السلام عليكم
انا ... انا ... أنا لست رجلا ...فقد فقدت كل ملامح الرجوله ... أنا لست امرأه ... فلا املك من ملامح النساء شيئ ... ابحث عن نفسى فلا اجد الا اشلاء بدون معالم ... اذا فمن انا ... يا للهول ... انا مسخ من اربع اطراف ورأس ... انا مسخ يقف على قدميه ... يشبه الانسان ولكنه ليس انسان ... انا حقل التجارب الذى لا ينضب تجارب حكامى وتجارب اعدائى ... فى البر والبحر والجو وتحت الارض وفى الانفاق ...أنـــا ... يرتكب فى انا افظع الجرائم دوله بعمر 65 سنه تفعل فى انا كل هذا ... وانا ... عاجز ... مشلول ... مكبوت ... مبعثرة اشلائى ... انـــا ... اسباب ضعفى انــا ... ولاة امورنا ... كراسيهم تهتز تحتهم وليس من هم لهم الا تحصينها ... اما أنــا .. بالظراطه فى أنـا ... طز فى انـا ... أطلب السلاح لادافع عن أنا ... فلا اجد السلاح لانه ليس له عمل الا دعم كراسى الحكم الوثيره ... وتفعل بنا اسرائيل ما تفعل ... أمريكا تحتطن الطغاه وتحافظ لهم على كراسيهم الوثيره ... اما أنـا فلا يعبر أحـد أنا ... كمان مره ... بالظراطه فى أنـا ..
أنا اللى طول عمرى بصدق كلام الصبر فى المواويل
فى المواويل فقط وأنـا ليس لى الا الصبر ... آآآآآآآآه يا أنـا ... يا غلبى يا أنـا
بالظراطه فيكم يا عرب
هناك ٥٣ تعليقًا:
أطلب السلاح لادافع عن أنا ... فلا اجد السلاح لانه ليس له عمل الا دعم كراسى الحكم الوثيره
بالجملة دى جبت المفيد و وفرت عليه كلام كتير جدا
ربنا كبير و لو سعينا و حاولنا نغيير اللى فينا اكيد مش ح يخذلنا
تحياتي
يا سيد فشكول مقدرش ارد عليك الا بشعر جمال بخير .. الشعر الرائع للشاعر الذي ابكي كل من عنده ضمير
قصيدة مش باقي مني لعلها تعجبك ..
مش باقي مني غير شوية ضي ف عينيا
أنا هاديهوملك
وامشي بصبري ف الملكوت
يمكن ف نورهم تلمحي خطوة
تفرق معاكي
بين الحياة والموت
مش باقي مني غير شوية نبض ف عروقي
خُدي.. وعيشي..
وافتحي لي تابوت
أفرح بريحة ورد فرعوني
وربنا ف عوني
إذا دخلت الجنة ولاّ النار
هاشتاق إلي ضحكتك
وقعدتي ف الدار
والقهوة متحوجة
من طيبة العطار..
ف كل يوم الصبح
باشرب حليب قبطي
وف النهار والمسا
بامسك ستار الكعبة لو سبتي
واثبت إذا هربتي
أهديكي عمري وحسي وجوارحي
أهديكي جرحي
هو اللي باقي ف دنيتي لما خلص فرحي
مش باقي مني
غير شوية لحم ف كتافي
بلاش يتبعتروا ف البحر
بلاش يتحرقوا ف قطر الصعيد
ف العيد
بلاش لكلب الصيد.. تناوليهم
خدي اللي باقي من الأمل فيهم
وابني لي من عضمهم
في كل حارة مقام
وزوريني مرة وحيدة
لو كل ألفين عام
ألم الجراح يتلم
مش باقي مني غير شوية دم
متلوثين بالهم
مُرين وفيهم سم
كانوا زمان شربات
والنكتة سكرهم
شربتهم الخفافيش
في قلب أوكارهم
مش باقي مني غير شوية دم.. ماأقدرشي
أسقيكي.. مواجعهم
وبرضه ما أقدرشي
أرميكي..
وأبيعهم
يمكن ف مرة تعوزي تطلبيني شهيد
هاحتاج يوميها الدم
يمضي علي شهادتي
مش باقي مني
غير شوية قوة ف إرادتي
علي شوية شِعر من خطي
حاسبي عليهم وانتي بتخطي
وانتي ف صبح الدلال
بتعطري شطي..
مش باقي مني
غير شوية ضي ف عينيا
أنا مش عايزهم
لو كنت يوم هالمحك
وانتي بتوطي
في معركة مافيهاش
ولاطيارات ولاجيش
وانتي ف طابور العيش
بتبوسي إيد الزمن
ينولك لقمة
من حقك المشروع
مش باقي مني.. غير
شهقة ف نفس مقطوع..
بافتح لها سكة
ما بين رئة.. وضلوع..
ما بين غبار.. ودموع..
وأنا تحت حجر «المقطم»
ف الدويقة باموت
أنا.. والعطش.. والجوع..
يئن تحتي التراب
وانا صوتي مش مسموع..
ياحلمنا الموجوع..
من المرور ممنوع..
مستني لما يمر
موكب سلاطينك..
مش باقي مني
غير شوية رحمة من طينك..
علي شوية صبر من دينك..
مش باقي مني غير حبة غُنا تايهين
ف الضلمة مش لاقيين
حس الفواعلية..
ولا صوت مراكبي عَفي
فوق المعدية..
ولا صوت بناتي العذاري
في كل صبحية..
والغنوة.. أمنية
«ياما نفسي أقابل حبيبي..
وانا ع الزراعية»..
صوتك وصوتهم غاب..
وانا تحت حجر المقطم.. باموت لوحديّا..
الليلة راحت عيوني
تطل ع البستان..
وجناين الرمان..
رجعت لي توصف عناد الغل والدخان
وسحابة سودا تضلل
علي الغُنا الغلبان..
رجعت لي توصف هبوب الموت
علي الألوان..
رجعت لي توصف….
خيال الذل..
ف موائد الرحمن..
مش باقي مني غير شوية كُفر بشروقك
وأنا..
منبع الايمان..
مش باقي مني..
غير شوية ضي..
وعينيا
مش قادرة تلمحني..
في وحدتي محني..
خايف أموت م الخوف
والضعف يفضحني..
السجن عشش ف قلبي
وماشي ف شوارعك..
نفس اللي باعني وخدعني
بالرخيص بايعك..
هاشيل حمولي انا
ولا هاشيل حملك ؟!
ماعدت أملك شيء..
فيكي.. ولا فيّا
ولا قيراط ولا بيت..
ولا نسمة صافية تلاغي النيل بحرية..
مش باقي مني
غير شوية حب جارحّني
ولا باقي مني
غير شوية ضي ف عينيا
ربنا يهد الكراسي و اللي قاعدين عليها يا رب
بجد زهقنا اوي و تعبنا اوي و خلاص وصلت معانا للاخر
ربنا ينصر الاسلام و المسلمين ويهد الظالمين يا رب
خالص تحياتي و تقديري
عنوان تدوينتك بعض من الخجل والحزن في حين ما يلزمنا فعلا هو كثييييييييييييييييير من الخجل وكثييييييييييييير من الحزن.
هؤلاء النشطاء اللذين ماتوا صفعة في وجهنا جميعا و صفعة في وجه انظمتنا المتخاذلة ولعل دماؤهم الزكية تسهم في ايقاظ ضمير العالم للجريمة الاكبر التي ترتكب في حق شعب أعزل ومحاصر في غزة
أنا اللى طول عمرى بصدق كلام الصبر فى المواويل
والله عندك حق
تقديري لفشكول باشا
أحنا كلنا رجاله
لكن المشكله بابها مغلق
والمفتاح مع امريكا
لو تعرف تجيبه يبقى هاتحل المشكله
احنا مش عارفين نجيبه
اصلها بتدينا السلاح والقمح
وحاربت بدل الكويت
ومعسكره في الخليج وبتستعد للمحاربه مكانهم إن حدث شيء من ايران
عاوزين نعمل حاجه بس مش عارفين
صحيح انت ذكرت حاجه مهمه جدا
ان الدوله القذره دي عمرها 65 سنه بس
هي فترة ضعف مرت علينا من قبل كما قال التاريخ
ومن بعد الضعف تاتي القوه
بس يا خساره
هنموت قبل ما نشوف ايام الازدهار والقوه
ومش عارف احفادنا هايقولوا علينا ايه
فى المواويل فقط وأنـا ليس لى الا الصبر ... آآآآآآآآه يا أنـا ... يا غلبى يا أنـا
------------------
بكرة نلاقي ملحمة الحلم العربي والنكد العربي والحق العربي ما احنا فعلا موواويل و أغاني.....ربي يلهمنا الصبر
رغم كل المآسي والعجز والهوان الذي نعيشه إلا أن ضمائنا حيه وقلوبنا تنبض بالحب فقط .. جزاك الله خير الجزاء
كلنا هذا الرجل
سلامتك ياعمنا العزيز
ربك هيعدلها ان شاء
كيف احوالك ؟
طمني على حضرتك
تقبل مروري
إزيك عمو فشكول
أخبارك وصحتك إيه؟؟؟
طبعا مالناش غير الصبر
وأأأأأأأأأأأأأأأه على اللى بيجرلنا وعلى كرامتنا اللى بتتهان في كل مكان
وخاصه في غزه
هنقول إيه
منها لله الحكومه في كل مكان حطموا إرادتنا وسببوا في إحتلالنا بكل أنواع الإحتلال
دا حتى الشعوب إستسلمت للإحتلال لدرجة إنهم خلوا الحرب يحتلوا دماغهم وأفكارهم ودمرونا أكتر
وإن شاء الله الحق لازم ينتصر لإن الله حق والله باقي
والكراسي اللي معلياهم دى هتكون سبب في نهاية ظلمهم
تحياتى لحضرتك
دمت بخير
لا تحزن يا عمنا فشكول
كلنا مرت بنا احاسيس الخجل والحزن
والاحباط والقهر والدنية
انها تضحيات يا صديقى على الطريق
ان بعد العسر يسر
ولابد لك ولامثالك ان تبقى لنا
كشكول امالنا وطموحنا
انا لسه باصدق كلام الامل فى التغيير
لك كامل تقديرى
انا ... انا ... أنا لست رجلا ...فقد فقدت كل ملامح الرجوله ... أنا لست امرأه ... فلا املك من ملامح النساء شيئ ... ابحث عن نفسى فلا اجد الا اشلاء بدون معالم ... اذا فمن انا ... يا للهول ... انا مسخ من اربع اطراف ورأس ... انا مسخ يقف على قدميه ... يشبه الانسان ولكنه ليس انسان ... انا حقل التجارب الذى لا ينضب تجارب حكامى وتجارب اعدائى ... فى البر والبحر والجو وتحت الارض وفى الانفاق
عمي وعم الشباب والرياضة
فاكر لما كتبت ذكرياتك في الحرب وقلت لي خديها ونزليها
انا بدور عليها في كل البوستات مش لاقياها
انت كنت كاتبها فين يا عمنا
عاوزة اكتب بوست عن يونيو ومذكرات فشكول مهمة ليا جدا
ساعدني وعرفني انت كنت كاتبها فين
http://www.ems.org.eg/akhpar_hama/1-12-1-09.htm
وقع ياعمو فشكوول وزيل الحزن والخجل
لازم نعمل حاجة برده ونغير
تحياتي
ادخل علي الرابط التالي ووقع علي بيان سيصل الي الامم المتحدة
http://www.avaaz.org/ar/
يااااااااااااااااه
منتهي المرارة
منتهي الانكسار
عمري ما شفتك في هذه الحال
و يبدو اننافقدنا الامل و كفرنا بالمستقبل القادم
عمنا الجميل
كنت دائما تفلسف مأسي حياتنا فتهون علينا ويلاتنا و اليوم تغير الحال فاصبحت تستنجد بنا
حبيبي العميد ارجع كما كنت
تحياتي
والله كلامك في الصميم
ربنا يفرجها علينا
ليك وحشة والله
يارب تكون بالف خير
لم يعد هناك بقية من خجل يا استاذ فشكول أما عن الحزن فلدينا فائض للتصدير لكن الطلب عليه قليل :)
هى يعنى اى ظراطة.. دى اللى قبل المعاهدة ولا اللى بعدها ..اممممممممممممم
الـ انا بتاعتك من الـ الانا بتاعتى والـ انا بتاعتى من الـ انا بتاعتك
وانا وانت وصبرنى يا جدع
تحياتى
والله يا استاذ فشكول انت عندك حق وعيب فى حقنا كلنا كعرب نقف نتفرج واحنا بنخسر جزء جزء وعيب اكتر لما ما نحاولش نعمل حاجه برغم انى متاكده اننا حتى لو حاولنا مش هنقدر لكن المحاوله افضل من الاستسلام واليأس الذى سار علينا جميعا
وهذا الرجل بطل قصيدتك موجود فينا كلنا نساء ورجال ....... شباب وبنات واطفال كمان
بس تفتكر يا فشكول الدور على مين بعد كده
صدقنى الاتحاد هو الحل السليم لكن هتقول لمين ومين هيقدر
الاستسلام واليأس بقى مسيطر علينا وخلانه ساكتين
ربنا يقوينا ويصبرنا ويسترها ويفرج عليهم يارب
وينتقم منهم ويمحى وجودهم من على وجهه الارض تماما
تحياتى لحضرتك
انا مين ياسيدي...
هو انا عايش لأنا ...
انا بدايه الهلاك... لما تحدي الملاك
إراده سيده .
وقال... انا احسن منه .
زعلان علي كراسيهم ...روح اقعد يا سيدي عليهم .
وانا غلبان ...
ولا في الكرسي طمعان .
مبسوط ولا زعلان ...
تفرق ايه عند معاليهم .
( سلم لي علي تامر علي )
سلامو عليكو..
ايه الكلام الكبير ده .على العموم ربنا يصالحك على انا ويهدى النفوس.
لك تحياتى
عمي فشكول
ازيك وازينا علي حسك
صحيح انا ارثي الحكام ان رزقهم الله بشعوب مثلنا فهم ضحيتنا ومن غضب الله عليهم ان رزقهم بشعوب مثلنا.
شوف يا فشكول يا خويا ربك عالم بينا وعارف ان الناس عايزه تعمل حاجه بس فىمرض عندنا اْسمه التفاوض بقاله ثمانين سنه وربنا يرحمنا
ارجوا نكون اْصدقاء وتيجى تزورنى ومتنساش التعليق
اْخوك
محمود المصرى
جميله يافشكول
بتعبر بجد عن الانا
يارب نعود من تاني انت وانا
زي زمان
السلام عليكم
ازيك ياعمو وازى اخبار
وصحتك عامله ايه
وايه كميه اليأس والاحباط دى
ربنا يعدل الحال ان شاء الله
كلنا هذا الانا على فكرة
بس ربنا موجود
مين يسمع
هذا الانين
يا راجل طيب
الحمد لله على كل حال
وحشتنى كتير يارب يطمنى عليك
والله الرجل دا موجود جوا
كل حد فينا بإختلاف نوعه
امتى بئئئا يتغير
ربنا يفرجها من عنده
وحشتني أوي وأسلوبك الجميييييييل
فشكول
الأول انت اخبارك ايه طمني على صحتك
اما موضوع فلسطين ودولة الخمسة وستين عاماً دي حكايتها حكاية
زي طفل كبر لقى كل حاجه متوفراله . محدش بيقوله لا على حاجه . يضرب اصحابه محدش يقول لا . محدش بيواجهه . لحد مابقى ينطبق عليه مثل . فرعون ايه فرعنك . مالقيتش حد يلمني .
الكلام كتير . والخيبه اكتر والله يافشكول . بس يالا هانت
" الا إن نصر الله قريب"
صدق الله العظيم.
تقبل مروري
انتظر تعليقك بفارغ الصبر على موضوعى الجديد لاْن راْيك يهمنى جداَ يا اْستاذ فشكول
اخوك
محمود المصرى
أ.فشكوووووووووول
حمد الله علي السلامة .....
الحزن ملا نفوسنا
ومن الخجل تطينا روؤسنا
والخوف هرسنا لما
أهملنا كتابنا وكرسنا
وبعدنا عن ربنا
قطر التخلف داسنا
وبدل م بالسيف نرجع
مجدنا بيه رقصنا
وبقينا ننكلم بصيغة
الماضي والكلام كبر علينا
ومش لاقين مقاسنا
وأستوردنا قمحنا
وفجلنا وملابسنا
ومن الصين إتملت بيوتنا
وطافينا فوانيسنا
وعلي الصانع المصرى خلصنا
ولمصانعنا خصخصنا
وطعم العلقم في فمنا
بس برضه من رحمة ربنا مايئسنا
ولو غرقة عباره أو أتحرق قطر
الصعيد ووقع حجر الدويقة علي راسنا
ولو شربت مية مجارى
وترش بالسم فكهتي وخضارى
ولو تهلهت من جوه وضاعت مني القوة
هدعي ربى الجبار من دىالشرزمة يخلصنا..
والله العظيم يا أستاذى إن ماسبق وليد اللحظة من بعد قرأتي لبوست حضرتك وشعر الأستاذ الرائع جمال بخيت
انا كنت جاية أهدى النفوس وأسلط الحاجه عليك لقيتك حزنان قلت سماح بقي
والجايات كتير
سلامي لك وللعائلة الكريمة
مهما كان حال الكون ولا الدنيا
أوعى تصغر من قيمة نفسك أبدا
عفاك الله ياوالدي من الخجل والحزن
اْتمنى اْنك تزورنى وتشرفنى وتشوف موضوعى الجديد ومتنساش التعليق لاْن فعلاَ راْيك يهمنى
اخوك
محمود المصرى
السلام عليكم ..
أخي في الله سيد فشكوووول لقد أهديت لك في مدونتي الأخرى مدونة كركر (التاج السُلطاني) .. فأرجوا قبول هذه الهدية المتواضعة وشكرا.
دندنة قيثارة الوجد
سلامو عليكو..
فين حضرتك لعل المانع خير.
لما ترجع رجاء زيارة مدونة جنة وتحميل فيديو (رحلة جنيه)
لك خالص تحياتى
مثلنا كمثل واحد له جار يصبحه ويمسيه بمجموعه من الشلاليط والقفيان وبعض البصقات فى الوجه ثم يختمها بقفا شديد مع عبارة اوعى تفتح بقك! بكلمة !...فيتلقى الواحد ده نصيبه اليومى ويعود لأسرته وأولاده قائلا انا لازم اوقفه عند حده وموش ممكن حاسمح له بأكثر من ميت ألف قفا وشلوط وتفه بعد كده لازم اوقفه عند حده انا صابر عشانكو لازم اضمنلكو عيشه مرتاحه بس بعد ميت ألف قفالا يمكن وعندما يصل العداد لرقم الميت ألف قفا ينتظر الأولاد خلف الباب ويخرج الواحد كامنوم المغناطيسى فاردا قفاه للمصير المحتوم وواجب الذل المفروض يوميا ....ويسمع الأولاد طرقعة القفيان وركلات الترجيح ...ويخرج الجميع للملمة رب الأسرة المبعثر فينتفض فيهم قائلا
ولا قفا جه فيا ولا شلوط أصابنى وقفته عند حده فيقول أصغر الأبناء : خد كبس الج ده يابابا لحسن قفاك النهارده احمر قوى عن كل يوم انتهت القصة القصيرة
واحشنى يافشكول
فشكوووووول .....
هون عليك ياصدبقى وسيبك من الهم اللى حطيت نفسك فيه وخد إستلم "التاج السلطانى" وشوف حاتعمل إيه ونظامه هو:
1-اذكر اسم من طلب منك حل هذا الواجب.
2-اذكر القوانين المتعـلقة بهذا الواجب.
3-تحدث عن ستة أسرار قد لا يكتشفها من يقابلك للمرة الأولى.
4-حّول هذا الواجب إلى ستة مدونين، واذكر أسماءهم مع روابط مدوناتهم في موضوعك.
5-اترك تعليقًا في مدونة من حّولت الواجب عليهم؛ ليعلموا عن هذا الواجب
بونجووووووووووووووووور
إزيك يا أحلى فشكووووووول
عامل ايه
السلام عليكم ..
لا سلمتك يا سيدي .. أنا أقصد إنك تكتب عن نفسك أنت الأسرار الخاصة بك .. وبعدها تهدي التاج لستة تانية وتقولهم .. وما تنساش تكت مين أهداك التاج طيييب
تحياتي لك على قبولك هديتي وشكرا
عزيزي الحبيب ابو محمود
مالك يابا على التشاؤم ده ايه اللي وصلك للحالة ديه
طول عمرك لازيد من 6 عقود و انت عارف ان الحالة هي هي لا تغيير و لا موت يريحنا
حبيبي مهما قلنا و مهما حنقول التغيير لابد له من اوان و يظهر ان الاوان مش جاي مش هو اللي حيجي لوحدوا بس لازم نشتغل له على شان يجي او على الاقل نوضع اللبنات الاولى علشان ان ماستفدناش منه يستفدوا منه اولادنا او اولاد اولادنا
مودتي
اشتقت لك كثير
يظهر انك مقاطعني و مش عارف لي
هههههههههههه
بالفعل لقدصدقت فيماقلت والله..واكيدكل واحدوليه يوم..مش ناوي تكتب بوست جديد..تحياتي ليك .
where are you, my friend??
بيعين الله
صباح الفل
ازيك يا فشكول يا جميييل
يارب بخييير
اْستاذى فشكول اْنت فين حرمنا منك ليه يارب يكون خير وتكون باْلف سلامه واكمل صحه باْذن الله ارجوا انك تشوف موضوعى الجديد ومتنساش التعليق لاْن راْيك يهمنى جداَ
اخوك
محمود المصرى
أستاذنا وعمنا الجميل
هون عليك يارجل .......
السلام عليكم ورحمة الله وبركاته
هون عليك يا عم فشكوول
حضرتك جبت السبب اللى مخلينا كده
السبب اللى مكتفنا ومعجزنا وموقفنا مكاننا لا عارفين نحل ولا نربط
السبب للاسف هو حكامنا
اطماعهم مخلياهم يعملوا اى حاجة عشان يتوهونا
عشان لو فوقنا هنضر بمصالحهم مع اعداءنا
وهما ميهمومش الا مصالحهم وكراسيهم
والله انا خايفة بعد ما يموتوا يطلبوا تحنيطتهم عشان يفضلوا على الاقل بشكلهم معانا
هون عليك
هما اللى مش رجالة
منتظرةفي صمت البوست الجديدالي ان يأتي لنامن فشكوووووووول..وانشاء الله ترجع وأنت مبسوط ومتجدد..سلالالالام..تحياتي ليك
ياريت تشوف موضوعى الجديد ومتنساش التعليق ويارب ترجع للكتابه بالسلامه
اخوك الصغير
محمود المصرى
كل سنة وحضرتك طيب
ورمضان كريم
إرسال تعليق