الأربعاء، ١٥ سبتمبر ٢٠١٠

الرجاله ... العشره بقرش

فرحان بايه .. جاتك خيبه



السلام عليكم

عيد سعيد وعمر مديد وكل عام وانت جميعا بخيرويعيده الله عليكم بالخير واليمن

والبركات

اليومين دول انا عندى فى البيت مرستان .. عربخانه .. مولد وصاحبه غايب


بنتى جات من السعوديه فى اول رمضان ومعاها حبيبة قلب جدها ملك وحبيب قلب جده محمود اللى وديته المطار من حوالى سنه ونصف وعمره 30 يوم .. ورجع بسم الله ما شاء الله. ربنا يخليهم ويبارك فيهم عندى بقى فى البيت احمد ابن اسامه .. ربنا يحرصهم ويخليهم ويبارك فيه هو كمان .. بس هو موجود عندى تقريبا طول ايام الاسبوع وقاعد يلعب مع جده لوحده وواد مؤدب خالص والله .. قوم ايـــــــه .. لما جاء له ملك ومحمود ولاد عمته واتحدوا الثلاث عيال مع بعض .. عينكم ما تشوف الا النور .. لا كرسى مطرحه .. ولا كبايه ولا شلت الانتريه مطرحها والبيت من اوله لآخره زباله .. اكياس شبسى .. واكياس مش عارف اسمها ايه .. ومكعبات .. وبقيايا اكل فى كل حته .. والبيت يضرب يقلب .. بس حلو ربنا يديمها ضربان قلبان ..

قوم ايـــــــه .. الواد محمود الكبير بقى عامل فيها راجل وكل يوم يشخت فى العيال ويمكن اديه تطول عليهم .. اقوم انا ارد له الصاع صاعين .. انت يا خويا عامل فيها راجل وما حدش قادر عليك .. انت يا بنى ما قريتش فى العلوم شويه وعرفت ان حكاية انك راجل دى ما بقتش عجبه ولا بقت لها لزوم خالص .. يا بنى دول حيخلصوا على جنس الرجاله قريب .. ازاى يا بابا .. قلت له .. اقول لك ازاى .


يا ابنى ربنا خلق آدم من تراب .. وعشان استمرار النوع خلق له حواء من ضلعه واستمر الخلق من يومها لحد النهارده بالطريقه دى وربنا وازن الكون ووازن البشر بالطريقه دى كل راجل يلاقى له من خلق الله حواء وكل حواء تلاقى لها راجل .. قوم ايه .. الخلق بقى الظالمين لانفسهم ومن يوم خلق آدم لحد النهارده الرجاله عامله فيها قمع ومنفوخ وعاوج رقبته كأنه الزناتى خليفه ولا ابوزيد الهلالى .. ويا ارض انهدى ما عليكى قدى ..

قوم ايييييه .. العلماء جابوا دبوس وفرقعوا بيها البلونه دى وقالو للراجل .. يا عم مش عايزين رجاله خلاص ما لكوش لزوم ولا لكم اى قيمه فى الدنيا دى .. ونانوييين يسلموا الرجاله كلها اللى فى العالم للستات ويجمعوهم فى ميدان عام وبالرشاش .. تك تك تك تك بوم ..لحد ما يخلصوا عليهم ويخلصوا بقى من النفخه الكدابه دى واللى عايزه راجل بعد كدا لأغراض البحث .. خدتوا بالكم لاغراض البحث .. دى الحجه اللى حيجيبوا بيها رجاله .. لاغراض البحث .. هما اللى بيقولوا .. اللى عايز يروح يجيب من الجبانه اى حتة عضم ولا شعرة راس لاى راجل ويجيب بويضه من اى واحده ويعملوا استنساخ وطبعا حيكون فيه علماء يحللوا ويحرموا ازاى .. ما تقلقوش موضوع التحريم والتحليل ده حيكون له حل .. المهم حيلقحوها فى بويضه ويجيبوا راجل لاغراض البحث برضه وكفى الله المؤمنين القتال .. ويجيبوا رجاله على قد ما هما عايزين ولا الحوجه لكل الرجاله الكتار اللى فى العالم دول ..
اما يا ابنى النساء فمفيش غنى عنهم لانهم هما اللى عندهم البويضه وممكن نستغنى عن الراجل بس البويضه ما لهاش حل الا من النساء عشان كدا ح يبيدوا الرجال بالكامل الا لأغراض البحث يعنى ممكن نجيب حتة الـ DNA من اى عضمه من الجبانه وخلاص ما فيش مشكله ويزرعوا البويضه فى رحم الام وما فيش بربلوم خالص والتفاصيل بقى ابقوا اسألوا عليها الدكتوره ستيته الحمش ..

ومش عايزينكم يا رجاله يا مغرورين . وفى الآخر مش حنلاقى رجاله الا فى اقفاص جنينه الحيوانات والاطفال البنات بقى بيتفرجوا عليهم وبيقولوا لهم خد الموزه دى واعمل عجين الفلاحه والراجل جوه القفص يفرح بالموز ويعمل عجين الفلاحه والبندريه وعجين اهل الصحراء وكل العجائن من اجل صباع موز وياخد صباع الموز ببلاهه ويفشخ بقه ويضحك ضحكه هبله زيه وياكل صباع الموز.. حيوان .. وتختل الموازين وتتغير فطرة الحياه وتبوظ التعادليه اللى ربنا حافظ لنا عليها واحنا من هبلنا وغرورنا حنبوظها.


طب ما فيش رجاله .. والبنات يا عينى عايزين يتجوزا .. فطرة الحياه .. ودى سلعه ناقصه خالص ونادره بالمره ولا يوجد رجال الا لاغراض البحث وفى جنينه الحيوان .. تعالوا بنا نشوف ايه اللى ممكن يحصل؟ قوم ايييه ... زعيمة النساء فى العالم ورئيسة العالم حتعمل ايه ؟ حتروح بقى حديقة الحيوان .. قصدى حديقة النسانيس وتاخد نسناس .. قصدى راجل .. وتاخده القصر معاها .. لاغراض البحث.. وقبل الفجر يكون رجع للقفص بتاعه تانى ..

ومره واتنين وتلاته والعمليه تشيع بين الناس وياخد بيها خبر كل النساء فى العالم والثوار من النساء يروجوا بان موازين العداله اختلت فى العالم ولا توجد عدالة توزيع للثروه وان الزعماء والقواد الصغيرين يستأثرون لنفسهم بالنسانيس وبانه لا يوجد عداله وعشان الواحد ياخد حقه لابد ان يكون من الزعماء او الكبار للنسوان وتقوم ثوره عالميه ضد زعماء النساء .. وتتجه جموع النساء الى حديقة النسانيس .. قصدى الرجاله .. اللى هما تلاته ولا اربع رجاله او يمكن خمسه فى خمسة اقفاص ومن كتر الزحمه اللى تاخد شوية شعر واللى تاخد دراع واللى تاخد ركبه وكل واحده ونصيبها بقى ..

باختصار حيقطعوا الرجاله اللى فى الاقفاص حته حته وتقوم حروب لحد ما ينتهى صنف البشر على الارض عشان احنا اخلينا بفطرة الله على الارض .. ربنا عمل تعادليه فى الحياه .. ربنا بيخلق لكل راجل ست ولكل ست راجل والدنيا تمشى

.. نداء لكل الرجاله

خدوا بالكم من نفسكم واحرصوا على نفسكم قوى .. اصل ما عادش لكم لزوم ولا فايده .. ممكن يعملوا رجاله زى ما هم عايزين وبراحتهم .. حتى حفظ النوع اللى انتم بتتفشخروا بيه .. مابقاش له لازمه ..


مين هناااااااااااااااااااااااااااااك ... البندق يا جدعان ..

الحقوووووووووووووووووووووووونى



هناك ٤٦ تعليقًا:

Unknown يقول...

السلام عليكم ورحمه الله وبركاته
كل سنه وحضرتك طيب ...و حمدا لله علي سلامه الأحفاد .
و كمان حمدا له وشكرا علي سلامتك ...
ما تغيب عنا تاني ...ياراجل يا طيب .

غير معرف يقول...

حمد لله على سلامة ملك ومحمود
ربنا يخليهم لك يارب
وتفرح بيهم دايما
كل سنة وحضرتك طيب

sal يقول...

الحمد لله
انا زيك واخد بالى قوى
وحريص ...بس كاتب فى وصيتى انى متبرع
لاغراض البحث بدون حدود
ههههههه

كل سنه وانت طيب
يا راجل يا طيب

ربنا يبارك لك

Haytham Alsayes يقول...

عمو فشكول
ايه دة
كل دة اغراض بحث
ههههههههههههههههههههه

المهم ربنا يخليك لهم ويخلهم لك ويلعبوا وينبسطوا براحتهم

تحياتي

Tears يقول...

ربنا يخليلك احفادك و تجوزهم و تفرح بيهم


عيد سعيد

جايدا العزيزي يقول...

فشكووووول

اولا عيد سعيد

ثانيا ربنا يخليلك احفادك

اعز الولد ولد الولد

ربنا يبارك فيهم يارب


تحياتى

gogo!sf يقول...

صباح الرجوله يا عم فاشكول
استنساخ ايه واغراض بحث ايه بس يا سيدى اللى تخلينا نستغنى عن رجالتنا

هو ليه كل اختراع يعملو لازم يكون عكس الشريعه
هى الناس ناقص كفر
الله ينعلهم وينعل افكارهم اللى هتخلينا احنا اللى ملناش لازمه قال ملهمش لازمه قال
وقتها بقى لما ينقرضو اقول لاولادى ابوكو راح فين والموصيبه بقى لما يقولولى عايزين نشوف بابا اخدهم جنينه الحيوان قسم النسانيس يادى الفضيحه
اطمن لسه فى ناس كتير بيحبو يمشو على الشريعه الاسلاميه ومش بيحبو يعملو حاجخه من المحرمات

المهم الف حمد الله على سلامه بنت حضرتك واولادها
وربنا يحفظهم ويخليهم ويخلى حوده ويثبت رجولته اكتر على اولاد عمتوة وغيرهم كمان
هو بقى فى حاجه حقيقيه فى الدنيا غير الرجوله

تسلم على الموضوع المثير ده
تسلم الايادى
وكل سنه وانت طيب وعيد سعيد

ستيتة يقول...

اولا ربنا يخلي الأحفاد ويفرحك بيهم

ثانيا المدونة نورت لما كتبت فيها ووالله بدون مجاملة انبسطت جدا ان حضرتك كاتب حاجة جديدة

ثالثا حاطط ليه صورة ترابل اتش
ده حبيبي ومصارع كارثة وكان مع شون مايكلز فريق احلام بجد
انا والواد احمد ابني مدمنين مصارعة حرة :)

رابعا كنت لما بنت تقول الرجالة ماتوا في 73 كنت بتضايق جدا وبتنرفز وبزرزر بس فيه موقف حصل من كام يوم في الشغل
بصيت للراجل كده وقلت فعلا دول شكلهم ماتوا وانا اللي زي حمار جنينة الحيوانات بفهم متأخر
ها ابقى احكي الموقف البوست القادم ان شاء الله ولما حضرتك تقرأه يمكن بعده تغير رايك انت كمان


خامسا في الإستنساخ احنا لا محتاجين راجل ولا يلزمنا أشاسا
البويضة أنثى والخلية اللي بتتزرع فيها البويضة من جسم انثى والناتج طبعا انثى وفي رحم أنثى
يعني انقراض تام لصنف الرجال إلا بقى لو لظروف البحث العلمي :) دي محدش يقدر يمنعها ابداااااااااا


سادسا وده مهم جدا
لا حرمنا الله عشرة الرجالة الحقيقين يا عم فشكول وربنا يكترهم ويجيب رجالة عدلة تجيب رجالة عدلة تربي رجالة عدلة
ده اللي يقول اننا من غيرهم نعيش يبقى يا مريض نفسي يا خطر ع الإيييييييمن العام ونبندجه فورا
يالهوي
ده ان عشقنا فعذرنا أن في وجهنا نظر
وهذا لا ينفي اننا لازم ناخد حقوقنا زي ما هي مش ما يجود به علينا صنف الذكور
وبكده نتوازن نفسيا وربنا ينجي الأرض من حكم النساء الوحيدات المريضات نفسيا :)

تحياتي

أنا - الريس يقول...

هع هع هع
أما الحج اتخبا يا بووووووووي
جبل ما حد يجبض عليا ويوديني في داهيه ه
هيه هيه هيهيه هيه ه

البنفسج الحزين يقول...

عم فشكول
وحشتنا بوستاتك:
كل سنه وانت وكل أولادك وأحفادك بخير وسعادة...
الرجل والمرأة هما طرفي معادله الحياة
والتي لا تستقيم الا بتكامل أدوارهما معا ....ولا يصح ولا يمكن ولا ينبغي أن يستغني احدهما عن الاخر لأن هذة ببساطه....
(فطرة الله التي فطر الناس عليها لا تبديل لخلق الله)
تحياتي

Ramy يقول...

(:

طبعا كنت مبتسم طول البوست

ربنا يخليلك المرستان اللى عندك (:

يادى الأبحاث اللى طلعت عنينا

حمد الله ع السلامة

شمس النهار يقول...

حمد الله علي سلامة بنتك وزوجها واحفادك
ربنا يزودهم اكتر

:))

اما باقي البوست اسمح لي ما استوعبتش الفكرة

ومااعتقدش ان ده ممكن يحصل

كل سنه وحضرتك طيب

تحياتي

علاء المصرى يقول...

الأخ العزيز فشكول

عودا أحمداً وحمداً لله على سلامة من تحبهم ويحبونك لا تنقطع عنا يا أخف الأصدقاء

شاركنا فى ملتقى الأيمان على الرابط التالى http://alaaelmasryalaa.blogspot.com/

أتنين حبيبين يقول...

حمدالله على سلامة احفادك
وحمدالله على سلامة ابنتك واولادها
وربنا يحميهم كلهم ويطرح فيهم البركه

عيد سعيد عليك وعلى كل من تحب
وربنا يطمنا عليك

يا احن واطيب اب بالدنيا كلهاااااااااااااااا

وحشتنى طمنى عليك
توتا

اقصوصه يقول...

والله بيني وبينك بابا فشكول

حتى انا بعد احس ان الرجال

كائنات جدا مزعجه!

يعني متطلبين واتكالين وغالبيتهم

اقصد شباب هالجيل طبعا

يحاول التنصل باي طريقه

من تحمل اي نوع من انواع المسؤوليه

عاد بابا فشكول انته خليتني اليوم

اطلع الحقد الدفين ومشاعري

المكبوته تجاه الجنس الخشن

لووووووووووووول

قلم رصاص يقول...

هههههههههههههههههههه

والله اللي يقرب مني اقطعه ^_^

حمدلله على سلامة احفادك يا عمي العزيز

وربنا يخليهوملك ويخلليك ليهم يارب

وكل سنه وحضرتك طيب

كلمات من نور يقول...

هههههههههههههه بوست عيد هدية صحيح

بالنسبة للأحفاد يعيشوا ويلعبوا وياكلوا ويخربوا بمزاجهم داه على قلبك وقلب الحاجة زي العسل ........ابعد يا محمود عن العيال .....

أما بالنسبة للبحث العلمي ولزوم البحث فحضرتك مش واخد بالك هم شغالين فيه حاليا بحيث ميكونش فيه أي لازمه لإعادة أي بحوث علمية ولا نظرية ولا نسناسيه

هههههههههههههههه

عيد سعيد سيدي الرئيس الفشكولي

الازهرى يقول...

بقى الواحد كان مقضيها سفر علشان يهرب من أمه

طيب نهرب على فين علشان نهرب من الستات ؟

قلتها من زمان يا رجال العالم اتحدوا
ومفيش حد سمع كلامى

وآدى النتيجة

dr.lecter يقول...

فشر قال رجاله تتقطع قال

ادم المصرى يقول...

كل سنه وحضرتك طيب

وحمد لله على سلامت بنتك واحفادك وربنا يسعدك بيهم ويحفظهملك ويخليك ليهم ويخليهم ليك ويباركلك فيهم بأزن الله

richardCatheart يقول...

ههههههههههههههههههههههههههههههه

يا خرابى لالالالالالالالالالالا اعترض

انا اول الستات اللى هتقف فى وش الكلام دا امال مين هاينادى على بتاع الانابيب ويجيب السباك لالالالالالالالالالالالا كده كتير هههههههههههههه

انا سعيده جدا بكرمك ومجييك عندى سبقتنى والله بقالى فتره عايزه اعمل زياره ميدانيه للبلوج هنا

يارب ديما بخير وحبايبك حوليك عقبال ماتشيل ولاد ولادهم يارب

الشاعر الفنان أحمد فتحى فؤاد يقول...

حمد الله علي سلامة بنتك وزوجها واحفادك

ربنا يخليهم لك يارب

وتفرح بيهم دايما

كل سنة و إنت طيب و بألف خير

SAM يقول...

Dear friend, Peace

read carefully to try to understand the text. Use more to perception, the senses of the heart, because the translation of the text is not enough for me to opine responsibly.

همسات وبحــ الحياه ــر يقول...

حمد لله على سلامتهم
ربنا يخليهم دايما ليك

وبشكر حضرتك على الورد
يكفى انه منك عجوز ايه بقى لالالا
ربنا يديك الصحه

تحياتى

SHAPE YOUR LIFE (ABOALI) يقول...

جميل البوست السياسى المخضرم ده ذو الابعاد التى ترى من وراء المنظور

على العموم الرادال هايفضل رادل مهما عملوا فينا

ولو كلام بجد
احنا حاليا فعلا فى ازمة وفيه انقراض لفئة الرجاله وانتشار لفئة الذكور بحكم التكوين البيولوجى
انحسار الرجالة سيؤدى يقينا الى انقراض الاوطان وسيطرة القوة المعادية عليه

كنوع من التفكير الانسانى وكمساهمة منى

على من يظن انه راجل ان يسجل بياناته على صفحة من صفحات الفيس بوك
اسمها راجل وتحدى

وبكده نعرف نسوق الرجالة دول لعمل اتزان واقعى فى حياه الامة


هو يمكن الكلام مش مفهوم
بس المعنى لازال وراء البحار


تقديرى لما تكتب وطاقة ورد للاسرة واحفادها الرداله

فتــافيت (رحاب الخضري) يقول...

لالالالالالالالاع
انا اعترض بقى.. انا عايزة راجل ومش لاغراض البحث .. عايزة راجل من الفيرجن اللي كان نازل قبل 73 ..

هم صحيح حاسين انهم مخلوقين تانين.. ومنفوخين.. بس كل راجل منفوخ وله ست معاها دبوس تفش بيه

مبسووطة ان حضرتك رجعت تنور تاني

ربنا يخلي الاحفاد.. ويفرح قلبك بيهم

عمدة كفر المظاليم يقول...

السلام عليكم
مش حقول يا استاذ فشكول غير الله يعينك ويوفقك وحميهوملك يا رب
كل سنة وحضرتك طيب

غير معرف يقول...

ثقافة الهزيمة.. أسكندرية ...ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى www.ouregypt.us

Adabclub يقول...


السلام عليكم
ماشاء الله

مدونة اكثر من رائعة والله

اردت فقط ان اسجل مروري من هنا

مدونتي هنا

Unknown يقول...

كل سنه وحضرتك بخير يارب
وكل سنه واحفادك مالين عليك الدنيا ترزيع وتكسير واكياس شبسي كمان

:)

بس هو انا عندي سوال
محمود حالته عامله ايه دوات ؟؟؟

زهرة يقول...

عمو العزيز فشكول

حمد الله على سلامتهم وربنا يخليهم ويكبروا كدة وتجوزهم كمان

هى العيال بتعمل غلبه دايما فى البيت .. بس من غيرهم البيت ملوش طعم :)

وبعدين هو حضرتك متأكدمن أعترافاتك دى ؟!!

مضيت طيب على أقوالك .. ؟!!

ربنا يستر عليك بقى الفترة اللى جايه بما ان رأى حضرتك متحيز لصفوفنا نحن :)

يارب دايما تكون بخير

من أجل التمكين يقول...

أستاذ فشكووووول

فينك ؟
معلهش انا اللي مبدخلش من زمان مدونتي بس قولت انزل موضوع جديد و الحمد لله نزلته

و شوفت كلمة حق قولت أعدي على أستاذ فشكول أسلم لعيه بقى

ربنا يبارك فيك يا رب

المجهول يقول...

العيال كل ما بيكروا مسؤوليتهم بتكر .. ويفضلوا عيال حتى لو أتجوزا وخلفوا!!

ربنا يحفظهم لك ويحفظك لهم .. آمين.

lostlove يقول...

اولا ازززيك وايه اخبارك يارب تكون كل الاحوال تمام
ثانيه الف حمد لله علي سلامت العفاريت الصغيرن وربنا يخليهم ليك ويحفظهم
ثالثا بقي البوست دهوت
ىمحتاج مني عشان افهم نطاق بحثي واسع هبحث وافتش واعرف واجي افهم واعلق
تحياتي اتمني التوفيق

Unknown يقول...

فشكووول / باشا
أتمنى أن تعود لسابق عهدنا بك
قمة النشاط والحيوية.........

اشتقنا لقلمك وروعة موضوعاته

غير معرف يقول...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

لمزيد من التفاصيل أذهب إلى مقالات ثقافة الهزيمة بالرابط التالى www.ouregypt.us

جارة القمر يقول...

وحشتني

جيت اسلم على حضرتك واطمن عليك

يارب تكون بخير

مدونه هنا السناهره يقول...

مدونه رائعه وموضوع اروع
واتمني مروك في مدونتي

أم الأندلس الحبيب يقول...

موضوع عائلي جدا .. لكنه مهم .. ربنا يكرمك

ماجد العياطي يقول...

استرها معانا يارب

ياعيني عليك ياعم فشكول ..طول عمرك استاااااااااااااذ

الله ينور ياعمهم

الازهرى يقول...

؟؟؟؟؟؟؟؟؟

z!zOoOo يقول...

يالهوي يالهوي يا عم فشكول

وانت رضيت بكده ؟؟

تشوفنا بنتقطع قدامك كده وموافق وساكت

وبتحكي الحكايه ؟؟

:((

ثم علي رأي ليكتور

فشر ال يقطعونا ال

علطول هنعمل إجتماع عاجل

لجمعيه الرجل المتشرد المتمرد ونصحي حلف أبر إيجبت تاني

بالتضامن مع جمعيه المرأه المتوحشه بتاعه دكتوره ستيته وننسق العلاقات

ونعلن الحرب علي نساء العالم

والاهم فيه حل زي الفل

نقدر بيه نقضي علي الستات

إحنا نخليهم كلهم مع بعض

هما طبعا هيقطعوا بعض رغي

وكمان هيغيروا من بعض وهيعملوا مكائد في بعض

وفي النهايه هتبقي حرب أهليه نسائيه

وإحنا الكسبانين

D:

ربنا يخليلك احفادك وولادك يا عم فشكول

ويخلي الرجاله الجدعان

وابو عشره بقرش نرميهم للستات يقطعوهم

D:

كل سنه وانت طيب

تحياتي

z!zOoOo يقول...

اه نسيت اقولك حاجه

في مقط من كتاب لدكتور مصطفي محمود الله يرحمه بيقول فيه :

إن العلم من غير أخلاق هيخلق إنسان مادي جبار يهوي التدمير

:)

لما افتكر باقي المقطع هاجي اقولهولك

تحياتي

وفاء بركات يقول...

الف مليون حمدالله علي سلامة بنتك
وربنا يحفظ الأحفاد ويجعل بيتك عامر
دائما بخيرك والحاجة
بس انت فشكلت الرجالة وجبتهم لمس أكتاف بس انا كنت فاكره ان حضرتك حتتكلم عن تربل إتش وجدته مطروح أرضا ومسلم لك بالعشرة
ده كلام يخض نحن في إنتظار إشعار آخر
بإضافة تعديلات وظهور الرجال في ثوبهم الجديد سي السيد 2010 وربنا يوضع سره في أضعف خلقه
سلام بقهانا ماشيه وسلم لي علي الحاجة والآولاد

د/ أحمد حلمي صالح Dr. Ahmed H Saleh يقول...

تقبل مروري الاول لمدونتكم
ونتمنى لك عودا حميدا
الحجامة الرياضية أول مدونة تهتم بعلم الحجامة وتطبيقاته في المجال الرياضي كعلاج للإصابات الرياضية ، وتسريع استعادة الشفاء ، وفعالية التأهيل ، وكمنشط للآداء البدني . د . أحمد حلمي صالح Sports Cupping the first sports blog concerned with the knowledge of Cupping theray and its applications in the field of sports as a treatment for sports injuries, and speed up the restoration of healing, and the effectiveness of rehabilitation, and a booster for physical performance. Dr.Ahmed Helmy Saleh

التميز المثالي للخدمات المنزلية يقول...

شركة رش مبيدات بالدمام


شركة مكافحة حشرات بالدمام


شركة تنظيف شقق بالدمام


شركة تنظيف فلل بالدمام



شركة مكافحة حشرات بالخبر



شركة تنظيف شقق بالخبر


شركة تسليك مجارى بالدمام


شركة تنظيف بالدمام


شركة تنظيف سجاد بالدمام


شركة مكافحة حشرات بالاحساء


شركة مكافحة النمل الابيض بالاحساء


شركة مكافحة حشرات بالجبيل


شركة مكافحة النمل الابيض بالجبيل


شركة تنظيف منازل بالجبيل


شركة تنظيف شقق بالجبيل


شركة مكافحة النمل الابيض بالدمام


شركة تنظيف مجالس بالدمام