الأربعاء، 23 يونيو، 2010

زمان مصطفى كامل كان بيقول (لو لم اكن مصريا لوددت ان اكون مصريا) اشمعنى يعنى .. عشان ايه يعنى .. يعنى ماينفعش اكون اوربيا او هنديا او يابانيا او حتى لبنانيا ... ويا سلام لو اكون امريكيا .. اشمعنى يعنى مصريا .. بأمارة ايه يعنى انا عايز اكون مصريا..ومن فضلكم ما حدش يعمل الشويه بتوعه ويقعد يقول الوطنيه والكلام ده .. اصل الحكايه مش ناقصه

واليومين دول طالعين فى مقوله بتقول ( مصر وطن يعيش فينا لا وطن نعيش فيه ) وبيعيش فينا ازاى يعنى .. يعنى هو انا جواى كل الدنيا دى .. طب حتى الواحد ينفجر من كتر اللى جواه .. هو مش انتم برضه عايزين تنفجروا .. الواحد خلاص حيطق من جنابه .. دا الواحد طق وخلاص .. وانفجر وانتهى الموضوع.

عشان انا مش طايق نفسى .. بعد اذنكم يعنى انا حـ اغيب شويه عن التدوين عشان مش طايق نفسى ومش طايق المدونه .. يعنى اجازه شويه شهرين ولا تلاته ولا يمكن ستة شهور عشان انا ما عنديش كلام اقوله .. مخى بقى فاضى ومحتاج شحن جديد .. ومخى بيحتاج وقت عشان يشحن .. حـ احط الشاحن فى الكبس واسيبه لحد ما اقدر اشحن مخى تانى .

سلام مؤقت حتى اعود

تحياتى للجميع

هناك 95 تعليقًا:

Haytham Alsayes يقول...

عمو فشكوووووووول
لك
وحشة والله

اشحن براحتك بس متغبش علينا كتير

اما حكاية مصر
والله دي فترة مؤقتة
يعني 30 سنة مش كتير في عمر مصر او عمر امة

ان بعد العسر يسرا


تحياتي ياعمو

افروديت يقول...

ياااااااااااه ...كل ده جواك مش هقولك كلام إنشاولاأحلف بسماهاوبترابهابس هقولك أني بجدبحبهاوبلعن كل الحراميه والحكومات إلاوحشواشكلها..عارف أنت مش زهئت من التدوين وبس أنت زهئت من مالطة إلابندن وهندن فيهاومفيش حدهيفكريسمعناأصلاوأن فكرت ودانه حتي تسمع وتعمل إلا عليهاهيقطعها..أنافرحت أوي يافشكووووول لمالاقيتك رجعت وكتبت بس زعلت فعلآلماأعلنتهاإنك هتغيب شوية ..ع العموم لوكان ده هيريحك يبقي أجازة سعيدةشكلك كده رايح المصيف..ترجع بالسلامه أن شاء الله..تحياتي لك

ستيتة حسب الله الحمش يقول...

هو انا عاوزة اهونها عليك
بس اهونها عليك ازاي اذا كنت مش ناجحة اهونها على نفسي
انا كمان نفسي مصدودة والله عن كل شيء
ربنا يفرجها
ربنا يزيح الغمة
ربنا يجيب من ظهورنا ناس احسن منا
ربنا يصلحك يا مصر
انا عاوزة اكون يابانية
لو لم اكون مصرية ياريت اكون يابانية
امريكا ها تنهار قريب جدا جدا
خليك صينيا او يابانيا اضمن

sal يقول...

صيف براحتك يا عم فشكووول
بس ما تنساش تقولنا عملت ايه فى الاجازة

اتمنى لك كل الخير

AHMED SAMIR يقول...

انا برضة لست من المقتنعين بمقولة مصطفى باشا
كل واحد في الدنيا بلده ووطنه غالي عليه
يعني انا متأكد ان البوركيني بيقول لو لم اكن بوركينيا لوددت ان اكون بوركينيا

Tears يقول...

مصطفى كامل قال تلك المقولة و لكنه قضى أكثر من نصف عمره خارج مصر

القدر و انا يقول...

يا راجل
اجازة اييييييييييييييييييييه
وحتروح فين
كل اللى حواليك حيخليك تطق
خليك هنا
لان هنا تقدر تنفخ
وتخفف الغليان اللى جواك
وهنا حترطب بتعليقاتك الغليان اللى جوة غيرك
هنا ارحم
صدقنى

سبايدرمان يقول...

هتوحشنا و الله يا افندم
^____^

كلمات من نور يقول...

ترجعلنا بالسلامة سيدي الفاضل


متتأخرش قوي وبلاش الشواحن الصيني الله يكرمك ......الا كلها فشنك

hana يقول...

ياربي تروح فين وأجازة إيه

والله كلنا زيك كدة مخنوقين وزهقانين

خليك هنا أهو نطلع زهقنا على الورق

ممنوع تغيب

MR.PRESIDENT يقول...

كنت لسه سامع الكلمة دي من ابراهيم عيسي من كام يوم بس الفرق انه كان بيقول ان مصطفي كامل عشان نص حياته في اوربا ، غير انه مات وهوا عنده 36 سنة تقريبا

ربنا يستر ..
ومصر ان شاء الله هتشيل ولادها وهما هيشلوها .

لاسع افندى يقول...

والله ياعم فشكول كلنا عايزين اجازه
انا اصلا فى اجازه حتى مجرد الزياره مش قادر ازور حد ولا لاقى كلام اعلق بيه

احجزلى معاك فى نفس الاتوبيس

تحياتى

قلــ"بـــلال"ــــــب فارس يقول...

بااذن الله ترجع بالسلامه
ورجعه قويه

أحــوال الهـوي يقول...

انا نازل مصر و هتقابلني
رضيت او لم ترضي

هات تليفونك

و ما فيش اعذار

تحياتي

لورنس العرب يقول...

من حقك تاخد اجازه من التدوين
لكن مش شهرين ولا 3 ولا 6
كتير اوي اوي
ده احنا بنتصبر ببعض في وسط الاحوال المنيله الموجوده حوالينا

أتنين حبيبين يقول...

معاك حق

وحشتينى يا راجل ياطيب

انا كمان عاوزه اجازه
نتقابل فى اى مكان
ما هى الارض واسع
والشاطر اللى يعيش فيها
ربنا معاك حبيبى

مصعب صلاح يقول...

السلام عليكم
ليه كده يا عم فشكول
بلاش جرعة الياس دي
دا الواحد عغايش بشوية امل
انا اتمنى اكون مصري واصلح عيوب البلد
اشحن براحتك بس الحق قبل ما الكهربا تقطع
مستنينك

خواطر شابة يقول...

تحياتي لك واستراحة طيبة اتمناها لك وربي يصلح الاحوال لنا جميعا
حاول ان تبحث على نقط مضيئة ورز عليها رغم القتامة الظاهرة لابد ان هناك طاقات نور فقط نحن لا نراها
دمت بكل ود وان شاء الله لايطول الغياب

Me7'o يقول...

أنا قلتها قبل كده وسوف أظل أقولها لحين الممات

لو لم أكن مصرياً لحمدت ربنا

ويا عم فشكول ماتطولش المغيب علشان نلاقى حد نتفش معاه لإن كلنا إنفجرنا

سومه...مجنونه فى بلد عاقل يقول...

اشحن يا خالى بس على فكره الكهرباء اليومين دول بتقطع كتير فخد بالك

حاجات جوايا يقول...

ليه بس كده يا عم فشكوووول
خد اجازة بسيطة يومين ولا حاجة هدى اعصابك وارجع تانى
العيب اصله مش فى مصر
العيب فى اللى ماسكينها
بس مصر بخير وهتفضل فى رباط الى يوم القيامة ان شاء الله
ربنا يهونها علينا يارب

وفاء بركات يقول...

طب معلش لينا رب أسمه الكريم
يعني محدش غيرك يملك مشروع جمهورية فشكولية.
امال بقة لوإتأسست وأعلنت قيامها
ده محدش حيعرف يكلمك
سلم لي علي الحاجة

marmar يقول...

ايه ده بقى هوا انا اخلص من اخويا النهارده وهو بيقول انا مش بفتخر اني مصري و اي جنسيه تانيه احسن من مصر

طب هوا ومدخلش جيش ومعرفش قيمه بلده انت بقى يا عم فشكول ايه الحكايه وايه النظام

دي مصر يعني اللي هيا اجمل ام في الدنيا

صلي عل نبي كده يا راجل يا طيب

ماما أمولة يقول...

ترجع بالسلامة

متغيبش يا باشا

تقديري

حنين يقول...

ازيك يا عمو فشكول
كلنا هنطق او طقينا خلاص بس ماتغيبش علينا كثير وخليك معانا واهو يمكن بتفك شويه معانا فى المدونه وربنا يسترها على الجميع
تحياتى

TWEETY يقول...

ازيك ياعمو
انا جيت ازور حضرتك
هو حضرتك مبقتش تيجى تزورنى ليه
انا هكون مبسوطة لما تيجى ماشى هستناك
هو انا مفهمت حاجة من الكلام بس انا باجى ازورك وامشى

أم الخــلـود يقول...

عايزين الولايات المتحدة الإسلامية تقوم لازم نودود لبعضنا عشان تقوم ..

ودود يا ودود .. وَدوِد .. ودوادا .. وَد (بفتح الواو).. وِد .. (بكسر الواو)

لازم تتودوادو بها (اشتغلوا وسبحوا بها .. صبح وليل .. ليل وصبح .. داخله خارجه .. خارجه داخله) وانشروها.

فاروق بن النيل يقول...

فشكوووول ...................
إزيك ياعم هوه إنت بتتحجج عشان تروح تصيف بطل بكش وخش فى الموضوع علطول أيوه بأعتز بمصريتى جدا جدا جدا وبدون وطنية لأنها بلدى ولازم أتحمل غلاستها أو أغيرها إذا إستطعت لكن أنسلخ من جنسيتى وأكون أمريكيا طز فيهم وطز فى كل الأوروبيين اللى مابيحترموش الشعوب وكرامتها وديانتها ومبادئها هوه إنت عايز حياة وردية وخلاص وموش مهم المبادئ إذا إنت موش طايق نفسك ياأخى فيه ناس بتموت ظلما وعدوانا ومابنعملهومش أية حاجة أنا بس إتشطرت وكتبت قصيدة شعر له" الشهيد خالد سعيد" يافرحتى يافاروق على قصيدة كتبتها وقاعد تسمع تقرير الطب الغير شرعى من وتقارير وزارة الداخنية المدخنة الظلمة القتلة ماهمه قرايب رية وسكينة بسيدى جابر بإسكندرية فموش كتير عليهم اللى عملوه وحكومتنا الغيرشرعية الظالمية المفترية البلطجية يالا خد أجازة وشوف شوية مايوهات بكينى عشان تشحن الدماغ بس إرفع الكهربا شوية وشكرا لك مع السلامة ياوحش

Ramy يقول...

انا حاسس باللى حضرتك فيه بجد

بس مضايق ان يبقى اول مرة اجى لحضرتك

تكون هتاخد اجازة طويلة كدة على العموم انا هضيف حضرتك عندى

لو مضايقش حضرتك

انا مش عارف اقول لحضرتك أية

أجازة يا رب تكون سعيدة مع كل الأطفال العسل اللى موجودين عند حضرتك(:(:

M.a.r.y.o.o.o.m يقول...

ازيك يا بابا عامل ايه اخبارك كل المودنين طبعا وحشوني وأولهم حضرتك

نحن الآن نعيش في بلد زائفة بوطنية زائفه

تحياتي

Ms Venus يقول...

كلنا نفس الحالة يا فشكووول


متغيبش علينا كتير

احلام جوليا يقول...

بالهداوة يا عمو فشكوول انا مش حقول لك كلام وطني ولا حاجة انا حقول لك اني رجعت مصر في اجازة قصيرة ووقفت في الشارع عند محل فول شهير قوي في اسكندرية( ابو ربيع) ولقيت نفسي ببص حواليا في الزحمة والسوق والارض المتسخة وبشوفهم حلوين قوي في عيني والله تصور خدت نفس عميق قوي علشان اشم ريحة الفول وريحه العيش المصري واكثر بصيت على بتاع عصير القصب وحتى على باقيا القصب المرمية في الشارع والزبالة وابتسمت حسيت اني مجنونة فعلا عاوزة احضنهم تصور حسيتهم وحشني بصيت في وش الناس وكنت عاوزة اضحك لهم واقول لهم وحشتوني متتستغربش اصل المصريين الي بصحيح مش بلاقيهم في الغربة بلاقيهم في مصر بس انما الموجودين في الغربة بقوا مسوخ باردة بيخطفوا من بعض اللقم عبر المقالب والمشاكل والمهم اني في مصر حسيت بشعور عجيب بالراحة والالفه حسيت زي ما اكون كنت كتمة نفسي ومرة واحدة اتنفست لما شربت مياه من الحنفيه بدون فلتر حسيت بطعم مياه جميل مياه عذبة تروي جميلة بجد لما اكلت فول وفلافل قلت الله هو ده الطعم بجد متستغربش في مصر كل حاجة لها طعم الحياه بحبها قوي بلدي مهما تكون عيوبها مهما تكون مشاكلها مهما سمعت شكوى من اهلها في كل خطوة خطيتها بجد معرفش قيمة مصر الي مخرجش براها اصل مصر فعلا فيها حاجة مبنعرفش نعبر عنها حاجة مميزة وطعمها حلو قوي حاجة لها ريحة ولها روح حاجة مفيش زيها يا عمو فشكوول مصر جميلة بس فقيرة حلوة بس متقدرش على تمن المكياج ريحتها الطبيعية احلى من ريحة البارفان مصر الله عليها وخسارة كل حاجة وحشه حصلت لها

ماجد العياطي يقول...

ترجعلنا بالف سلامه يااستاذنا الكبير قوي

!!! عارفة ... مش عارف ليه يقول...

طبعا عندك كل الحق

في إنك تطق وإننا كلنا نطق

بس عادي يعني

وايه اللي هيحصل لما نطق

ما نطق على الاقل البلد تفضى شوية من الطاقين اللي زينا

وعادي مش هيحصل اي حاجة بعد كل ده

بكرة الصبح هتلاقي الناس قايمة تجري ورا لقمة عيشها اللي بيتشعبط واللي بيمد ايده في جيب غيره واللي عامل فيها شريف شوية بيمد ايده مستني حسنة من اللي طققه

المهم مطولش عليك
حاول ترجع بسرعة
علشان مطقش من السكوت

وسلام بقى احسن خلاص هطق

حنان سعيد يقول...

ازيك يا استاذي
انا زعلت بجد
يعني يوم ما ارجع الاقي حضرتك هترتاح وتغيب
........
استاذي مع احترامي لكلام حضرتك
بس بجد مصر دي بحس انها جزء من تكويني
عارف حضرتك
احنا لو حبناها بجد هنخاف عليها
مش هنخام من الي فيها
هنقول لا مهما حصل
مش هيبقى في فساد
مش هيبقى في حاكم ظالم
عارف المشكله ان مبقاش حد يحبها
والله انا من جوايا حاسه ان بس حب مصر بجد هو الحل
بس للاسف
تحياتي لحضرتك

Hager ZaǮbal يقول...

مستنيينك .. بس اوعي تسحن وتنسي الشاحن في الكبس :)

أسيرة اللوحة يقول...

لا اله الا الله محمد رسول الله :(
يعني انا ارجع للتدوين القاك حتغيب يا عم فشكوول ,,

طيب بلاش شحن و ركب بطارية ,,
ههههه

يارب يفرجها من عنده في مصر و في كل الدول المكبوته :(

لك مني تحيه و شوووق كبيير ^^

ندا منير يقول...

العبارة عن كانت بتقال زمان عشان فعلا كلمة مصرى كانت بتهز كل البلاد
كلمة مصرى كانت احلى كلمة فى العالم كله

لكن دلوقتى مبقاش كتير بيقولوا كدة

وياريت متغبشى علينا
وكتير بنحس ان فعلا دماغنا فضيت ومحتاجة لراحة ومتفكرشى خالص

واحد من العمال يقول...

السلام عليكم

ياراجل وده كلام فاصل شحن يعنى خارج نطاق الخدمه
أحنا عايزينك داخل نطاق الخدمه على طول
وياما دقت على الرأس طبول
ومصر هيا أمى طبعاً
بس يعنى عشان تعبانه شويه نطق ونطفش منها ونسيبها للى تاعبينها يكملوا عليها
الصبر ياعمنا خد لك أجازه من التدوين أسبوع ولا أتنين لكن لاتغيب على طول أرجوك

ودمت بخير حال وبتدوين

essameldin يقول...

عم صلاح ياعسل
وحشتنا يا عمنا

ماعلش شويه زهق وهيروحوا مع الغسيل

اشحن بطاريتك واحنا منتظرينك
عصام الدين

العيسوى الصغير يقول...

مطوليش بقا علينا

جايدا العزيزي يقول...

يا عم فشكول


سيبك بقى من الوطنيه


وخلينا فى جنسيتنا المصريه


مش جايز مصطفى كامل قال كدة



لان كان لسه فيه معنى لكلمه انتماء



اما احنا يا عينى جلنا اختناق



كيلو اللحمه كان على ايام مصطفى كامل بكام مليم


لكن اكترنا من اللحمه دلوقتى محرومين


ولا جايز علشان لما شرب من


مية النيل


ماجلوش فشل كلوى وامراض


اول مرة يسمع عنها المصريين


لو كان يعرف امريكا هتكون دلوقتى ازاى


جايز كان غير رائيه


يا عم ده احنا مش لقين رغيف العيش



جايز حالنا يتغير


جايز


شكرا على الموضوع

دموع القمر يقول...

صباااح الخير
انا جيت بس اسلم
اصل واحشنى المدونة واهل المدونة
يارب تكون بخير

صدى الصمت - عاشقة الورد - يقول...

معلش يا أستاذنا كلنا بنحتاج فترة راحة نفصل فيها عن كل ال حوالينا ونرجع تانى من جديد
تحياتى لك
فى إنتظارك دائماً

افروديت يقول...

عمو فشكوووووووووول .. اخبارك ايه يارب تكون مبسوط بالأجازة وترجع قريب لينا.. اناقلت اعدي اسلم عليك لحد ماترجع... ربنايديك الصحة والعافية... سلالالالالالالالالالام

hana يقول...

أنا جيت أسلم


كفايية بئا أجازة وحشتنا

الفقيرة إلى الله أم البنات يقول...

يعنى انت كمان غايب
طيب ليه بقى؟
انت مش قاعد على الفيس بوك ولا التويتر تغيب ليه يا استاذنا؟
نفس الاحساس جالى من اسبوعين قفلت المدونه وبعدت عن الفيس بوك وبعدين اكتشفت انى محتاجه ابعد عن العالم الحقيقيى مش الافتراضى
وان العالم الافتراضى هو اللى مصبرنى على العالم الحقيقيى
ترجع بالسلامه ان شاء الله

علاء المصرى كل يوم يقول...

عزيزى
أسمح لى بأن أقول لك أن ما تفعلة الأن فى هذا الرسالة هو السلبية بعينها
وهى سبب رئيسى لمعاناتنا جميعا كلنا نعانى
ولكن لا نهرب بل نواجه دعوة لا تكن سلبياً ويائس

مع تحياتى
ملتقى الكلمات **** كاتب مصرى

Majoli يقول...

Oi meu amigo, saudades de você. Vim aqui te deixar um beijo e te desejar um bom final de semana.

م/ الحسيني لزومي يقول...

عمي فشكول انا امر بنفس حالة القرف اللي انت تمر بها وزمان قلت لك ان مقولة مصطفي كامل محرفه والمقوله الصحيحه" لو لم اكن مصريا لوددت ان لا اكون مصريا"

حسن ارابيسك يقول...

عمنا فشكوول
اسمحلي اكلمك بمنتهى الصراحة
واضح جداً من مقدمة التدوينة انك شاهدت حلقة لابراهيم عيسى قال ماقلته بالحرف لذلك اخشى ان يكون اثر فيك الرجل لان لي بعض التحفظات على كلامه
لأن اذا ما كنتش النهارده بلدنا بأفضل حال فبكره ان شاء الله ربنا يكرمها لكن مفيش داعي ننسف تاريخ طويل لنا ولتلك الامة التي ننتمى اليها
تحياتي
حسن أرابيسك

amirelhob يقول...

ا. فشكول جايز بجد مقصر فى حقك ومش بجى مدونتك كتير

ويمكن كمان مستحقش ابقى متابه ليها عشان مش بقدر الكلام اللى فيها

بس صدقينى مش انت لوحدك اللى حاسس هموم كدا كلنا شايفين الحياه خطوط سودا ومش عارفين ليه ولا ايه السبب

يا ريت متغيبش كتير لسه كتير مننا عايز رايك وافكارك ما انت عودتنا انك صوت العقل فى البلوجر

ربنا يوفقك فى حياتك وتبقى اجازه سعيده بعيد شويه عن الهم اللى احنا فيه

ومن قلبى بتمنلك كل خير وسعاده و صحه وتوفيق وفرح وابتسامه تدوم يا رب طول العمر

شوكولاتة يقول...

ازيك يا رئيس جمهوريتا يا كبير وحشتني بوستاتك والله

بس هتغيب شوية عن التدوين هسامحك لكن متقراش البوست ده مش هسامحك ابدا

بوست جديد مهم عاوزين كل مدون معانا يساعدنا في مشروع مهم التفاصيل عندي في المدونة

http://chocolatah.blogspot.com/2010/07/blog-post_26.html

معانا ولا.......

ستيتة حسب الله الحمش يقول...

وحشتنا يا عمنا
كده الغياب الجامد ده
طب اجيب منادي انا وألف المنوفية بلد الحبايب ولا أعمل إيه
طمنا عليك
كل سنة وانت بألف خير وصحة ورضا من ربنا

زهرة يقول...

حتى لو طقينا .. هنطق بردوا فى مصر
هنروح فين ولا ازاى ؟؟

كل حاجة والله تغلب وتجيب ضغط .. بس بينى وبينك لو بعدنا شويه ونص .. هترجع مصر توحشنا

ليه بقى معرفش .. نكونش بنحبها !!

ربنا يروح بالك ومتطقش يا عمو وترجع هنا اوام اوام :)

gogo!sf يقول...

يا عم بعد الشر عليك من الانفجار ان شاله يا رب القطه اللى متعبش من الماشى دى

انت اكيد حاطت القطه دى انتقام منها صح



شوفى بقى انا عارفه انك فعلا مش طايق اللى بيحصل واللى وصلك للحاله دى انها كل يوم الحال بيسوء اكتر من اليوم اللى قابله

لكن انت عارفه كويس ان مافيش فايدة ولا هيكون فى فايده ابدا وده والله مش يأس ابدا انا بس عارفه وواثقه انها عمرها ما هاتتعدل حتى لو عملنا المستحيل

وبعدين يعنى كلمه مصريا هى اللى مزعلاك
ياسيدى مش تزعل انا من كولا لامبور
دى بلد عريسى اللى فضلت مستنياه لحد ماوصل بالف سلامه

لقد تم شحن البطاريه

TWEETY يقول...

ازيك ياعمو
انا جيت ازورك ومبسوطة انى هنا
هو انا مفهمتش الكلام
هستناك تزورينى اتفقنا
مع السلامة

Dr. Kafy يقول...

أستاذ فشكوووول

كل عام و انت بخير بمناسبة شهر رمضان الكريم

سؤال: إلا هو ليه المصريين مش بينفجروا لحد الوقت؟ بالرغم من كل الضغوط اللى عاملة تزيد بشكل غير طبيعى عليهم؟

gogo!sf يقول...

كل سنه وحضرتك طيب

ورمضان كريم يارب

hana يقول...

إزيك يا أحلى فشكــــول

كل سنة وإنت طيب

رمضان كــريم

dodda يقول...

كل سنه وانت طيب ربنا يبلغنا رمضان ويتقبل منا صالح العمال
امين

ليس فقيرا من يحب يقول...

كل سنه وحضرتك طيب يا عمو

رمضان كريم عليك وعلى كل حبايبك يارب تكون بالف خير

طمنا عليك يا راجل يا طيب

ن يقول...

استاذنا /الفاضل فشكول
كل عام وحضرتك بخير .. رمضان كريم
انا رجعت بس لقيت الدنيا مضلمة من غيرك .. ياريت مطولش وترجع تنورنا تانى .
مع خالص تحياتى

ستيتة حسب الله الحمش يقول...

كل سنة وانت طيب يا عمنا وعم الكل
ربنا يتقبل منا ومنك يا عم صلاح بيه ويجعلنا من عتقاء هذا الشهر الكريم من النار
تحياتي وخالص دعواتي

أتنين حبيبين يقول...

رمضان كريم عليك ياغالى واسرتك الكريمه وينعاد عليك الايام بالخير

حسن ارابيسك يقول...

عمنا فشكووول
كل سنة وانت طيب
ورمضان كريم
ماتنسناش في الكنافة والقطايف
تحياتي
حسن ارابيسك

P A S H A يقول...

كل سنة وحضرتك طيب وبألف خير وصحة وسلامة إن شاء الله

:)

رمضان كريم

قوس قزح يقول...

أقر الله عينك فى رمضان
بلذة الأسحار وصحبة الاخيار
ورحمة الغفار وجنة الأبرار


رمضان كريم

عروسة البحر يقول...

فيلم عسل إسود بيرصد الحالة دي في جملة واحد "أنا أمريكي و محدش يقدر يلمسني !!"

تحياتي

عروسة البحر

لاسع افندى يقول...

كل عام وانتم بخير

ورمضان كريم


تحياتى

فتافيت يقول...

انا بس جيت اقول
كل سنة وانت طيب.. :)

۩˙·٠• رمضان كريم •٠·˙۩

Sam Sh يقول...

وحشتناااااااااااا جدا و الله بجد مفتقدينك فعلا ...
عندك حق في كلامك ... الواحد خلاص بجد مبقاش طايق البلد باللي فيها .. كل حاجة معووجة في البلد دي و قليل أوي لما تلاقي حاجة معدولة ..
الوطن بجد هو اللي تحس إنه بلدك و تحس إنك ببتعامل فيه على إنك إنسان ليك حقوق و عليك واجبات .. الموطن مش هو اللي الواحد يفضل عايش فيه و هو مش آمن على روحه ولا أرواح أهله ولا على ممتلكاته ...
هقول إيه ولا إيه بس ؟؟؟
بس عارف .. أنا بجد - زي كتير جدا من المصريين - حاسس إن أنا لو بعدت عن مصر هموت ... يمكن علشان لسة مجربتش أخرج من مصر .. مش عارف .. بس ده إحساسي رغم كل حاجة بتحصل في مصر .....
تحياتي القلبية و كل عا و كل مصر بخير

غير معرف يقول...

الأستاذ اللي إسمه فاروق إبن النيل :
ديانات إيه اللي مش بيحترموها يا سيدي الفاضل ؟
أنا عايش في أمريكا بقالي أكتر من 15 سنة و عمر ما حد سألني عن ديانتي ولا يوم ما أخدت الجنسية الأمريكية حد سألني إنت ديانتك إيه علشان يكتبهالي في الهوية الأمريكية بتاعتي
في أمريكا هنا بنينا أكتر من 130 مسجد في أقل من سنة و بدون ما نحتاج تصاريح و كلام فاضي و الولايات اللي إتبنت فيها المساجد كانت بتساهم بنسبة 60% من ثمن مواد البناء لأن المباني دي هتتبني لمواطنين أمريكان أو حتى مش أمريكان لكن عايشين في أمريكا
تعالى بقى لمصر تقدر تقولي علشان المصري المسيحي يبني كنيسة عندكم في مصر هياخد وقت أد إيه و تصاؤيح أد إيه و مجهود أد إيه ؟
و بعد كل ده ممكن ببساطة جدا ييجي ظابط أمن الدولة و يوقف البنا لأسباب أمنية !!
عمري ما سمعت حد بيشتم حد في الصلاة و بيقول عليه كافر إلا في جوامع مصر و الدول العربية عموما لما يشتموا إخواتهم في الوطن و يقولوا عليهم النصارى الكفار !!
كام مرة أولادنا اللي بيسمعوا الكلام ده اموا حرقوا كنايس علشان فاكرين إنهم كده بيجاهدوا في سبيل الله ؟
كام مرة أولادنا ضربوا مسيحيين بسبب بنا كنيسة ؟ و كام مرة الأمن منع الصلاة للمسيحيين في كنايسهم بحجة الدواعي الأمنية ؟
أنا نفسي أفهم و الله ناس بتصلي لإلههم مهما كان الإله ده إيه الداعي الأمني اللي بيمنع الحكاية دي طالما مفيش حاجة خارجة بتحصل ؟ و ليه تحصل فتنة طائفية بسبب بنا كنيسة ؟ مجرد مبنى الناس بتصلي جواه إيه المشكلة في كده ؟
هو ده إحترام الأديان اللي موجود في مصر ؟
تقدر تقولي لو واحد بهائي حب يبني معبد من بتوعهم في مصر هيعرف أصلا ؟ برغم إنه مصري و بيدفع ضرايب و من حقه إن الدولة توفرله أماكن عبادته زي ما بتوفرها لينا بالظبط !!
يا أستاذ إتقي الله و أأمر بالمعروف و إنه عن المنكر كما أمرنا رسول الله صلى الله عليه و سلم و حتى لو كان المنكر ده اللي بيعمله هو إبنك.
الشعب المصري خضع لعملية غسيل مخ على مدي طويل جدا لدرجة إنه بقى بيعتبر شركاؤه في الوطن كفار !!!!!!
لكي الله يا مصر

maxbeta3zaman يقول...

يافشكول الفشاكيل فى الصفحة الغريبه
خدنى جنبك قلبى عليل حايقرقع فى جيبى
عالطاير بكتبلك سطر اسمه الوطن ضايع
والمواطن ابن مصر ..بقى اسمه صـــايع
لما بيبكو أهل النيل ..ويبهدلو المناديل
ياقشكول الفاشاكيل بابعتلك كتيبه تضرب تقتل كل عليل ينقد أى عيبه
وكل سنه وانت طيب

حنين يقول...

السلام عليكم
ازيك عمو فشكول
كل عام وانت بخير
ورمضان كريم

طموحة مملوحة يقول...

هههههههه

كل عام وانت بخير وبصحة وسلامة

ورمضان كريم :)

norahaty يقول...

كل سنة وحضرتك
بخير استاذنا الكبير
فشكوووووووووووووول
رمضان كريم والله سبحانه
وتعالى أعلى وأكرم

جايدا العزيزي يقول...

كل سنه وحضرتك طيب وبخير يارب


كل عام وانت الى الله اقرب وعلى طاعته ادوم


رمضان كريم


رمضان مبارك لك ولاسرتك


انا سعيدة لانك افتكرتنى


وقولتلى كل عام وانت بخير


اشكرك


تحياتى

أتنين حبيبين يقول...

وحشتنى يا راجل يا طيب

يارب تكون بخير
بدعوك لزيارة البوست الاخير عندى للاهميه
ونشره بمدونتك ليعم الاجر والثواب
للاهميه
جزاك الله كل الخير

مودتى
توتا

عبير أكوام يقول...

تدوين مختلف جداا جداا، وصراحة مطلقة،
ولو متأخرة ممتنة لحضوري هنا سلام

م/ الحسيني لزومي يقول...

اخي الحبيب فشكول
تقبل الله منا ومنكم صالح الاعمال
وكل عام انتم بخير

Beram ElMasry يقول...

اخي الكريم

أجمل التهانى بحلول شهر رمضان المبارك أعاده الله عليكم باليمن والخير والبركة وكل عام وأنتم بخير

Imagem e Poesia يقول...

Muy interesant tu blog!
Me he encantado con las fotografias, pero no he comprendido nada del escrito! :)
It's the best!
Kiss
Ceiça

Imagem e Poesia يقول...

Muy interesant tu blog!
Me he encantado con las fotografias, pero no he comprendido nada del escrito! :)
It's the best!
Kiss
Ceiça

فارس عبدالفتاح يقول...

كل سنة وحضرتك طيب

الازهرى يقول...

صدقنى انا متفق مع مصطفى كامل جدا
مع ان فى السنة الأخيرة بالذات عرفت أوجه للفساد فى مصر لو عرفتها انت صدقنى السعرتين السود الباقيين هيطيروا مش هيبيضوا وبس
انما دى بلدى هنا أهلى وناسى وكل حاجة لى فى الدنيا
لو قلت لك انا اتعرض على قد ايه اسافر بره واشتغل وادرس واعيش احسن الف مرة من هنا ورفضت بالتأكيد هتقول مجنون بس أنا كده اخترت كد وهاض كد مهما حصل
دا اختيارى

تحياتى وكل عام وانت وكل من تحب فى خير وسلام وامن وامان
وافتكرنا يا عم

واحد من العمال يقول...

السلام عليكم

كل عام وحضرتك بخير بمناسبه حلول شهر رمضان المبارك أعاده الله علينا جميعاً باليمن والبركات
الأجازه طالت ياعمنا

ودمت بخير حال وبصحه وبتدوين

شمس النهار يقول...

ازيك يارب تكون بخير

جيت اقول
كل سنه وانت طيب

لاقيتك زيي هاجر المدونة


رمضان كريم

:))
ترجع بالسلامة

Imagem e Poesia يقول...

Gracias por tu visita a mi blog.
Besitos
Ceiça

Nesreen يقول...

هههههههههههههههههههههههههه

معلش والله مش قصدي بس مش قادره امسك نفسي شكمني لسه جايه من عند المراكبي

ولسه مشحونه من عسل اسود

والبركه في حضرتك اديت الضربه القاضيه

هههههههههههههه

وبعدين سلامتك اصل لو طقيت فيهحجات هتتبعتر اكثر ماهي متبعتره وربنا يكرمكمهياش ناقصه فشكله ولا بعتره
كفااااااااااااااايه كدا

اقصوصه يقول...

رمضان كريم

مبارك عليكم الشهر

وكل عام وانتم بخير

TWEETY يقول...

ازيك ياعمو
اخبارك ايه
انا جيت ازورك
يارب تكون بخير
ابقى زورينى ماشى
مع السلامة
كل سنة وانت طيب

مدونه هنا السناهره يقول...

جزاك الله خيرااااااا
انا صاحب مدونه هنا السناهره وكنت اتمني زيارتي وابداء رايك في مدونتي

ن يقول...

السلام عليكم
أستاذنا الغالى
رمضان كريم يا أستاذى اشتقنا الى روحك المرحة .
مع خالص تحياتى

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
غلا روحي
شات غلا الروح
شات صوتي
شات مغربي
قوانين الشات الصوتي
برامج كام وصوت
اشتراكات غلا الروح
قوانين غلا الروح
فعاليات غلا الروح