الجمعة، ٩ يناير ٢٠٠٩

غزه ... السيناريو ... والاسباب

تحديث
اخوانى واخواتى المدونين والمدونات
تحياتى
اعتذر جدا عن التأخير فى الرد على تعليقاتكم فقد كنت فى رحلة عمل من يوم السبت الى الخميس فى مدينة بنى سويف والفيوم ولم انته من هذه الرحله الا اليوم وقد وصلت منزلى اليوم الخميس الساعه الرابعه وحتى لا تغضبوا منى قمت بتحديث هذا البوست .. وسأقوم بالرد على كل التعليقات من الان وحتى انتهى من واكرر الاعتزار
تقريبا يا جماعه موضوع غزه قارب على نهايته واللى توقعته كل السيناريوهات تؤدى اليه .. سوف اتكلم بعقلانيه اقول ما لى او ما لنا وكذلك ما على وما علينا.. اعترف انه كغيره من البوستات التى تتكلم عن القوميه سوف يثير جدلا كبيرا بينى وبين كثير من المدونين وبعد ان افقت مما لازمنى طوال الاسبوع الماضى من ازمه عائليه انتهت على خير والحمد لله .. وعشان العيال الحلوين الكويسين اللى شمتانين فى وفاكرين ان ام اسامه هى السبب .. اقول لهم نقبكم جه على شونه .. مش ام اسامه يا حلوين .. نرجع للموضوع
ربنا سبحانه وتعالى قال ( وقل اعملوا فسيرى الله عملكم ورسوله والمؤمنون) واكد على العمل والاخلاص فى العمل - عن رسول الله صلى الله عليه وسلم ( من عملا منكم عملا فليتقنه) ومتهيأ لى ان دا مش من سماتنا .. لاننا لا نتقن عملا رغم اننا نؤمن بالله وبأن محمدا رسول الله صلى الله عليه وسلم.. لكن ربنا عايزنا ناخد بالاسباب .. ازاااااى .. اقول لكم ازاى؟
ربنا سبحانه وتعالى كان قادر ينجى سيدنا نوح عليه السلام من الطوفان .. وكان قادر يخلى الطوفان يغرق الارض كلها الا موضع سيدنا نوح عليه السلام واهله ومن شاء الله سبحانه وتعالى .. لكن ربنا قال له اصنع الفلك باعيننا .. وقام سيدنا نوح وصنع الفلك فى ارض جافه وبعيده عن المياه والناس بتسخر منه .. يعنى ما كان يصنع الفلك فى البحر .. حيعمل بيها ايه .... دا من وجهة نظر الناس حتى اغرق الله الارض بالطوفان ونجا نوح واهله بهذه السفينه .. صح لا لأ .. سيدنا نوح عليه السلام اخذ بالاسباب .. وربنا سبحانه وتعالى نجا نوح بالاسباب.... طيب.
صوره تخيليه لسفينة نوح عليه السلام
سيدنا موسى عليه السلام عندما ادركه فرعون وقال قومه ( انا لمدركون) كان الله قادر ان يخسف بفرعون وقومه الارض .. اويرسل عليهم ملائكة يقتلونهم .. او يحرقهم ... صح والا لأ ؟ ... صح... لكن ربنا قال لموسى (ان اضرب بعصاك البحر) ونجا موسى وقومه من فرعون وملأه ... اخذا بالاسباب.
ستنا مريم عليها رضوان الله ... عندما ولدت سيدنا عيسى عليه السلام ... كانت جائعه .. وكان الله سبحانه وتعالى قادر على ان ينزل لها غذائها .. وما ذلك بغريب فقد كان ينزل على قوم موسى المن والسلوى فى سيناء ... ولكن الله سبحانه وتعالى قال لها ( وهزى اليك بجزع النخلة تساقط عليك رطبا جنيا) .. مع ان الله قادر على انزال الرطب لمريم بقدرته او بفعل الكينونه (كن فيكون).. لكن الله يعلمنا ان نأخذ بالاسباب .. وهكذا فى غزوة احد عندما ترك الجند الرماة قمة الجبل ونزلوا لجمع الغنائم ولم يأخذوا بالاسباب على الرغم من تعليمات رسول الله صلى الله عليه وسلم فانهزموا... وفى غزوة حنين .. لم تغن عنكم كثرتكم .. لانهم لم يأخذوا بالاسباب بالرغم من كثرة المسلمين .. وقس على ذلك حاجات كتيره.
نيجى بقه لموضوعنا الاصلى عن غزه
انظروا الى الخريطه اللى انا راسمها كروكى بصرف النظر عن مقاييس الرسم يعنى رسم توضيحى كده
شوفوا موقع غزه شكله ايه ... غزه حوالى 400 كيلوا مترا مربعا وبتبتدى من رفح بعرض حوالى 14 كيلوا .. يعنى نقول كدا حوالى 15 كيلوا وينتهى عند غزه بحوالى 10 كيلوا او 7 كيلوا وبعدها على طول المجدل ويافا وتل ابيب وحيفا .. ودى خطورة غزه وصواريخ حماس .. يعنى اسرائيل بتعمل حساب للصواريخ انها ما توصلش لا للمجدل ولا ليافا ولا لتل ابيب اصل لو وصلت لهم ... يبقى الموضوع بالنسبه لهم خلاص ... وجماعتنا فى حماس بيعملوا ايه ؟ ... بيبعتوا صواريخ عسكر بسكر دوريه .. يعنى بمب . ولما زادت الحكايه عن حدها .. دا من وجهة نظر اسرائيل ... اسرائيل قالت لأ .. ما نقدرش نسكت على كده .. ما نقدرش نسكت لما حماس ممكن تبعت صواريخ تطول البلاد اللى قلت لكم عليها .. مش عسقلان واسدود .. لأ .. الخوف على المجدل ويافا وتل ابيب.. يقوموا يعملوا ايييييه ؟ .... لازم نخلص على حماس ... ازاااااى وحماس لها عمق فيه كثافه سكانيه .. واسرائيل بتخاف من الكثافه السكانيه ... فكروا .. يعملوا اييييه.. ازاى يدمروا حماس واسلحة حماس وكتائب القسام وسرايا القدس ... ازاااااى ؟
شوفوا بقى خطتهم كانت ايييه ؟.. انا فشكول الغلبان فهمت هما يعملوا ايه ... امال بتوع التكتيك والعسكريين وبتوع الاستراتيجيات وقادة القسام والسرايا وحماس ... معقول يعنى ما فهموش .. دا انا طور الله فى برسيمه وفاهم .. اش حالهم هما .. نشوف بقى اسرائيل حتعمل ايه؟ .. دا كلام فشكول الاهبل والعبيط واللى ما بيفهم الالف من كوزالدره ..
اولا : قوات جويه طائره .. هوا فيه قوات جويه مش طائره .. فشكول الاهبل ده ..
ثانيا : قوات بريه من الشرق
ثالثا : قوات بحريه من الغرب .. يعنى من البحر .. كل دا عشان يعملوا ايه ؟؟؟ اقول لكم انا عشان يعملوا ايه :
1 - القوات الجويه (الطيارات يعنى ) تمسك اولا الطريق البرى اللى بيربط غزه من رفح لحد غزه مرورا بالعريش اللى هو مرسوم بالخط المتقطع بالكروكى (على قدى يعنى)وتضرب الطريق البرى ده وبكده تبقى قطعت المواصلات وطرق الامداد بين غزه وبعضها لانه الطريق الرئيسى والوحيد الذى يربط القطاع ببعضه... طب ليييه ... عشان قطع الامدادات عن القطاع سواء اللى حتيجى تهريب من مصر او متخزنه فى اى جزء من القطاع تحت الارض ولا فى الرمل ولا فى اى حته .. المهم السكك حتتخرب وما حدش حيعرف يروح ولا ييجى وده حصل. بالاضافه لضرب المواقع اللى فيها الشوية البنادق ومراكز البوليس وكمان مخازن الصواريخ والذى منه ويدمروا كل الاسلحه واللى يقدروا عليه .. يعنى البنيه التحتيه للمقاومه وكانت النتيجه ان كل حاجه وقفت فى القطاع.
2 - بالاضافه لضرب المواقع اللى فيها الشوية البنادق والشوية الكلاشينكوف والرشاشات اللى عند حماس تيجى بقى القوات البحريه من الغرب عشان تضرب اى بطاريات على البحر وتكمل مع الطيران وتقف خفير بحرى ببحر غزه من اى حد يفكر يبعت لهم اى امدادات عن طريق البحر.
3- بعد كل دا ما يستنزف اغراضه تيجى بقى القوات البريه عشان تدخل غزه فى شكل غارات بريه سريعه .. يعنى تعمل الغاره وتطلع تجرى بره وبعدين تعمل غيرها وهكذا ودا ليه عشان ما تشتبكش مع العمق البشرى والكثافه البشريه والسكانيه لحد ما يطمنوا انهم خلصوا على كل حاجه والباقى بقى مش مشكله شوية خسائر بشريه طفيفه ممكن يستحملوها 10 ولا 15 قتيل وشوية جرحى مقابل 1000 عربى مسلم غزاوى ... شوفوا بقى الواحد اليهودى بـ 100 عربى .. امال ايه ... ونتيجه ده حيكون اييييه .. اقول لكم:
حيبقى القوات الجويه من فوق والبحرين من الغرب والبريه من الشرق حيخلصوا على غزه وسلاح غزه ومقاومة غزه وتدخل بقى القوات البريه فى الآخر ( شوفوا الاسهم فى الكروكى ) لاحتلال الارض ... طب وبعدييييييين .. اقول لكم وبعديييييين ... الجيش اليهودى خلق وضع جديد على الارض ازاى ؟
الوضع الاول : كانتون فى خان يونس .. يعنى حاجه كدا زى وحده محليه.
الوضع الثانى : كانتون فى دير البلح برضه زى وحده محليه
الوضع الثالث: كانتون فى غزه زى اللى
وكمان يكونوا امنوا على نفسهم من حماس وغزه والقسام والسرايا وغيرهم ... فى الاخر بقى يسلموا الوضع دا على ما هو عليه لقوات الامم المتحده وحلنا على بال ما تتوحد حماس مع الضفه الغربيه والعاصمه رام الله وكمان خلافات الفلسطينين مع بعضهم وخلافاتهم مع باقى الدول العربيه ... وحيبقى الموضوع معجنه فى معجنه وطبيخ فى طبيخ .. حاولوا بقى تبصوا للكروكى وتتخيلوا الوضع حيبقى ازاى .. وادى الكروكى.



شوفوا بقى الغم المحوش اللى احنا فيه .. والفلسطينيين فيه .. هما واقعين فى اربع ابتلاءات :

الابتلاء الاول : الاحتلال الاسرائيلى .

الابتلاء الثانى : خلافات الفلسطينيين مع بعضهم وما بينهم وبين باقى العرب.

الابتلاء الثالث : ان العالم لا يرى ويا يسمع ولا يتكلم.

الابتلاء الرابع : الدم الفلسطينى الرخيص والمراق يوميا.

طب يا جماعه يعنى فشكول بيقول وفشكول زى ما انتم عارفين ما بيفهمش حاجه وطور الله فى برسيمه وكلامه على قده .. وعلى قد ما فهم الموضوع ما هو مش بتاع عسكريه ولا يحزنون بس شويه فهم على قده يعنى والباقى يعرفوه العسكريين ويفهموه اكتر من ملايين المرات .. يا ساده .. يا كبار .. يا متنورين .. يا فاهمين ... انا يادوب ما ليش غير انى حضرت حرب اكتوبر يا دوب وخلاص وعلى قدى قولوا انتم :

فيه طيارات - والطيارات بتضرب وهى وقافه فى الجو .. نسيت الاصطلاح ده .. لكن طياره هليكوبتر واقفه على ارتفاع ييجى كدا 300 متر وعماله تضرب هنا وهناك وتعربد هنا وهناك ولا حد بيقول لها ليلتك سوده .. طب من أ ب المقاومه والعسكريه ان يكون فيه صاروح مضاد للطائرات زى صاروخ (ستريلا ) لى بيتشال على الكتف وبيسميه العامه اللى زى حالاتى(الحيه ) دا يجيب اجدع طياره هليوكبتر وبعدين سهل يعنى تهريبه دا واحد يقدر يعوم بيه فى البحر على ضهره ويدخل غزه يعنى .. والسؤال اللى حيفقع مرارتى .. فين الصاروخ السهل الرخيص اللى بيتشال على الكتف واللى ممكن يتهرب بالف طريقه ؟؟؟؟؟؟؟؟ وشواطئ غزه طولها 40 كيلوا متر .... سؤووووال ؟

طيب فيه ضفادع بشريه بتسليح خفيف ممكن تعوم لها فى البحر 2 ولا 3 كيلوا وتفجر اجدع مركب فى البحر... طب فيييييييين ... برضه سؤوووووال؟

بلاش الكلام الاهطل ده كله .. طب فيه قذائف مضاده للدروع (يعنى الدبابات والمجنزرات ) ما فيش ليييييييه .... برضه سؤووووال؟ ... دى ببساطه الاسلحه اللى ممكن تقاوم الجيوش النظاميه ... طبعا فيه تفصيلات كتيره ليس هذا مجالها ولست انا من يعرفها ... حماس ولية امر غزه يظهر والله اعلم ما كانتش عامله حساب للى حيحصل فى غزه ودا يبقى تهريج وكارثه واحنا سمعنا زعمائهم بيقولوا اللى حيدخل غزه حيبقى يومه اسود .. ويا دوب عشره قتلى وحوالى 170 جريح .. يا سلام..فى مقابل 1000 قتيل وحوالى اكتر من 3000 جريح .. يا بلاش والله .

ما علهش يا جماعه .. الكلام تاه منى .. اقعد اشرب سيجاره واجمع شويه ... آه .. الحمد لله ربنا سهل وجمعت شوية كلام بس الموضوع راح من دماغى .. لكن عشان انا قلت معظم اللى انا عاوزه ..

حد يقول لى يا فشكول يا منيل على عينك يا اللى عاملى فيها فيلسوف وحكيم والاخر عامل فيها بتاع جيش وتكتيك وبتعرف وبتفهم فى الحرب .. والله ما بفهم ولا حاجه .. دا الموضوع باين زى الشمس .. ما علينا .. لو يا فشكول اللى قلت عليه دا اتعمل .. يا ترى يا هل ترى كانوا الغزاويين حيكسبوا الاسرائيليين .. اقول لكم لأ طبعا .. بس ما كانش الموضوع حيبقى كده ... المجزره دى .. والدم اللى بالعوم ده .. والجرحى اللى زى الرز دول .. وكان الاسرائيليين برضه حينوبهم من الهم جانب .. وكانوا برضه حيخسروا كتير مش 10 عساكر وضابط وكان الطيار اللى واقف فى السما وعمال يتغندر ويضرب يمين وشمال كان القذائف بتاعته نصها ولا تلتينها راحت بعيد عشان ماهوش قادر يضرب بامان مش ما حدش بيقول له ليلة اهلك هباب .. كان القطع البحريه كانت حتبعد عن الشاطئ شويه .. يعنى كل ما المعده بعدة عن الهدف يبقى النشان مش صح بنسبه كبيره .. وكان العساكر اللى راكبين الدبابات والمجنزرات عملوا حساب للقذائف المضاده للدروع وكانوا خافوا شويه .. مش زى دا الوقت ما حدش بيقولهم ليلتكم سوده والخسائر البشريه كانت حتكون اقل من الربع .. وكانت حتتغير حاجات كتيره قوى .

يا اخوانا ... جماعتنا من المحيط للخليج بيهرجوا ... واحنا كمان مش احسن منهم .. بس هما عايزين مصر تحارب وتقاتل لآخر نفس مصرى وآخر راجل فيكى يا مصر .. واحنا ما عندناش مانع ... دا واجب قومى ومقدس ... بس مش لوحدنا .. حد ييجى معانا وحد يجوع شويه عشان الحرب زينا .. ولو اننا بحرب جعانين ومن غير حرب برضه جعانين .. المفروض ان كلنا نحارب .. كل العرب امجاد يا عرب امجاد فى بلادنا ماحناش كرام وعبيد ومضروبين بالكرباج.

يا جماعه انا لسه عايز اقول كلام كتير بس البوست ما يستحملش اكتر من كده عشان قلت لكم قبل كده لازم نروح الجم ونربى مجانص (صواريخ الحيه) وعضلات ( المضاده للدروع ) وسواعد مفتوله ( الضفادع البشريه) ويا دوب ما فاتش شهر وحصل اللى حصل .. لكن بندن فى مالطه .. ولا حد سامع .. ولا حد فاهم ولا حد فكر ولا حد شاف .. كله عمال يقول شعر .. وخطب عنتريه .. المصيبه ان مجلس الامن اصدر قرار بوقف القتال بس اسرائيل مش ملزمه قانونيا بقرار مجلس الامن الا من لحظة ابلاغها به رسميا .. وبان كى مون السكرتير العام للامم المتحلله حيروح اسرائيل يوم الاتنين .. يعنى بعد ما يتنفذ المخطط بالكامل وبعد ما تخرب مالطه

شفتم حجم المؤامره على الفلسطينيين قد ايه ؟؟؟؟؟؟؟؟؟؟؟؟؟؟؟؟؟؟؟

امجاد يا عرب امجاد


هناك ٧٩ تعليقًا:

مذكرات مشاغب يقول...

اول تعليق هقرا واجيلك

مذكرات مشاغب يقول...

بسم الله
بجد مش عارف اقولك ايه
مش لاقي كلام يعبر عن مدى ايماني بكل حرف حضرتك بتقوله
اضفتلي معلومات كتييييره جدا بشكرك جدا عليها
وقولت كلام نفسي اقوله باسلوب جميل عمري ما كنت هقدر اعبر بيه
انا بشكرك جدا جدا
ثانيا مينفعش تقول على حضرتك انك مش فاهم او الكلام ده
لان لو حضرتك مش فاهم امال يبقى مين اللي فاهم
انا بشكرك للمره التالته شكر خاااااالص تماما على رايك اللي انا عارفه

تحياتي العميقه

مذكرات مشاغب يقول...

اه معلش نسيت اقولك الحمد لله على انتهاء المشاكل العائليه على خير
ايوه كده عايزين المعنويات تباه في السما

الى لقاء قريب

Yasmine Madkour يقول...

أدعوك لتكملة الرؤية بهذا المقال :

http://noteandpen.blogspot.com/2009/01/blog-post_09.html

كتبه مجموعه من أصدقائي و انتشر علي المدونات :)

Unknown يقول...

السلام عليكم ورحمه الله وبركاته
________________________ياوااد يا عوضين ...الحق فيه دارين في كفركم انسرقوا...عوضين ..ما دام بعيد عن حتتنا وانا مالي...يا وااد يا عواضين ..الحق فيه دارين في حتتكم انسرقوا ..عوضين ....مادم بعيد عن داري وعيالي وانا مالي ...ياواااد يا عوضين ...الحق دارك وعيالك ...عوضين ...يقدر عوضين يقول يا عم فشكول حاجه؟
عوضين طول عمره ناين ع الزراعيه لابس وكاوي الجلبيه ..وشلبيه جايبه له قله الميه يشرب ويتكرع هو والجاموسه واحد ...خساره الجاموسه منها لبن .
لكن عوضيين منه ايه ؟...منه لله!!!

Unknown يقول...

أخى الفاضل الكريم
السلام عليكم ورحمة الله وبركاته
حمداً لله على سلامتك وعودتك الطيبة

أخى: نعم الأخذ بالأسباب هو عنصر غائب عن ذهن الكثيرين منا .
وما أوردته هنا عن الأخذ بالأسباب ونتائجه .. وترك الأخذ بالأسباب ومن نتج عنه كلام طيب وقيم .

وهذا مايجب أن تعيه جيداً الأخذ بالأسباب العمل بل اتقان العمل .. وقبل هذا وذاك
الاعتصام بحبل الله .. والعودة للكتاب والسنة .. ونصرة الله فى أرضه وليس محاربة قل من قال الله ورسوله ..واتهامه بالإرهاب والضلوع فى قلب الحكم.

أخى أخشى أن يطول بى الكلام.
فلك منى كل التقدير والاحترام
اخوك
محمد

غير معرف يقول...

الحمد لله التعليقات فتحت اخيرا

ازيك يا استاذي

يقول الله عز وجل في سورة الأنفال:

"وَأَعِدُّواْ لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدْوَّ اللّهِ وَعَدُوَّكُمْ وَآخَرِينَ مِن دُونِهِمْ لاَ تَعْلَمُونَهُمُ اللّهُ يَعْلَمُهُمْ وَمَا تُنفِقُواْ مِن شَيْءٍ فِي سَبِيلِ اللّهِ يُوَفَّ إِلَيْكُمْ وَأَنتُمْ لاَ تُظْلَمُونَ"


وفي صحيح مسلم عن عقبة بن عامر قال: سمعت رسول الله صلى الله عليه وسلم وهو على المنبر يقول:

"وأعدوا لهم ما استطعتم من قوة ألا إن القوة الرمي ألا إن القوة الرمي ألا إن القوة الرمي" قالها ثلاثا


هذا ما تقصده اخي فشكول من قولك الجيم والمجانص

وانا معك فلنعد العدة كما وصانا الله ورسوله

ثم نأخذ بثأرنا من عدو الله وعدونا

"إِنَّ اللّهَ اشْتَرَى مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الجَنَّةَ يُقَاتِلُونَ فِي سَبِيلِ اللّهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللّهِ فَاسْتَبْشِرُواْ بِبَيْعِكُمُ الَّذِي بَايَعْتُم بِهِ وَذَلِكَ هُوَ الْفَوْزُ الْعَظِيمُ"

جزاك الله خيرا اخي الكريم

واعتقد ان مافيش حد يقدر يعترض على كلامك ابدا لانه كلام العقل

maha zein يقول...

كلام رائع
وتحليل ولا اجدعها محلل سياسي واخد استاذية
لكني في خلاصة كلامي
مش حبة ابدا اننا نضع نفسنا في مقارنة مع غيرنا
اللى عاوز يعمل حاجة ميقولش انا مش هعمل غير لما فلان الفلاني يبدأ
يعني مش معني ان محدش اتحرك يبقه احنا كمان مش نتحرك
لا بجد الرؤية دي هي الرؤية اللى ممكن تؤدي للتفرقة بينا
صدقني يا عمو فشكول
كل واحد يبدا بنفسه وميبصش لغيره
وكل دولة تبدا بنفسها
احنا بدانا نبص كلنا لموضوع مين عمل ومين معملش ونسينا المشكلة الرئيسة هي اذاي نقف جنب غزة
وحماس
وفتح
وكل الفرقاء

تحياتي ليك بقه
وللحركات الكروكي دي
شكلك كنت شغال مع الموساد
ماشي

رئيس التحرير يقول...

السلام عليكم ورحمه الله وبركاته
أخي الحبيب ...لاأختلف معك ...والاعداد لأمر عظيم لا بد وان يسبقه تجهيز وتحضير وعزم وصبر وقوه ...وسأضرب مثل بصلاح الدين ...لم يكن الا مكملا لرساله عمه
وانت عمن في التاريخ ...ومما لا يغيب عنك انه كان بالنهار وسط الجند كما لو كان جنديا لا قائد ...وبالليل قائم بصلي لله .هكذا الاعداد وهذه هي القياده ...
ولكن لا نستهين ولن نقلل من قدر ما يصنعه الاخوه ( حماس ) الابطال ...وتزعل مني ؟ أخخخخــ......
................................................................................اصمك.

zainab يقول...

السلام عليكم
ماشاء الله الموضوع جميل أنا صحيح مش بفهم فى الخرايط قوى لكن الحته اللى حضرتك قلت فيه

بس هما عايزين مصر تحارب وتقاتل لآخر نفس مصرى وآخر راجل فيكى يا مصر .. واحنا ما عندناش مانع ... دا واجب قومى ومقدس ... بس مش لوحدنا .. حد ييجى معانا وحد يجوع شويه عشان الحرب زينا .. ولو اننا بحرب جعانين ومن غير حرب برضه جعانين .. المفروض ان كلنا نحارب .. كل العرب امجاد يا عرب امجاد فى بلادنا ماحناش كرام وعبيد ومضروبين بالكرباج

انا بصراحه الموضوع ده بفكر فيه صح اننا نروح نحارب لوحدنا و لا لازم كل العرب يكونوا مع بعض

تحياتى

آه وكفى يقول...

بلادي بلادي بلااااااادي

بص بئى انا هرغي رغي وهتستحملني يعني هتستحملني عشان انت راجل بتفهم وجيت عالجرح وانا نفسي الائي حد بيفهم افضفض معاه .. فخد عندك ...

أولاً:: احنا مشتومين من طوب الارض وفاكرينا احنا اللي قايلين لاسرائيل تضرب
طب والنبي جه كلام محنا اول ناس هنشرب
ثانياً عايزين المعبر يتفتح طب مهو مفتوح ولا لازم يبئى ساح مداح والحبل على الغارب .. مرافقنا ماتستحملش وبعدين طب ندخلهم بس حد يجي يخدهم داحنا 80 مليون
واللي يغيظك لما تسمع واحد فلسطيني يقول مصر كانت رايحة تاخد فلسطين وتحتلها سنة 48 شفت الوكسة الواحد عايز يقولهم تاخد فيها ايه ياجرابيع
غير ده كله البجحة اسرائيل ضربت المبنى بتاع المراسلين يعني عيزة تقطع مية ونور وهواء كمان .. ومنفضة لقرار مجلس الأمن.
في بئى حاجة غيظاني انت قولت عليها موضوع الحرب .. دي كارثة تانية عايزين يجرجروا رجلنا فيها .. وكمان لو فتحنا المعبر كلو هيدخلوا مصر وهتتمحي القضية
وحماس دي بنت جزمة هى كمان عشان رايحة تضرب ومعرضهالي اوي وهى ولا معاها حتى مسدس مية تقاوم بيه فالحة بس تقول هعمل وهسوي بوء على الفاضي.
لأ زهقانة مش قادرة اتكلم فالموضوع مع ان جوايا كتير بس خانقني لدرجة اني مش قادرة اخرج احتمال ارجعلك تاني لما يهفني الشوق واعوز اتكلم فيه .. غير غير
بابا جاب مووووووووووز

ــــــــــــ

بقولك صحيح بخصوص الخريطة .. جامدة جدا جدا جدا ماشاءالله وبجد حضرتك حد بيفهم موت
بس في حاجة لو حطيتها فالشمس الحلوة بتاعة الساعة اتنين الضهر دي وصورتها بكاميرا ديجيال هتطلعلك اوضح من اجدعها سكانر .. ولا نتعب نفسنا ولا نشد في شعرنا

تحياتي .. ومعلش طولت استحملنا بئى احنا ولادك

dodda يقول...

لو حكينا يا صديقى نبتدى منبن الحكايه؟؟؟

جوه فلسطين مصيبه كبيره غير الحرب

اذا فعدت فى بياك وارضك رغم الضرب والحصار تبقى خاين ومن عرب 48 اللى عاشروا اليهود

واذا هربت بأهلك ونقسك تبقى جبان بعت القضيه وقلت باللا نفسى
!!!!!

اذا قلت فتح اقول حماس
واذا مصر مات لها الوف فى 48
حيقولوا عمرهم ما عملوا لنا حاجه!!!!
.....
الحكايه م البدايه ملهاش نهايه

Dr. Ibrahim يقول...

شوف يا أستاذ فشكول هيا زى ما حضرتك قولت مؤامرة وكلامك حلو وزى الفل تكتيكيا وسياسيا وعسكريا
واحنا المليار مسلم او اكثر لامؤاخذة تفوا بس على 7 مليون اسرائيلى هيغرقوهم بس تعمل ايه بقى

تحياتى لك

soly88 يقول...

فشكول باشا
كلامك100% بس أيه
القاده العرب مش عايزين حماس ولذلك هم طنشوا الكام يوم الأولنيين على اساس ان اسرائيل هتخلص
اما مصر فعلى الأقل كان لازم يبقى رفض العدوان (بقيقى) أقوى من كده
لكن الحقيقه المره ان اسرائيل عسكريا تفوقت علينا بمراحل
فمصر ايضا محظور عليها اى سلاح متطور
والصناعات الحربيه المصريه ليست متقدمه
مش عارف اقول ايه لكن حالنا بقى بؤس
من الناحيه العسكريه والشعب الغلبان مش فاهم كده
وفاهم اننا ننفخ فى اسرائيل نطيرها ولا زى ما واحد علق عندك نتف عليهم هيتمسحوا من الخريطه
فى النهايه مش حماس بس اللى ما بتخدش بالأسباب ...أحنا كمان

Soul.o0o.Whisper يقول...

استاذى العزيز

أنا جيت جرى اهو

و قرأت البوست

و شفت التعليقات كمان



موضوع الخطة و التكتيك ،

و المجانس و العضلات ،

و العدة و اتقان العمل

دا كله شئ رائع و مطلوب ...


مش باوافقك فى موضوع مش نحارب لوحدنا ولازم حد معانا ...

حضرتك قلت جانب من الموضوع ،

و ناس تانية اتكلمت و قالت جوانب من الموضوع ،

و لسه شايفة ان الموضوع لسه فيه جوانب تانية عاوزة تتوضح ...

الجوانب دى كلها لو اتجمعت ، و فعلا اقتنعنا بيها ،و حققناها مع بعض هنطلع بحل يناسب الكل حسب قدرته ..


لكن للاسف كل واحد مؤمن برؤيته و فكره ،و مش عاوز يسمع من التانى لأن هو دا رأيه و دا الصح ...


عاوزة أقرأ البوست تانى عشان حاسة انى مش جمعته أوى ...

و لى عودة أخرى



خالص ودى

أحــوال الهـوي يقول...

تحليل هايل ياصديق الجميل
يا سعادة اللواء اركان حرب فشكوووووول

يا سيدي
اري اننا مازلنا نستقي المعلومات من وسائل اعلامهم بحجم الخسائر المعلنه
و اظن الجمع بين ما تصدره المقاومه و رد الفعل القاسي من اسرائيل قد ترجح ما تذكره المقاومه
فكلما صرحت المقاومه بعدد معين من القتلي يعقبه هجوم مكثف علي نفس المنطقه المذكوره

لكن في النهايه عدم تكافئ ميزان القوي و تصور قادة حماس بتشابه طبيعة العمليات مثل جنوب لبنان 2006 و لكنهم تناسوا ان اسرائيل تداركت اخطاءها بناءا علي تقارير لجنه .... نسيت الاسم و غيرت في بعض الاساليب لتفادي الخسارة

الموضوع سوف يظهر بعد حين و يومها سوف نعرف من الذي يتفشكل و يفشكل

تحياتي

على عبدالله يقول...

استاذ فشكول
الاخذ بالاسباب ضرورة ايمانية قبل ما تكون ضرورة للفوز او النصر
بمعنى اننا نتفق مليون المية فى النقطة دى
ولكن عندما كان سيدنا نوح عيه السلام كان يبنى فى السفينة ماذا كان يقال عنه ؟؟!!انا اتخيل انه لو حدث فى عصرنا هذا نفس الموضوع لقيل عنه نفس الكلام
ازاى يعنى هاييجى طوفان يغرق الارض كلها ما عدا حتة سفينة ؟؟!! اشمعنى يعنى
اقصد ان السفينة بالمقارنة بالطوفان لا تساوى حتى شعرة
فالاهم ليس قوة او نوع السبب ولكن الاهم من ذلك هو التوكل على الله فى نفس الوقت الاخذ بالاسباب
ولك ايضا فى عصى موسى خير مثال

اما بالنسبة لحماس
انت ممكن تفكر بطريقة اخرى ،،، بمعنى ان حماس فى البداية لم يكن لديها الا الاسلحة البدائية جدا اما الان فلديها احدث وافضل وهذا يعتبر انجاز فى ظل الظروف التى تمر به فلطين بوجه عام
بالبلدى يعنى بدل الطوب اصبح صواريخ والحمد لله !!!
والدليل ان اسرائيل خافت من شوية الصواريخ دول وقالت لازم نقضى على حماس ... لكن هيهات هيهات

معلش ان مستعجل ونكمل بعدين

خالص تحياتى

AhMeD RaDy يقول...

استاذ فشكول

الموضوع رائع وحلو .. بس هو فى كم نقطة

لو سمحتلى اعلق عليهم

اولا .. الاخذ بالاسباب ..

ودا كلنا متفقين عليه وبشدة ولكن للاسف السؤال االهم هو يتنفذ ازاى طب ما السعودية والكويت ودول الخليج بستورد كل سنة بملياراد الدولارات اسلحة ها ؟؟ وبعدين ولا اى حاجة سلاح متطور جديد نضيف حلو ولذيذ كمن امريكا ؟؟ برده ما فيش العقلية اللى موجودة عقلية ما يعلم بها الاربنا ..؟

ثانيا

اقصى عرض لغزة هى المنطقة الجنوبية بعرض 17 كيلو متير

ثالثا

المخطط الاسرائيلى اللى حضرتك شرحت دا بالظبط هو اللى بيحصل فعلا على ارض الواقع .. ويمكن السؤال اللى بيدور فى دماغ معظم المحلليين العسكريين ليه الطيارت بتضرب براحتها اوى كدا ؟؟

رابعا

المشكل الحقيقية اننا بين مشكلتين . مشكلة مصر وامنها وخوف من دخول اهل غزة ..؟؟ وعشان كدا المعبر مغلق ؟؟ وبين ان دى قضية انسانية فى المقام الاول ودينية واخوية

وهنا زى ما حصل ايام السادات نحن امام خيار بين مصريتنا وعروبتنا .؟؟

خامسا

يعنى سبحان الله على العرب اسرائيل ام 200 قنبلة نووية اليفة وبتشرب اللبن وتنام بدرى .. لكن حماس بنت ال ...
هى الخطر .. وايران الدولة المسلمة رعب ونحط قواعد عسكرية للحماية منها من ايام حرب الخليج ..

سادسا

تهمة مصر بالخيانة مش عربية بس لا دى كمان دولية .. فى مظاهرات فى امريكا بتقول
Shame Mubark

دا غير كاريكاتير صحيفة االكونوميست ومقال روبرت فيسك اللى هزئنا فيه بكفاية ؟؟

سابعا

هو امن مصر اقومى مش بيبدا من برة الحدود ولا ايه ؟؟ الله اعلم

ثامنا

الحرب مرفوضة طبعا لان احنا م عندنا استعداد ندخل حرب ... مع ان سبحان الله فى حاجة غريبة فى البلد دى ايام النكسة كان صناعة وزراعة والحياة فلة ومصر كانت ليها شنة ورنة وعزيز صدقى قال بالارقام مصر كان عندها اكتفاء ذاتى وبعد تقريبا 30 سنة سلام مصر جعانة وتعبانة وعندها التهاب كبدى وسرطان وشلل وبلاوى منيلة بنيلة

وشكرا استاذ فشكول على البوست

Empress appy يقول...

مش هقرا التعليقات علشان عارفه انى ممكن انطح حد
بس هرد عليك انا متفقه معاك فى حته التقسيم والفرقه دى وكلامك صح وموزون بج د حتى الخريطه
حماس ضعيفه معندهاش ولو عندها اسلحه صدقنى كان زمانها بهدلت اسرائيل لانهم بطبعهم الخوف وانت عارف ان الجندى فى المعركه مينفعش يكون خايف فاكر هتلى لما قال ادونى سلارح روسى وعقل المانى وجندى مصرى اغزو العالم يبقى الشجاعه فى القلب مطلوبه اسرائيل نو
حماس على قدها الصواريخ اللى معاها صنع يدوى وعلى الرغم من كده بتجيب مدى
مصر محدش طلب منها يحارب هاتلى نص صريح او فيديو حد بيقول حاربوا الناس بتطلب مننا نتحرك والشعب يضغط على الحكومه انت فاهم طبعا
حماس بتاخد بالاسباب زى الامثله اللى جبتها بس ربنا هو اللى بايده
لو العرب اتجمعوا على الضغط على اسرائيل كله هيكون كويس

ملحوسه انا مبحبش حماس زى الكوره بالظبط بس بشجع اللعبه الحلوه وعجبنى الصمود بتاعهم وعجبنى قوتهم بجد وصبرهم واصرارهم ومش وقت اقول مين غلطان فيهم فتح حماس ام الخلول بس اخواتى ولازم اقف معاهم سورى على الاطاله مش هى كده برضه

إيمان قنديل يقول...

سيبك من حكاية غزه ايه حكاية أم أسامه بالظبط شكلها كده غارت بعد ما عملت النيو لوك بتاعك وحطيت صورتك في بروفيل المدونه

على عبدالله يقول...

استاذ فشكول باختصار
وما رميت اذ رميت ولكن الله رمى

يعن لازم يكون هدفنا هو نصرة الله ورسوله ودين الله فى الارض ثم بعدها استخدم اقصى ما تملك من امكانيات حتى وان كانت سيوف !! ولا يشترط فى ذلك التساوى فى العدة والعتاد
حينها فقط سننتصر باذن الله لان الله وعدنا بالنصر
ان تنصروا الله ينصركم ويثبت اقدامكم

استاذ فشكول
انا مع المقاومة بكل صورها وبكل فصائلها سواء كانت حماس او فتح او غيرها المهم المقاومة .. وليس الاستسلام!!

كلمة اخيرة

انت ممكن تعيش فى سلام وراحة بال .. سهل جدا لكن هناك شرط اساسى الا وهو
انك تستغنى عن كرامتك ورجولتك وعروبتك واسلامك

والله المستعان

حسن ارابيسك يقول...

فشكوووول بيقول
يروقني هذا الأسم الحقيقة عن فشكول دوت كوم
فشكووول بيقول
لأنني بصراحة عندما تصفحت تلك المدونة الجميلة والمتميزة القيمة اكتشفت ان عمنا فشكوول بيقول حاجات كتيره من كل صنف ولون فلسفة على علم نفس على دين على تاريخ قديم وتاريخ حديث على سياسة على معتقدات على مرئيت على ثوابت على إيمانيات على نظريات على اجتماعيات من كل صنف ولون
وهذا ما جعلني الحقيقة سعيد بما قرأت ولم أمل منها على الإطلاق أثناء مطالعتي لهذا التنوع الجميل لذلك فضلت مع نفسي على الأقل أن اسميها
فشكوول بيقول
بلا شك ان هناك جهد واضح لدى حضرتك في تقديم مادة قيمة بالفعل في كل بوست والجميل فيها طريقة تناولها بشكل بسيط تتخلله خفة دم واضحة وظاهره مما يضفى على بوستاتك الاصرار على متابعتها دون ملل أو كلل
لذلك لي الحظ الكبير في التحاور والوصل معكم ان شاء الله كما لي الشرف في إضافة رابط تلك المدونة الثرية لمدونتي المتواضعة حتى نتواصل أدبياً وفنياً واجتماعياً في كل هموم هذا الوطن وأبناءه الطيبين
تحياتي
حسن أرابيسك

غير معرف يقول...

عمنا الغالى /فشكول دوت كوم

يجب أن نعترف نحن العرب السنه اننا لم ندعم غزه ولا حماس الدعم المطلوب
يعنى لو كنا دعمناهم كما دعمت ايران الشيعيه حزب الله الشيعى كنت حتلاقى عندهم الحيه
والكوبرا
والطريشه كمان
أحنا العرب السنه دعمناهم فقط بما يسد جوعهم ويكسى أجسادهم فقط وكان عليهم تدبير سلاحهم المتواضع

حزب الله كانت ايران تدعمه بلا حدود مادياً وعسكرياً وأعلامياً
ورزقهم الله بالدعم السورى الذى ترجم الى كم من الصواريخ القادره والفاعله وصل لأيدى حزب الله
بالجنوب البنانى فصمد أمام الصهاينه
وكبدهم الكثير من الخسائر

أما حماس السنيه
ماذا فعلنا معهم .. قاطعناهم وهم منتخبين وأيدنا من أنقلب عليهم ولم نستطيع أن نؤلف بينهم وبين فتح لأننا لم يعد لنا .. حتى بين العرب .. وزن ولا مكانه
فلم ندعمهم سوى بالكلمات لقد عايرناهم بحروبنا من أجلهم
وهذا لم يحدث
ونسفنا أنفاقهم وأغلقنا المعبر الذى منه يتنفسون
لذلك الأصابات فى الجانب الأسرائيلى بسيطه وحماس خسائرها شديده
وفى مثل هذه الظروف العربيه السنيه البخيله والكئيبه
سيكون عدم القضاء على حماس
نصر لحماس وهزيمه للأهداف الأسرائيليه
المعلنه

وكفايه كده

ودمت بخير

رئيس التحرير يقول...

==================================
وهذا نقد ذاتى على شاكلة (اياك اعنى واسمعى يا جاره)
==================================
لا اختلف معك في المظهر ولا في الجوهر ...ولا ازعل منك ولا تزعل مني والله العظيم بحبك ...رغم ....
بحبك قوي والله.
بس انا مش فاهم يعني ايه وهذا نقد ذاتي ممكن تفهمني؟
تحياتي...........

فشكووول يقول...

تم الرد على جميع التعليقات حتى صاحب العزبه وذلك بمدوناتهم

Dr. Ibrahim يقول...

يا عمنا مقدرش على قمصتك والله

لا مش القصد نتف بجد يعنى

عارف ان الإمكانيات والأاسلحة أختلفت

وربنا هو اللى بيأمرنا ان احنا نعد ما استطعنا من قوة وكلمة قوة تشمل الكثير

ولكن كان قصدى ان دا كناية عن كثرتنا

قدام شرذمة قليلة

تحياتى لك

zainab يقول...

أبى فشكول

فعلا عندك حق أنا مش عارفه انا مغلبه نفسى ليه

كمان اللى أعرفه ( الإتحاد قوة)

شكرا

أمل حمدي يقول...

الخسارة الرهيبة اللي لحقت بحماس

اجبرهم عليها الحصار الظالم وصمت الاشقاء

انا اعلم انك تتألم كحالنا جميعا

لكن بتفكر في الصح في اللي مفروض كان يحصل

ان يكون في تكافؤ بين حماس ولا اقول فلسطين

وبين زفت الطين اللي ماتتسماش

ولكن صمودهم اقصد حماس قد يغير حساباتنا

ويجعل الله النصر حليفهم بقدرته

يارب يارب يارب

على عبدالله يقول...

يا استاذ فشكول

ربنا يخليك
جزاك الله كل خير
والله انى احبك فى الله

يبدو انك اخطأت فهمى والله
انا ماقصدكش والله
يمكن يكون كلامى فيه تلميحات لكن اقسم لك بالله العظيم انى لم اقصدك ولو بكلمة

ممكن يكون علشان شايفن يعنى بلحية فاخدت عنى فكرة انى بكفر الناس او بتهم الناس فى دينهم
لا والله يا استاذنا
لا يعلم النوايا الا الله وحده عز وجل
وبعدين يا استاذنا اصحاب اللحى مش ارهابيين ولا حاجة وشباب زى الفل ومش عايشين فى قمقم والله

..............
ملحوظة صغيرة

انا مقولتش ان الاسلام حكر على حد
وما حكمتش على اسلامك لان لا يعلم النوايا الا الله واحسبك على خير ولا ازكيك على الله !!
وماقلتش انك ضد حماس او المقاومة عامة
وان قلت انك ضد حماس ف حماس مش هى الدين يعنى ،، مش معناها انك ضد الدين !!!
يا رب تفهمنى يا استاذنا

وماتنسناش يا عم بالزيارة
وما تحرمناش من تبادل الاراء والخبرات


لكن انا لى عودة اخرى للرد على تعليقك عندى نقطة نقطة ان شاء الله
لكن بعد اما تغير نظرتك ليا

والسلام عليكم ورحمة الله وبركاته

مسدس صغير يقول...

مؤامرة كبيرة لكن العرب ادها بس مش دول . العرب اللى ربنا هيجيبهم يستاهلو النصر .. اشكرك على كروكى الخريطة الرائع اللى حسسنا ان انت واحد من افغانستان.. اشكرك

Unknown يقول...

ايه الكلام دة يا ناس؟؟؟
هو انا فهمت واستوعبت و وافقت ومعاك جدا........الله ينور بجد ان متفقة مع مذكرات مشاغب وعايزة اقول نفس رده..هو المشاكل الخاصة اخبارها ايه كله تمام؟؟

ن يقول...

السلام عليكم
أستاذى الفاضل فشكول
أحسن حاجة إنك وزعت الادوار فى كل الاتجاهات فعلاً تحقيق ممتاز وكمان إكتشفت إنك رسام بارع ومخطط بارع رسمت الخريطة ووزعت الاحداث .
أنا عارفة إنك زهقت من تعليقاتى بس أعمل ايه مدونتك بحبها . ايه رأيك تيجى نكمل وتشوف معايا صندوق الدنيا اللى جابهولى الولدى ميدوا إبنى وكان مفكر إنى هشوف اللى هو بيشوفه .
إتفرج يا سلام على الدنيا ياسلام وشوف على الساحة أجمل الافلام .
تصدق ياسلام إن الخريطة الحقيقة للوطن العربى مش هى دى الخريطة دى خريطة رسمها لنا الاستعمار دى هى حدوده وتقسيماته وصراعاته وإحنا لسة عايشين على مزاجة رضينا أو أبينا لسة بنقسم على تقسيماته . إتفرج يا سلام شوف الدولة الاسلامية الاول كانت إزاى وشوف قبل كدة بكتير الوطن كان إزاى فى إفريقيا شوف فلسطين كانت فين من مصريتنا إرجع يا سلام وأتفرج يا سلام
على أيام زمان ونتحسر سوا على الامجاد

إتفرج يا سلام على جنود حرب أكتوبر وما يقرب من مليون شهيد وإتفرج يا سلام على مجزرة بحر البقر والاباء شيالة أبنائها الضحايا لكن يا سلام عمرنا مارفعنا إيدنا وقلنا حسبى الله ونعم الوكيل على العرب اللى ماجوش وأخدوا حق أولادنا إحتسبنا الله على الاعداء وقررنا بنفسنا ناخد حقنا كانت دعوتنا ياسلام منصبة على عدونا علشان كدة ربنا نصرنا ومفيش نصر بدون ضحايا ودماء أبرياء .
إتفرج يا سلام على مصر عمرها ماقصرت ولا بخلت ولا خانت ولا غدرت مصر طول عمرها يا سلام واقفة مع الكل حتى بالارواح لكن يا سلام لازم نسيب فرصة لغيرنا يتعلموا النضال بنفسهم وميسبوش حقهم ومحدش غيرهم هيرجع أرضهم واحنا ياسلام معاهم بنأيدهم قدر المستطاع لانكون ضدهم بالكلام ولا بالاتفاقات ونصون العروبة يا سلام
إتفرج يا سلام على بسالة الجنود فى نفوس حماس والمجاهدين صامدين رغم قلة الامكانيات رجال لم تخلق للنحيب والسيناريو لسة شغال والحكم فى النهاية يا سلام .
إتفرجت يا سلام على كلمة خالد مشعل اليوم لما قال إن ما فعلته إسرائيل جعل من كل بيت مقاومة حتى على مستوى العالم وخسرت إسرائيل مصداقيتها .

قفز البهلوان فى صندوق الدنيا وقال .
قرررررررررب ياسلام وشوف الاحداث بتقولك إيه .
سينقلب العالم على إسرائيل وستكتشف اللعبة الكبيرة وسوف يكون ذلك إعلان على بداية النهاية .
خلص المشهد من صندوق الدنيا وقلت لميدوا ايه يا ولد المشهد خلص وأنا كنت عاوزة أتفرج كمان
مع خالص تحياتى

daktara يقول...

شارك في حملة الطرطرة علي اسرائيل
من هنا
www.daktara.blogspot.com

daktara يقول...

مبروك علي الصورة الجديدة والشكل الجديد للمدونة
اشمعني انا مش ليه لينك علي الشمال
ولا انا يعني وقعت مت قعر القفة

Soul.o0o.Whisper يقول...

fashkool

حضرة الفيلسووووووووووووف

يا بت
يا دكتوره
يا حلوه
يا شقيه
وكمان يا مغلبانى*

ايوا كدا
عشان يبئا خمسة و خميسة
هههههههههههه


ومش عاجبك عمك فشكول خالص*

لالالا ...مين قال كدا؟؟؟



انا مش متمسك برأى ولا حاجه *

دا أكيد يا فيلسوفى العزيز
مش إحنا اتفقنا إننا نختلف
:)
و اتفقنا على ثقافة الاختلاف ؟؟


اصل عمك فشكول ما يقدرش يصرح باللى هو عايز يقوله عشان عمك فشكول جبان وبيخاف *

كل دا و بيخاف ؟؟
طب الحمد لله
أحسن لو حضرتك مش كنت بتخاف
بتهيألى كنت طلعت بينا نحارب
هههههههههههههههههه


خلاص يا مغلبانى*
خلاص يا حضرة الفيلسوف العزيز

سلام بقى*

سلااااااااااام

Beram ElMasry يقول...

fashkool
الصديق الصدوق صباح الخير
(تصدق يا عمنا انى رحت المكتبه)
اصدق لانك صادق وارجو ان لاتشغل بالك ولك كل الشكر
فى مدونتك القيمة وجدت الخط كبير بارك الله فيك واستمتعت بحديثك الذكى الواعى ، وتحليلك الشبه جامع ، بس ماذا تقصد بانك مش شاعر ، همه الشعرا مبيهموش الكلام المنطقى اللى انته بتقوله طيب يا فشكول ان مكنتش اوريك بس اشوفك ولك معابا حساب تانى
اخى سعدت فعلا بما كتبت رغم الاطالة
لك تحياتى

مجداوية يقول...

السلام عليكم

رغم اني من المؤيدين بشدة لاعداد ما استطعنا لهم من قوة لكن هدف الصهاينة كان القضاء على حماس وده بدأ فعليا بعد وصولها للسلطة والحصار والتجويع ومساعدة كل الدول العربية وأولهم مصر على الحصار ده أعطاها الضوء الأخضر لأن حماس شوكة فى ضهر اسرائيل وفي ضهر النظام عندنا عشان الاخوان المسألة سياسة قذرة مع حكومات أقذر ,,لكن لأن وعد الله حق فالمقاومة سواء تمثلها حماس أو أى فصائل أخرى مش حتنتهي لأن مقاومة الاحتلال فرض عين وقضية فلسطين مش قضية أرض محتلة لكن قضية عقائدية وأزلية بنص القرآن
ولما تلاقي مثلا أمن الدولة عندنا مانع أى تعاطف شعبي تعرف أن الأمر مقصود لأن أمن حكومة مصر يفوق الاسلام عندهم
وقول مصطفى الفقى مصر أولا وقبل الاسلام خير دليل على سياسة الحكومة البوذية دى
الاسلام محارب مننا قبل ما يكون محارب من الخارج
والوحدة دى شكلها مش حتحصل طول ما الحكام دول أمنهم الخاص وكراسيهم أهم من نصرة دينهم أو على الأٌقل نصرة الانسانية واغاثة الملهوف حتى لو كافر وحيستبدلنا ربنا عشان يلاقي ناس عندها ضمير ودين ونخوة لو منتهزناش الفرصة ووقفنا جنبهم

فالجهاد بالمال والدعاء وبكل شىء نستطيع تقديمه يمكن ينقذنا من العار والخزى اللى وصمتنا بيه حكومتنا

من غير عنـــوان يقول...

فشكول

متهيألي
إحنا نعد العده في ولادنا او أحفادنا
وهما يكملوا ... بس يكونوا أقويا شويه ومتحدين شويتين

أمنياتي

م/ الحسيني لزومي يقول...

لا تستطيع ان تجاهد
لاتستطيع ان تتظاهر
لا تستطيع ان تتبرع بالمال
اذن قاطع وادعو غيرك للمقاطعه
منتجات كل من يدعم العدو
**** هل تعلم أن:-
1- شركه ستار بوكس(للكافيهات والقهوة) تدعم العدو ب 2 مليار سنويا من ارباحها
2- شركة فليب موريس (مارلبورو & مريت ) تدعم العدو وتدفع بصفة يومية ما مقدارة 12% من ارباحها.وعليه فإن مدخني العالم الإسلامي فقط يدفعون كل صباح 12 مليون دولار اي ما قيمته طائرة اف-16 كل اربعة ايام .

*** قائمة المقاطعة
ستار بوكس
ماكدونالدز
برجر كينج
كنتاكي
بيترا كينج
كوكاكولا
بيبسي
فردركرز
شيليز

لنوقف شراء البضائع الأمريكية والبريطانية لشهر واحد فقط

سوف تكون تكلفة هذا الشهر عليهم خسائر مقدارها
37 بليون دولار

الازهرى يقول...

حبيبى الغالى طبعا انا جيت متأخر
لكن انا جيت هنا قبل حتى الرد على التعليقات عندى

التحليل دقيق ورائع فى العديد من النقاط
اما بالنسبة لحماس فعلى الرغم من انتقادى للعديد من النقاط الا ان المعلومات القليلة لمتوافرة عن الموقف تدعونى للحذر
هذا عسكريا
اما سياسيا فالموضوع يحمل الكثير من التكهنات والسيناريوهات لتى لم استوعبها حتى الان نظرا للظروف الخاصة التى امر بها

ولو انك تزور الفارس الاخير لوجدتنى اناقش نفس المضو تقريبا ولكن من وجهة اخرى
تحياتى دوما

Hanan Elshafey يقول...

استاااااااااذ فشكول
بصراحه كده تقريبا يعني اللي فاهم بقي بيقول علي نفسه مش فاهم واللي زي حضرتك بسم الله ماشاء الله
باين يعني
انا بقي اللي فاهمه وعارفه كل حاجه
كلام حضرتك صح جدا
لكن بعييييييييييييييييد يتحقق
ربنا ينصرهم ويبعث روح النخوه والرجوله في رجالنا
احسن نلبس كاكي ونروح احنا نحارب اخرت ما نزهق يعني
اول مره ازور مدونة حضرتك
والجاي كتييييييييييييييير

وفاء بركات يقول...

آآآآآآآآيه ده عظمه علي عظمه أ. فشكول المحلل السياسي العسكرى ...
والفليسوف وأبن البلد الطيبه مصر
حضرتك فكرتيني بالفلاح الفصيح فأرجو
منك ألا تصف نفسك بعدم الفهم ياعمنا
ربنا يجيب العواقب سليمه
أنا في غاية الفرح لمرور سحابة القلق بسلام
علي أسرتكم الكريمه ويارب متعود مرة ثانيه ولا يعكر صفوكم والأسره غما أوكربااللهم أمين
تحياتي

dr_samarmar يقول...

بسم الله الرحمن الرحيم

الموضوع دا زود بجد معلوماتى كتير أوى بشركرك ع المعلومات الحربية دى.. أهو كدا الواحد يعرف يحارب لو الأمر حكم يعنى :D

كل العرب متخاذلين مش بس مصر.. و كل الشعوب العربية نفسها تعمل حاجة و معظمهم يتمنى الحرب و الشهادة
و حكام العرب طبعا ...... كلهم بقا و بلاش نجرح فى حد أحسن

بس يبقى كدا الحل مش فى ادينا.. أنا مش عارفة لما ربنا يحاسبنى هقول ايه فىا لموقف دا

فى ايه ف ايدى أعمله؟؟؟
لو حد مصرى أعد العدة و طلع على رفح و عدا و قال هجاهد فى سبيل الله.. دمه هيروح بلا مقابل زى غيره :(

يبقى محتاجين سلاح كويس زى ما حضرتك قولت و قرارات حكومية صارمة و قطع علاقاتنا و سفاراتنا باسرائيل كلنا.. محتاجين شوية اتحاد بجد و نفرمهم

بس هو احنا كشعب هنعمل ايه:(

تحياتى الكتيرة

mahasen saber يقول...

الموضوع طويل ومتشعب بس جميييييييييل
جميل جميل

بس زى ما قلت يا استاذنا فى بداية البوست موضوع غزه قارب على الانتهاء
يعنى هننساه وكان شيئا لم يكن
وهنعيش حياتنا عادى عادى

وهتلف الدنيا بينا لما نفوق فى يوم على غزه والعراق والجراح دى كلها تانى

صبرني يارب يقول...

والله والله انت راجل زي العسل

شوف يا استاذ فشكول هما والله الى بهايم او احنا الى بقر عشان فاكرينهم كده

انا شايفه ان قادة حماس مذنبين ياجدعان

حتى لو كانوا مش فاهمين عذر اقبح من ذنب

امال عاملين فيها رجاله وراحيين يحتلوا المعابر ليه


والعرب امجاد

يا استاذنا العرب يظهر انه بقى جرررررب

حسبنا الله ونعم الوكيل

تعالى شوف عملوا فيا ايه عندي عشان قلت كلمتين حق والله وحماس تستحق اكتر منهم


الناس لغت عقلها وبتفكر من خلال الى بسمعوه فى الجزيره والهبل والبتنجان المخلل الى شغال فى الفضائيات العميله الموجهه دي

صبرني يارب يقول...

اه على فكره
خط حضرتك زي خط بابا بالظظظظظظظبط حتى طريقة الرسم والشرح ولما يكون بيفكر فى حاجه لازم يكتبها انشاله على حرف الجرنال

وكنت انا الى باخد بالي بقى واقفشه

تحياتي لحضرتك

قلم رصاص يقول...

موضوع رااااااااااااائع جدا ياعمو صلاح

بارك الله لنا في عمرك ودماغك الموزونة

تقبل مروري مع التحية

قلم رصاص يقول...

موضوع رااااااااااااائع جدا ياعمو صلاح

بارك الله لنا في عمرك ودماغك الموزونة

تقبل مروري مع التحية

آه وكفى يقول...

استاذ فشكول ممكن سؤال تاعبني::

هو ضروري يعني اللي يصعب عليه حال الفلسطنيين ويبئى ضد اسرائيل يبئى مع حماس وبيحب حماس ويقول حماس حلوة وجميلة .. ولا ممكن ابئى مع الفلسطنيين عشان هما ضحايا غباء سياسي واسب وألعن اسرائيل عشان هى سرطان في قلب العرب وكمان ابئى متغاظة من حماس عشان فتحت على نفسها فتوحة

جاوبني الله يخليك

شمس النهار يقول...

ايه ده كله
بس ربنا قال انه هينصر المؤمنين
فين المؤمنين اللي ربنا هينصرهم
كل واحد خايف علي كرسيه
لازم المقاومه الفلسطينيه تتحد الاول

ahmed_k يقول...

أستاذ فشكول إزيك
والله معاك حق
مشكلتنا دوما عدم التخطيط السليم لأي مواجهه مع أعدائنا
ولكننا نأمل خيرا
فربما لم يستطيعوا مع الحصار الطويل التحصل على مثل تلك الأسلحه
وقد أعدوا ما استطاعوه من سلاح وقوه
وهاهم اليهود يدخلون المستشفيات بالعشرات لإصابتهم بالهلع
فهم أحرص الناس على حياة
وإن الله ناصر المجاهدين بحوله وطوله إن شاء سبحانه
أستاذي الفاضل لى تعليق بسيط حول مقدمة المقال فقد أوردت شواهد من كتاب الله سبحانه وقد وردت الآيات بها أخطاء
ولأن القرآن كلام الله المقدس فأرجو تصليح تلكم الأخطاء
(إنا لمدركون)وليست إنا نحن لمدركون

(تساقط عليك رطبا جنيا) وليست يساقط عليك رطبا جنيا

وتقبل مني خالص التحيه

غير معرف يقول...

أمام موقفي السلبي وموقف الانسانية التي ماعاد يشرفني الانتماء اليها أعلن أنا شكيب أريج أني أدخل في إضراب عن الطعام إلى حين موتي..



قد يبدو موقفي سلبيا لكنه أحسن من موقف الفنانة السورية التي تعرت في ساحة بأمريكا احتجاجا على ما يقع في العراق وفلسطين..


وقد يبدو أن لا جدوى منه لكن اللاجدوى الحقيقية هي أن لا يحرك أحد ساكنا وأن نكتفي الشجب والندب..



أعلن إضرابي حتى الموت أو حتى ايقاف النزيف وليتحمل كل واحد منا مسؤوليته التاريخية


شكيب أريج
المغرب/طاطا
matarmatar.blogspot.com

"عبير النجار "نيجار يقول...

عمو فشكول
أولا بعتذر عن تقصيري في زيارة حضرتك بس والله ما يمنعني عن زيارة حضرتك غير الشديد القوي ،
وبجد بوست رائع وتحليل حضرتك ينم عن درايه ومعرفه والمام بكل التفاصيل
بجد بستفيد جدا من كل موضوعات حضرتك
وفي انتظار المزيد،
تحياتي لحضرتك يا عمو

mr_raafat يقول...

السلام علي غزة
السلام علي المجاهدين
والنصر للمؤمنين
والخزي والعار علي المتخاذلين
الذين حتي لا يستطيعون أخذ قرار بعقد قمة فارغة القرار
لأن ماما أمريكا لم توافق
حتي عباس المسمي رئيس السلطة لا يوافق علي توكيل للمحامين برفع قضايا علي زعماء ” إسرائيل ”
وحسبنا الله ونعم الوكيل
اللهم اخذهم وانصر اخواننا في غزة

آه وكفى يقول...

ايه يااستاذ فشكول مختفي فين .. هى الماكل رجعت تاني ولا ايه ..

حاجــ عيال ــات يقول...

السلام عليكم
........
أمجاد ياعرب أمجاد

أستاذي عمو الفشكول صلاح احمد بيك
مجهود جميل ورائع وبجد بحييك عليه

ولسة بمتحن ومش فاضية اتوغل في اي مدونات وواقفة على حد ..عمو صلاح ..وعمو حامد يوسف..وعمو فركشاوي
وربنا يسترها معايا بقى
ادعييييييييييلي
سلام مؤقت وما تغيبش عننا

بس خلاص ... يقول...
أزال المؤلف هذا التعليق.
بس خلاص ... يقول...
أزال المؤلف هذا التعليق.
Asmaa Fathi يقول...

بوست جميل

يحمل فى طيّاته الكثير من المعلومات

القيمة

تحليلك لما تواجه غزة تحليل صائب الى حد كبير

تقبل تحياتى

****جنـــــــــــــــى****

أبو فاطمة / هويتي إسلامية - مدونون من أجل فلسطين يقول...

السلام عليكم ورحمة الله وبركاته

أولا أتمني أن تتحاور معي هنا ليس علي مدونتي كالباقين.

ثانيا أتمني أن يكون الحوار جدي ليس هزلي.

ثالثا أتمني سعة الصدر لما سأقولة.

بالله أقول

أولا موضوع الأخذ بالأسباب هذا أمرا لابد منه وهذا مطلب إسلامي بحت لابد منه لأي عمل نصر أو غيرة.

ثانيا لم ينتصر المسلمون أبدا في أي معركة ومن قبلها الغزوات وعددهم وعدتهم أكثر من عدوهم ولك أن تراجع التاريخ الصحيح في

بدر
مؤتة
القادسية
الزلاقة
نهواند
وهناك الكثير ولكن لا يتسع المقام لذكرها.

ففكرة الأخذ بالأسباب هذه هي قضية حماس هي التي تعلم قدرتها في جلب الأسلحة.

وهم بالفعل قد أعدوا العدة للحرب والمقاومة.

وبالفعل كما ذكرت حضرتك أن الأمر أمرا عسكريا بحت فلنترك العسكريون يحللون وإليك تحليلهم.

أولا ما تقول عليه بمب هو لإسرائيل بمنزلة الرعب الحقيقي وبالفعل الأمر بالنسبة لهم جد خطير هذا كلام العسكريون وإليك المفاجأة أن إسرائيل القوية العتية و التي تقف وراءها أمريكا القوية " الإسفنجية " بمعني الكلمة لا تمتلك نظاما للدفاع الصاروخي فماذا تقول في سلاح دفاع صاروخي أبي في الأسلحة والزخيرة يقول عليه أنه بملاليم قليلة."""ما رائيك """.

يقول العسكريون أن حماس بمعدل ما تطلقة من صواريخ في اليوم يدل علي إعدادها الجيد للحرب ولكن للأسف الإمداد لم يصل كما تفعل أمريكا مع إسرائيل ورغم ذلك يقول العسكريون أن حماس لديها من المخزون ما يكفي لخزل إسرائيل.

يقول العسكريون أن حماس مازالت لم تستخدم الأسلحة النوعية حتي الأن إلا مرة واحدة وفيه جعلت طائراتين يهبطوا هبوط إضطراري بحت وإسقاط طائرة للتجسس.

ثم أن نتيجة الحرب حتي الأن ليست عشرة أشخاص بل " 54 " جندي إسرائيلي غير المصابين الذي بينهم 45 جندي معاق تماما يعيش معاق.

هذا غير الأكمنة والـ(أر بي جي ) غير القذائف المضادة للدبابات ولا أعلم لماذا لا تعرف ذلك كله حتي الأن.

هذا هو كلام العسكريون إليك كلام الإسلام.

وأعدوا لهم ما ""إستطعتم"".

وهم يعلمون علم اليقين مدي الإستطاعة

إليك المسلمات علي أرض الواقع

إستمرار الضربة الجوية يعني فشل إسرائيل الفشل الزريع الذي ينم عن نصر الله القادم وكما قال القائد العظيم المؤيد إسماعيل هنية أن المعركة غير متكافأة ولكن ما يحدث في غزة هي معجزة إلاهية بحته.

ماذا يعني لك أستاذي الفاضل

1:إستخدام إسرائيل للأسلحة الفسفورية

2:قبول مجلس الأمن وقف إطلاق النار.

3:الإنشقاق الداخلي في إسرائيل.

4:إعداد المقاومة المفاجأة المتتالية ولك أن تسمع بالصوت والصورة الأكمنة علي قناة الأقصي تردد 10872 والباقي معروف.

5:الموقف السياسي لحماس لرفض المبادرة المصرية إلا بشروط المقاومة.

وبعد أن إنتهي الكلام العملي

أستاذي

المعركة محسومة للمسلمين وأقولها وكلي ثقة بأن إسرائيل ستفشل بنص حديث رسول الله صلي الله عليه وسلم لا تزال طائفة من أمتي " والباقي معروف ".

أما عن القتلي فأقول لك إسمع كلمات أهل غزة نفسهم ستكون خير شاف لك علي ما تقول وخير شاهدا عن المقاومة والنزال حتي النهاية.

أبو فاطمة

Unknown يقول...

هنتقابل فى الاسماعيلية
يوم الجمعه 16/1
الساعه 11 ظ
امام الباب الرئيسى للمستشفى الجامعى
عدد الجرحى فى الاسماعيلية 19 حالة
بعد ان توفيت شابه هذا الصباح
منهم سيدة تبلغ من العمر 58 عام
وشابة فى العناية المركزة عندها 17 سنة
والباقى رجال من سن 17 عام الى الاربعينيات
ومازالت المستشفى تستقبل المزيد
فى اربع رجال فى مستشفى الكهربا
غير ان هناك عدد من الاصابات
فى المستشفى العام
محتاجين
تبرعات مالية
وبعض الملابس
عصائر
معلبات
رقم تلفونى للاستعلام
0188047779
والله المستعان
اللهم اجعل اعمالنا خالصه لوجهك الكريم

أبو فاطمة / هويتي إسلامية - مدونون من أجل فلسطين يقول...

السلام عليكم ورحمة الله وبركاته


أولا أستاذي فشكوول

بأمانة أقولها أمام الله والله يشهد أنا أحترم حضرتك جدا ويمكن حضرتك متعرفش كدة ولكن حضرتك معرفش لية أخذت هذا الأمر علي هذا الوجه

حضرتك طلبي لحضرتك مناقشتي هنا عندك وذلك ليكون الموضوع متكامل في مكان واحد

ثم أن تعليقك شرف لي يا أستاذي

ولكن كما قلت أنا أري أن مناقشتنا هنا كاملة ستجعل من الأمر موضوع كامل متكامل ولكن عندي ناقش موضوعي وليس موضوعك هذا ما وددته فقط

يا أستاذي أنا لم أقل أنك ضد المسلمين يا أستاذي ولكن عرضت فقط ما هو أراء العسكريين ثم لابد لنا أن نري كل الأوجه في المعركة ثم أنا أعلم أنك حزين ولكن المشكلة مشكلة مسلمين ليس عرب

القضية قضية إسلامية ليست عربية

يا أستاذي مات لنا أكثر من ذلك في العبارة والله قال لا تحزنوا علي ما يحدث ولكننا نحزن ليس للقتل ولكن لضياع الهوية الإسلامية

وأنا فخور بتعليقك يا أستاذي

ولن أحذفه بل والله لو إستطعت أن أنقله لنقلته في برواز عندي والله يا أستاذي أقولها بصدق

ولكن أتمني أن يكون الموضوع متكامل هنا ولك كل أعتذاري لو فهم موقفي خطأ فأنا الخاطئ في سوء توضيحي للأمر

أبو فاطمة

وفاء بركات يقول...

وانا أقول بني سويف منوره ليه
أتارى فليسوفنا ومحللنا العسكرى والسياسي موجود ... طب كنت قول
حتي نقوم بالواجب هبرتين لحمه محترمين
مع كوباية شاى متينه والف هنا.
مستنيه تعليق حضرتك إديني رأيك
خالص تحياتي لكم.

Unknown يقول...

حمد الله على سلامتك يا عمو صلاح و الحمد لله ان ظروفك عدت على خير و يارب ميجعلش بالك مشغول بحاجة وحشة ابدا وفخورة بكونك بتعتبرنى زى بنتك معندكش فكرة تعليقك اسعدنى ازاى....ربنا يكرمك و يحفظك

Beram ElMasry يقول...

اخى وصديقى . fashkool
موفق فى مامورياتك ان شاء الله وكان الله فى عونك ، وحمدا لله على السلامة
صدقت وانت العاشق للتاريخ قديمه وحديثه ، فالمخطط واضح صليبية اكيد ، واقزامنا يحلمون بامجاد يقدمها لهم الاصدقاء بزعمهم
(.. بتتوعدنى فى ردك على )
حبيبى هو انت شفت حاجة ، بس اتاكد انى شاعر ليحق لى الدفاع عنهم وشوف هيجرالك ايه
لك تحياتى وكل الحب

♥GeGe♥ يقول...

السلام عليكم

اخي ربما يكون كلامك جزء من الحقيقه بس ليه اسرائيل بتتضرب المناطق السكانيه المدارس والمستشفيات والمؤسسات الحكوميه وحتى وصلت معاهم يضربوا المقابر ، قتل الاطفال والنساء والسكان العزل جرريمه ولا علاقه له بحركة حماس هني عم يضربوا بشكل عشوائي ما بتفرق معاهم مستحيل يكون في الامكان الي عم يضربوها سلاح بس اظن انو اسرائيل بتتضرب بهدا الشكل بس ع شان تخوف العالم ع شان الا راح يقف قدامها راح يكون مصيروا مصير اهل غزه وحكام العرب تحديد خايفين وخاينين بس الواحد بيقول حسبنا الله والنعم الوكيل

تقبل مروي

Soul.o0o.Whisper يقول...

fashkool


فيلسوفى العزيييييييييييييييز ... حمدلله عالسلامة

تصدق كنت مستنية ردك من زمان : )
آه والله ... عماله اقول يارب هو نسى العنوان و لا ايه؟؟؟
بس الحمد لله ...جيت اهو
و بعدين 152.5 بس ؟؟ و النص دا بونص و لا ايه؟؟؟

و بعدين أنا قلت بدل ما اتعبك و تقعد تفكر و تكتب ...قلت اكتبهم بدالك ... : )


فيلسوفى العزيز ..
فعلا عندك حق فى اللى قلته عن حال المسلمين ، و إن فعلا السبب مننا احنا الاول ،
و دا واضح جدا من حديث رسول الله صلى الله عليه و سلم " إن الله زوى لي الأرض . فرأيت مشارقها ومغاربها . وإن أمتي سيبلغ ملكها ما زوى لي منها . وأعطيت الكنزين الأحمر والأبيض . وإني سألت ربي لأمتي أن لا يهلكها بسنة عامة . وأن لا يسلط عليهم عدوا من سوى أنفسهم . فيستبيح بيضتهم . وإن ربي قال : يا محمد ! إني إذا قضيت قضاء فإنه لا يرد . وإني أعطيتك لأمتك أن لا أهلكهم بسنة عامة . وأن لا أسلط عليهم عدوا من سوى أنفسهم . يستبيح بيضتهم . ولو اجتمع عليهم من بأقطارها - أو قال من بين أقطارها - حتى يكون بعضهم يهلك بعضا ، ويسبي بعضهم بعضا "

ففعلا ... كل اللى احنا فيه دا من نفسنا احنا ، لو نصلح نفسنا ماحدش هيقدر علينا .. : )


و للاسف لأننا بردوا بنندفع باسم الدين –بحسن نية- تجاه اى حد يتخذ الدين شعار ،
فدا بيوقعنا فى مشاكل كتير ، و فهم خاطئ للدين و تعاليمه ..

و الاكتر من كدا فعلا إننا ناسيين ربنا ، و مش عارفينه صح ...
بجد لو نعرف ربنا صح ، حاجات كتير أوى هتتصلح ..

خالص تحياتى وودى لفيلسوفى العزيز .. و دايما متفقين ، و ربنا مايجبس سوء تفاهم أبدا .. : )




و سلام يا أستاذى

عابد الرحمن يقول...

بجد كل لما بقرى مواضيع بحترمك أكتر
تحليل رائع وعاقل بجد

Unknown يقول...

السلام عليكم ورحمه الله وبركاته
---------------------------:
_______*النهارده عيد ميلادك*_______
==================================
======( كل سنه و حضرتك بخير )=======
==================================
فركشاوي ....ناوي.

mr_raafat يقول...

استاذنا المحترم
بارك الله فيك وحياك الله وحمدا لله علي سلامتكم العزيزة
والله لقد وحشتنا كثيرا ووحشتنا مناقشاتك الكريمة .
بارك الله في عمركم وجعلك الله ذخرا لنا
في أمان الله

فشكووول يقول...

الحمد لله .. تم الرد على جميع المدونين الذين زارونى خلال الاسبوع المنصرم والذى كنت فيه فى مأمورية عمل فى بنى سويف والمنصوره وقد كان حملا ثقيلا ولكن اسعدتنى كل التعليقات وكل الحوارات
بارك الله فيكم اخوانى جميعا

مهرة سالم يقول...

السلام عليكم...
إزيك ياعمي فشكول..
أخبارك إيه..
أنا طبعا مكسوفه منك خالص ....
على التأخير ..
بس بص يا عمي الفيلسوف...
أنا كنت بدخل كل يوم من يوم آخر موضوع بتاع غزه...
كنت بقرا شويه وخرج..
واليوم البعده مش بستوعب..
وهاكذا...
وإلى اليوم ...
مش حعلق ...
بس حبيت اسلم عليك وأشكرك بجد جدا جدا على سؤالك الدايم...
وأنا والله مش بغيب بس مش بعلق...
........
الحمدلله أن الأمور بينك وبين الحجه أم أسامه كويسه يارب على طول وتحياتي لها وللواد محمود إلي منور البلوغ ...
.......
في أمان الله

مهرة سالم يقول...

السلام عليكم ياعمي ..
طبعا أنا كده زي بنتك ...
وياريت تتقبل كلامي برحابة صدر زي ما عودتني دايما..
.......
وأكيد لك حرية الإختيار..
وكذلك حرية مسح التعليق...
......
يا عمي العزيز ..
حضرتك رددة طور الله ببرسيمه او زي مابقولو عندنا ثور الله ببرسيمه...
طبعا أجمع المشايخ عندنا في الخليج على حرمانية هذا القول لأن ليس به شيئ من الصحه...
من هذا الثور الذي يقصد بالقول وهل لله ثور؟؟؟ وأي برسيم يقصد..
طبعا تجنبه خيرا ...
وهو من المتشابهات والبعد عنها أولى هذا والله أعلم...
............
بنتك نهـــار يا حكيمنا فشكول ..
.....
دمت بخير..

مذكرات مشاغب يقول...

مبروووووووووووووووك على انتهاء المشاكل خالص
ليه دايما مواضيع حضرتك ببتاخر؟
عايزين مواضيع باستمرار
ادعوك للمشاركه في مسابقة من سيربح المليون على مدونتي

تحياتي

Hanan Said يقول...

يااااااه انا اتاخرت ازاي عن البوست الرائع ده
بجد تسلم ايد حضرتك
انا بجد بستفاد جدااا من دخولي مدون حضرتك
ربنا يكرمك ويخليك للمدونين كلهم يارب
...
بس هما عايزين مصر تحارب وتقاتل لآخر نفس مصرى وآخر راجل فيكى يا مصر .. واحنا ما عندناش مانع ... دا واجب قومى ومقدس ... بس مش لوحدنا .. حد ييجى معانا وحد يجوع شويه عشان الحرب زينا .. ولو اننا بحرب جعانين ومن غير حرب برضه جعانين .. المفروض ان كلنا نحارب .. كل العرب امجاد يا عرب امجاد فى بلادنا ماحناش كرام وعبيد ومضروبين بالكرباج.
...
عند حضرتك حق جداا في الجزء ده
وبفكر فيه كتير
ونفسي اووووي يبان امجاد العرب دي
يارب نفوق من الي احنا فيه
وندور على كرامتنا الي ضاعت واداس عليها
ويمكن اساسا مبقالهاش وجود
...
على فكره الخريطه حلوه اووووي
تسلم ايد حضرتك وبجد فدتني كتير

"عبير النجار "نيجار يقول...

عمو فشكول
عيد ميلاد سعيد يا عمو
وكل سنة وحضرتك طيب وعقبال 1000000سنه،
ها يا عمو أجيب لحضرتك ايه هديه عيد ميلادك :)
بس كان المفروض أهني حضرتك امبارح 16-1 بعيد ميلادك السعيد بس والله النت كان معلق معايا ،
وعلى فكره كلام حضرتك صح بس برضه الحزن على السنه اللي بتنقص بيبقى غصب عن الواحد ،
تحياتي لحضرتك يا عمو

على عبدالله يقول...

استاذ فشكول
.........

حليب يا اشطا ..ههه
وان كان واجب على انا اولا الاعتذار ،،
على فكرة انا مش شيخ والله انا عندى 30 سنة يعنى لسه شاب
وماتقلقش على المشايخ والعلماء ..والله لسه بخير
فى امان الله يا استاذنا

Ahmed Hishmat يقول...

مش عارف ليه
كنت كل ما ادخل عشان أكتب تعليق
فيه حاجة تحوشني
****
مش عارف ليه
احنا اتدحدر بينا الحال ليه كده
****
مش عارف ليه
مش لاقيين دماغنا اللي بتفكر
وبتدبر
راحت فين
****
بجد بجد
أنا مش عارف

م/ الحسيني لزومي يقول...

يا اخي انا حاسس اني مقصر في حقك لاني بأقرء موضوعاتك الجميلة قراءة قطرية ونفسي يسعفني الوقت وامزمز في الموضوعات الجميلة هذه واعلق في صلب الموضوع لكن الاحداث سريعه ومتلاحقه ارجو المعذرة