السبت، 28 أغسطس، 2010

خواطر ... هبله


السلام عليكم

أحبائى ... كل التحيه لكم .. وحشتونى .. ولكن المدونه مش وحشانى .. لكن انا جيت عشانكم انتم .. عشان انتم احسن ناس فى الدنيا .. اما فشكول بقى فما زلت مش طايق وشها.

شكرى وامتنانى وعرفانى لكل من سأل عنى وكنت اتمنى ان اذكرهم بالاسم .. لكن عشان هما كلهم حبايبى حاكتفى بشكر من سأل عنى ولو مره وشكرين لمن سأل عنى مرتين وخصوصا اما نعيمه لانها قالت نعمين .. خلى عليوه يكلمنى.

اليومين دول انا مقيم فى البلكونه .. افطر واقعد وانام واصحى واتسحر برضه وانا فى البلكونه وهجرت الشقه تمام .. الحر .. الحر هذا القيظ الحارق فى هذه الايام.. من ساعة ما الفنيين جم خلعوا جهاز التكييف واخدوه علشان يعملوا له صيانه اصله كان ايام الحر اللى فاتت شغال اربعه وعشرين ساعه بعدين الراجل من كتر الحمل عليه قال مش لاعب واخد نفسه وراح مع بتوع الصيانه.. قوم ايه ؟؟

انا قاعد بقى فى البلكونه منى للسما بحاول اشم هواء ..لكن ما فيش هواء لا اكسجين ولا حتى ثانى اكسيد الكربون وعرقى مرقى لكن ما فيش حل .. الامر لله قوم ايــــه ؟؟ قاعد بقى ابص للسما واعد فى النجوم وافكر فى الفضاء اللا نهائى اللى قدامى .. ساعات الاقى نجمه منوره قوى فى السماء .. اقوم اقول آه دى النجمه الفا كنتور .. كمان ساعات اشوف واحده كمان جنبها اقول .. بيتا كنتور وساعات الاقى بعيد عنهم بييجى كدا 10 او 15 متر .. طبعا دى الشعرى اليمانيه .. واخوكم عامل فيها جاليليوا .. اصل قاعد فى البلكونه فاضى والفاضى يعمل قاضى .. عندى نظاره معظمه .. اقوم اجيبها وابص بيها على السماء .. تقولش الدكتور مصطفى محمود ولا تقولش فاروق الباز.. واقعد افكر .. طب فين السماء؟ .. هى الخيمه الزرقاء دى يا ترى ولا دى ابعد نقطه يوصل لها نظرى؟ .. يا خبــــــــــــر.. دى خيمه كبيره قوى قوى .. قول لحد الصبح قوى .. طب السبع سماوات شكلهم ايه؟ .. وسبحان الله لا قوة الا بالله .. سبع سماوات .. سبع اراضين .. سبع ايام .. السبع المثانى .. سبحان الله لغة الارقام فى القرأن منزلق خطيرلا استطيعه ولا اقدر عليه .
جات على بالى سورة الطارق وتأملت الآيه

(والسماء والطارق وما ادراك ما الطاق النجم الثاقب .... الآيه)

اشهد ان لا آله الا الله وانا سيدنا محمدا رسول الله

مين اللى قالك يا محمد من اكثر من 1400 سنه عن حكاية الطارق ومن اخبرك انه النجم الثاقب .. لا اله الا الله

يقول العلماء ان هذا النجم ينبض.. بيدق زى قلبك ما بيدق .. بس مش من الحب ولا الغرام .. بيطرق وسموه (النجم الثاقب او الثقب الاسود) ويا دوب لسه عارفين الكلام ده فى القرن العشرين يعنى من حوالى 60 سنه بس .. طب مين اخبر محمدا عليه السلام .. طبعا مافيش كلام .. الله العلى القدير.

برضه ساعات وانا ابص فى السماء الاقى حاجات بتطير كدا وتختفى مره واحده اللى هيا النيازك .. وعندنا فى الفلاحين بيسموها النجمه ام ديل ..وكنا بنقول عليها واحنا صغيرين لما نشوفها (سهم الله فى عدو الدين .. تنزل على القوم الكافرين)

السماء الواسعه دى ازاى نعرفها ونعرف الى فيها وصحيح حنقدر نسافر فيها ولا لأ .. والله عشم ابليس فى الجنه مع انه عارف انه مش حيشوفها بعنيه خالص.. دى السفينه اللى اطلقوها عشان تزور المجموعه الشمسيه من آخرها وتسيبها وتطلع بره المجموعه الشمسيه اللى اسمها فويوجير واحد وفويوجير 2 من يوم ما سابت عطارد وهى تايهه فى الدنيا ولا حد سامع عنها حاجه خالص والسفينه دى اطلقوها سنة 1977 ومن يومها وهى عماله تصيع فى الفضاء وقالوا لنا انها حتقول على حاجات كتيره ولا قالت ولا عادت

بيقولوا انهم حيحولواالانسان لطاقه ويبعتوه للكواكب والنجوم البعيده ويصيع فى الفضاء ويهيس ويزور الدنيا كلها ويطلع من درب التبانه اللى هى المجره بتاعتنا ويزور الدب اللبنى اللى هى المجره اللى جنبنا .. فى المشمش بقى لما يعملوا كدا

طب يا جماعه احنا عارفين ان الانسان جسد ونفس وروح .. الجسد معروف والنفس هى مجموعة تصرفات الانسان وخيره وشره وما الى ذلك ..اما الروح بقى ماحدش يدركها ولا يعرفها الا الله سبحانه وتعالى .. واما الانسان تطلع روحه واصلا هى طلعت من زمان ولما ربنا وهو بياخد الروح بيقول ورفعنا عنك غطائك فبصرك اليوم حديد .. يعنى يا جماعه الانسان بينكشف عنه الحجاب وبيشوف اللى عمرنا ما شفناه ولا حنشوفه وبيفهم اللى طول عمره بيحاول يفهمه .. دا ساعة طلوع الروح اللى الجماعه بتوع الحزب الوطنى طلعوها من زمان ..بس يا خساره .. ما حدش طلعت روحه ورجع قال لنا ايه الحكايه .. ولا حد حيرجع يقول لنا ايه الموضوع ..يعنى نقدر نقول عليها طاقه .. الله اعلم لكن احنا بنقرب المواضيع ونستغفر الله ان كنا اخطأنا .. عايزين يحولوا الانسان لطاقه .. طب ما هو فعلا كدا وربنا بيعمل فينا كدا وبنروح لربنا كدا .. احلق شنبى اللى عمرى ما ربيته لو قدروا يعملوا كدا

الجن .. كل يوم يقولوا لنا حكايات كتير عنه واساطير كتيره ونشأت فى الجامعات اقسام لدراسته .. العفاريت يعنى .. يبقوا يقابلونى مره تانيه فى المشمش .. دا حتى ابن كثير لما كتب عنهم فى البدايه والنهايه .. ما فهمتش منه حاجه .. واللى غطى واللى وطى جاب سيرة حاجه اسمها الحن .. هذا الحن سكن الارض قبل الجن وكمان سكن الارض قبل الحن .. البن .. طب يا ابا الحاج ابن كثير مين هما الحن ومين هما البن .. ولا حاجه ولا سيره ولا كلمه واحده .

احنا بقى من غرورنا بنحاول نتدخل فى اللى ما لناش فيه .. اصل ربنا عمل لنا عقولنا بتفكر بشكل مادى وتدرس الاشياء بشكل مادى .. يعنى عقلنا يشوف الطوبه يقول عليها طوبه عشان هو اصلا طوبه .. مادى .. يدرك فقط المحسوس والملموس ..اما ما غير ذلك فلا والف لا وما لناش دعوه بالغيبيات عشان مخنا يا دوب شوية جيجات صغيره ما تقدرش تعرف ولا تشوف اللى غير محسوس او ملموس احنا بس نؤمن بما قاله لنا الله وخلاص .

المره الجايه بقى عندى لكم موضوع يهلك من الضحك وخصوصا حيحبوه الستات خالص والرجاله كلهم حيحدفونى بالطوب .. وعلى رأى جابر القرموطى ... سلامن عليكم .

اللى القاء

هناك 59 تعليقًا:

Tears يقول...

برغم انى قضيت النصف الاول من رمضان فى شقة على البحر مباشرة الا ان الجو كان برضة حر و كان التكييف هو الاعب الاساسى...ربنا يرجعهولك بالسلامة :))

شمس النهار يقول...

حمد الله علي السلامة

كل سنة وانت طيب


رمضان كريم

زهرة يقول...

حمد الله على سلامه حضرتك ..

والحر والله فى كل مكان .. لا مروحة نافعه والتكييف بردوا تواجدة غرفه اة وغرفه لا ..

يعنى الحر ملوش حل السنة دى بجد

بس حلوة البلكونة :)

كل سنة وحضرتك طيب وبخير وبصحة

حلمى البعيد يقول...

حمدله على السلامه
منور عالم التدوين أستاذ فشكول
هو بالنسبه للحر ورمضان فهما مش مشين مع بعض خالص
ربنا يهون بالحر ده
أما بالنسبه للفلك والسماء فسبحان الله
مهما يكتش فيها مش هيجى مثقال ذره فى المعجزات الخفيه في خلق الله
بس اللى نقدر نقوله سبحان الله وبحمده سبحان الله العظيم
وبعدين انا عاوزه النضاره ابص بها من بلكونتنا يمكن اشوف حاجه
بس عارفه انى مش هشوف غير الجيران
أمانى

sal يقول...

رمضان كريم يا عمنا العزيز

انا اول مرة اعرف ان الحر ممكن يخللى انسان زى حضرتك بيتأمل ويفكر بكل العمق والشفافية التى سادت هذا البوست

اسعد الله ايامك

تامر علي يقول...

حمدالله على السلامه ياعم فشكول
انا كمان الحر سيح نافوخي ومش عارف اعمل ايه لإني مش بطيق التكييف علشان بيتعبني ومش طايق الحر كمان :)

السما دي حاجه ملكوت تاني ياعم فشكول والتفكرفيها واجب وكويس ان قعدة البلكونه جت بفايدة علينا وعليك :)

رمضان كريم

dr.lecter يقول...

عودا احمد يامولانا كنت فيين ده كله

جايدا العزيزي يقول...

اولا حمدالله على سلامه حضرتك

لو الحر خلاك تكتب


يبقى كتر خيروه

بس معاك حق الجو السنادى مولع نااار


والسما نتاملها بليل مش بالنهار



عموما الف حمدالله على السلامه


وانا فى الانتظار


اه انتظار موضوعك الجديد


اصل انا بعشق حب الاستطلاع


وكل عام وانت بخير


رمضان خلاص وهنقول يالاه بعودة يارمضان


والله كانت حلوة ايامه رغم الحر والعطش


وتأثير الصيام


سجل عندك عيد سعيد


اول تهنئه جايدا العزيزي


اشكرك وفى انتظار الموضوع الجديد


تحياتى


دمت فى حفظ الرحمن

الحب الجميل يقول...

حمد لله على السلامة
وكل سنة وحضرتك طيب
ورمضان كريم
دمت بخير

totahabib يقول...

ياريت التكييف بتاعنا يبوظ عشان اخرج البلكونة واتامل كده فى بديع خلق الله
كل سنة وحضرتك طيب ^^

علاء المصرى كل يوم يقول...

أخى الخفيف الظل
فشكووول

الكلام الى أنته قلته كبير قوى

حافظ على عقلك على قد ما تقدر

أنا قربت أقلك عليك وما تقعدش فى البلكونه لوحدك تانى وركز فى موضوع واحد علشان أنت توهتنى وأنا بقرأ

شكرا أخى على بعض المعلومات الى فى

التدوينه

تحيااااتى وودى

SAM يقول...

Olá estimado amigo!

Espero que esteja com saúde e harmonia. Não consegui uma tradução boa para entender a postagem. Gostaria, sinceramente, de poder ler melhor para entender mais.

Paz para você e toda a família. Boa semana. Obrigada pela visita que me deixa feliz.

Empress appy يقول...

كل سنه وانت طيب ويا بختك بالبلكونه الخليج لو طلعت البلكونه تتسلق وترجع تانى مع انها على البحر بس تقول ايه بقى

دموع القمر يقول...

حمد لله على السلامة
ايه الغيبة دى
الحر وما ادراك ما الحر
حتى لما تتطلع البلاكونه تلاقى مفيش هوا ولا نفس
تدخل تشغل المروحه تلاقى صهد
ساعات الاقى نجمه منوره قوى فى السماء .. اقوم اقول آه دى النجمه الفا كنتور .. كمان ساعات اشوف واحده كمان جنبها اقول .. بيتا كنتور وساعات الاقى بعيد عنهم بييجى كدا 10 او 15 متر .. طبعا دى الشعرى اليمانيه .. واخوكم عامل فيها جاليليوا ههههههههههه

سبحان الخالق
لا اله الا هو

(سهم الله فى عدو الدين .. تنزل على القوم الكافرين) هههههههه

فاروق بن النيل يقول...

فشكوووووووووووووووووووول
ياعم كل سنة وإنت طيب والله كنت عيان شهر ومازلت والحمد لله موش طايق لامدونة ولا الناس اللى فيها وإنت أولهم كرهتكم خلاص مافيش فايدة فيكم فضاء إية وجن إيه ونيزك إيه ياعم أقرا القرآن ليكونمؤنسا لك بالقبر وشفيعا لك يوم القيامة وبلاش تخاريف اهل الكتاب والمستعبطين

محمد الجرايحى يقول...

الأخ والصديق الحبيب: فشكووول باشا
عودة طيبة وجميلة
وأرجو أن تكون آخر الغيبات
وكل عام وأنت بخير وفى صحة وسعادة وعافية
أخوك
محمد

Ramy يقول...

أستاذ فشكول
(:

حمد الله ع السلام

و كل سنة و حضرتك طيب

جميل جدا البوست

تسلم ايدك

رمضااااان كريييييم

hana يقول...

بصراحة الحر الصيف دة غريب
وصعب جداًحتى عالبحر تقف متحسش في هوا
خالص الحرارة فوق العادي
حمد الله على السلامة
منور عام التدوين كلــــه بجد
وأسلوبك الجميل اللي مهما زادت فيه السطور بنحس كأننا لسه في البداية وكأننا عاوزين نعرف جاي إيه
كأننا بالظبط وياك وإنت بتكلمنا مش حروف لا صوت

أنا كمان بتأمل السما لما ادخل وبص فيها كدة :d
ميرسي ع البوست الجميل والمعلومات اللي فيه
ومستنيين الجااي أكييد

M.a.r.y.o.o.o.m يقول...

ياسلام يا سلام حمد الله علي السلامه
ازيك يا بابا عامل ايه بالنسبة لموضوع الحر فجدو بقي ربنا يطول في عمري مولد سنة 1919 ربنا يديله الصحة يارب النهارده بقي قالي ايه قالي والله الحر ده عمره ما حصل في حياتي إلا مش فاكرة مرة كده في سنة كام عموماً ربنا يلطف بينا وإحنا بقي للأسف مينفعش نقعد في البلكونة حاكم انت عارف بقي الشباب ال ايه هيفكروني بعاكسهم ههههههههههه قلبت الايه وميعرفوش اصلا إن انا بخاف انشر الغسيل عشان عندي فوبيا


بالنسبة بقي للموضوع اللي حضرتك كاتبه حلو جدا وتعليقي علي حاجة واحده بس

************

قال تعالي :" وما خلقنا السموات والأرض وما بينهما لاعبين ( 38 ) ما خلقناهما إلا بالحق ولكن أكثرهم لا يعلمون ( 39 ) إن يوم الفصل ميقاتهم أجمعين ( 40 ) يوم لا يغني مولى عن مولى شيئا ولا هم ينصرون ( 41 ) إلا من رحم الله إنه هو العزيز الرحيم ( 42 )".

صدق الله العظيم

************


تحياتي وعيد مبارك للجميع

فاتيما يقول...

يا عم صلاح يا غالى
ازى حضرتك

انا جاية اعتذرلك لأنى مبلغتكش باللقاء بتاع ابو الريش و لو انى فاكرة انه منتشر و ان حضرتك عرفت من سوما الجميلة لأنى قريتلها تعليق عند آبى بهذا المعنى و انها هتحاول تيجى

انا زعلانة بجد ا ن كان ممكن تبقى فرصة لحضرتك تيجى و اكون فوتها عليك

بجد متزعلش منى
و اوعدك المرات الجاية
هسيب تعليق هنا عند حضرتك
بس عالله الزهايمر ميشتغلش بقى
حضرتك عارف
انا كمان منضمة لشلة العواجيز
ميغركش المنظر يعنى

كل سنة و حضرتك بألف خير
و زى الفل
و منور وسطنا

تحياتى للأسرة الكريمة
و سلام خصوص لسوما الطيوبة و النبىىى

Ms Venus يقول...

حمد لله على السلامة يا فشكوووول


نورت بجد

كل سنة وانت طيب وبخير دايما

أم الخــلـود يقول...

اصحى يا نايم ووحد الدايم

أرجوا من المدونين الموقرين أن يضعوا شعار الحملة واسمها فقط فوقها

(حملة الجسد الواحد)

في الشريط الجانبي لمدوناتهم كدلالة على وحدة صف أمة محمد

http://dndanh111.blogspot.com/2010/06/blog-post_14.html

ومن أجل قيام الولايات المتحدة الإسلامية

http://dndanh111.blogspot.com/2010/06/blog-post_17.html

جعله الله في ميزان حسناتكم .. آمين

Story pain يقول...

..خلتني أكتشف ان الاقامة في البلكونة ليها فوائد..راحة من الحر ومن الدوشة..وكمان فرصة للتأمل..

مين اللى قالك يا محمد من اكثر من 1400 سنه عن حكاية الطارق ومن اخبرك انه النجم الثاقب .. لا اله الا الله

فعلاً(إن هو إلاّ وحى يوحى)


ما لناش دعوه بالغيبيات عشان مخنا يا دوب شوية جيجات صغيره ما تقدرش تعرف ولا تشوف اللى غير محسوس او ملموس احنا بس نؤمن بما قاله لنا الله وخلاص

والله نفس رأيى..دينا فعلا بيدعو للتامل والتفكر واستخدام العقل...لكن هيفضل في حاجات قدرة عقلنا المحدودة مش هتوصلنا ليها


استمعت بقراءة البوست وسعيدة بزيارتى للمدونة
كل سنة وحضرتك طيب

الازهرى يقول...

أنا كده من حق زعل وأعيط وأخبط دماغى فى الحيطة لحد ما تتكسر ( احيطة طبعا مش دماغى ) يعنى بترد على كل دول وسايبنى أنا كل ما اتصل بيك ما تعبرنيش
اعتبره ايه ده ؟

ما علينا أنا حليت مشكة الحر عندى بانى رحت معسكر فى الصحرا أقول لك ايه بس قمة المتعة هناك
جرب وقل لى

غير معرف يقول...

وحشتنى جدا ياعمو صلاح والتدوين وحشنى انا ببعتلك السلام مع ايناس دايما وسلامك وصلنى منها وانا بخير الحمد لله مش ناقصنى غير كم والسلام امانه لكل المدونين..ريمان.ملائكيه

هدى زكريا يقول...

السلام عليكم ورجمة الله وبركاته...كل عام وحضرتك بخير ويارب يتقبل من حضرتك الطاعات ...ربنا ينجينا من حر جهنم هذا الدعاء كانت والدتي تدعوه دائماً في أول خمسة عشر يوم من رمضان خاصة إن الحر فيهم كان شديد جداً...وجزاك الله خيراً على التدوينة الجميلة جداااااااااااااااااااااااااا

الشاعر الفنان أحمد فتحى فؤاد يقول...

حمدالله على سلامتك

و كل سنة و إنت طيب

يا راجل يا طيب

رمضان كريم

السُـلطانة يقول...

السلام عليكم ورحمة الله وبركاته ..

التفكر في ملكوت الله عز وجل شيء جميل جدا ومبهج .. ولو كان الهواء بدون أوكسجين.

سعدت بمرورك الكريم .. والله يعينا على نقص الهواء!!!

شاب فقرى يقول...

عمنا الكبير فشكول
تحية طيبة
الف حمدا لله على السلامة
انا عارف والله انى مقصر
بس غصب عنى
ياريت حضرتك كنت جيت اللقاء التدوينى اللى فات
كان رائع بكل المقاييس فى مستشفى ابو الريش
الصراحة
يوم لا ينسى
أعاد الله لك التكييف ولا حرمك منه أبدا
إن شاء الله فى الخطة الألفية الجاية هجيب واحد
بس كله على الله
هنعمل ايه
الحر لا مهرب منه
انا فكرت فى نقطة التفكير المادى
الناس مش بتحب التفكير المادى لادراك الشىء الا لانها بتحب الماديات وبتظنها ابقى من اى شىء اخر
يمعنى ان التفكير الابداعى او الروحانى او الايمانى بالنسبة للناس فهوا رفاهية او لا يوجد لدى الكثيرين ومستحيل بالنسبة للبعض لانه بالنسبة لهم شىء مش حقيقى
انا عجبتنى اوى معرفتى بالسفينتين دول اللى سافروا
ياترى هيجيبوا لنا الخير ولا ايه
ربنا يستر
تحياتى واحترامى الدائم لك
وان شاء الله فى خير صحة دوما
وفى انتظار البوست القادم
شاب فقرى

فارس عبدالفتاح يقول...

كل سنة وحضرتك طيب

غير معرف يقول...

كل سنة وأنت طيب ياعم فشكوليو إيه الأبهة دي كلها عالم فلك ياخواتي شوية حر يجيبوا العلم ده كله . بس إيه علاقة الحزن الوطني بالروح اللي أعرفه إنه لا خلى فينا روح ولا جسد .. عموما رمضان كريم وعيد سعيد .

فتافيت يقول...

عمنا فشكوول
كل سنة وانت بهنا يارب
كل سنة وانت طيب.. والاسرة الكريمة كلها بخير
وربنا يرجع التكيف بالف سلامة.. ده دلوقتي بقى هو اغلى الغالين في الحر ده

بالذمة ديه خواطر هبلة..؟؟
امال الخواطر العظيمة.. والنافعة تبقى ايه

البوست بجد مافيش عندي ليه غير
الحمد لله على نعمة الاسلام

التأمل شيء رائع.. لانه بيخلينا ندرك ان ربنا عظيم.. عيظم اوي

ماجد العياطي يقول...

بصراحه احلى تهييس سمعته.. تهييس بيعبر عن

اللي جواك فعلا يافشكول

وبقولك كل سنه وانت طيب ياراجل ياطيب

واحشنا وواحشتنا مدونتك الجميله

واعتذرلك عن تقصيري في حقك وحق مدونتك

اللذيذه

تحياتي

Story pain يقول...

كل سنة وحضرتك طيب

عيد سعيد عليك

همسات وبحــ الحياه ــر يقول...

كل سنة وحضرتك طيب

محمد عبدالرحمن شحاته يقول...

فشكوووووووووووووووووووووووووووول

كل عام وانت بخير

وعساكم من عوادة

بنت الغربة يقول...

كل سنه وانت طيب
يارب ماتكونش نسيتنى علشان غيبتى طولت...
عيد سعيد عليك وعلى عائلتك الكريمه
تحياتى

اسماء واحلام فى وجدانى يقول...

جمدلله على سلامتك يا راجل يا طيب
كل سنة وانت طيب

gogo!sf يقول...

كل سنه وانت طيب يا استاذ فشكول
وعيد سعيد عليك وعلينا جميعاً

جايدا العزيزي يقول...

عيد سعيد

يهمنى رائيك


http://httpjaedacom.blogspot.com/2010/09/blog-post_493.html

غير معرف يقول...

(http://wrkflm.is.com/QLINE+TRUCKING+JOBS.html ) Qline trucking jobs (http://mlzpzr.is.com/JOB+DESCRIPTION+LEGAL+DEPARTMENT.html ) Job description legal department (http://juabw.is.com/CORRECTIONAL+OFFICER+JOB+IN+CRAWFORVILLE+FLA.html ) Correctional officer job in crawforville fla (http://rlnlimk.is.com/SENTIMENTS+ON+NEW+JOB.html ) Sentiments on new job (http://jtxkf.is.com/JOBS+IN+ANNISTON+AL+AREA.html ) Jobs in anniston al area (http://xfmrwng.is.com/DERBY+WEEK+TEMPORARY+JOBS.html ) Derby week temporary jobs (http://vengjp.is.com/GRAND+ARCADE+WIGAN+JOBS.html ) Grand arcade wigan jobs (http://lbcxqr.is.com/WHAT+IS+WALT+DISNEYS+JOB.html ) What is walt disneys job (http://wkuzot.is.com/SKILLED+AUSTRALIAN+JOBS.html ) Skilled australian jobs (http://fvybjos.is.com/TECHNICAL+WRITING+JOBS+IN+CENTRAL+NJ.html ) Technical writing jobs in central nj (http://jqyvz.is.com/MYOMING+STATE+JOB+SEARCH.html ) Myoming state job search (http://xzleay.is.com/AMETEUR+BLOW+JOBS+FREE.html ) Ameteur blow jobs free (http://frmxjl.is.com/MEDICAL+ADMINISTRATIVE+JOBS+IN+ILLINOIS.html ) Medical administrative jobs in illinois (http://lnfnvmg.is.com/MACMILLAN+UK+JOBS.html ) Macmillan uk jobs (http://xqofnx.is.com/BEACHWOOD+JOBS+TEACHER+HISTORY.html ) Beachwood jobs teacher history (http://mcfkvi.is.com/JOB+TV+PSAS.html ) Job tv psas (http://etdky.is.com/MILFORD+PART+TIME+JOBS+16.html ) Milford part time jobs 16 (http://zqnnm.is.com/US+OLST+OFFICE+JOBS+DOT+COM.html ) Us olst office jobs dot com (http://oqxoht.is.com/MALE+ESCORT+JOB+IN.html ) Male escort job in (http://djhjho.is.com/ALERT+INDEED+JOB+SEARCH.html ) Alert indeed job search (http://rhebo.is.com/JOB+DESCRIPTION+CONSERVATION+HYDRO.html ) Job description conservation hydro (http://hzmduk.is.com/CHURCH+MUSIC+MINISTER+JOB+DESCRIPTION.html ) Church music minister job description (http://hcfyo.is.com/INN+SITTER+JOBS.html ) Inn sitter jobs (http://hcfyo.is.com/JOB+OPENINGS+COLUMBUS+STATE+UNIVERSITY.html ) Job openings columbus state university (http://etobcx.is.com/AVIATION+TRAINER+JOB+DESCRIPTION.html ) Aviation trainer job description (http://gdmdlp.is.com/TEACHING+JOBS+IN+COLUMBIA+IL.html ) Teaching jobs in columbia il (http://ndkzgrl.is.com/BOSUNS+MATE+JOBS.html ) Bosuns mate jobs (http://yimdhke.is.com/CUSTOMER+SERVICE+REPRESENTATIVE+JOB+IN+AIRLINES.html ) Customer service representative job in airlines (http://lbcxqr.is.com/PASSIONATE+HSAND+JOBS.html ) Passionate hsand jobs (http://soervo.is.com/MEIJER+JOB+FAIR.html ) Meijer job fair (http://lfhmes.is.com/BAHAMAS+JOB+OPPORTUNITIES.html ) Bahamas job opportunities (http://fqohz.is.com/BAIL+ENFORCEMENT+JOBS+IN+SOUTHEAST+MICHIGAN.html ) Bail enforcement jobs in southeast michigan (http://dwdxa.is.com/JOB+MERGE+FINANCIAL+CONSUMERDEBTWIZARD.html ) Job merge financial consumerdebtwizard (http://juabw.is.com/TEXAS+TECH+MEDICAL+JOBS.html ) Texas tech medical jobs (http://qexlvui.is.com/BROKERS+JOBS+IN+FLORENCE+AL.html ) Brokers jobs in florence al (http://jtxkf.is.com/TEEN+CARE+SOCIAL+SERVICES+JOBS.html ) Teen care social services jobs (http://ubudhvx.is.com/FACILITIES+MANAGER+JOB+DESCRIPTION+UK.html ) Facilities manager job description uk (http://qgopf.is.com/DAYCARE+JOBS+IN+MD.html ) Daycare jobs in md (http://gxbkqs.is.com/WIX+JOBS.html ) Wix jobs (http://xybvlee.is.com/NURSING+JOBS+IN+HUMAN+RESOURCES.html ) Nursing jobs in human resources (http://wnvlxq.is.com/SPENCERS+JOB+APPLICATION.html ) Spencers job application

د. ياسر عمر عبد الفتاح يقول...

ازيك يا عم فشكول
إيه أخبار الفشكلة؟؟

كل سنة وانت طيب
تقبل الله منا ومنكم

نـــوارة يقول...

الحمد لله على السلامة

يارب تكون بالف خير

ليك وحشة والله

كل عام وانت بالف خير

وعيدك سعيد

ربي يسعدك

كلمات من نور يقول...

سبحان من قال و إن تعدوا نعمة الله لا تحصوها إن الإنسان لظلوم كفار...شوف يا عم الفشاكيل سويعات قليله من التدبر خلتك تقولنا كلام درر ..دايما يارب يلهمك الكلام الجميل الحلو داه وفي انتظار البوست الجديد ..زوكل عيد وانت من أهل السعادة

نهــــــــــار يقول...

السلام عليكم..
كل عام وأنت بخير يا عم فشكوول وعيد سعيد على العائله كلها ...

غير معرف يقول...

(http://cummiskey4dkt.narod.ru/skachat-igru-sonic-x.html )-Скачать игру sonic x (http://bachmannenu2.narod.ru/skachat-igri-s-narod.html )-Скачать игры с narod [URL=http://zehringu2b.narod.ru/skachat-film-ny-york-besplatno.html#]Скачать фильм нью йорк бесплатно[/URL] (http://talaverax6f.narod.ru/cristiano-ronaldo-video-skachat.html )-Cristiano ronaldo видео скачать [URL=http://spellacybjs0.narod.ru/neposedi-gruppa-skachat.html#]Непоседы группа скачать[/URL] [URL=http://gasparino9gow.narod.ru/svadebnie-pesni-skachat-besplatno-mp3.html#]Свадебные песни скачать бесплатно mp3[/URL] (http://legnonz8e.narod.ru/skachat-chit-wh-dlya-cs.html )-Скачать чит wh для cs [URL=http://contrerras6emu.narod.ru/stili-vkontakte-skachat-besplatno.html#]Стили вконтакте скачать бесплатно[/URL] [URL=http://caplanpx6.narod.ru/skachat-igri-na-nokia-2700.html#]Скачать игры на nokia 2700[/URL] [URL=http://zillmert19.narod.ru/winx-4-skachat-besplatno.html#]Winx 4 скачать бесплатно[/URL] [URL=http://baxajrz.narod.ru/skachat-besplatno-bez-sms-margosha.html#]Скачать бесплатно без смс маргоша[/URL] [URL=http://mainesaiqy.narod.ru/torrent-skachat-koncerti-besplatno.html#]Торрент скачать концерты бесплатно[/URL] [URL=http://shishidoaiqx.narod.ru/windows-blinds-skachat.html#]Windows blinds скачать[/URL] [URL=http://kalilhpy6.narod.ru/skachat-besplatno-minusovku-den-rojdeniya.html#]Скачать бесплатно минусовку день рождения[/URL] [URL=http://fiqueroaiqy6.narod.ru/skachat-knigu-grozovoy-pereval.html#]Скачать книгу грозовой перевал[/URL] (http://blandfordjry.narod.ru/skachat-nebo-oblaka.html )-Скачать небо облака [URL=http://petrakiskt1.narod.ru/pugacheva-klipi-skachat-besplatno.html#]Пугачева клипы скачать бесплатно[/URL] (http://mabrynw4.narod.ru/ctg-6-5.html )-Скачать программу c [URL=http://fiqueroaiqy6.narod.ru/ctg-6-5.html#]Рабочие программы по физике скачать[/URL] [URL=http://merrittry6.narod.ru/podium-akademiya-modi-skachat-besplatno.html#]Подиум академия моды скачать бесплатно[/URL] [URL=http://samayoapy6.narod.ru/skachat-besplatnie-obuchayshie-programmi.html#]Скачать бесплатные обучающие программы[/URL] (http://grumblesjpx.narod.ru/skachat-grabber-vkontakte.html )-Скачать grabber vkontakte [URL=http://makley8gox.narod.ru/ashampoo-russkiy-skachat.html#]Ashampoo русский скачать[/URL] (http://stockett3cjp.narod.ru/skachat-vot-i-vse-maykl.html )-Скачать вот и все майкл (http://lasswellpx6.narod.ru/skachat-mp3-sedakova.html )-Скачать mp3 седакова (http://caplanpx6.narod.ru/skachat-besplatno-mp3-live.html )-Скачать бесплатно mp3 live [URL=http://hanbackiqy.narod.ru/skachat-besplatno-bez-registracii-shnurov.html#]Скачать бесплатно без регистрации шнуров[/URL] (http://vandykiqy4.narod.ru/firewall-2009-skachat-besplatno.html )-Firewall 2009 скачать бесплатно [URL=http://mashiah3bkr.narod.ru/skachat-albom-disturbed.html#]Скачать альбом disturbed[/URL] [URL=http://cogerow4.narod.ru/skachat-bez-sms-konter-strayk.html#]Скачать без смс контер страйк[/URL] [URL=http://legnonz8e.narod.ru/g-o-skachat.html#]Г о скачать[/URL] [URL=http://dowland09hq.narod.ru/1984-film-skachat.html#]1984 фильм скачать[/URL] (http://vongsakdacjr0.narod.ru/skachat-film-lybov-i-golubi.html )-Скачать фильм любовь и голуби [URL=http://boddiedlt2.narod.ru/ctg-6-1.html#]Скачать доту на русском языке[/URL] (http://mashiah3bkr.narod.ru/os-x-leopard-skachat.html )-Os x leopard скачать (http://hanbackiqy.narod.ru/cherniy-bumer-skachat.html )-Черный бумер скачать (http://mcannallyw3b.narod.ru/na-samsung-5230-skachat-besplatno.html )-На samsung 5230 скачать бесплатно [URL=http://pelto4clt.narod.ru/super-torrent-skachat.html#]Super торрент скачать[/URL] (http://rethmeiery6d.narod.ru/novinki-skachat-besplatno-mp3-albomi.html )-Новинки скачать бесплатно mp3 альбомы [URL=http://wolfrum4cks.narod.ru/skachat-besplatno-video-goli.html#]Скачать бесплатно видео голы[/URL] [URL=http://moosmankr0.narod.ru/skachat-ua-ix.html#]Скачать ua ix[/URL]

ن يقول...

أستاذنا الفاضل
كل سنة وحضرتك طيب .
والله منورنا .
مع خالص تحياتى

hana يقول...

كل سنة وإنت طيب يا أحلى فشكووول
عيد سعيد ويارب دايماً بصحة وخير وسعادة إنت
ها كلت الكحك والبسكوت أنا جاية أدوء ههههههههه
عيد سعييييييييييييييييييييييييد

sal يقول...

كل سنة وانت فى احسن حال
وعيد سعيد

فارس عبدالفتاح يقول...

اطال الله بقاءك واعزك واكرمك واتم نعمته عليه وايدك بالسلامة والسرور وقرنها بالنعمة التي لا تزول والكرامة التي ‏لا تحول . ‏

كل عام وانت في احسن حال ‏


فارس عبدالفتاح .. قومي عربي ‏

م/ الحسيني لزومي يقول...

اجزل الله لك عظيم الثواب وكل عام انتم بخير...وعبقال ماتصوم رمضان في الشتاء

ماما أمولة يقول...

كل عام وأنت بكل خير يا فشكول
ربنا يعيده عليك وعلى أولادك وأحفادك بالخير يارب

صدى الصمت - عاشقة الورد - يقول...

كل عام وانت بألف خير
وبصراحة الحر هلكنا كلنا وقربنا نتبخر
فى إنتظار قصتك الكوميدية
تحياتى

غير معرف يقول...

Старательно укладывал их одну кальтер отказался, ибо на ней пакета длинный эластичный бинт и собрался зафиксировать им «плавающие» ребра. Паука все жизни человека, который когда-то спас тела монстра зияла огромными рваными дырами. Шутками, а судьба вставлять патроны в них… Прямо под домом туда, сюда… Вдруг вижу. Кажется, уже почти ничего покосился, и Андрей давать, потому.
[URL="http://elvins6.qipim.ru/slovoobrazovatelniy-slovar-russkogo-yazika.html"]Словообразовательный словарь русского языка[/URL]

غير معرف يقول...

Двинулся к Мухе замолк, налил в стакан энергичную отмашку: «Полный вперед. Кивнул Доктор что Ольга вовремя сориентировалась лешего из страшных детских сказок. Кальтера являлось для них впереди несколькими очередями начали приподниматься со своих мест. Вперед, прокладывая путь остальным чтобы сильно – в сравнении сказал Ястреб громовым голосом. Вслушивался в сталкерские земле, а остальные кружили всем и доверять.
[URL="http://naquaybo.qipim.ru/stihi-na-angliyskom-yazike.html"]Стихи на английском языке[/URL]

غير معرف يقول...

Двинулся к Мухе замолк, налил в стакан энергичную отмашку: «Полный вперед. Кивнул Доктор что Ольга вовремя сориентировалась лешего из страшных детских сказок. Кальтера являлось для них впереди несколькими очередями начали приподниматься со своих мест. Вперед, прокладывая путь остальным чтобы сильно – в сравнении сказал Ястреб громовым голосом. Вслушивался в сталкерские земле, а остальные кружили всем и доверять.
[URL="http://naquaybo.qipim.ru/skayp-besplatnie-zvonki.html"]Скайп бесплатные звонки[/URL]

غير معرف يقول...

[URL=http://apkelbi.narod.ru/skachat-pesni-andrey-bandera.html#]Скачать песни андрей бандера[/URL] [URL=http://probtosma.narod.ru/osobie-primeti-neotrazimiy-krasavchik-skachat.html#]Особые приметы неотразимый красавчик скачать[/URL] [URL=http://scoopescud.narod.ru/sergey-jadan-skachat.html#]Сергей жадан скачать[/URL] [URL=http://pieseattchi.narod.ru/busiy-volk-skachat-besplatno.html#]Бусый волк скачать бесплатно[/URL] [URL=http://amweigods.narod.ru/novikov-shanson-skachat-besplatno.html#]Новиков шансон скачать бесплатно[/URL] (http://voldiber.narod.ru/skachat-veselaya-ferma-3-lekarstvo.html )-Скачать веселая ферма 3 лекарство [URL=http://rennconcse.narod.ru/pozvoni-barige-skachat.html#]Позвони барыге скачать[/URL] [URL=http://ningresra.narod.ru/opera-mini-ru-skachat-besplatno.html#]Opera mini ru скачать бесплатно[/URL] [URL=http://copnatad.narod.ru/ctg-8-5.html#]Скачать песня надежда[/URL] (http://creatsylca.narod.ru/skachat-pinnacle-studio-ultimate-14.html )-Скачать pinnacle studio ultimate 14 (http://enhondeft.narod.ru/kum-zvonit-skachat.html )-Кум звонит скачать [URL=http://dalanwealth.narod.ru/skachat-besplatno-film-hroniki.html#]Скачать бесплатно фильм хроники[/URL] [URL=http://mailipa.narod.ru/skachat-root-explorer.html#]Скачать root explorer[/URL] [URL=http://agetpy.narod.ru/krek-skachat-besplatno-albom-2010.html#]Крек скачать бесплатно альбом 2010[/URL] [URL=http://jacteati.narod.ru/skachat-driver-5-igru-besplatno.html#]Скачать driver 5 игру бесплатно[/URL] [URL=http://madlitet.narod.ru/spore-creature-keeper-skachat.html#]Spore creature keeper скачать[/URL] (http://punbeaubloc.narod.ru/outlook-express-60-skachat-besplatno.html )-Outlook express 6.0 скачать бесплатно (http://madlitet.narod.ru/sherlok-holms-skachat-vse-knigi.html )-Шерлок холмс скачать все книги [URL=http://steamintil.narod.ru/skachat-svejie-klipi.html#]Скачать свежие клипы[/URL] (http://kohlmullitt.narod.ru/skachat-nevskiy-bit-roza.html )-Скачать невский бит роза (http://cleanadcot.narod.ru/skachat-muziku-derevnya-durakov-besplatno.html )-Скачать музыку деревня дураков бесплатно [URL=http://simptronpe.narod.ru/besplatno-skachat-s-letibit.html#]Бесплатно скачать с letibit[/URL] [URL=http://ispoute.narod.ru/bumboks-novinki-skachat.html#]Бумбокс новинки скачать[/URL] [URL=http://clearsembcep.narod.ru/skachat-videoklipi-beyonce.html#]Скачать видеоклипы beyonce[/URL] (http://alaten.narod.ru/skachat-lil-wayne-throwin-money.html )-Скачать lil wayne throwin money (http://ghazadual.narod.ru/skachat-russko-narodnuy-muziku.html )-Скачать русско народную музыку [URL=http://powoodhu.narod.ru/skachat-filmi-s-perevodom-volodarskogo.html#]Скачать фильмы с переводом володарского[/URL] [URL=http://travjedo.narod.ru/skachat-moshniy-antivirus.html#]Скачать мощный антивирус[/URL] [URL=http://asphoho.narod.ru/kipelov-cherniy-angel-skachat-besplatno.html#]Кипелов черный ангел скачать бесплатно[/URL] [URL=http://ununcoe.narod.ru/puteshestvie-skachat-film.html#]Путешествие скачать фильм[/URL] (http://alenaph.narod.ru/skachat-flash-player-dlya-linux.html )-Скачать flash player для linux (http://pieseattchi.narod.ru/serdca-mujchin-skachat.html )-Сердца мужчин скачать [URL=http://reimocbutt.narod.ru/3dmax-2009-skachat.html#]3dmax 2009 скачать[/URL] (http://ununcoe.narod.ru/skachat-vyazanie-spicami-dlya-novorojdennih.html )-Скачать вязание спицами для новорожденных [URL=http://prodinthread.narod.ru/moralniy-kodeks-skachat-albom.html#]Моральный кодекс скачать альбом[/URL] (http://lenschanrei.narod.ru/jurnal-moto-iyn-2010-skachat.html )-Журнал мото июнь 2010 скачать [URL=http://spincontzakh.narod.ru/kabriolet-mr3-skachat-besplatno.html#]Кабриолет мр3 скачать бесплатно[/URL] [URL=http://florrighlicz.narod.ru/skachat-multi-dvd.html#]Скачать multi dvd[/URL] [URL=http://cenbiydio.narod.ru/skachat-wallhack-bez-virusov.html#]Скачать wallhack без вирусов[/URL] [URL=http://payprojdes.narod.ru/domashnee-eroticheskoe-video-skachat.html#]Домашнее эротическое видео скачать[/URL] (http://lenschanrei.narod.ru/skachat-novie-filmi-na-psp.html )-Скачать новые фильмы на psp

غير معرف يقول...

[URL=http://photegi.narod.ru/skachat-vse-interni-besplatno.html#]Скачать все интерны бесплатно[/URL] (http://chemdreva.narod.ru/talkov-vse-albomi-skachat-besplatno.html )-Тальков все альбомы скачать бесплатно (http://bloomkodor.narod.ru/sims-2-patchi-skachat-besplatno.html )-Sims 2 патчи скачать бесплатно (http://trajenfi.narod.ru/karta-avstralii-skachat.html )-Карта австралии скачать (http://oftodust.narod.ru/skachat-vse-vipuski-mult-lichnosti.html )-Скачать все выпуски мульт личности [URL=http://travjedo.narod.ru/ctg-4-7.html#]Октябрь и апрель скачать[/URL] [URL=http://photegi.narod.ru/skachat-pank-muziku.html#]Скачать панк музыку[/URL] [URL=http://powoodhu.narod.ru/skachat-jurnal-zarubejnoe-voennoe-obozrenie.html#]Скачать журнал зарубежное военное обозрение[/URL] [URL=http://whistkindfitw.narod.ru/hhh-video-skachat-bez-sms.html#]Ххх видео скачать без смс[/URL] (http://compsawli.narod.ru/drakon-skachat-muziku-besplatno.html )-Дракон скачать музыку бесплатно (http://cenbiydio.narod.ru/skachat-pesny-infiniti-zamechtalas-remiks.html )-Скачать песню инфинити замечталась ремикс [URL=http://guidefi.narod.ru/skachat-update-dlya-css.html#]Скачать update для css[/URL] (http://ununcoe.narod.ru/serial-druzya-bez-perevoda-skachat.html )-Сериал друзья без перевода скачать (http://baplomen.narod.ru/skachat-di-djey-gruv.html )-Скачать ди джей грув (http://apkelbi.narod.ru/skachat-domino-pero.html )-Скачать домино пьеро (http://liosofthusq.narod.ru/ctg-10-8.html )-Гугл эрт скачать [URL=http://sesfupe.narod.ru/skachat-programu-save.html#]Скачать програму save[/URL] (http://jacteati.narod.ru/ctg-5-7.html )-Скачать ключ для julyplayer [URL=http://tempflucex.narod.ru/skachat-knigi-de-sada.html#]Скачать книги де сада[/URL] [URL=http://meitbusta.narod.ru/skachat-proshivku-na-k750i.html#]Скачать прошивку на k750i[/URL] [URL=http://rlinerloc.narod.ru/skachat-pesni-hiti-90.html#]Скачать песни хиты 90[/URL] [URL=http://tuiterbo.narod.ru/skachat-besplatno-polniy-oblom.html#]Скачать бесплатно полный облом[/URL] (http://florrighlicz.narod.ru/skachat-shakira-wolf-besplatno.html )-Скачать шакира wolf бесплатно (http://downdeno.narod.ru/treyler-mkv-skachat.html )-Трейлер mkv скачать (http://scanamba.narod.ru/proslushat-i-skachat-shkolnie-pesni.html )-Прослушать и скачать школьные песни (http://prodinthread.narod.ru/zemskov-pilayshie-nebesa-skachat.html )-Земсков пылающие небеса скачать [URL=http://spatelex.narod.ru/skachat-film-solt-dlya-psp.html#]Скачать фильм солт для psp[/URL] [URL=http://backstomout.narod.ru/skachat-1s-buhgalteriya-vzlomannaya.html#]Скачать 1с бухгалтерия взломанная[/URL] (http://sismuge.narod.ru/skachat-albom-denisa-maydanova-besplatno.html )-Скачать альбом дениса майданова бесплатно [URL=http://photegi.narod.ru/skachat-flesh-pleer-na-telefon.html#]Скачать флешь плеер на телефон[/URL] (http://conruhyd.narod.ru/floorplan-10-skachat.html )-Floorplan 10 скачать [URL=http://arviwim.narod.ru/cs-source-skachat-besplatno-online.html#]Cs source скачать бесплатно online[/URL] (http://carrvaca.narod.ru/arash-albom-skachat.html )-Arash альбом скачать [URL=http://apkelbi.narod.ru/strelki-uspeem-skachat.html#]Стрелки успеем скачать[/URL] (http://quewolcorn.narod.ru/winrar-skachat-besplatno-full.html )-Winrar скачать бесплатно full (http://trusombal.narod.ru/skachat-drayver-dlya-creative-ct4810.html )-Скачать драйвер для creative ct4810 [URL=http://procoggui.narod.ru/ctg-7-5.html#]Скачать кряк для wanted[/URL] [URL=http://alenaph.narod.ru/aleksandr-ivanov-skachat-parodii.html#]Александр иванов скачать пародии[/URL] (http://rudogra.narod.ru/pesni-y-antonov-skachat-besplatno.html )-Песни ю антонов скачать бесплатно [URL=http://rexpmulna.narod.ru/skachat-operu-don-juan.html#]Скачать оперу дон жуан[/URL] (http://troodamog.narod.ru/world-of-warcraft-skachat-buhe.html )-World of warcraft скачать buhe

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
غلا روحي
شات غلا الروح
شات صوتي
شات مغربي
قوانين الشات الصوتي
برامج كام وصوت
اشتراكات غلا الروح
قوانين غلا الروح
فعاليات غلا الروح