الخميس، ٣٠ أكتوبر ٢٠٠٨








جه عمنا بيرم عندى فى زياره وبعدين قمت ارد له الزياره لقيت عنده ما ئده مما لذ وطاب من اشعار.. قمت قلت لنفسى يا ولد يا فشكول هو ايه المشكله اما تألف لك بيتين شعر زى اشعار عمنا بيرم المصرى
ولو ان الشعر مش صنعتى لكن
قعدت ومخخت بيتين اعتقد انهم حلوين بيعبروا عن الحاله الشعوريه
وقلــــــــت






حلويلا يا حلاويلا ... ياحول الله ليس الا



فكهانى .. . حلوانى وسعات برضه فسخانى



وساعات مش حاجه عجبانى . .. اقوم اشتغل حمصانى



لو ما عجبكش الاخرانى ... خد التانى



ولو ما عجبكش التانى ... خد الاولانى



بس اوعى تاخد الحمصانى ... اصل دى شغلانه عجبانى



وانا انانى ... ودا حمص طرى على لسانى



وانا زى الفريك ... ما بحبش شريك



ومن كتر ما انا انانى ساعات الهف النوم من عنيك
وساعات بحنيه وبحب الاقيك



عشان ناوى العب بيك واضحك عليك



وانا اصلى شقلباظ مقلباظ .. اشمعنى انا
انا برضه زيك .. زى الكل .. وبرضه زى الفل



وابور جاز نصلح .. فيلم كوميدى .. فيلم ثقافى .. مصنع حديد
مصنع صفيح .. مصنع نحاس .. برضه نصلح



والهوى ندهنه دوكو .. والشمس نعبيها فى قزايز
والترماى نبيع ابوه



مش قلت لك انا شقلباظ مقلباظ



ويا سلام .. يا سلام لو خدمنى الزمان وبقيت سلطان زمان



حاديكم الامان ... واطمنكم كمان واقول لكم احلى كلام




بس .. حاسرق النوم من عنيكم .. واخلى اخرتكم تناديكم.



بس صبركم على لما الزمان يبقى الزمان واكون سلطان زمان

هناك ٢٦ تعليقًا:

رئيس التحرير يقول...

مستنيك ...والله العظيم مستنيك.
بس الحكايه دي انا قرأتها قبل النشر هنا ..وعملت زي الكحيان بتنشر من ورايا ..الله ينور عليك يا سيدي فشكلت كوووول حاجه ...منتظر حضرتك لما ترجع.

Unknown يقول...

اي الجمال ده استاذ فشكول

قصيده ترحيب رائعه

منتظرين ابداع حضرتك

مفكر يقول...

قصيدة جميلة جداً..ان ممسكتش نفسي من الضحك...

سيب الحمصاني دي شغلانة عجباني>>>معنى جميل وكوميدي..

شكراً لتشريفك مدونتي المتواضعة جداً.

إن شاء الله أتابعك بإستمرار لأن مدونة حضرتك روقان اوقي...

ممكن أعرف عن حضرتك معلومات عن حياتك المهنية..

مفكر في تانية طب..

الكحيان يقول...

سلطان الزمان فشكلها وقعد على تلها - إن كان خلى فيها تلال أصلا- خلى حياتنا زي ما قصيدتك صورت بالضبط خلاها ( سمك لبن فول تمر هندي )

حاديكم الامان ... واطمنكم كمان واقول لكم احلى كلام

هذا هو شعارهم الذي يرفعونه ولا يملون من حمله وتردديه منذ ما يزيد على خمسين سنة . لكن يبدو ياعم فشكول أن العدوى ستنتقل إلى وأكتب شعرا أقلدكما فيه تحت اسم حيرم وهو لن يرقى بأي حال من الأحوال إلى رقائق العم بيرم شكرا لك

شمس النهار يقول...

الكلام فعلا كوميدي
بس معلش حققك علينا ماتعملهاش تاني
الكلام حلو بس اعتقد انه مش شعر
اوعي تزعل ده رأي
صريح والا انت عايز اجاملك
بس لو عايز تحاول وتجرب فينا ماشي
هنستحمل

همس الاحباب يقول...

هههههه
ههههههه
بجد حاجة فشكول خالص
ههههههههه
تسلم ايديك
كلمات شلقباظ خالص
بس دمها شربات
سعيد بزيارة حضرتك
واسف جدا على التاخير
ومدونة دمها شربات تحياتى اخى الكريم
خالد

عالم ماريونت يقول...

أستاذ فشكول:
تحياتي ليك اول زيارة لمدونتك وان شاء الله متكنش اخر زيارة
مدونة خفيفة ودمها خفيف
تقبل أمنياتي بالتوفيق
رنا

م/ الحسيني لزومي يقول...

شارك ف الحملة الشعبية للقيد بالجداول الانتخابية وادعو غيرك
ضع بنر الحملة علي مدونك والبنر موجود علي مدونتي

القلم السكندري يقول...

السلااااام علي أهل الفشكلة من المدونين




وتفشكلو فوق الفشاكل فشكلا ***متفشكلا فتفشكلت فشكولا

قالوا غداة تجمعو وتبادلوا***شعرا وكلٌ ممسكُ الكشكولا

هذي رياضُ الناظمين فاقبلوا***كي تنهلوا من شعرهم معسولا



معلش بقي حاجة علي ما قُسم كدة مرضيتش اجي وايدي فاضية :)

بصراحة مدونة رايقة جدا

ولذيذة جدا

وتعارف خير ان شاء الله

اسعدتني جدا زيارتك

ويارب منتحرمش منها

القلم السكندري يقول...

صحيح

نسيت اسأل حضرتك

اثناء تجوالي في مدونتك لاحظت في البوست الماضي أنك من شبين

هل حضرتك فعلا من شبين؟

اصل شبين دي بالذات لها في نفسي ذكرياتٌ عام

Beram ElMasry يقول...

اخى . fashkoo
اسعد الله صباحك بكل الخير ، مثلك لا يغفل مكانه ولو بعد مليون فانا احب الاذكياء وخفة الظل ، وبعدين برضك احب اعمل حسابى مش جايز تيجى الطوبة فى المعطوبة وتبقى صحيح سلطان
تحياتى لك واذكرنى بالخير

MakintoshQ8 يقول...

قصيده رائعه :)

لكن ماذا تعني كلمه فسخاني ؟

أحــوال الهـوي يقول...

لو كتبته من غير ما تقول انه شعر كنت سامحتك المشكلة ان الفكرة حلوة لكنها مصاغة بطريقة القص و اللصق سامحني انا صريح
اعشق الاحساس و الكلمه لدي تعبير صادق عن هذا الاحساس و ان كنت تملك مجامع الكلم كانت الصياغةاصبحت شافية كافيه

تحياتي

Miss. Sosa يقول...

انا اسفة يا عم فشكول علي التأخير بس والله انا جيت كذا مرة وبعد مااقرأ واحي اعلق تحصل اي حاجة تقومني وصلت لقطع الكهربا

وانا الصراحة لما بكتب حاجة وتقطع عليها كهربا ما بكررهاش بقول ديه مش ماذون لها بالنشر :))

نيجي بقي للفشكلة الابداعية اللي كتبتها .. فهذه هي الفشكلة والا فلا

بس انا حسيتها فزورة :D

والاجابة

بسم الله الرحمن الرحيم

التلافزيون هههههههه

----
شوية جد بقي هو الكلام نقلي فعلا حالة من الشقلباظات في الهوا واحساس المهرج اللي بيطوح الاطباق ويرجع يلقطها

احنا الاطباق والدنيا عمالة تتطاوح فينا ويا عالم هننزل علي حتة خضرا طرية ولا ننزل علي جدور رقبتنا

تحياتي يا عم الفشاكيل وسامحني في التأخير في البوستات بس غالبا انا بكتب في الويك اند (جمعة وسبت ) ان شاء الله

سلاااااااام

م/ الحسيني لزومي يقول...

شاكر حسن تعاونكم معنا وسوف اجد حل قريبا لمشكلة رفع البنر علي اي مدونه
احيي فيك الايجابية بتسجيل نفسك واولادك في الجداول الانتخابية ومزيد من الايجابية بدعوة الغير للتسجيل

م/ الحسيني لزومي يقول...

http://9ore.net/view/1972/vertical%20banner.gif
كود البانر

اقصوصه يقول...

LOOOOOOOOOOOOOOL

صح لسان الشاعر!!:)

Asmaa mahaba يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههه
شوف انت خالى من 22 سنه وعمرى ما شوفت عبقريتك دى ...ولا خفه دمك ....شكلك ناوى تسيب فريق النكد بتاعنا وتتخلى عنى انا ومحمد ومحمود وتشتغل حمصانى يا خال
بس انا كنت عارفه انك جامد قوى عشان انت من جواك رسام وفنان ودفنت موهبتك فى وسط ناس مفهموكش سيبك منهم وتعالى معايا ننطلق فى سماء الفن واقبل اقتراحى القديم
هههههه

بس خلاص ... يقول...

السلام عليكم
سعيده جدا لدخولى عالم الفشكله وانا داخله على ايدى اليمين لاقيت واحد سبع صنايع بيبيع حمص وحلاوة وكمان فسيخ ياترى هو انت اللى عملت من الفسيخ شربات

حيرتنا ياعم فشكول ناخد الاولانى ولا التانى خلاص مش هنشترى النهاردة شوف بقا هتلعب على مين
والحمد لله ان عصر السلاطين انتهى وبقى فى عصر الميلامين
اقولك ...كلامك جميل ودمه خفيف خلانى اقول كلام اخر فشكله

بس خلاص ... يقول...

السلام عليكم
سعيده جدا لدخولى عالم الفشكله وانا داخله على ايدى اليمين لاقيت واحد سبع صنايع بيبيع حمص وحلاوة وكمان فسيخ ياترى هو انت اللى عملت من الفسيخ شربات

حيرتنا ياعم فشكول ناخد الاولانى ولا التانى خلاص مش هنشترى النهاردة شوف بقا هتلعب على مين
والحمد لله ان عصر السلاطين انتهى وبقى فى عصر الميلامين
اقولك ...كلامك جميل ودمه خفيف خلانى اقول كلام اخر فشكله

فشكووول يقول...

أهلا أهلا بيك نورت عندى وياريت زياراتك ما تنقطع وتكونى من زباين الفشكلول .. حقيقه اسعدتنى زيارتك أما بالنسبه للست الفلاحه فحدثى ولا حرج فهى رجل البيت وست البيت وست الدار ايضا وفى الغيط تلاقيها زى الاسد جنب جوزها وفى الدار زى الفراشه دايما تحوم حول اولادها وشعرك هايل وبالتوفيق

أحــوال الهـوي يقول...

معذرة كانت زيارتي الاولي في عالمك الجميل و الغريب
عدت لقراة معزوفتك بطريقة الفشكله فطفت علي السطح درر مكنونه مخفيه عن العيون و لا تراها الا عقول ذو الالباب
تفهمت طريقتك و اعجبت بها و اصبحت من مريديك و متابعيك

تحياتي

mahasen saber يقول...

يعنى ده تهديد لما حضرتك هتبقا سلطان الزمان على العموم اعتقد مبقتش تفرق معانا خلاص احنا اتعودنا على السلاطين دى
........
الكلمات لذيذه ومغزاها الذ

م/ الحسيني لزومي يقول...

رجاء ارسال الميل الخاص بك حتي يمكنني ارسال كود البنر الخاص بالحملة الشعبية للقيد بالجداول الانتخابية حيث انة تم تغيير الكود المرسل في التعليق السابق ولكم جزيل الشكر

luzumy2000@gmail.com

م/ الحسيني لزومي يقول...

تم ارسال كود البنر علي ميلك

غير معرف يقول...

Hey very nice blog!

My site ... transistores