الجمعة، ٢٤ أبريل ٢٠٠٩


قال فرحان بكرشه قوى وهو حيفرقع


الحلقه الثالثه وعقبال الاخيره


ايه اللى حصل لقوم لوط عليه السلام وكيف هلك قوم لوط عليه السلام؟
ح نرتب ما وقع لقوم لوط في نقاط حتى نقف بوضوح على ايه اللى حصل لهم ؛ وياجماعه الموضوع ده حياخد بوستين يعنى حانشره على مرتين برضه عشان طويل وما ازهقكوش اصل بصراحه انا زهقت واتخنقت والله يكون فى عونكم انتم كمان زمانكم زهقتم واتخنقتم من فشكول اللى عمال يصدع فى دماغكم


أولاً: انتفاخ وارتفاع أرض القرية وما حولها ارتفاعًا يسيرًا لقوله تعالى :
(وَجَاءَ فِرْعَوْنُ وَمَنْ قَبْلَهُ وَالْمُؤْتَفِكَاتُ بِالْخَاطِئَةِ (9) فَعَصَوْا رَسُولَ رَبِّهِمْ فَأَخَذَهُمْ أَخْذَةً رَابِيَةً (10) الحاقة
والربوة يا جماعه في لسان العرب من مادة "ربو"؛ [ربا الشيء: زاد ونما، والربا زيادة تؤخذ على المال، ورَبا السويقُ ونـحوه رُبُوًّا: صُبَّ علـيه الـماءُ فانْتَفَخ . وقوله عز وجل فـي صفةِ الأَرضِ (اهْتَزَّتْ و رَبَتْ)؛ قـيل: معناه عَظُمَتْ وانْتَفَخَتْ، وبالهمز فمعناه ارْتَفَعَتْ يعنى ورمت .. يعنى بالبلدى اتنفخت كدا وبقى لها كرش والكرش دا زاد عن حده وعايز يفرقع.

وقوله عز وجل: (فأَخَذَهم أَخْذَةً رابِـيَة) أَي أَخْذَةً تَزِيدُ علـى الأَخَذات يعنى زياده شويه ؛ قال الـجوهري: أي زائِدَةً. و الرَّبْوُ و الرَّبْوَةُ: البُهْرُ وانْتِفاخُ الـجَوْفِ؛ والربوة والرابية المكان المرتفع ، والتلال: الروابي]... انتهى.

وزيادة ارتفاع أرض القرية وانتفاخها، وما حولها سيحدبها ، وسيشقق ذلك سطحها ويضعفه عارفين الارض عند الفلاحين فى الصيف لما تعطش قوى وما تلاقيش ميه تلاقى فيه شقوق كبيره كدا والفلاحين بيقولوا عليها الارض شراقى خالص وحيصل الانفجار من اضعف مكان فيها ، ... والآية التالية هي التي تبين ذلك، ثانيًا: قال تعالى: (فَأَخَذَتْهُمُ الصَّيْحَةُ مُشْرِقِينَ (73) الحجر، فبعد الانتفاخ والرفع جاءت الصيحة، وهو صوت خروج ما تحت القرية من أحد أماكن ضعف الأرض بقوة انفجار عالية رفعت ما تحت القرية إلى عنان السماء ... والقرية ما زالت متماسكة بعد على حالها..فماذا نتج عن هذه الخطوة؟ لقد نتج عنها تفريغ ما تحت القرية ....

يعنى بالبلدى كدا ان القريه انتفخت وورمت وبقى تحتها والله اعلم هواء زى الهواء اللى فى الكوره واما امر ربنا جه الهوا ده قذف بالقريه والمبانى لفوق وبعدين مكان القريه بقى حفره كبيره لان القريه طارت فى السماء وسابت مكانها ومن شدة ضغط الهواء حصل صوت فرقعه كبيره قد تكون تلك هى الصيحه.

صعب والله ياجماعه الواحد يوضح اكتر من كدا ... انا قاعد عمال آخد الكلام وابسطه بس مش عارف ابسطه اكتر من كده

وماذا حل بالقرية؟
تأتي الآية الثالثة لتوضح ذلك ....ثالثًا: قال تعالى: (وَالْمُؤْتَفِكَةَ أَهْوَى (53) النجم، فسمى القرية بالمؤتفكة، واسمها من مادة "أفك" والإفك هو قول الكذب بلا سند يعتمد عليه ويثبته يعنى كدب من غير رجلين مش المثل بيقول الكدب ما لوش رجلين .. زى القريه كدا كلها افك والافك برضه ما لوش رجلين.
وكذلك أصبح حال القرية بلا قاعدة تستند عليها، فلم يكن إلا أن تهوي إلى قعر هذا الفراغ الذي حدث تحتها ح تروح فين يعنى طبعا مش ح تفضل طايره فى السما ... والقرية ما زالت متماسكة على الرغم من شدة ما أصابها ... يعنى القريه انقطعت من الارض وسابت مطرحها وطارت لفوق فى عنان السماء وعشان كدا القريه انقلبت فى الهواء وبقى عاليها واطيها ونزلت على الارض فى وضع زرع بصل وبقت الراس تحت والرجل فوق والسطوح بتاعة المبانى تحت والدور الارضى فوق

وأما جمع المؤتفكة في قوله تعالى: (وَجَاءَ فِرْعَوْنُ وَمَنْ قَبْلَهُ وَالْمُؤْتَفِكَاتُ بِالْخَاطِئَةِ (9) الحاقة فتفسير المؤتفكة والمؤتفكات على وجهين: إما لحملهم الإفك ؛ ورأسه الشرك بالله ، والمؤتفكات تشمل بذلك قوم لوط وأمثالهم ، وإما المراد به حال القرية المعلقة بلا سند تستند إليه بعد الصيحة ، وفراغ ما تحتها، وقبل أن تهوي على الأسفل، والجمع هنا ليدل على أن قرية قوم لوط عليه السلام كانت متشعبة لعدة أحياء متباعدة؛ كأن كل حي فيها قرية .. وأظن هذا هو السبب في قول أهل الكتاب أن قرى قوم لوط كانت خمسة، ويدل ذلك على سعة الخسف الذي حل بأرضهم. ثم تأتي آية لتبين أمرًا رابعًا ...

رابعا: قال تعالى: (إِنَّا أَرْسَلْنَا عَلَيْهِمْ حَاصِبًا الا آَلَ لُوطٍ نَجَّيْنَاهُمْ بِسَحَرٍ (34) القمر، عندما تهوي القرية سيسبب ذلك اندفاع الهواء إليها بشدة لملء الفراغ الذي تركته القرية مكانها زيادة على الصيحة ؛ فالهواء الحار الشديد الحرارة المندفع إلى أعلى سيخلفه بقوة هواء بارد مما حوله .. فحصبوا بشدة اندفاعه عليهم ... وهذا مما يثير الغبار عليهم ويحدث الظلمة ؛ فحسن ذكر الحاصب والسحر في هذه الآية لأن في كليهما ظلمة اللى عايز يتخيل الحكايه دى يفتكر دوامة هوا مره حدثت امامه اللى فيها بيكون الهوا بيلف حوالين نفسه وعامل شبوره بتلف وبيطير اى حاجه فى المنطقه اللى بيلف فيها الهواء ده وعامل تراب واللى العيال بيقولوا عليها (فاسية العفريت) .... ثم يتبعهم الله بما ذكر ...تعالو بقى نشوف وجهة نظر تانيه بتقول ان القريه ما بقاش عاليها واطيها لأ دى كانت زى ما هى وان الحجاره نزلت عليهم من السماء فدفنتهم تحتها زى الأيه القادمه:

خامسًا: قال تعالى: (وَأَمْطَرْنَا عَلَيْهِمْ حِجَارَةً مِنْ سِجِّيلٍ(74) الحجر، (وَأَمْطَرْنَا عَلَيْهَا حِجَارَةً مِنْ سِجِّيلٍ مَنْضُودٍ(82) هود؛ ... الناس ما زالوا في قريتهم فوق أرضها وليس تحتها ... وهذا المطر المكون من هذه الحجارة يقع عليهم، وكانوا هم مستقبلين لسقطته عليهم ، ولو رفعوا، وقلبت القرية كما قيل، [ولفظ القلب لم يأت به القرآن، ونسب لابن عثيمين رحمه الله إنكار ذلك أيضًا] لكانوا هم والحجارة مطرًا معًا، ولهلكوا قبل أن يصلوا الأرض يعنى القريه طارت فى الهواء وحتقع .. وطبعا الناس حيقعوا معاها والحجاره كمان بتاعة سجيل واكيد قبل ما يوصلوا الارض كانت حتنقطم رقبتهم وما يوصلوش الارض بسلام ابدا ،... ثم يأتي بيانًا آخر يبين ما حدث ...

سادسًا: قال تعالى: (فَغَشَّاهَا مَا غَشَّى (54) النجم، أي أصابها من الأمور العظيمة ما أصابها ، فبعد الرفع للقرية كانت الصيحة، ثم حصبوا، ثم أمطروا بالحجارة ، فغشيتهم وغطت القرية ودفنتها ... ثم جاء ذكر ما استقر عليه حال القرية ...

ما علهش ياجماعه آهى توريطه وورطتكم معايا فيها وموضوع مرهق للمخ ومتعب .. بس الغاوى بقى ينقط بطاقيته واستحملوا فاضل كمان بوست واحد .. مش عارف مين اللى شار على بالسلسله دى .. الله يسامحه بقى

فى الحلقه القادمه سنتكلم عن كيف انه تم تفجير القريه تفجيرا ذريا

هناك ٦٤ تعليقًا:

Hanan Elshafey يقول...

ايه ده
اول
تعليق

Hanan Elshafey يقول...

السلام عليكم ورحمة الله وبركاته

استاذي العزيز جزاك الله كل خير وافدتنا بعلمك
منتظره الحلقه القادمه

ملحوظه
اخذت بنصيحة سيادتكم ورميت الحزن ورا ضهري وهكتب ديما باذن الله
ودي

د. ياسر عمر عبد الفتاح يقول...

علي فكرة لموضوع مش صعب أوي
وشرح حضرتك سهله جامد وبسطه
وكمان خلاه ممتع جداً
أنا طول عمري حافظ الأيات ودي ومعرفش معناها .. لكن دلوقت فهمتها

متابعين إن شاء الله

محمد عبدالرحمن شحاته يقول...

استاذ فشكول
ان حبيت اقرأ موضوعاتك جداً
وخصوصاً انها مفيده جداً
وانت والله دمك زي العسل
بس انت بتقول عقبال الحلقه الاخيره
انت زهقت مننا ولا اه
ومين اللي فرحان اوي بكرشه ده
دي حاجه غريبه جداً
مش طبيعي
تقبل مروري

اسماء واحلام فى وجدانى يقول...

بسم الله الرحمن الرحيم

استاذى العزيز

دائما وفى كل مكان ادخله اجدك تضيئه

بكلماتك الراقية ولا اعرف لماذا

لم احاول مرة التواجد عندك هل هو رهبة

من اسلوب تعليقاتك او هو شىء

اخر لا اعرف ولكنى اليوم قررت

ان اعرف من انت

وعندما جئت هنا وجدت على وجهى

ابتسامة كبيرة جدا

لا اعرف مصدرها ولكنها حقيقية

ساقرا موضوعك وساعود مرة ثانية

فاتمنا ان تتقبلنى صديق جديد

وبالتاكيد ساكون سعيد بذلك

احمد

عاشقة حبيبتى يقول...

مساء الخير

نفسى مرة الحق اول تعليق عموما ربنا هيكرمنى مرة واعيش برحتى

بالله عليك شيل الصورة صعبة جدا حط شئ ارحم شوية

البوست والشرح جميل منتظرين البوست الاخير وجزاك الله خير وجزاة خير الا شار عليك

تحياتى

Hanan Said يقول...

استاذ فشكول
بجد بكون ديما سعيدهبموضوعات حضرتك جداا
ربنا يكرم حضرتك
ومستنين الجزء الجاي
وربنا يقويك

هانى زينهم يقول...

بالعكس والله يا استاذنا الموضوع من الموضوعات المهمة اللى قريناها وحفظناها كقران من غير ما نهتم نعرف الموضوع بيتكلم عن ايه .
جزاك الله خيرا وربنا يكرمك على المجهود المشكور ده

اسماء واحلام فى وجدانى يقول...

دائما ونحن نرى اشياء اعتيادية كل يوم

كالشمس والقمر والى اليوم ما زلنا

فى كل يوم نعرف عنهم الجديد والجديد

وهذا الايات لولا تفسيرك هذا لها

اثق باننى لم اصل الى هذا التفسير

سهولة لفظك جميل جدا

ربنا يبارك فيك

اللهم امين

وخد راحتك فى الحلقات القادمة

لانى تقريبا كده مش ناوى

ازهق من كلامك

الازهرى يقول...

الكلام منطقى ومتسلسل بطريقة جميلة
لكن كان ناقص المشاريب علشان الناس الغلبانه المحكوم عليها بالقراءة
المهم فى انتظار الباقى
وفى انتظار اكثر لاجابة سؤالى السابق
لاننى متحير لبعض الاستدلالات واريد ان اعرف الام استند المصدر فيها

تحياتى دوما

غير معرف يقول...

السلام عليكم و رحمة الله

ليه حاسس انك تقيل؟!!!!

ع العكس يا حضرتك اضافه الى الموضوع راااااااااااائعين و ممتع جداا موضوعك ولمساتك فيه وشرحك مبسط و سهل لا اتصور انه يحتاج لترجمه تانيه ^^

بالنسبه لقوم لفعل قوم لوط الذى يحاول البعض ان يزجه ضمن الامراض النفسيه و ان كان هذا مرض نفسى فالايات تمحض هذا الكلام لان الله لا يأخذ بالمرض !!


مازلت متابع لكن حبيت بس اوضح ان فعلهم نابع من راده قويه ف الباطل و ليست مرضا نفسياً خارجا عن اراده الوعى و الادارك ..


متابع ان شاء الله

تامر علي يقول...

أستاذنا الكبير

طبعاً كل الاجتهادات في التفسير ما دامت لا تخرج عن تأويل النصوص فهي واردة ويمكن الجمع بينها كمان فلا مانع من ان تكون كل التفسيرات حدثت بالتتابع ... نشكرلك ذلك الجهد الكبير جعله الله في ميزان حسناتك يوم القيامة

تحياتي :)

♥نبع الغرام♥♪≈ يقول...

السلام عليكم ورحمة الله وبركاته
عمى الحبيب صلاح الغالى قووى على قلبى
وحشتنا والله قووى
وبلاش الغيبه دى عشان بجد بفتقدك جدآ
يارب دايمآ موجود فى وسطنا بألف صحه وعافيه
والفرحه والسعاده موجوده معاك دايمآ
وبجد الايات دى ماكنتش اعرف معناها
جزاك الله كل الخير ويارب يجعلها بميزان حسانتك
اللهم أمين
بس الصوره ضحكتنى مووووت
الله عليك ياعسل
هههههههههههه
تقبل حبى وتقديرى ومودتى
إبنتك إيناس

عمرو جويلى يقول...

العم فشكوووول
السلام عليكم وحمدا لله على سلامتك
بشرح حضرتك الواضح الموضوع سهل الفهم وأغلب هذه الآيات كنت
أقرأها ولا أعرف معناها
بارك الله فيك ودمت لنا قيمة نعتز بها جميعا

رؤية يقول...

معاك يا عمو مكملين

^_^

تحياتى

Unknown يقول...

بسم الله الرحمن الرحيم
أستاذنا العزيز...
السلام عليكم ورحمه الله وبركاته.
صِف كما تُحب ...
فوصفك جميل زاد الصوره وضوحا أمام عيوننا التي لا تري غير الصوره . ولكنك وضحت لنا المعني في الصوره ...( كل ما قلت ... جُنْدُ الله )

صوت من مصر يقول...

انا حاسس ان كلها سنه وابقى زى الراجل ده انا عايز اخس
؟؟؟؟؟؟؟؟؟؟؟؟؟؟؟؟؟

mohamed ghalia يقول...

ليه بس ياعمى فشكول
دوشة ايه بس
احنا مستمتعين جدا بعرضك للموضوع
منتظرين القادم

اوراق قديمة يقول...

استاذنا الكبير
احنا مستمتعين بالبوست جدا ومش عايزينة يخلص
وكمان احنا فعلا محتاجين نقرب من قصص القران ونفهمها اكتر خاصة بعد تفشى الرزائل والموبقات بل ومحاولة تعميمها واعطائها صفات المسموحات
سلمت يداك وننتظر المزيد
وانا فى غاية الامتنان لمرورك بمدونتى
ام محمد

أمل حمدي يقول...

يا فشكول ربنا معاك

ولا توريطة ولا حاجة

كمل وإحنا مستنيين

سلام

rovy يقول...

السلام عليكم
ازيك يا استاذى فشكول ..

جزاك الله كل الخير لما تفيدنا به دائما

دمت بكل الخير فى حفظ الله

خالص تقديرى و تحياتى

أمل حمدي يقول...
أزال المؤلف هذا التعليق.
وحي القلم يقول...

موضوع متميز كالعادة
منتظرين الحلقة القادمة
---
تقبل مروري

mahasen saber يقول...

يا ربى عذابهم عذابيين دنيا واخره اعوذ بالله

ربنا يعافينا


بس انا من كتر تركيزى فى التخيل وطلوع القريه ونزولها جالى صداع بس وصفك وشرحك رائع طبعا يا عمنا الغالى

ضحكات الحياة يقول...

السلام عليكم و رحمة الله و بركاته

الموضوع حلو جداااا و الشرح حلو و سلس و سهل

و على فكرة هى سلسلة حلوة لانها بتخلى الانسان يدرك حاجات هو كان ممكن مش واخد باله منها و تعرفه اكتر بالقران و ما حدث للأقوام قبلنا

و احنا فى انتظار البوست التانى ان شاء الله

تقبل تحياتى

♥نبع الغرام♥♪≈ يقول...

السلام عليكم
بجد أنت من الناس اللى بحترمها قووى
ويارب دايمآ ما يفرق بينا أى شىء
وبيسعدنى قووى إنى أتواجد هنا معك بإستمرار والتجول فى تلك المدونه الجميله
يارب دايمآ فى تقدم
تقبل مووودتى وأحترامى الكبير
إبنتك
إيناس

♥نبع الغرام♥♪≈ يقول...

اه على فكره
مش هتنازل عن التاج فى البوست القادم
إن شاء الله
لأنى منتظره أعرفك أكثر وأكثر
ماشى وده وعد منك ليا
عشان خاطرى البوست القادم

المهم أنا جالى تاج تانى بس صعب
وإن شاء الله هنزل البوست إنهارده بليل
ومحتاجه قوووى رئيك
ويار يعجبكم
تقبل تحياتى
إبنتك إيناس

مجداوية يقول...

السلام عليكم
سلسلة ممتعة جدا رغم تبسط الشرح في بعض الأحيان أكثر من اللازم( تشبيه دوامة الهواء )

:)

يعني معظمنا معاه الاعدادية فبلاش التبسيط أوي أوي كده

:)

معلومات قيمة

وتأكد أن كل من قرأ قد استفاد فنحن نشكر من أشار عليك بهذه التدوينات
أعتقد أننا لا بد أن نشكرك الشكر الجزيل
مش برضه حضرتك اللي أشرت لنفسك عليها ؟


وياريت في آخر السلسلة تعمل حضرتك نقاط لأهم ما لفت نظرك في قصة قوم لوط وخصوصاً قصة زوجتة,, ما دورها معهم ولماذا مع انها زوجة نبي ساعدتهم؟ وبيان أن هناك من الصالحين من يبتلوا بزوجات أعداء لهم والعكس صحيح لأن هذا الأمر توقفت عنده كثيرا
جزاك الله خير الجزاء

Tamer Nabil Moussa يقول...

السلام عليكم


ازيك ياعم فشكول اخبارك اية
موضوع رائع

جزاك الله خير

تحياتى

على عبدالله يقول...

السلام عليكم

استاذ فشكول
صلى على النبى
صلى الله عليه وسلم
وكمان زيد النبى صلاة
صلى الله عليه وسلم
وكمان زيد النبى صلاة
صلى الله عليه وسلم

استمر يا استاذنا متابعين والله
شوية صبر
هو كدا العلم بالصبر والمصابرة
هى الناس عاوزة تتعلم ببلاش
:)

تحياتى

الازهرى يقول...

عمنا الغالى فشكول

ربنا يخليك للشعب يا رب وتفضل رافع روحى المعنوية كده يارب

قرأت قصدك من السلسلة فى تعليقك فى احدى المدونات واحترمت غرضك هذا للغاية وهو امر متوقع للغاية منك
ولكننى كنت اقصد الجزء الثانى منها
من حيث مكان كل من سيدنا ابراهيم وسيدنا لوط عليهما السلام
ومن انهما كانوا على مرمى البصر من بعضهما

وبخصوص التفسيرين فهما لدى بالطبع وقرأتهما من قبل
اما بخصوص النت فلا اثق به كثيرا فى المعلومات الدينية او التاريخية لانه فد تم ضبط الكثير من المخالفات والمغالطات فيها كما انه مفتوح للجميع يضع كل منهم فيه مايشاء دون تحقيق كاف

تحياتى وثقتى الدائمة فيما تكتب هو ما دفعنى للتساؤل كى اجمع بين ما كتبت وما قرأت انا

تحياتى وخالص مودتى
وسايب لك رسالة عند صعلوك

dr.lecter يقول...

ياسيدي بالعكس احنا استمتعنا بالحلقات دي لانها هتفيد الكل وهتفتح باب اللنقاش كويس جدا

استمر ياستاذي

zainab يقول...

أستاذى العزيز فشكول

انا بخير الحمد لله

جزاك الله خيرا لسؤالك عنى

كيف حالك ؟

معلش طلب صغنون قبل ما أنشر التعليق ممكن تدعيلى

تحياتى

”*°•.˜”*°•..سونه..•°*”˜.•°*”˜ يقول...

السلام عليكم .
حقا معلومات وموضوع جميل مش توريطه ولا حاجه بلعكس
وعموما هانت ههههههههههههههههه
لالا بهرج
وحمدله على السلامه ويارب تكون رحله جميله على العيله كلها يارب
وكمان معلش على جيبك كلنا لها
تحياتى ليك على المجهود الكبير ده
سلام ((ســونه)) .

طـائر الليــل الحـزين يقول...

عم فشكول
بجد تسلم ايدك على التعب الجميل والمثمر علينا احنا كل المدونيين اللى بنقرى وبنستفاد من اللى بتغذينا بيه فى كل بوست بتكتبه وبيكون اجمل وافيد من اللى قبله
بجد انا بحيييييييك يا عمنا كلنا
دومت بكل ود

اسماء واحلام فى وجدانى يقول...

استاذى العزيز فشكول

انا والله مش خايف ولا حاجة بس الرهبة

اولا نورتنى ودايما ان شاء الله تنورنى كده على طول

اما عن عتابك لاسكندرية

فانا واثق انى وكل الاسكندرانيا مالهموش

اى ذنب اكيد العتاب ده لحد غيرنا

بس بجد نورتنى والله

وربما تقف كلماتى بعيدا جدا

عن احساسى بتشرفك لى

استاذى العزيز

احمد

فشكووول يقول...

احبائى المدونين
جائتنى منكم كميه كبيره من الشكر ومن التشجيع وانا اشكركم جميعا على تشجيعكم لى وارجو ان اكون عند حسن ظنكم بى ودائما

MaNoOoSh يقول...

عمو فشكووول (اقول عمو وللا بلاش؟)
على فكرة انا بحب القصص الدينى جدا.. وبعدين شفت الصورة اتخضيت اصلا
هههههههههههههه
بس فهمت بعد كدة ايه علاقتها بالموضوع.. وجميل جدا عرضك للقصص الدينى دة ومحاولة تفسير الايات الخاصة بيها باسلوب سلس ومفهوم.
بس الكلام بصراحة جابلى حالة ذهوووووووووووول رهيبة.. مش علشان حاجة اكتر من ان دول قوم كانوا بيرتكبوا الرذيلة والشذوذ فكان دة مصيرهم فى الدنيا غير عذاب الاخرة..
فما بالك بقى بقوم دلوقتى اللى الناس بقت بترتكب جميع انواع الذنوب والرذائل والمعاصى المحرمة فى جميع الاديان.. اقشعر بدني لمجرد التفكير فى العذاب اللى ممكن ربنا ينزلة علينا لو اراد ذلك.
جميلة الحلقات دى واستمتعت بيها جداااااااا وفى انتظار الجزء او الاجزاء المتبقية.
وعايزة اشكرك على زيارتك ليه واقولك انك نورتنى جدااااااااااااا

قلم رصاص يقول...

بارك الله لنا في قلمك

حفظك الله لنا يا أستاذنا

daktara يقول...

الف الف شكر علي الموضوع القيم والمعلومات المفيده
فعلا الواحد لما بيبذل مجهود بيلاقي المقابل المهم يكون في شء مفيد
وفقك الله


شكلها باظت
انظر حولك
د. خالد عزب

ن يقول...

السلام عليكم
أستاذى.. الفاضل فشكول
تحياتى اليك يا ياسيدى على هذا التسلسل الممتع وأعلم بأنى متابعة معاك من البدايةوحتى التعليقات وسعيدةجداً بجمهورك الواعى المحب لشخصك الكريم أنا لسة مستنية الجولة الكبيرة فى آخر القصة وطبعاً منتظرة أدخل الملعب بل ومتربصة..ولكنك أولاً وأخيراً أستاذنا الفاضل
مع خالص تحياتى

Soul.o0o.Whisper يقول...

السلام عليكم و رحمة الله و بركاته

عمو العزيز / فشكول

بجد بوست دسم جدا جدا جدا

و أنا بصراحة كنت كتابعة لحد حتة رابعا و خامسا

حسيت إن الامور دخلت فى بعضها
و اعاصير عصفت بدماغى
و حاجات كدا غريبة



ربنا ييسر هأحاول أجيب منظمة الامم المتحدة
جايز افهم ...هههههههههههه

طبعا العيب من عندى أنا مش من عند حضرتك




دمت بكل ود ، و مش تتأخر علينا

احلام جوليا يقول...

السلام عليكم ورحمة الله وبركاته مشكور يا استاذ فشكول على شرحك فعلا مفيد فمن الجميل ان نعرف معاني القرأن الكريم ونحن نقرأه شكرا على جهدك ولو اني اعاتبك على انك وضعت تفسيرين لما حدث لال لوط واستشهدت بالقرأن وهذا يزرع الفتن وكان القران يقول قولين متناقضين والتناقض الوحيد كان في الشرح كما لاحظت والايات لم تقول ما شرحته لا من قريب ولا من بعيد فياريت توضح مصادرك للشرح منعاً للفتن واشكرك مرة تانية

♥نبع الغرام♥♪≈ يقول...

السلام عليكم
أنا جايا اصبح
وبقول لحضرتك البوست نزل ومحتاجه رئيك لأنه يهمنى مووت
ماشى ياقمر
منتظراك عندى وتعليق جامد كده يرفع من روحى المعنويه
ههههههههههه
تقبل حبى
إبنتك إيناس

نفرتارى يقول...

بابايه حبيبى وحشتنى جدا وادعيلى وسامحنى على تأخيرى .

وسلامى للاحفاد الحلوين وام اسامة الغالية .

تحياتى ،،


نفرتارى

نفرتارى يقول...
أزال المؤلف هذا التعليق.
صفــــاء يقول...

الله يكون فى عونك على الموضوع الشاق دة
ويكون فى عونا احنا كمان
بس هو فعلا الغاوى ينقط بطاقيته
ومن يهوى القرأة والمطالعه ويملك شغف المعرفه بيكون غاوى
ومستعد يتحمل كل شئ فى سبيل الحصول على معلومه قيمه تستحق العناء

تحياتى وسلامى لك

م/ الحسيني لزومي يقول...

شوف يا عمي فشكول انا جاي اسلم عليك علشان وحشتني.
وبصراحه انا مش ها اتكسف منك واقولك اني حاسس انك طولت في الموضوع فخير الكلام ما قل ودل والموضوع عماله تبسط فيه لكنك بتدخل في لغويات وشرح كبير ...وللا يمكن وجهت نظري غلط لاني مهندس وعايز الامور كلها معادلات 1+1=2
اجمل ما في الموضوع انك انت اللي بتتكلم
وايه اخبار الصعلوك مع التدوين

م/ الحسيني لزومي يقول...

عمي الكبير فشكول
علشان خاطر عيون حبايبك اللي بيحبوك ومستمتعين...وخاطرعيونك ...اكتب وقول لحد ما تتعب

مذكرات مشاغب يقول...

طيب والله موضوع رائع جدا
ومتابعين ومستمتعين
وتحليل اكتر من رائع

جميل كالعاده يا استاذنا

تحياتي

جارة القمر يقول...

أنحني هنا احتراما لرقي أسلوبك وتفكيرك
استمر

marmar يقول...

عمي فشكول الجميل
كل الف سنه وحضرتك بخير يارب وكل الاسره طيبه زي حضرتك
وحشتنا اوي يا عمي وكل المدونين بيسألو على حضرتك وانا اولللللهم
ويارب مش تكون الاخيره خالص ابدا
لان مفيش اجمل من قصص الاسلاميه والتاريخيه وخصوصا لما حضرتك انت اللي بتشرحها وتفصلهالنا
تحياتي

جلال كمال الجربانى يقول...

السلام عليكم ورحمه الله وبركاته

ايه الجمال ده
وايه الشرح الهايل ده
ده انت طلعت عالم وعلامه
وتشبيهاتك عسل ومتتنسيش
وأيه اللى مزهقك
بس احنا مبسوطين
استمر ومش زهقانين

ودمت يامؤرخنا بخير وبدون زهق

ن يقول...

السلام عليكم
أستاذنا الفاضل فشكول
الله تعالى خلقنا فى اختلاف فهناك من اقتصرت نظرتهم على كتاب الله بأنه كتاب للتشريع وحسب وهناك من تمتد نظرتهم الى ان كتاب الله بأنه كتاب حكمة شاملةمن الشريعة العلم وأنا ممن يؤمنون بذلك ولا ننسى بأنه قامت فئةمن العلماءينادون بالاعجاز العلمى للقرآن الكريم ولا تنسى بأن مدونة نون والمعركة التى دارت على تواجدها من البداية كانت لنفس السبب ولو غصنا فى العديد من المسائل فلن نتوقف عن الكتابة ساعات الليل والنهار ولكن إرادة الله أن نكون فى هذا الاختلاف الذى لا يجب أن يفسد من صلاحية التعامل والمشاركة وأنا ممن يحترمون وجهات نظر الاخرين ويقدر مدى طبيعة الناس واختلاف افكارها واتجاهاتها وكلنا نحب الله ونسعى لننال ولودرجةمن الايمان بل نطمح أن ننال كثير من الدرجات .
أما بالنسبة لمسألة إباحةالمثلية أو السحاق وإعتمادهم على انهم مذهب فهذه ضريبة الفهم الخاطىء للحريات التى قذفها لنا الغرب وأعتبرنا بأننا متخلفين وغير متحضرين فى ممارسة الحرية وبدل من أن يمارس الناس الحرية الفكرية والسياسية والعلمية يمارسون الرذائل على أنها حريات وبهذا نكون قد ارتقينا بأنفسنا لنواكب الحضارة الغربية ونكون فى الصفوف الاولى ؟؟؟؟؟
ولست أدرى ان كانت مثل هذه الحريات التى تغضب الله هى التى ستمنحنا كارنيهات عضوية العولمة التى حاصرتنا من كل جانب فلماذا يحكر علينا إذاً فى عدم التفكير فى أن نمتلك أسلحة نووية اليس هذا حكراً بل عنصرية ولماذا يهان العلماء الشرفاء كلما خرجوا بجديد يرقى بنا وبأفكارنا وتصادر أغلب علومنا وتدمر معنويات الابحاث لتبقى هذه الدول هى المعتمد الاول للعلم وللعلماء التى هى المستفيد الوحيد من هذه الثروة التى لا تقدر بثمن اليس هذا حكراً وكبت للحريات وناهيك عن حرية الفكر ووأدها فى مهدها وعدم المشاركة النزيهة فى السياسة وكثير من الامور التى تحتاج الى غربلة حقيقية ولا يسعنى الا أن أقول
وأسفاه ... وأسفاه .. وأسفاه
مع خالص تحياتى

yoyo يقول...

صباحك سكر
اخبارك ايه يا احلى عمو صلاح فى الدنيا دى كلها
يارب تكون بالف خير وصحة يارب

حد يزهق من حضرتك ومن عرضك الاكثر من رائع دا يا استاذ
الموضوع رغم انه كان فيه غموضو كتير اوى و الله بس حضرتك بسطته اوى بشكل جميل
تسلم لنا يارب
انا فى انتظار الباقى يا استاذ
وسلامى لصعلوك
دمت بالف خير وصحة
تحياتى
يويو

م/ الحسيني لزومي يقول...

عمي الكبير/ فشكول
بخصوص فلسطين الدعاء هو اضعف الايمان....وفي ظل انظمتنا الاستبدادية نستطيع تقديم الدعم المادي وهناك جهة شرعية وهي لجنة الاغاثة بنقاية الاطباء ولا انسي ذلك القاهري الذي حضر الي معبر رفح يحمل معه كرتونة شمع ليستخدمها الفلسطينيون في الاضاءة...لا تستحقرن شيئا من المعروف
....كذلك الدعم المعنوي ان انتفاضة العالم اثناء العدوان علي غزة كان لها اثرا كبيرا في الصمود امام آلة العدو الجهنمية.....الضغط علي حكوماتنا العربية ليكون لها موقف محايد ل اقول مؤيد.
تعرف اي نظام مهما كان مستبدا مسلحا قمعي لا يخاف من اي قوة سياسية او احزاب حتي لو كانت قوية ولكنه يرتعد خوفا من الشعب الأعزل .
فاكر احداث 18و19 يناير السادات فكر يويها يهرب بطائرة من اسوان لانه كان هناك وقت اندلاع الاحداث وراي جزء من الانتفاضة لعمال اسوان.
مرة اخري الشاعر يقول
اذا الشعب يوما اراد الحياة
فلا بد ان يستجيب القدر
وحط الف خط تحت اذا الارادة تصنع المستحيل والاستسلام لا تجدي معه الأساطيل.
دمتم بخير

محمد الجرايحى يقول...

بالعكس أخى الكريم لم ترهقنا
والموضوع فتح نوافذ كثيرة وأبواب كانت مغلقة..
وجهد طيب ومقبول
جزاك الله خيراً

أخوك
محمد

ن يقول...

السلام عليكم
أستاذى الفاضل فشكول
أدعوك حالاً الى مدونة نون حالاً للمشاركة فى هذا السيجال الذى بينى وبين الاستاذ/ فارس عبد الفتاح
لأنه موجه لى أسئلة امتحان وعوزاك تكون مراقب فى اللجنة لو سمحت بس لو نجحت كلم مكتب التنسيق يقبلنى فى الكلية اللى انا عوزاها مش ينسق دماغى على مزاجه زى ما بيعمل فى الطلبة أما لو رسبت فأعلم بأنى سوف أعيد السنة مراراً وتكراراً فأنا لا يصيبنى الملل والصبر رزقى وأجرى على الله .
مع خالص تحياتى

اسماء واحلام فى وجدانى يقول...

استاذى العزيز

وقدرى اللذيذ

جئت اطمئن عليك

وارسل سلامى اليك

لعله يصل الى قلبك

بنفس الحب الذى تسطره لنا يديك

احمد

aidy يقول...

الله يفتح عليك يا عم فشكول بجد

انا بجد اول مرة اعرف التفاصيل دى

وبجد نفسي اعرف هيحصل ايه فى اخر بوست

تفاصيل تدمير القرية نفسها شيقة ومفتكرش ان فى كتير عارفنها

تحياتى لحضرتك

assafo anaroze يقول...

فشكول حبيبي
ازيك يا عم حبيت بس اطمن على حضرتك
و لو انت عالنت رن رنة و نكون عندك يا حبيبي
يسعد مساك

kochia يقول...

متابعة بشغف
وحاسة اني فهمت حاجات كتير

تحياتي

م/ الحسيني لزومي يقول...

مسبوط يا عمي فشكول
الخناقات اشتغلت بين نون وفارس ومطلوب منك اصعب مهمه في الكون ان تكون حكم.
تعرف يا عمي فشكول( انا طبعا باحاول اصغر نفس بكلمة يا عمي)انجح طريق للنقاي ان يناقش كل طرف الأخر من منطقه يعني انا اسلامي وانت ليبرالي اقوم انا اناقشك من منطق ليبرالي وانت تناقشني من منطق اسلامي بكده اللي حجته قويه هو اللي هيكسب مجازا اذا كان في الامر مكسب وخسارة.
عموما احتمال تقوم معركه عندينا بين العرب والهواره وندعوك تكون حكم فيها قريبا .

محمود جامع يقول...

السلام عليكم
الاستاذ العزيز
اول زياره لمدونه حضرتك وان شاء الله ليست بالاخيره
الموضوعات راااائعه وفوق الرائعه
الكلمات معبره وواضحة
والتنسيق ممتاز
والكلام بسيط