الخميس، 29 يناير، 2009

ارض كنعان - فلسطين وجبال الصبر 3

قبل ما ندخل فى الموضوع ونقول على قصة اليهود ودخولهم فى فلسطين لازم نشوف مين هما الجنس اليهودى ( اللى هو الاسرائيلى)


والجنس اليهودى اللى هما من ابناء يعقوب عليه السلام ويعتبرون هم اصل الاسرائيليين عشان سيدنا يعقوب كان اسمه (اسرائيل) زى ما الواحد يبقى اسمه محمود مثلا والناس تناديه بحسن مثلا وسيدنا يعقوب او (اسرائيل) جاب اثنى عشر ولدا اللى بيقولوا عليهم الاسباط .. يعنى كل ولد فيهم كان سبط والاسباط دول آباء واجداد بنى اسرائيل الذين تكاثروا بمصر ابان اقامتهم فيها .. طبعا كلكم عارفين قصة سيدنا يوسف وازاى أخد اخوته كلهم الى مصر ... وازاى حافظ الاسرائيليين على نسلهم نقيا فى مصر حتى كان خروجهم منها مع سيدنا موسى عليه السلام .. خرج مع الجماعه دول بقى جموع من المصريين الساخطين والاسارى والعبيد .. وكان هذا اول اختلاظ للدم اليهودى .. برضه حصل اختلاط آخر فى الموطن الشمالى لنهر الراين اللى وفد اليه جماعه من الاسباط على اثر احدى هزائمهم واختلطوا فى الطريق بأوربا بعناصر سوريه واناضوليه .. وبمرور الزمن دخل عدد كبير من سكان هذه المناطق فى الديانه اليهوديه وكمان دخلوا فيهم وتزاودوا منهم وحصل هجرات كتيره بعضهم استوطن بولندا وبعضهم استوطن روسيا وتفرق بعضهم فى اوربا .


شوفوا بقى رامبروزو بيقول ايه ( ان اليهود المحدثين هم ادنى الى الجنس الآرى منه الى الجنس السامى نتيجة لاختلاط اليهود وتزاوجهم من الجنس الآرى وانضم اليهم فى جميع العصور صنوفا شتى من مختلف الاجناس .. فمنهم الفلاشا ذو البشره السوداء .. ومنهم الالمان ذو السحنه الالمانيه .. ومنهم الثامل اليهود السود فى الهند وغيرهم .. ولا يتصور ان اليهودى ذو الوجه الحسن البديع والشعر الاشقر او الكستنائى والعيون الزرقاء الصافية اللون او الخضراء ممن تلقاهم اليوم فى اسرائيل او اوربا او امريكا يمتون بصلة الدم للاسرائيليين الساميين). خلوا بقى دا على جنب وخلينا نخش فى صلب الموضوع.


طبعا الكل عارف قصة خروج سيدنا موسى من مصر وايه الاسباب اللى ادت الى ذلك وقصة مع فرعون وكذلك قصته مع سحرة فرعون وايمان السحره به وتطور الموضوع حتى خرج سيدنا موسى مع قومه الى سيناء بعد مطاردة فرعون له هو وقومه وقصة انشقاق البحر واطباقه على فرعون وجنوه .. كلكم عارفين الحكايه دى .. المهم دخل سيدنا موسى الى سيناء مع قومه.


تعالوا بقى نشوف قوم سيدنا موسى عملوا ايه معاه فى سيناء:

كان سيدنا موسى بالنسبه للشعب الاسرائيلى فى مصر قائدا وليس رسولا ولما خرج بيهم من مصر وحصلوا على بغيتهم انقلبوا عليه ...ازاى .. عند صعود سيدنا موسى الى جبل الطور وقصة سيدنا موسى كليم الله على جبل الطور .. رجع بقى لهم شوفوا لقاهم بيعملوا ايه ؟


فيه واحد اسمه السامرى ..كان من قوم يعبدون البقر جيران لبنى اسرائيل وكان خرج مع من خرج من قوم موسى .. السامرى ده عمل لهم عجل عشان يعبدوه فى غيبة سيدنا موسى بالرغم من وجود سيدنا هارون النبى فى وسط القوم .. لكن السامرى اغوى القوم وضرب عرض الحائط بكلام هارون النبى وعمل العجل وكان للعجل خوار (فتح فتحه فى مؤخرة العجل لحد راسه زى الزماره كدا عشان الهوا لما يفوت فيها تعمل خوار) المهم اليهود عبدوا العجل ده وكمان عبدوا حاجات كتيره زى عشتروت وبعل ومولك وعبدوا الحيه المقدسه والبلعيم والمشتارت وآلهة حيدوم وألهة مؤاب والهة بنى عمون وغيرها .. كل ده فى اربعين يوم.


تعالوا بقى نخش على الموضوع الاصلانى:

سيدنا موسى رد قومه الى دينهم الاصلى ليعبدوا الله (يهوه) الله فى اللغة العبريه (يهوه) ويمكن كلمة يهوه حرفت الى يهود .. وفيه بعضهم بيقول نسبه الى يهوذا احد ابناء يعقوب .. المهم سيدنا موسى اخد بنى اسرائيل وبدأ يسير بهم تجاه فلسطين التى وقف اهلها فى وجه الاسرائيليين فخاف منهم الاسرائيليين وقالو لموسى ان فيها قوما جبارين ولن ندخلها حتى يخرجوا منها (اذهب انت وربك فقاتلا انا هاهنا قاعدون) فحكم الله عليهم بالتيه اربعين سنه شوفوا بقى حكمة ربنا بالحكم ده ايه .. عشان كل الجبناء من بنى اسرائيل يموتوا ويولد جيل جديد تربى على الشجاعه وعدم الخنوع ويقدروا يدخلوا ارض فلسطين اللى ربنا وعدهم بيها وكان هذا اول تقاطع بين الاسرائيليين وارض فلسطين .. خدوا بالكم اليهود بيعتمدوا على الوعد ده .. ربنا قال فى كتابه الكريم (يا قوم ادخلوا الارض المقدسة التى كتب الله لكم ولا ترتدوا على ادباركم فتنقلبوا خاسرين .. قَالُوا يَا مُوسَىٰ إِنَّ فِيهَا قَوْمًا جَبَّارِينَ وَإِنَّا لَنْ نَدْخُلَهَا حَتَّىٰ يَخْرُجُوا مِنْهَا فَإِنْ يَخْرُجُوا مِنْهَا فَإِنَّا دَاخِلُونَ (22)) .. يعنى هما خدوا بالهم من الوعد دا ومتمسكين بيها وبينكروا كل اللى بيقول انهم خرجوا عن الشرع وعن الشريعه لما انكروا سيدنا عيسى وبعدين سيدنا محمد ..


المهم مات سيدنا هارون اثناء فترة التيه ودفن فى جبل (هور)

وكمان مات سيدنا موسى برضه اثناء فترى التيه ودفن فى كثيب احمر بالقرب من فلسطين ولم يدخلها ابدا

وتولى يوشع بن نون قيادة بنى اسرائيل .. مين هو يوشع بن نون بقى .. اقول لكم

فى مدونة الاستاذ (عمرو جويلى) قصة سيدنا يوشع بن نون ممكن تقروها لكن ملخصها الأتى (قصة يوشع بن نون عليه السلام سيرته: لم يخرج أحد من التيه ممن كان مع موسى. سوى اثنين. هما الرجلان اللذان أشارا على ملأ بني إسرائيل بدخول قرية الجبارين. ويقول المفسرون: إن أحدهما يوشع بن نون. وهذا هو فتى موسى في قصته مع الخضر. صار الآن نبيا من أنبياء بني إسرائيل، وقائدا لجيش يتجه نحو الأرض التي أمرهم الله بدخولها. خرج يوشع بن نون ببني إسرائيل من التيه، بعد أربعين سنة، وقصد بهم الأرض المقدسة. ,كانت هذه الأربعين سنة -كما يقول العلماء- كفيلة بأن يموت فيها جميع من خرج مع موسى عليه السلام من مصر، ويبقى جيل جديد تربى على أيادي موسى وهارون ويوشع بن نون، جيل يقيم الصلا ويؤتي الزكاة ويؤمن بالله ورسله) تولى يوشع بن نون قيادة بنى اسرائيل فارسل رسولين للتجسس فدخلا بيت امرأه زانيه تسمى (راحاب) وبعد بضعة ايام دخل بنوا اسرائيل مدينة اريحا وقتلوا كل من فيها من انسان وحيوان وحرقوا المدينه كلها وهكذا استولى بنوا اسرائيل على ارض الكنعانيين بالقتل والتشريد( خدوا بالكم هما الحين برضه ما بيهمهمش بيقتلوا ويشردوا وما عندهمش رحمه لا فى القتل ولا فى التشريد وحتى اطفال غزه بيموتوا من قلة الاكل واللبن وحتى العيانين فى المستشفيات) هى دى عقيدتهم ودينهم اللى بيؤمنوا بيه)
لحد هنا عرفنا ايه قصة اليهود مع ارض الميعاد اللى بيقولوا عليها وازاى جم فلسطين وكيف نشأت العداوه بين الشعب الكنعانى (الجبارين) والشعب اليهودى والاصول التاريخيه لذلك.
بعد كدا ان شاء الله حنشوف هما قعدوا قد ايه وحصل لهم ايه وبعدين ازاى هما خرجوا من ارض فلسطين اكتر من مره وعلوا فى الارض اكتر من مره ووعد الله لهم ان عدتم عدنا .. فى الحلقه القادمه ان شاء الله.
والى اللقاء فى الحلقه القادمه

هناك 73 تعليقًا:

عاشقه الرومانسيه يقول...

انا هاحجز اول تعليق
واقرا البوست وراجعه حااااااااااااااااالا

عاشقه الرومانسيه يقول...

جميل الموضوع يا استاذى العزيز فشكول
وكالعاده استفدت منه طبعا بمعلومه جديده

اشكرك

هانى زينهم يقول...

انا حظى حلو باقى عشان هابقى تانى او تالت تعليق . اجمل حاجة بجد فى الحلقات دى انك بتشدنا للحلقة الجاية ولو انى مش هاكدب عليك عايز حضرتك تكمل الحلقات دى لغاية حرب اكتوبر وفى حلقة اكتوبر دى بقى على اقل من مهلك عشان بجحد هتبقى احداث ممتعة اوى بتوضيحك ده .

ماما أمولة يقول...

ما شاء الله يا استاذي

انا متابعة جيدة

جزاك الله على مجهودك

والى لقاء اخر

دمت بخير

fashkool يقول...

عاشقه الرومانسيه
آمل ان اكون عند حسن ظنك وان تكونى استفدتى من الموضوع ..
تحياتى


استاذ هانى زينهم
ان شاء الله اعمل حلقه كبيره عن حرب اكتوبر لانى احد شاهدى عيان هذه الحرب وكمان ان شاء الله اقول حاجات كتير عن العسكريه المصريه فى هذا الوقت وعن حاجات كتير قوى
تحياتى


ماما اموله هانم
والله دايما منورانا وبتشرفينا بقراءاتك وبتنورى المدونه بتعليقاتك
دمت بكل الخير

Dr Ibrahim يقول...

كده تمام يا استاذنا


الله ينور

مستنيين القادم..

ماما امولة يقول...

www.elhaqeqa.com

امولة هانم مرة واحدة

ليه بس كدا

اللينك اعلاه في مشكلة تامر

جزاك الله كل الخير

استاذي الغالي

mohamed ghalia يقول...

بجد مش عارف أقلك ايه على معلوماتك الهايلة دى
فعلا ربنا يكرمك
دمت بكل الود

كلنا مقاومة يقول...

السلام عليكم

ملحوظة أرجو أن تقبها بصدر رحب

لا تسهل لمن يقرأ بأن يحصل على المعلومة باللغة العامية فنحن في أمس الحاجة الى العودة الى أصل اللغة ولا بد أن نتعود على استخدامها والفهم بها خاصة ان كانت مبسطة أى ليس بها ألفاظ معقدة أو غريبة فبرجاء استاذنا الكريم أن تكون حصنا لهذه اللغة التى قتلناها بعاميتنا


أما الأمر الثاني فأعتقد أنك بما تملك من معلومات ستكون اسئلة المسابقة الموجودة بالمدونة سهلة عليك فرجاء المرور علينا وحلها فهناك جوائز أيضا

ahmed_k يقول...

أحييك جدا استاذي الفاضل
على تلك السلسله القيمه
والتي إستفدت منها جدا
فحربنا ضد اعداء الإنسانية اليهود
تستلزم منا العلم بالتاريخ الذي يربطهم بأرض فلسطين
ويتشدقون به في المطالبه بحق ليس لهم,
فكونهم تخلوا عنها وتركوها لا تدع لهم فيها حقا
ومن هنا يجب التأكيد على تعريف الوطن
أهو محل الميلاد
ام محل المقام
أم ميلاد الأب والجد
يعني مثلا الأرمن اللي هاجروا زمان من أرمينيا هل لهم حق هناك أم حقهم هنا
في مصر وغيرهم كالعرب الذين هاجروا من مئات السنين من الجزيرة العربية لمصر
هل موطنهم مصر أم الحجاز ام هم بلا وطن
وحتى هؤلاء ترجع اصولهم لليمن,
فالوطن لمن إستوطن
وليس فقط بإستوطان الآباء والأجداد

تقبل يا أستاذي الفاضل خالص تحياتي
وفي إنتظار باقس سلسلتك الرائعه

gana magde يقول...

استاذى العزيز فشكول

اولا ازيك عامل ايه

ثانيا معلومات قيمة امتداد لايات القران من اول الاسباط وقصة سيدنا يوسف مرورا بقصة سيدنا موسى مع فرعون وسحرته ثم السامرى الذى اضلهم وصنع لهم عجلا جسدا له خوار ومعاتبة سيدنا موسى لاخيه هارون ورده فيما معناه يابن امى لاتاخذا بلحيتى ولا براسى ان القوم استضعفونى وكادوا يقتلوننى الى اخر القصه

وطبعا هنك تلك المعلومات التى قد تكون لم ترد فى القران كالاصل الحقيقى لليهود الان

عموما مادة ثريه وبها الكثير من المعلومات القيمة

تقبل تحياتى

mohamed يقول...

أخى العزيز فشكول
جهد رائع ما تقوم به
فصدقنى أن كثير من الشباب لايعلم
هذه المعلومات.
فقد أعاد الصهاينه بمنتهى البجاحه
تشكيل التاريخ فى أذهان العالم الغربى
والكارثه أنهم يعيدوا تشكيله فى أذهان
العرب
وبالتالى فما تقوم به هو فشكلت ما يفعله الصهاينه وأعادة سرد التاريخ من جديد
سيدى التمله بأصرارها على الهدف تصل
اليه أسرع من الصاروخ الذى فقد أإتجاهه
تقديرى وأحترامى

doctor mohamad يقول...

فشكول .. تسلم إيدك _ عندى ملحوظة .. قلت "كان موسى بالنسبة لليهود فى مصر قائدا و ليس رسولا" .. تقصد إن ده من وجهة نظرهم ؟ لإنك كما تعلم كونه رسول ثابت بالقرآن الكريم قبل دخوله لمصر .. لإن كلمة "فى مصر" أشعرتنى إن الرسالة جاءته بعد خروجه من مصر .. ولعلك قصدت إيضاح وجهة نظرهم ع الإطلاق "كان موسى بالنسبة لليهود قائدا أكثر منه رسولا" .. عندى سؤال كمان : جيش يوشع حرق المدينة و قتل كل من فيها؟؟ هل ده ثابت فعلا تاريخيا؟ _ تسلم إيدك مرة تانية.

اللؤلؤة يقول...

السلام عليكم
أستاذى ومعلمى
أشكرك يا أستاذى العزيز على زيارتك لمدونتى وذا شرف كبير لى والفضل يرجع لك فى كل شىءفحضرتك كنت ومازلت نبراسا لى فى كل شى وأشكر على تعليقك الجميل.
نورتنى وشرفتنى.

دمتم فى رعاية الله

اللؤلؤة يقول...

السلام عليكم
أستاذى ومعلمى لك منى
واللله معلومات كثير من الشباب ومنهم أنا لا يعلمون عنها شيئا أفادك الله وجزاك الله عنا خير الجزاء
لك جزيل شكرى على تنويهك عقصة يوشع بن نون

دمتم فى رعاية الله

fashkool يقول...

د. ابراهيم
أ محمد غاليا
تحياتى
اشكركم ونورتونى وشرفتونى واتمنى ان اكون عند حسن ظنكم


جنه مجدى .. تحياتى
لم اتطرق الى التفصيلات وهى كثيره جدا لانى فقط اكتب من الجهة التى توثق للموضوع
اشكرك على تعليقك

fashkool يقول...

استاذ احمد K
تحياتى .. انا بيقولوا على اصلى حجازى .. خلاص ارفع بقى قضيه على الحجاز واخد الجنسيه خصب عنهم بالرغم من انى واجدادى واجداد اجدادى مولودين فى مصر .. تلقيح جتت بقى
تحياتى


أستاذ محمد :
هذا جهد متواضع منى اتمنى ان يطلع عليه كل ما لا يعرف عن القضيه حتى يكون ملم بابجديات الموضوع على الاقل .. والموضوع فيه تفصيلات كثيره لم اتضرق اليها
اشكرك على الزياره . وتحياتى

fashkool يقول...

دكتور محمد .. تحياتى
بتجرنى وراك لمناقشه طويله ومفصله عن حقائق نحيتها جانبا .. لكن لأن السؤال مهم ..
بسم الله اقول اللى عندى ورزقى على الله
بالنسبه لسيدنا موسى
نعم هم كانوا يعترفون بانه رسول ونبى ولكنهم كانوا يعتبرونه قائدا لهم ايضا ولانهم بتوع(اذهب انت وربك فقاتلا انا هاهنا قاعدون)كانوا يلقون بالاحمال كلها على سيدنا موسى عليه السلام .. اما بالنسبه لنا وايماننا بموسى ورسالته فحدث ولا حرج
بالنسبه لحرق المدينه التى غزاها يوشع بن نون وقتل اهلها .. بيقول ابن كثير فى قصص الانبياء ص 340 ط مطبعة المنصوره انه قتل فى طريقه الى اريحا 12000 الف رجل وامرأه .. لكن انا عندى اشكاليه فى حكاية اريحا دى .. يعنى ايه اللى وداه اريحا فى الشرق خالص وهو كان فى الغرب خالص وبينهم وبين بعض صحراء النقب .. طبعا يمكن الاشكاليه دى محلوله .. لكن انا اللى جاهل ومش عارف عنها حاجه .. لكن حاحاول اعرفها ..
تحياتى يا دكتور

fashkool يقول...

استاذ عمرو الغالى .. تحياتى
يعنى يا استاذ عمرو تبقى المعلومه بتاعتك وانا اسرقها .. لازم كل واحد ياخد حقه ويرد الفضل لاهله ..
اشكرك جدا على تعليقك
ونورتنى
تحياتى

اللؤلؤة يقول...

السلام عليكم و رحمة الله و بركاته
فشكوووولى العزيز:
شكرا على زيارتك لمدونتى
و يا رب ميحرمنى منك و لا تعليقاتك الجميلة.
أما بالنسبة للفضل فهو لك لأنك تبذل المجهود الكبير من أجل توفير معلومات قيمة كنت فى حاجة إليها
دمت فى رعاية الله

kochia يقول...

بستمتع جدا وانا هنا
بجد التاريخ منك ممتع

اشكرك جدا علي معلوماتك الجميلة دي

كل التحية

من غير عنـــوان يقول...

ماشاء الله على معلوماتك، وطريقة السرد
الله ينور

تحياتي

من غير عنـــوان يقول...

ماشاء الله على معلوماتك، وطريقة السرد
الله ينور

تحياتي

mohamed يقول...

شكرا لزيارتك ولقد كتبت تعليق عما حدث فى مؤتمر دافوس فتكرم بزيارتى

نهــــــــــار يقول...

السلام عليكم ...
عمي فشكول ...
إزيك ؟؟ أن شاء الله بخير..
وشي منك في الأرض بجد أنا آسفه لغيابي وتأخري بس لظروف خارج إرادتي..
طبعا أنا متابعه معك...
....
دمت دوما في هذه الهمه..
وتمتعنا بمواضيعك ...
....
دمت بخير

حنان سعيد يقول...

بجد بجد
ربنا يخلي حضرتك وتفيدنا ديما بالمعلومات القيمه دي
بجد سعيده اووووي بالمعلومات القيمه دي
ومستنيه وبشغف باقي الاجزاء
تحياتي لحضرتك

هــو..مش ..نـو يقول...

انا كنت اعتزلت الهوهوه...
وعلشان خاطرك رجعت اهوهو تاني...من فضلك صحح نص الآيه ...ان بها قوما جبارين..وعلشان نكتب نصوص الايات صح ..فيه برنامج وورد محمل عليه نصوص القران ...خلي البنت بنت اخت حضرتك تهوهولك..تدورلك عليه ...
انا بصراحه بحبك قوي ...وحبيتك اكتر لما لقيتك مصر اصرار غير عادي علي زيارتي دايما ...بحبك يا فشكول باشا.
شكرا وهوهوه بقي..

Soul.o0o.Whisper يقول...

fashkool


فيلسوفى العزيييييز

بجد يا سول .. انت بقيت مشكله*

مشكلة حته واحدة؟؟
:)


ربنا كرم الانسان وحمله الامانه التى نآت عنها السماوات والارض والجبال وحملها الانسان انه كان ظلوما جهولا *

فعلا يا حضرة الفيلسوف
بس للأسف إننا مش واخدين بالنا
لو ناخده بس ؟؟؟
ماكنش كل دا حصل
بس ياللا الحمد لله
ياريت بئا نشوف حطيناه فين و ناخده بئا
:)



بس ناخد بالاسباب .. واحنا مش بنعرف نعمل كده وناخد بالاسباب
احنا متواكلين*

هى مش حكاية مش بنعرف
إحنا بنكسل
او بمعنى أصح
بنحب نتمسكن
و إن مافيش بايدنا حاجة
و ربنا معانا و مش هيسيبنا



و معلش بئا متأخرة فى زيارتك
والله شوية حاجات كدا هأخلصهم و آجى جرىىىىىىىىىىى



دعواتك







خالص ودى

dr_samarmar يقول...

رائع يا عمو فشكول

أنا منبهرة بأسلوب حضرتك بجد

الموضوع بقا شيق معايا لأبعد الحدود
عمرة ماكنت شغوفة بمعرفة التاريخ بالشكل دا :)

أنا من حبى للموضوع و انبهارى بيه.. بقرأ البوستات بتاعة حضرتك اللى عن الموضوع دا كلها لماما و بتسألنى فى جديد و لا لا كل شوية

جزاك الله عنا كل خير :)

قمة التقدير وا لاحترام:)

تيوليب يقول...

الموضوع رائع فعلا
أنا بحب التاريخ جدا
لأنه بيفتح عنيا على حاجات مهمة
بجد ربنا يكرم حضرتك
و أهنيك على المدونة الرائعة دى

أحــوال الهـوي يقول...

ايه ده اغيب يوم الاقيك كل الدنيا قرات الموضوع و انا اخر من يقرا ؟؟؟؟
كالعاده السهل الممتنع و الزبده في الموضوع سهلة التناول و لكنها دسمة

تسلم ايديك يا عم التاريخ

تحياتي

البت المشمشية حلوة بس شقية يقول...

انا اول تعليق
ازاى اهو رخامة كدة

البت المشمشية حلوة بس شقية يقول...

انا مبسوطة اوى وانا بقرا الكلام دهعارف ليه عشان كل ده انا اخدتو فى التاريخ فى المدرسة بس مش على توسهه كدة انتا كاتب معلومات تانية كتير كنت اول مرة اعرفها

Beram ElMasry يقول...

الاخ العزيز . fashkool
السلام عليكم ورحمة الله وبركاته
والله انا غلطان ..............لا انت مش غلطان ولكن قصرت فى حقى وانا اعتبرك ومااكس بتاع زمان اقرب الاصدقاء ودكتور توكل على الاقل لتقارب السن
على فكرة وكلام فى سرك علشان اللى حيسمعه هيزعل ، احنا لا 7 تلاف ولا نيلة احنا خليط من الاتراك والاكراد والشوام والارمن وحبة عرب على نوبيين وكان الله بالسر عليم ، يعنى من ايام قورش مرورا باشور والاغريق والرومان والفتح والمغاربة يعنى البربر والشدة المستنصرية
اسلوب القص لديك رائع بس اعتقد ان عبادة عشتروت بعد السبى الثانى
لك تحياتى والسلام عليكم ، ولا سلام مع اليهود

نفرتارى يقول...

بجد سلسلة رائعة جداً وانا استفدت منها كتير وعرفت ملعومات ما كنت اعرفها .. اشكرك على هذه المعلومات النافعة .
ونحن فى انتظار الحلقة القادمة .

تحياتى .. ودمت بخير وبصحة انت واحفادك الحلوين .

نفرتارى

Dr.Ahmed يقول...

بجد الموضوع شيق جداً يا استاذ فشكول واعجبني شرحك المبسط ليه .
احب فقط ان اوضح معلومة بسيطة يا استاذ فشكول ..وهي انه عندما همّ يوشع وقومه الذين امنوا معه ان يدخلوا اسوار المدينة المحصنة والتي يقال انها اريحا والله اعلم ..دعي يوشع ربه ان يحبس الشمس حتي يتسني لهم النصر حيث كان اليهود لا يعملون ولا يحاربون يوم السبت وهذه كانت احدي معجزاته والله اعلم .
ثم صدر الأمر الإلهي لبني إسرائيل أن يدخلوا المدينة سجدا.. أي راكعين مطأطئي رءوسهم شاكرين لله عز وجل ما منّ به عليهم من الفتح. أمروا أن يقولوا حال دخولهم: (حِطَّةٌ).. بمعنى حط عنا خطايانا التي سلفت، وجنبنا الذي تقدم من آبائنا.

إلا أن بني إسرائيل خالف ما أمرت به قولا وفعلا.. فدخلوا الباب متعالين متكبرين، وبدلوا قولا غير الذي قيل لهم.. فأصابهم عذاب من الله بما ظلموا. كانت جريمة الآباء هي الذل، وأصبحت جريمة الأبناء الكبرياء والافتراء.
تحياتي لك استاذي

ماما أمولة يقول...

ازيك يا استاذي فشكول بك

ابقى غير السماعات ان شاء الله واسمعه في اي وقت

اماني بقى دي اصغر اولادي وهي في الصف الخامس الابتدائي
وعندي اتنين غيرها
ايمان في الصف الاول الثانوي
وعبد الرحمن في اولي كلية حاسب آلي
ربنا يحفظهم ويهديهم وكل ابناء المسلمين اللهم امين

شكرااستاذي لمرورك الجميل

ودمت بكل الخير

وعلى فكرة اعند زي ما انت عايز ولا يهمك

daktara يقول...

علي فكره شئ جميل جدا موضوع المعلومات العامة
والابحاث التاريخية اللي بتكتبها بقالك فترة
بتخليني احس اني برضه باستفيد وانا بتابع المدونات مش مجرد قراءة وخلاص
اشكرك علي مجهودك

انظر حولك
د. خالد عزب

الازهرى يقول...

حرام
حرام حرام
حرام حرام حرام

انا خارج من الامتحانات ودماغى هتنفجر واجى الاقيك كاتب حاجات كتير
لا وفاتح باب المناقشة كمان
وطبعا كنت مضطر اقرا ردودك عندهم وهنا واقرأ التعليقات وكان موال

المهم الحمد لله خلصت
وابدأ احط كلمتين بدون لازمة

طبعاباشكر الجميع على المعلومات الحلوة وخصوصا يويو
وبالنسبة للاخ ابراهيم وموضوع وعد اليهود فى القرآن فهو لا علاقة له بالديانات الاخرى لانه فى سورة الاسراء أخبرنا الله تعالى أن اليهود سيفسدون فى الارض مرة أخرى حتى يأتى وعدهم وتكون نهايهتم

أما بخصوص حبيبى الأستاذ بيرم فأختلف معه فى موضوع 7 الاف سنة حضارة فهى أكثر من ذلك وما دخل عليها هو إضافات زادتها قيمة وتنوعا فمهما كانت الدولة الىت تحتلنا فقد اعتاد المصريون عبر التاريخ ان يأخذوا من عدوهم ويتعلمون منه بقدر مايتعلم هو وربما اأكثر وموسوعة مصر القديمة للدكتور سليم حسن بها الكثير من الأدلة على ذلك

أما بالنسبة للمعلومات التى أوردتها فهى على درجة عالية من الدقة والتركيز قاربت ان تؤدى بعقلى إلى الانفجار

ولى تعليق واحد اسمح لى ان احتفظ به الى ان انتهى من كتابة المضوع الجديد فى الفارس الاخير

تحياتى وخالص مودتى

Soul.o0o.Whisper يقول...

فيلسوفى العزييييييييييييييز

أنا جييييييييييييت

أولا معلش على التأخير

ثانيا بجد ربنا يكرم حضرتك يارب
بجد المعلومات رااااااائعة و شيقة


أكتر حاجة وقفت معاها لما حضرتك أشرت لفترة التيه
و قلت ان لازم كل الجيل الضعيف دا لازم يموت و يفنى عشان ربنا يخلف من بعدهم قوم أشداء شجعان...

امممممممم ... أعتقد إننا لا نفرق عنهم كثيرا ، وواقعنا لا يختلف عنهم مع تبديل الادوار


كمان لما حضرتك قلت ان فى الفترة دى سيدنا هارون و سيدنا موسى ماتو
و خلف من بعدهم يوشع بن نون

رغم انها فترة فتن و فترة حرجة
و المفروض يكون قائد موجود

لكن عشان نعرف إن قضاء ربنا نافذ نافذ
و أنه ليس مرتبطا بشخص
و أن فقد القدوة و إن كان رسول ليس نهاية العالم
و ان الله له حكمة فى تصريفه
و الامر اولا و أخيرا هو فى الناس الموجودين

لو صالحين .. ربنا هيصلح بيهم
و لو فاسدين .. حتى لو معاهم نبى رسول ، مش هيفرق
و ربنا كمان هيعاقبهم أشد العقاب

مش مؤمنين باللسان و الافعال و الاقوال تناقض دا !!!...



معلش طولت عليك
بس قلت أعوض الفترة اللى فاتت
:)






خالص ودى

محمد الدخاخنى يقول...

من الجميل أن أرى أناس يحبون التاريخ فضلا عن ذكرهم له

انابع معك سيدى

محمد الدخاخنى

الازهرى يقول...

حبيبى الغالى فشكول

الوطن هو احساس بداخلنا
يعطينا او يأخذ منا
يحبنا أو يكرهنا
المهم انه فى الاخر وطنا

ويا ريت تراجع
http://shams-elnahar.blogspot.com/2008/10/blog-post_31.html

هتلاقى كلام كتيييييييير قوى كمان

تحياتى دوما

Beram ElMasry يقول...

الاخ العزيز . fashkool
السلام عليكم ورحمة الله وبركاته
والله ممكن يا اخى الكريم ، الحكاية اننا عشنا فى مولد صدع دماغنا بطبله وزمرة ونمنا ولابد ان نصحو ، والا فاننا قد متنا
هى صورتى فى الاربعينات من عمرى ، اما الان اجارك الله ، امر بالستر
لك تحياتى والسلام عليكم ، ولا سلام مع اليهود

mahasen saber يقول...

الله الله على الروعه والفايده يا استاذنا الغالى

انا بستمتع بكل حرف حضرتك بتكتبه والله يا عمى الغالى والكبير

mahasen saber يقول...

الله الله على الروعه والفايده يا استاذنا الغالى

انا بستمتع بكل حرف حضرتك بتكتبه والله يا عمى الغالى والكبير

mahasen saber يقول...

واسفه على تاخيرى بس حضرتك كنت متابع المشاغل

وانامقدرش اتاخر على حضرتك ابدا طبعا



بس اخبار حضرتك ومحمود والهام اليى اسعدنى الحظ ان حضرتك اعتبرتنى زيها
اخبارهم ايه واخبار الاحفاد

ربنا يسعد ايام حضرتك بيهم ويسعدهم بيك
ان شاء الله
واسفه جدا جدا على الغيبه

ماما أمولة يقول...

السلام عليكم اخي الغالي فشكول

اشكرك لدعائك تقبل الله منك

الرحمة لوالد مدونة توفاه الله

http://freeecpl.blogspot.com/2009/01/blog-post_31.html

الخبر باللينك

حفظك الله اخي وبارك الله في عمرك

اللهم امين

قلم رصاص يقول...

أثريت وجداننا أستاذي وعمي الكريم صلاح بيه

بارك الله لنا في قلمك الرائع

تقبل مروري

Soul.o0o.Whisper يقول...

fashkool

فيلسوفى العزيييييييييز

حضرتك احرجتنى خالث خالث
بجد أنا سعيدة جدا بكلام حضرتك
و دا شئ يشرفنى إنك تعتبرى زى بنتك بالظبط
و حضرتك طبعا عارف إنك باباتى اس تلاتة
ههههههههههههههههههههه


زميلى؟؟
زميل مين؟؟
معرفوش والله
دا مش أنا
ههههههههههههه



لالالا ما ينفعش خالص

حضرة الفيلسوف فشكول مش يزعل خالص من سووول
سوول عسولة و قمورة و بتسمع الكلام

و هتصالح فيلسوفها
عشان خاطر هى مش تقدر تزعله
:)




خالص ودى

عاشقه وغلبانه يقول...

ااااااه ياعنيا
الخط صغير اوي وانا مصممه اكمل
وتوهت في نص الموضوع روحت قرأته من الاول
حضرتك تاريخ

مستنين باقي الموضوع
تحياتي

maryooom يقول...

يخرابىىىىىىىىىىى 50 تعليق انا جيت متأخر أووووووي
بس عندي اسباب هشرحها لحضرتك بعد لما اقول التعليق
أولا ربنا يخليك لينا يارب وتفيدنا كمان وكمان
ثانياً : تفتكر ان اليهود طموحاتهم بس فلسطين مش عارفه ؟؟؟؟؟

احكيلك بقي اللي حصل انا كنت بنزل بوست جديد في مدونتي ولسه بكتب اول كلمتين لقيت النت فصل والسويتش ضرب وحاجات غريبة كده
وممكن يا إستاذي العظيم تدخل مدونتي وتقولي رأيك اي لأن بجد اتخنقت من الموضوع اللي طرحته هناك
احلي احلي احلي احلي تحياتي لحضرتك

بنت الغربة يقول...

البوست رااائع ومعلوماتك حلوة قوى
هو احنا ليه مكناش بناخد المعلومات دى فى المدارس؟؟؟؟
وليه ولادى مابيخدوهاش مفصله كده؟؟؟
كله كلام سطحى
انا فعلا باحييك تحيه كبيره قوى
تحياتى

انا ودماغي يقول...

الله على فكرة الحلقات كلها هايلة و مشوقة جدا و المدونة فظيعة ما شاء الله
مع أنى مش بحب التاريخ أصلا بس بجد أتشديت أوى للى حضرتك كاتبه


شكرا ليك أوى.......ومستنين البوست اللى جاى

حنان الشافعي يقول...

مجهود محمود
استفدت جدا
تحياتي الخالصه

kalamfady يقول...

بجد استفدت كتير من مدونتك..ربنا يكرمك يا أستاذ المدونين

واحد من العمال يقول...

السلام عليكم ورحمته وبركاته

فتح الله عليك ياعمنا ومؤرخنا

الموضوع والسرد ممتع ورائع

وربنا يخليك لنا ويبارك لنا

فى هذه الجرعات التاريخيه الدسمه

ودمت عمنا بخير

عالم حبيب يقول...

السلام عليكم

أولا أنا سعيد جدا بمعرفة حضرتك والمدونة الجميلة دي .. عرض حضرتك للموضوع بطريقة مبسطة وصلت لنا معلومات كتير عن اليهود وأصلهم ولازم نعرف احنا بنحارب مين علشان ننتصر عليهم إن شاء الله

ملاحظة بسيطة

تصحيح في الآيات

قَالُوا يَا مُوسَىٰ إِنَّ فِيهَا قَوْمًا جَبَّارِينَ وَإِنَّا لَنْ نَدْخُلَهَا حَتَّىٰ يَخْرُجُوا مِنْهَا فَإِنْ يَخْرُجُوا مِنْهَا فَإِنَّا دَاخِلُونَ (22)

وده موقع جميل للقرآن

http://quran.muslim-web.com

من فوق بنعمل بحث ولما تظهر الآية نقف عليها ونختار نسخ

كمان إن شاء الله تكتب هكذا وليس إنشاء الله لأن إنشاء معناها خلق وتكوين

بجد سعيد بمعرفة حضرتك ربنا يكرمك

أبو العريف يقول...

والله انا كل ماجي هنا بستفيد جدااا
متشكر جدااا علي المجهود الرائع والموضوع الرائع

عالم حبيب يقول...

ربنا يكرمك يارب الوالد الكريم .. أنا أصلا كنت محرج جدا وأنا باكتب التنويه .. جزاك الله خير على سعة صدرك

ن يقول...

السلام عليكم
الاستاذ الفاضل فشكول
أشكرك جدا على سؤالك وكل من سأل عنى وثق بأننى أكن لكم كل المحبة والاحترام
لا تقلق يا سيدى صحيح الكمبيوتر عملها معايا واتحرق بس هانت ولكن ثق بأن عقلى وقلمى لم يتوقف عن العمل حاليا أنا أتابعكم من خلال كمبيوتر ابنة عمى وسوف أعود لقرأة موضوعاتك التاريخية وأعلق عليهم جميعا ان شاء الله وثق بأنى مفتقداكم جدا
مع خالص تحياتى
أمل فتحى عزت

zainab يقول...

السلام عليكم

أستاذى و عمى العزيز فشكول

أولا اسفة على التأخير

ثانيا انا مش مصدقه نفسى بقيت بقرأتاريخ أصل بيدخل دماغى بصعوبه هههههههه

هما اليهود دخلوا فلسطين ومعاهم يوشع عليه السلام كده صح وده أول قتل يعملوه هناك

تحياتى

محمد الجرايحى يقول...

أستاذنا الكريم: فشكووول
السلام عليكم ورحمة الله وبركاته
جهد طيب وأسلوبك شيق وجذاب أحييك

أخى أرجو أن يتسع صدرك لى ..
أولاً فى الفقرة الأخيرة :بعد كدا انشاء الله حنشوف هما قعدوا قد ايه .
أتمنى تصويب ( انشاءالله ) إلى ( إن شاء الله)

وثانياً صورة الهيدر غير لائقة بمدونة مثل مدونتك أتمنى تغييرها

وتقبل أخى تقديرى واحترامى
بارك الله فيك وأعزك
أخوك
محمد

الازهرى يقول...

هو انا ارجع انت تختفى
ويمكن عايز تقول
اذا جاءت الشياطين ذهبت الملائكة
باذن الله يكون التأخير لخير

dodda يقول...

البوست المره دى دسم جدا
يعنى مش عايزه سندوتشات بقى...

بجد جميل جدا

لس فى حجاجه كده عاوزه اقولها
ان فى سوره البقره
فى الايه
يَا بَنِي إِسْرَائِيلَ اذْكُرُوا نِعْمَتِيَ الَّتِي أَنْعَمْتُ عَلَيْكُمْ وَأَوْفُوا بِعَهْدِي أُوفِ بِعَهْدِكُمْ وَإِيَّايَ فَارْهَبُونِ (40)

هنا بنى اسرائيل نقضوا عهد الله
فلم يعد لهم حق فى العهد عند ربنا سبحانه وتعالى لانهم عصوه....
والشرط هو ان يفوا بالعهد

على عبدالله يقول...

تاذ فشكول

اهلا استاذ فشكول
ربنا يبارك فيك

ايه دا يا استاذنا للدرجادى الصورة عاجباك ههههههههههههه
اعزك الله
لا والله مش انت السبب ولا حاجة
انا دائما كده بحب التغيير
"" كلام فى سرك .. انا بدور على عروسة " :)))

جزاك الله خيرا يا استاذ فشكول
انت من خلال خبرتك وتخصصك فى التاريخ تقدر توضح للناس الفرق بين ما كان عليه حال الامة قبل سقوط الخلافة العثمانية
وما ال اليه الحال بعد سقوطها
ومدى الافترائات التى تعرضت لها الاخلافة العثمانية
من وجهة نظرى يكفى انى اقولك ان كل الكوارث حدثت فقط منذ سقوط الخلافة الاسلامية !!

تحياتى

مش أنا يقول...
أزال المؤلف هذا التعليق.
حقودي يقول...

أمسك الخشب لاني هبدأ أحقد أهه
أيه الزحمه دي كلها
ده ولا زحمه الجمعيه يا أستاذنا
المهم عشان نكسر الحسد بتاع امثالي
الموضوع في غاية الجمال والدقة كمان
و أحسن حاجه فيه أني فعلا براجع مع حضرتك كل اللي تقريباً بدأت أنساه من بعد التخرج
تحياتي يا أستاذي العزيز

DoNyA يقول...

بتفكرني في حصص التاريخ في المدرسه زماااااااان
بس حكاياتك ليها طعم تاني خالص
بحس اني بسمع ماما فضيله
بستمتع بكل كلمه تقولها يا بابا فشكول

محمد مارو يقول...

السلام عليكم

انا اسف اول مره اضع اعلان لموضوع معين بس بجد ده كارثه

لا اتمنى منك فقط مجرد الرد بل اتمنى ان تنشر الموضوع على قدر استطاعتك فهو يهدد كثير من الناس
الموضوع على مدونتى
و للمره التانيه انا بعتذر على الاعلان و دى اول مره و الله اعملها بس الموضوع بجد خطير و اتكرر كتير
تقبل اسفى و تحياتى

محمد الجرايحى يقول...

أستاذنا الغالى
السلام عليكم ورحمة الله وبركاته
أشكرلك سعة صدرك واستجابتك الطيبة
وفقك الله وسدد على طريق الحق خطاك

أخوك
محمد

marmar يقول...

عمي فيشووو
ازي حضرتك؟؟ انا دخله اسلم على حضرتك ولله بس
اصلي شوفت واحد في التلفزيون شبهك جداااااااااااا وفكرني بيك ولله بطيبه قلبه وهزاره فقلت ادخل القي السلام
على حضرتك
في حفظ الله

أحــوال الهـوي يقول...

fashkool

تصدق بالله .... من كلامك الجميل و الحنية اللي بتشع منه اتمنيت اكون حفيدك
انت راجل جميل و قلبك كله عذوبه و تفائل
ربنا يخليك لاولادك و احفادك و ملايين الناس اللي بيحبوك

تحياتي

غير معرف يقول...

Good replies in return of this matter with firm arguments and describing the whole thing regarding that.


Take a look at my weblog :: upwards ()