الأحد، 5 يوليو، 2009

عن العشق والهوى ..من نفسى ومتهيأ لى انى حاحذف البوست دا قريب

تحديــــــــث
كنت ناوى انزل ببوست جديد النهارده لكن المشكله ان الجهاز بيفتح عندى لكن عندما اذهب لزيارة أى مدونه اخرى لا تفتح التعليقات مما يخبرنى بأن هناك عطل ما فى الجهاز وعشان كدا قلت ياواد يا فشكول انتظر حتى يتم اصلاح ما بالجهاز من عطل وبعدين انزل بالبوست الجديد
بس احب اطمن كل من علق عندى بانى سوف ارد على زيارته حتى لو كانت متأخره بعض الشيئ لانى من اربع ايام وانا عطلان ومش عارف ارد أى زياره لأئ زائر لى .... اعذرونى لبعض الوقت ومش ح اتأخر فى زياراتكم

=====================================================

لم اتعود كتابة بوستات كهذا لكن مره من نفسى .. لانها لحظة مرت بحياتى لم تكن عابره ولكنها من عمر المراهقه والشباب.. لحظة خرجت من خزانة الحياه فأثارت الوجدان وحركت اوتار قلب الشيخ .. انا ... وهل للشيوخ وجدان ... انا ... انا







تحرك الوجدان للحظات واجتر معه ذكريات كانت مصابيح الشوارع شاهدا لها والقمر يراقبها ويغزل خيوط الضوء حولها والشمس عندما تشرق كل صباح تروى حكايتها .. حكاية طالب الثانوى مع زميلته.




فجأتن ......... قابلتها ... بعد نيف وثلاثين سنه








تلاقت النظرات ... عرفتها وعرفتنى ... كانت النظرات تعانق النظرات فليس لنا الا هذا.. وانهمر شريط الذكريات سريعا امام عينى ... انتظرها فى الشرفه حتى تخرج فأخرج وراءها ... ثم اعود من المدرسة احرسها ... ويوما فيوما ... التقينا




كانت ليلى ... اسمها راقص ... لي ... لا ... يقولونها فى الغرب ليلى بكسر اللام




هى كما هى ... طولها طول الخيزران




جسدها يتثنى كالشمعدان ... مياسة القد ... ملوحة الوجه ... غجرية الشعر ... مرحة القسمات ... خجولة المحيا




عدت فى السابعة عشر ... مزاهر قلبى تدق ... وعقلى يتقلب بين خواطره ... فوضعت يدى على قلبى الذى فط من مكانه واخذ يجرى يمينا وشمالا فقلت له حنانيك يا قلب ... فقال مالك انت بى .. اتركنى فأنا لست بقلبك ... وما ذنبى فيما حرمتنى منه ... فقلت له ... وماذا كنت افعل يا قلب ... فقال لماذا افترقتما وقد كان اول حب احس به ... فقلت ما كان اليها سبيلا ... قال كيف ... هل كنا نستطيع غير ما فعلنا ... وكيف ... هل كنت اذهب انا اليها ام تأتى هى الى ... هل تجيئنى يوم جمعه ام اذهب اليها فى يوم أحد وأولادنا يا قلب هل هم معها ... ام معى ؟ أفق يا قلب ... استحى يا قلب فقد كان الحب المستحيل




وافقت وافاق القلب وعاد الى مكانه وقال الواقع احلى




ربما تجمعنا اقدارنا ... ذات يوم بينما عز اللقاء





ومضى كل الى غايتــــــــــــــــــــــــــــــــــــــــــــه








هناك 122 تعليقًا:

المهاجر يقول...

فشكول

طريقتك العاطفية جميلة جدا فانت تعبر بمشاعر إقتربت علىالفناء

أحس كأن الحب بمعناه القديم العفيف قد رجع مرة أخرى

المهاجر يقول...

وعلى فكرة من نطلق عليهم شيوخ كانوا فى عهدهم رواد الحب الأفلاطونى زى مبيسميه أجيال دلوقتى

يكفى إنكم عاصرتم الزمن الجميل


تقبل مرورى

واحدة مجنونة يقول...

عجبتني جدا
اوعى تحذفه
بجد جميل
الرومانسية بمعناها الجميل اللي اختفى حاليا
تقبل تحياتي

nona يقول...

أستاذ فشكول

الله موضوعك حلو اوى
رومانسية رائعة

بس المدام كدة تزعل

تحياتى

بنجاواتى يقول...

هو الوست جميل جدا ورائع

لكن انا مع الرأى الشعبى اللى بيقول ان حضرتك تحذف البوست ده فورا -مش قريب :D-حقنا للدماء

لكن بجد تحياتى على هذا الاسلوب الرائع

أحــوال الهـوي يقول...

لا حول و لا قوة الا بالله

ايه الحكايه

يا عمنا بلاش تنط في منطقتي يعني اقلب تاريخ و فشكله

اوريك اني ممكن اكتب في الفشكلة

اسلوبك جميل و احساسك ينم علي راجل عقر يستطيع اللعب بالكلمات

تعرف ان اول حب هو اعظم و ابقي حب

نورت
تحياتي

mohamed ghalia يقول...

الله عليك ياعمى فشكول فى الرومانسية
هايل بجد
احنا نسيبنا من الفشكلة بقى ونركز مع الرومانسية ههههههههههههههه

اسماء واحلام فى وجدانى يقول...

التعليق الثامن

يا سلام انا من العشرة الاوائل

الله اكبر

جحا المصرى يقول...

صديقى العزيز فشكول
أهلا بك فى كوكب الأحلام والرومانسية
كلماتك رائعة ياصديقى

اسماء واحلام فى وجدانى يقول...

وكمان التاسع علشان فشكولى حبيبى

ما يزعلش منى

الحمد لله

اسماء واحلام فى وجدانى يقول...

كده بردة يا جحا

الله يسمحك بوزت الترتيب

اسماء واحلام فى وجدانى يقول...

ابراهيم ناجى

والوجدان

وسن المراهقة

ايه يا عم الجمال ده

الله يرحم ايام زمان لامة الواحد كان يفضل صاحى طول الليل علشان يشوف حبيبته وهى رايحة المدرسة كانت ايام
الله يرحم الايام اللى الواحد فيها كان بيستنا نظرة واحدة ولا اى حد من ريحتها ريحة الحبايب
تعالى دلوقتى زمن الموبيلات يادوب نظرة فابتسامة فنمرة تليفون حتى الحب بقى تيك واى صعب نلاقى الاحساس دلوقتى مع انه موجود والحمد لله وصادق كمان بس دوشة الايام دارت عليه
بس انت فى الرومانسى هتخلينا نقعد فى بيوتنا ونقفل المدونات شوف حتى فى رومانسيتك ذكرت اباطرة العشق الله عليك يا حبيب قلبى يا فشكولى

بس انا ليا عتاب عليك عملتلك ايه الوجدان علشان تجيب سيرتها

اسماء واحلام فى وجدانى يقول...

على فكرة لو قمت بحذف هذا البوست

انا هاحاول ازعل منك عارف انى مش هاقدر بس هاحاول

طب ايه رايك انا هاخد منه نسخة ولو مسحته والله والله لاكون سايبه فى تعليقاتى عندك هنا وكل ما تشوفه تقول الله يخرب عقلك يا احمد اروح منك فين

اسماء واحلام فى وجدانى يقول...

انا اخذت نسخة خلاص

امسحه براحتك لو عايز

وانتظر منى المفاجات

فاكر فيلم لوكاندة المفاجات

هاخليك تشوف فيلم احسن منه هنا

وبالالوان كمان

اسماء واحلام فى وجدانى يقول...

فشكولى حبيبى

الناس عاملة اشاعة انى محتل تصدق من والواضح انى فعلا كده بس والله بطريق الصدفة هى جت معاك كده
سامحنى بقى وما دام بقى احتلال يبقى نكمله احتلال باحتلال
تعالى شوف مدونتى اصبحت ثكنات عسكرية
احتلال اصلى

اسماء واحلام فى وجدانى يقول...

وبما انى مش باحب الرقم سبعة

خد كمان التعليق ده

فشكولى اللى مش مفشكل

يا كنافة وقطايف ومحل حلويات مشكل

ارمى حمولك على الله وعلى الله

خليك دايما متوكل

GiGi worled يقول...

http://gigiandworld.blogspot.com/2009/07/blog-post.html
ربنا يكرمك بجد وشكرا على تشريف حضرتك بجد ده شرف ليا
وهنا حكايه دكتوره مروه الشربينى اللى واحد المانى طعنها فى المحكمه علشان حجابها

الازهرى يقول...

وكل ما نفترق تجمعنا الطرق

انها سنة الحياة
فراق وتلاق
ثم فراق وهكذا المهم ان يبقى ما بداخلنا حيا ولا نخنقه

رائع ما خط القلم وما نبع من القلب

************************
فجأتن
فجأة
********************
حاول تصلح تليفونك

Ramy Wasel يقول...

فلا تقل شيئا
فأن الحظ شاء

ايه الرومانسيه دى كلها

بس حلوه نيف وثلاثون سنه
يعنى حسبه ستاشر سبعتاشر سنه

لالالالا
بهزر والله
موضوع جميل جدا

عبد من عباد الله يقول...

ممممممممممممم هى نصرانيه ؟؟

ربما الامر صعب اجتماعياً ، و لكن لا استطيع ان اتكلم عن الحب و هل هو مسيطر و يأتي دون سابق انذار ، و ليس لنا يد به ، لا استطيع ان اتكلم على الاقل حالياً ....

تحياتي يا استاذ فشكول

saheda.com يقول...

كن معا (الحملة الدولية للافراج عن النواب المختطفين )
بسم الله الرحمن الرحيم

الى السادة اعضاء مجلس الشعب
الى الاحرار فى كل مكان
الى الاخوة المدونين
الى من اتخذ قضية فلسطين
قضية عقيدة
الى من لديه كل جهد وامل
قادر ان يساهم معنا
لقد اقيمت
الحملة الدولية للافراج عن النواب المختطفين
من هذا المنطلق ندعوا الكل
الى السعى للافراج عن النواب الفلسطنين من سجون الاحتلال الصهيونى
كلا منا يساهم بكل طاقته
ارجوا من السادة نواب مجلس الشعب
تصعيد الحملة
فى مجلس الشعب
وفى البرلمنات الاوربية
من الاحرار فى جميع انحاء العالم
توعية الشعوب
والضغط على الحكومات
من الاخوة المدونين تفعيل الموضوع فى المدونات
ومراسلة
المدونات والمنتديات
وخصوصا الغربية
لتفعيل الحملة
وهذا جزء من حديث
الاستاذ مشير المصرى
رئيس الحملة
الدولية للافراج عن النواب المختطفين

ن يقول...

السلام عليكم
أستاذى الغالى .. فشكول
بالمناسبة الحالة دى اسميها ساعةحظ هى ان يتجدد فى وجدان الانسان ذكرى أجمل لحظات الصدق فى حياته .
أستاذنا الغالى ..أرجو ان تكون بخير وبلاش تحذف البوست ده فالكلمات تعشق الحرية ولها أجنحة عندما تخرج من قفص أعماقنا تطير بحرية فلا تجعل بندقيتك تطيح بها دعها تحلق وتغرد واستمتع بنغماتها .
ومش هسألك ايه حكاية يوم الجمعةوالاحد .
مع خالص تحياتى

dr.lecter يقول...

ماده اللي انا خايف منه بجد

خايف بعد 20 سنه كده وبعد مكون كونت اسره اقابل الحب الاولاني اللي لسه شايل ملامحه جوايا مهمها غطي عليها الزمن

معرفش هاتصرف وقتها ازاي بجد وحاسس اني هاكون ضعيف جدا ساعتها

عاشقة الأحزان يقول...

السلام عليكم ورحمة الله وبركاته

الغالى قووى عمى صلاح وحشتنى قووى
وربنا ما يحرمنيش من سؤالك عنى يا غالى
انا جيت بس اسلم
وبعدين اعلق على البوست
سلام ياغالى
انوسه

Me7'o يقول...

عمى

بص يا عمونا بما إنك متعودتش تتكتب بوستات زى كده

فده رجاء من جماهير الشعب العريضة

حاول تعود نفسك بعد كده
وعاوزين بوست على الأقل كل يوم

ولو سمحت أنا عاوز أنسخ الكلام ده فى حال لو إنت مسحت البوست

تسمح

وفاء بركات يقول...

أ.فشكووووووووووووووووول
فيلسوفا ومؤرخا ورومانسي يالها من شخصيه جميله..
اممممممممممممم عرفت ليه كتبت في السيبوكس عندى فشكول بان عليه آنن آن
لاتحذف هذا البوست أنه يعلم هذا الجيل إحترام العلاقه بين القلبين لم يسعدهما القدر لتنصهر تلك العلاقه وكتب الله لهم
الفراق فإحترم كل منهم تلك الذكرى حتي
ولو كانت العيون هي التي كانت تتحدث فإنها يوما كانت لها نظرات تدق أبواب
القلب وكأنها ميثاق صامت عن أخفاء هذا الحب عن الغيون....
تطورت العلاقه اليوم إلي حد الفجور بإسم الحب أصبحت دافع ألي إرتباط يرقضه المجتمع إلي قصاصة ورق من الزباله يقولون عليها زواج شرعي والشرع منهم براء لاتعرف من منهم دفع الأخر إلي الرزيله بإسم لأجمل كلمه في الوجود ..
كان هناك حياء بقي دلوقت أسمه تخلف.. كان هناك وفاء أصبح أسمه الأن وهم
أحترمك وأحترم مشاعرك وربنا يديم عليك نعمة الإستقرار العائلي ويبارك في الحاجه والأولاد و الأحفاد

شريكة في المطعم يقول...

اول زيارة للمدونة..وعجبتني جدا
واوعى تحذفه
بجد جميل جدا

yoyo يقول...

صباحك سكر يا حتة السكر
و حشتنى جدا جدا جدا
اخبار حضرتك ايه يارب تكون بالف خير و سعادة
واخر الحاجة ايه ؟!
سلامى لها يا عمو
اشوف العشق و الهوى بقى

yoyo يقول...

سيدى يا سيدى على الرومانسيات

و بعدين 3 انا وايه هنقول انا مش عارفنى ولا ايه ههههههههه
اه من الوجدان دا بقى هنعمل فييه ايه ؟!
دايما بيحرك فينا مشاعر و احاسيس و بيحيى ذكريات كانت ومازالت عايشة جوانا
بس مش كان جميل اوى حب زمان و مفرادته كلها بهدوء اللليل و سكونه و القمر اللى شاهد على كل حركة و كل همسة
كان حب رقيق و جميل

yoyo يقول...

حب التلامذة دا بيكون فيه عفوية وبراءة جميلة اوى
دلوقتى بقى نادر اوى يكون فيه حب صامت و جميل كدا
وقتها بيقولوا على الشخص دا يااااااه هو انت لسه عايش ايام السينما الصامتة
بس مش اجمل من خجل المشاعر و الاحاسيس اللى بيجى من بعده مصراحة بعشق وحب لا ينتهى

yoyo يقول...

بدون موعد كان لقاؤنا و بدون موعد كان فراقنا قد نعود يوما و نتلتقى ولكن الحب الذى عرفناه سيبقى راسخا فى قلوبنا

زى مالحب بيجى فجاة و ممكن يمشى برده فجاة الا انه لو جاية تانى بيرجع القلب يميل له و يحن من تانى لانه ببساطة حب بصدق و اخلاص
بس اه من الفراق بقى يا فشكولى

yoyo يقول...

بالنسبة لموضوع الغاء و حذف البوست دا
لالالالالالالالالا انا من موقعى هذا احتج واعترض
بجد البوست جميل جدا جدا
وفيه مشاعر و احاسيس جميلة
يبقى ليه الحذف بقى ؟!!

yoyo يقول...

يعنى فى الفشكلة استاذ و مش لك حل بقى
وفى الرومانسى كمان
طيب نعتزل احنا بقى
هو احنتا هنقدر نكتب تانى و حضرتك موجود

ربنا يستر علينا بقى
هههههههههه

yoyo يقول...

سؤال كدا فى الخباثة هى الحاجة شافت البوست دا ولا ايه ؟!
ابلغ يعنى ولا ربنا امر بالستر بقى
هههههههههههه

yoyo يقول...

مش عارفة ايه الناس اللى بتدخل تحتل المدونات دى
ينفع الكلام دا ؟!

هههههههههه
عامة حتة بطيخة كبيرة كدا وانا اقعد ساكتة ومش هاتكلم
مش هاعتبرها رشوة يالا بقى

yoyo يقول...

بجد بقى البوست حلو جدا
وياريت حضرتك مش تحذف عشان مش يحدث ثورة فى انحاء المدونة

تسلم ويسلم لنا احساسك الرقيق
دمت بالف خير و سعادة
تحياتى
يويو

أحــوال الهـوي يقول...

انا كنت باعكسك
فينك يا عمنا منقطع النظير من ايام و دي مش عادتك و راجع لنا رومانسي و حنين

ياتري المكتوب حقيقي و سموك دايب في بحور الذكريات

و ياريت تفضل كده لعل و عسي تتحفنا بالكلمات الجميلة و الاحساس الرائع
تحياتي

سما أحمد يقول...

احاسيس رائعه وذكريات جميله وطريقتك كتير حلوة خلتنا نعيش الموقف
انا صراحة عشت معكم وشفتكم :)
هههه
لا عنجد الكلمات راقيه ومليانة مشاعر حلوة
وكله بيبقى بعد فترة ذكريات

وما اجمل اننا نصوغها ونعبر عنها باحلى الكلمات
تسلم ايدك فشكول
واكيد بنتمنى ما تحذف البوست
هو في حد ممكن يحاسب حد على ماضي وذكريات :(

Soul.o0o.Whisper يقول...

السلام عليكم و رحمة الله و بركاته

عمو العزيز فشكول

رغم ان الاحاسيس و المشاعر شئ مش بايد الانسان

و فعلا بتخلى الواحد فى دنيا تانية


لكن .....

لنفس الاسباب اللى ذكرتها انا باكره الحب اللى من غير ارتباط

و مش ناوية ان شاء الله -يااااااااااارب- مش ناوية اعلق نفسى بحد الله اعلم هيكون ايه

لما تبئا دبلته فى ايدى الشمال ساعتها افكر ههههههههههههههههههههه << شريرة انا عارفة


دمت بود

الازهرى يقول...

تصدق بالله انى اخدت بالى منها
لكن انا من المؤمنين بنظرية بسيطة جدا
ان كل الفرقعة الموجودة والشد النفسى والتوتر سببه اننا بنشاور على المشكلة فتكبر كتر واكتر
زى كده ما يكون واحدعنده بقعة صغيرة جدا جدا جدا على هدومه
وبعدها كل ما يقابل واحد من اصحابه يقوله فى بقعه
فى النهايه هتلاقيه حاسس انها كارثة حقيقية
مع انها شىء تافه جدا جدا جدا
وفى رأيي الشخصى موضوع الفتن ده ابسط من ما الاعلام عامل بكتير وان كان بيتصاعد مع الوقت بسبب الشحن المستمر

تحياتى وسلامى لصعلوك
**************************
بخصوص السلام وصل من غير اى حاجة
لكن برضه المشكلة فى تليفونك انت
ماليش دعوةبقى

حاجــ عيال ــات يقول...

ازيك ياعمو
المدونة مقفولة فعلا فترة وهفتحها تاني بس استعيد فيها قوايا النفسية واستعدادي ليها يزيد وأقدر أقدم جديد
دعواتك ليا

وردة يقول...

استاذي الكبير فشكوووول
انا دلوقتي بس عرفت ليه حضرتك مش بتكتب رومنسي
اكيد خايف علي مصلحةالمدونين اللي بيكتبو في النوع ده لان كده حضرتك تفوقت عليهم جميعا
"عذرا يا جماعة ده كلام بيني وبينه محدش يزعل"
هههههههههههه
بس ليه بتقول عاوز تشيلها ديه جميله جدا وصادقة اوووي
ولا خايف يمكن حد يسربها عندك في البيت وتبقي مشكلة
لا ياعم فشكووول الرومانسي خليك شجاع
انت عارف ان الجميل في اللي انت كاتبه انو مش كلام ادبي وخلاص و استعراض بالكلمات ولكنه تجربه حقيقه عاشها القلب اللي مالوش حدود ولا قواعد
همه الوحيد الحب
مش بيعترف بأختلافات البشر يأتيه الحب لحظة دون ان يعرف من اين ولا الي اين تأخذه
بس الحمد لله علي كل شئ
امتعتنا والله يا استاذي ربنا يكرمك دايما
اوعي تمسحها اوكي
اوكي
سلام

فراشة يقول...

ذكريات لسه فى القلب يا استاذ فشكول
اممممممممممممممم
بس اكيد الواقع الحالى اجمل

ولكن القلب هو القلب يحن دائما للذكريات وللماضى

تحياتى لموضوعاتك المتنوعة والشقية جدا

assafo anaroze يقول...

الموقف يا فشكولي الحبيب لا يحتاج الى سلام و لا كلام
الموقف يحتاج للتأمل و التفكير بل الى الاستمتاع بحكاية شيخ عجوز في لحظة استرجع حب زمان و حكايات زمان
حبيبي و الله عجباني الحكاية بس يا ترى هي حقيقة و الا من وحي الخيال
الحب يا عزيزي هو اللي انتو عشتوه في زمانك اما احنا فالحب عندنا بيتحسب بالماديات و المحسوسات
مودتييييييييييييييي الحالصة لاحلى فيلسوف رومانسي
مودتي

اقصوصه يقول...

اقول بابا فشكول

المدام والعيال قروا هالتدوينه؟؟

اللؤلؤة يقول...

السلام عليكم
كدة ............. كدة
إظهر وبان عليك الأمان
وكمان بتستعين بعمنا إبراهيم ناجى


ومضى كل إلى غايته


لا تقل شئنا فإن الحظ شاء

ودمت بكل الخير

رؤية يقول...

على الرغم من شجونهافى البداية لكن الاسلوب المرح كان طاغ
وان كنت فهمت من يومى الجمعة والاحد مغزى ما....؟

عموما
كما كان الفراق فى السابعة عشر وكانت المصادفة فى الثلاثين لربما تجدد الوصال فى السبعين!!

لكن ارجوك دون ان يفط قلب حضرتك او يقفز من مكانه
احنا عاوزين حضرتك معانا..
^_^

تحياتى

المشخبطاتى يقول...

أستاذ/فشكوووول

أول تعليق لى على مدونتك الرائعة...دائماً كنت أزورها ولكنى كنت غير قادر على التعليق عندكم...ولكن وجب الآن..فتقبل مرورى...


أه من الحق....تعبيرك وطريقتك جميلة جداً..وبيتهيئ لى غنك تحذف البوست دا دلوقت..

هو المدام قرأته ولا لسه؟

ماما أمولة يقول...

استاذي فشكول باشا

ربماتجمعنا اقدارنا ذات يوم بعدما عز اللقاء واذا انكر خل خله وتلاقينا لقاء الغرباء ومضى كل الى غايته لا تقل شئنا فان الحظ شاء .

mahasen saber يقول...

وذكريات بتجيب ذكريات

وايام بتلف تلف وتورينا ناس حلوه ارتبطنا بيهم حتى ولو فى الخيال

ايه ده يا عمنا الغالى
دى مشاعر من اجمل وارق ما يكون مشاعر حب الصبا صحيح

بس اكيد الواقع بام محمود احلى اكيد

وبالاحفاد ليس له مثيل

تعيش وتشوف ناس بتحبهم يا عمنا الغالى

mahasen saber يقول...

واعتذر بشده عن طول غيابى

اسفه ومتأسفه ووشى فى ارض البلوجر

ريمان يقول...

سيدى يا سيييييييييييييييدى



ايه ده ايه ده

ايه ده كله ايه ده كله

بوست رومانسى على فشكول


لا لا مانقدرش على الكلام الجميل ده


ازى حضرتك عامل ايه يا رب تكون بخير

المره دى الموضوع مختلف ولون كتايه جديد وبجد جميل اوى اوى


تحياتى ليك يا اجمل فشكول فى التدوين

لو عرفوه هيحبوه يقول...

السلام عليكم ورحمه الله وبركاته
الا تنصروه فقد نصره الله
: ان كنت تريد نصره النبى صلى الله عليه وسلم
فندعوك للمشاركه معنا فى حمله لو عرفوه هيحبوه لنصره النبى صلى الله عليه وسلم
نسعد بذلك

لو عرفوه هيحبوه يقول...

السلام عليكم ورحمه الله وبركاته
الا تنصروه فقد نصره الله
: ان كنت تريد نصره النبى صلى الله عليه وسلم
فندعوك للمشاركه معنا فى حمله لو عرفوه هيحبوه لنصره النبى صلى الله عليه وسلم
نسعد بذلك

”*°•.˜”*°•..سونه..•°*”˜.•°*”˜ يقول...

السلام عليكم
استاذى العزيز اخبارك ايه
واى ارومنسيه دى كلها
سيدى ياسيدى
اسلوب جميل من شخص بحترمه كتير
تحياتى ليك اختك الصغيره سونه.

الكحيان يقول...

إيه الحلاوة دي ياعم فشكول..إيه العظمة دي قيس بن الملوح أم رميو ؟ رائع واضح إنك كنت رومانسي قوي قوي ولعلك مازلت رومانسيا. بس ياترى الحاجة عرفت بالموضوع؟ بس كده إنت هتشعل حرب أهلية وفتنة طائفية بين ثلاث جهات: "فشكول" و"أحوال الهوى" و"الكحيان" لأني كنت باستعد لإنزال بوست عن الشيء الذي يسمونه (( الحب)) لكن كده هضطر أنسحب حقنا للدماءولا إنت إيه رأيك؟ على فكرة غير معروف بعت لك تهديد في المدونة عندي وقريبا هتلاقيه خارم الجرنال وقاعد لك على ناصية المدونة ويجعله عامر .

فارس عبدالفتاح يقول...

غرام ووجد واشتياق ولوعة وهجراً وتعزيب به العمر يذهبُ

فللوصل يحييني وللهجر قاتلي وللموت ياتيني ولا انت تحجبُ

فلو كان لي قلبان عشت بواحداً وتركت قلباً في هواك يعذبو

اهداء الى الاستاذ ابو الفشكيل الرومنسي

اهااهاهاهاهاهاااهاهاهاهاهاها

على فكرة يا استاذ مشفتناش العروسة

كلمات من نور يقول...

إبراهيم ناجي والأطلال وكلام رومانسي جميل ما شاء الله ....لا تمسح ما كتبت فلا يوجد فيه ما لا يليق..على العكس إتجاه جيد أن نرى فشكوول الرومانسي الحالم

ঔღঔ نـــوارة ঔღঔ يقول...

جااااامدة موووووت

الذكريات جميلة وبتفضل معنا طول العمرررر

رومانسيتك واسلوبك يجنن

دمت بالف خير

قلم رصاص يقول...

ههههههههههه

مش معقول ياعمو صلاح

انت يطلع منك كل ده

بس الموضوع بصراحة يجنن وأسلوبك جمييييل جدا والله

كل يوم بنكتشف فيك شخصية جديدة جوا عمنا فشكول أبو الشخصيات كلها

ابس انا انضم لرأي أخونا الدكتور بنجاواتي ويجب حذف البوست فورا حقنا للدمااااااااء في البيت
ههههههههههههههه

دمت في ابداع وتميز

في حفظ الله

ضحكات الحياة يقول...

السلام عليكم

عم فشكوووووووول ايه الرومانسية دى كلها كنت مخبيها فين

البوست جميل و رائع و أحلى حاجة اسلوب الكتابة اللى عجبنى جدااااااااااا و التعبيرات الصادقة الجميلة التى تحيى النبض و الوجدان و تبعث الأمل

و اهم حاجة ان احنا نتمسك بالحاضر و لا نجرى وراء الماضي

و تحياتى لك

مصري جدا يقول...

طب وتحذفة لية
دنا قلت بس أمسك وهلاقي بلاوي
لقيت اخر رقة وحونية
طبعا مستنهز ان سوتيتة مسافرة وعامل حفلة
وديني لقول لها

طب هات ربع جنية

Haytham Alsayes يقول...

كلام جميل وعجبني ودخل الدماغ
بس للا سف الواحد مفتقد الرومانسية بسبب الضغوط الكتيرة اللي علينا كشباب علي العموم انا اتشرفت بزيارتك
تحياتي

عمرو يقول...

أستاذنا الفاضل ..
بعد قراءة كلماتك شعرت بحنين جارف لمكتبة كلية الآداب .. و ردهات الكليه و ممراتها .. و الشباك اللى كنت بأطل منه على بحر الاٍسكندريه الشتائى فى قاعة المحاضرات و عقلى كان بيبقى شارد فى مكان تانى خالص .. و برائحة المطر فى شارع الترام ..
أيييييه يا أستاذنا .. أيييييه .. 30 سنه عدوا اٍزاى بسرعه كده ؟؟
بجد عدوا اٍزاى بسرعه كده ؟؟

محمد عبدالرحمن شحاته يقول...

قمة الرومانسيه وفروسية الخيال العاطفي
دا احنا نفسنا نعمل زيك كده والله
حقاً(تعلموا من الكبار فان فارق العمر بيوم يعد عمراً كاملاً وخبرة حياه)
بس الموضوع جميل جداً
ليه بتفكر تحذفه؟؟؟؟؟؟؟؟؟؟؟؟؟؟؟؟؟؟؟؟؟

نفرتارى يقول...

بابايه فشكول ،،
وحشتنى جدا جدا جدا واحفادك الحلوين .. اشكرك على سؤالك واهتمامك .

ابنتك العزيزة
نفرتارى

معتز شاهين - باحث تربوي يقول...

تحياتي يا أستاذنا واعتذاري عن التأخير

الحب القديم رجع ولا أيه ؟؟

ربنا يسهله
وتشيل البوست ليه هو الحب عيب
ده الله عز وجل جعله اسمى عبادة
والإسلام تعامل معها بأسلوب راقي
لأنه عارف انه طبيعة وفطرة الله هو الذي خلقها فلم يخالفها فتنتكس النفس

طب سمعت الحديث ده قبل كده
قال رسول الله - صلى الله عليه وسلم - : لم ير للمتحابين خير من النكاح

شفت الإسلام دين متسق مع الطبية البشرية أزاي ؟؟

تقبل مروري وتحياتي

ويبقى التواصل

smilyrose يقول...

السلام عليكم

ما اجملها من ذكريات الحب البرئ

وما الحب الا للحبيب الاولى

جميلة تلك المشاعر والدى العزيز

واجملها تلك البراءة

التى مازالت بداخلكما

دمت والدى

وردشان

روح الحب الصادق

mosooz يقول...

تؤتؤتؤتؤتؤتؤتؤتؤ

احنا مش متعودين على الحاجات دى
اية الرومانسية دى كلها

موضوع مية مية

علشان الناس تعرف بس يعنى اية رومانسية ..مش الكلام بتاع اليومين دول.

تحياتى استاذ فشكووووول

احساس نفس هادئه يقول...

لا تحذفها يا عم فشكول هذه مشاعر صادقه
سلمت اناملك لك مني اجمل تحية

aidy يقول...

تقل تقل شيئنا فإن الرب شاء

عم فشكول انا كده هعتزل الكتابة بتاعة القصص والخواطر

لأن اسلوب حضرتك بجد جميل جداااااااااااااا

حسيت انى بقرا اجمل القصص الرومانسية
اجمل من غادة الكاميليا و آنا كارنينا

بجد مشاعر اكثر من صادقة

assafo anaroze يقول...

عمي و حبيبي فشكول
انا زعلان منك خالص من زمان مازورتنيش
لا صدقا انا زعلان

بستان الحب يقول...

أستاذ فشكول أحاسيس رقيقه ومشاعر فياضه ليتها كانت لانسانه تدين بدين الاسلام لاننى فهمت من تدوينة حضرتك أنها ليست مسلمه ،اعطى اوامر للقلب ان ينساها لانه من احب قوم حشر معهم جزاكم الله خيرا ودمتم فى طاعه

وفاء بركات يقول...

السلام عليكم
أ. فشكوول انا مصره علي عدم حذف البوست أكثر من قبل بعض التوضيح وبأقترح علي حضرتك توضيح القصه وطريقة إتخاذ قرار الفراق رغم صعوبته علي قلبيكما الصغريين وهذا النضج في التفكير والأبعاد اإجتماعيه لو تم هذا الموضوع ليتعلم أبناء هذا الجيل كيف كنا نفكر وخصوصا
وهذه المشكله مازالت قائمه وتسبب مشاكل
خطيره .
مع وافر تقديرى وإحترامي لكم وللست العظيمه الحاجه أم أسامه ربنا يخليكم لبعض

احلام جوليا يقول...

هه اذا هكذا يحب الاستاذ فشكوول
الجانب العاطفي الذي لم نراه من قبل
اظنك محق يا استاذ فشكوول من الواضح انها كانت على غير دينك مسيحية ومسلم فيوم الاحد لها ويوم الجمعة لك ولو اكتملت قصتكم لكان كلاكما تعيسا واولادكم اتعس وافترقتمنا بالنهاية قرارك كان سليما ولكن للقلب شأن اخر
فقصص الحب المخلدة هي القصص التي لم تكتمل لانها لو اكتملت لتغيرت الصورة خد بالك يا استاذنا لو الحجة قريت البوست ده مش حيحصل كويس
نرجع للبوست ونقول هو رقيق قوي ومشاعر جياشة لشاب عاطفي حالم كان مستخبي جوا الشيخ فشكوول بس حاسب من الحجة الله يخليك لحسن ميتبقاش لك ايد تكتب لنا بها الكلام الحلو ده
ودمت لنا بكلماتك الراقية

أحــوال الهـوي يقول...

فشكووول
يا عمنا ماتقلبش علينا المواجع

الحب الاول هو الاول و لو تفلسف المتفلسفون

لن ينسي

الله يسمحك رجعت عمري سنين

تحياتي

أحــوال الهـوي يقول...

فشكووول

فشر انت الاصل بس اللي عارف الاسم من الفيس بوء

و ما فيش حاجه بتستخبي

تحياتي

أحــوال الهـوي يقول...

فشكووول

اهبد و لا يهمك

اللي علي راسه بطحه هو اللي بيخاف

و علي فكرة انا عندي اسلحه لسانيه نوويه محظوره

و قد ازعر من انذر

تحياتي

dodo يقول...

السلام عليكم
ايه ده كله ياعم فشكول اسيبك شويه ارجع الاقيك سايب التاريخ ومركز فى الرومانسيه الله الله على جمال اسلوبك فى كلام الهوى ممتاز وكلام التاريخ رائع
شكرا على البوست الجميل

فاروق عادل يقول...

ياعينى يا عينى

اسلوبك جميل جدا يا استاذ فشكول

فاروق عادل يقول...

واوعى تحذفة

MaNoOoSh يقول...

طب عدى اللقاء كده يعني من غير ولا كلمة

ربنا يكون فى عون قلوبنا الي تاعبينها معانا دي

(ابقى خبي البوست بقى من الكمبروتر لحسن حد يعمل تحالف مع الحجة ويوريهولها)
هههههههههههههههههههه

قوس قزح يقول...

هو من امتى القلب له عمر !!
بس هو القلب بيفضل متعلق دايما بالحب اللى راح و يقعد يحلم لو كان كمل كان زمانه احلى حاجة فى الدنيا

بس زى ما قلت الواقع احلى

لا داعى للحذف ..مشاعر يمر بها البعض و يتمنها البعض الاخر :)

اسماء واحلام فى وجدانى يقول...

كانت العلاقه العاطفيه ايامنا كلها احترام للأخر وان العشاق ينتقون الكلام ويحرصون على العفاف وكان كل منهم يحرص على عدم ايذاء الاخر وحتى لو صدر منه تصرف خارج احيانا والامر لا يسلم كان يعقبه الاعتذار سريعا

على فكرة يا فشكولى ده كلامك


الناس دى لسة موجودة بس صعب يظروا فى وسط الدوشة دى زمن الفضائيات والكليبات والاغانى المثلجة
زمان كان الشاعر يألف الاغنية باحساسه وبمشاعره بغيره وكان الملحن يسهر ويعرق علشان المقدمة بس وكان المطرب يفضل فى تدريب مستمر وتلاقى فى يوم الحفلة البلد كلها سهرانة مستنية
تعالى النهاردة المؤلف هو نفسه الملحن هو نفسه المطرب هو نفسه الموزع هو كل حاجة طبعا انت بتقول هو الواد احمد بيخرف ولا ايه
انا مش بخرف ولا حاجة بس كل جيل وله سالبيته واحنا بصراحة سالبيتنا كتير اوى بس مش معنى كده ان الجيل كله كده لا فى ناس امتداد لزمان بس تفتكر هيظهروا ازاى

وحياتك يا عم فشكول لو فهمت حاجة من كلامى قولى لانى مش عارف انا قلته ليه

اسماء واحلام فى وجدانى يقول...

فشكولى الحبيب

حضرتك ليه بتخبط فى المحتلين عن الفراشة انت مش اللى يخبط فى محتل ممكن مدونته تحتل انا حذرت بس

المعلم محمد صاحب المطعم - طعمية سخنة يقول...

خايف عليك من المدام في البيت
او صعلوك ب خمساية يقر و يعترف عليك
ما علينا :D:D::D لو حضرتك تحب تشترك معانا يا ريت الايميل في كومينت

عاشقة الأحزان يقول...

السلام عليكم

ما احلى كلماتك عن الماضى

وما احلى الرجوع الى الزمن الجميل

ربنا يبارك فيك ويحفظك ولا اتحرم منك يا حبيبى

تامر علي يقول...

ولا يهمك يا استاذ فشكول ... كلنا هذا الرجل .... لكن فعلاً الواقع "أسلم" زي ما حضرتك قلت بالظبط :))))

تحياتي لهذا القدر العالي من الرومانسية المستخبية:)

محمد الجرايحى يقول...

عمنا الجميل : فشكووول باشا
ذكريات داعبت فكرى وظنى
كيف أنساها وقلبى لم يزل
يسكن جنبى...

تحياتى

gogo!sf يقول...

يالهوى يا مستهوى يا فشكول

شوفت الاوزة اتفشكلت كده

على العموم مافيش افضل من صدق المشاعر خصوصا لما تكون بتفكر الواحد بأسعد ايامه ذكريات جميله ربنا يدمها عليك ذكريات ويخليلك الحاجه ام اسامه

ووقعتك مش هتعدى لو فكرت فى حد غير الحاجه انت حر

انا جايه بس اهدى النفوس مش اكتر


تحياتى لاجمل ذكريات واجمل فشكول فى الدنيا

جوجو

آفشنا حرامي يقول...

فشكول يا عمنا

رايك يهمنا

وحضورك بردة يهمنا

حلم بيعافر يقول...

حب؟
الدنيا كانت زمان سهلللللللللللللة

Me7'o يقول...

عمنا فشكووووووووووووول

نورت المدونة يا باشا
ولو نورتها تانى
هتلاقى مفاجأة ليك

تحياتى

ن يقول...

السلام عليكم
أستاذى الغالى ..فشكول
اولا كيف حالك اتمنى ان تكون بخير
ثانيا .. ايه مشكلة مدونة الدكتورة سول المدونة مش موجودة ليه .. انا قلقة عليها من فضلك شوف ايه الحكاية
مع خالص تحياتى

جارة القمر يقول...

مش مصدقة اللي قريته

حرجع اشوف واجي

احجز المقعد 100

جارة القمر يقول...

والدي الطيب

الحي لايعرف عمرا

ولا جنسا او حتى لونا

الحب احساس يسكن فينا ماحيينا


هو القدر يمنحنا الهدايا


التي تعطينا احساس اللذة بحياتنا


احببت حبك لليلى ابتسمت وانا اقرأ كلماتك


دوما انت رائع

************

اسفة للتأخير جهازي كان عطلان

كن دوما بخير

قيس بن الملووووح يقول...

حبيب قلبي فشكول
ايه اللي حصل هيه المدام سافرت الحج من دلوقتي وانت بقيت علي حل شعرك.
علي فكره انا مبسوط قوي من هذا البوست وانت رجعتني للزمن الجميل... فما زالت رغم افتراقناوحتي هذا العمر ترافقني احلامي تلهمني بعض خواطري تفرش في طريقي الزنابق وتنزع منها كل البنادق تلطف من هجير الصحاري التي اسكن فيها...تصور منذ ثمانية وعشرون عاما لم تكتحل عيناي بمحياها لكنه لا يغادر خيالي ...اتعرف ان الخاطرة الشعرية التي كتبتها في ذيل احد بوستاتي كانت هي صاحبتها منذ اكثر من ثلاثين عاما قبل ان ادخل في سجن الزوجية واسلم للسجان دفاتري واقلامي.
حرام عليك يا حبيب قلبي فشكول انت قلبت علينا الذكريات الجميله وبالتالي ضخمت صورة الواقع الاليم.
امضي فشكول امضي

marmar يقول...

عمي فيشوووو الطيب

بجد بجد عجبتني اوي القصه الصغنتوته دي وعجبني سردك ليها اوي يا استاذنا
ولله جميله جدا وعايزينك كلنا كلنا تكتب كده كتيييييييير
ده حضرتك طلعت اكبر رومانسي في الدنيا يعني يا عمي يا فيشو يا جميل نعمل ايه احنا في الكلام الجميل اللي طالع من قلب زي السكككككككر ده

هانى زينهم يقول...

مالها البوستات دى بس يا عم الشباب . ربنا يكرمك بجد والله حاجة راقية جدا ومشاعر جميلة جدا . والتعبير عنها كمان كان انسانى اوى . مش عارف ليه لما بنحب مش بيهمنا شكل المحبوب مهما كبر او طال بيه الزمن .

سمكه واحده يقول...

الله الله الله
بقي انا اغيب كل ده ارجع الاقي الحجات دي توء توء توء
هي فين المدااااااااااام هي فيين
لا هتوهالي انا عاوزه اكلمها

اذيك يا عم فشكول اخبارك ايه معلش بقالي كتير مجتش بس جيت علي حجات جميله اهو
عوزنا نرجع زي زمان قول للزمان ارجع يزمان
مش انت لوحدك بس اللي حافظ ام كلثوم اه انا بقلك يعني

نبراس العتمة يقول...

نقول بالمغربي
" اتشيعت بلا مايوه"
أترك أسافو يشرحها لك إذا كان ضروري
والقصد
أنك كسرت ظهر البعير بشعرة معاوية هذه..ممكن أقول تجرأت على نفسك..
وهذه شجاعة أحييك عليها
لأن القلب الكبير
هو للإنسان
وأنت
إنسان
خاطرة روعة ياترى متى أكتب مثلها
مودتي للمرة المليون

micheal يقول...

وتحذفه ليه يا عم فشكول
خلينا نقرأ ونعرف اللي جواك
:)
تحياتي وإحترامي

أم البنات يقول...

احيانا رائحة عطر أو نسائم الربيع او حتى اغنيه قديمه
تجعلنا لا نستطيع ان نوقف زخات الذكريات المنهمره على قلوبنا
ايا" كانت ...وسبحان الله اجمل ما فى الذكريات انها لنا وحدنا تخصنا وحدنا نتذكرها دون ان يشاركنا أحد فيها إلا اذا رغبنا ان نمنح بعضهم جزء منا

وكما فعلت ياأخى الفاضل
شاركتنا لحظات ..جميله لانها لن تؤثر فيما سيأتى ان شاء الله..ولم تؤثر فيما مضى..لانها مضت
فقط تذكرت اوقات جميله...ذكرتك بانفعالات لم تعد تحضرك....إحم يعنى من غير زعل
السن..هذه الارتعاشات والانفعالات لا تأتى فى عمرنا هذا إلا لما يجى لنا نزلات برد وانفلونزا
سؤال ...يلح
كنت مخلى بالك من الفشاكيل فى المراهقه؟
ربنا يعديها على الكل بسلام

ستيته حسب الله الحمش يقول...

لا ينفع تروح لها الأحد ولا هي تيجي لك الجمعة ولا حتى حد ها يفكر فيكم يعمل كده

ايامها حتى الشباب كانوا عاقلين

بس تصدق
انا قلبي حس بكل كلمة انت كاتبها

اصل المنوفي لما يحب -واصلا هو طبعه خجول- بيكون بيحب بضمير

تحياتي على شوية الرومانسية الرائعة دي

ياترى اديت منها اي جزء للست أم محمود والا لجوليا حلال ولعائشة حرام؟

*البت المشمشية *حلوة بس شقية * يقول...

فشكول العاطفى

يابخت الحاجة والله

*البت المشمشية *حلوة بس شقية * يقول...

بجد يعنى شكرا لسؤالك كل شوية عنى
انتا بجد راجل محترم جدا

اسماء واحلام فى وجدانى يقول...

الف سلامة على جهازك يا والدى الطيب

غيابك والله ده كتير علينا اوى

يارب تتصلح بسرعة يا عم الكمبيوتر

hinger يقول...

اسلوبك رائع
ومدونة جميلة
مع تحفظى على بعض الاشياء

"النجم القادم"رابطة مدونون من أجل فلسطين يقول...

===========================
جديد مدونة اوعى تخاف
رسالة من م . أسامة محمد سليمان
أحد المعتقلين على ذمة القضية المعروفة بقضية فارس بركات
الذى القي به ناجى الجمال ضابط أمن الدولة بدمنهور من الدور الرابع

فقط وحصريا على مدونة اوعى تخاف

elsha3er يقول...

السلام عليكم

عمى فشكول ان شاء الله خير هى ممكن تكون مشكلة ويندوز مش اكتر

منتظرين جديدك


تحياتى



احمد الشاعر

فارس عبدالفتاح يقول...

والله انا مش عارف حضرتك كتبت التعليق ده امتى عمتاً ان على النت من الساعة 9.00 صباحاً حتى 1.00 ظهراً

ويا رب يكون خير

اوراق قديمة يقول...

يااااه
معقول عرفتو بعض
قد ايه موقف رومانسى
رجعتنى انا كمان سنوات للوراء صحيح مش كتير كده لكن اهى سنوات
ومين يقدر ينسى الحب الاول اوينكره
ومين ينسى اول دقات القلب
البوست رائع ومفاجىء
ياريت كنت حكيت لنا تفاصيل اكتر
شكرا يا استاذنا
ام محمد

عاشقة الأحزان يقول...

وحشتنى قووووووووووووووووى

ومنتظرينك لاخر العمر ياغالى

ربنا يطمنا عليك ياغالى
ربنا يديك الصحه وطولت العمر

بحبك قوووى

نوسه النوسه كونوسه

tarek momen يقول...

تقدر تحذف البوست من المدونة
لكن هل تقدر تحذف الذكريات من عقلك
صعب يا صاحبي
تحياتي

ঔღঔ نـــوارة ঔღঔ يقول...

الف سلامة على جهازك :))

يارب تصلحه وترجعلنا بسرررررعة

تحياتي

الازهرى يقول...

الكلام ده ولا يخش دماغى اساسا

واضح كده ان الحاجة اخدت بالها من شوية الرومانسية دول وبدأت تقلق واخدت لك كام قرصة ودن كده غير الاحتجاز
او
اكتشفت موضوع انك ضحكت عليها فى التليفون وبلغت عنك النائب العام
او
وده اللى انا خايف منه تكون وقعت فى ايد المجلس القومى لحقوق اياهم
ويبقى رحت فى شربة ميه

ربنا يعينك

ن يقول...

السلام عليكم
أستاذى الفاضل .. فشكول
شوف يا استاذى انا محتجةوعاملة مظاهرة
لا بوست جديد قبل تعليق استاذى الغالى
البوست الجديد جهز عندى بس مش هيخرج الا لما تنور المدونة الاول
انا اتعودت انك تكون معايا فى كل بوست ولا الظاهر ان عجبك الموضوع الرومانسى ده ومش عاوز تخرج من هنا عمال تتذكر فى ذات الوجه الحسن وجايبلنا فى الصورةوش فاضى احنا كمان عاوزين نشوف .
بس خلى بالك من الحاجة الغيرة مرة وارجوك خبى الساطور واكياس البلاستيك السوداء اعمل معروف وخلى البوست ده يعدى على خير .
مع خالص تحياتى

م/ الحسيني لزومي يقول...

يا حبيبي
تمرد وثوره علي الحاجه قبل ما تسافر...اه يا خوفي منك يا بدران

نادية العسري يقول...

عزيزي فشكوول
أتمنى تكون بخير
قصة حلوة وسرد جميل
شكرا لمرورك واضافتك الرائعة
وانشاء الله افتح مدونة على البلوج سبوت
تحياتي

حسام عامر يقول...

بوست جميل إوعا تحذفه
سردك رائع جداً وإسلوبك الساخر أمتعني للغاية

واحد من العمال يقول...

السلام عليكم

مبلاش ذكريات على الهوا ياعمنا
ده أنت حالتك صعبه خالص
مش خايف الحاجه تشوف الذكريات والتنهيدات دى ولن يشفع لك قول قلبك
" الواقع احلى "

ودمت بخير ياعمنا الرومانسى

elsha3er يقول...

منتظر جديدك ياعم فشكول


تحياتى


احمد الشاعر