل دة ضرائب عقارية وبلاوى مركزية ومواد ظلم دستورية
ولتحيا الوحدة العربية

الخلاصة ياعزيزى أمرين
- لن يغير الله ما بقوم حتى يغيروا ما بانفسهم
- ثانيا بقى ودة الأهم حسبناا الله ونعم الوكيل

.....
اعمق تحياتى استاذنا الفاضل
.....
نورالدين محمود

غير معرف يقول...

ممكن أتشرف بزيارة حضرتك وأعرف رأي حضرتك في مدونتي

http://andthisismyway.blogspot.com/

والسلام عليكم ورحمة الله

غير معرف يقول...

ممكن أتشرف بزيارة حضرتك وأعرف رأي حضرتك في مدونتي

http://andthisismyway.blogspot.com/

والسلام عليكم ورحمة الله

ليس فقيرا من يحب يقول...

وليه الاذيه دى يا عمو

دا العادى خالص ولو لقيت اى حاجه ماشيه بالعكس
يبقى احنا فى ام الدنيا

اخبارك ايه يا راجل يا طيب

وصحتك عامله ايه

مش كنت تطلع لعيب كورة يا عمو كنت

رستئت نفسك والعيال ههههههههههه

ربنا يديك الصحه يارب

قلم رصاص يقول...

اولا حضرتك منور الدنيا ياعمنا الجميل

دايما بتجيب حاجات عجيبه وبتسلط الضوء على حاجات ليها العجب

ربنا يرحمنا من الظروف العجيبة دي

ودمت لنا مبدعا ياعمو صلاح

تقبل مروري ياراجل ياطيب

قيس بن الملووووح يقول...

ازيك يا حبيب قلبي فشكول
انا كنت مشغول في موضوع الجمعيه لكن محدش مشجعني وبيقولوا ان الموضوع كبير وعايز اخصائيين كثير وانا عارف كده وباحاول اشجع واقول مشوار الالف ميل يبدأ بخطوه.
وبعدين الواد القومجي فارس خللاني دخلت علي خط تاني كرهني في الناصرين اللي بحبهم اخويه وانسانيه المشلكه اللي بتغيظك انه مواليد 1980 طب شاف ايه من عصر عبد الناصرا لما مات السادات كان بيرضع.

بيطرية ومش بايدى يقول...

يا نهار ابيض
الحق احجز التعليق60

انا مش بحسد انا بقر بس

بيطرية ومش بايدى يقول...

كلامك وجعنى اوى
بس الواحد بيحاول يعمل نفسه مش شايف لانه لو من دلوقتى قعد يعد فى الحاجات اللى بتحصل فى ام البلد دى ممكن ميعرفش يعيش سنة كمان ويموت ناقص عمر
يلا ربنا يصبرنا
الواحد مش عارف يلاحق على ايه ولا ايه متضررى السيول ولا معهد الاورام ولا حوادث القطارات ولا الاختظافات
ولا ايه .................



عمار يا مصر

بيطرية ومش بايدى يقول...

انا جيت اسلم عليك واقولك اسفة لانى مقصرة فى حقك بس والله غصب عنى
والمسامح كريم وفشكول برده :))))

Unknown يقول...

فشكول السلام عليكم ورحمة الله وبركاتة
مبرررررررررررررررررررررررررروك لمصر
على الانجاز الكبير
مبروك لجدو وزيدان
مبروك للحضرى السد العالى حقيقى هم دول المصريين حقيقى هى دى مصر يا عبلة
مصر مصر نموت لمصر










طبعا هتقول اية العبيطة اللى مش قرت الموضوع اقولك لا والله قرأتة
بس اقول اية دول يتهزمو ياخدو 6 مليون لالالا واية المعلم حسن شحاتة يقول لازم ترفعوا روح اللاعبيبن وتديهم مكافات على الهزيمة لانها مش بسببهم لا بسبب المطاوى

فمن الطبيعى جدا ان بعد الفوز يديهم مش مليون مليار على جهدهم

احنا بلد كورة وفن وسرقة
بس
لكن بلد البحث العلمى او الادارة الجيدة او التخطيط بنظرة مستقبلية جيدة
اعتقد محتاجة مهاتير محمد


تحياتى لك ومعليش خرجت عن الموضوع

rony يقول...

يا عمو فشكووووول
الحقبقه انا مش عارفه اعلق على ايه وللا ايه
لكن اللى افدر اقولهولك انى اكتر واحده حاسه بالموضوع بتاع معهد الاورام ده
لان والدتى كانت بتتعالج فيه
بس مش كل العلاج لان فى فى بلدنا معهد اورام
لكن المرض ده شبح لكل المرضى وكل المحيطين بالمريض يعنى العلاج مهم جدا جدا جدا
وربنا يشفى كل مريض
ويوفرولهم مبنى جديد من الفلوس اللى لموها الفتره اللى فاتت سواءللمنتخب او متضررى السيول
المرض ده اصعب من ان حد بيته وقع فى السيول
لانه كل يوم بيهدده المرض ده بحياته كلها
اما يوسف بطرس غالى فهو زودها اوى اوى اوى لكن هنقول ايه
هى دى مصر
ربنا قادر على كل شئ

تحياتى

SAM يقول...

I think your post talks about football and a serious cancer disease. May God have mercy of those who suffer the sorrows of pain, misery, disease and disaffection.


* My post is a poem by Carlos Drummond de Andrade on the Carnival, dreams and utopias in an ironic way. Speaks on both sides of the coin. He cites the artists, alluding to what is now the carnival in Brazil for tourists. With international attractions A relation between the reality of the Brazilian people and the dream of three days.

محمد عبدالرحمن شحاته يقول...

السلام عليكم
ازيك يافشكول اخبارك ايه
والله الواحد ماه عارف حل لحكاية الناس مع الكورة
اما بالنسبه للمتروا
احنا عندنا قطار في المدينه لكن مفيش متروا
المهم محدش بفلت من التذكره او بيستجري يعمل حاجه
دا انا اول مره اشوف عندنا القطار فيه 5 كمثريه ونص القطار مباحث علشان الشغب
دا انا مره جاي من كفر الشيخ في القطار وكان القطار زحمه جداً فقعدت فوق مكان الشنط لقيت الكمثري طالعلي فوق على الركاب وبيقولي التذكره
فلتله انت مش سايبني لا تحت ولا فوق
المهم
بالنسبه لمعهد الاورام محتاج لكلام كتير
اما بالنسبه بقى للضرائب
فهي مصلحتك اولاً
دا انا حتى اول مره اشوف ملف تقادم اجراء يحال الى لجنة طعن عندنا هنا في المصلحه يبقى لازم يشاركوك في كل مليم بتقبضه
هي مصلحتك اولاً برضه
تقبل مروري

عصـــــــــــام الــــديــن يقول...

وحشنا ياعمنا فشكول
اعرفت اخيرا سبب ازمة الانابيب
الازمه ياريس ان الحكومه كانت محتاجه اتحس بفرحة المصرين بالانبوبه فى عيد الحب
كل زوج يدخل شايل انبوبه ملفوفه بسلوفان ولازق عليها بوكيه ورد احمر ويركع تحت اقدام مراته ويقولهااتفضلى مولاتى انبوبة حبنا
شايف قد ايه الحكومه بتحبنا
ربنا يخلي لنا الانبوبه
كل عيد حب وانت طيب
تحياتى

أحمد عاطف يقول...

السلام عليكم يا رئيس جمهورية المدونين

احب ازيد حضرتك من الشعر بيت

جدو ب 5 اجوان خد 4 مليون وشقة في اسكندرية عالبحر وعربية بي ام

عشن 5 اجوان في مجمل 20 يوم

طب انا وقفت خدمة سنة كاملة في الجيش

ومرة بلغت عن صف ظابط بيقلب مخزن التموين في فول وبيض وجبنة

اجمالي اللي خدته في الجيش 795 جنية و 4 اجازات رسمي و 10 ايام حبس مع عزل لدرجة جندي

يعني يا ولداه سنة الجيش مش مساوية 1 على 40000 من اجوال جدو

ما تخلو الشعب كله يلعب كورة بقى

ازيدك في المترو

اجمالي عدد مكن التذاكر العطلان في مترو الانفاق 24 ماكينة

كفاية عشان انا جات لي كرشة نفس

الفقيرة إلى الله أم البنات يقول...

انا زملكاويه يا استاذنا ومتعصبه ومش بحب الاهلى بس بحترم الاهلويه
ماشى
فرحانه فى الواد ابن اختى مجرم لما الزمالك يتلغب وعاده الزمالك بيتغلب قبل العميد يعنى
يتصل خالتو هاتى عمو ..عمو مش موجود طيب بلغيه كذا وكذا

لما الاهلى اتغلب قلت لزوجى اغسله واشطفه ومتنشرهوش خليه مبلول
واد عسل فى اولى اعدادى بس مشيب جوزى

استاذنا هو فى ايه فى مصر صح علشان الكورة والدنيا تمشى صح

باقى البوست يوجع القلب ويقطعه والله مصر يتيمه ملهاش حد

-_- يقول...

الزمالك وقع مع جدو !!

RENATA CORDEIRO يقول...

Hello, my dear friend! I´m a little bit sick, that´s why I coudn´t been here before. But, here I am. And I bring you a text about change: yes or not?

"Change; we don’t like it, we fear it, but we can't stop it from coming. We either adapt to change or we get left behind. And it hurts to grow, anybody who tells you it doesn’t is lying. But here's the truth...the more things change, the more they stay the same. And sometimes, oh, sometimes change is good. Oh, sometimes, change is...everything."

Have a good day
Kisses,
Renata

صدى الصمت - عاشقة الورد - يقول...

أستاذنا العزير
تسلم إيكيد على الكلام الموزون ال فى الجون دة
ربنا يعيننا جميعاً

TWEETY يقول...

ازيك ياعمو
اخبارك ايه
انا جيت اسلم عليك
مش انا طلعت الرحلة

Unknown يقول...

بيقولواأن المصرى مستعد لايأكل ولايشرب فى سبيل فوز المنتخب.
ويقولون أن هذه هى قمة الوطنية وحب الوطن....!!!!!

قيس بن الملووووح يقول...

حبيب قلبي فشكول
محتاجين فشكلتك في هذه المشكله المعروضه
خالص تحياتي

Majoli يقول...

Vim te desejar uma linda quinta-feira, obrigada pela viita meu amigo.
Beijos no ♥

احلام جوليا يقول...

والله كل كلمة قلتها لك حق فيها ووجعتني قوي زيك بالضبط ربنا يارب يشفي كل المرضى ويساعد معهد الاورام تفتكر لو تظمنا ماتش باسم معهد الاورام يمكن يعرفوا ساعتها يحلو المشكلة ويبنوا المعهد من جديد ولا ايه؟؟؟؟؟؟؟؟؟؟؟؟

هبة النيـــــل يقول...

أستاذنا فشكول

شأن أي حد قالوا عليه "فلح" في الثانوية العامة

بفضل زعيق أمه أو شبشب أمه حتى

عشان ما يلعبش كورة في الشارة

دلوقت بيندب حظه ويقول يا ريتني ما فلحت

وشأن أي واحد فلح بردو في الكلية

يا ريتني ما كنت "خِبت وفلحت"

لإني كان زماني دلوقت واد مية مية

لعيب كورة أد الدنيا

وجايب الكاس

وجاب الكاس ومعاه "مليون جنيه"


بلد "مش" متاعت شهادات صحيح


صباح الفل :)

هبة النيـــــل يقول...

بالمناسبة

صور الأحفاد بسم الله ما شاء الله

سكر سكر

ربنا يفرحك بيهم ويباركلك فيهم

وتشوفهم صالحين وسعداء يااارب

اللهم آمين

محمد أبووردة يقول...

للأسف هوا ده لقي حالنا
الحكومة بقت بتلعب بعقول الشعب لعب
والله انا بتحسر
لما اشوف اخواننا في فلسطين وغيرهم وغيرهم من الاطفال وملايين الثكالي
وهما عمالين يموتوا كل يوم قدام عنينا واحنا ولا في الدماغ
وييجي واحد يقولك ياعم واحنا مالنا ،
ولا الجدار العفولازي اللي مصر بتبنيه بتكلفة صهيوأمريكية عشان يحاصروا بيه اخوانا في غزة
ويقولك سيادة وطنية
يافرحتها بيك بتعمل السيادة علي اخوك
وقدام الكلاب لا وجود لهذه السيادة
وياسلام بقي لو كان ماتش كورة بين فريقين عربيين زي ما يكون المسلمين بيحاربوا اليهود

ولا حول ولا قوة الا بالله
احنا كمسلمين
نسينا قول الله تعالي :
" يا أيها الذين آمنوا من يرتد منكم عن دينه فسوف يأتي الله بقوم يحبهم ويحبونه أذلة على المؤمنين أعزة على الكافرين يجاهدون في سبيل الله ولا يخافون لومة لائم "

للأسف الاية اصبحت مقلوبة في هذا العصر
أصبحنا اعزة علي المؤمنين
أذلة علي الكافرين
ولا حول ولا قوة الا بالله
وحسبنا الله ونعم الوكيل
ولكن نعلم كلنا
انه كلما تجبر الظالم وانتشر ظلمه فقد قربت نهايته
ولابد لوضح النهار ان يعلو ويملأ الأرض عدلا بعد أن ملئت جورا وظلما

جزاك الله خيرا استاذنا الكريم
وتقبل مروري المتواضع

Unknown يقول...

ده مش كلام فاضي أبدا

ده كلام في الجون كله

تحياتي

ويبقى التواصل

بلال عادل رجب. يقول...

السلام عليكم
اود واتمنى منك حضرتك المشاركة فى الصالون الفكرى على مدونتى الالكترونية التفاصيل الدخل على مدونتى
http://www.qalbfars.blogspot.com/

هبة النيـــــل يقول...

ربنا يبارك في عمر حضرتك

ويباركلك فيهم يااا رب

سعيدة جدا بزيارة حضرتك الكريمة

ووصلني المعنى ربنا يكرم حضرتك

كلك زوق :)

ruma يقول...

وبالنظر إلى محطة مثيرة جدا للاهتمام.

حلمى البعيد يقول...

السلام عليكم يا أستاذ فشكول

يسعدنى ويشرفنى إنى أعلق عند حضرتك

وبقول مبروك للأهلي علي كل حال

وتعيشوا وتاخدوا غيرها يا زملكاويه

تقبل مرورى