الجمعة، ١٣ فبراير ٢٠٠٩

امسك الكادر احسن تقع .. اضبط الجادون




تحديث


مدونة البنت المشمشيه حلوه وشقيه ....ضاااااااااااااعت ... ضااااااااااااااااعت


وهى عملت مدونه جديده بنفس الاسم

ودا اللينك بتاعها آهـــــــــــــــــــــــــه

يا سلام........ .. فشكول بقى يفهم فى اللينكات


===========================================


احبائى .. ازيكم .. اظن وحشتكم الفشكله .. وحشتنى انا كمان .. اصل من مده واحنا فاتحين كتاب التاريخ وعمالين نذاكر .. تقولش يا خويا حنمتحن فيه .. طب افرض برضه حنمتحن .. هو فيه مشكله .. ما نمتحن يعنى ايه المشكله.. طب ما احنا ممكن نمخخ شوية تماخيخ ونكتب كلمتين حلوين فى ورقة الاجابه وبرضه حننجح .. ايه يعنى ما دام الموضوع تماخيخ فى تماخيخ .. ناس تقعد طول الليل تشرب هباب .. وتقعد تمخخ لنا تماخيخ وتيجى تانى يوم الصبح وتقوم تصب التماخيخ دى على دماغنا واحنا دماغنا ما بقاتش ناقصه تماخيخ .. اصل فيه تمخيخه عمال افكر فيها ومش لاقى لها تخريجه يعنى .. واسألوا الجماعه بتوع الكادر.. عارفين يعنى ايه الكادر .. .. يعنى كادر العجله اللى هى الدراجه .. يعنى ايه الدراجه .. والله مش عارف .. هما الجماعه بتوع المجمع العلمى سموها كده .. ويعنى ايه المجمع العلمى .. برضه مش عارف .. هما الجماعه اللى عربوا كلمة الكمبيوتر وسموه حاسبوب .. برضه يعنى ايه حاسوب .. يعنى حسابه بيحسب.. يخرب بيت العيشه .. طب يعنى ايه حاسبوب تانى .. مش حارف .. طب بيحسب ايه .. اصله يمكن بيحسبنى فشكول .. ولا يمكن بيحسبك الشاويش عطيه .. ولا يمكن بيحسبك ابى هانم بتنجانى .. ولا عزيزه .. ايه يعنى المشكله .. الراجل عمال يحسب على نفسه .. يا عم فشكول مش كده .. امال ايه .. اصل الكمبيوتر بيعمل حاجات كتير غير انه يحسب .. طب بيعمل ايه ؟ .. فشكول المتفشكل بيحسب نفسه لبيب وكل لبيب بالاشارة يفهم.. يا عم روح العب لك لعبه ولا فشكل لك فشكله.. انت عايز تقول يا فشكول ... لأ .. فشكول مش عايز يقول حاجه .. طب تقصد ايه يا فشكول .. برضه ولا حاجه .. يا شيخ ركز .. اركز فى ايه .. ركز فى اللى انت عايزه .. انا مش عايز حاجه .. طب يا فشكول الله يرضى عليك احنا مخنا مش فاضى .. ماشى يا عم حاحل عنك .. هو يعنى انا اللى واقف فى ظوركم .. يا عم انت كنت بتقول الكادر ... أااااااه صح قصدك الكادر بتاع العجله ... لأ انت حتطير برج من دماغنا ... لأ ياسيدى .. خلى البرج فى دمخاغك .. ركز يا فشكول .. الكادر .. تقصد كادر المعلمين ... فشكول .. يخرب مطنك انت جبتها منين دى..تصدق فشكول ما كانش عارف كادر ايه .. اصل يا سيدى ماما اموله كانت بتمتحن الكادر ده من يومين .. طب وايه المشكله يا فشكول .. لأ ما فيش مشكله .. بس هى ماما اموله بتشتغل ايه ؟ .. يا سيدى ماما اموله معلمه جليله .. مين جليله دى يا جدع .. يا فشكول بيقولواكدا على المعلمين .. يعنى من الجلال يعنى من العظمه.. فشكول عظمه على عظمه يا ست .. يا فشكول احنا مش ناقصينك .. ايه اللى مزعلك بس؟




الكراسى خلصت ..عشان ما فيش فلوس نشترى كراسى


يقول فشكول .. اصل انا كنت عايزهم يرفدوا ماما اموله وكمان المستر رأفت وكمان عمرو جويلى وكل المدونين اللى بيشتغلوا فى التدريس ازهر ووزاره ... يخرب بيت عقلك يا فشكول انت اتهبلت .. فشكول ثائرا .. احترم نفسك يا جدع ايه اتهبلت دى .. يا فشكول بالراحه .. ماشى .. بالراحه يا سيدى .. عايز ترفدهم ليه يا سيدى ؟

اصل يا سيدى هما بيمتحنوهم .. طب وماله وايه المشكله .. فشكول اصل هما ما بيعرفوش يدرسوا ولا يعلموا العيال .. هما ما يقصدوش كدا يا فشكول ... امال يقصدوا ايه .. لأ عشان يدوهم الكادر .. كادر العجله .. لأ كادر المعلمين .. فشكول بيسأل يعنى .. طب واللى يصقااااااط اللى يصقط ما ياخدش الكادر.. فشكول .. وبس ؟ امال عايز ايه يا فشكول؟.. يقول فشكول .. مش اللى يصقط بيبقى فاشل .. صح يبقى فاشل .. الله !!! امال يخلوهم يعلموا العيال الفشل.. لا يا سيدى اللى يصقط ما ياخدش الكادر.. يقول فشكول .. طب واللى ينجاااااااااااح.. يا سيدى اللى ينجح ياخد الكادر.


يا عم روح العب انت منك له


فشكول .. يعنى اللى ينجح ياخد كادر وجلابيه وجزمه اجلاسيه واللى يصقط يا دوب ياخد الاندر وير ... ايه الاندر وير ده يا فشكول .. فشكول .. ولا حاجه .

اسمع يا فشكول انت حتجننى انا حسيبك وامشى احسن مخك لحس خالص.. فشكول .. والله العظيم احنا ناس بتستعبط كل حاجه نعمل منها حبه والحبه نعملها قبه .


الاصل فى الموضوع رفع مستوى المعلمين عشان ما يدوش دروس خصوصيه وعشان يبقوا بنى آدمين .. قال يعنى قال الـ 100 ولا الـ 200 جنيه دول حيخلوا المعلم يبطل دروس .. يا خى انه.


شوفوا يا ولاد .. لما المدرس ياخد الف جنيه برضه فقران واتجوز فقرانه خلفوا ولد عريان ومتنيل على عين اهله .


انتوا بقى بتضحكوا على وبتستخفوا بعقلى .. يعنى المدرس اللى يصقط ما ياخدش الكادر ويفضل مرتبه ييجى كدا 300 جنيه عشان يروح يشحت بيهم .. وبرضه قاعد فى الفصل يعلم العيال الفشل .. ماهو لو كنتم حتحرموه من انه يعلم عشان هو فاشل .. يعنى يبقى ماشى .. لكن ما دام سايبينه يجهل العيال زى ما هو .. يبقى ما كانش فيه لازمه للامتحان ولا وجع الدماغ .. امال عينتوه ليه يا رخمه . وبعدين هو فيه منهج هيمتحن فيه .. كل دى اسئله مخيخى .


هناك ٩٨ تعليقًا:

نفرتارى يقول...

اوووول تعليق عند مؤخنا القدير .

نفرتارى

mohamed ghalia يقول...

خدعوووووووووووووووووووووووك فقالو الكدر ههههههههههههههههههههههههه
يلا يلا أدينا مستنيين

وردشان smilyrose يقول...

كادر كادر ايه

مش عارف بس ايه الموضوع

وبعدين ناوى ترفد الناس ليه

مش حرام بجملة

ههههههههههههههههه

ربنا يستر

حمدلله على السلامة

كل عام وانت بخير

smilyrose

روح الحب الصادق

غير معرف يقول...

أخى الفاضل
السلام عليكم ورحمة الله وبركاته
كل الأمم الراقية تضع همها الأول فى التعليم لأنه أساس تقدم ورقى الأمم
فى اليابان المعلم له حصانة ويحصل على أعلى راتب فى الدولة ,,
فى أمريكا طالب القضاة بالمساواة بالمعلمين !!!!!!
كل معلمينا الذين ذهبوا أيام الوزير السابق بهاء الدين إلى أوروبا فى بعثات تعليمية عادوا من البعثة معقدين مما شاهدوه هناك من أحوال المعلمين وكيفية معاملة الدولة لهم ووضعهم الاجتماعى الراقى.....
هذا هو سر تقدمهم.

عرفت سر تأخرنا ؟؟؟؟

M.a.r.y.o.o.o.m يقول...
أزال المؤلف هذا التعليق.
M.a.r.y.o.o.o.m يقول...

استاذي الجليل فشكول
اعتقد انه المسألة بقت سبهلله × سبهلله
احنا زعلانين علي حاجه من ضمن حاجات الحكومة بتعمينا عنها تحت عدة مسميات
احنا في بلد حكومتها رافضة تحقق لنا طموحتنا أو تقدر تقول إن خلاص مصر زهقت من شعبها
تحياتي

صبرني يارب يقول...

يا استاذي كادر ايه وتعليم ايه وارتقاء ايه

هى تقليبة عيش ليس اكثر ولا اقل

هى تمثليه زي تمثليات كتير بتتعمل علينا

تعرف يا سيدى الفاضل

امن مصدر موثوق فيه ذا صله وثيقه بالامر
بيقول ان عندنا فى الجماعه هنا تكاليف امتحانات الكادر المهبب ده 80 مليون جنيه

اي والله كده بالله عليك مش كنا استوردنا مدرسين صينى وخلاص كانوا بقوا حسن

الصبببببببر يارب

غير معرف يقول...

الاخ العزيز فشكووووول
هذه اول زياره لي لمدونتك
وبالصدفه الغريبه والموضوع الاغرب اللي انت اتكلمت عن الكادر والمعلمين فتحت نفسي اللي كانت مسدوده عن الكلام قصدي استفذتني ...لاني كل ما انسي موضوع الكادر ربنا يرزقني باللي يعكنن عليه بيه عموما علشان ما تظنش بيه ظن سئ وتقول الواد امتحن وسقط انا امتحنت وكمان وعودوجيتار نستني كنت باتكلم في ايه قصدي امتحنت ونجحت وفرقت شربات علشان ربنا ما احرجنيش قدام عيالي
لكن عيالي من ساعة ما نجحت عمالين يطالبوني بالكادر .كان نفسي اديهم العجله بحالها

عالم حبيب يقول...

وأخيراااااااااااااااا


الحمد لله اشتغل التعليق .. الظاهر الأنترنت عندي اللي كان فيه مشكلة

نرجع لمرجوعنا اللي هو بخصوص التدوينة المفشلكة دي :)

موضوع الكادر ده يأتي في اطار حملة الحكومة لتجويع الشعب المصري .. وبيعلموا المدرسين الأدب .. زي ما بيسقطوا العيال هايسقطوهم .. وعجبي

وابقى قابلني لو اتصلح حال التعليم والمدرس بياخد 200 جنيه وسلملي على وزير قلة التربية وقلة التعليم .. والله المستعان

جزاك الله خير

محمد فارس يقول...

انا اسف مش عارف ايه اللي حصل

محمد فارس يقول...

انا اللي كتبت التعليق قبل عالم حبيب

ريمان يقول...

هههههههههههه


ههههههههههههههههه


هههههههههههههههههه


السلام عليكم

ازى حضرتك

شو الاخبار

كادر ايه بس اللى انت جاى تقول علييييييه

هههههههههههه

ماما دخلت الامتحان عاشن موضوع الكادر ده ووالله اتبهدلوا اخر بهدله

بجد المدرس اتهان واتهزأ والله عشان موضوع الكادر ده

فى مدرسين عندنا فى دمياط رفضوا موضوع الكادر ده ومش راحوا الامتحانات وعملوا اعتصام كمان

هههههههه

M.a.r.y.o.o.o.m يقول...

ما شاء الله
كل دول صاحيين
انا ادخل تاني لقيت 6 بعدي
ربنا يكتر احبابك
المهم يا استاذي الجليل
انت ايه اللي مصحيك لحد دلوقتي؟؟؟؟؟؟

نفرتارى يقول...

حلوة الفشكلة دى .. اهم حاجة ان العجلة تكون مظبوطة .. احسن نقع من عليها .

تحياتى .. دمت بألف خير وسعادة.
وكل عيد حب وانتم جوه القلب .

نفرتارى

الازهرى يقول...

شوف يا سيدى الموضوع كبير كبير كبير
لكن المهم هنا حاجتين
اولا ابعد عن مدرسين الازهر
ليه ؟
مش عارف مع انهم مظلومين جدا جدا جدا
المهم سقط وليس صقط

اما بخصوص الكادر فانا عندى سؤال
يعنى ايه ؟

مسدس صغير يقول...

ايه التهييس ده يا عم فشكول انت عايز عجلة وللا ايه؟
خلاص اما تنجح فى التاريخ اجيبلك عجلة بس من غير كادر طالما انت متعقد من الكادر..
ههههههههههاشكرك استاذى العزيز على التناول الظريف للقضية..

مسدس صغير يقول...

ايه التهييس ده يا عم فشكول انت عايز عجلة وللا ايه؟
خلاص اما تنجح فى التاريخ اجيبلك عجلة بس من غير كادر طالما انت متعقد من الكادر..
ههههههههههاشكرك استاذى العزيز على التناول الظريف للقضية..

عاشقه وغلبانه يقول...

بيقولولك انا بابا بما انه موجه بالتربيه والتعليم
وماما بما انها مدرسه اولي قد الدنيا قال ايه........ امتحنوا
والنتيجه ظهرت قبل الفجر
لاقيت تليفون البيت بيرن
وانا صاحيه لوحدي
وكله نااااااايم
قولت يابت كبري دماغك وماترديش

رن تاني
قلبي وقف بقي
تلاقي مصيبه
خلاص انا هارفعالسماعه
واسمع الصوت
اعرفه هاكمل
ماعرفوش هاقفل
رفعت المساعه
لاقيت صوت راجل ماعرفوش روحت قافله الخط
ههههههههههههههههههههههههه

رن تاني ماعبرتوش بقي
المهم بعد دقيقه لاقيت بابا جايلي يقولي النتيجه ظهرت علي النت
اقوله نتيجه ايه يابابا
يقولي الكادر
ماخبيش عليك
قلقت
اصلي كنت تعبانه في المذاكره ليهم
هههههههههههههههههههههه

بقوله عرفت منين
يقولي صاحبي اتصل بيا
اقوله هو اللي بيتصل ده صاحبك
هههههههههههههههههه
وانا قفلت في وشه
عادي بقي
هو في حد يتصل الفجر
ليييييييييييييه
هي ثانويه عامه

المهم جبتهاله
ونجح هو ماما
قولتله مبروك
روح نام بقي
بكره الصبح نوزع الساقع

عليه مجنونه رسمي

Soul.o0o.Whisper يقول...

فيلسوفى العزيييييييييييييييز


أنا جييييييييييييييييت
بجد بجد وحشنى كلام حضرتك

أنا لسه مش قرأت

أنا قلت أسلم بس الأول



هأروح أقرأ بئا و آجى
:)




سلام مؤقت

ن يقول...

السلام عليكم
أستاذنا العزيز فشكول
حمداً لله على سلامتك
على فكرة الكادر ده معمول علشان كل المدرسين يطلعوا برة خالص ويتحول التعليم كله خاص ومن غير كلام .
قلت لأبنى ميدوا روح ذاكر لحسن تسقط يوم الواد يقولى يعتى إحنا بس اللى بنسقط دلوقتى ما المدرسين هما كمان بيسقطوا فى الكادر ههههههههههه
عاجبك كدة .
مع خالص تحياتى

Soul.o0o.Whisper يقول...

هههههههههههههههههههههههه

والله مش قادرة امسك نفسى من الضحك
تحفة تحفة البوست صراحة

تعرف يا فيلسوفى العزيز
كان مرة مدرس بيتكلم عن موضوع الكادر دا

فبيقول هما عاوزين عدد معين
دا اللى مفروض ينجح
الباقى هيسقط هيسقط
حتى لو دبس الاجابة النموذجية فى ورقة الاسئلة
هههههههههههههههههههههههه





ربنا يتولانا برحمته

هأروح بئا أقرأ البوست اللى فات





دمت بود

Soul.o0o.Whisper يقول...

الحممممممممممممممد لله

قرأت البوست اللى فات
راااااااائع رائع بجد


بس ماليش دعوة
مستنية البوست اللى حضرتك قلت عليه

ماشى؟؟؟




خالص ودى

أحــوال الهـوي يقول...

صباح الفشكلة
كل الكلام و حيل التتويه و المراوغه المقصودة بتقول لوزارة التيتي جتكم خيبه
لما المعلم ينجح تدولوا مصاصه و لو سقط تدوا الطلاب مقلب بيه

صحيح كادر و مش قادر

تحياتي

بنت الغربة يقول...

والله انت معاك حق ياستاذ فشكوووول
انا ختى امتحنت ونجحت الحمد لله
وانا سالتها يعنى لو كنت سقطت مش هاتدرسى فى المدرسه تانى ولا ايه ؟؟
هايرفدوكى يعنى؟؟؟
قالت لا الحكايه كلها علشان يعقدونا ..فنطلع عقدنا على العيال
وادى التدريس الجمييييل قوى فى بلدنا الكمييييييييله قوى
يعنى المدرسين اللى نجحوا هايعقدوا العيال فى امتحانات صعبه ...واللى سقطوا برضه هيعقدوا العيال فى عصبيه عليهم ودروس خصوصيه وطبعا اسئله اصعب
ولا عزاااااااء لأولياء الامور..
ومافيش بأيدينا حاجه غير اننا نرفع بأيدينا بالدعاااء لربنا يفك الغمه
تحياتى
لو سمحت شرفنى بالزيارة عايزة رأى حضرتك فى موضوع
سلااااااااااااام

عمرو جويلى يقول...

أستاذى العزيز الله يكرمك يا شيخ كويس إنك أثرت الكوضوع ده .أنا أعمل بحقل التعليم وعندى إحساس بأن نظام التعليم الآن هدفه تخرج أجيال من الجهلاء وسأروى لك قصة وضعوا نظام جديد للإمتحانات بالمرحلة الإبتدائية والإعداديةوهو نظام سموه التقويم الشامل وفيه أن الطالب يمتحن ثلاث إمتحانات فى الشهر والمدرس يضع له أعلى درجة فوجدنا بعض الطلا حاصين على الدرجات النهائية فى إمتحانات التقويم الشهرية وفى إمتحان نصف العام حصل الطالب على صفر من الدرجات ومدير المدرسة يطالب مدرس الفصل لاب أن ينجح الطالب وهذه تعليمات الوزارة
تحياتى
تحياتى

Hanan Elshafey يقول...

الاستاذ العزيز
عن الكادر
اصلنا بنهتم شويتين بالتفاهه وزي ما بيقول الاستاذ الفاضل العزيز المبجل محمد محيي
كادر وتعملها

عمرو جويلى يقول...

السلام عليكم
أستاذى شرفتنى بالزيارة وتعليققك الجميل الذى أنتظره دائما . أما عن إمتحانالكادر أن لم أمتحن أنى أعترض على المهزلة اللى عملوها
تحياتى

إيمان قنديل يقول...

البلد كلها عايز كوادر جديده، كوادر هنا بعني قيادات واعيه تقوم بحملات كبيرة من أجل الأصلاح الحقيقي يافاشكول

على عبدالله يقول...

السلام عليكم

استاذ فشكول

الحمد لله ان جعلنى من المحاسبيين
ولم يجعلنى من المدرسين

طبعا مش انتقاصا فى حق المدرسين
وانت فاهمنى طبعا !!!


تحياتى

hasona يقول...

السلام عليكم
هذا هو حالنا
وحالهم عندما يهربون من المسئولية
يضعوا العوائق
لا تستطيع اخذ حقك
لا تتنفس لا تاكل لا 000 ولا
كل شئ تتعذب لأجله
ينهب من كرامتك

يدخلونك داخل الدائرة

ودوامة ورا دوامة

،،،
الناس كلها بتدعي لك
وكلهم نجحوا

صفــــاء يقول...

.
روح الله يسامحك بهدلت دماغى
بس لو رجع مرجوعنا للكادر
دة على حسب ما انا لسه فاكرة اصلا احنا بنتكلم على ايه
والله ما انا عارفه
واصلا مليش فى السيرة دى
بس هو يعنى ايه ماشى صح فى البلد عشان نمسك فى دى ونصوت
يالا ... خليها ماشيه زى ما هى
.

على عبدالله يقول...

استاذ فشكول

السلام عليكم

ان الدين عند الله الاسلام
يبقى مافيش حاجة اسمها الاديان ..هو دين واحد
لكن ممكن الشرائع تختلف
ولشريعة الاسلامية ناسخة لما قبلها من الشرائع ... هذا اولا
ثانيا .. شرع حنا طرأت عليه التحريفات
لكن فى شرع حنا الخمر حلا غير محرم
لحم الخنزير حلال غير محرم
وما خفى كان اعظم !!!

استاذى
الدين الاسلامى اعظم دين
الدين الاسلامى كامل
اعطى كل شىء حقه الطبيعى
يعنى مش محتاجين يوم لحب !!
مش محتاجين يوم للام !!
مش محتاجين يوم للكريسماس !!


والسلام عليكم

!!! عارفة ... مش عارف ليه يقول...

أكيد العيب فينا

واللي فكروا في الكادر

بيفهموا احسن مننا وأعقل مننا

ويعرفوا مصلحتنا فين إحنا بس اللي باصين تحت رجلينا

ومش واخدين بالنا من اسم النبي حارسة وصاينة الكادر

وبكرة الاجيال اللي جاية بعدنا تحسدنا على الأملة اللي أحنا فيها دي

ويقولوا انتم كنتم عايشين في بغددة


-----------
شكراً جزيلاً على إهتمامك الشديد في إشباع نهمي لمعرفة الجزء الذي لما تتناوله كتتمة لموضوعك السابق


خالص مودتي وإحترامي
وليد

هانى زينهم يقول...

اخيرا عرفت فشكول دى جاية منين ؟! تصدق بالله انا قريت مرتين عشان احاول افهم الفكرة الاساسية وغالبا برضه ما فهمتهاش بس لقيت تدريس وكادر وكام كلمة كدة عرفتنى ان حضريت بتتكلم علينا فقلت حتما ولا بد اقول حاجة رغم تاكيدى على عدم فهمى الجيد للموضوع
هو يا استاذنا طبعا الاحوال اتعدلت كتير بعد الكادر ويمكن ما بقاش فى نسبة قبل الكادر وبعده بس برضه يفضل حال المعلم محتاج تعديل ومش بس مادى لا معنوى كمان وده اهم . المدرس قيمة لانه بيرمز لحاجات كتير اوى منها الاب والاخ والمعلم والمرشد والدليل وبعدين التعليم كان مهنة الانبياء والرسل .
انما اجمالا المنظومة التعليمية كلها عايزة اعادة هيكلة زيها زى كل المنظومات التانية فى بلدنا الموقرة .

القلم السكندري يقول...

السلام عليكم

والله يا أستاذنا انا عارف اني بقالي فترة معلقتش

لكن كنت ادخل اقرا اقرا وفي الآخر نفسي يتقطع أو النت يتقطع فموصلش لآخر البوست

أما وأنك فتحت أحد مواضيع الفساد المصري الذي تتمرغ فيه مصر بلا استثناء.. فحتما ولزاما أن نخرج بعض ما في صدورنا منه

النظام الفاشل الذي يعطي موظفا حكومياً 300 جنيه ثم يغلق عليه أبواب الكسب الحلال.. وكأنه يلجئ مواطنيه إلي السرقة والنصب والمال الحرام أو الانتحار

وليس هذا في التعليمِ فحسب.. بل اليوم توقع العقود مع الموظفين بمرتب أساسي 140 جنيه مع أصحاب المؤهلات العليا
أيا كان مهندسا محاسبا أو غير ذلك

فماذا نقول عن هذا السفه؟؟

أهو وأدٌ للمواطنين أحياء؟؟ أم ماذا؟؟

مصر ليست فقيرة إلي الحد الذي تشرد فيه أبناءها هكذا

مصر فيها الكثير من الموارد مما لو أعطيت دولةٌ فقيرةٌ موردا واحدا منه لكفاها

ولكنها أيضاً فيها الكثير من اللصوص الذين يتفنون في كيفية إذلال الشعب

وفيها الكثير من الخراف الصامتة التي تُقادُ غلي الجزار دون أن تتألم حتي بصرخةِ ألم



تقبل تحياتي استاذنا الكريم

الفقيرة إلى الله أم البنات يقول...

تصدق جالى صداع لغاية ما عرفت الحكايه
بس انا اعرف ان كادر الصورة ..يعنى ميخرجش عن حدود الكادر يعنى يبقى فى النص بالظبط
بس كادر الدراجه دى معرفهاش ..اه اعرف الجادون


استاذ فشكول ..انا مش مدرسه بس كنت عاوزة اعرف
المدرسين بيدفعوا رسوم علشان الكادر ده؟

لو الإجابه ايوة يبقى خلاص انت عرفت السبب..جمع مال

اصل مش عارفه قال ايه بيقولوا لازم الناس تجدد بطاقة الرقم القومى كل 7 سنوات
طبعا علشان ندفع فلوس ورسوم

نفسى اعرف فقرى مين اللى قاعد وحاطط قلم ورا ودانه ومنديل حوالين رقبته وجزمة مقطعه..ونايم تحت شمسيه وبيخترع الافكار الغبيه دى

مهو لازم هيجى يوم ..ونخلص خالص
افهمها بقى على أى معنى..هنخلص هنخلص


شكرا" على الصداع ..وعلى الفشكله اللى اتفشكلها نفوخى

Dr.Ahmed يقول...

السلام عليكم يا استاذي
كادر ايه يا استاذي اللي انت جاي تدور عليه ..هو اصلاً الكادر ده هيعملنا ايه ولا ايه ولا ايه
ال كادر ال ..كتر الف خيرك .
ربنا يستر علي البلد الايام القادمة !

marmar يقول...

بابا فيشو الجميل
ايه اللي مزعل حضرتك بس ؟؟
هو خلصت كل المواضيع اللي في مصر ومفضلش الا الكادر ياريت جت على اد كده يا عمي
هو انا كل ما اقول نفسي اعيش في مصر تيجو بقى تزعلوني منكم وتقولوا مصر مش كويسه ليييييييييييييه دي جنه الارض ولله هو بس اللي فيها يقوم شوية وتبقى ميه ميه
بالمناسبه السعيده حبيت اقولك يا عمي كل سنه وحضرتك طيب وكل ايامك حب وخير يارب هابي فلانتين داي يا عمي

dodda يقول...
أزال المؤلف هذا التعليق.
dodda يقول...

لمدونه كلت التعليق بتاعى
:(
انا حرفع قضيه

أمل حمدي يقول...

ههههههههههههههههههه

كل دا وعايزني اترفد كمان

تصدق مفروض كل المعلمين يترفدوا

ليه بقى

لانهم وافقوا على الاهانة بعد العمر دا كله من ممارسة عملهم

انت عارف يا فشكول ان الكادر دا اختبار رئيسي لطالبي مهنة التعليم
لبيان صلاحيتهم لهذه المهنة قبل استلامه العمل

مش بعد 20 سنة !!!!!

واحنا اللي يسقط يحرموه من الفلوس هو دا المهم

مش مهم يعلم ايه مش مهم ينيل ايه المهم ميخدش فلوس

هي دي المشكلة

أنا رحت امتحنت امتحان تافه طبعا في تخصصي في مستوى طالب متوسط

واختبار في التربوي اتحل بالعقل والمفروض

يعني أنا وكيلة وجنبي موجه ومدير مدرسة ومدرس صغير

كله بيمتحن ولا عزاء لأحد

تصدق يا فشكول أنا مرضيتش اتكلم عن الموضوع بتاع الكادر دا في مدونتي

والحمد لله ان يومها كان يوم ميلاد ابني فعملت البوست له

وجيت انت يا عمنا وعملتلي الفخ

وليك حق في كل اللي كتبته

هي مالهاش تخريجة فعلا

ربنا يكملها بالخير يارب

سلام يا استاذي

Unknown يقول...

مخى سخن وعندى تمتخيخ كتيرة مخمخة جوة مخى مش عارفة امخمخها واقولها...واحشنى جدا اوى خالص يا عمو فشكول والله العظيم...جدا جدااااااااااااا

الازهرى يقول...

حبيبنا فشكول
صدقنى احنا بنشكرك اكتر على مواضيعك المهمة
والاهم هو فتح باب المناقشة دون تحيز لرأى معين بل مناقشة موضوعية وجميلة

بخصوص بيرى روح قول لها والا انت خايف من التكاليف
وعلى فكرة الموضوع كبر ويا ريت تقدر تيجى وتخلصنى منه

د. إيمان مكاوي يقول...

أنا مش فاهمه ..هو موضوع الكادر ده لرفع مستوى المعلم المادي وفقط
طيب فين رفع مستواه الثقافي والمهني والأخلاقي ..ده هو إللي هيربي النشء يااااااااااااااانااااااس

تحياتي

رابطة مدونون من أجل فلسطين يقول...

لأخوة الكرام أعضاء رابطة مدونون من أجل فلسطين


تتشرف اللجنة التأسيسية للرابطة أن تدعوكم


إلي حضورإجتماعاً مصغراً على الكنفرانس


وذلك في تمام الساعة العاشرة من مساء يوم الاحد القادم 15/02/2009


وذلك على ايميل الرابطة bloggersforpalestine@yahoo.com


وذلك لمناقشة الأعمال المقترح القيام بها فى الرابطة ومناقشتها معكم


وايضا دراسة بعض الاقتراحات المقدمة من الاعضاء


وذلك من اجل النهوض برابطتنا والعمل على نشرها واستمرارها


وللأهمية يرجى الحضور وعدم التغيب



الامين العام للرابطة

ادم المصرى يقول...

اقول كادر بردو ذيهم ولا اقول ايه

انا هقول رخامه او بلطجه او نأوره

او ممكن اسميها بـ......مش عارف يا استاذى اقولك ايه بجد

على الناس الغتته دى سبحان الله عليهم ولا تعليم نافع معاهم ولا أدب نافع هيا الطريق الاوضح معاهم مش لاقى بردو طريقه تنفع معاهم

غير الدعاء عليهم ربنا يهديهم

مذكرات مشاغب يقول...

تصدق صحيح مخدتش بالي من الحته دي
اذا كانو ساقطين في الكادر
فده معناه انهم فشله اصلا في التدريس
طيب ليه باه بيسيبوهم يدرسو
واللهي معاك حق يا استاذنا
هو صحيح مين اللي كان بيتحاور معاك ده ؟؟؟
قولي عشان ابهدله

تحياتي

مذكرات مشاغب يقول...

استاذي العزيز فشكول:
حضرتك سالتني وهل اخذت المراه المبادره؟؟
وردي على حضرتك لازم يكون بسؤال
لو واحده كانت تقدمت لحضرتك في شبابك او دلوقتي(مانت لسه شباب) يا ترى حضرتك كنت هتوافق؟؟
طيب ولو حضرتك وافقت المجتمع هينظر ليها ازاي؟؟
طيب حضرتك ممكن توافق ان اي امراه من القريبين من حضرتك تعمل كده؟؟
طبعا دي حاجه ديننا وشرعنا ممنعهاش خالص لكن انا بتكلم عن نظرة المجتمع للمراه


حضرتك فهمتني غلط في نقطه تانيه
لا جدال ولا نقاش على كل ما جاء في كتاب الله وسنة رسوله
لانه غير خاضع لفكر بني ادم ذو عقل قاصر
يعني حق الرجل في الزواج من اربعه والمره لأ دي حاجه غير قابله للنقاش والا يباه شرك
انا متكلمتش في لنقطه دي خالص
انا كنت بتكلم عن نظرة المجتمع للرجل والمراه بعد الطلاق
الرجل بعد الطلاق بيتجوز تاني بدون اي مشاكل
لكن المراه بعد الطلاق بيباه صعب جدا جوازها وبينظر ليها المجتمع نظره خاصه غير مبرره

يعني حتى لما حضرتك بررت سبب الايه بعدم معرفة نوع الجنين للام
فانا هختلف مع حضرتك ان كل ما قاله الله ورسوله غير قابل للاسباب والاقناع
يعني اذا مكنتش مقتنع بيه فلازم برده انفذه
والدليل على ذلك ان العلم الحديث بيقدر يعرف دلوقتي الاب والام بتحليل الدي ان ايه
لكن زي ما قولت لحضرتك انه اكيد ليها اسباب عقلنا قاصر عن فهمها

ولو حضرتك لاحظت هتلاقي كل كلامي كان في عادات وتقاليد مجتمعيه لا تمس للشرع او الدين

ولو كان فيها اختلاف مع الدين فارجو من حضرتك انك توضحهولي عشان اشيل السؤال ده

طبعا حضرتك متاكد جدا اني بناقش حضرتك مناقشه هادئه جداااا
واسعدني جدا جدا رد حضرتك

تحياتي

تامر علي يقول...

من الآخر يا أستاذنا التعليم في مصر مطلوب هدمه نهائياً وإن التعليم الجيد يظل حكراً على فئة معينة وهي الفئة القادرة على دفع 15000 جم لولد في kg1 ودفع مصاريف الجامعة الأمريكية والفرنسية والألمانية ...الخ اللي هم بيسموهم (الصفوة)يعني أما عامة الشعب فمطلوب إنهم يكونوا فريسة للجهل والفساد التعليمي وعلى فكرة ومع احترامي لبعض المدرسين المحترمين وهم (لسه موجودين) فإن معظم المدرسين لايصلحوا للتدريس ولا لأي شيء آخر من أساسه ....وربنا يستر على الأجيال القادمة .
تحياتي للطرح المثمر

عمرو جويلى يقول...

السلام عليكم
أستاذنا الجليل ضرفت بزيارتك وتعليقك أما عن فلوس الكادر فربنا يرزقنا بعيد عنهم ياعم. ياأستاذنا دى مسخرة بيمتحنوا مدرس فى الخمة من 30 سنة . بس بلاش تطالب برفدى يأستاذناأحسن أطالب برفدك .
تحياتى

dodda يقول...

صوره صوره صوره..
اللى مينجحشى فى الكادر عمره ما حيطلع فى الصوره...

حسبى الله ونعم الوكيل
التعليم فاشل من زماااان
بس دو مبقاش فشل دا بقى فساد وريحته فايحه
وحاجه تقرف

وادينا بنتفرج .....

غير معرف يقول...

مساء النور
ايه ده يا عم صلاح فشكلت دماغي و خليتها تعبانة اوي
ما علينا
مش المعلمين لوحدهم اللي بيعانوا
لا كل القطاعات الاجتماعية بتعاني سواء على مستوى الاجر او حتى الخدمات اللي بتقدمها
ليه باه عشان بيقولوا انها قطاعات غير منتجة و ميزانيتها ثقل على كاهل الدولة
الدولة دلوقتي متجهة عشان تخوصص كل القطاعات و تزيد الطين بلة و ما يبقاش للفقراء و الكادحين غير انهم يعملوا انتحار جماعي و نقولوا عليك يا دنيا السلام
مودتي

المستنصر بالله يقول...

احنا عاوزين 100 سنه لاصلاح التعليم
ومش التعليم بس الاخلاق كمان
الوزاره اسمها التربيه والتعليم
وللاسف ولا بقى فيه تربيه ولا بقى فيه تعليم

تحياتى لحضرتك

Sweet Violet يقول...

حرام عليك ياأستاذ فشكول ليه كده بس عايزهم يترفدو

و كمان زعلان ليه بس من موضوع الكادر .. ده هما عايزين بس يحسسوا الطالب ان المدرس قريب منه و بيمتحن زيه اهو و لازم يذاكر بردو علشان ينجح .. بلاش نبقى شعب ظالم كده هما نيتهم كويسة لكن مش عارفين يوصلوها صح ((:

تحياتى للموضوع اللى فشكل دماغى ده و بجد تهت فى الاول بس الحمدلله وصلت بالسلامة D:

بشكرك على زيارتك ليا (:

تحياتى

اعشق فى الليل ضوء القمر يقول...

فى الأول فكرتنى بمسرحيه كارمن لـ محمد صبحى
وهو بيتكلم مع سيمون وبيشرح ليها المسرحيه وبيخيلها إنه فى واقه ممزوج بالخيال المسرحى بحيث لا يعلم الجمهور ده واقع ولا مسرحيه
ثم الكادر كان صحراوى ولا رالى عادى علشان لو صحراوى يبقى متين ويعتمد عليه فى المسيره ولو رالى عادى يبقى عليه العود فى الراكب غير كده زعلان قوى إنه المدرس بيصقط طيب ما إحنا عرفين إن الملعم حمار وبيدرس لمجموعه جحشه
تعمل إيه فى طبيب بيعالج الناس وبيداوى ألامهم و جراحهم وبينجح بمقبول لا الأنكد بينجح بمدتين
وبتتكلم على الكادر هو صحيح الكادر مدهون بلون إيه
هههه (إبتسامه صفرا خضرا مش مهم تكون سوداء)

فكرة من الزمن ده يقول...

استاذ فشكول
انا باقترح نلغي الجامعات والناس اللي لسة مخلصتش يقضوها كورسات وبعدين مستوى رفيع وامتحانات قياس وما اعرفش ايه قدرات وكادر وكل واحد يروح الحتة اللي تعجبه
كان الله في عون المعلم يعلم الاجيال وتيجي الاجيال تتمتحنه

جنّي يقول...

السلام عليكم

ازيك يا عم فشكول .. دا انت فشكلت العملية اخر فشكلة ..

بس ممكن سؤال من فضلك ؟

يعني ايه تعليم ؟؟؟

سلام

د/عرفه يقول...

سلام عليكم
أظن أن امتحان الكادر فرصه برضه ان المدرسين يحسوا بالامتحانات وميجبوش امتحانات معقده

ربنا يسهل وياخدوا الجزء الباقى من الكادر احسن كده كتير اوى


فى الاخر كده يعملوا كاد ميعملوش
التعليم بتاعنا رجع اكتر من خمسين سنه لورا

zainab يقول...

أستاذ فشكول

انا والله كمان بستغرب على موضوع الكادر و الإمتحانات بتاع المدرسين بجد حاجه غريبه شكلى كده هغنى


تحياتى

Hanan Said يقول...

والله يا استاذ فشكول كل فشكله بتبقى ااقوى من التانيه
ووحشتني بجد الفشاكيل كلها

....
انا بقى موضوع الكادر ده
فانا مش بحب الصور اساسا فبلاش منه
ورئي يعني لو كان ولابد يعني يتعمل كدر يتعمل كويس
ومن خامه كويسه
يعني ماينفعش يبقى فيه معلم بس ومعلم بكدر
ماهو يا معلم ويستحق الكدر ده
يا مش معلم ومش عايزين ضياع زياده
وانا مع امتحان الكدر باشا ده
بس في حاله واحد زي ماحضرتك قلت
الي يسقط يسقط
ويبقى عيب حتى يعلم اولادنا واخوتنا معلم ساقط
طيب يقولهم ايه
السقوط ده هدف نبيل
حسبي الله ونعم الوكيل

حسام غانم يقول...

هههههههه


صباح التهييس

محمد فارس يقول...

شاكر جدا علي الرد علي التعليق
خصوصا بطريقتك الطريفه
مع تمنياتي لك بكل السعاده والسرور
مع تمنياتي ان تدوم الزياره

maha zein يقول...

اذيييييييييييك يا استاذ فشكول
كيفك واخبارك
انا جيت اسلم عليك لاني بقالى زمن مبجيش
وطبعا ده لاني والله كنت بخلص جزء مهم جدا من رسالتي وهو جزء تعريف المفاهيم
لدرجة والله اني مكنتش بهتم اشوف مدونتي واتابع التعليقات
ولا حتي كنت بدخل نت غير على موقع جوجل بوكس
انا عارفة ان حضرتك مقدر
لاني فعلا منقطعة فترة عن الجميع
اعذرني لان حضرتك اكتر حد عارف التعب بتاع تجميع الرساله ده خاصة لما يكون موضوعك مراجعه قليلة وكلها انجليزي
فالمجهود بيبقه مضاعف
انا النهاردة كنت اجازة قلت ادخل اسلم
هبدأ بقه من بكرة في الجزء التاني بقه ادعيلي
واعذرني
يا رب اشوفك علي خير
سلامات

M.a.r.y.o.o.o.m يقول...

استاذي العظيم فشكول
ممكن اعرف ليه حضرتك هتعمل كده ولا الموضوع هيبقي فيه تدخلات ؟؟؟؟؟؟؟؟
تحياتي

د.توكل مسعود يقول...

السلام عليكم ورحمة الله..
أخى "فش......"

انا أول مرة أزورك..لكن اسم مدونتك صعب ..أنا مش قادر أقول"فش...." كمل حضرتك...

مدونة الأستاذ"بيرم" كان اسمها "المدهول" وكتبت له مقالة أدعوه لتغيير اسم مدونته.... وقد غيرها بالفعل إلى "كرباج سودانى"

المقالة على مدونتى بعنوان "إلى أخى بيرم" منشورة فى أول شهر أكتوبر

ليتك تقرؤها ...وتقول لى رأيك.

تقبل تحياتى

من غير عنـــوان يقول...

..... أفلح إن صدق....


أمنياتي


طبعا معروف إن الضمير الغائب هنا يشمل الكتيرون

dr_samarmar يقول...

أولا أسفة أوى ع التأخير ع البوست دا اللى كلو فشكلة :)

نفسى ف مرة أحجز عند حضرتك تعليق أول أو ع الأقل تانى بس دايما لا تسنح الفرصة :D
يا عمو صلاح للأسف أنا بعانى م الموضوووع دا بالذات جدااااا

والدتى مدرسة.. و امتحنت الكادر.. هى مدرسة علوم.. و امتحنت فى كل ما لذ و طاب

و حلت حاجات كتير غلطك.. و أفصحت عن ذلك

و خدت الكادر بعد عنااااء و مشقة

و لسة بتقول نفس الكلااام
المدرسين بقا شحاتيييييييييين

لااااااااازم المدرس ياخد حقه بقا

عمالين يقولوا لطفل اسلام اللى المدرس قتلوة
و عاملين ما لحبة قبة
و بيتكلمو ع المدرس فى التليفزيونات و كأنه بيشتغل عندنا

لو دولة محترمة بتحترم المدرس اللى بجد المفروض يكون جليييييييل
كان التعليم هيتغير حاله

ماكنتش هاخد فى ثانوى عند مدرس عربى بيقرا شعر غلط و يرفع المفعول .. بس أخد عنده برضه علشان هيوصلنى لل 29 من 30.. و نجح ووصلنى

ماتكنتش هاخد عند مدرس انجليبش بينطق غلط .. خلانى أتفوق أه.. بس حاليا أنا مش بنساهاله لما بتحط ف موقف محرج و أبقى مضطره أتكلم باللغة الانجليزية و أنطق حجات غلط :$

ماكانوش دول أصلا هيبقو مدرسين

و من هنا أعلنها
أنا لو مدرسة و مرتبى كدا .. هدى دروس هدى دروس هدى دروس

التربية و التعليم و التعليم العالى وزارتين مالهمش لازمة

أنا حاسة انى طولت أوى و اتعصبت

بس دا لأنى عارفة قيمة المدرس الحقيقية ايه.. و أسفة جدا للشكل العام اللى وصلوله... بلد بايظة

قيس بن الملووووح يقول...

شاكر زيارتك الكريمة ونحن في حاجة لاستاذ في التاريخ مثلك وجد وزوج ومثقف نستفيد من خبراته لكي نضع جميعا علامات علي الطريق تنير لغيرنا وتحميهم مما نكاد ان نقع فيه

سمكه واحده يقول...

بت يا سمكه قومي نامي
حااااضر يا ماما
بت يا سمكه اللهي المخروب ده يولع يا شيخه انتي يابت
يوووووه حااااضر يا ماما
احم احم احنا علي الهوي يا سمكه
يالهوي طب سواني الطرحه مظبوطه شكلي حلوه
طب ياله نبدا
اذيك يااستاذ فشكول يا عمنا كلنا
والله ليك وحشه
عامل ايه اخبراتك انا جيت اسلم عليك
واعرف ايه اخبارك وعامل ايه
ربنا يارك في عمرك ويخليك لينا يارب
يارب تكون بخير
تحياتي
ايوه ايوه يا ماما
فوريره وراكي اهو انا جايه اهو
سلام يا عم فشكول هقوم انام بقي
اصلي زهقانه وعماله الف علي المدونات ودماغي صدعت وعيني اتعمت وفي حاله ملل
سلاااام

Unknown يقول...

بسم الله الرحمن الرحيم
السلام عليكم ورحمه الله وبركاته
أيه المخمخه دي؟
مخمخ انت و مخنا احنا يتخرم.
استاذنا العزيز...(ماما أموله)مش رايحه الامتحان تمتحن ...هي رايحه تمتحن الامتحان...وكل امتحان واحنا زي ما احنا في حاله احتقان . وحيتان الارض بتبلع في مصيارينها...ربنا يبعت لهم العرب والجرب و النمل الفارسي...والضفاضع و القمل ...قول يارب!!!

مهرة سالم يقول...

السلام عليكم ..
عمي فشكول ..
مخمختنا بتمخميخاتك...
.....
يعني مش عارفه الموضوع كاملا ..
بس كان الله في العون..
..
حبيت أسلم عليك..
وأطمن عن أحوالك..
..
دمت بخير

Soul.o0o.Whisper يقول...

fashkool

فيلسوفى العزييييز

بجد نورتنى
و معلش على التأخير

اممممممممممممممم
كنت يا فيلسوفى العزيييييييييييييز
كنت

كنت

كنت

فى دمنهوووووووور


ربنا يزيدك ايمان يا سوول ويهديك الى الرشاد *
اللهم آآآآآآآآآآآآآآميييييييييييين

كمان تعليق صغير عشان ادعى لك انك تحجى بيت الله الحرام ما دمت متشعبطه بالحج*

هههههههههههههههههه
حضرتك تعلق تانى و تالت و خامس و عاشر
يااااااااه
إحنا نطول



يارب تحجى يا سوول وتعمرى عشره وعشرين عمره كمان وكمان حجتين تلاته*
يارب يارب ياااااااااااااااااااااارب
اللهم آآآآآآآآآآآآآآآآمييييييييييييييييييييييييييييين

بجد متشكرة خالص خالص خالص
و يارب صحبة جميعا يارب





خالص ودى يا أستاذى العزيز

الجواز و سنينه يقول...

طيب ربنا يطمنا عليكى يا ماما اموله
و بالنسبه للكادر
طيب انا ليه ناس اعرفهم امتحنوا و نجحوا و قالوا كان فيه غش تفتكر دول بقى يحطوا عنيهم فى عين الاولاد و يقولوا ماتغشوش ازاى ؟؟؟؟
و اللى سقط يدخل الفصل بأى وش على الاولاد و لو حد منهم سقط فى الامتحان يعمل معاه ايه مهو ساقط زيه
متهيألى ده اسلوب زل
فين ايام قف للمعلم ؟؟؟؟؟؟؟
قف للمعلم و فيه التبجيل كاد المعلم ان يكون قتيل الكادر
و عجبى

EMMY BABY يقول...

هههههههههههههههههههههههههههههه بجد جميل اوى اسلوبك فى الكلاب

وطريقة نقاشك للموضوع باسلوب سخرية الاوضاع بيدى للمناقشة طعم تانى الذ

اما بقى اللى بيحصل بحس والله ان دولتنا مش لاقية حاجة تعملها بدل ما يدوا المدرسين كورسات مسممترة تنمى مهاراتهم يمتحنوهم ربنا يشفى فعلا

سعيدة بزيارتك لمدونتى واتمنى انك تكررها واتمنى التواصل الدائم

واستمتعت بفشكلتك يا استاذ فشكول

تحياتى

ايمى

م/ الحسيني لزومي يقول...

التعليم والصحة هما دليلا تقدم الامم

goodman يقول...

انا قضيت معظم سنوات الدراسة المدرسية على الارض
لكن المفاجأة فعلا
انى حتى فى الكلية قعدن على الارض

Beram ElMasry يقول...

الاخ العزيز . فشكول
السلام عليكم ورحمة الله وبركاته
صورة جميلة وحلوة قوى فى مطلع مدونة مش محتاجة حلاوة
(والكرسى لزق) .. مية النار مش تفك اللزق ده ؟
لك تحياتى والسلام عليكم ، ولا سلام مع اليهود

*البت المشمشية *حلوة بس شقية * يقول...

Fبجد بجد مش عارفه اقولك ايه
تسلم نرودهالك فى الافراح يارب متشكرة جدااا
جميلك فوق راسى

*البت المشمشية *حلوة بس شقية * يقول...

اطلب من اى حاجة من جنية لجنيه ونص

اقصوصه يقول...

بابا فشكول

تدوينه متفشكله

بس جميله

وحشتنا فشكلتك الحلوه :)

اسفه ع التاخير

وبانتظار جديدك دوم :)

بس خلاص ... يقول...

علشان كادر عيونك انا جيت اقول مساء النورن ..... وطبعا زى ما انت عارف ان العلم لايكيل بالبتنجان
حلوه الفشكله .

يارب الابله اللى فى بالى تسقط فى الكادر وترجع سنه اولى ... علشان تبطل تاكل سندوتشات العيال

دعاء مواجهات يقول...

ههههههههههههههههههههههههههه
اسالنى انا عن الكادر وفضايحة
كل يوم عندنا فالجورنال

شكاوى بالعبيط من مهازله,

بيس

DoNyA يقول...

ممممممممممممممممممممممم

تصدق انا تهت

هو ايه الي جاب العجله في الموضوع
لالا شكلي دخلت الكادر غلط

وعموما كادر او ماكدرش

الدروس الخصوصي ما يعلاش عليها

دي بقت ادمان للاهالي
اللي بياخد درس واتنين وتلاته والله في الماده الواحده

دي حاجه تجنن بيجيبوا وقت منين العيال دول

وفاء بركات يقول...

وحشتنا الفشكله من زمان مفشكلتش
المواضيع..
وسلم لي علي التعليم وقالو التلامذه
خيبين ليه ادى( الجمل) وأدى الأحمال..
(يسرى) بين جموع المعلمين من يشيع بأن القادم إنذار إلي ولي أمر كل معلم في حالة الرسوب في إمتحان الكادر بأن يقوم ولي الأمر بعبط أبنه وتعليقه بالفلكه لأن ممنوع الضرب في المدارس
ولي معندوش ولي أمر يدور له علي كبير
ومن الكدر ليه متكدر ياللي ياما كدرتني زمان وقوفو لك يبجلوك ودلوقت بيهزؤك ياترى العيب فيهم وبيعيبوك
ولا انت تستاهل لو سقط وولادك عيروك
وعجبي
تحياتي أستااااااااااااااذ فشكوووووووووووووووووووووووووووووول

dr.lecter يقول...

ياسيدنا خلينا في التاريخ والماضي اللي راح بلاش الحاضر بهبله

Beram ElMasry يقول...

الاخ العزيز
السلام عليكم ورحمة الله وبركاته
على بركة الله والاسم يجب ان يتفق وسماحة وجهك ورشاقة قلمك ودعاوى دكتور توكل دائما طيبة
لك تحياتى والسلام عليكم ، ولا سلام مع اليهود

عمرو جويلى يقول...

السلام عليكم
أستاذى العظيم ظهرت إشاعة فى الجرايد أن وزارة الداخلية إستطاعت أن تقبض على الجرم الهارب الخطير على الأمن العام كادر المعلمين وأودعته سجن وزارة التربية والتعليم
تحياتى

عمرو جويلى يقول...

السلام عليكم
أستاذى العظيم ظهرت إشاعة فى الجرايد أن وزارة الداخلية إستطاعت أن تقبض على الجرم الهارب الخطير على الأمن العام كادر المعلمين وأودعته سجن وزارة التربية والتعليم
تحياتى

د.توكل مسعود يقول...

"أخى فش...." المحترم
السلام عليكم ورحمة الله...وبعد

كل ماأقصده ألا نكتفى بتصوير الواقع ووصفه....لأننا كلنا نراه ونعيشه ونلمسه ونتجرع مرارته

أود أن نبث فى الناس الأمل..ونأخذ بأيديهم نحو المبشرات فإن الدال على الخير كفاعله...والمثل القديم يقول
" أوقد شمعة بدلا من أن تلعن الظلام"

تقبل تحياتى واحترامى

Heba Sayed يقول...

السلام عليكم ورحمة الله

بوست رائع يا فشكووووول


انا نفسى يكون التعليم راقى عن كده بمصر

الناس هنا دماغها حلوة بس الكتب شبه ورق اللحمة دى ضيعت الناس


الوفات متخرجين ولا عارفين شىء

او بالاصح مش بندرس المفيد

دمت بخير

د. ياسر عمر عبد الفتاح يقول...

والله وجهة نظر
فيه مهن فى مصر مع أهميتها بتبقى متهانة
زى المدرسين اللى بيطلعوا أجيال وبيعلموا الناس .. ميقدرش يجيب بالمرتب سندوتشات يفطر بيها فى الفسحة حتى

كمان أئمة المساجد .. الأطباء .. الصيادلة ... وكثير

بس إن شاء بكره أحلى

mohamed ghalia يقول...

أنا قولت أجى أطمن على عمنا
أخبارك ايه؟
طمنا عليك

M.a.r.y.o.o.o.m يقول...

انا كان قصدي انه حضرتك قلت انك كنت متوقف عن التدوين وعن الرد علي المدونين فده كان قصدي
اعزرني علي التأخير علي حضرتك بس انت عارف هيبقي جو دراسة وجامعه وادعيلي بقي
سلاماتي

Soul.o0o.Whisper يقول...

fashkool


هههههههههههههههههه
عمو فشكووووووووووول
هههههههههههههههههههه



مااااااااااشى
هأعتبر أنك ماجيتش و لا رديتش
و لا هاتدبس فى حاجة


بس أنا زعلانة
اه
زعلانة خالص خالص

أيه يا دك يا دك دى؟؟؟
فين البنت الدكتورة الحلوة الشقية؟؟؟

ماليش دعوة
عااااااااااااااا







خالص ودى

وفاء بركات يقول...

أستاذنا الكبير فشكول
قالو زمان هم يبكي وهم يضحك
وده بقي من الهموم اللي ضحك
أخي كان بيراقب عليهم بحكم عمله
بكلية التربيه وشاف حاجات تفطس
من الضحك وحالات غش وهرجله وموجه
يطلب مساعدة ناظر وناظر يصرخ ويقول مش لمل أعرف أنا الأول واللجنه الواحده فيها أكثر من ورقة إمتحان
يعني ممكن كل اربعه لهم إمتحان واحد فيجمعو بعض وخيبة الأمل اللي ركبه جمل واحد ورقته مكنتش مع حد غيره وحدث ولا حرج وإضحك علشان الصوره لاممكن تطلع حلوه
أبن أختي طلب من أبني اللي هو في الأصل كان تلميذه يجيب النتيجه في السر وطبعا
محمد كانت فرصه بالنسبه له عمل له
إشتغالات وصوت حزين ومعلش تتعوض المره الجايه والتاني ناقص يبكي خلاص يامحمد إوعدني إنك متقلش لحد حتي خالتي اللي هو انا وبعد مسواه قالو الف مبروك
حضر الساقع علشان ريقي نشف وانا بشوف لك النتيجه..
وبعد مكان بيتكلم بهمس الصوت بقي عالي ونده العيال وأمهم وتوعد لمحمد أما يشوف وشه هيكون له حساب معاه
أدى حاله من الحالات مش والنبي حاجه تكسف مش كادر العجله ولا حتي كادر الصوره أحسن من كادر المعلم
دى وزارة الفوضي والمتخلفين اللت والعجين ..أو شيلو النيله والطين
مدرس مرتبه 140جنيه يعينوه في مركز
تبع المحافظه يقوم الساعه6صباحا علشان المواصلات إثنين داخلي وواحده علشان يوصل البلد اللي فيها مدرسته ينزل
يستني توصيله للمدرسه إسم الله علي مقامكم عربيه نقل البهايم أو حمار
وتخيل لو دى واحده ست اللي يغيظ إن مدرسين البلاد دى بيرحو مراكز بعيد
وبيطفحو الدم برضه علشان يوصلو مدارسهم ومطلوب إن التعليم يطور
وننهض بالمدرس وبالتلاميذ طب إزاى مع نظام ودنك منين ياجحا في توزيع المدرسين وبعد المجهود ده والبهدله دى إزاى المدرس يقدر يشرح ويعلم
طب أيه رأيك نسميها وزارة الفشكله والمفشكلين مع الإعتذار للأستاذ فشكوووووووووووول
تحيااااااااااااتي

وفاء بركات يقول...

أستاذنا الكبير فشكول
قالو زمان هم يبكي وهم يضحك
وده بقي من الهموم اللي ضحك
أخي كان بيراقب عليهم بحكم عمله
بكلية التربيه وشاف حاجات تفطس
من الضحك وحالات غش وهرجله وموجه
يطلب مساعدة ناظر وناظر يصرخ ويقول مش لمل أعرف أنا الأول واللجنه الواحده فيها أكثر من ورقة إمتحان
يعني ممكن كل اربعه لهم إمتحان واحد فيجمعو بعض وخيبة الأمل اللي ركبه جمل واحد ورقته مكنتش مع حد غيره وحدث ولا حرج وإضحك علشان الصوره لاممكن تطلع حلوه
أبن أختي طلب من أبني اللي هو في الأصل كان تلميذه يجيب النتيجه في السر وطبعا
محمد كانت فرصه بالنسبه له عمل له
إشتغالات وصوت حزين ومعلش تتعوض المره الجايه والتاني ناقص يبكي خلاص يامحمد إوعدني إنك متقلش لحد حتي خالتي اللي هو انا وبعد مسواه قالو الف مبروك
حضر الساقع علشان ريقي نشف وانا بشوف لك النتيجه..
وبعد مكان بيتكلم بهمس الصوت بقي عالي ونده العيال وأمهم وتوعد لمحمد أما يشوف وشه هيكون له حساب معاه
أدى حاله من الحالات مش والنبي حاجه تكسف مش كادر العجله ولا حتي كادر الصوره أحسن من كادر المعلم
دى وزارة الفوضي والمتخلفين اللت والعجين ..أو شيلو النيله والطين
مدرس مرتبه 140جنيه يعينوه في مركز
تبع المحافظه يقوم الساعه6صباحا علشان المواصلات إثنين داخلي وواحده علشان يوصل البلد اللي فيها مدرسته ينزل
يستني توصيله للمدرسه إسم الله علي مقامكم عربيه نقل البهايم أو حمار
وتخيل لو دى واحده ست اللي يغيظ إن مدرسين البلاد دى بيرحو مراكز بعيد
وبيطفحو الدم برضه علشان يوصلو مدارسهم ومطلوب إن التعليم يطور
وننهض بالمدرس وبالتلاميذ طب إزاى مع نظام ودنك منين ياجحا في توزيع المدرسين وبعد المجهود ده والبهدله دى إزاى المدرس يقدر يشرح ويعلم
طب أيه رأيك نسميها وزارة الفشكله والمفشكلين مع الإعتذار للأستاذ فشكوووووووووووول
تحيااااااااااااتي

صمت المشاعر يقول...

هههههههههههههه

الواحد تاه من كتر الفشكله دي

والله الواحد مش عارف ايه نهاية الكادر دا

غير معرف يقول...

I’m not that much of a internet reader to be honest but your sites really nice, keep it up!
I'll go ahead and bookmark your website to come back in the future. Cheers

my web site ... patchlink