السبت، ٢٧ ديسمبر ٢٠٠٨



بعد عدد من البوستات الساخته والتى عرضت فيها اختلافات فى وجهات النظر ونقاشات حاميه حول عدد من القضايا الملحة والمعاصره وكانت كل الاختلافات والمناقشات ذات اثر فعال فى نشر ثقافة الاختلاف وبحيث خرج منه جميع المتحاورين والمتناقشين والمختلفين فى وجات النظر بدون اى خسائر بل بالعكس زادت اواصر الحب والاحترام بينهم .. وهذه لبنه بسيطه وبذره صغيره نرجو ان تنمو نحو نشر ثقافة الاختلاف وادبه. وبعد التجديدات الشامله للمدونه والديكورات الجديده والتى كلفتنى غدوه مكلفه للبنت سومه المجنونه بنت اختى صاحبة مدونة مجنونه فى بلد عاقل والتى قمت على اثرها بعمل غدوه مكلفه كلفتنى حتة لحمه زياده ومناب زياده للبت سومه المجنونه وامها .. غرامات باهظه تكلفتها من اجل خاطر هذه التجديدات ..

يعود فشكول فى هذا البوست الى الشخصيات المؤثره فى التاريخ المصرى ونتكلم فى هذا الجزء عن الفرعون المصرى خوفو بانى الهرم الاكبر - نم نفرد بعد ذلك بوست هام وهام جدا عن المبنى الحجرى نفسه والذى هو الهرم الاكبر باعتباره شخصيه اعتباريه اثرت ولا زالت تؤثر فى مصر ومكانتها .



الحلقه الثالثه




خوفو (خنوم خوفو) بانى الهرم الاكبر

هو ابن الملك سنفروا وابن الملكه حتب حرس وتزوج من الملكه مريت ابت اس وكذلك تزوج من الاميره الجميله حنوت سن . اما اولاده فكان اكبرهم الامير كاوعب والذى يعتقد انه مات فى حياة ابيه الملك خوفو وايضا من ابنائه الملك جد اف رع والذى تولى بعد ابيه الحكم مباشره والابن الثانى كان خفرع والذى تولى الحكم بعد وفاة اخيه جد اف رع وكان من ابناء الملك خوفو والذين لم يتولوا الحكم او الملك الامير ددف رع والامير ياوف رع والملك خوفو وهو ثانى ملوك الاسره الرابعه بعد الملك سنفروا وهو بانى الهرم الاكبر فوق هضبة الجيزه . وكان اول من اقام هرما من ملوك مصر هو الملك زوسر وهو الهرم المعروف بالهرم المدرج فى سقاره وقد تكلمنا عنه فى الحلقه السابقه فى معرض حديثنا عن امحوتب (الآتى فى سلام) وقد أقام بعده الملك سنفروا هرمين الاول فى دهشور والثانى فى ميدوم ولكن خوفو ترك هذه الجهات واقام هرمه الضخم فوق هضبة الجيزه وذلك لقربها من عين شمس مقر عباده الاله (رع) وذلك لكونها متسعه ومرتفعه تشرف على كل من حوله - ويعد الهرم الاكبر اضخم الاهرامات الموجوده فى مصر وقد زالت كسوته التى شيدت من الحجر الجيرى وقد كان من بواعث الملك خنوم خوفو لبناء الهرم ان كثيرا من المصريين كانوا عاطلين عن العمل فى مده الفيضان من كل سنه وذلك لخلوهم من اعمال الزراعه - هذا سبب من اسباب بناء الهرم الذى وصل الينا ولكن السبب الاساسى فالله به اعلم ولا زال حتى الان لم يقطع به ومن ضمن اسباب بناء الهرم ان خوفو اقامه ليكون مأواه الابدى . الا انه لم يمكث فيه طويلا اذ وجد تابوته المحفوظ فى حجرة دفنه خاليه خلوا تاما من كل شيئ نتيجة لاقتحامها فى عهد الثوره التى قامت بعد تدهور حكم ملوك الاسره السادسه لما فى الحجره من آثار تخريب .
على اننا فى تتبعنا لاخبار الملك خوفو - لا نجد له الا آثارا باقيه فى مدن مثل - قفط - دندره - وتل بسطه - وترك اسمه منحوتا فى مناجم النحاس والفيروز فى شبه جزيرة سيناء , وتخبرنا الآثار عن نشوب معارك بينه وبين الساميين الرحل الجائلين فى هذه الجهات وذلك ليحمى الحملات التى كان يرسلها الى هذه الجهات للحصول على المعادن والاحجار وكان يطاردهم الى مسافات بعيده شمالا حتى سنحت له الفرصه للاختلاط بالمدنيه الشماليه الشرقيه مثل المدنيه البابليه
هذا ما هو معروف عن الملك خنوم خوفو

غير اننا نعتقد ان بناء الهرم الاكبر وتوجيه نظر العلماء الى الكشف عن اسرار هذا الهرم قد نحاهم بدرجة كبيره عن الكشف عن شخصية الملك خوفوا واعماله .

على اننا نذكره فى هذا الموضوع لانه بانى اعظم اثر تاريخى على وحه الاطلاق مازلت اسراره كلها لم تكتشف بعد ولا يعرف عنه شيئا .. وكلما تبحرت فى علوم الهرم .. كلما ازددت جهلا به وكلما وجدت انك تحلق فى سراب هذا ولا يجب ان نسلم بسذاجة الكثير من الاطروحات التى يضعها الباحثون والاثريون عن هذا الاثر العجيب .
والله اللقاء فى حلقه قادمه عن الهرم الاكبر.

هناك ٧٤ تعليقًا:

شمس النهار يقول...

مبروك علي التجديدات
والعوده مره اخري للفراعنه

ghorBty يقول...

معلومات قيمه

بارك الله فيك

أمل حمدي يقول...

بارك الله فيك يا استاذي وفي قلمك

وفي مدونتك

دمت بكل الخير

اللهم امين

طـائر الليــل الحـزين يقول...

ايه كل المعلومات الجااااامده دى
بصراحة مش كنت اعرف حاجة خالص فيها
بس ربنا يخلى لينا عمنا فشكول
بيعرفنا ويفهمنا كل حاجة
والف مبروك على النيو لووووك الجديد
تحياااااااااتى

ghorBty يقول...

استاذ فشكول

حضرتك سالتني في مدونتي ازاي ناخد كل شئ ببساطه وانا رديت اتمني لو تزرني تاني لتجد الرد واتمني لو وفقت فيه

شكري لحضرتك

غربتي

AhMeD RaDy يقول...

يا باشا يا باشا

على التاريخ والمعلومات الدامدة كوى كوى

بينى وبينك يا استاذ فشكول بجد معلومات فى الجون

واستمر يا استاذ فشكول الى الامام

والمدونة بقيت الله اكبر شكلها حلو وجميل جدا

صفــــاء يقول...

.
وقيل والله اعلم
فى بناء الاهرامات

أنها بنيت على هيئه فلكيه كانت موجودة فى قبه السماء منذ 8 ألاف عام وتتكرر نفس تلك الهيئه كل 10 ألاف عام

وقيل هى لم تكن قبور بل قلاع

وقيل بنيت الاهرامات ضمن سلسله من 300 هرم مختلفه الارتفاع كحصون لصد هجمات الليبيين أخرها هرم ميدوم ببنى سويف

وقيل للقياس فقد كانت تلك المنطقه ضمن طرح النيل وكانو يصلون لها بالقوارب

وقيل بل هى مراصد فلكيه وكان سطحه فيما مضى مصقول للرصد

كما انه من خواص الهرم تجميع الاشعه الكونيه وخصوصا أشعه جاما
وقيل ان هناك انواع معينه من الاشعه يعمل على تشتيتها وبعثرتها الى الفضاء

ومن بديع تصميمه ان نسبه الانحراف فى هندسته لا تتجاوز الاف من النسبه المؤيه

والله يا استاذ فشكول يبدو انه ستكون هناك ملاين النظريات قبل ان نعرف الغرض من ذلك البناء الضخم قبله الحضارة
.

صبرني يارب يقول...

ايه ده كده يا استاذنا

طب كنت قولي بس وانا كنت روشتك من غير تكاليف انا عامله دايت يعنى طبق سلطه كان كفايه هههههههههههههههههه

استاذ فشكووووووول انا من المفتووونين بالتاريخ الفرعوني واي حد يعدى من قدامي كده ويقول كلمة فراعنه تلاقينى اتنح بقى وانصت اوووووي

عشان كده اي بوست تكتبه عن الموضوع ده ابقى اعمل حسابي فى غدا اجي اقراه من الكونترول

تحياتي لحضرتك ومنتظرين الجديد

fashkool يقول...

الحاجه شمس
الله يبارك فيك يا حاجه وحمدا لله على سلامتك وعودتك من الاراضى الحجازيه وحج مبرور وذنب مغفور ان شاء الله .. تحياتى


غربتى
ذهبت اليك فو مدونتك وقلت لك ما اعنيه .. وكل ما اريد قوله ان صعوبة الحياه تجعلنا نتدبر ونفكر ولكن يبدوا انه لا حل الا البساطه .. تحياتى


ماما اموله
ربنا يخليك ويبارك فيك وينفع الناس بعلمك .. ويارب تبقى السنه الجايه زى شمس النهار وتكونى راجعه من الحجاز .. تحياتى


طائر الليل الحزين .. مش عاجبانى حزين دى
الحمد لله .. والله يا بنتى ما يغركيش الكلمتين اللى اقعد اجمعهم من كل كتاب شويه ... ادينى بتعلم وبقول لكم على اللى اتعلمته .. ما تفتكريش انى بعرف حاجه .. دا انا غلبان .. والله يبارك فيك على النيو لوك الجديد .. ايه رأيك؟
تحياتى


أحمد بك راضى
انا مبسوط قوى من انبساطك بالمدونه .. بصراحه انا متفاجأ ان فيه ناس بترضى تقرى عن التاريخ .. كنت فاكر غير كدا خالص .. كنت فاكر الناس عايزه حاجه تسليها وخلاص .. لكن يقروا او يعرفوا حاجه فيها علم وتاريخ .. هى دى المفاجأه .. الحمد لله ان فيه شباب زيك بيقروا وبيحاولوا يعرفوا الدنيا ماشيه ازاى .. على فكره كانت مفاجأتى فى اول بوست عن التاريخ .. لكن لقيت ناس بتحب تقرى .. الحمد لله يا احمد .. تحياتى


يا صفـــاء ... !!!
هو انتى كدا مناكفه دايما .. طب انا حاقول ايه بعد اللى انت قلتيه ما انتى قلتى كل حاجه .. اكتب انا ايه تانى بعد كدابقى
يا بنتنا العزيزه .. احتار الناس والعلماء فى سبب بناء الهرم وخرجت نظريات مختلفه ولكن لن يعرف احد شيئ عن سر الهرم ربما الا بعد اكتشاف البهو العظيم وحجرة الملكه والذين حاولوا مرارا وتكرارا بالاشعة الكونيه والاشعه السينيه وايضا بجهاز الميكرواجرافميتر ولم يتوصلوا لشئ حتى الان وربما لن يتوصلوا لشيئ بالمره ولاحظى حاولى تقرأى عن الهرم وكل ما تقرأى عنه تلاقى نفسك بتوهى اكتر وكأنك ما عرفتيش اى حاجه بالضبط زى ما تقرى عن الفضاء كلما قرأتى كلما ازداد جهلك .. زى اللى بيشرب مية بحر حادقه كل ما شرب كل ما ازداد عطشه.. وبعدين انتى قلتى كل حاجه .. انا حاقول ايه بقى ..
تحياتى يا صفاء


أستاذتى صبرنى يا رب
والله انت خفيفه قوى .. يعنى طبق سلطه وخلاص .. طب يا ستى ومن عندى حتة لحمه كبيره كمان .. ان شالله ما عن حد حوش وكمان قزازة سفن اب
ان شاء الله من هنا وجاى اعمل حسابك فى الغداء والعشاء كمان .. هيه ايه الغرامات دى يا ربى .. الامر لله تحياتى وارجو ان اكون عند حسن ظنك

الازهرى يقول...

فشكولنا الغالى

مبروك على الشكل الجديد للمدونة
ولو انى زعلان برضه ( تلاكيك بقى)
ليه اسمى مش الاول ؟

ما علينا نرجع لخوفو
معلومات جميلة جدا
لكن المشكلة ان خوفو ما لوش ذكر غير بالهرم مالوش انجازات تانية
طيب فين الهرم

ادينا قاعدين مستنيين

أمل فتحى عزت يقول...

السلام عليكم
الاستاذ .. فشكول
مبروك على التجديدات بالمدونة وصورتك مشرقة وتصف سماتك الطيبة.
مازلت أواجه متاعب بسبب الانترنت مما يصعب على فتح بعض الصفحات حتى الان لذلك أتأخر عن المتابعة .
لن أعلق الان على البوست لأسباب كثيرة رغم المجهود الذى بذلته فحضرتك مدرك رأيى فى مسألة التاريخ المصرى لكن يكفى أنك نذكر المدونين بالرجوع الى التاريخ والاهتمام بدراسته .
مع خالص تحياتى

Unknown يقول...

أستاذنا الفاضل
السلام عليكم ورحمة الله وبركاته
أشكرلك هذا الطرح القيم والمعلومات المتدفقة..
طرح يجعلنا نشعر أننا كنا فى يوم من أيام
أصحاب مجد وحضارة

مسدس صغير يقول...

عمو فشكول بقى حكاية الكل لازم يخوفو منه ويرع بو منه برده ههههههههههههه اشكرك على المعلومات القيمه جدا حبيبى استاذ فشكول

جلال كمال الجربانى يقول...

عمنا العزيز /فشكول

معلومات مفيده

فللفراعنه سحر وقوه وعلم

أحياناً أظن أنهم ليسوا أجدادنا

ولسنا أحفادهم

هل من مزيد
-----
ولك رد عندنا

وتقبل تحياتى وشكرى

DoNyA يقول...

اولا مبروك علي الشكل الجديد

ثانيا -
بجد الاهرامات دي اهم عجايب الدنيا لانها بجد محيراني جدا في كل حاجه
كيفيه بنائها وغرضها
والله اعلم وعنده هو الاسباب
واكيد لو كانت معروفه الاسباب دي كلها مكنتش بقت من اهم عجايب الدنيا

تحياتي يا استاذي العزيز

Soul.o0o.Whisper يقول...

مبروك التجديدات ...


حقها سومة تطلب اللى عاوزاه ،
بجد جميلة جدا ....


بس اول مرة أقرأ لحضرتك حاجة فى التاريخ الفرعونى ..
أصلى ماعصرتش إلا التاريخ الحديث :)



خالص تحياتى

كلام على بلاطة يقول...

الدنيا دنية بافعالها وافعال قادتها
فلم اتمنى العيش لارى غزة وما جرى بتربتها
بشاعة وشنـــــــاعة وقسوةحتى فى ابادتها
اراضى مقدسة دنــــست بالهمجية ووحشيتها
وبشريـــــــة مريضة لاظهار عنف شراستها
فيا ارض انشــقى وابلعينا لتطهر حركتها
فلا نستحق الحياة بعد ان فقدت الدنيا براءتها
والموت لذئاب لم تفهم رسالة السماء او قراءتها
======================================

Unknown يقول...

حسبنا الله ونعم الوكيل
هل ارتضينا لأنفسنا الهوان
واستكانت قلوبنا إلى الخزى والعار
حتى أصبحت لاتحركها الفجيعة ورائحة الدماء ؟؟؟؟

أحــوال الهـوي يقول...

يا خوفو منك
جددت المدونة و راسم علي الهرم و بكرة تقولنا ان سنفروا من المنوفية علي العموم طلع خوفو من الشرقية بدليل اثارة في تل بسطة

حبيت افشكل التاريخ بطريقتك

تحياتي

فشكووول يقول...

ازهرى باشا:
الله يبارك فيك .. ايه رأيك بقى
المشكله انى حطيت .. اقصد سومه حطت الاسامى الحلوين فى الاول وبعدين كل ما تحط اسم حلو يزق اسم حلو برضه لتحته وهكذا دواليك وانا ما صدققت .. وفضلت ساكت وامرى لله
أما عن الهرم فانه ان شاء الله فى بوست قادم .. بس حيكون بوست صعب وكبير ويمكن يحتاج حلقات
تحياتى


ستنا أمل
مش قلت لك سابقا انى بخاف منه لانك غول فى المعرفه
كفايه انك بتنورى عندى فى تعليقاتك
تحياتى


استاذ مسدس صغير (بس مدفع)
زى ما الموت علينا حق .. برضه الخوف علينا حق وكمان الرعب علينا حق .. ومن خاف سلم .. مش كدا والا ايه؟
تحياتى


عمنا الجرايحى .. ازيك يا استاذنا .. دى محاوله بسيطة جدا وخصوصا عن خوفوا لان بناءه للهرم جعل الاثريين يهتموا بتاريخ الهرم نفسه ونسوا بانى الهرم
تحياتى


أهلا اهلا عاشق الKZ
والله يا سيدنا من الصعب تصديق ان الفراعنه اجدادنا واننا احفادهم .. اصل الامور بقت عندنا شوربه خالص .. بقى معقول احنا احفاد الحضارة دى كلها ..
تحياتى


دنيا الجميله
لم ابدأ بعد فى كتابة شيئ عن الاهرامات وهو البوست القادم ان شاء الله .. ثم اننى فى حيص بيص .. حيث الكتابه عن الاهرامات تحتاج الى اسهاب واطاله .. وحيكون بوست طويل .. بس المشكله اختصره ازاى .. ممكن اعمله على حلقات .. عموما ربنا يسهل وانتظريه عشان حيكون موضوع شيق جدا ولا حكاوى الف ليله وليله
تحياتى


تانـــــى؟ البنت الدكتوره الحلوه الشقيه رجعت .. ياستار يا رب .. جايبه ايه معاكى .. استنى اما ابص .. الحمد لله .. حاجات خفيفه .. شوفى
البنت سومه دى بنتى حبيبتى واللى عايزاه بتاخده خصب عن حبة عين اللى خلفونى
شوفى يا ستى :
انا كتبت قبل كدا بوست عن نشأة الحضاره الفرعونيه فى 3 نوفمبر
وكمان كتبت بوست فى 4 نوفمبر عن اصل الجنس المصرى
وكمان كتبت فى 11 نوفمبر عن مينا موحد القطرين
وكمان فى 23 نوفمبر عن امحوتب المهندس والطبيب والحكيم
وهذا احدث بوست عن التاريخ المصرى وكلها كتابات انتقائيه يعنى مش التاريخ من اوله لكن انتقاء احداث من التاريخ بالتسلسل الزمنى الطبيعى .. يعنى مش موضوع قبل موضوع .. من اول الخط وانت ماشيه
خلاص يا دكتوره يا شقيه .. اذ اكنت تعرفى تقلبى فى المدونه حتلاقى المواضيع دى واقريها براحتك وفيهاحاجات حلوه وحاجات جمعتها من مراجع كتيره وضربتهم فى الخلاط وعملت بيهم البوستات القديمه .. لو تعرفى تقلبى اقرأى كما يحلو لك
خلاص يا دكتوره يا شقيه ..
تحياتى


كلام على بلاطه
والله انا شفت اللى حصل فى غزه وكان صعب علي جدا كمان شفت التمثيليه اللى كانت فى مجلس الشعب وقال ايه الحكومه زعلانه اكتر مننا ودا كلام استهلاكى بيريحونا بيه .. وتعليق منى على ما حصل ان اسرائيل لها ان تعربد كيف تشاء لانه لا احد يقف فى وجهها .. يا جماعه .. عايزين نربى مجانص .. عايزين نربى عضلات .. عايزين نربى طياره .. عايزين نربى مدفع .. عايزين نربى دراع مفتوله .. عايزين نربى حاجات كتير .. مش كفايه نربى بعض ونسحل بعض ونسجن بعض .. طز فينا كلنا
تحياتى


عمنا يا جرايحى
هذا يا عمنا ما كنت اتكلم عنه فى بوست سابق ونالنى منه ما نالنى من الهجوم واللوم ..لازم يكونلنا عضلات ومجانص .. مش قلت قبل كده وما حدش عجبه .. طول ما دى افكارنا طول ما اسرائيل تعمل فينا اللى هى عايزاه ..لازم نغير افكارنا ونربى نفسنا كويس ونروح الجيم ونتمرن كويس وبعدين نواجه الدنيا كلها .. ما تزعلش منى .. طز فينا كلنا
تحياتى


حبيبى الدكتور احوال الهوى
أهلا اهلا اهلا بيك يا دكتور.. والله يا اخى اما بشوفك عندى نفسى بتنفتح وابقى فى حاله معنويه عاليه
ثم تعالى قولى .. مين هو خوفوا دهـ .. ايه يعنى خوفوا دهـ .. المنوفيه انجبت اثنين دوخوا الدنيا كلها وكل واحد فيهم يخوف قاره بحالها والاتنين جم بعد بعض .. تقول لى خوفو .. يا عم احنا المنايفه
تحياتى

Beram ElMasry يقول...

fashkool
فى مستهل العام الهجرى الجديد ادعو الله لكم وللاهل ، ان يجعله عام خير ورغد ، وان يحفظكم وجميع العرب من كل سوء ومكروه ، وان يسبغ علينا نعمة الامن والامان وكل عام وانتم بخير
بيرم المصري

ايه الوجاهة دى كدة منتاش فشكول والا عشان ماانته واد حليوة

Mahmoud farag يقول...

ازيك استاذ فشكول


كل سنة و انت طيب بمناسبه رأس السنة الهجرية

جنّي يقول...

السلام عليكم

كان الله مع اهل غزة وليغفرالله لنا تقصيرنا معهم ..

كل من له عينان يرى التواطؤ الكريه من حكومة فاسدة وحزب فاسد .. اما وانه قد خدع رئيس اكبر دولة اسلامية .. فهو غير كفيل بحكمنا .. نتحدث عن تواطؤ رئيس جاهل وحزب فاسد وحكومة اقرب الى الصهيونية ..ان لم تكن كذلك ..
اما حماس فيكفيها فخرا انها لم تستسلم كما استسلم غيرها .. لم تسرق اموال الشعب الفلسطيني كما فعل غيرها ..
حماس التي قدمت فخر شبابها شهداء في ساحة الجهاد والزود عن شرف الامة العربية والاسلامية ..
حماس العزة والكرامة والشرف ..
ولكن ماذا نحن فاعلون ؟

اقول لا للوقفات والاستنكارات ولكن اجمعوا المال والمؤن والسلاح وليفعل كل منا ما يستطيع لايصال المال والمؤن والسلاح لاهل غزة ..

ويارجال سيناء الشرفاء قوموا بايصال المال والمؤن والسلاح لاخوانكم في غزة الصامدة..

ولعنة الله على الكلب الذي استقبل العاهرة اليهودية للتواطؤ لضرب غزة ..

وحسبنا الله ونعم الوكيل

Mahmoud farag يقول...

ايه يا استاذ فشكوول

مش تداري عليا

و على رأى احمد حلمي

استر عليا الله يسترك


هههههههه

_____________

على فكرةاللي انت عرفتها دىىىى بقى تبقى خطيبتي و ادعيلنا

عالم ماريونت يقول...

عزيزي بابا صلاح
كل سنة وانت طيب
ويارب سنة جديدة سعيدة عليك وعلى كل اللي بتحبهم
حلو اوي حكايات التاريخ دي بجد لذيذة اوي
بنتك رنا

مهرة سالم يقول...

السلام عليكم ...
إزيك يا عمي فشكول ...
مبروك التجديد ...
والموضوع الجميل...
............
أنا آسفه على غيابي ..
بس مش عارفه هو الكابل لما عطل عطل معايه عن مدونتك إنت بالذات ليه..
كنت حابه أعلق مقدرتش رحت معلقه عندي ..
وبعد كده إنشغلت شويه..
لذلك وجب الإعتذار ..
........
ماشاء الله على حفيدك ربنا يبارك فيه..
.......
دمت بخير..

أمل فتحى عزت يقول...

السلام عليكم
أستاذى الفاضل .. فشكول
كل عام وحضرتك بخير وجميع الاخوة المدونين بخير بمناسبة حلول العام الهجرى الجديد .
أستاذى الفاضل .. لقد صدقت فى كل ماذكرته عن مدينة الاسكندرية التى كنا نعتز بها جميعاً لصفاء جوها وجمال منظر البحر وكثير من الاماكن العتيقة التى كانت تضفى على الاسكندرية طابع خاص والاعجب من ذلك أنهم إدعوا أنهم طوروا من الاسكندرية وجملوها وكانت النتيجة العكس تماماأضف على تعليق حضرتك المهموالذى قرأته جيداً أنهم رفعوا بعض الاحجار التاريخية القديمة التى يمتد عمرها الى الاف السنين وعلى حسب سمعى أنه تمت صفقة لبيعها الى اليابان من أحد المسؤلين واستبدال هذه الارصفة بالجص والاسمنت .. ترى ياسيدى ماذا ستفعل اليابان بصفقة أحجار تاريخية ثمينة كهذه ؟
والادهى من ذلك أنه يتم سرقة رمال الشواطىءسراً بواسطة عربات الكارواولا ندرى ايضاً لحساب من تتم هذه العمليات
والتجديد كل مرة يتم على الكورنيش مرة يكنسوه ومرة يمسحوه وبعدين يرجعوا تانى يكنسوه وهكذا وإلب مناطق الاسكندرية تعانى من العشوائيات والقمامة أضف على ذلك المخالفات فى المبانى التى شوهت المدينة وكل بواب فيها بعد كام سنة يصبح مقاول ويبنى على كيفه ولاكأنه مهندس فتكون النتيجة تصريح مخالف للبناء حتى شوهت المدينة الجميلة وفقدت الطابع الحيوى الرومانسى كما تفضلت حضرتك وذكرت
والله يا أستاذ فشكول أنا شوفت الحمار اللى اتكلمت عنه وكان حاله بشع وكأنه حزين فى مكان أفظع من الصورة الموجودة فى البوست يمكن الحمار اللى فى البوست شيك شوية وفى مكان أفضل من اللى شوفته وكل ما يحاولوا يجروه لمكان تانى يرجع لوحده لنفس المكان فجأة شعرت انه بيصرخ وبيحكيلى حكايته وكمان شوفت حصان ضربته السيارات على الطريق ومات وتألمت لهذه الثروة الحيوانية التى على وشك الانقراض بسبب الالة التى إكتسحت كل شىء .
أما عن بوست التاريخ فأنا بس والله محبتش أقولك مين هو خوفو علشان مفشكلش المسائل كفاية كده.
أسعدتنى زيارتك
مع خالص تحياتى.

قلم رصاص يقول...

السلام عليكم

ايه الجمال ده كله ياعمو فشكول

تاريخ مره واحده

دا انا حاسس بروح زاهي حواس تحوم حول المكان هههههههههههههههه

معلومات قيمة جدا
وكمان الديكورات الجديدة فظيعه

تقبل تحيتي

Unknown يقول...

السلام عليكم ورحمه الله وبركاته..
أطمأن ...مش قادر أقول حاجه
أو مش شايف ان فيه حاجه تتقال..
غير الي انت قلته ...ظوزطوزطوزفينا كلنا1000 طوز.

Unknown يقول...

اولا مبروك التجديدات....ثانيا الصورة الجديدة بتاعة البروفايل حلوة اوى احلى من الاولانية يكتيييييييييير..ثالثا البوست مفيد اوى والصياغة بقى جميلة بجد..هو حضرتك اللى صايغ الكلام صح؟؟ يعنى مش منقول من كتاب صح؟؟
لا بجد صياغة متمكنة جدا الله ينور

أحــوال الهـوي يقول...

fashkool

انا سلمت و انت جبتني لمس اكتاف يا حبيبي مش عارف اتفشكل عليك ابدا

ارحمني و سيبني في احس بقدرتي علي الفشكلة و ا لا هي تخصص و احتكار

تحيا جمهورية مصر المنوفية

تحياتي

AhMeD RaDy يقول...

مع غزة .... ولو باضعف الايمان

بسم الله الرحمن الرحيم

شارك

بدعاء واحد

فى

صلاة الفجر ليوم الاربعاء القادم

31-12-2008

وصيام الخميس تطوعا

1-1-2009

من غير عنـــوان يقول...

مبروك العـَمرة والديكورات
وباعتبار ان ابويا اللع يرحمه كان مدرس تاريخ
فقد ذكرتني بأبام جميله

الله ينور سا أستاذنا

أمنياتي

ahmed_k يقول...

فعلا هرم خوفو يعد من الآثار الفرعونيه
التي تصيب زائرها والمتطلع إليه برهبة
عظيمه وجلال رهيب
فهو عمل غظيم بكل المقاييس
أشكرك أستاذي الفاضل على المعلومات القيمه عن باني الهرم الأكبر
ولكن لي تساؤل بسيط
هل صحيح ان الملك خوفو كان من الموحدين
المؤمنين بالله ؟
فقد شاهدت منذ زمن عملا تليفزيونيا لا أذكر أسمه ظهر فيه الملك خوفو موحدا لا يعبد آلهة المصريين القدماء
فما مدى صحة تلك المعلومه؟

وتقبل خالص تحياتي

ahmed_k يقول...

معلش لي سؤال تاني

مين أحمد خالد ده اللي مكتوب في المفضله عندك ؟ههههههههه
وليه ميكونش حرف الكي بيدل مثلا على
كمال أو كامل أو كريم أو خليل
أو ......إلخ هههههههههههههههه

Unknown يقول...

انا طبعا فاهمة ان المادة العلمية مجمعة من كتب بس برررررررررردو احب اقوللك ان الصياغة حلوة حلوة يعنى مش هزار....وبعدين ايه كل المراجع دى دة انا اتخضيت والله...الله ينور

mr_raafat يقول...

أستاذي الفاضل / صلاح
مبروك علي الاستايل الجديد
بارك الله فيك .
غزة تتعرض للإبادة الجماعية
ويجب أن ننتصر لهم وندعوا لهم
يارب ياذا الجلال والإكرام شد من أزرهم وانصرهم آآآآآآآآمين يارب العالمين

Hanan Said يقول...

ازيك حضرتك يا استاذ فشكول
انا وماعلش اني اتاخرت على مدونت حضرتك كتير
بس ماكنتش بدخل كتير والله
وجميله اوووي مدوه حضرتك في شكلها الجديد
وتسلم حضرتك على المعلومات الجمييله اووي
ومستنيه حلقه الهرم الاكبر
.......
على فكره انا عندي
مدونتيني
الاولى ..الي فيها كتباتي انا اسمها حياتي
والثانيه .زاقتباسات الي حضتك بردو شرفتني فيها ودي الي بكتب فيها الحجات الي عجباني
وحضرتك عندك حق عايزه اخليها تظهر اكتر
عشان الناس تعرفها
شكرا لحضرتك
وتحياتي لك
كل سنه وحضرتك طيب
ويارب يكون سنه سعيده عليك

صحفية روشة يقول...

اول زيارة ليا لمدونتك وعجبتنى خالص

maha zein يقول...

ايه ده كله ايه ده كله
ده انا قلت انا غلطت في العنوان
طب ما تبعتلي سومة طيب تظبطني وانا هعلمها غيدوة جامدة بس علي شرط تيجي معاها
بخصوص المعلومات عن خوفو فانا شايفة انك شكلك هترجع تكتب عن التاريخ ذيي الاول
وده كويس
فعلا خوفو شخصية تاريخية عظيمة
وكفي انه باني الهرم الاكبر يعني
بس انا احب اعرف بردو هو حضرتك تخصص ايه
يعني ايه اهتمامك الشديد بالاثار وحكايات الفراعنة بردو

Unknown يقول...

عمناوأستاذنا الجميل: فشكووول
السلام عليكم ورحمة الله وبركاته
وليه أزعل منك ..هى طظ مش معناها ملح ؟؟؟
إحنا فعلاً ينقصنا بعضاً من حصوات الملح فى الأعين .........

أخى تقبل تقديرى واحترامى
أخوك
محمد

kochia يقول...

اولا التجديدات كويسة
ثانيا بقي
انا بحب التاريخ جدا لما يكون بيتقال بشكل شيق
وبكرهه لما يكون بيتقال كدة زي التقارير
عشان كدة كنت بكره جدا كتب التاريخ بتاعة المدرسة ودرجات التاريخ بتاعتي طول عمري اكتر من ممتازة !!!!!!!
بحب اقرا كتب التاريخ الخارجة عشان بيكون اسلوب الحكاية فيها مختلف

بيعجبني كمان ان لما تحكي عصر ما تقول الاحداث المقابلة ليه في العالم يعني خوفو مثلا كان ايام حد تاني نعرفه
لاني بحس ساعات ان كل منطقة كانت دنيا لوحدها
معزولة تاريخيا عن باقي العالم
مش عارفة عرفت اوصل وجهة نظري ولا ايه ؟؟

المهم
متابعة ..
وتحياتي

أمل فتحى عزت يقول...

السلام عليكم
أستاذى الفاضل فشكول
جميل أن حضرتك طرحت هذا النقاش الذى قد يأخذ منا مراحل عديدة للنقاش .وسوف أجيب على أسئلة حضرتك حسب معرفتى المتواضعة .والله المستعان .
بالنسبة لعدم معرفة الاولين بالقرآن فهذا سوف أناقشه لك على مراحل لأنه يحتاج وقتاً ويتوقف عليه بعض الاجابات التالية .حضرتك ذكرت بأن (بسم الله الرحمن الرحيم لم تنزل الا على سيدنا محمد وأحب أن أوضح لحضرتك فى ضوء ما تعلمته من كتاب الله بأنها نزلت قبل ذلك وذلك لما ورد فى سورةالنمل عن قصة سيدنا سليمان عليه السلام لما بعث للملكة بلقيس الكتاب لقوله تعالى (انه من سليمان وانه بسم الله الرحمن الرحيم )وهى السورة التى وردت فيها بسم الله الرحمن الرحيم مرتين لبيان أنها نزلت من قبل . ومن الطبيعى أن تكون مسجلة فى الكتب الاولى كما قال الله عز وجل *إن هذا لفي الصحف الأولى صحف إبراهيم وموسى *وذلك دلالة على أن الايات المذكورة فى سورة الاعلى أنزلت من قبل فى صحف إبراهيم وموسى (وهى آيات كاملة )أنظريا سيدى الى قول الله تعالى فى سورة النمل *أَمْ لَمْ يُنَبَّأْ بِمَا فِي صُحُفِ مُوسَى * وَإِبْرَاهِيمَ الَّذِي وَفَّى* والاحاديث التى وردت عن معرفة أبى بن كعب بآية الكرسى وفضلها يشير بوضوح الى نزولها فى التوراةمن فبل وذلك
عندما
سأله النبي صلى الله عليه وسلم- يوما: (يا أبا المنذر، أي أية من كتاب الله أعظم؟)... فأجاب قائلا: (الله ورسوله أعلم).

وأعاد النبي صلى الله عليه وسلم- سؤاله: (يا أبا المنذر، أي أية من كتاب الله أعظم؟)... وأجاب أبي: (الله لا اله الا هو الحي القيوم).
فضرب الرسول صلى الله عليه وسلم صدره بيده، وقال له والغبطة تتألق على محياه: (ليُهْنِكَ العلم أبا منذر).
وللحديث بقية
مع خالص تحياتى

"عبير النجار "نيجار يقول...

أولاً مبروك على التجديدات يا عمو فشكول
وثانياً معلومات قيمة جداً اللي حضرتك قلتهاعن خوفو وبجد انا بحب التاريخ الفرعوني وأخدت فتره كبيره متعمقه فيه وفي أسراره، وفي انتظار المزيد من حضرتك ،
ثالثاً كل سنه وحضرتك بألف خير بمناسبة العام الهجري الجديد وكان الواجب اني انا اللي اعيد على حضرتك الاول بس نعمل ايه في اخلاق حضرتك وذوقك ،
كل سنه وحضرتك بألف صحة وسلام

Beram ElMasry يقول...

استاذنا العزيز . fashkool
ولا انا انتمى لاى حزب ولا افهم فى السياسية
توحد الفلسطينيين مع انة لن يغير كثيرا ولكن سيكون الافضل من الوضع الحالى
كل سنة وانت بخير وجميع الاهل فى سلامة

Unknown يقول...

اعلنها امام كل العالم
لست عاجزا
ساقاوم حت انتزع عزتى
كيف تنصر غزة الان على عمود نور
_________

لا تذكرو لى هذا العجز الاسود..... الان على عمود نور ... كيف تقاوم ماذا تفعل .. شارك الان ... تفاعل معنا
قدم اقتراحاتك

http://3amood.blogspot.com/

Aиgel يقول...
أزال المؤلف هذا التعليق.
Aиgel يقول...


أستاذ فشكوووول

الموضوع جميل جدا جدا
تسلم لنا ويسلم قلمك

وفاء بركات يقول...

السلام عليكم أ.فشكول
أنا هنا علشان أقولك كل سنه وحضرتك
طيب وأسأل عن عدم مروركم علي مدونتي
من فتره لعل المانع خير إن شاء الله
موضوع خوفو سوف أقرأه لأحقا وأعلق عليه واضح أنه دسم ومحتاج كوباية شاى
تحياتي

ن يقول...

السلام عليكم
الاستاذ الفاضل فشكول
لقد قرأت تعليقك أكثر من مرة لما ذكرته باختلاف فى بعض الحروف فى قاموس الدكتور أسامة وبحثت من خلال صفحات الموقع فلم أتبين ما ذكرته أرجو من حضرتك أن ترسل لى رابط الصفحات التى تقصدها من موقع الدكتور لكى أقرأه ثانياً فيبدوا أنك أدق منى كثيراً فى ملاحظة هذه الامور أم أنى لم أستوعب تعليق حضرتك جيداً ولكنى سوف أجيبك فيمااستوعبته من التعليق .
الدكتور أسامة لم ينكر بالكلية ترجمات شامبليون بل ذكر فى موقعه أن ترجمات شامبليون سقطت منها بعض الحروف مما سبب تشويه كامل للترجمات فيما بعد وأدى ذلك الى حجب أغلب الحقائق فى التاريخ المصرى ..والشيىء الاغرب من كلام الدكتور السعداوى أننا هنا لانعرف كثيراً عما يدور عنا فى الخارج لقد فتح أحد الغربيون ملف شامبليون من جديد وقدم أدلة بأن شامبليون تعرض لهجوم شديد من قبل الكنيسة بسبب إكتشافه ديانة المصرى القديم الحقيقية بل رسالة التوحيد التى كانت تعم الارض كلهافى حقبات مختلفة وهى حقبات الانبياء وكان هذا سيؤثر على قوى النفوذ الدينى فى المنطقة فى هذا الوقت وانه أجبر على طمس بعض الحروف التى ترجمها وكانت تنقص الترجمات مما أدى الى تشكيل التاريخ المصرى القديم وفق ما يناسب السياسة الغربية ولا ننسى يا سيدى أن شامبليون جاء الينا فى إثر الحملة الفرنسية على مصر ومن هذا الوقت والى وقتنا هذا وإندثرت الحقائق لفترة .. ولما هاجموا هذا الباحث بشدة لفتح ملف شامبليون لجأ الباحث الى عرض الموضوع على السينيما ليخرج تحت بند حرية الرأى بالفن فخرج على شكل أحداث فيلم تسجيلى وقال البعض أنه شاهد الفيلم الذى أثار جدل وطالبوا بإيقافه تماماً مثل الفيلم الوثائقى الامريكى عن سطح القمر والذى منع من العرض ما يقرب من نصف قرن بحقيقته بسبب معلومة سد مهيب وهو شق القمر الذى ذكر فى القرآن الكريم الى أن من الله علينا بنعمة التقدم العلمى فى الانترنت ليسارع كل من لديه معلومة تم الحجر عليها من قبل الانظمة عبر العالم كله ليراها الناس وإعتبر العلماءثورة الانترنت مفراً من تقيد العلوم المختلفة .
سيدى فشكول الامرأكبر بكثير من أن يكون مجرد معلومات إنه مصير لنا فى أن نظل نبحث عن تاريخنا الصحيح وكما قلت لحضرتك سابقالم يكن الدكتور أسامة أول بحثى فهذا الموضوع فأنا بحمد الله أدرس القرآن دراسة مستمرة ولقد التقيت ببعض الحقائق من هذه الدراسة منذ سنوات وكنت لا أكف البحث عن وجود أدلة مدروسة وموثقة باستمرار واللدكتور أسامة ليس وحده الان من يعلن عن هذه الحقيقة لقد خرج الى الساحة الان باحثين كثر يتحدثون عن هذا الموضوع وسبقهم الدكتور /سيد كريم
والباحث المصرى قديما/ أحمد عثمان الذى هاجموه وأوقفوه عن البحث لمجرد ذكره بعض الحقائق وأسأل التاريخ عن الغواص المصرى .. كامل حسين أبو السعدات الذى إكتشف الاثار المصرية الغارقة عند الميناء الشرقى وقلعة قايتباى وذلك قبل إعلان البعثة الفرنسية عن التنقيب فى هذا الشأن منذ سنوات بل أنه كان المؤشر الاول لهذا الاكتشاف وبعدها مات غارقا فى ظروف غامضة إسأل التاريخ عن التقارير التى قدمها واللوحة التى إختفت إثر خروجها ولم يتم تصويرها الا مرة واحدة والتى تحتوى على نصوص دينية واضحة ..
* كم فيك ياأرض من من حقائق غائبة رغم أنك تصرخين فى أولادك أن يحملوا رايتك بصدق ولكنا نسمع صوتك ونعلم يا أرض أنك شاهدة وتنطقين بالحقية *
وللحديث بقية
مع خالص تحياتى

ghorBty يقول...

السلام عليكم ورحمة الله وبركاته

قال رسول الله صلى الله عليه وسلم: من لم يهتم بأمر المسلمين فليس منهم

الرجاء دخول الرابط ضروري جدا

http://www.rekaaz.com/vb/showthread.php?p=141435#post141435
يلا يا مسلم ورينا بصمتك

وجزاكم الله خيرا

غربتي

Ahmed Hishmat يقول...

انت موصلتش لقصدي من كلامي في البوست الأخير
عشان كده جاي أقولك
كل سنة وانت طيب
ومتقطعش الزيارة يا جميل

م/ الحسيني لزومي يقول...

غزة تحترق..غزة تباد
عجزة الأنظمة علي إنقاذها
أو تواطئوا علي إبادتها
من أجل سلطانهم الزائل
نحن ماذا نقدم حتي لو كنا مكبلين بالحديد والنار
شاركنا مقترحاتك العملية لنا كشعب من أجل
نصرة إخواننا الذي سوف نسأل عنهم
أمام الله وأمام التاريخ وأمام الإنسانية جمعاء
نتلقي اقتراحاتكم علي مدونة مواطنون ضد الشعب
www.moatnondedelsh3ab.blogspot.com

عـــفـــراء يقول...

السلام عليكم ورحمة الله وبركاته
استاذنا الفاضل والمبجل
فشكووووووووول
كل سنه وانت وكل احبابك بكل خير وسعاده
ويارب سنه هجرية وميلادية سعيده عليكم وموفقة
وانا بشكرك جداااااا عن سؤالك عننا ودة لوحدة انجاز بالنسبة لي
على فكرة حلو اوى التجديدات وخصوصا الصورة فرق شاسع ربنا يخليك ياسومة"ههههههههه"
ياه مشكلة جدا المعلومات دى
احنا ممكن نقرا اه انما تتحفظ مستحيل
وخصوصا بقى انى كنت بعشق التاريخ اللى دايما بعد مابدخل هنا بيوضح انى لا افقه شئ فيه
ربنا يخلي حضرتك يافندم على معلوماتك القيمه وادعى لنا انها تثبت
خالص تقديرى .......

الازهرى يقول...

حبيبنا الفشكول

انا فى انتظارك مليت انا

على فكرة بخصوص القراءة فى التاريخ
قرأت فى ردك عند مها ذلك وارشح لك مدونة قبل الطوفان ففيها تأريخ قوى وجميل للعصر الحاضر

وستجد رابطها عندى

تحياتى وخالص مودتى

الازهرى يقول...

وبرضه نسيت اسألك
هى صورة محمود ى
قبل علقة العيد والا بعدها

Unknown يقول...

عمى فشكوووول
اعرف توجهك تماما
لكن تلك الخلافات ليست مطروحة للنقاش
هناك واجب يجب تاديتة باى
طريقة
لابد من نصرة غزة
لا يكفى الشجب والادانة
تحياتى

عـــفـــراء يقول...

السلام عليكم
استاذنا المبجل والجليل
عذرا لوجودى اليك مرة اخرى ولكن تعليقك دفعنى بشدة الى ان آتى اليك للتوضيح ماتريد
من الممكن ان اكتب بدافع الكتابه او التخيل او من الممكن ان اكون فى حالة وجدانيه ولكن داخلى انا فقط
او من الممكن ان تكون لاقرب مايكون الى قلبك فبالتالى تتخيله انت لقربك منه
اما من ناحية الفهم انا والله بفهم كويس الحمد لله "هههههههههه"
بس لانى كنت علمى ومش بحب التاريخ ابدا فبالتالى لا توجد القابلية لتقبله
وفعلا لما بدخل لحضرتك بحس انى لا افقه شئ مع انى بقرا كتير جدا
بس فيه اشياء صعب ثباتها فى العقل
زى التواريخ والاسماء وكدة
وربنا يعنا جميعا وبشكرك جدا لكلامك وتحليلك المميز
دومت لنا بكل الخير وبدون فشكله
تحياتى .......

عـــفـــراء يقول...

السلام عليكم
كلاكيت تالت مرة
ياخبر ياخبر ياخبر
معقول ازعل من والدى ..!!
اكيد اطلاقا مش زعلانه
انا بس بتلكك علشان اجى تانى عند حضرتك ياابو الفشاكيل
ربنا يبارك فى حضرتك يافندم
ودمت لنا بكل الخير
خالص تقديرى .....

الازهرى يقول...

فشكولنا الغالي

رنا يخلى محمودواسامة الغلبان واخواته وامهم
وتشوفهم فى احسن حال وتفرح بيهم دايما

ولذلك قلتلك اكتب
فصرخاتنا وسط هذا الصمت المطبق وعدم الوعى بما يحدث وضياع الهدف
لعلها تنبه هؤلاء النائمين فيبدأون فى اصلاح انفسهم
ولن يصلح الحكام حتى تصلح الرعية
والوضع اشد من نضيع الوقت فى امور لا طائل من ورائها

تحياتى
واحتياجى اليك فى ذكريات

Unknown يقول...

أخى الفاضل والأستاذ الكريم : فشكووول
السلام عليكم ورحمة الله وبركاته
كل عام وأنت والأسرة الكريمة بخير وصحة وأحسن حال
وعام جديد سعيد بمشيئة الرحمن
بارك الله فيك وأعزك
أخوك
محمد

هانى زينهم يقول...

استاذى الفاضل :
طريقة عرض حضرتك للمعلومات جميلة اوى وتخلى الواحد يقراها من الاول للاخر .هاجى تانى اتابع بقية الحلقات تقبل مرورى وتحياتى

mahasen saber يقول...

اغيب ارجع الاقى فشكول حط صور الاسره الكريمه وانا بقول ايه النور اليى زغللى عنيه اول ما دخلت المدونه
ازيك يا استاذنا
وكل بوست وانتا مبدع دايما

رئيس التحرير يقول...

السلام عليكم ورحمه الله وبركاته
سيدي الفاضل/ عمو صلاح
كل سنه وانت والاسره الكريمه بخير وسعاده و كل سنه وانت طيب ...

الازهرى يقول...

فشكولنا الغالى

على فكرة انت ورطت نفسك فى حاجة تانية خالص
انا كان نفسى الاقى حد يقف معايا
كلهم بيقولوا ان الايام الجاية سودة
وان بتوع السياسة دول التار عندهم غلاب
وبعدين يمشوا ويسيبونى لوحدى
وصاحبكبصراحة ابتدى يخاف
وكان عايز حد يقف جنبى فى المعركة الجاية
وربنا يستر

لكن انا خدت منك كلمة وهامسك فيها
ومستنى الاجابة

ها معايا فى المعركة والا هتحذر وتخاف وتنسحب زى الباقيين

وفاء بركات يقول...

الحمد الله نزلة البرد راحت وعملت كوباية الشاى وقريت موضوع جميل
ومفيد كعهدى دائما بفيلسوفنا العظيم
أ.فشكول بجد لوإستمريت حيكون حاجه مفيده لإن الموضوع بيضاف ليع معلومات جديده من خلال التعليقات وده شئ ممتع
فالحضاره المصريه القديمه كنز لاينضب
ربنا معاك وفي إنتظار المزيد
دلوقت عرفت ليه حضرتك مبتجيش مدونتي
مشوار كبير قوى دى رحلة أكثر من سبعة الاف سنه ربنا يجيبك بالسلامه..
تمنياتي بالتوفيق

رئيس التحرير يقول...

السلام عليكم ورحمه الله وبركاته
___________________حبيبي الغالي..
ربكه ايه الي بتتكلم عنها دي ..انت بتتقل علينا شويه...صح..(صح الصح)
ربنا يعينك ويقويك وترجع لنا بالصحه والعافيه ...وكل سنه وانت والاسره بخير و سعاده ....

رئيس التحرير يقول...

السلام عليكم ورحمه الله وبركاته
___________________حبيبي الغالي..
ربكه ايه الي بتتكلم عنها دي ..انت بتتقل علينا شويه...صح..(صح الصح)
ربنا يعينك ويقويك وترجع لنا بالصحه والعافيه ...وكل سنه وانت والاسره بخير و سعاده ....

Unknown يقول...

سلام الله عليكم
عزيرزي ....كنت عند رئيس التحرير علمت عنده انك تمر بربكه...وباين الحق معاه في كلامه ...وبتتقل عليا انا بالذات ...والله ها ازعل منك بجد..
كل عام وانت والاسره الكريمه بخير...

Unknown يقول...

فشاكيلو...فشكل
____________
منتظرين عودتك علي احر من الجمر.
سلام ...

Unknown يقول...

تابع وقفة اهالى مدينة اشمون الثانية على مدونة عمود نور
ملف بالصور والفيديو
http://3amood.blogspot.com

الازهرى يقول...

ايه ياعم
مها رفعت درجة الاستعداد وحالفة لهى جايبة ضلفها
والبنات كلهم معاها
والرجالة اختفت وقالوا دول خلصوا فى الحرب
استنجدت بيك
هاه معايا والا مع الناس التانيين

غير معرف يقول...

رفيقي فشكول
ما جدوى الدعاء مع الة عسكربة متوحشة و تواطئ عربي مخزي
علينا سيدي ان نبدا اولا بتوعية الشعب التوعية الحقة بحقوقه و ان نوصل له حقيقة مفادها انه مستهدف من طرف السلطة الحاكمة باستيلابه اعلاميا و في المنظومات التعليمة و تدجينه وفق اطروحات النظام الحاكم المسيطر خدمة لاهدافه في الخلود في الحكم و توريثه لكن هيهات و هيهات سياتي زمن سينقضي فيه الاستبداد لكن عندما تتوحد القوى الحرة و المتنورة و خصوصا اليسار الجذري من اجل الدفاع عن الشعوب و استنهاضها انذاك بامكاننا ان نتحدث عن امكانية التغيير
لي زيارة قريبة لمدونتك
مودتي

غير معرف يقول...

Having read this I believed it was really enlightening.

I appreciate you spending some time and energy to put this informative
article together. I once again find myself personally spending
way too much time both reading and leaving comments.
But so what, it was still worth it!

My site ... duncanville ()