السبت، ٧ فبراير ٢٠٠٩

ارض كنعان - فلسطين وجبال الصبر .. الحلقه الاخيره

حتى هنا عرفنا اصل وجود اليهود فى فلسطين حتى قيام عهد الملوك وكان اول الملوك شاؤول ثم داوود ثم سليمان عليهم السلام وبعد موت سليمان عليه السلام بدأت مملكة اليهود فى الانقسام مما سنوضحه فى البوست التالى:

عهد الانقسام


بعد موت سليمان عليه السلام تنازع ابناه رحبعام وايضا بربعام الملك واعلن رحبعام نفسه ملكا على اليهود وبايعه سبط يهوذا وبنيامين فى اورشليم ورفض باقى الاسباط العشره مبايعته لانه هددهم وتوعدهم بان صابعه الخنصر اغلظ من متن ابيه وانه حيؤدبهم بالعقارب بدلا من كرابيج ابيه .. عشان كدا باقى الاسباط العشره مش رضى يبايعو رحبعام وراحوا وبايعو بربعام ملكا .. كدا انقسمت مملكة داوود وسليمان الى مملكتين:


مملكة يهوذا فى الجنوب وعاصمتها اورشليم (القدس حاليا)


ومملكة اسرائيل فى الشمال وعاصمتها شكيم (نابلس حاليا)

وهكذا تظهر مملكة اسرائيل لاول مره فى التاريخ

وكانت فيه معارك داميه وشبه متصله بين المملكتين دول من جانب ومن جانب اخر مع الجيران طب الجيران بقى مين؟

من جهة الشمال (اشور -بابل )

وايضا من جهة الجنوب (مصر) واللى نجح ملك مصر شيشنق فاكرينه اللى كان صهر سليمان عليه السلام وبسط يده على او رشليم ونهبها وبسط سلطانه على دولة يهوذا ثم دولة اسرائيل .. طبعا بحاول الخص لكم على قد ما اقدر اصل اتخنقت من الموضوع ده وعايز اخلصه .


وبعد ما ضعفت المملكتين دول واصبحوا شيع واحزاب وما عندهمش ملك قوى يقدر يوحدهم ويمسكهم ويمسك مملكتهم بيد من حديد كدا بقت المملكتين مهيأين للزوال وما عدش ينفع معاهم حاجه ...(زينا احنا الوقت غثاء سيل) ودا من كثره حروبهم مع بعض وعداواتهم لبعض ومن كثره حروبهم مع الجيران وحنبتدى بقى نشوف كيف زالت الدولتين اليهوديتين (يهوذا واسرائيل)


عهد الزوال


كان تاريخ ملوك اسرائيل وملوك يهوذا تاريخ ولايتين صغيرتين تحت شقى الرحى تعركهما على التوالى سوريا وبعدين بابل من الشمال وكمان مصر من الجنوب .. كل المعارك دى اضعفت الدولتين دول لحد ما جت سنة 721 ق.م ومحت يد الاسر الاشورى فى عهد سرجون التانى مملكة اسرائيل من الوجود وزال شعبها تماما وفضلت مملكة يهوذا تكافح حتى اسقضها البابليون سنة 581 ق . م هذا من جهه

من جهه تانيه من ناحية الجنوب كان فرعون مصر يزحف على مملكة يهوذا واحتلها واسقطها سنة 608 ق.م واستمر فى زحفه لحد ما هزم الاشوريين واستولى على اسرائيل كمان .. يعنى مصر خدت مملكة يهوذا من اليهود وكمان خدت مملكة اسرائيل من الاشوريين وبقت فلسطين كلها تحت ايد مصر.


فى الوقت دا بقى كانت بتدور فى بابل احداث هزت المنطقه .. ازاى .. فاكرين اسم بختنصر .. (نبوخذ نصر) الراجل ده بقى احتل اشور .. وبعدين زحف على فلسطين وهزم فرعون مصر واستعاد مملكة اسرائيل من مصر وبعدين احتل مملكة يهوذا فى الجنوب وقتل صدقيا بن بواقين أخر ملوك يهوذا ونهب اورشليم ودمر هيكل سليمان ونفى الشعب الاسرائيلى خارج فلسطين .. واصبحت فلسطين خاليه تماما من اليهود . المؤرخين بيعتبروا دا بقى التدمير الاول لأورشليم.

حبيت انسخ ايه من القرأن ما عرفتش وعشان كدا حاكتبها بايدى وامرى لله وربنا بقى يسامحنى والايه بتقول ايه

(بسم الله الرحمن الرحيم)

(وقضينا الى بنى اسرائيل فى الكتاب لتفسدن فى الارض مرتين ولتعلن علوا كبيرا 0 فاذا جاء وعد اولاهما بعثنا عليكم عبادا لنا اولى بأس شديد فجاسوا خلال الديار وكان وعدا مفعولا 0 ثم رددنا لكم الكره عليهم وامددناكم باموال وبنين وجعلناكم اكثر نفيرا 0 ان احسنتم احسنتم لانفسكم وان اسأتم فلها فاذا جاء وعد الاخرة ليسوؤوا وجوهكم وليدخلوا المسجد كما دخلوه اول مره وليتبروا ما علوا تتبيرا 0 عسى ربكم ان يرحمكم وان عدتم عدنا وجعلنا جهنم للكافرين حصيرا) الاسراء الايه 3 الى 8.

يعنى كان تدمير اورشليم على يد نبوخذ نصر (بختنصر) التدمير الاول على قول معظم المؤرخين.

اصل التسميه باليهود

بعد كدا جه قورش اللى هو ملك الفرس وعمل ايه قورش احتل بابل ومن ثم اصبح له السياده على ارض يهوذا اللى كانت تحت الحكم البابلى - مش بختنصر كان احتل فلسطين .. طبعا. اطلق الفرس بقى على شعب يهوذا اسم اليهود وعلى عقيدتهم اسم اليهوديه ومن التاريخ ده اصبحت كلمة اليهود تعنى من اعتنق اليهوديه حتى لو ما كانش من بنى اسرائيل ودا يا جماعه الفرق بين اليهودى والاسرائيلى

طبعا احنا عارفين ان الاسرائيلى هو من انحدر من نسل يعقوب .. اما من انحدر من غير نسل يعقوب من اليهود فهو طبعا ليس اسرائيلى وان الفرس هما اللى اطلقوا عليهم كدا .. نرجع مرجوعنا بقى للفرس عملوا ايه مع اليهود .. بعد كدا لما جه قورش ملك الفرس جه سمح لليهود بالعوده الى فلسطين .. فعاد من عاد ولكن اكثرهم لم يعودوا واعادوا بناء المدينه المقدسه (اورشليم) واقاموا تانى معبد صغير مكان الهيكل اللى كان بناه سيدنا سليمان وهدمه بختنصر.

مع الاسكندر الاكبر

كانت عودة اليهود الى فلسطين عودة افراد زى ما قلنا وليست عودة دوله وفى سنة 320 ق.م زحف الاسكندر الاكبر على فلسطين ورحب به اليهود وبعد الاسكندر آل حكم فلسطين الى البطالسه..

مع الكابيون

تنتسب اسرة المكابيون الى ساتياس وابنه مكابياس اللذين قاما بثورات ضد الحكم البطلسى دون جدوى حتى استطاع احد قادتهم واسمه ارتبولس ان يستقل ويأخذ لقب ملك ولكن عهده ما قعدش كتير

مع الرومان

كان الرومان يرقبون الصراعات بين المكابيين واليهود وبين البطالسه وبين امراء اليهود وبعضهم البعض هتى هب صراح كبير بين قائدين متنافسين من اليهود فاكتسح الرومان اليهود (فلسطين) واستولى على القدس بقيادة القائد الرومانى (يامبيوس) وبعدين حلت اسرة هيردوت محل المكابيين وحاول هيرودوت ارضاء اليهود فبنى لهم هيكلا على نسق هيكل سليمان حتى جاء (تبطنس) الامبراطور ودمر الهيكل واحرق اورشليم على اثر ثوره قام بها اليهود فى المدينه .. ويعد هذا فى رأى البعض التدمير الثانى للمدينه (اما من نظن ان تدمير اليهود حاليا هو التدمير الثانى فهو من قبيل ان عدتم عدنا) بعد كدا جاء اوريانوس وازال معالم المدينه من الوجود وسواها بالارض وزرعها وتخلص تماما من اليهود بين قتل وتشريد ونفى واستطاع اليهود الهرب الى مصر وشمال افريقيه واسبانيا واروبا واقام دربانوس هيكلا وثنيا باسم جوبيتر رب الآلهه عند الرومان وبقى هذا الهيكل الى ان قامت المسيحيه فى اورشليم فدمر المسيحيون هيكل جوبيتر فى عهد الامبراطور قسطنطين.

مع المسلمين

فى سنة 636م فتح المسلمون فلسطين من الرومان ومنذ ذلك التاريخ عادت لفلسطين عروبتها الكاملة وكانت آنذاك خاليه من اليهود تماما واصبحت فلسطين منذ ذلك التاريخ عربيه اسلاميه.

لم تنتهى معاناة ارض كنعان فلسطين مع جبال الصبر ولكن مرورا بالحملات الصليبيه وحتى يومنا هذا ... كل هذا ذاقه شعب الكنعانيين الفلسطينين وتجرعوا الصبر على مدى التاريخ وحتى يومنا هذا وللقصه بقايا كثيره ولكن اعرف ان صبركم نفذ وانا ايضا صبرى نفذ من هذا الموضوع .. ونكتفى بهذا .. باقى موضوع واحد مش عارف اقدر اتكلم فيه ولا ما اقدرش .. الموضوع هو اشكاليه التاريخ والدين وحنخليه فى البوست القادم لو حبيتم بس هو بوست شائك وحساس لانه يتكلم عن علاقة المسيحين باليهود وعلاقة المسلمين بالمسيحيين واليهود ولذلك مش عارف حاقدر اكتبه ولا لأ......

انتهى بحمد الله

هناك ٦٦ تعليقًا:

نفرتارى يقول...

انا سعيدة انى اول تعليق لديك .. وان شاء الله هتكتبه .. وهيكون رائعة مثل الحلقات " ارض كنعان " بجد رائع وترتيبك استاذى الجميل فى منتهى الروعة والابداع .. بجد اشكرك .. وتسلم ايديك على حلقات وانا فى انتظار الحلقات القادمة .. ويارب تكون قريبة انى فى شوق اليها .

تحياتى .. ودمت بألف خير وصحة ،،

نفرتارى

Unknown يقول...

أستاذنا الفاضل الكريم
السلام عليكم ورحمة الله وبركاته
صراحة جهد يستحق التقدير والاحترام
وقبل ذلك القراءة والتمعن والتدبر
جعل الله عملك هذا فى موازين حسناتك ونفع به....

وفى انتظار جديدك دائماً
بارك الله فيك وأعزك

أخوك
محمد

نفرتارى يقول...

علاقة بين المسيحين باليهود وعلاقة المسلمين بالمسيحيين واليهود .. ليست موضوع شائك لأنك استاذى ستذكر تاريخ اى واقع .. وليس تأليف واكيد فى ناس كتير على علم بهذه العلاقة .

تحياتى ،،

نفرتارى

عاشقه وغلبانه يقول...

تسلم ايدين حضرتك
بجد ماشاء الله عليك

أمل حمدي يقول...

الحمد لله

وعقبال رحلة جديدة مع التاريخ

ويارب يرجع تاني وينتهي اليهود من فلسطين مرة اخرى

تسلم يا رب يا استاذي

بارك الله فيك

تقديري

mohamed ghalia يقول...

وانتهت على خير
ابدعت طول كتابتك للسلسلة
تسلم ايدك استاذى
دمت بكل الود

مسدس صغير يقول...

والله يا استاذ فشكول انت روعة .. بس يرجع حد يفتكر ان اسرائيل دى قديمة فى المنطقة اوى كده.. احسن حاجة تفرقلنا بين اسرائيل اللى هما بنو اسرائيل والاسباط واسرائيل اولاد الكلب بتوع اليومين دول .. اشكرك استاذى العزيز

Unknown يقول...

بسم الله الرحمن الرحيم
السلام عليكم ورحمه الله وبركاته
الله ينور عليك ويعطيك العافيه..
مجهود جد تشكر عليه ..
تعتقد ان تدويناتك حققت الهدف منها؟
شكرا لك ..استاذنا الكبير.

kalamfady يقول...

كمل على بركه الله ....الواحد بيستفيد من مواضيعك

ن يقول...

السلام عليكم
أستاذى الفاضل فشكول
أولاً نشكرك على هذا الجهد الرائع
ثانياً .. أود أن أعلق على بعض الاشياء.
قديظن الكثيريين بأن اليهود فى عهود النبوة كانوا يهوداً .. لا الحقيقة التاريخية من خلال كتاب الله وكما أوضحت حضرتك بأن هناك شقين فى القصة الشق الاول بنى إسرائيل وهذا من ناحية النسب وأصل السلالة والذين إجتباهم الله واختارهم وكرمهم من بنى إسرائيل عبر عهود الانبياء المختلفةكانوا مسلمين وما ملك النبى داود أو سليمان عليهما السلام الا تحت راية الاسلام ومن تولى فلسطين من بدايتها من بنى إسرائيل كانوا مسلمين ما عدا من عصوا وحادوا عن طريق الحق فلما أتاهم عذاب الله والمعجزات التى طلبوها رجعوا الى إسلامهم أو إهتدوا فسموا هادوا ومنها جاءت يهود وهؤلاء لم يكونوا كلهم على نفس درجة الاصفياء والمؤمنين اللذين تحدث الله عنهم فى القرآن وظل الامر يتناوب فى عهود النبوة المختلفة فمن كان مؤمناً أنتسب بإسلامه الى بنى إسرائيل ومن حاد عن الحق ورجع الى الاسلام سمى هاد أو إهتدى ثم تسللت سلالات كثيرة واختلطت بهذا المسمى ويظل من يمنتسبون الى السلالة الاصلية .
وهناك مجال للشك مما يدعيه الصهاينة الان بأن فلسطين من البداية لهم وفى النهاية رجعوا اليها لأنهم أهلها .. كلا هذا ما أوضحه الله فى القرآن صراحة بأنها كانت من البداية لمسلمى بنى إسرائيل وحرمت على العصاة منهم وتاريخهم فى القرآن يكشف مكرهم لذلك هم يحقدون على كتاب الله حقداً شديداً يريدون طمس نور الله ولن ينالوا بإذن الله والدليل على ذلك قول الله عز وجل
({وَوَصَّى بِهَا إِبْرَاهِيمُ بَنِيهِ وَيَعْقُوبُ يَا بَنِيَّ إِنَّ اللّهَ اصْطَفَى لَكُمُ الدِّينَ فَلاَ تَمُوتُنَّ إَلاَّ وَأَنتُم مُّسْلِمُونَ }البقرة132
وقال تعالى
(أَمْ كُنتُمْ شُهَدَاء إِذْ حَضَرَ يَعْقُوبَ الْمَوْتُ إِذْ قَالَ لِبَنِيهِ مَا تَعْبُدُونَ مِن بَعْدِي قَالُواْ نَعْبُدُ إِلَهَكَ وَإِلَهَ آبَائِكَ إِبْرَاهِيمَ وَإِسْمَاعِيلَ وَإِسْحَقَ إِلَهًا وَاحِدًا وَنَحْنُ لَهُ مُسْلِمُونَ )133البقرة
والاسلام هو دين كل الانبياء فلا يوجد مسمى بالدين اليهودى أو المسيحى فكلها مسميات حادوا بها عن الدين الاسلامى قروناً
إبراهيم عليه السلام كان مسلماً
قال تعالى
*مَا كَانَ إِبْرَاهِيمُ يَهُودِيًّا وَلا نَصْرَانِيًّا وَلَكِنْ كَانَ حَنِيفًا مُسْلِمًا وَمَا كَانَ مِنَ الْمُشْرِكِينَ *
وعيسى عليه السلام كان مسلماً
قال تعالى
(فَلَمَّا أَحَسَّ عِيسَى مِنْهُمُ الْكُفْرَ قَالَ مَنْ أَنصَارِي إِلَى اللّهِ قَالَ الْحَوَارِيُّونَ نَحْنُ أَنصَارُ اللّهِ آمَنَّا بِاللّهِ وَاشْهَدْ بِأَنَّا مُسْلِمُونَ )52آل عمران
الإسلام هو دين موسى ومن آمن معه قال تعالى حاكيا عنهم فى قولهم لفرعون(وَمَا تَنقِمُ مِنَّا إِلاَّ أَنْ آمَنَّا بِآيَاتِ رَبِّنَا لَمَّا جَاءتْنَا رَبَّنَا أَفْرِغْ عَلَيْنَا صَبْرًا وَتَوَفَّنَا مُسْلِمِينَ )126الاعراف
حتى فرعون لما أدركه الغرق قال رب العالمين حاكيا عنه(وَجَاوَزْنَا بِبَنِي إِسْرَائِيلَ الْبَحْرَ فَأَتْبَعَهُمْ فِرْعَوْنُ وَجُنُودُهُ بَغْيًا وَعَدْوًا حَتَّى إِذَا أَدْرَكَهُ الْغَرَقُ قَالَ آمَنتُ أَنَّهُ لا إِلِهَ إِلاَّ الَّذِي آمَنَتْ بِهِ بَنُو إِسْرَائِيلَ وَأَنَاْ مِنَ الْمُسْلِمِينَ )90يونس

الاسلام هو دين نبى الله نوح حكى عنه رب العالمين بقوله(فإن توليتم فما سألتكم من أجر إن أجرى على الله وأمرت أن أكون من المسلمين)72يونس
الاسلام هو دين نبى الله داود وأبنه النبى سليمان
قال تعالى.. إنه من سليمان وإنه بسم الله الرحمن الرحيم * ألا تعلوا علي وأتوني مسلمين * سورة النمل 30و31

الإسلام هو دين الانبياء كلهم ودعوة المرسلين اليه-قال تعالى(قُولُواْ آمَنَّا بِاللّهِ وَمَآ أُنزِلَ إِلَيْنَا وَمَا أُنزِلَ إِلَى إِبْرَاهِيمَ وَإِسْمَاعِيلَ وَإِسْحَقَ وَيَعْقُوبَ وَالأسْبَاطِ وَمَا أُوتِيَ مُوسَى وَعِيسَى وَمَا أُوتِيَ النَّبِيُّونَ مِن رَّبِّهِمْ لاَ نُفَرِّقُ بَيْنَ أَحَدٍ مِّنْهُمْ وَنَحْنُ لَهُ مُسْلِمُونَ )136البقرة
وقال تعالى مؤكداً ذلك من أول الزمن الى آخره
قال تعالى(إن الدين عند الله الإسلام)18 آل عمران
إن ما يردده الصهاينة عن أرض الميعاد وغيرها من المسميات هى وعود كاذبة واهية ولا سبيل ولا مفر من كلمات الله التى تفضح أكاذيبهم .
وللحديث بقية بخصوص البداية والنهاية لأسرائيل من خلال كتاب الله .
مع خالص تحياتى

ادم المصرى يقول...

رحلاتك مبدعه يا استاذنا بجد وتاريخك عريق جدا

تبين لنا كل شيئ اشكرك على معلوماتك وتذكيرك بكل شيئ قدمتو لنا

dr_samarmar يقول...

ربنا يعينهم يارب و يردلهم حقهم اللهم أمين

جميل أوى يا أستاذ فشكول و رائع

تسلم ايديك و مبروك ان الموضوع خلص أكيد حضرتك بذلت فيه مجهود كبير :)

ابنتك سمر :)

Empress appy يقول...

انا بجد مبسوطه اوى بالمواضيع دى بس بعد اذنك بقى هطبعها واقراها تانى متصله مع بعض ولو فيه سؤال هقولك

البت المشمشية حلوة بس شقية يقول...

طب والله مية مية بقه
عشان الواحد بيطلع بمعلومات جديدة
مش كلها اخدناها فى الدرساة يعنى بندخل نستفيد من عندك
وانتا بتاخد الثواب كدة ببلاش
ماشى ياعم الله يسهلو

شمس النهار يقول...

تابعت طبعا الاجزاء كلها اولا عايزه اشكرك علي المجهود الجبار الكريم اللي عملته في البوستات كلها
انا ماحبيتش اعلق غير لما يخلص البحث كله
ماعنديش تعليق غير شكر وتسلم ايدك

!!! عارفة ... مش عارف ليه يقول...

جزاك الله كل خير

على كل اللي فات

وبصراحه جهد تجزى عليه إن شاء الله

وربنا يعينك علينا

إنما إن شاء الله في ميزان حسناتك

وبصراحة النهاردة قريت كل اللي كان فاتني مرة واحدة وحقيقي جهد اكتر من رائع

ومعلش معلش يا ريت يكون البوست الجاي
بتاع " اشكاليه التاريخ والدين" لان بصراحه شوقتنا كدة للموضوع ده ومينفعش تسيبنا بالشكل ده

فياااااااااريت يكون ده موضوع بوستك الجاي إن شاء الله

وعارف والله مشقة الموضوع ده

إنما ده عهد اخدته على نفسك

وإن شاء الله ربنا يعينك وتمه على خير


في إنتظار جديدك :)

تحياتي
وليد

Hanan Elshafey يقول...

السلام عليكم الاستاذ الفاضل

جهد رائع واسلوب سهل وسلس وممتع

تحياتي واصدق امنياتي بالنجاح الباهر
اشكرك

الازهرى يقول...

فشكول الغالى
اتفق معك فى كل ما قلت شكلا ومضمونا
ولكن الم يحن الوقت كى نتحرك فى اتجاه الحل

تحياتى دوما
وادعوك الى ذكريات فورا
يمكن تلحق
واسمحى بس افوق وارجع اقرا واعلق

mahasen saber يقول...

هايل كالعاده يا عمنا الكبير

انا برغم دراستى للتاريخ وقرايتى فيه الا انى بتابع بشغف

tarek momen يقول...

الأستاذ العزيز فشكول
يليق بك لقب كشكول بمعني الجامع للعلم
جهد مشكور و سلمت قريحتك و يداك
تحياتي

وردشان smilyrose يقول...

استاذى العزيز

عمل كبير ومجهود رائع

ذكرتنا بتاريخ قد يكون خفيا

عن الكثيرين منا

تذكرت وانا اقرأ سطور موضوعك

كلمة استاذى جليل لى

كان دائما يقول لنا

من وعى التاريخ فى قلبة فقد اضاف

عمرا الى عمرة ومن احب تاريخه

وعمله جيدا كأنما عاش مع هؤلاء

الناس فى زمانهم اى انه عاش فى اكثر من

زمان ووعى اكثر مما يعيه الفرد العادى

لك مودتى وامتنانى

ووفقك الله استاذى الجليل

smilyrose

روح الحب الصادق

Eslam Eldosoky يقول...

تمت بحمد لله
ودامت لنا شوحاتك البسيطه الغنية بالمعلومات الرائعه
والمفيده لنا
و أرجو أن نتابع موضوع جديد شيق أيضاً علي صفحات مدونتك

تعليقاً علي التعليق الخاص ب (( ن ))
فيا أيها الفاضل كل ما ذكرته بخصوص أن دين الله الذي أرتضاه لنفسه هو الاسلام
شئ صحيح
لكن هناك توضيح بسيط حتي لا يحدث أختلاط عليك في هذا الأمر
هناك الأسلام العام وهو ما أرتضاه الله لنفسه دين لعموم البشر
ولكل نبي رسالته التي أداها
فيوجد الأسلام علي طريقة سيدنا نوح
والأسلام علي طريقة أبراهيم
والأسلام علي طريقة نبي الله موسي
..... إلخ
أم الأسلام الخاص فهي رسالة خاتم المرسلين
سيدنا محمد صلي الله عليه وسلم
ودليلي في ذلك أن محدودية الرسالة التي بعث بها هؤلاء الانبياء كانت مقصورة علي أمه معينه
لذا فلكل طريقته في الهدايه الي دين الله
مع الأحتفاظ بطريقة النبي الذي أرسلة الله بشرائعه الخاصة لهم

وتقبلوا جميعاً تحياتي

الازهرى يقول...

قال احدهم قديما
قل لى هى ارض فلسطين اقول لك كيف العالم
فهذه المنطقة كانت محل صراع لكل القوى تقريبا عبر التاريخ

واكتب ما عندك ولنناقشه بهدوء كما اعتدنا
****************
ارجوا مراجعة الموضوع لوجود تكرار لكثير من الكلمات
كما ان الايات التى تريدها هنا
http://www.holyquran.net/quran/chapters/17.html

تحياتى دوما

الازهرى يقول...

فشكول الغالى

يا خبر .. هو انا جيت متأخر كتير كدا ليه
لو بنسأل كنا لحقنا

المهم
انا متفق معاك فى انهم فئران ونحن من نتصورهم اسود
ولكن اختلف معك فى اننا فى حاجة الى اسقاط الفاسدة فلواسقطناها سيتقوم مكانها انظمة اخرى مثلها وربما اسوأ
المشلكة فى اسقاط الجهل والتخلف المسيطرين على الشعوب عندنا
عندها ستسقط الانظمة من تلقاء نفسها والامر لا يحتاج الى نصف مليون
بل يحتاج بكل بساطة الى شعوب واعية بقضيتها مدركة لهدفها واعية بما يدور حولها


يحيا التخريف
وعليكم السلام ورحمة الله وبركاته

عمرو جويلى يقول...

السلام عليكم
أستاذى العزيز آسف آسف على التأخير.
أستاذى لقد بذلت جهدا خارقا فى هذه الموسوعة فجزاك الله عنا خير الجزاء
تحياتى

عمرو جويلى يقول...

السلام عليكم
أستاذى العزيز لقد تميزت فى كل شىء من معلوما لم أسمع عنها قبل ذلك وسرد تاريخى رائع
فلك تحياتى

yoyo يقول...

أستاذى وعمى العزيز

يارب تكون بالف خير يارب

الحمد لله هأنت قد انتهيت من إحدى رحلتك الرائعة للابحار فى عالم التاريخ و حكايته

الموضوع اللى حضرتك نوهيت عنه موضوع بيه الكثير و الكثير و نحن بحاجة ماسة اليه و اعتقد انه سوف جيد
حضرتك سوف تعرض التاريخ و لن تحكى شىء من نسج خيالك
فالموضوع سوف يكون سرد للتاريخ بعيد عن الراى الشخصى

مجهود عظيم و شاق يا استاذى

حفظاك الله بالف خير

تحياتى
يويو

رئيس التحرير يقول...

السلام عليكم ورحمه الله وبركاته
أبدعت ...و أمتعت.
نحن نريد ان تتكرم علينا بالبحث عن حقائق صلاح الدين الأيوبي بعد هذا الموضوع الشيق...واظنك تبدع فيه كثيرا ..ونري كم عاني جيل كامل قبل صلاح الدين وجاء صلاح الدين ليكمل مشوار الجيل السابق ويكرمه الله بالنصر وتحرير القدس من الصليب والصليبين.
في انتظار هذا الابداع ...
وانت قدها وقدود ...وفقك الله ،،،،

mohamed ghalia يقول...

أستاذى فشكول
عايز اعرف رأيك فى مدونتى الجديدة
http://www.nazratolife.blogspot.com/

عاشقه الرومانسيه يقول...

فشكولى العزيز
انا زعلانه زعلانه جدااا منك
لانك حارمنى من زيارتك الجميله
وعليك غرامه تاخير
والحق نفسك قبل ما تبقى قضيه
مستنياك
بس بلاش تقولى دودا علشان شكلى بقى وحش قوى قدام الناس
ههههههههههههه
بجد وحشتنى

dodda يقول...

الموضوع شيق جدا

وجهد لا يستهان بيه وحمد الله عالسلامه

والف مبروك

انا متعاطفه معاك جدا انك تكتب كل
ده!!!!

وياللا بقى اكتبلنا حاجه جديده حلوه قوى زى ما عودتنا

dodda يقول...

اسمحلى اقولك ان تعليق" ن"
رائع
وياريت تنزله فى تحديث منعا لاختلاط الامور لدى البعض
انا عن نفسى طول القرأه فاصله تماما بين الحقيقه التاريخيه
والدين

لان معظم التاريخ من العهد القديم
اللى كلنا نعرف انه معلوط وملفق
وفيه الكتير من التجاوزات والتعدى على انبياء الله...

عايش... ولكن !!!! يقول...

بسم الله ما شاء الله
ايه ده كله
ده الواحد طلع ميعرفش حاجه :)
ربنا يجعله فى ميزان حسناتك

Unknown يقول...

السلام عليكم ورحمه الله وبركاته
ايوه يا سيدي ...تخلص من جبال الصبر و تدخل علي صلاح الدين و تعمل مؤامره انت ورئيس التحرير...زمان كنت انت والكحيان ...ودلوقت انت ورئيس التحرير بس علي مين ؟
والله ...هافركش الكل بقي ...أدخل شويه فشكله بقي ..ساعه كده وساعه كده والله وكله منك كده... حلوحلو خالص. مع خالص تحياتي ...

اعشق فى الليل ضوء القمر يقول...

أستاذى العظيم المبجل
أتسمح لى بأن أكون طالب مشتبك فى علمكم

ماشاء الله معلومات رهيبه

عمرو جويلى يقول...

السلام عليكم
فشكوووولى العزيز:
شرفت بزيارتك وتعليقك المتميز
والله يا أستذنا أنا أقدر لك مدى المجهود التى تبذلة للحصول على هذه الخافية عنا جميعا
فأدام الله عزك
وجزاك الله عنا خيرا الجزاء
تحياتى

بس خلاص ... يقول...

السلام عليكم
تابعت السلسة التاريخية فى تأمل وتعمق شديدين وكنت لااجد ماعق به من كلمات وكنت فى كل مره بنتابنى الاسف الشديد ان انتهى البوست واترقب البوست القادم فى شغف
حقا تظهر الثقافة العميقة فى سردكم للاحداث التاريخه ومهدت لنا وسهلت علينا فهم واستيعاب الكثير من الاحداث بصورة شيقه جدا
تتضائل الكلمات فى وصف احترامنا وتعظيمنا لشخصكم
دمت ودامت تاريخاتك
انك حقا فشكول الجبرتى

مهرة سالم يقول...

السلام عليكم ...
بارك الله فيك عمي فشكول...
وجزيت خيرا على مجهودك...
...
فكرتني بناس كنت نسياهم زي قورش ..
....
دمت بخير

ريمان يقول...

السلام عليييييييكم


انا جييييييييييت

والله يا قمر ما تزعل منى خالص خالص

انا اقصد بعض الرجال مش حضرتك والله خالص مالص

هههههه

انا اعرف ان دى اول مره تشوف فيها مدونتى بس انا زورت مدونه حضرتك قبل كده

بس حضرتك كنت بتكتب فى السلسه دى وانا مكنتش متابعاها من الاول فكنت مستنياها تخلص واتابع مع حضرتك الجديد

بس دى الحلقه الاخيره

انا قراتها بالرغم انى مش تابعت الحلقات اللى فاتت
بس حاسه ان حضرتك ما شاء الله بذلت مجود كبير جدا جدا

وكفايه بجد كم المعلومات دى اللى انا قراتها فى الحلقه دى

بجد ربنا يبارك فى حضرتك على مجهودك الكبير ده

خلاص بقى هنبقى اصحاب

موافق ولا لاء؟
؟

اكيد موافق

صح؟

مع تحياتى


ريمان

ريمان يقول...

على فكره اسم فشكول ده جميل جدا

بجد اسم لذيذ وجديد

احييك على حسن اختيارك للاسم

Unknown يقول...

السلام عليكم ورحمه الله وبركاته
حضرتك مش عايز تقول فركشاوي ...صح!
صح؟ قول ...صح ونكمل الكلام.
حضرتك عكال تقولي انور لسادات ..وعبد الحكيم عامر.. وزكي عثمان..ومحمد علي ..واخناتون والخيانه والتاريخ مليان ...انا معاك وهاجيب لك من الآخر بقي ...هات ودنك علشان محدش يسمع حاجه...هسسسسس..
طيب تقول ايه لو قات لك شوفت أبوك آدم مع أول اختبار مع الشجره عمل ايه ..ايييييه؟ ناسي ...أفكرك..
كانت الفضيحه الكبري ...كفانا الله واياكم شر الفضيحه والفتنه!!
هي يا سيدي مشكله النفس ( وكل نفس بما كسبت رهينه )...تتفق ولا...لأ ؟؟
علي كيفك يا عمي العزيز...

DoNyA يقول...

معلومات حقيقي فيها من التشويق
ما يجعل المرء غير قادر علي تحويل ناظره عنها
وحقائق اغرب من الخيال
وقصص اكثر اثاره من اكاثا كريستي
ادامك الله زخرا لنا

Kiara يقول...

بابا فشكول زحلاان ليه بس انا مش اقدر علي زحلك خالث زحلااان ليييييييييه

صفــــاء يقول...

.
بسم الله ما شاء الله

موسوعه يا عمنا

بس بينى وبينك تاريخ اليهود اسود

مهبب وملعبك ولا تعرف له راس من رجلين

بس سيادتك شرحته شرح وافى ومبسط

وبعدين ايه زعلانه منك دى ...

ما عاش ولا كان اللى يزعل منك وبعدين هو انا اقدر برضه ؟

.

غير معرف يقول...

ازيك يا استاذي

الحمد لله اليوم عدا على خير

المشكلة مش في الامتحان والله يا استاذي

الامتحان كان سهل جدا فعلا وفي مستوى الطالب مش المدرس

المشكلة في الاحساس بالاهانة بعد 20 سنة

وان علشان يحسنوا وضع المدرس ويرموله

100 جنيه يعملوا لجان وامتحانات

ويصرفوا اكتر من اللي ها يزودوه لنا

سبحان الله

كل شيء مقلوب

الحمد لله ان احنا لسه بعقلنا

شكرا لاهتمامك ربنا يخليك يارب

لما انجح ان شاء الله ها اجيبلك حاجة حلوة
سلام

غير معرف يقول...

ايه يا استاذ مش ح تخلص باه من عقدة ده مسيحي و ده يهودي و ده مسلم
يا عم احمد كلنا انسان ويكفي انك انسان عشان احبك و احترمك
الاساسي ان الكل يعيش في مودة و رحمة و سلام و الحل الجذري ان اليهود في اسرائيل و المسلمين و المسيحيين في فلسطين يعيشوا في سلام و نسيان الاحقاد اللي خلفتها الحروب علشان الحياة تمشي لقدام والا الدمار حيكون دائما سيد الموقف
على فكرة في احدى المدونات في عنوان جميل اوي بيقول صاحبو : تكون مسيحي و لا مسلم مصر مصرية
عجبني اوي لان الانتماء للوطن هو اللي حيجمع الكل واكيد عشان التوافق و الوءام و السلام يدوم لازم نحترم جميع الاديان وعشان كده لازم كل الدول في دساترها تحترم ده ازاي باقرار مبدأ العلمانية
مودتي و متشكر اوي على اللحظات الحلوة اللي قضيتها معاك على الايميل

على عبدالله يقول...

السلام عليكم

ايه دا يا استاذ فشكول
هو انا تاخرت قوى كده
كل دى معلومات ..!
عذرا يا استاذنا للتاخير

على فكرة ظهرلك منافس جديد .. اكيد انت عارفه طبعا ؟؟؟
اللهم زد وبارك

....
اسمحلى استاذنا بتعليق بسيط

انا اتفق مع الاستاذة امل

الاسلام هو الاسلام
الدين الذى ارتضاه الله لعباده وارسل به الرسل "كل الرسل "
الاسلام اسمه الاسلام
الاسلام بمعناه هو التوحيد لله عز وجل
وكل الرسل دعت الى توحيد الله عز وجل


دمت بكل خير

hasona يقول...

أحيك علي جهدك الكبير

نفرتارى يقول...

استاذى العزيز ،،

انت دايما بتوحشنا .. ويارب تكون كتبت موضوعك الجديد .. وتكون اتفشكلت واتفركشت كل عقبات وصعوبات الموضوع الشائك .
ربنا يوفقك ونحن فى انتظار كل ما هو جديد وجميل .

تحياتى ,,

نفرتارى

@alhaidar يقول...

مدونة قيمة ثرية بالمعلومات ..

تقبل تحياتي ..

ذو الوجه المبتسم يقول...

السلام عليكم ورحمة الله وبركاته
اسمحى بالزيارة لاول مرة
ممكن اقعد شوية
هههههههههههههههه
بصراحة مدونتك رائعة ومفيدة جدا
ربنا يفتح عليك
ويزيدك من علمه
تقبل مرورى

rovy يقول...

السلام عليكم

استاذى العزيز واخى الفاضل اولا اريد ان اعتذر بشده عن تقصير الفتره اللى فاتت و ده لأنى كنت فى اجازه بمناسبة اجازة نصف العام طبعا اللى ما قضيتهاش فى البيت و الحمد لله و طبعا كانت اجازه من النت ايضا .. انا لسه راجعه امبارح .. فأرجو المعذره ..
بالنسبه للبوست فحقيقى جزاك الله كل الخير يارب على مجهود سيادتك و الحمد لله انى لحقت الحلقة الاخيره و ان شاء الله اقرأ اللى فاتنى فى اقرب وقت ممكن لأنى اكيد بجد حأستفيد من معلومات حضرتك القيمه و اسلوبك الممتع
اما عن الجزء الخاص بعلاقة المسيحين باليهود و المسلمين بالمسيحين و اليهود
فنحن فى انتظار هذا الجزء و اكيد ما دام هو واقع قد حدث سيكون مفيدا ان نعلمه و نتعلم منه و منك استاذى العزيز ..
خالص تقديرى و تحياتى

أميرة الجنة يقول...

السلام عليكم
استاذى العزيز استفدت منك كثيرا ومن معلوماتك القيمة
واتمنى انى اجى شبين عشان حضرتك بس
منتظرين البقية
لك منى كل التحية يا معلمى
دمت مبدعا

رابطة هويتي اسلامية يقول...

الحجاب حقيقة ثابتة أم مجال للتفكير

من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية

عمرو جويلى يقول...

السلام عليكم
أستاذى الكريم:
اخبارك إيه
أتمنى أن تكون بخير
تحياتى

tarek alghnam يقول...

الاخ الكريم
اول مرة ازور مدونتك
واستفدت جدا من هذا البوست الرائع
بارك الله فيك
واتمنى ان نتواصل دائما
مع ارق تحياتى

قوس قزح يقول...

واوووو
الموضوع ده وجبة دسمة و فى نفس الوقت انت تناولته بطريقة خفيفة على الواحد
فعلا اضفت لمعلوماتى كتير

احييك على جهدك و اسلوبك

maxbeta3zaman يقول...

فشكول ازاى وانت كشكول فى اصول وجذور الممالك والشعوب والحرب والضرب ...
سعدت بهذه المعلومات ..فقد شغلتنا الدنيا عن قراءتها قديما فلخصتها لنا ببراعة وتركيز تستحق عليهما كل الشكر والتحية

همس الاحباب يقول...

شكرا على المجهود العظيم المبذول من حضرتك
واستفدنا كثيرا من حضرتك
اما بالنسبة للموضوع القادم
اعتقد انك تبرز حقائق صحيحة وموجودة
فاعتقد ان الموضوع غير شائك
طالما اننا لا نقوم بالتجريح او الاساءة لاحد
تحياتى وتقديرى

قيس بن الملووووح يقول...

عندما يمضي بنا قطار العمر تسقط منا بعض التفاصيل الصغيرة التي تحول حياتنا الي براكين في حين انها لا تتحمل هزات بسيطة

جنّي يقول...

السلام عليكم

ازيك يا عم فشكول

اشكرك على المعلومات التي قدمتها لنا ..

ولك كل الحق ان ينفذ صبرك فدروس التاريخ دايما متعبة مع انك قدمتها لنا بطريقة جميلة جعلتنا نتابع خطواتها ولا نمل منها ..

تحيتي

الرابطة وبناء الأمة يقول...

السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية

dodda يقول...

اونكل فشكول

هو بعد كده فى امتحان؟؟؟؟

وشكله بعد اختفائك حيكون مفاجئ!!!!

ازيك بقى؟؟!!

جنّي يقول...

السلام عليكم

كيف حالك يا عم فشكول

نسيت اقولك امبارح انك تستطيع نسخ آيات القرآن الكريم من برنامج المصحف الرقمي بالرسم العثماني اذهب للموقع وحمل البرنامج وادعيلي ..
http://www.zulfiedu.gov.sa/zu/Programs/Quran/Quran.htm

وعلى فكرة انا مش بتاع دهب حاليا .. انا وكيل مدرسة في الخليج .. الخليج مش فم الخليج .. واخد بالك

M.a.r.y.o.o.o.m يقول...

انا مش عارفه اقول لحضرتك ايه كل مرة بقعد اعصر دماغي عشان اقولك حاجه تقدر تخرج اللي جوايا مش بقدر
حضرتك سهلت عليا وعلي ناس كتير جدا جدا
انهم يقعدوا يدوروا ويبحثوا ويعرفوا حاجات كتير عرفتنا حاجات احنا مش عارفينها
مع خالص تحياتي ليك

Eslam Eldosoky يقول...

انا مش عارف اضربني ولا اعورني ولا أشرحني
أيه اللي انا بعمله ده
مش عارف
اول حاجه
بقالي كتير مادخلتش المدونه
وتاني حاجه انا متعلمتش
ولا أخدت حتي عبرة من الموضوع ده
ورحت قدمت في مدرسة
و أغرب حاجه أنهم قبلوا يشغلوني مدرس
تقريباً أنا اتجننت
ولا ايه يا أستاذنا